Daridranarayan: ek vishleshan Swami vivekanand ke anusaar varsh 1872 me bharat ki prati vyakti aaye 2 rupayee maasik thi, prati

vyakti maaasik aaye ki ganana dada bhai nouroji ki ganana (20 rupaye varshik) ke lagbhag nikat thi. Swami ji arthshastri nahi the| unki ganana yeh jaanneka prayaas tha ki bharat me garibi ka sankat kitna bhayavah hai| 28 august 1893 me salem, sanyukt raajya amrika me diye gaye apne bhaashan me umnhone kaha ki bharat jiska kshetrafal amerika se chhota hai usme lagbhag 23 karod log rehte hai. Or isme se bees karod se adhik log 50 sent maasik se kam kamaate hai, …. gareebo ki sthiti atyant bhayavah hai | itni simeet aaye jeevan ke liye aprayapt hai | Swami vivekanand ka arthshastra jeevan ki pustaK se nikla tha atah usme tathyatmakta tatha vyavhaarikta dono ki prachurta thi|unke anusaar shramutpaadan ka sabse mahatvapoorn gjhatak hai tatha shramiko ke upar hi kisi rashtra or sabhayta ki samriddhi tiki hoti hai. Yadyapi ye bhi kaha jaa sakta hai tatkaaleen chintako ki tarah swami jib hi rekardo se prabhavit huye hai | Shramik arthshaastra ke apne saral or sahaj prashn or unke uttaro ke maadhyam se unhone samaany mazdoor ke mahatva ko rekhankit kiya| jahaj ka avishkaar kisne kiya ? ya pahiye ka avishkaar kisne kliya? Kisi ek mazdoor ya visheshagya mazdoor ne nahi | unka kehnma tha ki aaj jitni bhi atyant aavshyak masheene hai vo sabhi saamuhik prayaso ka pratifal hai| Tatkaaleen opniveshik partivesh me mazdooro ki durdasha ka ek kaaran angrezo ki shoshankaari neetiya to tha hi , kintu unhone abhijaat zameendaar varg ko bhi iske liuye jimmedar thehraya | mazdooro ko desh ki reedh ki haddi batate huye unhone kaha ki yadi ikisaan mazdoor apna kaam bund kart de to na khane ko hogha na hi pehnane ko kapde| unhone aage kaha ki apne astitva ke sangharsh me fase huye kisaan mazdoor ke paas gyaan prapt karne ke avsar nahi hai | jab samaaj ka yheh varg jaagega, shoshan ko samjhega to apni hunkaar se ye shoshako ko uda dega | Geeta ke karmyog ka unki mimaansa unke adhyaatmik chinrtan ka parinaam hi nahi thi apitu bharat varsh me vyaapak ghanghor gareebi bhi uska ekl kaaran rahi, purusharth or karm ki pradhaanta ko unhone m,ahtava diya saath hi gareeb kisaan mazdoor ke utthan ke liye raajnaitik evam sansthagat sdudhaaro par bhi bal diya| raajnaitikl swatamntrata ke saath unhonwe ghareeb kisaan mazdoor ke ssashakitikarn par zor diya or is sashaktikaran ke abhaav me raajnaitik swatantrata par prashn chinha lagaya| japaan ke twarit oudyogik vikas or sansthagat parivartano ka vah udaharan dete the| Amerika jaate huye 1893 me swamiji jamshed ji tata se mile to unse kaha ki aap jaapani utpaad apne desh me kyo bechate hai? Aap bharat me iski factory kyo nahi lagaate hai ? issase desh ko laabh hoga| 23 november 1899 ko jamshed ji tata ne swami ji ko patra likha or unse se vigyaan or takneek ke uchh sansthan ke liye sahyog maanga| iske pratyuttar me prabhuddh bharat ke sampaadkiya me krishi orudyog me vigyaan takneek ke mahatva ko batate hue bharat ki bhook or gareebi ko door karne me inka mahatva bataya gaya|

Sign up to vote on this title
UsefulNot useful