You are on page 1of 1

P 3:Layout 1 6/12/2013 10:16 PM Page 1

Special Issue

DAWRPUI VENGTHAR BRANCH YMA

3
ram pum faina leh thianghlimna atan bul \an thartu ni turin i thawk \an nghal thei ang em? 9. Hnam nun kalsual thei laka kan inhumhalhnan kan hnam rohlu - tlawmngaihna, aia upa zahna, taimakna, rinawmna, dikna chawisanga vawng nung tlat turin YMA Day pualin bul i \an thar leh thei ang em? 10. YMA member i nih miau avangin i lo changkansan nual tawh mah nise - mitthi lumen, khawhar ina kal, khawhar hla sak, thingpui sem, khawntesep buaipui, thlan laih, khawhar in riah kawngahte insang mar lehin YMA nihna tak tak lanchhuah a \ul huna thep bo mai mai pawla tang tawh lo turin YMA Day pualin i inhlan thar thei ang em? Aw YMA, YMA miten hmusit mahse, Kristian takte rilru parchhuak a ni, a chuai chuang long.

an ramah June ni 15, 1935 khan Missionary kaltlangin Pathianin YMA min pe a. He Pawl \hangduang tak - Mizo hnam upa lem lo Pawl (Young Mizo Association) hian a sur a sa hnuaiah, hun pik leh hrehawm, boruak rit leh hautak hrang hrang hnuaiah, a chang chuan hun thawl, thengthaw nuam leh hlimawm pawh paltlang ve thovin, Pathianin kan chenna tura min ruatsak Mizoram tan kal a siam chho ve map map reng a. General Conference pawh vawi 67 zet a paltlang ve ta reng mai. Fak leh sel karah he pawl hian Zonun zemawi chawinung zelin, chanhai, riangvaite a hawisan mai lova, lusun khawharte hnemin, hmeithai leh pachhiate tuam hlawmin Zoram hmelma sualna tinreng do hna a thawk a, |anpui ngaite \anpui thurolumah nei chunga hmatiang a la sawn ve hram hram zel hi YMA min petu, Chung

YMA DAY, VAWI 78-NA THLENG CHILH MEK PUALIN


Pathian khawngaihna kan chan tih loh rual a ni lo e. Hetih mek lai hian Zoram nghahfak leh hmachhuan pawl awm chhun - Headquarter changtlung tak neia Tuikhuahtlanga inbun mek, Sub-Headquarter - 5, Group 46, Branch - 792, member 3,88,146 nei hian hnam anga kan dinchhuah nan leh kan ram tluchhe tur ven hna a thawh meknaah hian amah phatsantu ai chuan hmangaiha chawi vul zeltu a mamawh deuh deuh zel dawn a ni. Tichuan, a \um 8-na atan, Ram leh Hnam Humhalh kumpuan kan hman mek hi YMA Branch din tawhna dek dekah chuan YMA Day thupui atan hman vek tur a nih leh dawn avangin, kan ram, kan hnam humhalh nan, khawtlang nun hmasawn deuh deuh nan YMA member zawng zawngte kan inhlan thar a va \ul em! Chumi atan chuan a hnuaia point tarlan tlemte hi mahni \heuh infiah nan i hmang teh ang u. 1. |anpui ngaite \anpuitu Pawl-a tel i nih avangin midang tana hnawksak zawnga khawsa leh phurrit siamtu nilovin mi tu emaw tal chungah YMA Day pualin thil \ha pakhat chauh tal i ti thei ang em? 2. YMA huangchhungah hian a tlangpuiin \awng tuitam aiin thawh tam a pawimawh zawk avangin i mihringpui tan, i khawtlang tan YMA Day pualin tun hma zawng aia thawk tam zawk turin i intiam thei ang em? 3. YMA-a nihna pawimawh chelh ve si, a nuam leh langsar chinah chauh hmalak zei tak, mawhphurhna hlenchhuak peih lo lo ni palh ta la, YMA Day pualin i inhnukdawk ngam ang em? 4. Kan ram min run mektu ruihhlo leh sualna chi hrang hrang lakah kan ram leh hnam chhan a humhalh tur hian YMA Day pualin i theihna mual mualah hnathawh kawr hak ve i inhuam em? 5. Kan ram leh hnam dinchhuah nan leh Mizote inpumkhatna a lo ngheh zual deuh deuh nan, chibil leh hnambing inla hrang zawnga hmalakna do turin YMA Day pualin i inhlan thar thei em? 6. Kan ram rohlu - lui tui, thing leh mau, nungcha leh boruak thianghlim humhalh hi YMA member tinte mawhphurhna a nih avangin hemi kawnga ke pen deuh deuh tur leh midangte zirtir turin YMA Day pualin i intiam thei ang em? 7. Ei leh bara intodelh lohna hian ram hmasawnna a um bo a, hnam dawihzepah min siam \hin avangin ei leh barah leh kawng hrang hrangah kan ram intodelhna turin nangmah mimalah khan YMA Day pualin intodelh turin hma i la \an nghal thei em? 8. YMA Day vawi 77-nain a lo rel tawh angin, Faina kawngah member tin YMA Day pualin mahni taksa leh silhfen, in leh a vel, kawtthler, vantlang hmunhma, khawtlang,

Vanlalzuiliana, Sr. Adviser HMU TATE : * Pu Saichhuana, Branch Secretary chu IPS ah tlingin a hnuah IAS a tling leh. * Pu Lallungmuana, Vice President chu MCS ah a tling a, a hnuah IAS ah hlankai a ni. * Pu Saizela, Secretary chu MPS ah a tling a, a hnuah IPS ah hlankai a ni. INFUIHNA : Kan rual u ten Kohhran leh khawtlanga inhmang chungin IAS MCS MPS te an tling thei a, chung ho chu lo upa in an lo pension ta hial mai. Tunah hian kan vengah hian Sorkara Officer lian kan nei tlem ta hle. |halai lehkhathiam tak tak te u, hun reilote hrehawm han tuar leh ula, sorkara dinhmun pawimawh chelh ve thei turin han inbuatsaih sauh sauh teh u le. Vengchhung mi, kawng hrang hranga dinhmun pawimawh luah an tam chuan englai mahin kan veng hi min hmu hniam ngai lo ang. YMA DAY HLIM TAKIN I HMANG ANG U : Kan Branch hian tun thlengin hruaitu duhawm tak tak kan nei zel. Kan Branch tana \ha tur ngaihtuahtuten member ten kan lo tih ve tur leh tih loh tur an rel thlukte zahin a tihlawhtlingtuah \an tum zel ila. Tunah pawh YMA DAY hman dan tur an rel leh an duan te tihlawhtling turin member tin ten YMA DAY tan kan rilru pe ila, kum khata vawi khat chauh kan hman \hin hi uar takin i hmang ang u. Dawrpui Vengthar YMA kan ni si a. Chanhai ringvaite puitu, Thlafam lusunte hnemtu, Kristian eng chu an lo chhi, Duhaisam chu hei ngei hi. YMA DAY CHIBAI ULE
Lalthlamuana, Bial 1-na, (Ex-President, Br. YMA)

an Branch YMA Chanchinbu enkawltute, kan Editor leh Jt. Editor ten YMA Day denchhenin engemaw hawi talin thu rawn ziak ve teh tia min sawmna \awngkam \ha umin, thu chawhchawrawi tak mai ka rawn ziak ve ta chu a ni a, eng tak ang ve ang maw? Han chhiar phawt mai teh u. Kum 2013 June thla a lo inher chhuak leh ta a, kan rilruah YMA DAY a lo lang nghal \hin. Hun kal tawhte ngaihtuah kualin hun hlimawm leh ngaihawm tak tak kan lo hman ve tawh \hinte a rawn lang uar uar a, YMA khawvelah kan Branch YMA in kan tawn tawhte ngaihtuah thlengin he thu A hlui lo, a thar leh \hin tih hmang hian YMA Day (June ni 15) ka hmuak ve teh ang, ka ti ta a ni ber. YMA ZAIPAWL ZAI RI KA HRIA : Ka zan lengchhuak haw lam chuan zai ri ka hre tlat mai a, ngun takin ka beng ka dawh a, kan Indoor a\anga chhuak YMA Zaipawl hlazir zai ri a lo ni reng a. Kan tlangram par vulna tih hla, hmanah mawi em ema kan Branch YMA Zaipawl ten an lo sak tawh \hin kha a ni a, ka lung a leng em em ta mai a, ka mittui pawh a hnam hial a ni. Pu Rokunga Hlate a zaipawl intihsiak kan neiha pakhatna kan nihte kha hrechhuakin, Recitation-ah Nl. Rebecca Zaii D/o Pu C. Vulluaia pakhatna a nih te, Best Conductor-ah Pu PB Lian-

A HLUI LO A THAR LEH THIN K


zama a nih te, Vanapa Hall-ah lawmman pakhat na Cup lian tawk kan dawnte ka hrechhuak zel a. Tuna thil thleng mai ni hian ka la hre reng mai. Kan Branch YMA Zaipawl hian zaipawl intihsiakah chuan lawmman kan la la ziahin ka hria - 1-na te, 3na te kan lo la tawh \hin. Tunah Pu Rokunga Hlate hmangin zaipawl intihsiak a awm leh dawn a, kan Branch pawh tel tumin an lo inbuatsaih a, hla an lo zir \an leh ta. Tun hunah kan Branch \halaite an zai thiam em em a, taima tak leh tihtakzeta kan zira kan hruaitute thu kan awih tlat chuan pakhatna nih theihna kawng a awm lehin ka hria. Kan Conductor pawhin rual ute pawh pun hreh lo se, kan sak dan a dik em, kan lam dan a dik em tih te rawn hreh lo se a \ha in ka ring. Pakhatna nih phu in han zir teh u, kan lo \awng\aipui zel ang che u. A zai lam han sawi belh zawk ila, Vanapa Hall a la awm si lo, CYMA in Dawrpui School-ah Lengkhawm Zai Intihsiak a buatsaih a, kan Branch pawh tel vein lawmman la phakah kan awm a, hla hruai leh khuang vuak thiam berah Pu R. Lai\huama (Upa) an thlang a. He hunah hian Nl. Lalsangzuali Sailo, AIR Shillong a\anga a hla kan lo ngaihthlak a kan duh ve em em \hin, Murvate thlawkin leng la tih hla a YMA kalkhawmte min han awi mai chu, thiam kan ti hle a ni, a taka Lal-

sangzuali Sailo kan hmuh vawikhatna a ni. Tin, CYMA tirhin kum 1991 Manipur Group YMA khawmpuiah kan Branch Zaipawl kan kal a, nuam kan ti hle a ni ang, bedding theihnghilh \hak tawk pawh kan awm ta in ka hria, a ni lom ni Khumi? Kum 2001 ah CYMA tirh bawkin kan Branch YMA Zaipawl leh Cultural Troupe te kan kal leh bawk a. Pu Vanlalzuilianan kan mutthilh leh chauh a hlauh avanga bus chhunga vai film a han chang te, Nl. Ngaihzuali ten driver mutthluk hlau a kuhva leh meizial an pek chhawk \hin te, kawng kan bo te chu sawi lo mai ang aw! Tin, kan kal vawihnihnaah member-te min tihlima min tihharh tuma Pu Kapa leh Pu Zartea ten titi chi hrang hrang kawng tluana an sawi thei te kha a ropui ve hrim hrim. Tv. Ni-a leh Tv. Faktea ten kha hun kha an theihnghilh theih ka ring lo. Pu Saichhuana, IAS te chhungin min lo mikhual a, ei leh in duhtawk min lo hlui bakah Manipur Stadium leh Sport Village kan fang thei kha a va ropui em! Min duhsakna kha theihnghilh theih a ni lo. Indopui 2-naa thi te hriatrengna (War Cemetery) Nl. Ngaihzuali te nen kan tlawh a, Mizopa hming awmnaah zahna lantirin thla te pawh kan lak kha, a lo va hlu em! Tiraw, Anne Thangpui? P R I M A R Y SCHOOL LAMAH AW! :

YMA Hall leh Indoor Stadium te la awm ve ta lo chu YMA Social leh thil danga inhmuhkhawm ang chi-ah chuan Primary School hi kan hmang nasa em em \hin. * Pu K. Lalhluna (Pu Vala patea) te, Pu K. Lalfala H/o Pi Niauvi te leh an \hian dangten aw thum an han intihsiak a PHULRAWBUL an han ti chhek chhek mai \hin te kha aw! * He mite tho hian kan veng palarte - Pu Gina (Ginzadala) leh Pu Rimena te \awng dan thiam em ema an han zir te khan min va han ti nui nasa \hin em! * Pu Kawlthanpuia leh Pu Thinlaihnema ten thiam tak maia DEVOTED TO YOU tih hla an han sa vang vang mai te kha a mawi. * Pu Thinlaihneman Rock N Roll an sa te kha tun thleng hian a tluk an la awm bikin ka hre lo. * Pu LT Zothankhuma ten Drama Saichalpa Ui Inchuh an changte khan thu leh hlaa kan sanzia a tilang \hin. * Danglovi Circus a pasal Pu Dawngan a show a, hruizen a zawh te leh sai an lam te kha chu pui ve \hin tak chu a ni. YMA HALL LEH INDOOR STADIUM KAN NEI VE TA : * NEPALI : Nepali nula leh tlangval inlem dan nia an rin danin Pu Chhingdailova, Pu Thinlaihnema, Pu Vanlalzuiliana ten an han ti mai \hin kha a pui thei bawk. E, Daju Di Di, Baini haw, Are, Basanti rai la ni haw an va zei \hin em! * RECITATION : Pu Vanlalzuilianan Recitation, Ramdinsangi, Primary Bethlehem hminga a sawi te! * MISS : Dawrpui Vengthar Miss - Pu Saihlira, Pu Sangchhunga, Pu

Hmingthanmawia, Pu Thinlaihnema ten an rawn show zet chuh!! * MIDUM LAM : Pu Vanlalzuiliana, Pu H. Zosangliana, Pu Thinlaihnema, Pu Lalzarliana ten Hei chheburh, chheburh, k a w l i c h a w n , kawlichawn....HUR, Rahte Rahte Aaaaa an han ti mai chu le! Pu P. Lalzualan thleng kengin thilpek a lo dawh bawk, ropui danglam tak chu a ni. * BABY SHOW : Pu Kawlthanpuia huaihawtin Baby Show neih a ni a, Pu Zakhuma (VCP) Pu C. Lalsanga, Pu Hmingthanmawia, Pu Thinlaihnema, Pu Sangchhunga leh Pu Lura ten naute lem changin kekawrte nen chauh an han \hu paw thur mai te kha nuih loh chu harsa tak a ni. * YMA NITE : Opening Song atan Pu PB Lianzama te buaipuiin Let It Be tih leh Heart of Gold tih te. Pu Dina, Pu Ruata Zote, Pu Zuia, Pu Sanga, Pu Tluangtea, Pu Vala, Pu Zartea, Nl. Ngaihzuali, Nl. Thangpuii, Nl. Chungnungi, Pi Lianpari, Pi Tei, Tv. Chhuantea ten an han sa mai chu a mawi, music lam tituten an thiam narawh e. * SIKEISEN AH AW : Pu Vanlalzuiliana leh Pu H. Zosangliana buatsaih Sikeisen Inkahkai zet chu a ropui rem rem. YMA Branch dang hian ti ve maw le? Heng ka rawn ziahte leh a dang tam tak la awmte ka ngaihtuahna chuan a fang chhuak a, tun maia thil thleng ni maia ka hriatte chu kum 35 liam ta te, kum 25 liam ta te leh kum 15 liam ta te a thil thlengte a lo ni reng tawh mai. Mahse, ka thinlungah chuan A HLUI LO, A THAR LEH THIN a lo ti zel si. YMA OB HNA SANG