OKBC Shiga

1

2

OKBC Shiga

Editor Nsen

No. (1) Lang Na OKBC Zuphpawng
KBC MNK

Anhte Thai mungdan, Fountain Tree Resort kaw hkrum lu ai gaw kade ngwi pyaw nga ahka! Yawng mung grai myit dik, myit pyaw lu ma ai hpe ,mu lu, na lu ai majaw grai manu dan sai hku hkam la ai. Mungkan shara shagu de chyam bra nga ai amyu Wunpawng sha ni myit hkrum kahkyin gumdin sa wa na lam hta shada matut mahkai lam mung grai ahkyak nga ai. ‘Media’ grai ahkyak ai ngu ai hpe anhte yawng hkap la nna shi htinglet matut mahkai lam hpe kadai ahkyak nla ai hpe mu lu ai. Anhte kanu mungdan ni mung Internet connection grai yak ga ai. Ya kaw nna grau mautut mahkai lu na matu kbckachin1910@ gmail.com hpe mail hte facebook hpaw da sai hte matut mahkai htinglet hkat nga ga law. Lama Yaw, KBCMNK

Mungkan mungdan shagu de chyam bra nga ai KBC hpungwoi ni, hpung salang ni a (1) lang na hkrum zup bawngban hpawng hpe Thai Mundan, Fountain Tree Resort, Bangkok, Khaoyai kaw August 21-25, 2013 ya laman galaw nga ma ai lam chye lu ai. Zuphpawng hta du sa ai ni gaw Newzealand -2, USA-3, UK-1, Australia-3, China-2, Japan-4, Singapore -5, Netherland-2,Thai-32, Kanu mungdan de na marai

-46, yawng pawng marai (107) rai ma ai lam chye lu ai. Zuphpawng a yaw shada ai lam gaw mungkan ting na KBC hpung masha ni yawng matut mahkai ndi ai sha makam masham, amyu, htunghking, mungdan lamu ga lam shagu hta myit hkrum kahkyin gumdin let galaw saw a lu na matu re lam chye lu ai. Ndai zuphpawng byin tai wa ai lam gaw AD.2000 ning kaw nna hkyen lajang da ai KBC a masing hpe ya she hkrang shapraw hpang wa lu ai re lam

Editor: Lama Yaw (KBC MNK) Cover Design: Zahkung Hkawng Gyung Layout Design: Htingnan Mung Ra Cartoonist: Ko Z Reporter: Bau La Doi, Srn. Zung Htang Lama Yaw, Mung Ra Typiest: Hkapra Pan San

OKBC Shiga

3

Amu Madu tsun ai. Zuphpawng hte Rev. KD.Tu LUm (KBC Ningbaw) chyum laika sharin, Rev Dr. Hkalam Samson (KBC Amu Madu gaw OKBC a galaw saw a na masing the dai ni na KBC a byin nga ai lam hpe tsun, Rev. Gunhtang La Myen gaw hkalup Hpung Labau the KBC Labau sharin, Rev. Dr. Maran Ja Gun hku nna, maigan mungdan hkan nga ai KBC hpung masha ni the seng ai lam lakjet jaw lai wa sai. Sara kaba ni a sharin shadum ai lam, n-gun jaw ai lam ni a majaw du sa ai ni yawng grai kabu n-gun lu ai lam chye lu ai. Zuphpawng hta mu bawng ai lam hpe Rev. CM. Tu Shan (Nt. Ningbaw), Rev. Kum Shawng (KBC Bawngring) Sara Nhkum Tang Gun (KBC Ramma) ni woi awn lai wa sai. Kachin Life Stories Wuhpung na Professor Stang Tangbau, Srn. Zung Htang, Sr. Tang Gun, Dr. Hkawng Gyung, Sara Mungra, Slg. Pausa Naw Seng, Hkapra Pan San ni hku nna Wunpawng sha ni a prat labau hpe mungkan de shadawng na masing ni hpe tang madun ma ai. Bawngban ai ten hta mungdan shagu a mabyin masa lam ni, ra kadawn ai lam ni hpe mung tang madun nna mahtai shaw, hpaji jawm jaw ai lam mung galaw lai wa sai.

Wunpawng Yungwi shadang Lahtaw Zau Lum hte Awng La yen hku nna Yungwi the shangwi shapyaw dan ai the lamang hpang wa shagu mahkawn yungwi (Praise and worship) hte woi awn ai hta du sa ai ni yawng grai n-gun lu ai lam chye lu ai. 23.8.2013 ya shana de gaw Overseas Kachin hte Homeland Kachin ni hku nna gawdin shing jawng ai lamang hta 3:2 goal hte Overseas Kachin ni dang mat wa sai lam, shana aten hta wunpawng gamung lanya Sara Tu Ring hte Sara Tu San Awng yen hku nn mani hpa gamung lanya hte shangwi shapyaw lai wa sai. Ndai hpawng hpe Thai mundang du KBC hpung ni jawm n-gun dat let madu tai lit la ya ai lam, Chiangmai WCC ramma ni hku nna mung mahkawn ka hkrang ni hte hkalum lai wa sai. Zuphpawng de du sa ai mungdan shagu na kasa ni yawng mung grai kabu myit dik ai hte shawng lam de myit hkrum myit ra hte kahkyin gumdin, bungle galaw saw a na lam ni bawng ban lai wa sai. Matut nna du sa ai Kasa nkau mi gaw Jinghpaw Mare hte Chiangmai hte Banmai (samahki) de mung wa du kawan hkawm chyai na lam shiga na lu ai.

KBC Web hpe galaw ya nga ai

Hpt. Lahpai Htoi Naw TKBC-Japan tsun ai

OKBC

hte seng nna, ndai zuphpawng hpe grai n-gun lu ai. Lai wa sai (10) ning jan hta TKBC-Japan ni chyu sha hkalup hpung ngu tsap lai wa ai raitim, ya mundan shara shagu hte KBC (Hkalup Hpung) ni grai law wa sai re majaw grai n-gun lu ai. OKBC hpe ya jang hpaw ninghtan sa wa na matu Karai Kasang aten jaw ya sai (God Timing) re ngu hkam la nngai. KBC Web hte seng nna, n-gun nlu ai. Shiga sa ya ai lam hta grai naw gawng kya ai lam mu lu ai. Mungdan nkau mi hta, internet connection lanyan ai lam re chye lu ai majaw, shiga ni hpe PDF File, Video File hku nre ai sha document hku mara yang grau kaja na re ngu mu mada ai.

Ndai OKBC Zuphpawng hpe la ai 2 ning jan sai. Anhte gaw gara kaw du tim KBC hpe myit manoi ai. Tsawm tim ntsawm tim kanu gaw kanu sha re ngu myit ga ai.
Sara Dashi Gum San

4

OKBC Shiga

G a

S h a g a w p

OKBC
Thai mungdan kaw galaw ai Langai lang na OKBC Hkrum zup hpawng hta du sa ai Mungkan mungdan shi kaw na Ninghkrin kaba latsa manga Rau sha man hkrum, ta gindun Myusha lam hpe rau jawm tsun Mungdan kata mung shinggan Tinang nga ai ginra lam Yawng nan jawm tsun tang shana Myit rawt ai ni grai law nga N mu hkat ai grai nan na Mu ai hte rau myiprwi kama Chyeju shakawn nngai law OKBC a jaw sha Annau ni yawng bai hkrum tsup lu sai rai. Makam hkringhtawng hpe jaw ya Kam na lam Karai hta lai kadai n nga Labau hpe lup makoi ai amyu n tai na Makam kri dung myu she tai ga nga Hpang de bai chayn yu mada Shawng de lahkam htawt loi nga Ningpawt ninghpang jawm gawgap Kanu KBC hpe jum manat Gara kaw du tim myit dum ai Shamat kau n mai labau tai Shingran mu let gawgap sai Mahtai hpyi ai ni grai nan law KBC ningbaw ni bawnu hkraw Rai tim, n myit ya yang gaw n mai Shalu mat na mung tsang ai Madai pan kaw na manaw rawt Mauhpa hpung shingkang woi kasawt Karai chyeju hpring tsup ai OKBC nang wa lu Sung sung myit yang mahtai kaja mu Mungkan ting chyam bra nga sai Amyu sha yawng a ntsa Lam woi kaja nang tai ya Ladat sumhpa atsam shaw Sasana asak woi shachyaw Matut n di yawng hpe nan Pawn ba lakawn la ra sai lu oi! Oh KBC Oh KBC e....
Hugawng Shayi, Singapore. C a r t o o n

OKBC Shiga

5

OKBC
mu mada, myit mada ai lam
Bau La Doi

Shanhte tsun ai

hpe

“OKBC zuphpawng hta sa lawm lu ai majaw grai kabu ga ai. Ndai hta zuphpanwg kaw nna, myit mada ai lam gaw, Mungdan shara shagu kaw nga ai Jinghpaw Wunpawng Hkalup Hpung masha yawng hpe shawng lam hta grau nna woi awn zinlum matut mahkai let Karai lam, Hpung lam hta rawt jat galu kaba bawng ring wa ai shaga n-ga, Myu sha lam, htunghking lam hta mung lam woi madun matsun wa lu na hpe myit mada ga ai. Grau nna gaw Mungdan shara shagu kaw du nga ai Wunpawng Hkalup Ramma ni hte matut mahkai network galaw let, maigan de sha nrai tinang a buga ginra hpe mung gara hku lahpa galai rawt jat wa hkra woi awn sa wa na lam ni hpe ladat shaw lam madun na hpe myit mada ga ai”. Shy. Labang Lu Mai (Ah Mai) AKBC, Sydney, Australia

galaw na lam hte seng nna gaw, mi shawng nnan e gaw Overseas Kachin Baptist Association hpaw ra sai nga nna, AD 2000 ning KBC Mung shawa zuphpawng kaw nna hkap la da sai masing hpe hkrang shapraw mat ai rai nga ai. Dai hkrang hpe shapraw na matu KBC ningbaw, Amu madu kaba ni, Sara Paul ni nan hkan du nna, anhte japan de mung sa du nna n-gun sa jaw ai. Bai nna, Ningbaw kaba wa nan myit sa sharawt nna, anhte myit rawt nna hpaw ninghtan sa wa ai shaloi gaw, hpang e ginjraw de na mung gara hku kun, KBC ningbaw kaba wa nan akyuhpyi majai ap tawn da sai Nawku hpung hpe bai htingnut u nga nna, hpang e gaw Overseas kachin Baptist Association pyi nmai gazik ai law nga nna, hkring mat ai majaw mang hkang rai mat ai ngu mu ai. Hpa majaw nga yang, jau kaw nna nan, KBC Masing hku nna nan Netherland kaw du yang mung, Marai 4, 5 du ai hte KBC hpung hpaw, rai jang hpang du wa ai ni dai kaw hkrai lawm mat wa na. Australia kaw rai yang mung marai 10, 20 rai yang mung KBC hpung hpaw dat yang KBC gaw kaba wa na. America mungdan mung, dai hku du wa ai hte KBC buga hpung shawng hpaw rai nna galaw mat ai rai yang gaw kaga hpa mang hkang nnga ai. Ya mang hkang gaw Fellowship shawng hkan hpaw rai yang N gun ja wa sai nga yang, dai kaw na KBC hpaw sana nga jang gaw Arr narr hkat ai mang hkang byin chye ai. Dai majw ngai gaw, Nkau mi gaw ndai hpe nau naw jau ai nga tsun ai. Rai tim ngai na ningmu gaw ndai galaw ai lam gaw nau pyi hpang hkrat sai ngu mu mada ai”. Rev. Dr. Lazuk Dau Hkawng, Japan – TKBC
6 OKBC Shiga

OKBC

Ndai OKBC kaw du sa ai kasa ni hta myit mada ai mahtai a myu myu nga nga mali ai. Mungdan nkau mi gaw tsep kawp kanu ginjaw hpung KBC a nawku hpung langai hku byin mayu ai ni nga ai zawn, nkau mi gaw ginjaw KBC hte partnership shing nrai aliance nawku hpung langai hku sha nga mayu ai lam mung nga ai. Ndai zawn tsun wa ai lam mung mai gan kaw nga nga ai ni a byin nga ai mabyin masa hte mahkrun hta hkan nna pru wa ai lam re. Ngai langai hku nna gaw ndai OKBC hpawng kaw nna OKBC Ngu ai mung dan shara shagu kaw nna malawm ni shang lawm ai committe (sh) laksan ginjaw (rung) langai hku galaw sa wa yang grau kaja na re ngu mu ai”. Amsterdam, Netherlands

“OKBC hte seng nna, mu mada ai lam gaw KBC ginjaw hte maigan mungdan nga KBC hpung masha ni hpe matut mahkai ya let, hkristu ngu ai baw hte lam shagu hta kaba rawt wa na re”. Srn. Hkasha Nan Awng Auckland, New Zealand

“Dai ni America mungdan de KBC hpung masha ni lani hte lani law htam jat bang wa sai re. Lai wa sai ten ni hta KBC Kanu ginjaw hte matut mahkai ai nawku hpung ni nnga ai rai tim mung, ya dai ni KBC hte matut mahkai na matu, ta gindun myit hkrum let Sasana magam lam ni hta rau galaw sa wa ai Nawku Hpung ni gaw (1) Hanson Jinghpaw Wunpawng Hkalup Hpung (2) Texas Jinghpaw Wunpawng Hkalup Hpung (3) Indiana Jinghpaw Wunpawng Hkalup Hpung (4) Michigan Jinghpaw Wunpawng Hkalu Hpung ni rai ma ai. Jinghpaw ga hte nawku nga ai laga nawku hpung ni mung law law nga ai. Rai tim mung KBC hte matut na lam hta njin shi ai lam nga ai re. Sara Dure Zau Hkawng Hanson Jinghpaw Wunpawng Hkalup Hpung, Texas

OKBC Shiga

7

“No. (1) lang na OKBC hkrum zup bawngban hpawng hta ngai, Langjaw Sau Chang, UK dat kasa hku nna sa shang lawm lu ai majaw Karai Kasang a chyeju hpe shakawn ai. Kanu Mungdan na kasa/Mungdan shara shagu de na kasa ni hte hkrum lu ai majaw mung kabu ai. Ndai hpawng (OKBC) hpe galaw ai ram ram pyi hpang hkrat mat sai. KBC Hpung masha ni, maigan de du ai ni hpe zinlum ai lam hta grai ahkyak kaba dik rai nga ai. Nmyit shut ga, Ntsen ai myit tawn kau da nna, Jinghpaw Wunpawng myusha ni hkristu ngu ai baw hta lam shagu hta kaba sa wa ga nga ai hte maren byin wan a matu ahkyak dik rai nga ai law. Mai gan du KBC Hpung masha ni sha n-ga, kaga hpung masha ni ma hkra mung shang lawm sa wa ga law”. Langjaw Sau Chang, UK dat kasa

“NO (1) lang na OKBC bawngban hpawng hta sa du shang lawm lu ai majaw Karai Kasang a chyeju hpe shakawn ai hku re. Ndai hpawng a marang e shaning na na n hkrum lu ai magam gun manaw manang ni hte bai hkrum lu ai hpe kabu chyeju dum ai law. OKBC a majaw Mundan kata hte Mungdan shinggan na Myu Wunpawng sha ni yawng makam masham lam, myusha lam ni hta grau grau rawt jat wa hkra jawm galaw saw a lu na hpe myit mada let kyuhpyi nga na ga ai law”. Dumhpya Hka Ra (KCPC – Japan)

“Ndai zawn uhpung tai wa na matu myit mada ai gaw shaning na na rai sai. (1) Masha amyu kaba ni pyi galaw nna n-gun jawm la la rai nga ma ai. Mungkan hpe mare langai hku woi awn ai lai ladat rai nga ai. N-gun kaba wa jang kaga amyu hte mungdan ni hkan nang wa lu ai. Jahtum e mungkan ting hkan nang wa mai ai. (2) Jinghpaw Wunpawng hkalup masa hpe mungkan de shatsaw dat ai lachyum pru nga ai. Ndai lahkawng ning laman Jinghpaw Wunpawng Hkalup Hpung masha ni a makam masham hte asak hkrung lam hpe sawk sagawn ai dakkasu Jawng ma ni law law shara shagu kaw du sagawn nga masai. Grau shakut mayu wa nngai. (3) Shiga grai lawan ai hku matut mahkai hkat lu ai. Mungkan mungdan kaba ni hte maren pra nga lu ai lam re ngu mu mada let hkam sha lu ai. Grau nna kaga mungdan hkan nga ai Wunpawng amyu masha ni hpe kanu tai nna, woi ahpun lahku nga ai uhpung re ngu nna aja awa kam hpa nngai. OKBC matut grin kaba wa u ga law! Amen”. Hpau Daw Hka Seng, Miwa Mung

8

OKBC Shiga

It is important meeting for Kachin People around the world and in Kachin Land. One is to maintain contact and another thing is to get yourself more organizers, pull your resources together so as to better take care of the present and then prepare for the future. And of course I am very grateful that to OKBC organizers, give Kachin life stories an opportunity to present these idea to them to take it back to their hometown and to their congregation members and hopefully contribute to creating a new world of knowledge for the Kachin people. That is created by Kachin people themselves. I think this is a very fantastic initiative”. Kachin Life Stories “Ya na zawn w.p shingni lam hta yu ngwi shadang langai mi hku na tsap nga ai ten, No.1 lang na OKBC zup hpawng kaba hta mahkawn shakawn let nawku dawjau taw ai lamang hta sa du woi awn ap nawng lu ai majw karai kasang a chyeju hpe ja ja shakawn ai law. Mungkan a sin praw, sin na, dingdung, dingda, hta chyam bra nga ai anhte Wunpawng myu sha ni hpe Makam lam hta woi awn nga ai KBC ning baw ning la ni a myit hkrum mang rum let sa du bawngban jahkrup nga ai hpe mu mada lu ai majaw na chying wa myit, yu n gun lu ai law.. OKBC a yaw shada ai pangdung de awng dang hkat hkrang lu na hte, KBC nawku hpung shagu hta mung KARAI KASANG hpe mahkawn shakawn let nawku daw jau ai hte lam shagu hta rawt jat galu kaba wa u ga ngu ,A Kyu hpyi ya dat ga ai law”.Lahtaw Zau Lum @Jet san htun & Ong Lar (soul)

OKBC ZUPHPAWNG HKYEN LAJANG AI LAM GADUN
Mungkan mungdan shara shagu hta chyam bra nga ai Jinghpaw Wunpawng Hkalup Hpung masha ni hpe zinlum ta gindun ai Overseas Kachin Baptist Community Conference hpe Bangkok kaw galaw na matu 2013 March shata 9 ya shani Wunzup Rawt Jat Nawku Hpung Bangkok kaw Singapore, Thailand hte KBC Amu Madu Ningbaw ni hkrum zup nna bawngban myit hkrum da sai. Ndai OKBC zuphpawng hpe 21-25 laman hta Bangkok kaw galaw na matu dawdan da sai. Bangkok ni hte Chaing Mai nawku hpung ni madu tai nna zuphpawng a matu hkyen lajang na matu lit ap da hkrum ai hpe kabu gara hkapla da sai re. Dai hpang shabyin shatai komiti ni shata mi hta kalang hkrum zup bawngban let hkyen lajang hpang wa sai re. Mungkan mungdan shagu hta du nga ai nawku hpung ni hpung masha ni hpang de dep hkap ai daram email,facebook,youtube hte telephone ni hte shakut let matut mahkai saw shaga lai wa sai. Saw shaga ai hte maren nawku hpung law malawng kabu gara shiga bai htang ai nawku hpung ni nga ai zawn nhtang ai ni mung nga ai re. Shawng nna zuphawng galaw na shara hpe slg. Pausa Brang Rip woi awn tam sagawn hpang wa ga ai. Panglai makau de shing nrai bangkok mare kata kaw kaw nre sha simsa ai shara resort langai ngai kaw galaw na matu dawdan da sai. Dai majaw Bangkok a dingda maga kolomiter 200 jan tsa ai shara kaw na Fountian Tree Resort kaw gadaw la matu lata da sai. Dai hpang Rev.Hpauyam Latt Awng hte Slg.Pausa Brang Rip lahkawng lang sa san sagawn nna shateng da sai. Zuphpawng nhtoi ni kahtep wa ai ten hta mungkan mungdan shagu de na du sa wa na dat kasa ni hpe tau hkalum na matu mung lit garan gun hpai ga ai. Dak kasa ni du sa wa na aten jahpan nbung ai hta hkan na airport tau hkalum lam hta mung yak hkak ai lam gaw. Zuphpawng galaw na resort hte nbungli dabang gaw lapran mawdaw hte hkyinghkum lahkawng jan jawn ra ai. Tau du nga ai dat kasa ni hpe wunzup ginra kaw shara jahkrat na hkap hkalum da ga ai. Kanu mungdan de na du sa ai KBC.EC ni hte dat kasa ni gaw 21 ya shana 7:00pm hta du shang wa ma ai re majaw bus kaba langai hte airport kawn zuphpawng shara de matut rawt sa mat wa ai gaw dai shana yuptung lai ten hta du shang wa saga ai. Simsa katsi pyaw la ai fountian tree resort gaw hkrun lam a majaw pu ba nga ai dat kasa ni hpe n gun awai ya lu sai re. Maran Hka Li
OKBC Shiga 9

OKBC zuphpawng hta gamung lanya lamang hte du sa ai ni yawng hpe myit shapyaw ya ai Balen Shingni Hpung
Bau La Doi

myit dik hkra sha-a ya lu sai rai nna, ndai lamang hta Yungwi Ninghkring ni rai nga ai, Jet San Htun (Sara Lahtaw Zau Lum) hte Shd. Awng Lar (Soul) yan kaw nna mung mahkawn yungwi ni hte shang lawm shangwi shapyaw wa sai rai nga ai. Bai, Jinghpaw Wunpawng Hkalup Hpung Ginjaw (KBC) ningbaw rai nga ai Rev. Hkangda Tu Lum, Mandalay buga hpung kaw nna du sa ai, Sutdu Dashi Yaw Ba hte Bangkok Wunzup Rawt Jat Nawku Hpung na Ramma rai nga ai, shd. Hpauyam Maw Maw kaw nna mung, mahkawn yungwi ni hte shang lawm wa sai. Thai mungdan, Bangkok mare kaba, Fountain Tree Resort kaw galaw ai, OKBC hkrum zup bawngban zuphpawng sa du ai ni yawng, pu ba tsu tsa nga ai lam hkoi lu na matu, Mungdan kata kaw nna du sa ai Balen Shingni hpung a gamung lanya lamang hpe, zuphpawng galaw ai (2) ya ngu na shani, August (23) ya shana hta galaw wa sai. Balen shingni hpung a gamung lanya ninghkring yan rai nga ai, Slg. Tu Ring hte Sara Mung San Awng kaw nna, hkying hkum lahkawng daram, mani hpa gamung lanya galaw wa sai hta, OKBC hte seng nna shadum jahprang ai lam ni hpe mani hpa tsun let, hpaji jaw ai lam galaw wa sai. Balen shingni hpung gaw Wunpawng Myusha ni hpang de, mani hpa hpe galaw let, lam langai ngai hpe sharai la lu nna, lam langai ngai hku nna anhte a mai kaja ai lam de du wa lu na matu the, lam shagu, myusha lam yan nnga, wenyi nnga, rawt jat lu na hpe myit mada let, mani hpa hpe tsun let, lam amyu myu hku nna galaw ai, Balen shingni hpung re lam chye lu ai. Gamung lanya lamang hpe, aten kadun laman hta galaw ai rai tim, daw (3) garan let, shawa ni hpe
10 OKBC Shiga

C a r t o o n

OKBC CUP
Overseas Kachin
VS

Yaw Tut

Homeland Kachin
hku galaw ai lam, Gawdin ninghkrin ni hku nna ginsup hpang wa ai hte yawng a sinda hta lata shakap nna Wunpawng Mungdan mahkawn hkawn nna hpang wa sai. Ginsup pa tara agyi hpe Mandalay Hpung Up Rev Zau Awng, Rev. Tu Ja (man maw) Sara Kum Shawng (KBC) ni hku nna galaw ya lai wa sai lam, Rev. G. La Myen hte Rev Bau Tu Ja yen hku nna kumhpa shaw ya ai lam, gawdin ginsup ai hta 2:3 hku nna Overseas Kachin ni dang mat wa sai lam, ndai lamang a majaw grai kabu gara kanawn mazum lu ma ai lam shiga na lu ga ai.

OKBC zuphpawng de du sa ai dat kasa ni a kanawn mazum gawdin ginsup poi hpe Fountain Tree Resort gawdin pa kaw 23.8.2013 ya shana de ginsup lai wa sai. Ginsup ai lam hta maigan mungdan de na du sa

ai kasa ni hpe Overseas Kachin, Kanu mungdan kaw na du sa ai ni hpe Homeland Kachin ngu garan shamying nna shing jawng lai wa sai lam, shing jawng poi mahkyen ni hpe International madang hta n-shayawm ai

Kachin Life Stories
Mungkan ntsa hta chyam bra nga ai W.P myu sha ni yawng ngwi pyaw sim sa nga u nga ngu nna anhte Kachin Life Stories group (KLS) ni hku nna shakram dat ga ai. Kachin Life Stories (KLS) ngu tsun yang ndai mying hte grai hkau chyap ai ni nga ai zawn, kalang mi mung nna ga ai ni mung grai naw nga na hpe kam ai. Wunpawng myu sha ni gaw, manu dan ai labau htung hkring ru di lu ai amyu ni rai ga ai. Raitim, Wunpawng sha ni a lam hpe hkut hkut ngai ngai hkaja mayu ai ni a matu, internet resource hku tam yang gaw nau ndan dawng shi ai hpe mu lu ai. Anhte a lam hpe bai shing ran mu yu la lu na matu, myu sha labau gaw gap lu na matu hte mungdan shara shagu de chyam bra nga ai W.P ni shada ndut ndang matut mahkai nga lu na matu yaw shada let ndai Ndai manu dan ai labau gawgap ai lam hta nang ngai yawng shang lawm lu na matu mung hkyen lajang da ga ai. Anhte langai hkrai a shani shagu na shamu shamawt ai lam ni hpe facebook, instagram, sound cloud, youtube, flicer, twitter hkan tag galaw let mai shang lawm nga ga ai. Tag galaw ai lam hpe gaw tinang a photos, movies, sounds ni a npu kaw ndai zawn #kachin, #kachinlifestories, #W.P myusha, #nu, # maprat, #.......... tag galaw let mai shang lawm nga ai. Dai majaw tsawra ai Wunpawng myusha ni #kachin ngu tag galaw let myu sha lam hta shang lawm sa wa ga law…….

KLS hpe galaw shakut nga ga ai re. Grau nna anhte W.P myu sha ni kadai (Identity forming) re ai ngu hpe mungkan de tang madun lu na matu yaw shada let galaw shakut nga ga ai. KLS a magam bungli hpe yu la mayu ai ni a matu Kachin Life Stories web site http://kachinlifestories. com/ hte Kachin Life Stories facebook page hkan mai shang yu sai re. Ndai magam bungli hta Kanu mung dan hte mung dan nkau mi hkan galaw hpang taw saga ai.

OKBC Shiga 11

Prut Pru Wa Nga Ai Matsun
1977 ning tsa ning hpring ai jaw masat poi hta anhte a ji wa ni gaw, Wunpawng sha ni sut lu nga mai ai ni rai wa na matu sut shaman chyeju hpe lak san hku woi hpyi lai wa masai. Ndai hpe Karai Kasang madat ya ai majaw, Bum ga hkan n dum n dam rai nga nga ai jing hpaw wunpawng sha ni hpe yu li hku hku nna pa ga de garat jahkrat nna, lung seng awng ai amyu, sut su ai amyu ni law law tai wa saga ai. Jaw poi a shawng maga kaw Jinghpaw Wunpawng sha ni grai rai gumhpraw lu ai sut su ai ni nnga tim, Jaw poi a hpang kaw na sut su ai sut lauban ni law law pru wa ai gaw shaman chyeju san san nan rai nga ai. Matut nna Wunpawng sha ni sut su ai ni nga wa sai raitim, ndai sut gan hpe, prat tup prat shang lu su taw na matu nchye zing ai, hpaji nchye ai majaw, chyahkring sha lu nna, bai matsan mat ai lauban kajawng tai mat ai. Ndai zawn re majaw, anhte ji wa ni gaw, 1995 ning Mandalay mare kaba kaw galaw ai Laika jaw poi kaw hpaji chye chyang ai amyu ni tai wa na matu lak san hpaji sut akyu ara hpe woi hpyi lai wa masai. Dai hpe mung Karai Kasang gaw madat ya ai majaw, Wunpawng sha ni anhte a kaji kawoi ni pyi rai ndu yu ai mungkan mungdan shara shagu de du sa nna, kanbau bungli ni hpe machye machyang law law hte galaw let chyam bra wa saga ai. Nkau mi gaw, tinang a Kanu mungdan kaw nsharin mai ai madang tsaw ai prat dep hpaji ni hpe sharin hka ja let mungkan shara shagu de du taw nga ai gaw mungkan mungdan 27 daram kaw nga nga saga ai. Ndai gaw anhte ram nna, anhte byin nna, anhte atsam hte du ai byin wa ai n-re sha, Karai Kasang a chyeju
12 OKBC Shiga

san san hte du ai lam re. Ji wa ni kyu hpyi ai lam hpe Karai Kasang madat nna shaman ya ai lam she rai nga ai. Rai yang wunpawng sha ni hpaji chye ai ni mung nga wa sai. Mungkan mungdan law

law kaw, mungdan masha citizen hkam la nna, nga pra sa wa ai majaw hkum tsup sai, shim lum sai ngu tsun lu na i? grai myit yu shara rai nga ai. Mungdan kaba maigan myu ni lahpran hta tsat hkawm wa ai lam gaw, htawm hpang de na matu grai myit tsang hpa, rai nga ai. Anhte a grup yin hte shani shagu na mahkrum madup, tsun shaga ai ga, htung hking lai len ni gaw anhte hpe, anhte kashu kasha ni hpe, ka up kau nna, gau ngwi ngwi gaw anhte ga mat mat na, dai hpang htung hking mat na, dai hpang amyu mung mat mat sana re hpe asan sha sawn la lu nga ai. Moi Wunpawng sha ni hpe shaning manga-shi ning lapran htum mat sana amyu re ngu ai kaw na, Karai Kasang a dat kasa sasana

sara ni a marang e anhte gaw nhtoi lu la nna, shaning mangashi hta nhtum mat ai sha dai ni mungkan hta dan dawnng ai amyu byin wa nga ga ai. Ya dai ni mung Karai Kasang a chyeju san san hte, mungkan de pru nna nga hkawm mat wa ai chyurum ai annau ni, mungkan a makam masham laru, htung hking laru, amyu ru sai laru, tsun shaga ai ga laru, sut su arawng aya laru hta nlup mat na matu OKBC ngu ai Overseas Kachin Baptist Communities gaw anhte man e kabu hpa myit mada shara tup hte dawng pru wa nga sai. Tsawra ai laika hti nu wa hpu nau Wunpawng sha ni e ndai maigan du hka lup buga hpung masha ni hpe zinlum ai OKBC gaw, jiwa ni a makam hkring htawng dagraw la nna, wunpawng sha ni a myit mada shara KBC a woi hpaw ning htan da ai communities langai rai nga ai. Ndai KBC a labau hpe yu ai shaloi anhte jinghpaw wunpawng sha ni kaji kadun nga ai kaw woi galu kaba wa ai, jinghpaw wunpawng sha ni a matu grai htap htuk la ai mung KBC chyu sha rai nga ai. Anhte maigan du jinghpaw wunpawng sha ni yawng hte mung, ndai KBC woi awn ai OKBC hte matut mahkai nna, myit mang shabawn let ap nawng shang lawm sa wa ai rai jang, kadai amyu ni mung shing jawng nlu ai n-gun kaba hte alak mi bai dan dawng galu kaba ai amyu langai garawt shaw dat ai zawn jat wa ai amyu byin tai wa saga ai majaw, amyu sha ni shawng lam gaw, “Prut Pru wa nga ai matsun” rai na re ngu ngun jaw ga saw da tai law. OKBC shangai da tai gaw 21-25/8/2013 Thai mungdan Bangkok mare kaba, Fountain Tree Resort kaw rai nga ai. Myu hpe tsaw ra let, Agu Namti

OKBC hta tang shawn bawngban ai mungdan shagu de na dat kasa ni a sumtang
KCPC Japan
Jinghpaw Wunpawng Hkristan Simsa Nawku Hpung (2008). 1992-2008 laman gaw KCF ngu nna shamying ga ai. Peace Church kaw mother church hku nna nga ai. 2013 kaw nna Buga Hpung san san shangai sa wa na hkyen nga ai. K/S, CE, Sut Dap ni nga ai. Hpung Sara/ma ni-3 nga ai. Laban Nawku man man nga ai. KCPC Buga Hpung hku tsap hkyen sai. Hpungtau marai 5 dang hkyen ai. Hpung nta hte Hpung rung lu sai. Nawku Jawng naw mari la ra ai. Hpung masha 290 jan nga ai. OKBC network hku sa na hkyen ai hpe hkap tau la ga ai. Ndai network hpe gara hkrang hku sa na ngu ai hpe atsawm sha bawng ban la mayu ga ai.

Netherlands
2006 kaw nna Jinghpaw ni du wa ai. Hpung Sara n nga ai. Kachin Community Netherlands ngu shamying da nna rau zup hpawng nga ga ai. Amsterdam mare kaw jawm nawku ga ai. Masha nlaw shi ai. Netherlands kaw jawng lung nga ai Sara Marip La Rip woi awn nga ai. Poi daw jaw ya na Hpung Up Sara n lu shi ai. Jinghpaw marai 74 nga ai. Shata mi kalang nawku ai. Nga nan nga na ni nga ai zawn nkau mi buga de bai wa mat na ni mung nga ma ai. Netherlands kaw gaw Gay ni Bi-sexual ni hpe a hkang jaw ai. OKBC galaw sa wa na kaw Gay issue hte seng nna gara hku lajang da ai hpe chye mayu ga ai. (Eg. Asuya-right hte Nawku Hpung- sin).

Texas KBC - USA
Texas Jinghpaw Wunpawng Hkalup Hpung ngu nna sha mying let bat shagu Nawku nga. KBC masat laban Nhtoi hpe galaw nga ai. Baptist World Alien (WBA) hte matut da sai.KBC Hpung woi matsun the maren shakut nga ai. KBC hku nna anhte hpe lam shagu hta matsun madun lam woi la na hpe la ding da nga ga ai. KBC hte rai yang myit a lum sha re. Ndai zuphpawng hta dai hpe daw dan ya mi..
OKBC Shiga 13

Hanson KBC - USA
KBC hpung woi masa hte maren woi galaw shakut nga sai. Hpung masha 60 daram nga ai. Shata -2 jan sha naw re ai. Sara Dure Zau Hkawng woi zinlum nga ai. Dap/ komiti nkau mi hpe hpaw da sai. Hpt-3 nga ai. Mung dan kata de na ni anhte shing gan de du nga ai ni hpe lakawn la na matu lak san galaw ai hpe gabu gara let hkap tau la ga ai. Yaw shada lawm 3 hte shakut nga ga ai Shada myit hkrum gahkyin gum din let KK hpe ting nang a amyu ga hkalup makam hte maren naw ku sa wa na. KBC ginjaw hte matut mahkai let ginjaw a sasana magam hta shang lawm saw a na. Hkalup hpung a makam masham hpe hkan sa let, jinghpaw W.P Hkalup Nawku Hhpung ni hte American Hkalup Nawku Hpung ni hpe matut mahkai galaw sa wa na. KBC naw ku hpung hku nna masat ya marit. Dai ni gaw wam wam dam dam wa n mai ai. Gara hku di na ngu ai hpe gara hku matut na ngu ai hpe matsun dat ya marit.

San Francisco KBC - USA
Hkalup Hpung grai manu dan ai hkring htawng re. Gaja wa masha a rang ja gum hpraw hte garum ai gaw American Baptist ni re. Hpa majaw nga yang majan byin wa ai ten anhte committee ni hku bawng ban let American Baptist Alliance de tang madun ai shaloi grai a hkyak la ai hpe hkam la lu ai. Committee marai shi jan hpe mung shaga la nna John Kerry nga ai rung gawk de sa jahkrum ai lam galaw ai hku re. Ngai hte Sara Zau Ya hte rai American Baptist Church a amu madu hte sa hkrum ai. Dai majaw KBC ning htoi ngu ai hpe hkring htawng shachyaw ai hku nna galaw ai. Hpang de chye magang shawng de sa lu magang rai nga ai. March shata hta heritage month ngu nna galaw nna KBC hte seng ai lam hpe galaw nna shata tup lamang galaw ai. Ramma ni hpe shan hte sharin la ai hpaji ni hpe masha law law hpe bai lu pawn ba daw jau lu na matu KBC hte matut mahkai nna galaw mayu nga ga ai. Dap/komiti nkau mi hpaw da sai. Hpt-5 nga ai. Ramma law ai. Ramma ni 20 jan dakkasu lung nga ai. Hpung masha-70 daram nga ai. RC, Madung ni mung Nawku lawm ai. KBC masat nhtoi hpe galaw ai. Ramma Camp galaw ai. Bat shagu Nawku dawjau ai. Nawku Jawng ginra lu na matu shakut nga ai. Ramma ni a shawng lam hpe myit ra wa sai.

KBC UK
2003 ning Feb 16 ya shani kaw nna gaw marai 6 kyu hpyi ai hte hpang wa ai hku re. Jing hpaw W.P Christian ganawn ma zum hpung ngu sha mying da ga ai. Hkalup masa hku galaw ai. KBC kaw na malawng re. Baptist hkrang hku matut na galaw nga ai. KBC hte mung partnership masa hku sa wa na ngu na myit da ga ai. Lam shagu hta hpaji jaw lam madun la marit.

14 OKBC Shiga

Singapore
Anhte Nawku Hpung na mying gaw Singapore Jinghpaw Wunpawng Hkalup hpung re. Moi gaw Singapore Kachin Christian Fellowship, SKCF ngu nna fellowship hku nga ga ai. Dai hpang shaning 16-17 ning na ai hpang buga hpung byin wa ai. KBC hkrang hte hkrak re. Anhte a church member ni gaw hpung hkum ai. Mi anhte fellowship shaloi kaw nna rau nga wa ai re majaw laga hpung masha ni hpe mung a tsawm sha sang lang dan let shanhte hpe mung anhte zawn sha myit na ga ai ngu tsun dan let dai ni du hkra ta gin dun nga ga ai. Hpung masha- 250 daram nga ai. AG, RC ni mung lawm ai. Hpung Sara/ma 2 nga. Hpung Up rai n lu ai. Jawng lung nga ai Hpung sara ni hpe jai lang nga ga ai. Gaw da ai tar a gaw 2 ning jan wa sai rai n ngut ai. KBC na hkrang hpe mung la Singapore hte mung htap htuk ai hpe la na constitution soi nga ai. Myit mada lam ni Tara shang hpung up hte seng nna myit ya marit. Nawku na shara n lu shi ai. Lamu ga nawku jawng hte seng nna mung myit ya marit. KBC hte seng ai lamang ni hpe mung chye shangun marit. Galoi mung dang di ai made shang lawm na ga ai. Ramma ni gaw grai n gun kaba ai. OKBC kaw global wide network hte seng nna myit yu ya yang mai na re. Ramma ni n lawm yang ndai OKBC hkring wa na tsang ai. Ramma ni law law shang lawm na hpe ra sharawng ai. OKBC a majaw mung kata hte shing gan kaw makam masham hte mung masa hku galu gaba wa na hpe kam let nanhte KBC ni woi awn nga ai hpe galoi mung hkan sa na ga ai.

TKBC
TKBC (Tokyo Kachin Baptist Church, Jighpaw W.P buga hkalup hpung) (Japan) Nawku hpung ningnan hpaw ai kaw nna hkalup hpung hpe gwi gwi galaw wa ai. 10 ning tup Waimaw hku nna woi lakawn wa ai Waimaw Ginwang hpe mung grai chyeju dum ai lam tsun mayu ai. Dai ni gaw OKBC masa hku sa na mahtai lu ai shani rai sai ngu hkam sha ai. Anhte la ai shaning 11 ning jan mat sai. KK a plan hpe chye na ai. Zuphpawng ngut ai ten hta mahtai gaja hpe lu la mayu ai lam hpe request hpyi let hpung dim dat ai.

Banmai, Chaing Mai
1998 ning hta Srm. marai mi shawng dat ya hpang ai. Thailand na Jinghpaw mare langai re ai. 25 ning hpring mare de masat shadaw galaw da sai. Ma ni hpe jinghpaw laika, Ga sharin ya nga ai. Banmai kaw na ni yawng Jinghpaw ga chye na ai. Banmai KBC re ai. 1999 hta CCT hte matut ai. Hpt-2 nga, hpung masha 280, htinggaw 52, Hpung magam gun-2 nga. Registration lu ai. Refugee Camp de kawan nga ai. W.P madum sumpyi sharin ya ra ai. Apnawng Ramma ni hpe dat ya mi.
OKBC Shiga 15

New Zealand
Okland, Willington – 2 hta nga ai. (Kachin Christian Church) Hpungup rai n-nga ai. Dap/Komiti nkau mi hpaw da sai. Hpung masha-40 jan nga ai. Nawku Hpawng bat shagu nga ai. Poi daw shata shagu nga ai. Year plan nga ai. KBC Buga Hpung hpaw na matu rai njin ai. Du na ten hpaw wa lu hkra myit nga ga ai. KBC Buga Hpung hpaw na matu rai njin ai. Du na ten hpaw wa lu hkra myit nga ga ai. OKBC Zuphpawng de kanu num ni hte Ramma ni hpe shalawm la yang kaja na re. Ma ni law malawng English ga shaga ma wa ai hpe Jinghpaw ga sharin ya lu na matu KBC kaw nna Sunday school, ma mahkawn ni a matu VCD shapraw shalai ya na matu hpyi lajin mayu ga ai.

Australlia
AKCF - State-7 nga ai. 2008 kaw KCF hpe hpaw hpang ai. Ya ten hta gaw fellowship hku sha naw nga ga ai. Rai tim law wa ai hpung masha hta hkan nna hpung hpaw sa wa na matu ningnan kaw na myit hkum da sai hte maren anhte mung hpu shawng hpu ba ni rai nga ai Sydney de na ni hpe garum hpyi let KBC hpe hpaw sa wa na hkyen nga ga ai. Buga Hpung hkrang hku nna hpaw hpang da sai. Hpt-2 nga ai. Hpung masha-160 nga ai. Bat shagu laban Nawku hpawng nga ai. Lusha gam kyu hpyi hpawng nga ai. IDP alu hta ai. Mungga, wenyi lusha atsawm sha lu jaw ai Hpung Sara ra ai. Nawku Mungga VCD sa ya. Jinghpaw W.P Hkalup Nawku Hpung ngu nna April 2012 kaw ramma marai 12 myit hkrum let kanu kawa ni a madi shadaw ai lam hpe mung lu la let hpaw hpang wa sai re. Network system hpe grau gaja wa na matu gara hku galaw sa wa na hpe mahtai lu mayu ga ai. Ya jang nan galaw dat ya marit.

Sakhkung
Anhte ginwang 5 kaw masha sen mun manga nga ai kaw na anhte W.P ni gaw sen mi jan re. Dai sen mi jan kaw mun mali jan sha Christian naw re. Ya miwa mung laga de na sen 10 bai htawt wa na re. Dai majaw wenyi hkye ai magam hpe lawan galaw ra na ga ai. Mung dan n lu yang grai yak ai majaw nga nan nga ra ai ngu tsun mayu ai. Ya nang hpe American ni sawn la sai, Thai ni sawn la sai, Mi Wa ni sawn la sai ngu na hkum tsun. Anhte yawng gaw W.P re majaw shada da pawn ba hkat ra ai. Anhte makawp maga hkat ra ai. Miwa gaw Miwa grau ai. Myen ni gaw Myen grau ai ga. Jing hpaw ni mung Jing hpaw ni grau ai nga. Tim gadai grau ai n grau ai gaw galaw ai ni she grau ai re.

16 OKBC Shiga

WCC Chaingmai

Hpung Masha Ni A Ningmu
OKBC lawan hkrang shapraw ra sai. Maigan du hpung masha ni hpe zinlum la ra sai. OKBC masing n-nga yang, maigan du J.W sha ni mai mat mat ai. Mying kayau shamying wa nga ai. Nga ai kaw Jinghpaw tai shakut ra sai. Htinggaw nawng nawng Bu htawt ai lam n-galaw yang mai ai. Labau hpe lup makoi kau ai ni ntai hkra shakut ra sai.

Wunpawng Christian Church (Wunpawng Christian Nawku hpung) ngu shamying da ga ai Mying gaw anhte tara shang nga sai ni a matu gaw n loi na re. Tim, kaga hku nna shang lawm na.

Wunzup Rawt Jat Buga hpung G.W Amu Madu Ni A Ningmu
OKBC ngu ai ngang ngang kang kang paw ru wa sana re majaw “Ngang grain ai, n-gun lu ai, kahkyin gumdin ai, lam shagu hta rawt jat galu kaba wa ai JHZ byin tai wa sana rai nga ai”

Laiwa sai 10 ning jan kaw nna ramma ni hpe woi kahkyin ai hku nna hpang wa ai re. Ndai OKBC gaw nga nan nga ra sai re. Hpang pyi hkrat wa sai. Nawku dawjau na shara hte hpung up langai hkyak hkyak ra nga ga ai.

Fountain Tree Resort kaw (August 20-25, 2013) laman (1) lang na OKBC Bawngban Hpawng gaw Mungkan mungdan ni hta chyam nna nga pra wa magang sai myu sha ni yawng hpe grau nna magyep kap, grin jat galu kaba rawt jat sa wa shangun ai hpawng rai na sai ngu myit mada ai. Daw hka bra wa chye ai lam kaw nna htawm hpang de grau kahkyin gundin sa wa shangun nga u ga myit mada let, J-W Simsa Nawku Hpung Dat Kasa Ni (KCPC-JAPAN)

OKBC Shiga 17

Chaingmai WCC Nawku Hpung Ni Shang Lawm Ai OKBC Hkalum Lamang
Bau La Doi

Jinghpaw Wunpawng Hkalup Hpung Ginjaw (JHZ) kaw nna woi awn galaw ai, No (1) lang na Maigan du Jinghpaw Wunpawng Hkalup Hpung (OKBC) Hkrum zup bawngban hpawng kaba hta sa du shang lawm ai ni hpe hkalum ai Yungwi hte Ka hkrang lamang hpe, zuphpawng hpang ai shani, August 22 ya shana hta galaw lai wa sai. Hkalum lamang hta kanu mungdan de na, yungwi shadang Jet San Htun (Sr. Lahtaw Zau Lum) hte Awng Lar (Soul) kaw nna, mahkawn yu ngwi ni hte shang lawm wa sai rai nna, madung hku nna, Htai Mungdan Chiangmai mare na, Wunpawng Hkristan Nawku Hpung (WCC) Ramma ni kaw nna shang lawm wa sai. Ndai hkalum lamang a matu tau hkyen lajang ai lam ni galaw wa ai ten, mayak ni law law nga tim, Karai a chyeju hte tawt lai wa sai lam, hkalum lamang a matu woi awn hkyen lajang ai, WCC nawku hpung a, mugun Saranum Sumlut Ban Seng Ja kaw nna tsun ai. “Anhte Ramma ni gaw bungli galaw sha ai ni hte jawng lung ai ni re majaw rau ai aten n bung ma ai. Rau ai ten n bung ai majaw ka hkrang hta lawm ai ramma ni, masha hkum hkum hte n lu ka shaman ga ai. Shana shagu 9:30 pm kaw nna she ka hkrang ni hpe lu shaman ai. Bat mi lapran marang kade wa mi kaba ba, myit hkrum mang rum let jawm shaman lai wa lu ai gaw Karai chyeju nan re”. Ka hkrang hte shang
18 OKBC Shiga

lawm wa sai Shd. Paushi Brang Tawng kaw nna mung, hkyen lajang ai ten mayak lam ni law law nga ai rai tim, jahtum e gaw ngwi pyaw ai hte shang lawm lu ai majaw myit hta grai kabu ai lam shi a hkam sha lam hpe tsun dan wa ai. “Ya na zawn hkalum lamang hta shang lawm lu na matu, ngai galaw nga ai, bungli madu ni kaw ahkang hpyi ra ai. Shanhte ahkang jaw yang she lu sa ai re. Masum ya ahkang hpyi nna sa du shang lawm ai re”.

Bai nna, Saranum Sumlut Ban Seng Ja kaw nna mung hkalum lamang hta shang lawm lu ai majaw grai kabu myit dik ai hpe hkam sha lu ai. Ndai zawn labau shang ai, ahkyak dik ai No. (1) Lang na OKBC hkrum zup bawngban hpawng hta Ramma ni hte rau sha shang lawm ap nawng dawjau lu ai lam gaw Karai jaw ya ai mauhpa chyeju nan re lam tsun ai. OKBC hkalum lamang hta Kanu mungdan na Jinghpaw Wunpawng Hka lup Hpung (KBC) Hpung woi sara/ num ni hte maigan du Jinghpaw Wunpawng Hpungwoi sara/ num, hpung salang ni yu n-gun jaw lai wa sai hte shana hkying 9 chyen daram kaw nna hpang ai hkalum lamang hpe, shana hkying 12 daram hta kabu gara shangut la lu sai.

OKBC Shiga 19

20 OKBC Shiga