You are on page 1of 4

Kumpuan 2013 : Ram leh hnam humhalh

http://chanmari-yma.blogspot.com

Estd : 11 May, 1982

th

Regn. No. NE - 307 (MZ)

Vo l. X XXII : N o. 19 Hunawl hman that

Pathianni

May 12, 2 0 13

Zofate hmasawnna ngaihtuah Kristian nun dan tha ngaihsan

CHANMARI YMA IN RAMHLUN VENGLAI LEH LAIPUITLANG LEIMIN TUARTE TANPUINA PE


Chanmari, Pathianni May 12, 2013 : Nimin May 11, Inrinni zinga ruahsur nasa vanga Ramhlun Venglai leimin tuarte \anpui nan Chanmari Branch YMA chuan Ramhlun Venglai Branch YMA hnenah Rs.1000 leh Laipuitlang Branch YMA hnenah Rs.1000 leh kuang pahnih a pe a.Chanmari Branch YMA chuan he chhiat tawhna hi pawi a tiin nunna leh in leh lo chan te zawng zawng chu a tawrhpui takzet a ni. May 11 zing dar 2:30 a ruahsur nasa avanga leimin hian in sawmpakhat delhchhe vekin motor pariat leh two wheeler pakua a delh chhia a. He thu buatsaih a nih lai hian mi pasarih an thi. Mitthite hi H. Lal\hasanga (31), Ramhlun Venglai, Lalrelfela Sailo (22), Ramhlun Venglai, H. Lalnunmawia (42), Ramhlun Venglai, Lalmuanpuii, Thingfal, V. Johana, Thingfal Lalduhsaki (34), Laipuitlang, Melody Lalhriatchhungi, Laipuitlang, Lalrinzuali, Laipuitlang, Hmingthanpuia, Rabung, Lal\hafeli, Rabung te an ni a. Mi panga-in hliam an tuar a, chungte chu - Lalremruati, Ramhlun Venglai, Josepha, Laldinhluni leh Numberliani, Laipuitlang te an ni. Chhiat tawh thu hriat a nih veleh hian Chanmari Branch YMA hruaitu eng emaw zat chu a hmunah hian an kal nghal a. Branch Executive Committee chuan nimin chawhma khan meeting nei nghalin chhiat tawkte \anpuina pek hi a rel nghal a ni. Hei bakah hian he leimina a boral ta Tv. Lalrelfela Sailo chu an in a chhiat vek avangin a ruang hi a u, Pu Ramengmawia Sailo, Sec-II inah lak a ni. He thu buatsaih a nih lai hian chhanchhuahna hna thawh chhunzawm mek a ni a, leimin hian mi eng emaw zat a la chhilh niin hriat a ni. (phek 4-ah chhunzawm)

Branch Report
* May 10 zana Branch Executive Meeting neih tum chu Central YMA programme avangin \hulh a ni a, May 14, Thawhlehni zanah neih tum a ni. * Branch OB te chu May 10 zana Central YMA in Aizawl City Branch YMA a kohkhawmah an kal. * Pu Lalmalsawma Sailo, Executive Member chu chhungkaw thil pawimawh buaipuiin Rajasthan-ah a zin. * May 10, Zirtawpni zan khan Central YMA chuan Aizawl hmar lam Branch YMA OB te chu Chanmari YMA Hall-ah meeting a neih pui. * Pu R. Lalrikhuma, Executive Member chu E.E. PWD-ah a kaisang a, Branch chuan a lawmpui hle. * Pu V.L. Malsawma, Executive Member, New Delhi a zin chu a lo haw leh ta.

Ruang Khual
Tv. Lalrelfela Sailo s/o Lalsailova Sailo chu May 11, Inrinni zinga Ramhlun Venglai leimin avangin a boral a. A ruang hi a u, Pu Ramengmawia Sailo, Sec-II hnenah lak a ni. Chanmari Presbyterian Kohhran chuan nimin tlai dar 4 khan vuiin, an chenna Ramhlun Venglai thlanmualah phum nghal a ni. Chanmari Branch YMA chuan puana tuamin kuang a tumsaka, lusun chhungte a tawrhpui takzet a ni.

Chanmari United Central YMA in Aizawl City in chakna chang Branch YMA OB kokhawm
Aizawl District Football Association buatsaih NECS Cup 2013 khelh mekah nimin May 11, Inrinni khan Chanmari United leh Chite veng chu Lammualah an inkhel a, Chanmari United hi 7-2 in an chak. Tarlan tawh angin he tournament-ah hian Local Council leh Branch YMA hminga tel theih a nih loh avangin Chanmari Local Council leh Branch YMA \angkawp chuan Chanmari United Football Team hi dinin he team hming hian tournament-ah hian tel a ni a. Organising Committee-ah hian YMA, MUP, MHIP leh CFC OB te an tel bawk a ni. Chanmari United hian May 17, Zirtawpni Chhun dar 12:30 hian Rajiv

Central YMA chuan May 10, Zirtawpni zan khan Aizawl City Branch YMA OB te a kokhawm a. Aizawl hmar lam Branch OB te hi Chanmari YMA hall-ah leh Aizawl Chhim lam Branch OB te hi Central YMA hall-ah meeting neih pui an ni. He meeting -ah hian Hmar Welfare Ruang Chhuak Association in Sakawrdaia Hmar Convention an neih tur chungchang leh Rangvamual Pu Hualthansanga (55), Sec-II a Pu leh Phunchawng a zu zuar leh foreigner Pang\huama inluah chu May 10, Zirtawpni chungchang sawi ho a ni. zing dar 4:30 khan a chenna inah a boral Gandhi Stadium, Mualpuiah Sesawng emaw, a. Hemi ni hian an khua Saitual panpui Lenchim emaw an khel ang. Tournament hi nghal a ni. Chanmari Branch YMA chuan puana knock out a khelh a ni. Inkhel \awiawm tur hian veng mipui a tuamin kuang a tumsaka, lusun chhungte a tawrhpui takzet a ni. tam thei ang ber kal tura sawm an ni.

VOL. XXXII No.19 Pathianni May 12, 2013 : CHANMARIANS : PHK 2-NA : C.B.Y.M.A
Estd : 1982

Section Reports
SECTION I
An Leader David Lalrozama chuan May 17, Zirtawpni hian Presbyterian Kohhran Biak Inah nupui a nei dawn a, hruaitu leh member-ten an lawmpui hle. An hruaitu Nl. Lalrimawii chu a hnathawhna hmun a\angin a lo haw. Nizan khan OB meeting an nei. Hun remchang hmasa berah Lucky Ticket an zuar leh dawn.

Vengchhung
Lusun : Pu H. Lianzama (Ex-Head Master Chanmari M/S) nupui Pi Saichhungi (77), Aizawl Venglai chu May 10, Zirtawpni tlai dar 5:15 khan a boral a, nimin khan vui a ni. Innei : Victor Ramchhana Sailo s/o Biakthansanga Sailo, Sec-IV leh Mimi Zoliantluangi d/o H. Kapthanga, Sec-I te chu May 7, Thawhlehni khan Chanmari Presbyterian Kohhran Hall-ah an innei. Lalremliani d/o Vanlalhuma (Lalsena), Sec-I leh Samuel Lalhruaizela s/o K. Dengsiama, Hmun\ha te chu May 9, Ningani chawhnu dar 1:00 khan Presbyterian Kohhran Biak In Hmun\haah an innei. Lo Haw : Zomuanpuia s/o Pu Zothlamuana, Sec-II chu Manipur a\angin School chawlh hmangin a lo haw. Lalngaihpuii Sailo d/o Lalzamliana Sailo, Sec-I chu Kolkata a\angin School chawlh hmangin a lo haw. Pem : Pu C. Vabeirathie te chhungkua chu Upper Republic a\angin an rawn pem a, Pu Liankhuma in, Sec-II an luah. Zir dawn : Vanlalremruata s/o Lalhmachhuani, Sec-I chu NERIST, Itanagar-a BE zir turin Competitive Exam ah 7-na niin a tling. Inkhawmpui : BCM, Aizawl East Pastor Bial huamchhunga Kohhran 7 te chuan BCM, Chanmari Biak inah Kristian Naupang Pawl (KNP) inkhawmpui nimin nileng leh vawiin nileng hian an nei.

Editor

David Lalmuankima Lalhruaitluanga Sailo R. Lalthanmawia

Joint Editors Lalmalsawma Sailo

Cir. Managers F. Lalhmangaiha

Lalremtluanga Johnny Lalhruaitluanga David Lalremruata


O.B Incharge Vanlalruata, Br. Secy.

SECTION II

An Leader Tv. Vanlalnghaka Sailo damlo chu ziaawm lam a pan mek a, dam thuai se an duhsak hle. KARTIN CHHUAK : CHANMARI BRANCH YMA : AIZAWL Ruahtui a lo tla \an leh ta a, mahni in 8974025369 /9862361419 bul tuihawk luankawr leh a velte vawngfaia Editorial uluk lehzual turin chhungkaw tinte an chah. FURPUI CHHIATNA LAKA INVEN Tunkar lo awm turah hian Gas tuamna Ruah a tla \an leh ta a, ruahsur vanga puan \huisa an zuar leh dawn a, vengchhung chhiatna hrang hrang thleng thei lakah kan mipuiten lo leisak turin an ngen. inven fimkhur a \ul ta hle.
Ruahtui tamna rama cheng kan nih avangin kumtin khel lovin furpui kan tuar \hin a, chu chuan chhiatna nasa tak a thlen \hin bawk. Ruah sur nasa vanga leimin, in chim, motor accident thleng thei lakah theihtawpa kan invena kan fimkhur lawk a \ul hle. Tunlaiah mi tam takin chhiat tawh theihna lak a\anga lo inven lawk hi a finthlak tih hriain in sak danah leh in leh lo enkawl danah fimkhur nachang an hre ta. Changkanna a ni. A nachang hre ve lo erawh a tam zawk kan la ni awm e. Chhiat tawh hnu leh engkim a nih tur anga a thlen tawh hnua siam \hat leh tum hian sum a ti hek a, tha leh ngaihtuahna a ti hah \hin. Inven theih laia lo inven lawk hi a finthlak ber a ni. Chhungkaw tinin kan tuichhe paihna te, tuiluankawr leh kan kawmthlang leh kawmchhak kan thlithlai uluk a \ul hle. Lirtheia zin \hinte pawh a hma aia nasa a kan fimkhur a ngai a, a bik takin lirthei khalhtute an fimkhur a \ul hle. Chhiat kan tawh hian keimahni mimal leh chhungkua chauhin kan tuar lova, \henawmten an tuar tel a, khawtlangin min buaipui a ngai bawk \hin tih hriain i fimkhur lawk ang u. Khuarel thil kan dan theih loh lo thleng vanga chhiat tawk an awmin hawkdak ringawt lovin kan \angkaina tur zawn i ngaihtuah \hin ang u.

SECTION III

Vawiin chhun dar 12 hian Pu C. Lalrinpuia, Asst. Secretary te inah OB-te inhmuhkhawm tur a ni. An Leader Pu Joseph Rohlupuia zin pawh dam takin a lo haw leh ta. May 5, Pathianni chhun khan Pu Lalchhanhima te inah OB meeting an nei. An section huamchhung Pu Lalbiakthanga te in bul kawngpuia zan reia bengchheng siam \hinte khan sim tawh tura hriattir in ni. An hruaitu Tv. Saidenga Sailo te chhung chu Sec-I ah an pem.

SECTION IV
Tunkar hun remchang hmasa berah Section committee neih an tum. Asst. Secretary Tv. Rochhingpuia chu Chanmari Pastor Bial Zaipawl member atan lak thar a ni a, a rawngbawl zelna turah duhsakna an hlan.

BADMINTON CLUB CHANMARI


Badminton Club Chanmari chuan May 4, Inrinni khan Govt. Indoor Stadium-ah One Day Tournament a buatsaih a, member 42 vel an kal. Result kimchang : Category A : 1st Zosangliana leh M.S. Dawngkima 2nd Andrew Lalremkima leh Lalrindika Ralte Category B : 1st C. Zomawia leh Agnes Lalawmpuii 2nd Jimmy Lalramthara leh Benjamin Zohmingliana

Thlan chhinchhiahna
Chanmari Branch YMA Thlanmual Sub Commit tee chuan Chanmari thlanmuala thlan awmdan leh \ul dangte an endik a. Hming leh chhinchhiahna awm lo thlan eng emaw zat hmuh chhuah a ni a. Heng hming leh chhinchhiahna awm lo thlante hi a rang lama chhinchhiahna siam tur leh, chumi atana mahni chhungte thlan endik thuai turin Chanmari Branch YMA chuan chhungkawtinte a ngen a ni.

SIM VAT TURA HRIATTIR


Basketball Court-a ruihtheih thil tih chingte kha hriat in ni a, in sim vat loh chuan YMA hruaituten na takin in chungah action an la ang.

VOL. XXXII No.19 Pathianni May 12, 2013 : CHANMARIANS : PHK 3-NA : C.B.Y.M.A
Article

Hriatzauna
Pasal nei hnem
Linda Wolfe, kum 68, American hian Guinness Book of World Records siamin khawvela pasal nei hnem ber a ni, pasal 23 a nei tawh a ni. 1941 khan piangin Linda Lou Taylor tiin a hming an phuah a. Kum 1957 khan kum 16 mi niin a pasal hmasa ber George Scott nen an innei a. Kum 7 chhung chu hlim takin an innei a. Mahse, an in\hen leh ta mai a. Hemi hnu hian a nunram chu a suakbak chho ta a, pasal han nei leh \hin mahse a fuh tak tak thei ta lo a ni. A pasal neihte chu - jail tang chhuak mit khing del te, Pathian thuhriltu te, zu zawrhna nghak \hin te, pipe chhe siam eizawng te, musician te leh mize mak tak tak a nei a. A pasal neih pahnihte phei chu MKH an lo ni reng a. A dang pahnihte chu in leh lo nei miah lo, mi vak rawlai te an ni ve mai mai bawk a. A pasal pakhat phei chu an khirh mai mai khawp a, an fridgete hi tala in a kalh tlat zel. A pasal pakhat nen phei chuan darkar 36 chauh an innei. A pasal pakhat Jack Gourley phei chu vawithum lai a nei nawn hial a ni. Pa hrang hrang lakah fa 7 a nei a ni. A pasal hnuhnung ber chu Glynn Wolfe a ni a, ani hian Linda hi a nupui 29-na a ni. Kum 1997 khan kum 88 mi niin a thi. Linda-i hi tunah tar chawmna hmunah enkawl mek a ni. R.Lalrinkima, Section-I

Tunge I hmelma?
Eden huanah khan kan pu Adama leh kan pi Evi khan an hmelma kha an hre lo a, chuvang chuan anmahni Siamtu leh Enkawltu lak ata dah hran an lo ni ta a, he 'hmelma hriatlohna' hi tun thleng pawhin vanhnuai lei mihring te'n kan la chhawm nung zel anih hi. Motor hi a khawl nung lo leh khalhtu awmlo chuan a kal thei lo a, khalhtu leh kaihruaitu a mamawh a, hetiang deuh chiah hian ka ngaihdanah chuan mihring pawh hi khalhtu leh kaihruaitu kan ngai \hin. Mahni ngawt chuan khawvelah a awm theih loh a, nunpui leh khawsak pui kan ngai a ni. 'Tu ma puih ka ngai lo, tu mah ka puih an ngai bawk lo' ti ta tlat ila 'Mi A' kan ni ngei ang. Helaiah tak hian a ni, 'tu nge I hmelma?' tih thupui hi ka sawifiah duh tak mai chu. Sum leh pai i nei a, midang awt em em loa khawsa theiah i in ngai a, a dik pawh i ti mai thei, mahse a dik lul lo. I ei tur kha nangmahin i in siam thei lo, tute siam emaw i eiin i in a,nangma thar chhuah thlai tlemte chu nei i in ti mai thei; i lo nei pawh chu a ni ange, mahse chu thlai chu puitling turin nisa leh ruahtui a mamawh a, a petu chu Pathian a ni. Lirthei duh ang tak nei ni ah i in chhal mai thei, i nei e; mahse chu lirthei chu tute siam nge tih zawh i ngai; i kutchhuak a ni lul lo. "Ka kutchhuak a ni e' la ti \alh mah la, midangin a khawl part hrang hrang an siam I lo remkhawm a la ni talh tho a. Chuvangin tumah mamawh loa i in hriatna kha han ngaihtuah leh teh. Tunlaiah hian kan nunphungah leh khawsak naah hian Power supply kan mamawhna a sang ta hle mai, i In chhunga i duhang taka i lo hman theihna tura sum sen tam ngaihzia hi chhut thiam la chuan a hlutna leh renchem a ngaihna pawh i hrethiam ngei ngei ang. Tui tha chakna hmanga Electric siam (Hydro_Electric)chhuak tur hian tuikhuah siam a ngai phawt a, chu tuikhuah chuan ramngaw zau tak a chim chhiat dawn avangin mimal leh Forest Department-ah, a tuikhuah man bakah, pawisa sen chiam a lo ngai a. Tuikhuah siam zawh anih hnuah tui chu Pipe lian puiah hruaiin Electric siamna khawl Turbine chu a khawh vir mup mup a, chu chuan Dynamo lian pui (Generator/Alternator) a tuai vir a, electric a siam chhuak ta a. Chu Electric siamchhuah chu electric hruipui hmangin hmun hran hranah an thawn darh leh a, chu chu In ah kan lo hlimpui ve chauh a ni. Chutiang bawkin tui pawh hi i Inchhunga herh haw thei tura sawrkar sum sen a tam zia hi hria la chuan a lo thlawn mai mai chuan i luanral tir mawlh lo ang. Gas chungchangah han lut leh ila - i bai tui tak te, i arsa siam tui tak te leh thil tui dang tam tak i siam theihna tura eirawngbawlna Gas i lo dawn theihna tur hian a kawng hi a thui teh mai asin. Leihnuai thuk tak atangin Gas hi abik taka siam khawl hmangin tha tam tak senga laih chhuah a ni a, Ina kan hman ang hian an lai chhuak ngawt lo tih hriat tur. Dum/chirhdiak hlawm lianpui pui kara boruak alh thei (gas) lo in zep chu khawl chi hrang hrang engemaw zat, changkang leh manto tak hmangin thliar a ni phawt a, chumi zawhah a dahkhawlna tur hmunah fimkhur takin, kangmei si per tawh theih miah lohin an dah sawn leh a. Chuta \ang chuan Cylinder(gas burah) fimkhur takin an thun leh a, chu chu kan lo hmang ve thei chauh a ni. Khing kan nitin mamawh tlemte hmanga thil pakhat puitling tura a kalkawng thui zia ka han tarlan takte han en khian mihring hi mahni maia ding thei kan nih loh zia a chiang hle awm e. Mahnia ding thei nia in hriaa te chuan an hmelma lian ber chu 'chapona' a ni a, chu chapona chu amah a\anga chhuak a ni bawk. Buaina leh harsatna tam tak kan tawh \hin hi mahni in siam a tam hle, tih loh tur tih vangte, tihtur tih loh vangte hian buaina kan hmachhawn tur ni hauh lo hi kan hmachhawn \hin anih hi. Chu buaina chu kan tuar a,hrehawm kan ti a, a lo chhuahna kan ngaihtuah ngai lo; han ngaihtuah chiang ila a tam zawk hi keimahni a\anga chhuak a ni. Chuvangin, kan Pathian thuah pawh 'hmelma lian ber chu mahni hi a ni' tih kan hmu a, a lehlamah 'nangmah i in hmangaih angin i vengte hmangaih rawh' tih kan hmu leh thung a, a pawmawm tak zet zet..I hmelma hneh theih tur hian eng i tih tur le?

Chanmari United Football Team sponsor tute


1. Rini T-Shirt chuan player leh official te hak tur T-shirt an rawn pe. 2. Pu R. Lalrinkima, Sec-I (3DM Car Washing, Zohnuai) in Jersey an rawn tum. 3. Pu V. Malsawmdawngliana, Sec-III (Dalmia Bharat Cement) chuan Jersey a rawn tum. Organising Committee chuan thilpek petu zawng zawngte chungah lawmthu a sawi.

VOL. XXXII No.19 Pathianni May 12, 2013 : CHANMARIANS : PHK 4-NA : C.B.Y.M.A

Advertisement

MPL-ah CFC 3-na


MPL hmasa ber khelh zawh takah Chanmari FC chuan First Phase-ah Coach Pu Lalchhuanawma (LCH-a) hnuai a point hmu mumal lova an khelh hnuin Coach thar Sir Thlanga hnuaiah Second phase khelin an team tum apiang hneh vek in Pathumna an la hauh thei. Sir Thlanga hian April thlaa MFA Cup, Serchhipa neihah final-ah Dinthar FC nen in tumin Chanmari FC hi a Champion pui bawk. MPL Champion Dinthar FC hi Chanmari FC in an hmachhawn apiangin a hneh ziah mai piah lamah MPL Under 17ah Dinthar Under 17 Team-te hi Chanmari Under 17 Team-te nen an inhmachhawn apiangin Chanmari -in an sawp ziah. Chanmari FC dinhmun 1. MFA Cup 2013 Champion Rs.1,00,000 leh Trophy-an dawng 2. MFA Cup 2013 Fair Play Award Rs.10,000 an dawng. 3. MPL 2013 Pathumna Rs.2,00,000 an dawng. 4. M.S Dawngliana (Dawngtea) Top Scorer a thlan niin Goal 10 a khung. 5. Thangpuia Best Defender-ah thlan a ni. 6. Lalawmpuia (OP-a) Best Goal Keeper a thlan a ni. 7. Fair Play Award Rs.20,000 leh Trophy an dawng 8. MPL Under 17-ah Chanmari FC an Champion a, Rs.15,000 an dawng 9.Under 17 Captain Jerry Mawihmingthanga chu Best Player leh Top Scorer ah thlan a ni. Kum 2013-ah hian Chanmari veng hming in Central YMA Cricket Tournament, Mizoram Football Cup (MFA Cup) leh MPL Under 17-ah te Champion nihna kan hauh mek a ni.

The Good Life


Kitchenware Multibrand Showroom CHANMARI, Aizawl Ei leh in siamna, chhumna, chhawpna & vawn \hatna : Corelle, Treo, Nirlep, Milton, Clay Craft, Roxx, Signoraware & company rintlak dangte siam : melamine, plastics, bone china, ceramics, glass, non-stick & stainless steel Microwave oven, induction cooker, mixer, juicer, grinder, thleng, no, fian, bel leh bawm man tlawm ber a\anga changkang ber thlengin kan zuar e. Duh anga \ha, rin aia tlawm! The Good Life, Opp.: HB College Chanmari Kawn, Ph : 2346826

Ramhlun Venglai leiminah chhanchhuahna hna thawh chhunzawm zel a ni


May 11 zinga Ramhlun Venglai leh Laipuitlanga leimin vanga chhiat tawh chungchangah hian nimin chhun khan Central YMA, PWD, PHE, Disaster Management, Laipuitlang Branch YMA leh Ramhlun Venglai Branch YMA hruaituten meeting an nei a. Ruah sur emaw pawh nise Mizo danin ni sarih chhung ruang zawn leh chhanchhuahna hna thawh chhunzawm tur a ni. Chhiattawhna hmun hi Minister -te leh Bialtu MLA Pu Liansailova ten an \hutchilh a. 1st Bn. MAP, 3rd Bn. MAP leh IR Bn. recue team leh Zo-Tech Adventure Team-ten chhanchhuahna hna hi an thawh chhunzawm reng a ni. Ramhlun Venglai mi 3 thite hi nimin khan vui nghal an ni a. He chanchin buatsaih a nih lai hian mi pariat vel hmuh loh an la awm. Fimkhur a ngaih avang leh bungraw senghawi tur a tam bawk avangin chhanchhuahna hna hi duh angin a chak thei lo a ni. Chhiat tawhna hmunah chhiat tawhna dang a thlen belh loh nan leh chhanchhuaktuten chak taka hna an thawh theih nan tihtur neilo leh hawkdak satliah chu kal lo tura hriattir an ni a. |anpuina pe duh tan a hmuna duty YMA hruaitute hnenah pawisa leh bungrua pek theih reng a ni.

Local Council News


Chanmari Veng chhungah Local Council hriatpuina tel lovin donation khawn phal a ni lo. Secretary Pu Lalmalsawma Sailo chu chhungkaw hna \ulah Rajasthan ah a zin. May 8 khan Warmbrand Road kal tlangpui dan tur an en ho. Thlanmualah Local Council hmalaknain step siam mek a ni. Bialtu MLA Fund a\angin Brig. Vankunga in bul step chu \ha taka siam zawh a ni a. Pu Chalkunga (L), Sec-III in bul step chu chequered tile phah hna thawh mek a ni. Tui connection sign-na man Rs.100, Vai permit sign man Rs.200 a ni.

Belhchian Dawl Lo
Chamnari veng nula hian min en dan hi a dang veka nuam pawh ka ti lo, min en sang suh u, level pui angin min en rawh u, in ti ve thei vek a ni. ...Lal David-a Leader, Sec-I (nupui hmu) Its Black.. its White.. its lukawlh yea yea yea.... Victor-a hian nuhah in chi energy drink Pa Rama dawrah a lo zawng vel a ni awm a... ..Pu Kapa, Victor-a Puzawn Zothlaan Manipur a a fapa kan a tum khan an kal dawnin bawlhhlawh bag 2 a khai pur pur a , airport-a check-in an tih dawnah security duty- in engnge i khai kha ? ti a a zawh chuan, Thlawhna a\anga paih tur a nia tiin a chhang a, a thlawk ve lo chiang khawp mai. (Thlawhna tukverh atanga paih hisapin a lo keng a ni awm e.) ... Airport Authority

Kan fapa,
David Lalrozama leh R. Lalhminghlui
(d/o R. Thangchhuana, Chhinga Veng)

LIBRARY REPORT
An secretary Tv. Zodinsanga Sailo chu mimal hna \ul buaipuiin Chennai lamah a zin mek. Hun remchang hmasa berah vengchhungah member lak hnatlang an nei leh dawn.

May 17, 2013 (Zirtawpni) chawhnu dar 2:00 a Chanmari Presbyterian Kohhran Biak Ina an inneihna min hriatpui tur leh min lawmpui turin Chanmari veng mipuite kan sawm a che u.
Joint Reception Ruai : Kohhran hall Dar 3:00 pm : Kohhran hall hnuai Dar 4:00 pm

Lalrinliana Varte & Lalthanzauvi Chanmari, Sec-I

Taxi Chhiarpui SP Traffic, Aizawl in thu a chhuah angin mipuite him zawk nan taxi chhiarpui neih tur a ni a. Chanmari veng chhunga taxi nei zawng zawngten Chanmari Local Council-ah taxi number, motor document leh taxi permit te report vek tur a ni.

PUBLISHED BY : CHANMARI BRANCH Y.M.A., 1000 COPIES PRINTED AT L.V. ART