Pengap Gawai Ngemali Umai Genteran Nanyaka Jalai Ngagai Ini Manang Mampu.

Kati Rumah nuan ini, Jadi ditiki kami temuai? Kati rumah nuan ini, Tau tujah kami datai? Enda nyaut ini Seleka mukut padi nubai, Enda nimbas ini Seleka beras padi rangkai. Lalu entunka sumbuk tepus kenyali, Diselintingka kena pending ini. Peda tak pansut kemebai gulai kala, Tak pansut sawa indu sawa. Kati rumah nuan ini, Jadi ditiki kami pulai hari? Kati rumah panjai nuan ini, Tau ditiki temuai mun pagi? Rumah panjai enggi aku Enda kala megai tambai Penti pemali, Rumah panjang aku enda kala Diundang Manang Menani. Nama seduai uchu tak latak ke melak tapa kaki? Nama seduai uchu tak peloh ditubuh nerusan dai? Bisi tabin bebirin bungai, Bisi renga kita din uchu Ke pedera pansa utai? Bidik lansik meh seduai uchu, Nemu Likup Manang Empong tu, Bisi di penyurai rumah landung. Betuah belimpah panggung Beruntung seduai uchu, Laban manang tu baru pulai belelang, Ari tuchong menyaung Bukit Nimong. Belakang aku tu bedau lang Tinggang seludang ribis lupung, Diambi Ngelai seduai Sanggul Labong, Datai aku din diasuh belianka kandung, Baru kelala nyera. Bidik meh seduai uchu, Ke betuah panggung besai, Nemu Likup Manang Matai, Bisi di peretang

Deka nany ka jalai Ngagai Tinting Kaling Alu Ke enda temu tuju jalai penemuai. Din aku diinjau orang belian Bepatah tawai bepindah nama. Nama kita baka tu deh uchu. kami ini ukai betandai ngambi Jaban. Bekau ambi Ngelai Seduai Simpurai Belianka tuchung Menyaung Bukit Serarai. Enti seduai nanyaka jalai.Penyarang rumah panjai. . ku Ini Manang. Enti seduai deka ngena jalai Paboh. Nuan ini ga bejaku bungah Ngayahka pangan. Bejaku tuyu nyambil beduan. Lalu ngerajaika Ini Manang Matai. Enti deka ngena Jalai muntang semak. Busung ngasu nuan ila Nemu jelu nan depan. Belakang aku bedau lekat Punggang ketapai. Ukai bayuh kami betubuh ngambi nuan. O. Tak bejaku enda bebasa. Nuan pan busung meh. Busung nuan ila ini. Bisi ga jalai jauh Ke semalam di rantu jalai. Di lepi sanggul lintang. Lalu angkat Bujang Nendak Lalu ngerimpika ini. Kami tu nanyaka jalai Ngagai Tuchung Tangkong Seribu Ke enda temu pesu jalai penyangkai. Di kerigai rusuk marang. Tau ngena jalai Pabak Sepiak bulan mingkai. Busung ngembun nemu ambun Labuh nerusan.

Sign up to vote on this title
UsefulNot useful