You are on page 1of 4

An Official Organ of The Bangalore Mizo Association Registered Under Societies Act of Karnataka No.

: BLU-S188-2007-08 Date 7 May 2007


Vol. XVIII Issue No.27 Bangalore Mizo Association Pathian Nitin Chhuak Chanchinbu Date: 14th Oct., 2012 Phek Khatna

BMA AW
Fak phu chu fak mai tur

TUALCHHUNG
$$ Pu RL Sanga a boral: Tahrikni 12, octber 2012 zing dar 6 vel khan Pu RL. Sanga (52), Chaltlang Aizawl chu pumna avangin a boral. Pu RL Sanga hi kan member Lalhriatzuala (Cotea) 2nd year BA Krupanidhi College leh Lalchhankimi BDS, Bangalore Dental College te pa niin; Nl. Lalhriatpuii (Juno) 2nd year BA JNC-a zirlai u a ni bawk. Lusun chhungte kan tuarpui hle. $$ KLE Mizo zirlai hruaitute Nimin khan KLE Mizo Zirlai te chuan, kum 2012-2013 chhunga hruaitu tur an thlang. President : L R. Lalremruata V. President : C. Lalramnghaka Secretary : K. Zohmingmawii Asst. Secy. : Samuel Lalrohlua Treasurer : Suzanne Lalnunkimi Fin. Secretary: B. Lallawmkimi $$ Naute nei Tahrikni 12, Octber 2012 khan kan member Pi Carolyn Ralte chuan fanu duhawm tak Maryam Lalhriatrengi Jalalvand a nei a. Kan lawmpui e. $$ Tv. Dinmawia a chhuak ta Kar hmasa lama BMA AW-a kan tarlan tawh, kan member Tv. Laldinmawia pawn October ni 8, thawhtan tlai khan a ke an zaina hmuh Baptist Hospital a chhuahsan. Hma a sawn zel theih nan tawngtaipui ang u. $$ Mysore lamah Nl. Blessy Sailo, leh Tv. K. Remruatfela, ten Mysore Mizo zirlai tlawh turin nimin tlai khan Bangalore an chuahsan.

VANGPUI KUT-KUT PA TITI


Bangalore Mizo Association Vangpui Kut Cultural Exchange Nite-2012 kan hman zawh taka Kut Pa Pu PC Zoramsangliana kha pa titi thiam tak, zep tit tet pawh nei vak lem lo niin ka hria; a sawi duh kha chu a sawi hmiah hmiah mai. A titi reilote kan ngaihthlak chhunga pawmawm tak takte kha in tarlang ang hmiang. Pathian vang a ni. Tunlai kan khawsak changkang zel leh, thil hriattur awlsam tea kan hriat zung zung theihna khawvelah hian, Pathian awm ring lo Mizo zingah ngei pawh an pung ta! Chhan leh tanfung zawn tumin Bible chang ngei tlawhchhan meuh a Pathian sawisel ngam pawh kan hre chamchi ta mai. Chutih rualin, ram hruaitu zinga Pathiana innghat leh, Amah avanga he dinhmun thleng thei a ni tia huai tak leh confi taka a sawi kha a entawntlak. Tin, huai taka Pathian a tan ngam hi a hnathawhnaah pawh a lan zel a duhsakawm hle bawk. Nupui fel Hnampui leh fing apiang hian nupui-pasal te hlutna an hrechiang zawk em ni aw?. Pu Sanga hian hna tul avanga ram hrang hranga a zin kualnaa mi ropui tam takin an hlawhtlinna pakhata an nupui-pasal te an fak thin hlutzia a sawi a, a pawmawm hle. Englekhawle, Mizo te hi chuan engemaw changa infak pawhin, min bawl tia innuihsan mai kan ching fo. Faktlak an nih chuan fak a, zilh an ngaih pawn zilh mai hi a finthlak zawk. Kan zirpui, hnathawpui leh u leh nau te ngei pawh hi, an thatna chawisang thiamin infuihtawn thin ila, hma chu kan sawn theuhin a rinawm. Bangalore Mizo te hian.. Zirtur kan nei. Kan sawi a, kan sawi leh thin. Engemaw change social network (facebook) hmanga kan inhnial leh chiam mai thin te hi, tangkaina kawng thenkhat awmin, thudik tarlan duhna ni mah se, a tul ber lo mai thei. Mi hmaa kan sawi ngam loh leh, sawi pawha kan duh loh tawngkam chhia leh feikibar tak takin kan intawng chang a awm fo hi a tul chang awm mah se, pumpelh hram I tum ang u. Mitin hian mahni ngaihdan leh duhdan kan nei theuh a. Chutih rualin midangte pawm thiam leh ngaihthiam chang kan neih a tul. Tin, hnathawh leh hun hman dan a zir chu ni teh meuh mah se, hunawl kan ngah apiangin thlemna a hnai tih hi hre nawn fo ila. Thil reng reng a hmangtu a zir a ni. Mi tam tak ten tangkai taka an hman theih chuan keini pawn kan hmang reng tawh a, hmang tangkai zel ang u. Sual ngam chein awm suh la, thatnain sual chu ngam zawk rawh.

Vol. XVIII Issue No. 27 Bangalore Mizo Association Pathianni Nitin Chhuak Chanchinbu Date: 14th Oct., 2012 Phek Hnihna
Editor Tv. Lalmuanzuala Joint Editors Dr. Lalhmingmuana Sailo Tv. MC Zirsangzela Circulation Managers Nl. Lalchhanhimi Nl. Lalngaihsaki Hnamte BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

Tawnmang mawl
(Thutak bawla bawl chi a ni miah lo va,a ziaktu hi nuihsawh kher tur pawh a ni hek lo. Phuahchawp mai a ni e ) Dr. Mahminga Sailo Bawng tar pawn Ih ihh.., luang-no apiang an duh tho an ti em ni kha? Khaih khaih khaih, tar zawng ka ni lo nasa! Tlangval hnakhat, zawnlai ngat ka ni. Amarawhchu, min zawngtu an awm lo nge ni; tun thleng hian zawnlai title erawh ka la vawnghim tluang zel! E khai, hetia awm ngawt zawng a dik dawn lo tawp mai. Khawnge tleitir-lengi te hi han chhai ve tak tak ang hmiang tiin kumpuan thupui kan pass ngawt a. Kumin chu bialnu neih ngei ka tum tawh ang tiin. Kum veiin, kum thar a lo thleng a. Valentines day lo thleng tur mawlh chu, helhhawlh takin ka nghak. Rose par mawina leh in-D-te a tangkaina thuziak ka chhiar chamchi a; ziah pawh ka ziak ve hial thin. Mahse, sakhmela dar zam lo, vantlang hmel aia duhawmna nei reng reng lo tan chuan e, thiam ang tawka tleitiri kan bem changin; bialpa tur awzawngin min en lo. A thenin, thian tha taka tan ka duh che tiin biathu min hlan a. Thenkhatin, u angin ka en che, ngaihzawng ang chuan ka en thei lo che min ti zel si. Thenkhat phei chu, an nu ten min * zawk emaw tih mai tur an nia. Hui hamm, nula rim te nu han bem ringawt lah, thil tih chi a ni der si lo.. Nang ka beisei che hi I tan sual rawng ka bawl a nih si chuan, bei i va tidawng em! Nula ka duh leh ka hmangaih avanga misual ka nih tluka tawrh nat tur he khawvelah hian a awm thei dawn em ni? A ni lo, he khawvel hi a letlingin a vir ta em ni zawk?! Ka nula duh leh ka lungdumtu berin a hnen atang kiang tura min duh si chuan. Hei tluka lei anchhedawng, tahna ram hi a awm thei dawn em ni? A, eng dang a ni lo, ka hmangaihna che hi hmangaihna vanduai an tih ang hi a nih ber awm hi. Hlim ten leng nang che Ka cho loh val zuna uaiin, hmangaihna par chu hlim ten chen dun ta ula. Fanau maltluan chawia, malsawmna chhiarsen loh dawng turin duhsakna ka hlan a che. Khuanu hian kan tana tha tur hi a hria tih erawh hre ve fo la. Kan duh anga a remruat thleng tura rilru kan pu fo hi kan tidik lo thin a lo ni. Chuvangin, ka tana a ruat lengi chu ka la tawng ve ngei ang a. Ka hmangaihna, a tana sual ni lovin, hmangaihna veka min chhanlet hun a la thleng ve ngei ang. Chutih hunah chuan, nang ka hmangaihna pamhmai tak chu, inchhirna nei lek lovin, he khawvel atanga paih bo a ni tawh ang a. Hmangaihna thar hlak, hmangaihna duhawm taka chhanlet niin, biathu kan inhlan tawh zawk ang. Chu hun chu engtikah nge a thlen dawn ka hre lo, mahse lo ngai reng rawh, a thleng ngei ngei ang (Phek thumnaah chhuzawm a ni)

E-mail: bmanews@gmail.com Website: www.bangaloremizo.info

Xw||t Xw||t
Tanrual hi chakna tiin kan pi leh pu ten thufing neiin, khawtlang thatna turin theihtawp chhuahin an thawk za thin. Tin, mihring te hi khawsaho tur leh inmamawhtawn kan nih avangin khawi hmunah pawh, eng hnam pawh ni se, tanrual erawh a pawimawh zel a ni. Lazai pakhat lek pawhchah chu thil har a nih loh rualin, lazai za tam tak intelkhawm erawh pawt chat mai turin mihring tam tak rawih a ngai thung. Chuvangin, pawl emaw khawtlangin hma a sawn dawn reng rengin tanrualna hian kehchhiatna leh tlukna laka min venghim fo reng a ni. Kuminah Vangpui Kut ropui takin kan hmang a. BMA member tam zawk pawn hlimawm leh nuam kan tiin zawngchhangthlak kan ti vek awm e. He hun hlung taka kan hman theihna chhan chu kan tanrual vang a ni kan ti lo thei lovang. Hetih ruala ka sawi duh erawh chu; pawl engpawh chak taka a kal theih nan veitu leh buaipuitu bik an awm zel thung. Mi thenkhat uar fal deuh phei chuan, pawl atchilh tlattu an awm hian hmalakna a chakin, min nawr kal thin an ti mathlawn lovin. Mahni hun leh sum, tha leh zung senga pawl leh khawtlang tana thawktute hi an fakawm, inphatsan mai lovin I tangrual dial dial ang u.

Vol. XVIII Issue No. 27 Bangalore Mizo Association Pathianni Nitin Chhuak Chanchinbu Date: 14th October., 2012 Phek

Lawrkhawm
## Khawchhia avanga chhiatna: Tunkar chhunga ruahsur nasa avangin Mizoram hmun hrang hrangah chhiattawk leh nunna chan an awm nual. October ni 11, ningani tlai dar 2:30 khan thli leh ruah thawk chuan Kawrtethawvenga YMA General Conference neihna tur pandal chung, Polytarpouline a hlip vek. Hemi ni vek tlai dar 3 velah JCB (4DX) Mz 01 F 9711 chu Kawnpui dai kawng thlang lei hnip a dai avangin a chesual a, a hmunah JCB Operator Ramdinthar (24), Sesawng khua a boral. Tin, Mamit District, Dapchhuah khaw bulah leimin thianfai-a hnathawk lai JCB (Mz-08 1265) pawh Sabereka Khuangkaihin a hnawl a, mi pathum an thi bawk. (Source: The Zoramtimes.org)
## Hmeichhe inzuar 660, Zaa 2.60-te HIV +ve:

Article chhunzawmna Beidawng leh ngui taka a riang ka chantawk ka tih chuai raih kha, hmangaihna parmawi chuan a nuaibo tawh ang a. I chhanlet loh ka hmangaihna che aia a let tam takin ka tawn thar D chu hmangaihna par ka hlan tawh zawk ang. Nangin min ngai lo ang chiahin, kei pawn ka ngai therte lovang che.. Tia ka an buan buan lai chuan, ka kawngkhar chu a ri dawt dawt a. Mumang ngaihbelin thatho takin ka tawnthar tur tleitiri ngei hmuh tumin kawngkhar ka hawng a. Ngai teh, ka inluah neitu putarin inluah man min rawn dil lek lo niin!

Pics of the Week

Mizoramah hmeichhe inzuar (female sex worker) 660 enkawl mek an ni a, heng zinga 2.6% te hian HIV possitive an vei tih hmuhchhuah a ni a. Mipatpui mutpui thin 513 te chu HIV an thehdarhlohna turin en-kawl mek an ni bawk niin District AIDS Prevention and Control Committee chuan an tarlang. (Source: The Zoramtimes.org) ## Rultuha-in chuk hlum: October ni 10 khan Pi Lalherliani (26) D/o Biakmawia Lungchem chuan an in bulhnai daia a chawhmeh la chu vanduaithlak takin Rutuha-in a Kutzungu bulah a chuk a. A tukah Christian Hospital Serkawna phurh chhoh niin, zirtawpni zing dar 3:30 velah a boral. Lalherliani hian fa pathumna thla 5 mi a pai mek a, hetiang vanduaina hi a tawk ta a, khawngaihtu an tam hle. (Source: Vulmawi.com) ## Saichal-ah Putu inkaphlum Oct. 12 chawhnu dar 3:15 khan Pu Kapmwaia kum 70 mi chu a tupa (A fanu fapa) Lalsena kum 18 mi chuan sanghal an channaah a kap palh a, Pu Kapmawia hi ka chhawn lohin a hmunah a thi. Pu Kapmawia leh a tupa Lalsena te hi an khaw daihnai Saichal atanga chhim lam km 2 velah sanghal changin an ram vak dun a, Pu Kapmawia hnimkara a awm chu Lalsena hian sanghal emaw tiin a kap ta mai a ni. (Source: Buannel.com)

Photographer: Nl. Laldinfeli Cee

Photographer: Tv. Johnson D Khiangte

Vol. XVIII Issue No.27 Bangalore Mizo Association Pathianni Tin Chhuak Chanchinbu Date: 14th October., 2012 Phek Lina

Vangpui Kut Titi


Chawngkhum dan tlang huat loh, a hua hua sik hlawkah!
Vangpui Kut concert zana, mi hnunga phur taka lo lam palian deuh intih kha kha keimah vek ka ni lo a nia. Mahse, tleirawl zek zawk lai erawh ka ngai khawp mai Tv. Hriata Chenkual Usher nula fel tak tak te khan duat an phu, duh anga ka duat hman lo erawh pawi ka ti. Englekhawle, lam erawh ka insum thei ngang lo, ka lam ve nasaaaa Uncle El-a, Lily, khawngaihin chair hi han vuan teh, kan lam tak tak tengg Nl. Azaii Hnamte, Madawng, eng key-in nge kan zai a?! Pu Mapuia Saiawi Nakkum Vangpui Kuta kan zai leh dawn a nih chuan, Drumset leh Keyboard hi stage hmaah dah ngei tawh tur. Thlalak-ah kan lang lo ziah tiraw, Makim? Tv. Rema Renthlei Vangpui Kut zan zet kha chu e, mumal neih chu sawi loh, mu tak ngial pawh ka nei thei thlawt lo. Ka buai vek! Nl. Jenny Hnamte, Vangpui Kut Nula Buai Ber Guiter kan zut te kual vel a, nula an lo au chiah kha chuan ka meng ngam tawh lo reng reng. Inla-Confi tawkin ka maimitchhing daih! Tv. Jcb Khiangte Kumin Vangpui Kut zet chuan min ti-young zual sawtin ka hria. Tleirawl lai hi a lo nuam ber mai.., Elim of Bangalore Axle Rose Bangalore nula tam tak te hian min la tluk lo ngawtin ka ring. Pi Nicole, Host zei ber of the year! Vangpui Kut Banner kha Pu Joel Sailo lunglen laia kan design a ni bawk a, a hlai tha asin. Tv. Amos Vangpui Kut kan zo chiah chu, ka kulcho der Nu Rini, Vangpui Kut Most Hang-over Vangpui Kut zana, ka inkam sang kher kha ka inchhir; duh angin ka hirha thei lo.. Nl. Blessy sailo Vangpui Kuta Lucky Ticket ang khan nula lamah hian luck zawk ila awwww Dr. Mahminga Sailo Lucky ticket lawmman dawn hi chu ka phu ve tawh hrim hrim Nl Marie Bawitlung Ka inchungpa kha ka duhsak bik vang a ni lo, ka dap fuh mai mai a nih kha Tv. Bethel Pautu Bangalore-ah Gangnam style-in ka lam hmasa ber.. Tv. Rinhlua, Gangnamstyle Icon Bari then ngawt ai chuan, arpa chhuang ngei chhipchhuana Vangpui Kut programme host chu a dan a dang zak mai, min pui tura ka thlanchhuah ngat khan a zei bawk si Tv. BC-a, Arpachhuang-style Gangnam style ai chuan Kekual-nam style hi ka lo thiam zawk daih ti raw Zomuan.. Nl. Vanhmingliani Hnamte, Meikhu kara zai chu a confi loh thei ngei mai. Tv. MC Zira of Lalsangzuali section

Post of the Week


(Bangalore Mizo Association, Facebook Group)
Tuesday tlai ka office bang bus-in ka haw a, ka opposite-ah hian NE lam hmel pu hmeichhe pakhat hi a thu a. A kawr nghawng kha a zau ang reng lutuk a, vainu pakhat bus a tang a chhuak tur hian a rawn pawh chhoh sak a. Kan thiani chu a la thinrim zui nia mawle! Ka lo zak lutuk a aw! Nia, kan inchei dan hi chu fimkhur ve deuh hi chu a va tha tak em aw ka ti...public transport te kan hmang a nih ngat phei hi chuan! Post-tu: Nl. Appy Lalhriatpuii Yareli