Niraupamyastavaḥ

niraupamya namastubhyaṁ niḥsvabhāvārthavādine | yastvaṁ dṛṣṭivipannasya lokasyaiva hitodyataḥ || 1 || na ca nāma tvayā kiñcid dṛṣṭaṁ bauddhena cakṣuṣā | anuttarā ca te nātha dṛṣṭistattvārthadarśinī || 2 || na boddhā na ca boddhavyamastīha paramārthataḥ | aho paramadurbodhāṁ dharmatāṁ buddhavānasi || 3 || na tvayotpāditaḥ kaścid dharmo nāpi nirodhitaḥ | samatādarśanenaiva prāptaṁ padamanuttamam || 4 || na saṁsārātprakarṣeṇa tvayā nirvâṇamîpsitam | œāntiste'dhigatā nātha saṁsārānaparādhitaḥ || 5 || tvaṁ vivedaikarasatāṁ saṁkleśavyavadānayoḥ | dharmadhātvavinirbhedād viśuddhaścāsi sarvataḥ || 6 || nodāhṛtaṁ tvayā kiñcidekamapyakṣaraṁ vibho | kṛtsnaśca vaineyajano dharmavarṣeṇa tarpitaḥ || 7 || na te'sti saktiḥ skandheṣu na dhātvāyataneṣu ca | âkâúasamacittastvaṁ sarvadharmeṣu niúritaḥ || 8 || sattvasaṁjñā ca te nātha sarvathā na pravartate | duḥkhārteṣu ca sattveṣu tvamatīva kṛpātmakaḥ || 9 || sukhaduḥkhātmanairātmyanityānityādiṣu prabho | iti nānāvikalpeṣu buddhistava na sajjate || 10 || na gatirnāgatiḥ kāciddharmāṇāmiti te mati | na kvacidrāśitaḥ prokto dharmārthaparamārthavit || 11 || sarvatrānugataścāsi na ca yāto'si kutracit | janmadharmaśarīrābhyāmacintyastvaṁ mahāmune || 12 || ekatvānyatvarahitaṁ pratiśrutkopamaṁ jagat | saṁkrāntināśāya gataṁ buddhavān tvamanindita || 13 || œāœvatocchedarahitaṁ lakṣyalakṣaṇavarjitam | saṁsāramavabuddhastvaṁ svapnamāyādivat prabho || 14 || vāsanāmūlaparyantakleśanadyo vinirjitāḥ | kleśaprakṛtitaścaiva tvayāmṛtamupārjitam || 15 ||

alakṣaṇaṁ tvayā dhīraṁ dṛṣṭaṁ rūpamarūpavat | lakṣaṇojjvalagātraśca dṛśyase rūpagocare || 16 || na ca rūpeṇa dṛṣṭena dṛṣṭa ityabhidhīyase | dharmadṛṣṭyā sudṛṣṭo'si dharmatā na ca dṛśyate || 17 || œauṣīryo nāsti te kāyo māṁsāsthirudhiro na ca | indrāyudhamiva kāyaṁ vinā darśitavānasi || 18 || nāmayo nāśuciḥ kāye kṣuttṛṣṇāsambhavo na ca | tvayā lokānuvṛttyarthaṁ darśitā laukikī kriyā || 19 || karmāvaraṇadoṣaśca sarvathā'nagha nāsti te | tvayā lokānukampāyai karmaplotiḥ pradarśitā || 20 || dharmadhātorasaṁbhedād yānabhedo'sti na prabho | yānatritayamākhyātaṁ tvayā sattvāvatārataḥ || 21 || nityo dhruvaḥ śivaḥ kāyastava dharmamayo jina | vineyajanahetośca darśitā nirvṛtistvayā || 22 || lokadhātuṣvasaṁkhyeṣu tvadbhaktaiḥ punarīkṣase | cyutijanmābhisaṁbodhicakranirvṛtilālasaiḥ || 23 || na te'sti manyanā nātha na vikalpo na ceñjanā | anābhogena te loke buddhakṛtyaṁ pravartate || 24 || iti sugatamacintyamaprameyaṁ guṇakusumairavakīrya mayā prāptam | kuśalamiha bhavantu tena sattvāḥ paramagabhīramunīndradharmabhājanāḥ || 25 || niraupamyastavaḥ samāptaḥ || .