Garbha-saṅgrahaḥ

|
namo mahākāruṇikāya | trailokyaduḥkhasindhūnāṁ karmabhyaḥ kṣubdhavīcayaḥ| kuśalākuśalādibhyaḥ sāsravebhyo viniḥsṛtāḥ ||1|| rāgadveṣāditastāni jātāni kleśahetutaḥ| teṣāmudbhavahetuścāpīṣṭāniṣṭâdikastathâ||2|| dvaidhagrahaṇato jātaḥ padārthagrāhakagrahāḥ| nityavibhvaikatādyāśca samastotpādahetavaḥ||3|| bhāgyavān puruṣastasmāt muktikāṁkṣī parātmanoḥ| pratītyādisuyuktīnām abhyāsairvinivārayet||4|| bhāvānāṁ grahaṇaṁ tāvat dharmān bāhyāntarākhilān| sarvalakṣaṇahīnena cākāśena samaṁ bhajet||5|| vastugrahābhibhūtaṁ tu lakṣyīkṛtyākhilaṁ jagat| duḥkhasāgarasaṁśoṣimahākāruṇyapūrvakam||6|| svaparārthabhavaṁ ratnaṁ bodhicittaṁ prabhāvayet| bodhicaryāmahāvīciṣaṭpāramitādikam||7|| dhyānavyutthānayogena pañcamārgaiḥ kramād vrajet| dvividhāvaraṇaṁ chittvā dvau saṁbhārau prapūrya ca||8|| trikāyaphalamāptavyaṁ trikāyāpteśca lakṣaṇam| nabhovacchūnyatāyāścānābhogakaruṇāmbudāt||9|| dvikāyāmṛtadhārābhirātridhātu sadā''rdrayan| bodhimaṇḍasubījebhyaḥ puṇyaśasyāni pācayet||10|| hṛdayaṁ sarvabuddhānāṁ garbhasaṅgraha ityayam| kālāntyādalpamāyuṣyaṁ bahurogāścālpabhogitā||11|| durhetubahuvighnaiśca ciraṁ sthātumaśaktitaḥ| padānucchedaśakyatvāt sanmitraṁ hi samāśrayet||12|| atyantavīryacittena prapātaṁ smaratā bhṛśam| saṅgṛhīto'ñjasā garbho moktuṁ svaṁ ca paraṁ tathā||13|| snehainaitatkṛtātpuṇyāt sattvāḥ sarve'pi durbhagāḥ| bodhicittamayā bhūtvā garbhaṁ gṛhṇantu cāñjasā||14||

garbhasaṅgraho nāma mahācārya-dīpaṅkaraśrījñānaviracitaḥ samāptaḥ|| .

Sign up to vote on this title
UsefulNot useful