P. 1
Tamazight Tura U1 Yennayer 2009

Tamazight Tura U1 Yennayer 2009

|Views: 90|Likes:
Published by idlisen

More info:

Published by: idlisen on Nov 02, 2012
Copyright:Attribution Non-commercial

Availability:

Read on Scribd mobile: iPhone, iPad and Android.
download as PDF, TXT or read online from Scribd
See more
See less

01/22/2014

pdf

text

original

as d tameddit, iṭij yeɣli deffir yixxamen, ɣas tesself
tili i kra n tamiwin n temdint, maca d aẓɣal. Abeḥri
yeḥman yesskar tikwal aɣebbar i d-yettrusun ɣef
wudem n U Mezyan yeccercuren s tidi. S tgiṭart gar yifassen,
isenned ɣef yiwen lḥiḍ n lqahwa, i tili, yettraǧu Muḥend U
Yidir ad d-yaweḍ seg uxeddim-is. Yella yettawi-d kra
icewwiqen mi d-iḍal umeddakel-is deffir uxxam-nni i t-id-
iqublen :
- Azul a Uyidir !
- Azul a Umiz ! Acuɣer i teqqimeḍ akka di berra i uɣamac-agi?
- Amzun ur tessineḍ ara lqahwa-agi, qerreb terreḍ-iyi-d
axbir !
- D tidet, tzad rriḥa n tesmem n widen la yegganen deg-s aẓɣal
am wa…

Uyidir d Umiz, akka i ttemsawalen gar-asen, nnumen
yal tameddit, lawan-nni ideg ikeffu ixeddim, ddukulen ɣer
yiwen umkan ɣef icuḍaḍ n temdint ideg yella yiwen useklu
annect-ilat, ahat d leqrun i yebded akkenni. Yedduri tawrirt,
ur t-yettḥaz ara yiṭij n tmeddit d ayen iɣef yebbuḥra lḥal
seddaw-as. D amkan zeddigen imi ilemẓiyen n temdint
ssenyafen tiɣimit n leqhawi akked yisura ttwalin di tiliẓri wala
amerreḥ deg ugama yellan berra n temdint. Aẓɣal am wa, ḥala
win yewwin daɛwessu ara yelḥun deg yiberdan, akka i d-
qqaren widen yettarran aḍar ɣef wayeḍ di leqhawi n temdint...

Ɣ

Tasɣunt s Tmaziɣt n Usqamu Unnig n Timmuzɣa

- 94 -

Tamaziɣt tura - Un 1 - H.C.A. / yennayer 2009

Leḥḥun di sin, yal yiwen d acu i s-yellan di lbal armi
wwḍen s aseklu, qqimen. Amecwar, simi steɛfan,
mmesmuqalen, Uyidir yenna :
- Tiɣimit-nni berra n lqahwa akked ubeḥri-nni yeḥman ɛni
ssefsin allaɣ-ik !
- Ur yelli d abeḥri ur yelli...
- Ihi d acu-t ? Segmi d-nebda tikli, awal ur k-id-yuli. D nekk i
yennumen qqareɣ-ak susem seg wakken tettkeṭṭireḍ awal, ass-
a atan…
- Ssawlen-iyi-d ad ruḥeɣ ɣer lɛesker…
Ters-d tsusmi i tikkelt tis snat. Ṣubben iqerra-nsen di sin,
ttxemmimen. Ẓran belli taswiɛt ur twulem ara i rrwaḥ ɣer
lkazirna. Ugaden di sin maca yiwen deg-sen ur yebɣi ad
yezziken i wayeḍ belli yeẓmek wul-is zdaxel. Uyidir ikukra
rrwaḥ n umeddakel-is akken ikukra Umiz ula d netta rrwaḥ-
agi-ines ɣer lkazirna. Yeṭṭef aqerru-s gar yifassen-is, am win
yebɣan ad iru, yuɣal yenna i Umiz :
- I yi-iɣaḍen d iman-iw… ad truḥeḍ ad iyi-teǧǧeḍ weḥd-i...
- Aha kan, ula d nekk akkenni ! Teẓriḍ ḥala kečč i d ameddakel
n tidet, ttafeɣ iman-iw yid-k ulamma tikwal tesserfayeḍ-iyi
maca…
- Mačči d lawan n lehdur-agi...
- Uma kečč tesɛiḍ Zelgum... d taqcict taxlaft... llan daɣen
imeddukal-ik deg yixeddim, widen n lḥuma... ma d nekk
yessefk ad d-afeɣ imeddukal ijdiden, ur ssineɣ ara... akka di
lɛesker... sin iseggasen ur teẓriḍ anda neɣ akked wumi... aha
kan, ad k-d-aruɣ tibratin !
- D tidet, tayri n Zelgum... weḥd-s ! Tikwal tettuɣ-k ula d kečč,
suref-iy… maca…
Ḍṣan di sin. Ɣas d taḍṣa n nnig wul maca ḍṣan. Liḥala-nni n
tugdi, atqelleq d ukukru i d-yersen fell-asen tekkes ɣef
wudmawen, maca Uyidir ɣer daxel mazal yeqber imi yeẓra
belli yiwen umeddakel-is n tidet i yellan, atan ad iruḥ ɣer
lɛesker wamma widen yessen, ladɣa deg yixeddim-is, d
imcumen, zgan ttnaqamen-t, ttlaqaben-t imi wezzil cwiṭ di
lqedd. Yerra-d nnehta yenna i umeddakel-is :
- Awi-yaɣ-d a Umiz kra n lmusiqa ara yesnefsusin fell-aɣ...

Tasɣunt s Tmaziɣt n Usqamu Unnig n Timmuzɣa

Tamaziɣt tura - Un 1 - H.C.A. / yennayer 2009

- 95 -

Mazal i d-yekfi Uyidir awal-is, Umiz yebda ccna, yewwi-d
Amẓarṭi, tizlit-nni n Ferḥat, maca ibeddel-as cwiṭ.
- A widak i ɣ-iḥekkmen
a wen-in-cnuɣ tizlit
wis ma s-teslem ahat
ma testufam mulac dayen

Ṭṭfeɣ-d lekwaɣeḍ-nni
Ad i-yawin d aɛsekriw
Ad mmteɣ ɣef tmurt-iw
Rran-aɣ-d lgirra-nni

- Tgezreḍ-tt akk a winnat, awi-d ayen nniḍen aggad Rebbi...
amdan yewweḍ ɣer lqaɛ kečč la t-teddehhimeḍ ad yebleɛ... ad
yekcem seddaw tmurt... Awi-d ɣef tayri... ɣef teqcicin... ɣef
wayen nḥemmel... neɣ teẓriḍ... efk-aɣ cwiṭ n tsusmi... ad nsel i
ugama…
Uyidir yuɣ-iten. Iḥulfa i rrwaḥ n umeddakel ɣer lɛesker amzun
d tarewla i yerwel fell-as. Yers-d fell-as lxiq akked zzɛaf.
Yeẓẓel, yeqqen allen-is. Amecwar yuɣal yesfezwi yekker yenna
i Umiz :
- Kker ad nruḥ... atan yeṭṭef-iyi facal... mačči bxir i lliɣ !
- Sin iseggasen ad ɛeddin am sin wagguren !... Yya ad
teqqimeḍ... tizlit i k-yehwan ad k-tt-id-awiɣ... ma yehwa-yak
ad tt-necnu di sin.
- Semmeḍ wul, yesbek wallaɣ, yenneḍ yiles... Ccna ad s-
nbeddel taswiɛt ma yehwa-yak.
Yekker Umiz yerra tagiṭart ɣef tayet-is yezwar, yeḍfer-it
umeddakel-is, ṭṭfen-d abrid di sin ɣer temdint. Leḥḥun ddac
ddac ttxemmimen ɣef wayen i ten-iceɣben... yiwen ur
yettmeslay i wayeḍ.
Aqerru n Uyidir yettawel ; ayen yezrin d wayen i d-iteddun la
ttemḍerkalen, la ttmidhamen, la ttmiwwaten deg wallaɣ-is. D
tiddukla n Umiz akked tayri n Zelgum iss yedder gar lewḥuc n
teẓgi i s-d-yezzin. Gar Umiz d Zelgum i tezzint tektiwin-is ;
yiwen d aḥbib n temẓi, n lebda, di sin i ssnen tiẓidanin d
tqerḥanin, dduklen di lferḥ akken dduklen di lqerḥ, tayeḍ d
asirem, yis-s i yettwali immal-ines d tudert-ines.

Tasɣunt s Tmaziɣt n Usqamu Unnig n Timmuzɣa

- 96 -

Tamaziɣt tura - Un 1 - H.C.A. / yennayer 2009

Am win yettargun deg uzal, netta ileḥḥu... armi d-tujjaq
tkerrust i d-yendekwi, yeṭṭes yuki-d, yufa-d iman-is di tlemmas
n ubrid. Yezzi-d ɣer-s Umiz yenna-yas :
- Ɛni tebɣiḍ ad temmteḍ ?! Ur tt-twalaḍ ara zdat-k ?!
Tɛedda tkerrust, ters-d tsusmi. Uyidir yuẓ ɣer rrif n ubrid ur d-
yenni awal, isuma-d Umiz, ileḥḥu-d tama-s armi d-kecmen
tamdint. Dinna mfaraqen, yal yiwen iruḥ s axxam-is. Seg
wassen dɣa ur mlalen imi Umiz iqelleɛ ɣer lkazirna. Ur
mrafaqen ara ula ɣer lkar taṣebḥit-nni ideg iruḥ Umiz.
Segmi i iruḥ Umiz ɣer lkazirna, Uyidir yezga di tudert-
nni n yal ass ; seg uxeddim s axxam seg uxxam s ixeddim.
Tikwal yettemlil Zelgum, yelli-s n bu tḥanut n lḥuma, tin
yessarem d zzwaǧ-is maca baba-s d ugur : yebɣa i yelli-s win
yifen ilemẓiyen merra, win yesɛan cci, amarkanti... Tikwal
yettruḥu weḥd-s s aseklu, yettḥebbir, yettxemmim amek ara
yejmeɛ adrim i wakken ad d-yawi Zelgum s axxam-is. Tikwal
itezzi-d i leqhawi yellan war ma yeswa lḥaǧa. Tikwal ur d-
iteffeɣ ara seg uxxam... Tikwal... ɛerqent-as ur tent-yufi.
Akka i tedda tudert n Uyidir armi d yiwen wass mi
iteddu s aseklu, yufa-n deg ubrid tlata yilemẓiyen
ttemḍerkalen, ttmidhamen ur s-d-iban ara d acu i la xeddmen.
Iqerreb ɣer-sen yenna :
- Yaw ! D acu akka i ken-yuɣen ?
Zzin-d ɣer-s, walan-t, dɣa sin deg-sen serrḥen i wis tlata ɣer
lqaɛa, ǧǧan-t ruḥen. Uyidir iqerreb ɣer-s akken ad t-iɛiwen ad
d-yekker, winna yugi, yezɛef-d fell-as. Uyidir iwexxer ɣer
deffir, yeǧǧa-t, ikemmel abrid-is s aseklu. Azekka-nni mi d-
yuɣal Uyidir s aseklu, yufa-n ilemẓi n yiḍelli-nni yettraǧu-t
seddaw useklu yenna-yas :
- D acu i la txeddmeḍ dagi ?
- Nekk isem-iw Uḥend, suref-iyi ɣef yiḍelli ur lliɣ ara di liḥala
igerrzen, kečč tebɣiḍ ad iyi-tɛawneḍ, nekk rriɣ-ak-d akkenni,
suref-iyi di leɛnaya-k !
- Ur yelli uɣilif, imi labas i telliḍ...
- Aseklu-agi d ayen ur ssineɣ, d amkan izaden maḍi, abeḥri, tili
lemmer llin waman...
- Kečč d widen i k-yecban ḥala leqhawi i tessnem...

Tasɣunt s Tmaziɣt n Usqamu Unnig n Timmuzɣa

Tamaziɣt tura - Un 1 - H.C.A. / yennayer 2009

- 97 -

Uyidir yufa ameddakel ajdid ! Tlul-d tdukli gar-asen, mačči am
tin yellan gar-as d Umiz maca d tadukli, yella wayen i ten-
yeccerken, ddwa n yiwen yella ɣur wayeḍ... Uɣalen ttemlilin,
ttqeṣṣiren seddaw useklu, tikwal ttawin ula d aɛwin mi ara
ɛewwlen ad ɛeṭṭlen dinna akken ad kksen ɣef lxaṭer-nsen...
Yiwen wass, mi d-yuɣal seg uxeddim, yeqqim la ites
lqahwa mi s-tenna yemma-s belli Zelgum ruḥen-d ɣur-s
inexḍaben d imarkantiyen ṣṣbeḥ-nni, ssutren-tt i bu tḥanut,
yeqbel nnesba... slalwent tulawin... myefken ttiɛad taggara n
waggur ad s-d-awin taxatemt...
Uyidir tecreq-as lqahwa qrib yemmut. Simi d-yerra nnefs,
yuɣal-it-id rruḥ, serrḥent turin-is, yekker yeffeɣ yeǧǧa
yemma-s la tettru.
Sani ara iruḥ... ? D acu ara yexdem... ? Amek ara t-yexdem... ?
Geddac d asteqsi ur nesɛi tiririt deg wallaɣ n Uyidir. Xerbent-
as tirga, iruḥ-as usirem, imenna-d lmut... inuda-tt... wissen ma
ad tt-yaf... Yeẓra belli ur yesɛi ara amkan-is zdat n mmi-s n
umarkanti. Ur yezmir ara ad yefk i Zelgum ayen ara s-yefk
mmi-s n umarkanti. Tayri-s truḥ yewwi-tt win yesɛan adrim.
Tekfa fell-as ddunit ; yekreh tudert-is, yekreh ixeddim, yekreh
tamdint-nni... yekreh iman-is, yekreh igellilen...
Yuzzel Uyidir s aseklu. Ur yeẓri ara amek i yewweḍ ɣer din di
tuqqna n tiṭ. Ul-is iḥebbek yebɣa ad d-ineggez seg yidmaren-
is... tidiwin ccercurent... iceṭṭiḍen-is bezgen... la ilehhet...
ttergigin ifassen-is... yeɣli am uqejmur seddaw useklu...
Mi yeẓẓel Uyidir seddaw useklu, yettargu, Uḥend yella
yettnadi fell-as. Imi ur t-yufi ara di temdint yeẓra anida yettili.
Yeṭṭef abrid n useklu. Mi yewweḍ yufa-t-in yeẓẓel, icukk belli
d taguni, iruḥ s leḥder isuma-t-id, yeẓẓel d tama-s ula d netta.
Amecwar, Uyidir yebda yeshetrif, yesxertim, yeqqar-d kra n
yimeslayen ur ttwafhamen ara. Yecmumeḥ Uḥend imi iɣil d
alejlej i yettlejlij. Iqerreb s ameẓẓuɣ-is yenna-yas s tin uqesser :
- Ur fhimeɣ ara ayen i d-tenniḍ, ɛiwed-iyi-d !
Uyidir yerra-yas-d s usxertem :
- Iruḥ-d ad tt-yawi ! Iruḥ-d !
Yewhem Uḥend si tririt n Uyidir amzun akken yesla, yefhem
asteqsi, yerra-d fell-as netta di tnafa. Am win yebɣan ad yurar,
iɛawed yenna-yas :

Tasɣunt s Tmaziɣt n Usqamu Unnig n Timmuzɣa

- 98 -

Tamaziɣt tura - Un 1 - H.C.A. / yennayer 2009

- Tebra yemma-k !
- Aha kan ad d-tuɣal...
- Yemma-k attan la tceṭṭeḥ deg ubrid ameqqran !
- Ruḥ wwet-as afus, d tameɣra...
Ɣas ma yella tiririt ur tettwafham ara akken iwata lḥal, maca d
tiririt ɣef yesteqsiyen, mačči d targit mačči d alejlej. Uḥend
imeyyez, yefhem ayen i t-yuɣen, yuɣal ihucc-it akken ad t-id-
yessaki. Mi d-yuki Uyidir, allen-is zennqent, yesludduy,
tafekka-s d tasellawt. Isenned ɣef Uḥend ulin-d di sin s abrid
dɣa, ad s-tiniḍ yella win t-inebcen, yedduqqes-d Uyidir, yufa-d
ameddakel-is zdat-s yenna-yas :
- Tuɣal-d yemma si ccḍeḥ neɣ mazal ?
Uḥend yewhem deg wayen yesla. Ur iɛudd ara ad yecfu Uyidir
ɣef wayen i s-yenna. Yessusem. Mi la d-leḥḥun s axxam,
Uḥend yettu ameddakel-is yettu liḥala-s, yettwehhim deg
wayen umi yesla. Tecɣeb-it ccfaya n Uyidir. Ileḥḥu
yettxemmim amek akka ur t-id-yeɛqil ur d-yeɛqil ṣṣut-is, yecfa
ɣef wayen i s-yenna maca ur yeẓri ara belli d netta i t-id-
yennan. Yessaweḍ-it Uḥend s axxam yufan yemma-s tetqelleq.
Uyidir yerra srid s usu, yemma-s tenced-d Uḥend s imensi
maca yugi ad yeqqim. Yeffeɣ-d.
Uyidir tuɣal-as d tannumi. Mi yewweḍ s aseklu, ad
yeẓẓel seddaw-as, ad yeqqen allen-is, amecwar ad yebdu
lehdur. La d-yeqqar ayen iceɣben ul-is, ayen akken ur yezmir
ad t-yini i medden, ula d ameddakel-is ur yeẓri ara ayen yeffer
zdaxel-is.
Yiwen wass, taggara n ddurt, yeffeɣ ṣṣbeḥ seg uxxam, yewwi
cwiṭ n uɛwin iruḥ s aseklu ad yesɛeddi ass dinna alamma yeɣli
yiṭij. Akken yennum, mi yewweḍ, inuda amkan n tili yeẓẓel,
akken kan medlent wallen-is, yebda imiren aqeṣṣer akked
yiman-is. Amecwar yesla i ṣṣut yeqqar :
- Zelgum tenna-d « IH » i umcum mmi-s n umcum-nni bu
yedrimen !... Teqbel ad teddu d tislit ɣer ṣṣraya m tebḥirin d
yiceṛcuṛen n waman !...
Tafekka n Uyidir tettruḥ seg yidis ɣer wayeḍ, ifassen ẓẓayit,
allen medlent. Ṣṣut mazal-it.
- Ass-a ad ɣren lfattiḥa n Zelgum... azekka ad s-tt-awin i win
ara d-yelhun yid-s...

Tasɣunt s Tmaziɣt n Usqamu Unnig n Timmuzɣa

Tamaziɣt tura - Un 1 - H.C.A. / yennayer 2009

- 99 -

Ul n Uyidir iḥebbek am win i d-yulin asawen s tazzla. Iceṭṭiden
yelsa bezgen si tidi. Teṭṭef-it tirgigit, yeqnajjer, mi ibeddel idis
iḥuza aẓru s uqerru-s yuɣal yuki-d. Allen ldint d azgen, udem-
is yesxenfer, yeṭṭef aqerru-s, iqɛed iman-is maca yeggumma ad
yebded, am akken ibubb aqenṭar. Yemḥaḥḥed yuli-d s abrid
dɣa yufa-n Uḥend yebded yettraǧu-t. Leɛqel itezzi, tafekka
ẓẓayet, Uyidir isenned ɣef umeddakel-is yenna :
- Teǧǧa-yi Zelgum, teqbel amcum. Ma ɣran lfattiḥa dayen...
Mrafaqen di sin, Uḥend yessaweḍ ameddakel-is s axxam di yir
liḥala-nni ideg yella. Mi t-twala yemma-s qrib texcawet ula d
nettat. Tuzzel teddem-d aman isemmaḍen trucc-it, tesself i
wudem-is s ubeḥnuq ibezgen.
- D acu i t-yuɣen ? D acu yuɣen mmi ?
- Ahat yečča kra ixeṣren, ḥamu-agi ulac…
- Ulac ḥamu ! mmi yezmer-as ! ala, ala mmi yella wayen t-
yuɣen !
Uḥend yessaweḍ Uyidir s usu, iɛawen-it yeẓẓel, yessers-as
tasummta, yezzi-d ɣer yemma-s yenna-yas :
- Ma tebɣiḍ ad t-awiɣ ɣur ṭṭbib ?
Uyidir irfed-d aqerru-s yenna :
- Ulayɣer… D cwiṭ n uqraḥ n uqerru, d ayagi… Cwiṭ n latizan
ad i-yekkes. Ruḥ ad truḥeḍ a Uḥend, azekka ad nemlil.
Azekka-nni mi d-yekker, temla-yas yemma-s lexbar :
- Iḍelli cwiṭ mbeɛd mi teffɣeḍ i d-ussan ɣran lfattiḥa n Zelgum.
Ɣas akken d yir tanekra si yir tanafa, maca yemmekta-d ayen
umi yesla seddaw useklu. Ur yefhim ara d acu i s-yeḍran,
yenna :
- Aha kan ẓriɣ.
- Anwa i k-yennan ? Ahat d aya iɣef tuɣaleḍ akka d aceṭṭiḍ !
- Yezmer lḥal ! Ahat ! Wissen...
Mi d-iban wayen umi yesla d tidet, iɛewwel ad yuɣal
akken ad d-yawi lexbarat nniḍen imi icukk belli la teffren fell-
as tidet. Am tikkelt-nni iɛeddan, taggara n ddurt taṣebḥit yeṭṭef
abrid n useklu. Yebɣa ad iẓer tikkelt-a ma yella Zelgum
tḥemmel amarkanti neɣ d adrim kan i tt-iceɣben neɣ ahat d
ayen iceɣben baba-s. Akken kan yebda yessufuɣ-d ayen
yeččuren ul-is, atan ṣṣut-nni yenṭeq-d :

Tasɣunt s Tmaziɣt n Usqamu Unnig n Timmuzɣa

- 100 -

Tamaziɣt tura - Un 1 - H.C.A. / yennayer 2009

- Ay irgazen a tifeɣwa, ad ak-awin tameṭṭut kečč ggan i tili
ddaw useklu n temẓi. Irgazen n tidet ad sɛeddin uḍan lɛali
akked tmeɛcuqin-nsen ma d igerdan ad ttaṭṭafen tiɣemmar...
Lemmer d argaz i telliḍ dɣa d tidet, ad truḥed ad tḥarbeḍ ɣef
nnif-ik ; ad d-terreḍ ttar-ik si mmi-s n ccmata yerna yessufeɣ
awal belli d netta i d argaz i tḥemmel... maca nettat ur t-tebɣi
ara, d aḥettem i ḥettmen fell-as zzwaǧ... d kečč i tḥemmel...
Lehdur yesla qerriḥit. Am win umi yers usafu ɣef uglim, ldint-
d wallen-is, berrant d tizeggaɣin, tidi tetcercur, yeskerker-d
iman-is s abrid dɣa yufa-d ameddakel-is Uḥend yettraǧu-t.
- Ziɣ d nekk i tḥemmel... ziɣ d nekk i tḥemmel... Zelgum inu...
sɛiɣ ttbut... medden akk ad ẓren belli d nekk i tḥemmel...
Am tikkelt-nni iɛeddan, Uḥend yessaweḍ-d Uyidir s axxam,
maca yeǧǧa-t ɣef umnar n tewwurt iruḥ ur iban sani… D
tarewla i yerwel…! yewweḍ s ayen yebɣa…! iǧuba-d aɛdaw i
umɛellem-is aqdim… ad d-yerr ttar-is seg win i t-yeǧǧan gar
yiberdan.

Mi yekcem Uyidir s axxam tenna-yas yemma-s belli tameɣra
ur ɛad tekfi. Yesxatel-itt mi s-d-tezzi s uzagur-is, yemmeɣ ɣef
ujenwi yeffeɣ. Yuzzel inuda ɣef yisli… mi t-yemlal yewwet-it s
aɛebbuḍ yenɣa-t.
Nnejmaɛen-d lɣaci cekklen Uyidir, kksen-as ajenwi seg ufus-is,
fkan-as kra n teɣrit qbel ad d-awḍen yiǧadarmiyen. Mi t-
nudan ufan leǧyub-is ččuren d tiɛeqqacin mkul nnber d kra n
igerra n lkif.
Mi t-steqsan acuɣer yenɣa argaz di lbaṭel yenna-yasen :
- D asklu i d-yennan !...

Tamaziɣt tura - Un 1 - H.C.A. / yennayer 2009

- 101 -

Yekfa laman

You're Reading a Free Preview

Download
scribd
/*********** DO NOT ALTER ANYTHING BELOW THIS LINE ! ************/ var s_code=s.t();if(s_code)document.write(s_code)//-->