You are on page 1of 1

11/10/12

Zomi Messenger: Tapidaw masa leh Biakinn masa

Tapidaw masa leh Biakinn masa


PawlPi Hong tun na.. Pu Awn Lam (Songlam) pen Lokho, singpuak tawh minuamsa pawl hi-in, Lawkingeina sungah zu lehsa tawh nisim nuamsa khat ahi hi. AD (1910) Tedim hong tung Christian Missionary Rev. J. H. Cope leh Tedim khua Tapidaw masa Pu Ngul Langh, Pu Pau Za Kam te tawh Pasian thu naki kum khawm thei zel uh ahih manin Pu Awn Lam up na tungtawn in sangmang pa leh Sia Vial Nang, Tapidaw masa Pu Ngul Lang, Pu Pau Za Kam, Pu Dam Khupte in Pu Awn Lam inn (tulaitak aa Laipian Biakinn mun) ah Daalpau hong keng in, Meisopi leh lim lah na (zohtii) te hong lak in Pasian thu hong tang ko zeelzeel uh hi. (1936)kum ciangin Pu Awn Lam in azi ata te, a beh aphung te thukim lo pi mah in inn hong phiataa Pawlpi inn khat, mimal khat tawh hong phut khia hi. Tua bangin Tapidaw upna sungah hong bual ciangin zi le ta, beh le phung, khua le tui te tawh kiho thei lo aa, nuamsa lo a hih man in Namtaung (nan tit tawng) ah Dolsel nasem in, Kawlte bekbek tawh ki thuah in sum va tha lawh aa, ni tha peek nih bang ngah thei hi A tuah siatteh Hamu bang bek ngah ci hi. A kithuah pih te zu ne, bengteep vive hi aa, amah pen citak in zu ne lo, beng teep lo-in sum khol venvan a hih man in alawmte sang in sum neizaw hi. Nitak lup ciang, zing thawh ciang an neek ding ciangin thungen den aa, a lawm ten lamdangsa-in a doyteh, ka Pasian tawh a kiho ka hi, ci hi. Kawlten haza in na bum ahih man in haigawpaa, a neih sa teng bangmah lo-in beimangsakin dam lo-in hong ciah kik hi. Sang mangpa leh sia masa, Thu um masa pu te in hong veh inthungetsak zelzel uh hi napi,(1938) kum sungin leitung nuntakna hong nusia hi. Sangmang pa leh siate, thu um ma sa pu te,sigui ding in hong pai uh aa, u leh nau te'n phal lo ahih man in ciah kik uh hi Pu Awn Lam Tapidaw up na khai cii ong tuh khit ciang in Topa kiang ah ong ciah san a a ma luang hawm pen u leh nau ten lawki ngei na tawh gui uh hi. Pu Awn Lam om nawn lo a hih man in Tapidaw pawl pi tawmvei sung ki tat hi. B. Pawlpi hong khan na: (1936) kum in Pu Awn Lam (mimal khat, inn khat) Tapadaw up na khaicii hong tuh in (1938) kum kiim in lei tung nun tak na hong nu siat zawh (1938) kum bei kuan ciang in Pu Awn Lam zi leh ta te inn kuan ahi, Pu Tun Khawn Thang ,Pu Gin Thawng (Songput) te inn nih Tapidaw na suak leu leu uh hi. (1940) kum ciang in Pu ,Tuan Vungh (Tunglut) te inn kuan leh atangsuah Pi, Ciang Sial Dim ong ki beh lap hi. (1941) kum ciang in Pu Tun Cin Thang (Songlam), te innkuan ong ki beh lap a inn(4) leh atang suah khat ong pha uh hi Pi Cinh Ciang leh Pi Kham Vung, Pi Tual Za Ning, Pu Tuan Vungh, Pu Thang Cinh Thiau, Pu Tun Cinh Thang leh azi Dim Khaw Ciang te 18.1.1945 ni in Rev. Thang Ngin in Aigia lui ah Tuiphum na na nei a Lailo gam leh lailo khua mite lak panin tui phun na angah ma sapen teng a hi uh hi. (1945) kum sung in Pu Gin Thawng, Pu Tuan Vungh, Pu Tun Khaw Thang te Zampi ah lal uh ahih man in Pu Tun Cin Thangte inn kuan leh atang suah ahi Pi Ciang Sial Dim bek hong om lai hi. (1947) kum ciang in Pu Thang Za Do (Hatzaw) Pu Cin Hau (Songlam) Pu Awn Khen Pau (Gualnam), Pu En Cinh Pau(Kiikkai) te hong ki beh lap in inn(5) hong pha kik uh hi. Pu Tun Cinh Thang te inn(tu laitak a Pa, Cin Za Pau te inn mun) ah biakpiak ki khop na bawl uh aa, (1950) kum biak inn pi ma sa pen neih dong na zangh suak uh hi. A..

Home

Older Post

Worldwide Zomi. Simple template. Powered by Blogger.

zomirecord.blogspot.co.uk/2012/11/tapidaw-masa-leh-biakinn-masa.html

1/1