You are on page 1of 1

Editor: H.

Malsawmtluanga
Ph: 9615425400 / 9436784572

Thingsulthliah Students’ Union

Jt. Editor: Lalromawia Ph:2370285 Correspondents: K.Khualluna : 9436392830 Lalbiaktluanga : 9612322711 Ramngaizuala : 9862386148

Thingsulthliah Sub - Town Weekly Newspaper

VOL. VI

No. 45 THINGSULTHLIAH

Ni 10 November 2012

(INRINNI)

NATIONAL EDUCATION DAY Naktuk ni 11.11.2012(Sunday) hi National Education Day a ni a, Pathianni anih avangin he Hun hi a tuk ni 12.11.2012(Monday)-ah hman nise tiin Mizoram sorkar chuan a rel. He hun hmanna pui ber hi SCERT-ah neih a ni ang a, khaw hrang hrang ten an hman dan tur programme tlangpui pawh sorkar chuan ruahmanna a siam a ni. Ruahman dan ang chuan khaw hrang hrang Village Education Committee(VEC) ten programme neiin, hetah hian Elementary School(Primary & Middle School) staff leh zirlaite nen hun hman a ni ang a; VEC kaihhruaina hnuaiah hun hmangin zirna kawnga infuihtharna Ni atan hman nise tih a ni. He hunah hian zirlai/mi pakhat tan Refreshment atan Rs. 30/zel ruahman a ni a, Sorkar enkawl Sikul, Mid-Day-Meal dawng te chu an tel vek tur a ni. He thu kan buatsaih lai hian kan sub-town chhunga VEC hrang hrang ten eng angin nge programme an siam tih hi a la chiang lo a ni.
THINGSULTHLIAH HIGH SCHOOL GOLDEN JUBILEE COMMITTEE PUI NEI Kum 1963-a din, Thingsulthliah Govt. High School chuan nakum 2013 hian kum 50-na hmel a hmu dawn a. He kum 50-na(Golden Jubilee) hi Thingsulthliah Govt. H/S Staff Meeting chuan Ruai nen ropui taka lawm nise tiin a rel a. Hemi atana hma latu tur Organising Committee leh Sub-Committee peng hrang hrang te siamin Organising Committee pawh vawi hnih an thukhawm tawh a. Nimin khan a vawi khatna atan Organising Committee leh Sub-Committee peng hrang hrang ten Thingsulthliah NREGS Building-ah a huhovin Committee pui an nei a, hmalak dan tur leh hmalak nghal chi tur te an thlir ho. THINGSULTHLIAH HSS PU ZIRA’N HAWNG Tunkar Nilaini(7/11/2012) khan Thingsulthliah Higher Secondary School Building chu hawn a ni ta. Hawnna inkhawm hi School Building-ah neih niin, Pu Lalrawngbawla, VCP & Managing Board Chairman-in a kaihruai a, Pu R. Lalfakawma, Principal-in School Report pein, Pu C. Lalramchhana, Tst VC Vice President-in Managing Board hmalakna report a pe a, Pu H. Malsawmtluanga, Managing Board member-in School sak dan Building Report a pe bawk. School Zaipawl leh Tst Jt.YMA Zaipawl te, Solo te ngaihthlak a ni a, Khuallian Pu R. Lalzirliana, Home Minister-in Naupangte fuihna thu sawiin, Sawrkar School tam tak te an inthlahdah thin avangin, Khawtlang enkawl Schoolah Result tha a chhuak zawk fo a, chuvangin hun engemaw chen chu School enkawlna kawngah Vantlang kan la tanrual a ngaih rih dawn thu a sawi a, Opposition VC te kaihhruaina hnuaiah Vantlang hmaa thusawina hun tha tak buatsaih sak a nih avanga lawmthu sawiin, Politics level-ah inbeih chang awm mahse, hmasawnna kawngah thawhona tha an nei thei zel chu lawmawm a tih thu a sawi bawk. HSS Building sak nan hian Pu CL Ruala, MP(LS) in Cheng Nuai 15 a pek bakah Bialtu MLA Pu R. Lalzirliana, Home Minister-in Rangva Bundle 10 a pe a ni. He Function a tel tura sawm zawng zawng ten tlaiah Building thar lawmna Ruai ropui an theh bawk.

KTP IN-TLAWH TAWN - Nimin Zirtawpni khan Lengpui Model Veng KTP te chuan Seling Kohhran an rawn tlawh a, zan inkhawm hmang nghalin vawiin hian Nilengin Field item neia hun hman an tum. Zanin atanga inkhawm nei lehin naktuk, Thawhtan zingah an haw ang. - Phulpui KTP te chu vawiin (Inrinni)-ah lo kalin Tst Kohhran KTP nen Joint Fellowship an nei dawn a. Chawlhni chamin Thawhtanni-ah an haw leh ang. CAMPING NEI MEK Tst Pisgah Reformatory Centre-ah an enkawl(Patient) te pualin tunkar Thawhlehni atang khan Camping an nei a, vawiin (Inrinni) hian an chhuak ang. Camper hi mi 10 niin Speaker Pu F. Lalrokima, Project Co-ordinator a ni. RISING DAY LAWM DAWN Thingsulthliah Presbyterian Kohhran KTP chuan an Rising Day karleh Inrinniah nilengin BiakIn Compound a hman an tum. Programme chi hrang hrang hlimawm tak tak nen hman tum a ni. KOLASIB LAMAH Mizoram UPC General Missions Conference, Kolasib a neih mek hmang turin Tst Sub-town Mizoram UPC te pawh nimin, Zirtawpni khan Kolasib panin an kal. CHAWIMAWINA HMANG Tunkar Thawhlehni khan Pu PC Lalpianmawia, H/A te chhungkua chuan Pathian hnenah lawmthu sawina hun an hmang a, Thenrual thate nen nilenga Pathian faka zaikhawmin tlaiah ruai an theh nghal. TST CIRCLE BSI BRANCH MEET Tun ni 9 – 11 Nov. 2012 chhung hian Phullen Vengthar Presbyterian Kohhran-ah BSI Thingsulthliah Circle Branch Meet neih mek a ni a, He meetah hian Tst Area BSI Choir te pawh an zai dawn a, tukin khan BSI Zaipawl te hi Bus hmangin an kal. Tst Circle Branch Meet-ah hian Speaker K. Lalsiama, Zemabawk a ni a, Circle huam chhunga Branch hrang hrang 6- Thingsulthliah, Chhingchhip, Darlawn, Ratu, Saitual leh Phullen Branch ten Meet hi an nei a, BSI-ah hian Kohhran hrang hrang te an tel hlawm. Tst Sub-town atang pawhin Circle Branch Meet hmang hian Sumo hmangin an kal hlawm.

Related Interests