DOR MHOINEACHI ROTTI

1915 vorsa sthaploli Voros 99, Ank. 1, Janer 2014 Som’padôk Vasco do Rego SJ Chappi ani Uzvadavpi Kelwin Monteiro SJ Som’padpi Monddoll Brenda Menezes Selza Lopes Walter Menezes Elliton Fernandes Cursino Pinho Marcos Andrade Vincy Quadros Almir de Souza José Dias Pedro Rodrigues SJ Chhapkanno Sahyadri Offset Systems Corlim, Ilhas, Goa.

 Som’padokacho Son’dêx  Mhoineachim Intensanvam  Xubhvortomananchi Somzonni  Jezuchea Kallzachi Bhokti  Povitr Pustoka Vixim Xikovnn  Sevadhormik Vixoy  Mhoineacho Sant:  Ostorianchem Pan  Dusri Vatikani Vixvsobha  Niyall  Bhagevont-Bapachi Xikovnn  Ek Divo Palovlo  Katolik-Khobrô  Kristi Jivit

02 04 06 11 13 15 17 19 24 26 28 34 37 47 49 52

Karbhar Kocheri (Rotti Office Temporarily shifted to THOMAS STEPHENS KONKNNI KENDR)) B. B. Borkar Road,
Alto-Porvorim, Goa 403 521 Fon: 2415857 / 2415864 Email: dmroldgoa@gmail.com

Vorgonnichem Mol Dôr- êk Proti: 10 Rupoy  Kristi Somajik Zobabdari Bharotant Vorsak: 100 Rupoy
Bharota Bhair (Vimanantlean)

Vorsak: 500 Rupoy.

 Bhurgeam Khatir

JANER 2014  DOR MHOINEACHI ROTTI  1

SOM’PADOKACHO SON’DÊX

UDELO SURYA
2014 vorsant surya udelo! Amchea Sorginchea Bapachem dennem! Kosloch avaz korinastanam lhovlhov mollob rongoyta ani kal lô k dhanvddayta. Su kn ni m killbilltat, uzva-ddak gi tam gaytat. Mo n’xam ap-apl ea kamak lagtat vô toyar zatat. Tori hea suryachim kirnnam mon’xachea jivitacho kallôk uboynant. Kiteak tim bhitôr kallzant ani ontoskornnant rigonant. Tox ench, bhovkorun kallz a-monacheam koxttam-dukhimnim, suryachim kirnnam koxttotoleank ilaz haddinant. Xekim, mornnachea vellar, mon’xache dolle sarkech dhamptat tednam, koslich xanti suryacheam kirnnamnim mon’xak mellonam. Hem sogllem kitem dakoyta? Mon’xank dusrea jin’sachea Suryachi chôdd-chôdd goroz asa. Melltolo gai tankam? Khõi? Koso? Konn to dusro Surya? Ami ghoddiê zannonv: Ut’tor Evropak hinvalleant surya “l ipta”. A dli m on bh avarti raxttram uzvaddak bhuketali m; suryach ê ax en o xe m tanchê modem surya-devachi bh okti vaddl i. H in vall o somptôch, surya novean udeun, kitli khuxalkay! Toripunn dôr-sokallim udeta to surya mon’xanchea akhea jivitacher koxêch bhaxen aplo uzvadd fankounk xokonaslo. Tôr mon’x anchea jivitacho khoro Surya konn? Monis zaun ail’lo Devacho Put JEZU! Toch ostom’-naslolo akhea sonvsaracho Uzvadd! Hem-i Bapachem odik vhodd, ut’tom’, moladik, Dennem amkam! Takach ami hea Novea Vorsant, amchea jivitacho Surya koso, khuxen gh eu m-ia. Tach im kirnn am gheun tinch fankoyt cholum-ia. Punn poilem, borem somzun gheum-ia. Dôr-disa, soglleach vellar, heai vorsa Dev amcho Bap amchea sangata astoloch. Puta ani Povitr Atmea borabôr To amchê pasot kam’ korit astolo! Kitem? Ogonnit Dev kam’ korit astolo? Hôi, thambonastanam! Povitr Tritveche Teg-ui Zonn ekvottim amchê sôddvonnechem kam’ fuddem vhorot astole. Hem Tanchem misanv! Pu nn h ea A pl ea misan vak Apnnank ani amchê modem ekamekak ami hat diuncho mhonn Tanchi yevzônn. Hem amam-somestanchem misanv! Koxem tem pallchem? “Jezuchem Vidhlolem Kalliz mhaka/tuka kitem sangta?”

2  DOR MHOINEACHI ROTTI JANER 2014

SOM’PADOKACHO SON’DÊX

heach ankar vachun, zobab melltolo. Hea-i Novea Vorsant sonvsarant zaitem ghòddtolem. Amchean chodd-korun parkhunk zainam toslem. Dispotteam potrancher, TV-cher... boream ani borim nhoi asloleam, motteam-barik gh òddn nu kanchi amkam khobor melltoli. Sorkarache nove-nove kaide vô bodlopam, khub doyallu kornniô, akxident, ol lx ikô, khu n, bol atkar, zhuzam … Ami mo n’xam De vach ea kamacher motteô addkholli ghaltanv: amchench “patki raj” ximpddaun, somestank vortem mon’xall jivit bhôgounk axeta tea “Devachem Raj” addaun dovortanv. Kitem korchem ami? Su ry a Je zu ch ea u zvaddan amchim panvlam tharaum-ia. Jichê vorvim Bapan dhaddlolo Surya Jezu amchea sonvsarant udelo, tê Ankvar Mariê bhaxen on vdum, bh avart zago un , sogllea pasot Bapak argham dium-ia. Dukh vô khuxalkayhaddpi ghòddnnukô khaltea bhavartan ani dhin’vaxi kallzan gheum-ia. Ani Devachem R aj x impddaun k Bapak man’ta tench korunk kallzachea mogachê sogllê urben vavrum-ia. Do n fo ll adik u dh aron nam (examples):

Gel’lea Novembrant ek bhovbhirankull tufan Filipin desant upraslem ani Filipinak kedem mh on n nison tton ko ru nk pavlem! Kitlo lôk morun gelo, kitle ganv buddon nanch zale, sogllêkodden desvatt ani vinas! Pu nn kon nem-kon ne m hê dukhichê poristhiticho vaitt faido kaddlo zalear-ui, dusrê vatten kitlim mhonn doya ani pritimôg vaddlim Filipin ani bhaileam desan ch ea lok a modem! Hem Devachem Raj! Ge l’le a Dezembran t 95 vorsanchê pirayecho Nelson Mandela, Dokxinn Afrikecho poilo Kallo Raxttrpoti, morun gelo. Aplea nisvarti jivitantlean, kosloch bhêd vô vegllochar korinastanam somestanchea mogan bhòrlolea kallzan ani jivitantlean, kitlo mhonn to nitichem, mayêmogachem, soman’tayechem raxttr rochun haddunk jiyelo! Hem Devachem Raj! Heam don ghòddnnukam vixim heach ankar amkam zaitem vachunk melltolem. Hea 2014 Novea Vorsant soglleam ghòddnnukam modem Surya-Jezu Aplim kirnnam fankoyt astolo. Tim x impddaun ami-i Devachem Raj vistarun k jiyeum-ia. Hich zaum amchi axa. Hech SuryaJezuche otrek!

JANER 2014  DOR MHOINEACHI ROTTI  3

MHOINEACHIM INTENSANVAM

FEVRER MHOINEAK MAGNNEACHEA APOSTLADACHIM INTENSANVAM
Kyriel D’Souza, SFX
Samanya Intensanv Povitr-Sobhen ani somazan zannteanchi zannv ay ani onnbhov manan lêkhchim Konknni bhaxen pirayen vaddloleank “zanntim” mhonntat. Zanntim mhonngê “zannont tim”, zannvayen bhòrlolim. Pustokantlean zaitem xikunk me ll ta, to xe nch j ivitan tl ea onnbhovantlean mellta. Don-ui bhov mollacheô ani gorjecheô ani don-ui hatant hat ghalun vetat. Dekhik: pustokantlem xikun vhoddlo Professôr zalo ani nodi vixim zaitem xikunk pavlo. Punn nodintlean poinn korunk nokllo zalear, tachea xikpacho koslo faido? Pustokantli ghetloli zannvay aplea disa-dispottea jivitant vevharant ghalta tednam, to zannvayen bhòrlolo zata. Nam zale ar, osli gô t zato li : êk Professor apnnem tê nodi vixim xikun, sôd korun (research) , dotorachi podvi zôddlea mhonn bopke marta ani vichar-pachar korinastanam nodintlean poinn korunk nettan fuddem veta: to jerul buddtolo! Urfattim, tê nodintlean poinn korunk tuka adar zai ? Zannem chodd xikop korunk nam, punn tê nodintlean zaitê pavtt poinn korun taka tê nodicho onnbhov asa, toslo monis tuka chôdd adaracho zatolo. Haka ami mhonntanv jivitacho onnbhov . Zannteank zannvay asa ani jivitacho onnbhov-ui asa: him somazachi ani Povitr-Sobhechi vhoddantli vhôdd girestkay. Hich Povitr-Sobhen ani somazan manu n gh eun zan nteank manan lekhunk Jezu amkam apoyta. Jezuchea uleak amich ani soglleamnim kan diuncho mhonn magum-ia. Mixionar Intensanv: Yadnikamnim, dharmikamnim ani loukikamnim hatant hat gha lun ka llz a c he a udarponnan dhormporgôttnnecho vavr korcho Vatikani Dusrê Vixv-sobhecheam 50 vorsanchea nimtan halinch Novembrachê 24ver “Bhavartak Bhettoylolem Voros” ami sompoylem. Hê Vatikani Du srê Vi xvsobhe ch i kh erit xikovnn asli: Povitr-Sobhen aplo Dh ormporgô ttnn echo vavr pott’tiddken korcho. Hench hea Fevrerachem Mixionari Inten-

4  DOR MHOINEACHI ROTTI JANER 2014

MHOINEACHIM INTENSANVAM

sanv amkam san gta. Tachi vavr korun k go ro z. ROTTI thoddeanch utramnim somzonni tumkam pavta mhollear tumi ditam. Tim mhollear him: Kristanvanchea Ekvotta Khatir Magnnem korchea Satolleant Dhormporgôttnnecho vavr asto le at ( Janerachi 18-25). Hatant hat ghalun Kristanvam modem asl ol o Kallzachea udarponnan ve gl lo ch ar Bo rê Kho brechê Dhormporgôttnnecho vavr: porgôttnnek zaito mar dita. Po vi tr-S obhe ch i osmi tay Dekun ami soglleam Kristan(identity) dhormporgôttnnent asa. vamn im h atan t hat gh al un Povitr-Sobhek, mhollear tichea vavrunk proyotn korchi goroz. dô r-eka xi sak, dho rmpo r- Ekvottan korunk zata titlo-i vavr gôttnnecho vavr kortolom/nam ekvottan korunk zai, dekhik kortolom oslem (option) nhoi, Povitr Pustokachim bhaxantobogor, kuddik svasa bhaxen, êk ram, itiadi. Toxench Fevrerachê jivachoch kaido. Koslê-i poris- 2-rer Dharmikancho dis palltat. thitint ani kitleam-i addkhollim Zaitê pavtt Dharmikam aplem modem Jezucheam xisamnim raj bandtat ani Dhormprant Tachi Bori Khobor porgôttun- (Dioxez) aplem raj bandtat-xem kuch zai. Aplea jivitachê sadê dista; punn dogãinim, vegllochar chalin ani sadeam utramnim pois korun, hatant hat ghalun kai borê tore n amcho Papa Devachem Raj bandunk goroz. Francisk Jezuchi Bori Khobor Kallzachea udarponnan: Ami po rg ôtt’ta. S on vsarantle am sogllim borim mon’xam, boro soglleam desantlo, soglleam vavr ami kortanv, Devachi khuxi dhormancho ani devdhormkorunk axetanv. Punn kallzanasl olo l ôk po rian, tach em chea udarponnan kortanv ami? aikun tachi tokhnnay kortat. To Ami oxem kelolem zalear, kitlo amkam boreantlo boro nomuno. odik fôll mellcho naslo? Tôr Taka lagun: kallzachea udarponnan JechuHatant hat ghalun: Adhunik chi Bori Khobor soglleak pavounk kallar dhormporgôttni korunk vavrum-ia ani Jezuchea Povitr sompem nhoi. Sonvsarant veta Kallzak ekvotton khotkhotean thõi Bori Khobor bherea kanar magum-ia ani Sorginchea Bapak ghal’li dista, bhov-korun Povitr- amchem somorponn korum-ia. Snan gheun Jezuche xis zaleat ROTTI ugddunuch “Sokallchi tannim. Haka lagun hatant hat Bhettovnni” mellta ti adarachi ghalun Jezuchê Borê Khobrecho zait.
JANER 2014  DOR MHOINEACHI ROTTI  5

XUBHVORTOMANANCHI SOMZONNI

AITARANCHEAM XUBHVORTOMANANCHI SOMZONNI
Pri. José Antonio Pagola
SADO KALL – 2ro AITAR (A) Zu 1: 29-34 Povitr Atmeachem snan gheum-ia Jezuchem snan an i Zu an vachem snan sarkim vegllim dovrunk Xubhvortoman ’karan ch o hu sko. Tim êkuch mhonn somzum noyê. Jezu Apleam pattlavdarank dita tem snan ekê nodichea udkant buddoun zainam. Tankam Jezu Povitr Atmeant buddoyta. Zuanvachem Xubhvortoman spoxtt san gta: Jezu sovem Devacho Atmo sopurnnayen asa an i, h each pasot, tê so pu rn nay en tl em Aple am pattlavdarank To diunk xokta. Sarken ch n ove m te m he m: Jezu “Devacho Put” zaun “Povitr Atmean snan diunk” xokta. He m Je zu di ta te m sn an bhailean snan ghevpachi rit nhoi. Kãi zannamnim Zordachea udkant snan ghe tlam astolem. Punn Jezu dita tem “bhitorlem snan”. Mon’xachea kall zant rig pak, te m kall iz sarkem bhizovpak ani tachem rupan’tor korpak Jezu Aplo Atmo dita, oxem hem rupok suchoyta. Povitr Atmo “Jivitacho Atmo” mh on n xubhvortoman ’kar zannont. Dekun, konn Jezuch em snan man un g he ta zalear, to Tacho Atmo novea ji vitachi Zhô r koso man un gheta mhonn dakoyta. Jezu lagim êk jivitacho som’bond ghoddoun Tacho Atmo amkam no vi x okti di ta. To amkam Kristanv jivitachea eka novea panvddear ubarun g halta, Jezuk odik visvaxi asa toslea Kristanvponnachea panvddear ghalun dovorta. Je zu ch o Atmo “Sota cho Atmo”. Tachem snan gheunk ami ko bu l asan v zale ar, amchem Kristanvponn sotan jiyeunk ami manun ghetanv. Kh otte am khatriamn im vankddea margar cholonam zaunk ami zagrut astoleanv; porot-porot Jezuchim khorim pattlavdaram koxim jiyeunk ani hi amchi osmitay sôddinam zaunk ami kobul astoleanv; Xubhvortomana thaun amkam po is vho rtat te ô vattô ami sôddtoleanv. Je zu ch o Atmo “Moga cho Atmo”. To amkam bhezuddayentlim ani fokot amcheach faideacher ani amcheam boream-boream disancher amchem mon dovrunk pavoyta tea svarta thaun amkam mekllim

6  DOR MHOINEACHI ROTTI JANER 2014

XUBHVORTOMANANCHI SOMZONNI

korunk xokta. Tachem snan gh eu nk ami ko bul asanv zalear, funkeachea ani doyall mo gan so gl le an k ve ng oy ta to sl ea mo gak ami u gtim astoleanv. Je zu ch o Atmo “mon bodôlpacho Atmo”. Devak zai to xe m jiy eu nk To amkam pavo yta. Je zu che m sn an gh eu nk ami ko bul asanv zale ar, Taka ami lh ov-lh ov amch em rupan ’tor korun k ditoleanv; Tacheam nemam pormannem jiyeun, Tacheô mo nach eô vru t’ti amche ô ko ru n, Tache m kall iz ani Tach eô bh avna apnn au n, De vach eam bh urge an k mon’xam koxim jiyeunk dinam tem sogott amkam lagtolem. Devacho Atmo “Novsornnecho Atmo” . Jezuchem snan ami manu n gh etan v zale ar, To noveponn rochta tem manun gheunk ami kobul astoleanv. Po vi tr-S obhe nt j em kitem chodd-chodd borem asa tem To zagounk xokta ani Xubhvortomanak odik visvaxi zaunk To tika ek novem kalliz diunk xokta. SADO KALL – 3ro AITAR (A) Mt 4: 12-23 Jezuchem poilem utor Matêv Xubhvortoman’kar Jezu poilêch pavtt loka mukhar dixtti poddtolo to dekhavo dakounk

bori kallji gheta. To Snan-Datar Zuanvacho tallo bond dovorta ani Jezucho novo tallo aikunk suru zata. Oronneachem suke m an i du kh i vatavo ro nn nanch zata ani hirvea Galileyachê sundorayek modlo zago mellta. Jezu Nazareta thaun bhair sorta ani Kapernauma veta, tolleachê deger. Novem ji vi t di xtti po ddta mho nn sogllench suchoyta. Ami Raxttranchea Galileyant asanv mhonn Matêv amkam ug ddas korta. Je zu n te am kheddeganvcheam Zudevancheam devsthanamnim Apli xikovnn dilea ani raxttranch eam lo kam mo de m To vochunk nam mhonn Matêv zanno. Punn Galileya mukhêl rosteak mellpi rostear poddta, ani Kapernaum’ doria vatten ugtem xar. Hanga thaun taronn soglleam lokank ximpoddtlem. Atam poristh iti bh õi ko r. Izai sach eam kãi utranchi sfurti gheun, Matêv “kallokant ravtolo lôk” polleta. Prithumer poddlea “mornnachi savlli” .

JANER 2014  DOR MHOINEACHI ROTTI  7

XUBHVORTOMANANCHI SOMZONNI

Go ndôl l, o nit ani pap raj choloytat. Jivit fulom nozo. Sonvsar Devak zai toso cholonam. Bapache m raj hang a cholonam. Tori, kalloka modem, lokan “êk vhôdd uzvadd” de kh lo . Mo rn nach ê savl lê modem “êk uzvadd udelo.” Je zu sodam so nvsarant chokchokta toslo uzvadd. Mateva pormannem, Aplem provochon Jezun hea utran suru kelem: “Jivit bôdlat.” Hem Tachem poilem utor. Ho jivit bodôlpacho vêll. Devachea Rajeak tumchem jivit ugtem ko rat. “K allokan t bos u m n aka t” pun n “u zv a d da n t cholat.” Po vi tr-S obhe nt ê k “v hôd d uzvadd” asa. To mhollear Jezu! Tachê sovem Dev Apnnachich ol lô k amkam di ta. Tach em gi rann zau nk diu m nakat. Tachea zagear kitench ghalum nakat. To pustokantli xikovnn nh oi , fatra sarkem sukem devxastr nhoi, vaz haddtat tosle xermanv nhoi. Jezucho uzvadd palovon vochot zalear, amich Jezuk koxêch bhaxen naka aslolim Kristanvam zatoleanv: “kurddim kurddeank vatt dakovpi.” Dekun, az-ui hea Jezuchea poilea utrak Povitr-Sobhent ami kan di un ch o: “Jiv it bôd la t.” Tumch i Kristanv

osmi tay no ve an mel lo yat. Jezuk odik visvaxi Kristanvponn ballgunk Povitr-Sobhek adar di yat. Tumi Je zuchim pattlavdaram mhonn novean tumchi zagrutay jiyeyat. Devachea Rajeachê sevek tumchem jivit bhettoyat. Akhê PovitrSobhek ek novem kalliz magat. SADO KALL – 4to AITAR (A) Mt 5: 1-12a Bhagyam Je dn am Jezu dongrar choddta an i Bh ag yam porgôttunk bosta, te dn am tachê bhonvtonnim zaito lôk asa, punn fokot xis odik borê bhaxen Tacho son’dêx aikunk Tachê-xim yetat. Ami Jezuchim xisam, kitem aikotanv ami ai z Je zu -x im y etan v tednam? K hu xêmona n gorib ti m subhagi. Tim thoddench gheun jiyeunk zannont, sodam Devacher visvas dovrun. Khuxêmonan gorib Povitr-Sobha subhagi; tika odik komi prosn astole, kiteak ti gorjevontank odik chit di toli ani odik vhoddê me kl li ke n Xu bh vo rtoman a pormannem jiyetoli. Sorginchem raj tichem. “Bholim tim subhagi.” Tim apleam kallzantli soglli tiddôk ani zobordosti bhair uddoytat.

8  DOR MHOINEACHI ROTTI JANER 2014

XUBHVORTOMANANCHI SOMZONNI

Sogllich bholi Povitr-Sobha subhagi. Ti hea zobordosten bhòrlolea sonvsarak ek dan zato li . Bh asayl ol i prithu m’ tichem daiz zatoli. Aple am patkam paso t an i koxttam-dukhim pasot “rudon kortat tim” subhagi. Tanchê udexim êk odik boro ani vorto sonvsar rochunk zata. Apleam chukim pasot rudon korta ti Povitr-Sobha subhagi, kiteak ti novea jivitachea rostear astoli. Êk dis Dev tika buzvônn ditolo. Proma n nikp on n a k vô nitivontponnak tanetat ani bhu keta t tim subhagi, jim konn odik promannik vô nitivont zaunchi axa nhoi mhonn ho son vsar mon ’x an k odik sobta toslo sonvsar rochun haddpachi axa zannim sôddunk nam. Kallzachea zolltea mogan Devachem rajeak ani Tachea nitivontponnak axeta ti PovitrSobha subhagi. Mon’xanchea kallzant jem kitem odik borem asa ti ballgitoli. Êk dis tichi axa Dev bhagoytolo. “Doyall tim subhagi” , doyallayen aplim kamam ani aplem jivit choloytatb tim. Hanga sonvsarant hinch odik sorginch ea Bapa sarkim. De van Povitr-Sobhechem fatrachem kalliz umttun kaddun tika ek masachem kalliz dilam tôr, Po vi tr-S obh a kh oren ch subhagi. Tika doya favo zatoli.

“Xanti kortat tim subhagi”, sosnnikayen ani bhavartan soglleanchem boreponn sôdun xanti kortat tim. Ji PovitrSobha sonvsarant zhogddim nhoi, punn xanti, vad-vivad nhoi, punn son’dhan ximpddayta, ti subhagi. Osli Povitr-Sobha “Devachi dhuv” zatoli. “Proman n ikponn a kha tir d hu ma llo sôs tat tim” su bh ag i. O ni ti ani o pman bhôgtat tednam, dulobayen zap ditat tim. Borean vaittacher zoit vhorunk tim amkam adar ditat. Jednam Povitr-Sobha Jezucho pattlav korta mhonnun dhumallo bhôgta, tednam ti subhagi. Sorginchem raj tichem. SADO KALL (A), 5vo AITAR Mt 5: 13-16 Sopurnn nhoi mhonn dhir – Mittachi kharsann bigòddli zalear… Amkam huxarkay asa tachêvôn ami toklent odik huxar,

kallzant odik bholim, odik man favo-aslolim dislolim amkam zai. Hi êk mon’xasoimbachi ôdd. Amcheô chuki lipounk proyotn korun ami jiyetanv, ox em dusream huj ir ani

JANER 2014  DOR MHOINEACHI ROTTI  9

XUBHVORTOMANANCHI SOMZONNI

amcheanch dolleam mukhar amkam nam ti sopurnn ay aslolê bhaxe n amkam asa mhonn dakounk sôdtanv. Mon’xachea monache xastri oxem sangtat: amcho svabhiman rakhunk ho upay ami ghetanv, bhov-korun dusrim amch ê poros odik sopurnn zaunk xoktat tednam. Amcho svabhiman khõi thaun yeta? Amchem jivit vortem tednam. Chodd uloun ani dusreank odik-odik somzaunche proyotn korun ami jiyetanv. Amcheam bhurgeank man-favo-aslolea jivitachi dêkh diunk amchean zainam, ani tednam tankam chodd xikoyt ravtanv ani jem amich korinanv, tem tannim korchem mhonn amkam zai. Amch ea Kri stan v bh avarta pormannem ami jiyenanv, ani nib koxem, dhorm pallpachem sôddlam tanchi ttika kortanv. Ami Xu bh borto manach im sakxidaram nhoi ani dusreank tem porgott kortanv. Ghoddiê amcheôch chuki ani opurnnay sosnnikayen ollkun gheum-ia ani amchem jivit khorench asa toxem yeramnim polleunchem. Ami zôr amchem unnemponn dhiran manun ghetlem zalear, ani Devachea hatant amchem holkem-kirkoll jivit ghalem zale ar, D evachean azun amchea jivitachem rupan’tor korunk zatolem. Mittachi kharsann bigddon

vo ch ot mho nn Jezu hu sko dako yta. Khu rsacho Bhag. Zu an v tem dusrê bh ax en sangta: “Mitt nanch zaunk suru zait, hem Dev nirminam zaum. Tem azun aplem kam’ korit asa mhonn bhailean disot, punn khorem mhollear tem kiteaku ch u pkaro nam. Karo nn borim kamam fokot Devachê podven korunk zata, hacho dubav nam.” “Prithumechem mitt” zauncheak, mhotvachem mhollear kamam korop nhoi, vô voileavoir fuddakar ghevop nhoi, punn amch ê bh itôr vavurta tea Devachea mogan borim kamam ko ro p. Teach Khu rsache a Zu an vach im u tram PovitrSobhent bhov chit diun ami aikunchim: “Tôr tumi zanno zayat, chôdd kamam kortat te, ani apleam xermanvamnim ani boream kamamnim sonvsar bh ôrun k sô dtat te. Teach vellacho ordo vêll magnneant Deva lagim ravlole zalear, te Po vitr-Sobhek e kdo m’ odik borem kortole asle ani Devak odik man’tole asle….” Nam tôr, toch Xastri xikoyta, ami zaitim kamak kortoleanv ani thoddo faido kaddtoleanv vô kosloch faido ascho nam ani – hem odik paxtt – ami luksann haddto le an v. I tl im kamam keleant astanam ani itle tras gh etle at astan am, amch im “borim kamam” khõi asat?

10  DOR MHOINEACHI ROTTI JANER 2014

JEZUCHEA KALLZACHI BHOKTI

JEZUCHEM VIDHLOLEM KALLIZ MHAKA/TUKA KITEM SANGTA? (49)
Vasco do Rego, SJ Kedem vhodd dennem Sorgincho Bap tuka ani somest mon’xank korta! Hanv, Tachoch Put Jezu, monis zaun, khursar melom ani punorjivont zalom: oso sonvsaracho khoro Uzvadd zaunk pavlom! Kodinch dharir poddonam ani sonvsar kallokant buddoynam to Surya Hanv! Mhojim kirnnam dis-rat tujer poddot astolim. Aiz tuka ekleakuch nhoi, punn tujê udexim zata titleam Mhojeam bhavambh oi nn in k zagou nk axe tam. H em Bapachem sôr-naslolem Dennem manun gheun, Mhojeam kirnnamnim nhoich tanchem ek-ekleachem jivit, punn lagxileam ani poixileam bhavam-bhoinninchem jivit, Devachem Raj vistarunk sogllim vavurtolim mhonn Mhoji axa, Mhozo visvas. Hem koxem tem tumkam dakoytam. Surya-Jezuchim kirnnam fankounk zonn-eklean ap-aplea bhesa pormannem Devak hat diuncho ani oxem ekamekak-ui hat diun Mhojeam xisamnim aple dis sarche . Tumchêch familicheam vangddiam modem, xezasamariam modem, vaddeantlea/ganvchea loka modem, igorjent/kopelant, boximnim, bazarant … sogllêkodden hixôb-naslolim lhan-vhodd mon’xam tumchê borabôr dôr-êk dis sartat. “Devachem misanv” kitem tem Som’padokan dakoylam. Tem fuddem vhorchea monan, tumchê tanki pormannem xitaben tantum vantto gheyat. “Devachem Raj” fuddem vhorunk Hanv axen tumcho ek-ekleacho “hat” magtam, bhavam-bhoinnink-ui diunk magtam. Diunchim nant tumi? Mhoji opekxa bagounchim nant tumi? S urya-Jez uch im k irn n am fank ou nk tumch ea P apa Fransiskacheam utrank kan diyat, tachi dêkh gheyat: Vhoddvikecho zago ani bhês tumkam nakach. Girestkayechi axa kuxin dovrun, lhanank, odik gorjevont asloleank, rostear ani dhullint tumkam melltoleank ..., zata tê bhaxen pavat. Surya-Jezuchim kirnnam pois gel’leam modem fankoyat: KonnJANER 2014  DOR MHOINEACHI ROTTI  11

JEZUCHEA KALLZACHI BHOKTI

konn tumchê thaun ani Povitr-Sobhê thaun porian pois asat mh on n dista? Tanch em vai tt ch in ti nastanam, tan ch er “khastichem formonn” marinastanam, tankam lagim gheyat: ji Bapachi doyallay tumkam zai ani tumi porot-porot onnbhovtat, tich tumchê chalin, ani zata tê porim utramnim, tankam-i onnbhovunk diyat. Surya-Jezuchim kirnnam koxttotoleam modem fankoyat: Kitlim zannam bhuken dis kaddtat, zhuzachem nisontton bhôgtat, goribponnache vollvolle sôstat, oneayan chêplolim asat ani margadegek uddoylolim! Tea bhesantlim tankam sôddounk ekleachean zaunchem nam. Punn hê gorjek konna-konnak zagoun, tumchean thoddem kitem tori korunk zait. Tumcheam Lhan Kristi Somudayamnim osli gozal kelear borem zaunchem nam? Surya-Jezuchim kirnnam fankoun, tumcheach jivitacho fôll dôrdisa vaddot vetolo. Mhojea vangdda kam’ kortat mhonn bhavart dhôrun, tumchê modem môg, boreponn, neaynit, doya… vaddot vetolim. Ho fôll tumkam sodam dixtti poddcho nam, punn Povitr Atmo tumche dis sufoll korit astolo. Surya-Jezuchim kirnnam chalteam kamamnim fankoyat: Tumkanch poilim odik-odik Mhojê sarkim kallzant nitoll-nirmoll, mogachim bhavbhoinn Hanv kortolom. Bhailean tumchim kamam mol-naslolim tumkam distit: ghorant zhaddu martai? kopdde dhutai? randtai? Gonvddeachem, thovoyachem vô klarkachem kam’ kortai? hospittolant voizachi vô norxichi seva kortai? doriant nustem martai? bazarant nustem-bhaji-follam viktai? iskolant/ kolejint xiktai vô xikoytai? boxicho driver tum? kuli tum? … Mhaka ani ekamekak bhavbhoinn koxim mogan hat diun, 2014 Vorsache tumche dis Devachem Raj ximpdayt vetole. Surya-Jezuchim kirnnam piddent fankoyat: Ghoddiê tumi duent asat ani bajeruch poddun dukhin vollvolltat. Mhaka hat diun, mhonngê Mhojea ekvottant tumchem duens Bapak bhettoun, zata tê bhaxen piddê pasot gorjeche upay gheun, Devachem Raj tumi ximpddaytat. Ojap? Hench ojap Povitr Atmeachea bollan Hanv guptim kortam. Oxem hea 2014 Novea Vorsant Hanv, tumcho Surya Jezu, Mhojim kirnnam fankoyt astolom ani tumchê vorvim Devachem Raj ximpddayt astolom. Oxem tumchem Novem Voros follabhorit zatolem. Hich zaum tumchi axa. Hech Mhoje otrek!
12  DOR MHOINEACHI ROTTI JANER 2014

POVITR PUSTOKA VIXIM XIKOVNN

PROVADI IX NAHUM’ ani HABAKKUK
Lino Florindo sfx
Pattlea ankar lhan Provadi Mikah ani Jefania – hanchê vixim ami somzonni ghetli ani he Provadi lhan zaun-ui khorench mhan mhonn amkam koll’lem. Dogãinim Devachea mogacho son’dêx porgôttlo. Dev kitlo boro, mogall, doyall! Zalear am i t ach i so mu r t p al l u n promannikponnan bhonvumia, torê-torechea bhroxttacharacher nixêd marum-ia. H ê kh e pe k Na h u m ’ a n i H a bakk u k – h e P ro va di amkam koslo son’dêx ditat tem polleum-ia! NAHUM’ H e m c h o d d l h an , t i n ovesvoranchem pustok ekê kovitechea rupan asa ani eka st o tr an t l e an su ru zat a. Vaittoveam mon’xam thãi Sorvespora Devacho krôdh zollta, oxem sangun ho provadi aplea pustokak survat dita. ‘Vaittove’ monis konn? Devacher patiyenant te, Tacher bhavart dovrinant ani Tachi beporva kortat te! Yahweh-k sottkorn rag yenam, hem khorem; punn mon’xam nibor kallzachim zatit zalear, Tachean kãich korunk zainam! Devachi manddavôll mandun ghenant tankam khast favo zata. Niniveh – hea xarachem nisontton zatolem – hem asa Nahum’ Provadiachem mukhel bhakit. Nineveh xar dusmanachea hatant poddlem tednam hem bhakit 612 vorsa khorem zalem. Israel-acho poramparik dusman mhollear Axyria. Jednam Axyriecho dês harlo, tednam Israel desak bhorvanso udelo. Punn ho bhorvanso chôdd kall togunk nam – Jerusalem xar-ui dusmanachea hatant poddlem… Punn Dev Aplê potinni thãi, mhollear Israela thãi, Aplo môg dakoyta ani Apli manddavôll pallta ani palltolo – ho asa Nahum’
JANER 2014  DOR MHOINEACHI ROTTI  13

POVITR PUSTOKA VIXIM XIKOVNN

Provadiacho son’dêx. Nahum 2: 1 – hi vôll xanticho ul’lêk korta, xanticho son’dêx ximpddaytat tanchi tokhnnay korta. Ti amkam 10: 16 – hea stotrant, Izaias 52: 7-10 ani Dhormdutanchea Itihasant (10: 36) me llta. Ekvi svea xekddeant ami-i xantiche dut zaunk hi vôll amkam prernna dita. HABAKKUK Hem-i ek supurlem pustok, tinuch ovesvoramnim amkam boreantlo boro son’dêx dita. Tem vachtôch hikmotin boroylam mhonn kollta. Ho provadi Devachê bhirantin, Devachea mogan, jiyelo. Apleô oddchonni to Sorvespora Devak sango ani apnnak piddapidd ditat tankam xiraptalo (‘piddapidd ditoleank axirvad diyat, borem magat,’ hi Jezuchi xikovnn – Mt 5: 44; Rom 12: 14 – Adlea Korarant ti amkam zhollkonam!). Sorvespora Devan Kaldeyacheam lokam vorvim Aplê Israel porjek dêkh xikoyli, punn Kaldeyacheam lokanchi Sorvespor Dev nit kortolo, kiteak te Israela thãi ispa bhair nixttur zale. Hê bhaxen Dev Aplê porjechi bazu gheta mhonn thavem zata. Oxem ghòddtolem mhonn ho provadi, Habakkuk, axeun ravlo. Choddkorun 597 vorsa, Nebuchadnezzar razan Jerusaleak vheddo ghalo tednam, Sorvesporan Apli podvi dakoyli. Sonvsarache raza, kitle-i podvedar te zaum, Sorvespora Devacher zoit vhorunk xokonant! Habakkukachi êk vôll, 2: 4, amkam tin pavtti Novea Korarant mellta: Bhagevont Paulu (Rom 1: 17; Gal 3: 11) ani Hebrevank boroylolem potr (Heb 10: 38), hê vollicho ul’lêk kortat. Bhavarta vorvim ami promannik zatanv – hi chôdd mhotvachi xikovnn, ho son’dêx poilim Adlea Korarant Habakkuk Provadian dilo. Bhag. Paulun to son’dêx kholaylo. Ami promannik zatanv Bhavarta udexim.
14  DOR MHOINEACHI ROTTI JANER 2014

SEVADHORMIK VIXOY

MATEVACHEM VOROS - 2
Almir de Sousa
Hea Sevadhormik Tisrea Vorsa Aitarachea-Aitara Matevachem Xubhvortoman ami aikunk suru kelam. Jezuchea zolmak thaun tem Tachea Punorjivontponnak legun Matêv amkam Jezu amcho Devan Makhlolo Sôddvonndar (Messiah, Obhixikt) ani Guru koso dakoytolo. Kristanvponnacheam poileam xekddeamnim thaun Matevachem Xubhvortoman amkam poilem Xubhvortoman koxem mellta. Tem amkam Povitr-So bhecho ‘ Vade - Mecum’ vô h atan ghe un bhonvpachem pustok. Tem Povitr-Sobhecho Katexism vô ‘Doton’nichem Pustok’. Matevachea Xubhvortomana pormannem Jezu êk Guru vô Xikovpi. Tachem aikopi magir apunnuch Xikovpi ani Porgôttnnar zatat. Matevachea Xubhvortomanar amkam Jezun vaporloleô zaiteô lhanlhan sobit mhonn’nniô melltat, tantleô thoddeô aiz jinosvar bhasanchea sahityant bhitôr sorleat: “Konn-ui tuka êk kôs cholunk boll korit zalear, don kos tachê borabôr chol” (5:41); “Tea-tea disak jem noxtt asa, tench puro taka” (6:34); “Tumchim motiam dukranchea fuddeant uddoum nakat” (7:6); “Oxir darvontteantlean bhitôr sorat” (7:13); “Tanchim follam polleun tumi tankam ollkotoleat” (7:20); “Kurddo kurddeak vatt dakoyt zalear, dog-ui khonnint poddtole” (15:14); “Renver bandlolem ghor” (7:26). Krista-Yenneachea Kallar ani Krista-Joyonticheam bara disamnim ami Matevachea Xubhvortomanant Jezuchea Ballponnacheô khobrô (Mt 1 ani 2) aikotôch, voros-bhôr Jezu borabôr Galileyachea Nazaretak thaun tem Golgota vô ‘Kortteachea Zagear’ (27:33) vetoleanv. Apleam poileam don Ovesvoramnim Matêv Jezuk Somi ani Sôddvonndar koso dakoyta, hoch Sôddvonndar Aplea jivita, mornna ani punorjivontponna vorvim Aplê porjek tanchea patkantli sôddoytolo (1:21). Jezuchea Ballponnacheam khobramnim Matêv amkam Im’manuel (‘amchea sangata Dev’) hem sot ugddapem korta. Bethlehem’ nogrant êk ballôk koso ekê ankvarik zolmololo Im’manuel Galileyachea dongrar punorjivont Somi koso dubavtoleam xisank dixtti poddun tankam sonvsaracheam ximam porian pattoytolo. Hea Vorsa, Aitarachea-Aitara, Jezu amcho Guruji amkam Aplea Utrantlean an i jivitachê de kh intle an xi ko ytol o tem ami
JANER 2014  DOR MHOINEACHI ROTTI  15

SEVADHORMIK VIXOY

Matevachea Xubhvortomanantlean aikotoleanv. Aitarachea-Aitara Jezucheam pãyam-xim bosun konn porim ami prithumechem mitt ani sonvsaracho uzvadd zaunk zai, tem xiktoleanv. Toxench, Matevachea Xubhvortomanantlean kosleô PovitrSobhecheô vangddi-vangddinni ami zaunchim ani kosli PovitrSobha ghôddun haddchi tem xikum-ia. Bhagyam (5:1-11) amkam êk dublleanchi ani dublleam khatir vavurtoli Povitr-Sobha ghôddun haddunk avhan ditat; dekunuch tim amkam khuxê-monan gorib zaunk, hea sonvsarant rudon korun-ui, xant ani doyall zaunk, niti khatir zhuzunk ani xantisovostkay kornnar zaunk ek amontronn koxim zatolim ani hê porim ami hea sonvsarant sorginchem raj bandun haddtoleanv. Janerachea Mhoineant: Janerachê 5ver. (Somia Jezuchê Ap-Porgôttnnechi Porob) ami tegam vidvananchi khobor aikun Mariechea gopant aslolea Ballka sorim Razanchea Razak nomoskar kortoleanv. Tea fuddlea Aitara, 12ver. (Somia Jezuchea Snanachi Porob) Mateva pormannem konn porim Jezu Zuanvachea hatantlean Snan gheta tem aikotoleanv. Tea uprant, 19ver. ami Sado Kall (Dusro Aitar) suru kortanv ani tea-tea vorsachea Xubhvortoman’karak sôddun, mhonngê hea vorsa Matevak sôddun, ami Zuanvachem Xubhvortoman aikotoleanv. Hea Vorsa ami Snan’kar Zuanv Jezuk ollkota ani dakoun dita tem polletoleanv. Xekim 26ver. (Tisro Aitar) Jezuchea bhouxik jivitachi ani tachea karyachi survat ami aikotoleanv. Amchea Jivitak: Hea Vorsa Matevachea Xubhvortomanachea adaran Jezu Guruchim xisam zaum-ia ani Tachi Bori Khobor porgôttun Devachem Raj amchê modem ghôddun haddum-ia. Jezuk amchê modem gheun êk novo, uzvaddacho Somaz bandumia. Fransisk, Romacho Gonvlli-Bap, Povitr-Sobha durbôll zaunchi ani durbollam khatir tinnem vavurchem mhonn bogor-bogor sangit asa. Hea vixim, hea vorsa amche proyotn matxe vaddoum-ia. Fokot updesancher amchem dhean-mon ghalchê bodlek, Bhagyanchea monan jiyeunk proyotn korum-ia.
16  DOR MHOINEACHI ROTTI JANER 2014

MHOINEACHO SANT - Janerachê 17ver

BHAGEVONT ANTON (251 – 356)
Dokhinn Ejiptant Anton zolmolo ani vaddlo. Tacho avoybapuy bh okti vo nt ani g irest Kristi mo n’xam aslim, pu nn o ttra vorsanchê pirayer Anton onath zalo . Te a kal lavoi lê chali pormannem apunn-ui oronneant vochun bhagevont zatolo mhonn, du bl le an k adar diu nk apl em sogllem daiz tannem viklem ani pondra vorsam porian ekê dholint vochun to ravlo. Uprant anink vis vorsam eka dongra kuxik aslolea, De r-el -M emum l ag sar, e ka so gl le amnim sôddun dil ’l ea kil’leant lipun koso, to ravlo ani konnuch mon’xak to mellonaslo. Oxem astanam-i tacheam xisancho ankddo vaddot gelo. Tache xis lagim asloleam dholimnim ani khompttiamnim ravunk lagle. 305vea vorsa Bhagevont Antoni lagim portun-portun vinonti korun, tacheam xisamnim aplo otmik guru kelo. Bhagevont Anton morunk pavla astolo, oxem tache xis chint’tale, kiteak to upas-tapas, zagronnam zaitim kortalo. Tea bhair tachem jevonn-khann tonn, mhonv ani khazur. Oxem astami to ghôtt, mozbut aslolo tacheam xisank sampoddlo. Tacheam xi samn im tach im zann vaye chi m utram ekttãi kel im e ka pustokant, “Oronneant ravpi zannaranchim Utram”. Xekddeam pottim hem pustok portun-portun novean chhaplem. Fankivont boroynnar Thomas Merton hannem-i tem chhaplem, aplea pustokak nanv diun “Oronneantli Zannvay”. Panch vorsam porian, Antonin manddavôll korunk ani hea oronneant ravpi mottvaxianchi akarnni korunk aplo vêll sarlo. Te mottvaxi dhakttuleam kuddamnim ekle eksure ravtale ani fokot dhormik karyavollink ekttãi yetale. Hê porim dokhinnek asloleam mottvaxiam modle te veglle asle. He dokhinnek ravtole mottvaxi Bhagevont Pakomius hachea margdorxonna khal choltale ani
JANER 2014  DOR MHOINEACHI ROTTI  17

MHOINEACHO SANT - Janerachê 17ver

atancheam mottvaxiam bhaxen, somudayik jivit te jiyetale. 311vea vorsa Bhagevont Anton Aleksandriechea vhoddlea xarant bhett korunk gelo. Hê bhettecho xevôtt mhollear Kristi lokak ut’tejon diunk. Kristi porza Makximinan patxayachê piddapiddent koxttovtalo. Thõisorlo portun yetanam Clysmachea oronneant dongra kuxik tannem pennem kelem. Hi svat Nil nodi ani Tambddea Doria modekot poddta. Aiz porian thõi motth ubo asa: taka nanv “Der Mar Antonios”. Thõi tannem jivitachim urlolim 45 vorsam sarlim. Tachê-xim bud’d magunk yetoleank to bud’d ditalo ani soglleank to sfurti zaun aslo. Hanga thaun apnnem poilo ghôddlolea motthak, “Der el Memum” hea motthak to bhett ditalo. Sumar 335vea vorsa to anik êk pavtt Aleksandriek gelo ani Arian ani Manichaen – heam dhorm-virodiam add xikovnn diunk laglo. Bhagevont Antonicho vhoddlo ixtt Bhagevont Athanasius aslo. Tannench Bhagevont Antonichi jivit-kotha boroyli. Vhodd-vhodd utramnim taka pacharlo. Hi jivit-kotha Modlea Yugant (Middle Ages) itli fanki zali ki motthvaxiancheam pustoklayamnim tem ek fanki pustok zalem. Hê toren Bhagevont Anton zalo preronn-dinnar sobar motthvaxiank. 105 vorsanchê utar pirayer to somplo. To zaun asa askari hospittolamnim vavurtoleancho, kosabancho, fondd kaddpiancho, ani panttliô kortoleancho. Morluk martanam, pestpiddê vellar, katicheam duensam somoyar, taka ulo martat. Udenticheam Igorzamnim taka “ Oronneantlo poilo guru mhonn pachartat ani bhagevont motthvaxianchi tenkxi”.

Amcheam vachpiam-vachpinnink, sohokariank, ani borem dekhnnariank Bapan favo kel’lem hem 2014 Novem Voros, Jezuchea ekvottant ani Povitr Atmeachea dennean, Xantichem ani Pritimogachem zaum mhonn magtanv.
18  DOR MHOINEACHI ROTTI JANER 2014

OSTORIANCHEM PAN

NATALANCHO KALL
Selza Lopes
‘This is the Christmas Season….’ Oxim ami kitlim-xinch Natalgitam gaytanv. Ani khorench ho Natalancho kall ani Dezembracho mhoino mhonnlear sogllo loklôk, ghonnghônn ani chokchôk. Zaum hindu, muslim’ vô du srea kosle a-i dhormacho monis asum, De ze mbr ani Natalam, tem No ve m Vo ro s po ri an h och ekvô tt, ho ch ghonnghônn ani hi ch u mê d e k s a r k i soglleanchea rogtant dhanvta. Kiteak ho Natalancho kall! Punn Kristanvank ho kall chôdduch mhotvacho. Hea kallant gitam-gayonam, nach-gaz, spordhô, dhonde, sogllench kitem vhodda ghonnghonnan ani umedin cholta. Ani heach nimtan, goribancho, zannteancho, durbollancho, lhanamdhaktteancho usko dhôrun, ami kherit karyokrom’ kitem tancheai sangata ‘Natalanchem sharing’ koxem kortanv. Punn barik nodor marun pollelear, ho sogllo loklôk Natalam kalla purtoch urto. Niyall kellear, Noketr, jem khunnayta uzvadd, tem Natalanchea kallar veta thõi loklokta ani chokchokta. Noketr jem Jezucho zolm porgôtt’ta, tench Noketr amkam amchea jivitachea dôr-disa uzvaddachim mon’xam zaunk apoyta. Hoch Jezucho uzvadd ami amcheam utram ani kornniam vorvim dusreank porgôttcho asa. Nhoich fokot Natalam-kallar punn sogllea vellar, jivitacheam soglleam ghòdditamnim. Punn ami ‘Natalanchim Kristanvam’ zaun urleanv gai? Amcheam ganvamnim legun ami Natalanchea kallar, Kristanv mhonn dakounk gorib, onath bhurgeank kitem-i dan ditanv, albergint asloleank bhett kortanv, tanchea sangata thoddo vêll sartanv. Oxem polleunk gelear, kitlinch zannam hem sogllem korun albergint asloleank Natalam ailim mhonn ugddas kortat.
JANER 2014  DOR MHOINEACHI ROTTI  19

OSTORIANCHEM PAN

Ami thoddê pavtti amchê umedin gorib nasloleank legun gorib korun sôddtanv. Odik-korun bhaileam mon’xank ami Natalanchea nimitan ghoddiê tankam goroz nasun-ui odikuch maya-môg dakoytanv. Punn amcheach ganvcheam gorjevontank pavunk chuktanv. Goroz nasloleank ami amchê gorjek gorjevont kortanv. Tachê uprant vorsacheam yer mhoineank amkam tanchem poddun legun vochunk nam. Oxem dista: Natalanchea kallar Jezu ailo, gorvam- gottheant zolmola, ani magir Taka ami khõi tori bhitôr kaddun dovorlo. Oxi êk mhonn’nni amchean ghôddunk zata: “Natalanchem noketr lambta tednam porian Natalam”! Jê ghòddiê porian Natalanchem noketr lambta, titloch vêll amkam Jezuchea uzvaddacho ani Tacheam totvancho ugddas urta. Titloch vêll ani kall ami doyallu kornniô korunk bhonvtanv. Tachê uprant Jezucho uzvadd nam-so dista ani amchea somazant uzvaddachim mon’xam zaunk ami visortanv. Jê porim jim konn Nimannea Sukrarakuch igorjent distat, tankam ami ‘Good Friday Catholics’ mhonntanv, toxench amkam ‘Christmas Catholics’ mhonnlear fôtt zaunchi nam. Kiteak Jezucho uzvadd ani Jezun haddloli xanti-sovostkay, Natalanchea noketracho uzvadd ekê toren ami Novea Vorsant vhorunk visortanv. Zoxem ami pornnea vorsachea xevottak ‘Old Man’ lhasun Novea Vorsant bhitôr sortanv, toxem ho Ballka Jezucho-i uzvadd lhasun uddoytanv, oxem dista. Hacher ami niyall korcho asa. Khorim Kristi bhavbhoinn koxim Jezucho uzvadd ami amchea jivitant sogllea kallar, disa-dispot’ttim, porzollauncho asa. Magir Natalanchea nimitanuch amkam zannteancho, durbollancho, lhanam-dhaktteancho husko kiteak? Amchem bhavponn fokot panch-dha disank kiteak? Jezuchi xikovnn oxem amkam sanginam! Tôr amchi Kristanv bhavartachi somzonni itli holkipolki koxi zaum yeta? Atam Natalam somplim, noketr palovlem, gottheantlo Jezu pettent ghalo zalear, Tacho uzvadd palovoncho nam. To amchea jivitantlean loklokcho asa. Jezuk amchea jivitachem Noketr korun, Tachi Bori Khobor amchea jivitantlean porgôttun, amchea somazant uzvaddachim mon’xam zaunk Kristi mon’xacho karyakrôm. Hench korunk Novem Voros amkam ulo korta. Hea Novea Vorsant Jezu zaum amchea dôr-disacho Uzvadd.
20  DOR MHOINEACHI ROTTI JANER 2014

OSTORIANCHEM PAN

UPKARI OSTORI
(Internetta voilem) “Dev boro dis dium.” Moidanar bosun aslolea dadlea mukhar vetanam ekê ostorien mhollem. Dadlean lohu nodor voir kaddli. Hi ostori jevun-khaun borem jivit sartoli mhonn tannem odmas kelo. Ticho kôtt novoch aslo. Tichea jivitant tika kednanch jevonn unnem zaunk nam, oxi ti distali. Puskôll lokan adim aplim fokanddam keleant toxim ti korunk sôdta mhonn tannem poilem chintlem. “Mhojê vatten yeum naka,” to gurgurlo. Punn ti thõich ravli mhonn taka vichitr dislem. Tiche dant legun distat toso tichea tonddar hanso aslo. “Tuka bhuk laglea?” tinnem vicharlem. “Nam,” tannem thokponnim zobab dilo. “Hanv atanch Prejidenti borabôr jevun ailam. Atam tum voch.” Ostoriechea tondda voilo hanso vaddlo. Okosmat ostorien aplo hat dadleachea bavlleak ghalo. “Madam, tum kitem kortai?” dadlean ragan vicharlem. “Agê Bai, mhaka sôdd mhonn hanvem tuka sanglam.” Tednanch êk Pulis Odhikari ailo. “Madam, koslo prosn asa?” tannem vicharlem. “Nam, hea mon’xak hanv ubo korunk proyotn kortalim. Mhaka adar dixi?” ostorien zobab dilo ani maglem. Pulis Odhikarian aplem mathem khôrpilem. “To zannto Jack. To kãi vorsam thaun hanga asa. Tachê lagim tuka kitem asa?” “Thõi pollelãi, cha-kofichem hottel asa?” tinnem vicharlem. “Thõi vhorun taka hanv kitem-i khaunk diunk ani thoddo vêll hinvantlo vattaunk sôdtam.” “Tum pixi zaleai, Madam?” oxem vicharun to asro-naslolo dadlo thir ravlo. ‘Mhaka thõi vochunk naka.” Tednam konnache bollvont hat aplea dusrea bavlleak dhôrun apnnak uttoytat mhonn taka koll’lem. “Mhaka sôdd, Pulis Odhikaria, hanvem kosloch guneanv korunk nam,” oxem to nibran uloylo. ‘Tujê khatir hi bori kornni; Jack, hi tum nakarum naka,” Pulis Odhikarian mhollem. Xevottak, thoddê avghoddayen, tê ostorien ani Pulis Odhikarian taka cha-kofichea hottelant vhelo ani eka konnxeak aslolea mezar bosoylo. To sokallchea adesacho modlo vêll aslo ani aplo nosto sompoun chodd-so lôk gel’lo ani jevnnak girayk yeunk vêll aslo. Hottelacho Karbhari bhonvtalo to tanchea meza lagim ubo ravun, “Pulis Odhikaria, kitem chol’lam?” oso vichar kelo. “Ho monis
JANER 2014  DOR MHOINEACHI ROTTI  21

OSTORIANCHEM PAN

oddchonnint asa?” “Hê ostorien hea mon’xak jevonn diunk hanga haddla,” Pulisan zobab dilo. “Hanga nhoi” Karbharian ragan mhollem. “Hanga oslo monis aslear mhojea dhondeak vaitt.” Zannto Jack dant poddloleô apleô molla dakoun hanslo. “Polle, Madam, hanvem tuka sanglolem. Atam mhaka tum vochunk dixi zalear borem……Poilê suvater, mhaka hanga yeunk naka aslem.” Ti ostori Karbhariak polloun hansli. “Sir, ‘Eddy and Associates’, hê laginch aslolê ‘banking’ komponi lagim tuje som’bond asat?” “Hôi, asat,” Karbharian begobêg zobab dilo. “Te mhojea jevnnachea eka kuddant apleô satolleacheô zomati kortat.” “Ani tum heam satolleacheam zomatim somoyar jevonn diun bore duddu komaitay, hôi?” Ostorien vicharlem. “Tem tuka kiteak poddlam?” Karbharian porto vichar kelo. “Hanv, Sir, Penelope Eddy komponicho Odheokx ani Mukhêl Odhikari.” “Oh……” Ostorien porot hanstem tondd kelem … “Hem hanvem sangun tujê vagnnukent ontor zait, oxem mhaka dislem.” Tinnem Pulisacher nodor marli. To aplea tonddailo hanso dhamun dhôrunk proyotn kortalo. “Tum amchê borabôr ek kop kofi piyetai ani jevtai? “Nam, Madam, hanv ddiutter asam,” Pulis Odhikarian zobab dilo. “Ek kop kofi tori piyetoloi nhoi?””Hôi, Madam, Hem borem asa.” Hottelacho Karbhari suddsuddayen uloylo. “Hanv atanch tuka kofi haddtam”. To kofi haddunk veta to polleun, Pulis Odhikarian mhollem: “Tunvem taka soirannant haddloi.” “Tem mhojem mon nhoi aslem….. Hem sogllem korunk mhaka ek karonn asa. Tum sot mand vô mandinaka. Apnnem jevunk vhel’lea aplea thottaklolea soirea fuddeant ti bosli. Taka polleyt ravli ani magir tinnem vicharlem: “Jack, tuka mhozo ugddas asa?” Zannto Jack tichea tonddar apli nodor ghalun ugddas korit ravlo ani mhollem: “Tuka hanvem adim khõi tori pollelea, oxem dista…..Tujem mukhamoll mhaka vollkichem lagta.” “Atam zait hanv thoddim zanntim zaleam,” tinnem mhollem…. “Zait hanv tednam mhojê tornnattê pirayer aslim, tea poros atam hanv matxim mottim zaleam. Tednam tum hanga chakri kortaloi, ani ami atam aileanv tea darantlean hanv bhitôr sorlolim, thonddayen ani bukhen.” “Madam?” tea Pulisan kitem vicharlolê porim mhollem. Itli dobajik ostori kednam tori bukhen asli mhonn taka sotmandunk kotthinn zatalem. “Hanvem tedn am ri gtench Ko lejin tlem xikx onn sompoyl’lem,” ostorien sanglem. “Hanv êk chakri sôdunk mhonn
22  DOR MHOINEACHI ROTTI JANER 2014

OSTORIANCHEM PAN

xarant ail’lim, punn mhaka êk-ui mell’li nam. Itlean mhojê lagim duddu asle tantle fokot kãi nanne urlole ani vosti kortalim thõichi mhaka bhair sorunk sangloli. Hanv team disamnim gol’liamnim bhonvtalim. Fevreracho mhoino aslo ani hanv thôndd zalolim ani bukhel’lim. Tednam hanvem hi suvat polleli ani kitem khaunk mellta zalear polleunk bhitôr sorlim.” Jack-achem tondd hanstem zalem. “Atam mhaka ugddas ailo,” tannem mhollem. “Hanv jevonn divpachea meza pattlean aslom. Tum bhitôr yeun apnnak jevonn mellchê khatir apnnachean kitem kam’ korum yeta zalear vicharlem. Hem amchê manddavolli add mhonn hanvem tuka sanglem.” “Hanv zannom,” ostorien mukhar sangunk suru kelem. “Uprant tunvem mhaka ekdom’ vhoddli, hanvem kednanch polleunk nasli tosli, ros masachi senddvich korun dili ani kop-bhôr kofi diun, ani konnxeachea mezar bosun ti khuxalkayen khaun sanglem. Tum trasamnim poddxi mhonn hanv bhiyelim. Punn tunvem mhaka khaunk dil’lem tache duddu tum farik kortanam polleun, sogllem sarkem asa mhonn mhaka thavem zalem.” “Tôr tunvem tuzo svotacho dhondo suru kelo?” Zanntea Jack-an vicharlem. “Mhaka têch sanjê chakri mell’li. Hanvem ti borê toren keli. Uprant hanvem mhozo dhondo suru kelo ani Devachea adaran to voir sorlo.” Tinnem aplem duddvanchem pakitt kaddun taka aplê komponichem nanv ani pot’to aslolem kard dilem. “Hem tujem khaun somptôch, tum yeun Xri Lyons haka bhettlolo mhaka zai. To mhojê komponint kamdarancho sonchalôk. Hanv vochun atam tachê lagim uloytam ani mhojê kocherint to tuka kitem tori chakri ditolo mhonn mhaka khatri asa.” Aplea tonddar hanso khelloun, tinnem fudde mhollem: “Tunvem tuka vostram viktim gheunk ani tum tujea pãyancher ubo ravo porian vosti korcheak zago mellounk to tuka uxnne duddu diunkui xoktolo. Tuka kednam-i kitem goroz aslear, mhojem dar tuka sodanch ugtem asa.” Zannteache dolle dukhamnim bhòrle. “Tuje upkar hanv koxe badoytolom?” oso to udgarlo. “Mhoje upkar badoynaka,” ostorien zobab dilo. “Devak mhoima.” Tannem mhaka tujea fuddeant pavoyli.” Cha-kofichea hottela bhair, Pulis Odhikari ani ostori thamblim ani ap-aplê vattek lagchê adim tinnem mhollem: “Tujea adara khatir tuka Dev Borem Korum, Pulis Odhikaria.” “Tuka Dev Borem Korum, Bai Eddy,” Pulis Odhikarian zobab dilo ani tika fudde sanglem: “Hanv kednanch visorcho nam toslem hanvem az ek ochoriem pollelem…Ani….Ani tujê kofi khatir tuka Dev Borem Korum.”
JANER 2014  DOR MHOINEACHI ROTTI  23

DUSRI VATIKANI VIXVSOBHA

SONVSARAK UGTI POVITR-SOBHA (DVV 16)
Vasco do Rego s.j.
Fattlean Ankar thaun Chalu GS (“Gaudium et Spes”, “Khuxalkay ani Bhorvanso”) Dusrê Vatikani Vixvsobhechea hea Dokumentant gel’lea ankar dekhlam tacho thoddeam utramnim ugddas korum-ia: Jezuchea Paskachea Guttant bhagidaram zaunk soglleam mon’xank mellta, Hôi, soglleam mon’xank: Povitr-Sobhecheô vangddi-vangddinni nhoi tankam, ani Obhixikta Jezucher ugtim bhavart dhôrinant tankam legun. Punn hem koxem ghòddta ‘tem fokot Devak thavem asa’. GS -chi m utram dhô ru n, Devxastri (theologians) bhovkorun Ajient, oxem aplem mot sangtat: “fokot Devak thavi asloli vatt” khõichi? Hi “vatt” dusre dhorm vô “adorx totvam” (“kolponavidya”) (ideology) zaunk xokta, kiteak tanchê vorvim zaito lôk Deva-xim vô aplea Nimannea Xevotta-xim pavunk proyotn kortat. Bhov-korun Ajient mhonnlam, kiteak Ajient zaite dhorm asat ani tancheam pattlavdaranchi kallzachi ani kornnianchi khôl bhokti amkam Ajient ollkunk mellta. Ani heam dhormancheam pattlavdarank (milianvache milianv him pattlavdaram!) Ogonnitponnim MogallDoyall Bap kodinch sanddcho nam. Tanchea dhormantleanuch Dev tankam pavta, oxem he Ajieche Devxastri sangtat. Xekddeamxekddeamnim ho Ajiecho lôk kitlê axen Devak sôdit aila ani az porian hich Devachê tanen lhastolea kallzachi bhokti ami onnbhovtanv. Hem chodd mhotvachem dekun, novean attapum-ia: Monis zaun Devacho Put Jezu soglleam mon’xank, ek-eklea mon’xak, ekvottlolo zala. Ani Povitr Atmo soglleam mon’xank Jezuchea Paskachea Guttant, fokot Dev zanno tê bhaxen, vantto gheunk dita. Devacho Povitr Atmo sogllê kodden hajir asa ani Aplem doivik kam’ korit asa. Hem sot sonvsarak ani dusream dhormank ani dusream dhormacheam mon’xank polleunk “nove dolle” dita. Somest Kristanvank hem azun somzonam dista. Bhov-korun
24  DOR MHOINEACHI ROTTI JANER 2014

DUSRI VATIKANI VIXVSOBHA

Ostomtecheam Devxastrianchem (theologians) chintop vegllem. Povitr Atme achi pu rnn tay Povitr-S obhen t asa. Dusre am dhormamnim ani tancheam pattlavdarank To opurnntayen (imperfectly, partially) asot ani deku n he dh orm aple am pattlavdaran k opurn ntayen Deva-xim pavo ytat. Tan nim purnntayen hea Paskachea Guttant vantto gheunchem zalear, Povitr-Sobhent mat tankam hi purnntay melltoli. Oxem te chint’tat. Urfattim, Ajiecheam Devxastriank hê Ajiechê poristhiticho onnbhov asa. Him hixôp-naslolim mon’xam kitlê bhoktin apapleach dhormant, ap-apleam “povitr pustokancho-i” adar gheun, Devak ollkunk ani bhôzunk pavtat. He “nove dolle” gheun okristi mon’xank ani tancheam dhormank favo to man ami Kristanvamnim diuncho. Yeram poros ami Kristanvam odik vortim nhoi, koslêch vhoddvikechi amchean bodday dakounk zainam. Amchean Povitr Atmeak ani Tacheam den neank koslich x im’ ghalu m noz o. Jem To amkam Kristanvank xikounk sôdta tem sogott legun ami somzotanv mhonn chintum noyê. Povitr Atmo amkam ugddapem korta tem sot amchê lagim sopurnnayen asa mhonn ami chint’tanv zalear, dusream koddchem amkam kitench xikunk aschem nam, oxem zalem. Ami fokot dusreank diunchem, tan chê koddsun kitench ghevpachem nam! Oxem zalear, khoro sonvad (dialogue) anink koso astolo? Dennem-ghennem koxem asum-yet? Fokot ami ditoleanv, “xikoytoleanv”, kãich gheunchim nanv, kitench xikchim nanv! Punn, dusrê vatten, jem kitem Povitr Atmo korta tem ami opurnntayen somzotanv ani onnbhovtanv, kiteak amchi so m zo n n i an i o n n bh o v amch e a zo n n -e k l e ach ê kh as g i , sonvskrutik ani itihaxik poristhiticheam ximam bhitôr asta. Ani Povitr Atmo Apnnak zai tê bhaxen Apnnachi ollôk dusreank ani konnak-ui diunk svotontr asa mhonn ami manun ghetlem zalear, ami khoro sonvad korunk ani ekameka koddchem xikunk toyar astoleanv. Hem Paskachea Gutta vixim-i sangchem. Ami kodinch hea Guttachi sopurnnay onnbhovnanv. Hê Devachea mogachê yevzonnek xim’ ani mer nam. Hachê vixim ho DVV GS dokument kitem sangta tem fuddlea ankar ami polleunchem.
JANER 2014  DOR MHOINEACHI ROTTI  25

NIYALL

SANGAT : SOGLLEANK KHUXAL KORTA
Vincy Quadros
Eka iskolachim zaitim bhurgim Bondla abhayaronnyant (Wild Life Sactuary) piknikek gelolim.  Bhonvtam-bhonvtam tanchi nodor eka nagobacher geli: to aplem podok fuloun nach kortalo.  Zaito lôk taka polleun tacho nach tokhetalo.  Modinch to hê vatten zalear modinch tê vatten vollun lokachi kormonnuk (entertainment) kortalo. “Hanvem zalear poilêch pavtt êk sorôp hê bhaxen nachta to pollelo.” Anitan aplea fuddeant aslolea Nikhitak mhollem. “Hôi go bayê, hanv Jaipur gel’lem tednam ami ravtalim tea hottela mukhar êk sopera (sorpancho khellovpi) zaiteam sorpank gheun khêll kortalo.  Te legun oxê toren nachonasle.” Nikhitan mhaiti dili. “Taka hea abhayaronnya valeamnim xikoyla astolo.” Anitan tork kaddlo. Tednanch tea nagoba fuddeant êk harbêl (green snake) ailo. Nagobak tacho rag ailo.  Lôk apnnak polleun khuxal zatalo tantum harbelan veotyoy (obstruction, interruption) haddlo mhonn to aplem podok dhampun “fons, fons” korun taka dhanvddaunk laglo. Harbêl halot-dholot laginch aslolea zhaddar choddlo ani poilim voir thaun sokol lamb denvlo.  Magir portun apli tokli voir keli ani môddunk laglo.  Soglleanchi nodor tacher veta. “Hea sorpa poros harbelacho nach boro dislo nhoi? Podok dhamplolea sorpak atam konn pollenam.” Nikhitan Anitak mhollem. “Hôi.  Punn te bondist asat.  Aplê porin khell korun amchi kormonnuk kortat.  Te ranant aslole zalear amkam te khelltanam distole asle?” Anitan khônt ugtayli. “Punn tanchê pasot amkam ek patth mellta tacher tujem lokx gelem nam.  Poilim to sorôp loka koddlean tust ghetalo, punn harbêl yetôch taka tachi nosay zali ani harbelan aplo nach suru kortôch sorpak konnuch pollenam zalo.  Dogamnim sangatak nach kelolo zalear ami doganchi-i tust korchim naslim?” Nikhitan patth sôdun kaddlo. “Hôi, sangatak ravun koslem-i kam’ kelear soglim khuxal zatat. Khuxalkay ghetat ani ditat.” Anitan mhollem ani tim yer bhurgeam borabôr sovnneank polleunk mukhar gelim.
26  DOR MHOINEACHI ROTTI JANER 2014

GORBPATA VIXIM EKA DOTORACHEM XANNEPONN 
Êk bhiyel’li ostori bailanchea dotora fu ddeant ge li . Ti nn em mh ol le m: “D otôr, hanv g ombh ir pro sn ak sampoddleam, ani mhaka tuzo adar zai.  Mhojem asa tem bhurgem azun eka vorsachem zaunk nam ani hanv portun gurvar zaleam.  Mhaka itlim tenkun bhurgim nakat.”  Dotoran tika zap dili “Somzotam. Hanvem kitem kel’lem tuka zai?”  Tinnem mhollem: “Matso gorbpat kôr ani mhaka khatri asa tum mhaka adar kortoloi mhonn.” Dotoran matso vichar kelo ani thoddo vêll ogoch ravlea uprant tê ostoriek sanglem: “Mhaka dista tujê oddchonnik mhojê koddem odik boro upay asa.  Tuka-i to itlo dhokeacho ascho nam.” Dotôr apli vinonti manun gheunk toyar zalo mhonn ti khuxal zali. Do to ran fu dde m mh ol le m: “Ekach borabô r tu ka dog am bhurgeancho kuidad korunk poddcho nhoi mhonn, tujê vengent aslolea bhurgeak marun uddoum-ia. Hê toren, dusrem bhurgem zolmak yeunchê adim tujean thoddo suxêg-ui gheunk zatolo. Ami zôr donam bhitorlea ekleak marlem, zalear khõichem tem porva nam.  Tujê vengent asa taka vinchun kaddlear tuka kosloch dhoko nam.” Ti ostori ekdom’ bhiyeli ani mhonnunk lagli: “Nam dotôr, kitlem darunn panvol hem!  Eka bhurgeak marop mhollear khun nhoi?!” “Hôi, hanv zannam,” dotoran zap dili. “Oslo khun korpak tuka kãich oddchônn nasli, dekun mhaka dislem hoch êk boro upay mhonn.” Apnnak zo son’dêx diunk zai aslo, to tichê meren pavlo mhonn dotôr hanslo. Hea sonvsarant zolma ailolea bhurgeak marop ani kusveant aslolea bhurgeak marop mhonnlear ekuch zalem mhonn tannem tika pottoun dilem. Khun êkuch zata!  Dotorachem mhonn’nnem tika pottlem ani tinnem apli vinonti fattim ghetli.  Tednam tika ganvch ê igorjê koddl ean ani “Gurvarponnant samball korpi Kendr” (“Pregnancy Care Centre”) hachê koddlean goroz to môg ani adar mell’lo. Aiz, avoy ani bhurgem dogam-i jivim ani khuxal asat. Sangatan kitlê pavtti amchean moladik jivit salvar korunk zata! “Môg mhonnta: hanv dusreachea boreponna khatir hanv mhozoch teag kortam. Gorbpat mhonnta: hanv mhojea boreponna khatir dusreacho teag kortam.”
JANER 2014  DOR MHOINEACHI ROTTI  27

BHAGEVONT-BAPACHI XIKOVNN

BARIKSANNECHI URBA AMKAM DEVASORXILIM POIS KORTA
Sogllem zanno ghevpachi itsa vô bariksannechi (curiosity) urba mon’xachea monant gondôll nirmann korta ani mon’xak xanti haddtolea zannvayechea Atmea sorxilo pois kaddta mhonn Fransisk Bhagevont-Bapan Brestaradisa, Novembrachê 14ver, (2013), sokallim bhettoylolea Misar uloytanam aplea provochonant sanglem. Zannvayechea Pustokantlea tea disachea poilea vachpant, Povitr Atmeachê Zannvayent jiyetoleam, khoream Kristi punneavont dadleachea ani bailechea otmeachê sthitichi khobor kel’li asa, tacher aplea provochonant uloun Papa Fransiskan mhollem: “Hi Zannvay tichê bhitôr aslolea chotur, povitr, oprotim’, jin’nosvar oxea bud’dichea atmea vorvim tankam aplea jivitachê vatter fuddem-fuddem vhorta. Haka mhonntat Sorvespora Devachea kallza pormannem, kitem borem tem vinchun kaddunk ani yogya te nirnnoy gheunk amkam adar kortolea Devachea Atmea sangatim amchea jivitachi vatt cholop. Ho atmo sodanch amkam kallzachi khori xanti-sovostkay dita. To khoreponnim xanticho, mogacho, ani bhavam-bhoinninchê ixttagoticho atmo. Hakach mhonntat povitrtay vô bhagevontponn. Hench Devan Abrahamak ulo marun maglem oxem mhonnun: ‘Mhojeam dolleam mukhar chol ani ani tujem jivit nixkollonk zaum-di.’ Hich ti xanti. Povitr Atmeachea ani Tachê zannvayechea margar jim mon’xam choltat, tankam amchean xannim mon’xam mhonnunk zata; kiteak tim Devachê sosnnikayechea margar asat. “Xubhvortomanantlea vachpant amkam dusrêch bhaxecho atmo vô mon polleunk mellta. Ho Devachê Zannvayecher samkoch urfatto. Ho zaun asa chovkosponnachi vô bariksannechi urba. Amkam Devacheam yevzonnancher, amchea fuddaracher, odhikar zai, amkam, amchê sobhonvtim ghòddtoleam vô ghòddcheô asat team vostum vixim, sogllea-sogllea vixim zanno zaunk zai, soglleô vostu amchea tabeant ailoleô zai… ‘Devachem Raj kednam yeunchem asa?’ Farijev Jezu lagim vichartat. Tankam ti bariksann zai. Kednam, khõichea disa, khõichê tarker... tem tankam zai…. Hi zaun asa chovkosponnachi urba; ti amkam Zannvaiechea Atmea lagchean pois kaddta, kiteak amkam kitem kat ti khobor amkam zai, hem vô tem koxem ghòddtolem, dôr disa ghòddtoleam vostuncho topxil (detailed information) zai, anink kãi naka. Haka ‘koxem-kitem’ hachi xokti mhonnum-iet. Punn bariksannechi urba bori nhoi. Hi urba dhuspottayta, dhandôll korta ani mon’xak Deva sorxilo pois korta. Ani hi gorjê bhair chodd ulovpachi, chovkosponnachi urba zaun
28  DOR MHOINEACHI ROTTI JANER 2014

BHAGEVONT-BAPACHI XIKOVNN

asa sonvsari ani amchim monam gondollant ghalta tosli: oxem Jezu amkam sangta.” “Bariksannê vorvim amkam êk-êk pavtt oxem dista: Dev hanga asa vô omkê suvater asa vô êk-êk pavtt ami mhonnunk pavtanv: hanv eka mon’xak ollkotam, taka Saibinn-Mãycheô chitti yetat, Saibinn-Mãiche son’dêx yetat adi.. oxem sangun Papa Fransiskan mhollem: “Saibinn-Mãy amchi soglleanchi Mãy! Ani ti amcho soglleancho môg korta. Ti sod’dam son’dêx pattounk êk postmaster tôr? Amchem oxem vagop amkam Xubhvortoman, Povitr Atmo, zannvay ani sovostkay, Devachi mhoima, Devachi sundoray, heam soglleam lagchean pois kaddta. Nodrek poddtat tosleam khunnamnim Devachem Raj yeunchem nam, Devachem Raj amchê modem asa ani zannvayê vorvim amkam tem thavem zata mhonn Jezu sangta. Povitr Atmo ki amkam hi zannvay ani xanti dita. Devachem Raj gondollachê sthitint yenam. Oxem Elijev Provadia lagim uloytanam Dev ekê vavzoddin vô forsan varem marta tea vellar uloylo nam, punn thonddayechea vareachê, zannvayechea nazuk vareachê sthitint uloylo.” Aplea mon ant osli bariksann en zanno zaunchi urba aili mhonntôch, apunn sodanch tantli meklli zaunk vavurtalim mhonn Ballka Jezuchi Bhagevont Tereza sangtali. Jednam dusreô Tai tika kednam-i konna familichi, vô mon’xanchi khobor sangtaleô, tednam, akhrek kitem ghòddlem tem zanno zaunk khôr utsuktay tichea monant uprastali. Ani hem sarkem nhoi, hi Devachi Atmik xokti nhoi mhonn tika distalem, kiteak hi Devachi xokti zaum nozo. Ti dhuspottayta tosli xokti, sonvsari bariksannechi xokti. Devachem Raj amchê modem asa. Sonvsari bariksannen athveo vostu, novim kovtukam sôdunk vochum nakat mhonn sangun Papa Fransiskan sompoytanam mhollem: “Thondd vareachea nazuk lhara bhaxen aslolea Povitr Atmeak Aplê zannvayen amkam mukhar vhorunk dium-ia. Zachi Jezu aiz khobor korta, To zaun asa Devachea Rajeacho Atmo. Amen!”

MAGNNEM KOROP MHOLLEAR DEVAK BEJAR KEL’LÊ BHAXEN
Fransisk Xrêxtt-Gonvllian magnneacho vixoy dhôrun oxem mhollem: “Jednam ami Devak amchem magnnem kortanv, tednam ami vhodda visvasan ani Devak bejar kel’lê bhaxen eksarkem magunk favo. Oxem Dev amchem magnnem aikun ghetolo.” Brestaradisa, Misar aplea provochonant to uloytalo. Provo ch onant fu dde m u lou n Papa Fran si skan mho lle m: “Magnneak don bazu asat: ekê vatten jichê khatir ami magnnem kortanv ti goroz asa, zalear dusrea ordan, teach borabôr asa, ami
JANER 2014  DOR MHOINEACHI ROTTI  29

BHAGEVONT-BAPACHI XIKOVNN

magtanv tem Devak zai tê bhaxen, ani Taka zai tea vellar, Dev amkam ditoloch mhonn amkam asloli khatri. Zo bhavartan magnnem korta, to monis dolle dhampun Devachea mogacher visvas dovorta, ani portun-portun, ekê bhaxen vaz haddi-sôr, Deva lagim magunk oddchonam.” Aplo ixtt pavun sorla, ani taka lagun apnnak tin undde uxnne di mhonn modianicher portun-portun bejar kortolea ixtta bhaxen, apnnak neay korun di mhonn khottea nitidara lagim portunportun magtolê vidvê bhaxen, Jezun amkam magnnem korunk xikoyleant mhonn ugddas korun, ani koddkar Jezuk lagim sorun mhonnta: ‘Saiba, Tuka zai zalear Tujean mhaka boro korunk zata’- Xubhvortomanantli hi ghòddnni ek udharonn koxem lokacheam dolleam mukhar dovrun Papa Fransiskan fuddem mhollem: “Hem aikunk matxem atvench lagot, punn amchean mhonnunk zata: magnnem korop mhollear amkam magtanv tem dii-sôr, ekê bhaxen Devak bejar korop.” Poilim poilim magnnem kortanam, maglolem mellonam mhonn bejar zainastanam, portun-portun porathun magop, kitlem gorjechem tem dakoun diun tannem mhollem: “Jezun amkam ‘Magat’ mhonn sanglam, punn teach borabôr, ‘Darar marat’, oxemi sanglam. Ani zo daracher marta, to avaz korta, tras korta, koranday haddta. Mhonntôch magnnem korop mhollear bejar korisôr magop, punn teach borabôr magtanam halonaslolea ghôtt vi svasan mag op; ox em Xubh vo rtoman an t te am dog am kurddeamnim Jezu lagim apnnank bore kôr mhonn maglem, ani tumkam bore korunk Mhojê lagim zata mhonn tumkam bhavart asa kai mhonn vichartôch, vhodda visvasan tannim ‘hôi, Saiba’ mhollem.” Jednam ami magnnem kortanv tednam Jezu amcheô gorzô vollkun gheta, ani jednam ami portun-portum magtanv, tednam ami magtanv tem Dev ditoloch mhonn amkam visvas asa mhonn, ani amchê vixim ami sot uloytanv mhonn To zanno zata. Oxem Papa Fransiskan akhrek sanglem.

TUJEAM KRISTI UTRAM PORMANNEM TUJEÔ KORNNIÔ ZAUM-DI
“Kristanv mon’xacheam utram pormannem tacheô kornniô zaunk favo, ani konn-ui monis Kristi utram uloyta, ani tim apleam kornniamnim chalik laynam, to nhoi apnnakuch punn dusreankui luksonn korta, kiteak tachim utram gorvacher dhòrleant ani hachê vorvim Povitr-Sobhent futt ghalunk pavtat” oxem XrêxttGonvlli Fransiskan Brestara disa (5/12/2013) bhettoylolea Misar aplea provochonant sanglem. Brestara disacheam Sevadhormik Vachpantlo vixoy gheun, koxê
30  DOR MHOINEACHI ROTTI JANER 2014

BHAGEVONT-BAPACHI XIKOVNN

bhaxen adnya zanno zaun porian Farijèv tanchê pormannem aplea jivitant jiyenant, taka lagun Jezu tankam dottayta, hachê vixim Papa Fransiskan spoxtikoronn kelem. “Khorench him borim utram, punn tim te apleam kornniamnim pallinant zalear, tancho amkam kãich upêg nam, voilean tim amkam luksonn haddtat, amkam fottoytat: Amchem ghor sundor asa mhonn amkam tim visvas dakoytat, punn hea ghorak buniaduch nam.” Jezuch amchi khori buniad, fokot Jezu amchem khoddop mhonn sangun tannem fuddem mhollem: “Jea utra modem Krist nam tem Kristi utor amkam polkeponnak, gorvak ani fokot nanva khatir aslolê xoktik pavo yta. A ni o sle am apn nankuch kho ddop mho nn somzotoleanchem boll Jezu môddun uddoyta.” Ami amchea ontoskornnant bhitôr sorun pollelear borem zatolem, oxem sangun Papa Fransiskan aplem provochon sompoytanam mhollem: “Amcheam Kristi utram modem Krist hajir asa vô nam, hem ami polleunk favo, ani zôr tôr toxem nam zalear, amchim utram amchêch modem ani Povitr-Sobhê modem futt ghalunk pavtolim. Ami uloytanv tim amchim utram amchea Somia Jezu Krista sovem riglolim asum mhonn khaltikayen Somia lagim magum-ia.

Bhavartachea Vorsachea Xevottak
Aitaradisa, Novembrachê 24ver (2013), Krist-Rayachea porbêdisa, Bhavartachea Vorsachê somaptichea somoyar, Vatikanant Sam Pedruchea moidanar bhettoylolea Misar Xrêxtt-Gonvlli Fransiskan kelolem provochon: “Aiz ami amchea Somia Jezu Krista, Sorga-sonvsarachea, sogttasorvanchea Razachi porob somarombtanv. Sevadhormik vorsachea xevotta borabôr, Xrêxtt-Gonvlli Sollavea Benediktan suru kel’lem Bhavartachem Voros-ui sompta. Tannem amkam favo kel’lê hê sundôr bhettê khatir, vhodda mogan ani dhin’vasnnechea monan aiz ami tacho ugddas kortanv. Fuddar chintun yogya vellar tannem yevjilolea hea panvla vorvim, amkam soglleank Devachim bhurgim ani Povitr-Sobhent ekamekachim bhavbhoinn kortolea amchea Povitr-Snana disa suru zal’lê amchea bhavartachê yatrechê sundorayecho novean ugddas korchi son’di amkam favo zali. Amchea Devak rup-rup polleunk ani bhettunk amkam gheun veta ti hi amchi sonvsarantli yatra: tantum amchim kallzam axeun ani otrekun ravtat tea porom’ sukhant bhitôr sorunk Povitr Atmo amkam sodanch nitoll ani povitr korit aila, amkam hat diun voir kaddit aila. Hanv hanga h ajir asloleam U dentich eam Katolik PovitrSobhancheam (Eastern Catholic Churches) Patriarkank ani mukhel Mha-Gonvlli-Bapank mhozo mayêmogacho ani bhavponnacho
JANER 2014  DOR MHOINEACHI ROTTI  31

BHAGEVONT-BAPACHI XIKOVNN

ye vkar. Ro mach o Go nvll i-Bap h ea n atean, h eam Kristi somudayamnim aplea dêkhivont visvaxiponnan, ani êk êk pavtt borich kimôt farik kelolê Jezu Kristachea nanvachê porgôttnnê khatir tanchi hanv tokhnnay kortam. Ani hê xantichê khunnê vorvim, tanchê udexim, hanv Povitr Desant (Holy Land), Syrient ani ak’khê Udentik ravtoleam Kristi loka porian pavunk ani tankam xanti ani ekcharachi bhett magun gheunk axetam. ‘Jezu Krist sogtta-sorvacho maz’, aichea disa porgôttloleam Povitr Pustokantleam vachpancho hoch vixoy. Jezu Krist kendrsthanacher asa. Obhixikt Jezu zaun asa sogllê rochnnechem kendr, sogllê Tachê porjechem, ani itihasachem kendr. Sogttasorvachem kendr. Koloskarank boroylolea Potrantlea aichea poilea vachpant Paulu Dhormdut hea Jezu Kristachea kendrit’tayechem (centrality) khor dorxon amkam korun dita. Jezu ak’khê rochnnê modlo Malgoddo mhonn to amkam Jezuchi vollôk dita. Tachê vorvim, ani Tachêch khatir sorv vostu keleat. To heam soglleam vostuncho maz. To zaun asa oromb: Obhixikt Jezu, amcho Somi. Devan Taka sorv sompurnnay dilea; hichê vorvim Tachê sovem sogtta-sorvachem son’dhan zaun, Deva lagim sogllem ektthãi zaunchem (Kol 1:1220). To sogllê rochnnecho Dhoni, sogllea son’dhanacho Dhoni. Ani haka lagun, ami khorim bhavarti mon’xam koxim hi Jezuchi kendrit’tay (centrality) amchê jivitachê chalint, amchea chintpant, amchea ulovpant ani amchea vavrant, ami purnnponnim vollkunk ani mandun gheunk bhov gorjechem. Oxem, amchem chintop khorem Kristi chintop, Kristachem chintop zaunk pavtolem. Amcho vavr êk khoro Kristi vavr, Jezucho vavr, amchim utram khorim Kristi utram, Jezuchim utram, zaunk pavtolim. Punn Obhixikta Jezuk ami hea kendr-sthana velo haloun, dusrea konnak thõi zago dilo zalear mat, sogllem vaitt amcher, ani amchê sobhovtim aslolea sogttacher yeunk pavtolem. Je zu Kri st, nh oi ch sog ll eam rochn nancho ani sog ll ea son’dhanacho maz, punn tea bhair To sogllê Devachê porjecho maz. To aiz hanga amchê modem asa. Tachea Utra vorvim To hanga hajir asa, ani jivo hea altarar astolo, amchê modem, Tachê mogachê porjê modem. Ani ami hem aichea poilea vachpant pollelam: Team disamnim Israelachim sogllim kullam Davida sorxem ailim, an i tannim D eva hujir taka makhu n taka Israelacho raza kelo. Aplea Razak sôdtanam khorem mhollear ti porza, tankam bhov lagim astolea, tanchea poinnant tankam sangat kortolea, ani tancho bhav koso zatolea aplea Devak sôdtali. David Razachê kullient zolmolol ea Jezuk, khorea bhava bhonvtonnim Devachi porza ekttovta. To sogllê Aplê porjecho, amam-soglleancho samball korta, Aplo jiv porian diun samball korta. Tache thãi, sogllim ami êk, Tachê sovem ekvottloli, ekêch
32  DOR MHOINEACHI ROTTI JANER 2014

BHAGEVONT-BAPACHI XIKOVNN

yatrent sangata vatt tanktoli, ekuch dhyey asloli porza ami. Obhixikt Jezu amchea jivitacho maz hea natean, fokot Tachê sovem ami Tachi porza mhonn, amchi osmitay (identity) amkam mellta. So rv-x evttim, Obhix ikt Je zu zau n asa mon ’x akul lach ea itihasacho, amchea zonn-ekleachea jivitachea itihasacho maz. Amchea ji vitantleô, khuxech eô, bhorvanxeache ô, dukhikhontincheô ani koxttam-dukhincheô ghòddiô ami Tachê sorxem haddcheô. Jednam Jezu zaun asa amchea jivitacho maz, amchea jivitachea chodd-chodd kalloki khinnant porian To amkam lagim asa, amkam bhorvanso favo korta. Oxem Tannem khursar umkolltastanam uzvea hatachea chora thãi kelem ani hi khobor amkam aichea Xubhvortomanachea vachpant mellta. Jednam yer sogllim, ‘Ho Obhixikt, Devan vinchun kaddlolo Raza zalear, hannem apnnakuch sôddouncho’, heam utramnim Jezucheô kenddnniô kortalim, tednam aplea jivitant vaitt kamam korit ail’lo ani atam aplem patok roddtolo boro chôr Jezu lagim magta: ‘Jezu, Raiponnachi podvi gheun yetai tednam mhozo ugddas kôr!’ (Luk 23:42) Ani Jezu taka zap diun mhonnta: ‘Aiz tum Mhojea sangata voikuttant (Mhojea rajeant) astoloi!’ Jezu khastichem formonn marinam, punn bhogsonneachem utor dita. Jednam konn-ui Tachê lagim dhir dhôrun bhogsonnem magta, tednam Somi Jezu tachem magnnem aikotach. Aiz ami amchea itihasachem, amchea jivitachea provasachem chintum-ia. Zonn-ekleak amkam amchea jivitacho itihas asa. Amcheô chuki, amchim patkam, amchea jivitacheô boreô, toxeô vaitt ghòddiô. Ami amchea khasgi itihasachem chintun, aiz, Jezu mukhar yeun Taka kallzant thaun ani ogeponnan sangunk favo: ‘Somia, atam Tum Tujea Rajeant asai, tôr mhozo ugddas kôr. Hanv êk boro monis zaunk sôdtam, punn hanv osokt. Khorench mhaka favo tem boll nam. Hanv êk patki, hôi, hanv êk patki, punn Saiba, Tum mhaka sanddinaka. Mhaka visrum naka, Jezu! Kiteak tum kendr-sthanacher asai, Tujea Rajeant asai. Hem kitlem sobit!” Sogllim ami aiz hem korum-ia. Sogllim ami, amchea zonnekleachea kallzant thaun, portun portun mhonnum-ia: ‘Somia Jezu, Mhozo ugddas kôr! Tum kendr-sthanacher asai, Tujea Rajeant Tum asai. Uzvea hatachea borea chorak Jezun dilolem utor aiz amchea kallzak bhorvanso dita; kurpê khatir Devak ubarlolea magnneavôn, Devan tem magnnem aikun diloli Apli kurpa odik vhôdd mhonn amkam khatri dita. Dev sodanch udar, ani Aplea udarponnan ami magtanv tachê-vôn odik amkam dita. Ami amcho ugddas kôr mhonn Deva lagim magum-ia, ani To amkam aplea Rajeant bhitôr ghetlea bogor ravcho nam. Heach margar ami sodanch cholum-ia.”
JANER 2014  DOR MHOINEACHI ROTTI  33

EK DIVO PALOVLO

MAHATMA MANDELA
Marcos Cosme Andrade
Madiba somplo. Apli ak’khi jinn gorê katichea lokakoddlean kallê katichea lokacher zatoli onit sompounchê khatir zhuzun zhorovpi, ani hea tach ea j ivi t-kary akhatir apl ea ji vi tach im mhotvachim 27 vorsam bondhkhonnint sarun, xekim Dokxinn Afrikentlo vornn-bhed (apartheid) sompovpant yesosvi zavpi, Dokxinn Afrikecho adlo Raxttrpoti Nelson Rolihlahla Mandela (mogan “Madiba” mhonnlolo) aplea jivitachê 95 vorsanchê pirayer, zaito kall piddent sarlea uprant, Dezembrachê 5 tarker (2013) hea sonvsarak ontorlo. “Madiba” somplo khoro, punn vixvitihasant omôr zaun urlo. Zoxem Albert Pike, hea vicharvontan (thinker) mhollam: “Jem kitem ami amchê khatir kortanv, ami mortanv tednam tem-i morun veta. Yeram khatir ani sonvsara khatir kortanv tem sodanch urta, ani kednanch moronam.” Dusream khatir apli jinn zhorovpi fuddari morum nozo, punn aplea jivitachê, ani karyachê dekhin ani preronnen dusre fuddari utpon korunk pavta. Ami pollelam koxê bhaxen svotontrtayê khatir ohinvsa (non-violence) ani ‘satyagraha’ heam hatiaram vorvim British-anchê zulumxayê add zhuz manddun apnnakuch somorpil’lea Mahatma Gandhichê dekhi vorvim gel’lea xekddeantlo Martin Luther King, Aung San Suu Kyi ani Nelson Mandela, hancho vavr fulunk ani follunk pavlo. Toxench atam aplea Dokxinn Afrikent rong-bhedachem odruxtt sompounk manddlolea lambdik zhuza vorvim, mon’xan kel’lea vegllocharacho kallôk sompoun, Dokxinn Afrikek ek bhov-vornni, bhov-zatinchem, dhonnubala sarkem veg-vegllea ronganchem raxttr, (‘rainbow nation’) korun uddovpi, ‘Dokxinn Afrikecho Gandhi’ mhonn pacharlolo, Nelson Mandela-i fuddarak yetoleam doxokamnim aplea nisvarthi vavra vorvim nove fuddari nirmann korunk pavtolo, ak’khea sonvsarantleam goribank, durbollank ani zulum’ sonstoleank ani chirddil’leank, ek sfurti-divpi noketr koxem sonvsara-mollar zhogzhoktolo, hantum dubav nam. Olpsonkhyen (minority) aslole gorê katicho lôk, vhoddê sonkhyen (majority) asloleam kallea katichea lokak kikont kortalo. Koxê toren Mahatma Gandhi Dokxinn Afrikent Barrister (advogad) mhonn vavurtanam, kasfis nhesun poilea vorgant bosun ag’gaddien vetastanam, 1893 vorsa goreamnim Pietermaritzburg ‘railway station’-acher taka tachea samonna soit lôttun bhair uddoyl’lo, tem ami zannonv. Dokxinn Afrikent rabito korun asloleam Bharotiyank toripunn zaitem odik borê bhaxen goro lôk vagoytalo; punn thollaveam Afrikechea kallea lokak zalear, unchle zage gheun boslole he gore samkech kikont kortale. Kalleam
34  DOR MHOINEACHI ROTTI JANER 2014

EK DIVO PALOVLO

modem goream add osontôs ani dvês vaddtalo. Tis vorsanchê pirayer Nelson Mandelan rajkaronnant bhag gheunk survat kel’li. 1952 vorsa tannem sorkarachea zuluma add mohim’ (campaign) suru kel’li, punn 1956 monnosôr taka sorkaran apnnacher add bondday korta mhonn arôp ghalun tacheam sohokariam soit ottok kel’lo (arrested) . Punn uprant tanchi suttka zal’li. 1948 vorsa sot’tier ail’lea “South Afrikan National Party”-chea sorkaran nove-nove kaide pasar korun, kalleamnim khõi ravunchem, khõi kam’ korchem, hanchê vixim kalleank koddok hukum’ ghal’le. Iskolam, vidyapittam, ani nokri korcheô suvatô, heam soglleam vixim kalleam thãi vegllochar korpi kaide korun kalleam-goream modlim lognam, Svoyonsevi Songhottnna (voluntary union) hancher bondi ghalun, sot’tya goreancheach hatant urta toxe upay ghetlole. Mandelan hea soglleak virôd korun zulum’-korpi sorkara ani foujê add zhuzunk, bolliam môddfôdd korpacheô mohimô (sabotage) addayleô. Taka zulum’-korpi sorkar sokla uddoun loksot’tya, svotontrtay, ani soman’tay (equality) hancher dhòrlolem novem raxttr nirmann korunk zai aslem. Soman’tayê khatir tachi nixttha (commitment) tannem tea vel lar ucharl ol eam u tram vel ean disun y eta. Tannem mhonnlolem: “Hem zaun asa dhyey: h ach ê k h atir h anv jiyetam an i tem melloytolonch mhonn mhaka visvas asa. Punn goroz poddot zalear, hachê khatir hanv morunk porian toyar asam.” 1962 vorsa Nelson Mandelak tacheam sangatiam borabôr dhôrlo, mud’dom’ môdd-fôdd kelea ani sorkar umttun uddounk vavurla mhonn tacher arôp ghalun moro porian bondkhonnichem formonn marun, Dokxinn Afrikechea Robben nanvachea zunvear taka bondkhonnint ghalo. Tachê suttkê khatir Ontor-raxttriya panvddear songhottit mohim’ suru zali. Ganvam-ganvamnim chollvollik nêtt mell’lo. Sonvsari panvddear Dokxinn Afrikechea sorkaracher cheponn vaddonk laglem, ani 1990 vorsa Nelson Mandelachi bondkhonnintli suttka zali. Vornn-bheda add zhuztoleam rajki koidiamnim aplim kitlinch vorsam khôr bondkhonnint sarlolim ani haka lagun tanchi bholayki bigddunk pavloli. Torui astanam suttlea uprant porian Mandel a apl ê ni timot’tek (moral rectitude ) an i promannikponnacheam totvank visvaxi ravlo. Aplea jivitachim 27 pikall vorsam eksurponnant sarun avghodd bondkhônn bhôglolo monis ek tôr samkoch bavun vochpacho (faded out) nam zalear, apnnem sonslole koxtt ani dogd ani tachê vorvim tachea jivitachi lagloli vatt, hanchem chintun apleam koxttank karonn zaloleancher vikh onkpacho, punn Mandela to
JANER 2014  DOR MHOINEACHI ROTTI  35

EK DIVO PALOVLO

Mandelach! Zulumxayechi bondkhônn tannem ek unchlea rajkaronni xikpachem iskol kelem, ani hea iskolantlean xanti ani son’dhanachem xikop purnn korun, tea iskolantlo to bhair sorlo. Aplea desachê, tacheam bhavam-bhoinninchê, suttkechi taka laglo li bhu k, kal lea zaum gorea, kh õi ch ê-i zati ch ea, zau m kh õi ch ea-i dh ormach eam mo n’x an ch ê, ak’kh ea mon’xakullachê suttkechi bhuk zaunk pavli. “Zôr tôr tuka tujea dusmana lagim xanti zaloli zai, zalear tachea sangata tunvem vavrunk zai. Ani jednam tum toxem kortai, tednam tuzo dusman tuzo bhagidar (partner) zaunk pavta,” hi tachi zannvay. Sumarabhailea ragachea ani tiddkechea khinnant porian tannem kednanch zati-kativadak, zati-kativadan farik korchem chintlem nam, hantum asa tachem mhatmeponn. Eka kallar jea sorkara lagim vornn-bhedar add tannem zhuz manddlolem, ani jea sorkaran tachea jivitachim mhotvachim vorsam ibadd kelolim (aplim vorsam ibadd zaleant mhonn tannem kednanch dhôrunk nam, hem tachem vhoddponn!), team sorkari fuddariam lagim tannem son’dhan ani somettachim (peace settlement) ulovpam suru kelim, goream ani kalleam modem bhavponn vaddounchê khatir vavr suru kelo, ani vornn-bhedi raxttrachem, zati-katicho, zaum yer kosloch vegllochar naslolem, ani zonn-eklea nagrikak manan ani respetan apli tokli voir kaddun cholunk mellta toslem ‘rainbow nation’ korunk to bhar gheun vavurlo. 1994 vorsa zal’lê bhov-vornni vinchnnukent “African National Congress” zoitivont zali, ani Dokxinn Afrikecho to poilo kallê katicho Raxttrpoti zalo, tannem raxttriya ekvottachea sorkarachi sthapna keli. Dokxinn Afrikek novi ghottna (constitution) ghôddun dili. Dusrê pavtt vinchnnukent ubo ravunk tannem nakarlem, ani tannench sthaplolea “Nelson Mandela Foundation”, ani yer sonvstham vorvim loksevechem, goribkay ani HIV/AIDS hea vaitta add vavurpachem aplem karya chalu dovorlem. So nvsar-bh orache ve g-ve gl le puroskar taka favo zal e. “Xantitayecho Nobel Puroskar” diun taka bhovmanit kelo. Bharotan taka Bharot-Ratna diun zonn-eklea Bharotiyachea kallzant tachê khatir aslolo son’man prokott kelo. 1995 vorsa proxid kelolê aplê atmokothechea (autobiography) nimannea panar to boroyta: “Êk vhôdd dongôr choddun voir pavlea uprant, mon’xak anink zaite osle, choddunk zai aslole, dongor dixtti poddtat.” Tacho hea sonvsarantlo provas niktoch sompla, punn Mahatm (great soul) Mandelachea jivitachi kanni, lakhamnim lokank ek sfurti-sthan zaun sodankal urtoli.
36  DOR MHOINEACHI ROTTI JANER 2014

KATOLIK KHOBRÔ

FRANSISK BHAGEVONT-BAP GONVLLI-BAPANCHI PORIXÔD APOYTA
Gonvlli-Bapanchi Tisri Vixêx Sorv-Samanya Porixôd, Vatikanant Otubrachê 5 tem 19 dormean 2014 vorsa zatoli mhonn Fransisk Xrêxtt-Gonvllian Otubrachê 8ver, 2013, jahir kelem. Hê Vixêx SorvSamanya Sobhecho (Extraordinary General Assembly), vô Gonvllik Porixodecho vixoy zatolo: ‘Dhormporgôttnnê sondorbhant Kuttumbanchim Gonvllik Avhanam (The Pastoral Challenges of the Family in the Context of Evangelization).’ Dhorm-porixodechea vixoyak dhôrun aslolea mud’deanchea mhotva vixim uloun, Pri. Frederico Lombardi S.J., hannem mhollem: “Kuttumbik prosn sôddounk veoktigôt (individual), vô thollavea odhikari mollar kelolea khas gonvllik vavra vorvim gondôll zaunchi bhirant asa, ani haka lagun ak’khea Povitr-Sobhechea somudayachea ekcharan ani moslotin cholunk bhov gorjechem.” Logni sthitik Povitr-Sobhechi goroz ti manyotay mellchê adinch, Jermany desantlea Freiburg Dhormprantant, logn môddun novean logn zaloleam Katolikank Krist-Prosad diunk tharav ghetlea uprant, tannem hem mot porgôttlem.

PAPA FRANSISKACHEA BHOUXIK SANGNNEAM VORVIM PRESIDENT OBAMA PROBHAVIT
“Hanv Papa Fransiskachea bhouxik sangnneam vorvim khub probhavit (impressed) zalam, nhoi khõichea-i eka khas mud’deak lagun, punn to khoreponnim Jezu Kristachi xikovnn aplea jivitant jiyeta dekhun,” oxem mhonn Amerikecho Raxttrpoti Barak Obama hannem CNBC-k dilolê ekê mulakhotint sanglem. “Ojap zavpa sarki khaltikay taka asa. Lhanantleam lhanam thãim, ani durbollam thãi kaklutivont zavpacho, tankam somzuncho, vhôdd gunn taka asa. Dusreank pois korchea zagear, tankam koxim vengounchim tem poilim chint’ta, dusreanchi ninda korchea zagear, tanchê sovem aslolem borvem poilim polleta toslo ho monis.” tannem fuddem mhollem. Bhov-chorchit (khõichea-i vellar chorcha zata tosle, hot-button issues) somajik mud’deam bhair Povitr-Sobhen zaiteam yeram vostuncher aplem lokx ghalchi goroz asa mhonn halinch Papa Fransiskan sangun dilolem asa. Ani gorbpat, somlingi logn, ani gorb-nirodok upay hanchê vixim sodanch ani sogllo vêll ulounchi goroz nam mhonn tannem gel’lea mhoineant ekê mulakhotint sanglam.
JANER 2014  DOR MHOINEACHI ROTTI  37

KATOLIK KHOBRÔ

VATIKANI ODHIKARI SISTIN KOPELANTLEA PRODUXONNA ADD XIDKKAVNNI DITA
Vatikanantlea Sistin Kopelant, hali nch bosoy lol ê no vê ‘aircondition’-achê ani varem nitoll ko rpachê y ontro nn ê vo rvim Kopelant vaddtolem produxonn (pollution) un ne m zai nam zait zale ar, Si stin Kopel ak bhe tt ditoleancho ankddo moriadit korcho po ddto lo mho nn Vatikan i Muzevachea vhoddilan sanglem. 2014 vorsa akhrek sumar, kam’ korunk lagtolê, hê yontronnê vorvim, Michelangelo- chea vonntir kaddloleam ut’tom’ kruti (masterpiece) ani kolatmok (artistic) chitrancher vaitt porinnam’ kortolea, dhull, olsann ani Carbon dioxide sarkeam vayun voir niontronn dovrunk zatolem mhonn Antonio Paolucci hannem Otubrachê 17ver, 2013, ekê zomatint sanglem. Punn zôr tôr hi yontronna favo toxi cholunk pavonam zalea, Kopelak bhett ditoleancho ankddo devouncho poddtolo mhonn tann em fudde m sang le m. H ea vo rsa Si stin Kopel an tl ea songrohaloyak bhett ditoleancho ankddo voros soro meren 5.5 milianv-acher pavtolo mhonn odmas asa. 1990 vorsa hea Kopelachem durustichem kam’ kel’lem. Dôr-disa 20 hozar sumar lôk Sistin Kopelak bhett ditat.

APLEM PATOK RODDTOLEA KHUNIAK PAPA FRANSISK APNNAK BHETTUNK APPOYTA
Ottra vorsam adim, Samsunder Singh hea mon’xan Ut’tor Bharontantlea eka ganvant ekê Katolik Taik topun jivexim marloli. Te Taichem nanv Rani Maria. Hea guneanvak lagun taka xikxa zaun tannem bondkhônn-ui bhôgloli. Taka bhettunk Papa Fransiskan apli khuxi dakoylea, ani taka Vatikanant yeunk amontronn dilam. Mha-Gonvlli-Bap Vincenzo Paglia, Kuttumbam khatir aslolea Pontifikal Monddolacho odheokx, hannem Samsunder Singh-ak Fransisk Xrêxtt-Gonvlliak bhettunk odhikrutponnan amontrit kela. Êk Katolik padri, ani jivexim marlolê Rani Maria Taichi dhaktti bhoinn, him dogam-i tachea sangata Vatikanant vetolim. “Hi khobor aikun hanv samko urben ani umedin bhòrlam,” 40 vorsam piray aslolea Singh-an ucanews.com hanchê lagim uloytanam mhollem. Nixkollonk Mariechê Karmelit Ordicho, Swami Sadanand, hea nanvacho famad aslolo padri, Samsunder Singh bondkhonnint aslolo tednam, taka nityaneman bhett’talo,
38  DOR MHOINEACHI ROTTI JANER 2014

KATOLIK KHOBRÔ

tachê lagim uloytalo ani taka, updês-bud’d (counseling) ditalo. Bara vorsanchê bondkhonnichi xikxa bhôgtanam, hea padrichea margdorxona vorvim tachem mon vòll’lem ani tannem kelolê darunn kornnecho taka kallzant thaun khônt bhògli ani tachem mon bodòl’lem. Puroskar favo zal’li, famad Ausralian-Italian film-director, Catherine McGilyray, hinnem hê darunn khunachê ghòddnnecher adarun, nirmann kelolea prochari cholchitrachê khas dakovnnek hajir zaunk taka hem amontronn dhaddlam. Hea cholchitrant, Taicho zalolo khun, ani tea uprant jivexim marlolê Ranni Maria Taichê familin koxê bhaxen udar kallzan tea khun kortoleak bhôgxila tachem chitronn kelam. “Jednam hanvem hi khobor aikoli tednam koxê bhaxen ekê avoyn aplê dhuvecho khun kortoleak vengoylo ani tacho umo ghetlo, ani apnnench jivexim marlolê Taichê bhoinnicho ho khuni koso khoro bhav zaunk pavlo, tem chintun khorench mojem kalliz bhoron ailem”, McGilyray hinnem ekê mulkakhotint sanglolem. Hem film polletôch Papa Fransiskachem kalliz bhoron ailem, oxem mhonn khobor asa. Jivexim marlolê Taichea kuttumban hea mon’xak ugteponnim kallzan thaun bhôgxilo ani taka aplê familintloch eklo koso ghetlo. Dor vorsa ‘Rakxa Bandhan’ hê bhavam-bhoinninchê Hindu porbê somoyar Rani Maria-chi bhoinn Singh-achea hatak rakhi (ceremonial thread) bandta. Mel’lê Taik Povitr-Sobhen, 2007 vorsa ‘Devachi Sevika’ (Servant of God) mhonn po rg ott kel ea. He m poi le m mh otvache m panvo l ti ch ea santkoronnachê (canonization) dixen.

SONVSAR-BHÔR BHUK SOMPOUNK MAGNNEACHI MOHIM’
Vatikan, Carol Glatz, Catholic News Service, Xrêxtt-Gonvlli Fransisk, sonvsarant vostolê bhuker add vixvthoraveli magnneachi mohim’ (campaign) aplo palôv diun suru korpacho asa. Vatikanantlê “Caritas Internationalis” hê Katolik dan’dhorma vixinchem kam’ polletolê songhottnnen ghoddoun haddlolê hê magnneachê mohimek Samoa nanvachea dokxinn Pacific zunveacher, Dezembrachê 10 tarker don’parchea vellar survat zaun, ti thõi thaun ostomtechê diken sorun sonvsaracheam somest somoy-vattharamnim (time-zones) fuddem vechi asa. Papa Fransisk hê ‘One Human Family, Food For All’ (Ak’kho Sonvsar ek Kuttumb: Jevonn soglleam khatir)’ mohimek, tichê ugtavnnechê sanjer prosarit zatolea panch min’ttanchea ‘video message’-a vorvim aplo axirvad ani adar bhasaytolo. Caritas Internationalis songhottnnen apleam 164 vangddi-sonvsthank, ani thollaveam (local) igorzank, bhuk ani upasmar nam korunk ani jevnnacho
JANER 2014  DOR MHOINEACHI ROTTI  39

KATOLIK KHOBRÔ

ibadd thambounk ani ak’khea sonvsarant sogllea lokak jevonnkhann mellpasarkem korun, jevnna-khannachi surokxa favo korunk thollavea, desachea, ani vixv-panvddeancher vavrunk ulo marla. Caritas sonvsthechea sonket-thollacher (website) dilam tea pormannem, 2010-2012 vorsam mozgotim êk bilianv lôk, vô, dusream utramnim sangchem zalear, sumar att mon’xam modlo êk monis, sonvsarant bhukechea ani upasmarichea sonkoxttak sampoddla. Caritas Internationalis songhottnnecho odhekox, Tegucigalpa-cho Honduran Kardial Oscar Rodriguez Maradiaga aplea Video Message-ant mhonnta, “Ratichea vellar bhuken roddtolea bhurgeachea roddnnea itlo tachea avoybapayk dukhi korta toslo avaz anink dusro nam. Goribponnant jiyetoleam kitlleanch avoybapayanchea kanar aiz ho avaz poddta ani toriastanam tanchê lagim team bhurgeank jevonn diunk ghoddonam. Sonvsar-bhôrchea sogllea lokak pavta titlem jevonn-khann sonvsarant asa. Tumamsoglleanchea adaran, ani sonvsarantleam sorkaranchea ani “Ekvottit Raxttram” (United Nations) songhottnnechea adaran 2025 voros meren amchean sonvsarak bhukê-mekllo korunk zatolem.” Sonvsarantlea loka sangatim, Dezembrachê 10 tarker, bhuk pois korunk kelolea magnneant apleô thoddeô ghòddiô sarunk, ani somazant hê babtint zagrutay korunk, dusreank hea kamant urba diunk, udarponnan osleam kamank adar diunk, vô jevnnakhannachê surokxek tenko divpachê dixen yer dusre proyotn korunk, Caritas sonvsthen Katolik lokak khôr suchovnni kelea. Mon’xacho, Jevnna-khannacho odhikar, Mon’xacheam hok’kam vixinchea vixv-jahirnameachoch (Universal Declaration of Human Rights) êk bhag zaun asa, ani Ekvottit Raxttranchea Mon’xancheam Hok’kam Disa (Human Rights Day), mhollear, Dezembrachê 10 tarker, hê ‘Soglleam khatir Jevonn-khann’ mohimechi ugtavnni zata. Caritas mohimeche ayozok (organizers), Ekvottit Raxttranchê Songhottnen 2015-chea tanchea sorv-sadaronn zomati vellar, Jevnna-khannachea soglleanchea odhikara vixim êk khas boska gheunchi mhonn tankam suchovnni korunk tanchê lagim sompork korche asat. Toxench, sonvsarantleam veg-veglleam desancheam sorkarank, tannim ap-aplea desant apleam nagrikam modem bhuk nopoit korunk kaide korche mhonn te ulo martat. PODVÊ KHATIR MANDDLOLEAM ZHUZANK POVITR-SOBHENT ZAGO NAM (Catholic News Agency) Povitr-Sobhent adim thaun podvê khatir zhogddim zalolim asat, hem manun gheun, Fransis Bhagevont-Bapan sanglem: Jezun podvê vixim dilolê xikovnnê pormannem podvê khatir manddloleam
40  DOR MHOINEACHI ROTTI JANER 2014

KATOLIK KHOBRÔ

zhuzank Povitr-Sobhent zago nam. “Povitr-Sobhent zo soglleamvôn odik sevachakri korta, to soglleam-vôn odik vhôdd.” Mayachê 21-ver Misachem Bolidan bhettoytanam kelolea aplea provochonant Fransis Bhagevont-Bapan mhollem. “ Ho zaun asa nêm’. Punn survatek thaun aiz meren Povitr- Sobhent podvê khatir zhuzam zaleant, ani amchea ulovpa-ritint porian ami hem polletanv. Tachem provochon tea disachea Xubhvortomanacher (Mk 9: 3037) dhòrlolem aslem. Xubhvortomanachea vachpant, Jezu Apleam xinsank apnnam bhitôr vhôdd konn, hachê vixim vad-vivad kortanam sampddayta. “Jezuchea Xubhvortomana pormannem, Povitr-Sobhent podvê khatir vad-vivad, zhuzam asum nozo, kiteak, Jezun apnnench dusreachi seva chakri korun, seve-chakrechem boll mhonnlearuch khori podvi mhonn amkam xikoylam,” Bhagevont-Bapan mhollem. Punn Povitr-Sobhentlim podvê khatir aslolim zhuzam adim thaun asat mhonn to manun gheta, ani oxe vad-vivad Jezun Aple xis vinchun kaddlole tednam porian disun yetale. Bhagevont-Bapan fuddem mhollem: “Jednam eka mon’xak koslemi kam’ ditat ani sonvsarachê nodren tem eka unchlea zagea velem kam’ asot zalear, tednam konn-konn mhonntat: “am! Omkê ostoriek atam choddvonni (promotion) mell’lea ani ti sonvsthechi atam vhoddiln zalea; vô omko monis ‘promote’ (choddoyla) zala. Hôi, ‘promote’ zala khorench ek borem utor ani ami tem Povitr- Sobhent vaprunk favo, hê bhaxen: omkeak Khursacher ‘choddovnni’ mell’li, tomkeak opmananchi, hinnponnachi ‘choddovnni’ mell’li, adi.” Bhagevont-Bapachea mhonn’nnea pormannem, khori choddvonni mhollear ami Jezu bhaxen zaun amkam mellta ti choddovnni. Ho Kristi kaido ami nokllonv zalear, Jezucho, podvecho khoro son’dêx ami kednanch ollkun gheunk pavunchim nanv. “Khori podvi zaun asa seva, Jezun keli toxi. To sevachakri korunk ailo, dusreank chakrek lavunk nhoi. Tachi seva zaun asa Khursachi seva.” Francis Bhagevont-Bapan mhollem. Bhagevont-Bapan somzonni diun mhollem: “Jezun mornnant khalteponn bhôglem, amchê khatir Khursachem moronn sonslem, amchi seva korunk, amchi soddvônn korunk; ani Povitr-Sobhent fuddem sorunk anink dusri vatt nam.” Apunn sangta tem odik spoxtt korunk tannem aplê Jezuit Sonvsthechea sthapnnarachi (founder), Loyolachea Bhagevont Inasachi, khobor sangli. Tannem Jezu lagim apnnak khuxen opman sonschi kurpa di mhonn maglem. “Hi Povitr-Sobhentlê sevechi khori xokti, Jezun xikoyloli khori vatt, khori ani nhoi sonvsari nodren dista tosli podvi. Zoxi Jezun keli, toxi seva korun, sevechea margan Tacho pattlav korop - hich zaun asa khori podvi Povitr-Sobhent,” Bhagevont-Bapan
JANER 2014  DOR MHOINEACHI ROTTI  41

KATOLIK KHOBRÔ

fuddem mhollem. Bhavartiancheam magnneamnim, Bhagevont-Bapan Amerikechea Oklahoma hanga Mayachê 20ver zalolea vadoll-moddacho toddako bosun meloleam ani akantank sampoddloleam khatir kherit magnnem bhettoylem. Hea vadoll-moddant unnench tim 91 mon’xam meleant, hanchê modem 20 bhurgim asat.

KARDIAL GRACIAS DHARAVICHEA GORIBAM MODEM KRISTA-YENNEACHEA KALLACHÊ SURVATECHI SOMAROMBNNI KORTA:
Nirmala Carvalho, Mumboi Dharavi, Mumboichea zopoddpott’ttiamnim ravtoleam goribank apli gonvllik bhett diun, Mumboicho Mha-Gonvlli-Bap ani Bharotiya Katolik Bispanchea monddollacho (CBCI) odheokx, Kardial Oswald Gracias hannem, tanchê modem Krista-Yenneachea kallachê survatechi somarombnni korun, Krista-Yenneachea kallantli pidda ani rôg hanchê add mohimek (campaign) survat dili. ‘Jivo urpakhatir kel’lo songhorx: Xarantleam goribank bhorvanso’ (Struggle for Survival: Bringing Hope to the Urban Poor)’ hea vixoyakhala vhoddleam xaramnim ravtoleam goribam vixim somazant zagrutay nirmann korop, Caritas India sonvsthechea sohokaran suru kelolê hê yevzonnecho ho zaun asa hetu. Novembrachê 22ver, 2013, Kardial Gracias-an Mumboi xarantlea zopoddpott’tiank bhett dili. British Razvottichea vellar, 1880 vorsa nirmann zal’li hi Dharavichi zopoddpott’tti Ajientli soglleant vhoddli zopoddpott’tti mhonn mandtat. Aiz heam zopoddpott’ttiamnim vegveglleam zatinche ani dhormanche, sumar 3 te 10 lakh lok ravtat. Ekê nodren pollelear, Bharotavixinchem ek mhellem chitr hanga polleunk mellta, mhollear, mhêll gheun vetolim ugtim gottaram (open sewers), vochot thõi kochreacheô ani ghannierea mhellacheô raxi, mhelleô ani konsllonk pavloleô khompi, adi. Hi yevzônn suru kortanam Kardialan mhollem: “Fransisk Xrêxtt Gonvllian, apli ‘Xrêxtt-Gonvlliachem muniarponn’ orthik nit, soman’tay (equality) ani xanti hanchê khatir bhettoylam. Osleam gorib somudayanchea lokak bhett ditanam, tannem tanchea kalljidarponnachi tust kelea ani tankam mogan ani doyen vengounk lokak ulo marla.” Dharavi Mumboichea Bhagevont Antonichê firgojent poddta, ani thõicheam sumar 300 metr trij’yechea (radius) vattarant sôv kopelam asat: 5 hozar lokacho Tamil somuday, ani sumar êk hozar lokacho thollavê koli-zaticho somuday. Vixêxkorun heam khas don Kristi somudayantlim mon’xam hangachê igorjechim firgozkaram. Novembrachê 22ver, 2013, Kardial Gracias-an hê firgojek ani thõicheam sôv kopelank bhett dili, ani vetanam vatter bhett’toleam soglleam bhavartiank aplo axirvad dilo. “Amchê modem yeun, ani
42  DOR MHOINEACHI ROTTI JANER 2014

KATOLIK KHOBRÔ

hang ache a o xi r go l’limni m vatt tankun amch ê mo dl ea goribantleam goribank tannem bhett keli mhonn amchim kallzam sontostat”, oxem thõichea lokan sanglem.

DOLITANK TENKO DIVPI MHA-GONVLLI-BAPAK KOIDI KELO, TAINK ZOKMI KELEÔ
Dil’lik Sonsode-Ghora (Parliament House) lagim punji zavpachi addvarnni 6cheam hozaramnim Kristanv toxe Muslim’ lokan apleam dolit bhoinnim-bhavank vegveglleô sovloti magun morchant vantto ghetlo. Dil’licho Mha-Gonvlli-Bap Anil Couto, sabar Padri toxeô Tai ani yer fuddari mukhar asun, him sogllim Jantar Mantar thaun Son’sode-Ghora lagim vetanam, chodd fudde pavunchê poilim, pulisen tancher udok marun tankam addaylim. Apnnak Son’sode-Ghora lagim vochunk zai mhonn tannim sangtôch, tankam koidi korun ekê bhovxik boxint lagxilea pulis-thanear vhelim. Tanchê modem Katolik Mha-GonvlliBap Anil Couto, ani yer Kristi Povitr-Sobhanche Vhoddil, Dolit Kristavancho Odheokx Mary John, Dil’lichea Olpsonkhya Ayogyacho vangddi A.C.Michael, Raxttrik Ekcharachea Monddolacho vangddi ani Akhil Bharatiy Kristavanchea Monddolacho Sorv-Chittnnis John Dayal ani Khasdar Anwar Ali asle. Dusreank dhanvddaunk (hanchê modem Tai, Padri ani zaiteô ostoriô asleô) êk-ui ostoripulis nasun, dadleam pulisamnim dandde ani udkacheô nalli vapurlim. Hea vorvim zaiteank mar laglo. Hê porim Taink ani ostoriank vagoyleat mhonn morcha ayojit korpi Dolitancheam don chollvollincheam fuddariamnim Dil’licheam Ostoriam Pulisvibhagak tokrar dileat. Indiechea Katolik Bispanchea Monddolan (CBCI) hea nixedak tenko dila ani hê toren amcheam Bispancher, Padrincher ani Taincher goroz naslolem boll vaprop êk opman mhonn Monddolacho Odheokx ani Mumboicho Mha-Gonvlli-Bap Kardial Oswald Gracias-an AsiaNews khobram- sonvsthek sanglam. Tim desantleam gorib ani somazant bhairayloleanchea hok’kam khatir zhuzleant dekhun tankam koidi keleant mhollam. Fokot Dolit Kristi ani Muslim’ lokak nit ani eksarkeponn magtat mhonn amcheam Padrink, Dharmikank ani dusreank koidi kelim mhonn Indiechi Katolik Povitr-Sobha chôdd dukhovlea, oxem Mha-GonvlliBap Anil Couto uloyla. Dolit Hinduank orthik, xikxonnik ani somajik sovloti diun 1950 vorsa kaido rochlo tednam thaun Dolit Kristi ani Muslim’ lokak sorv nagrikam modem eksarkeponn magun tozvit chol’lea. Him boreponnam Buddhist ani Sikh dhorm pallpi Dolitank, adlea
JANER 2014  DOR MHOINEACHI ROTTI  43

KATOLIK KHOBRÔ

kaideant don bodolpam korun, 1956 ani 1990 dileant. Amchi Ghottna soglleam nagrikank eksarkeponnan vagoyta zaun, ho vegllochar Ghottnê add mhonn Bispanchea Monddolachea Odhe okxan sang lam. “A mkam ak’kh ê I ndie ch o hu sko. Dhormachea karonnak lagun somazachea eka vanttea thãi ontor korun ani tankam bhairaun, ti (India) fudde sorunk xokonam. Raxttrache noitik odhikari zobabdarek ani udorgotik hi addkhôll”, oxem tannem fuddem mhollam. Hê porim Kristi ani Muslim’ dolitank nit magun, Novembrachê 27ver, 1997, xembhoramnim Kristi lokan, Dil’licho sorgest MhaGonvlli-Bap Alan de Lastic tanchê borabôr asun, nidorxonn (demonstration) kel’lem. Kendr Sorkaran hea Dolitancho prosn xikunk nemloleam Somitimnim suchovnniô keleat teô vevharant ghalunk vegovêg panvlam marunk he lok magtat. Kristi ani Muslim’ Dolitank bhair dovrun kaido rochla tantum durusti korunk Son’sodechea chalu aslolea adhivexonnant prostav ghalat mhonn Kendr Sorkarak tancho ulo asa. Fuddlea vorsa Lok Sobhecheô vinchnnukô aslolean, hem korunk taktichi goroz asa. Toxench nov vorsam adim Vorixtt Nitisobhen prosn kel’le tankam rokddoch zobab diyat mhonntat.

NOV KALLJIDAR CHOLIANK UNICEF PUROSKAR
Naxal chollvollint duxit zal’lea Gadchiroli jil’leant 15 vorsanchê cholien aplea kuttumbache apnnak Naxalam modem dhadddpache proyotn nirfoll kele. Ekê 18 vorsanchê cholien kãi ganvamnim zagrutay rochun, lagxilê talukent cheddeank ani cheddvank xallent vochunk sorkari boxichi vevostha (arrangement) korun ghetli. Anink ekê 13 vorsanchê cholien piray zaunchê adim apnna poros vhoddlê choliechem logn korunk dilem nam. UNICEF-an osleam nov choliank ekttãi korun Dezembrachê 13ver tankam hea vo rsachê Navj yo ti Puro skar dile . D ha vorsam zal im Maharaxttrantlea kheddeganvantleam choliank osle puroskar bhettoytat. “Sorkari bos naslolean avoybapuy satvea vorga uprant choliank xallek dhaddinaslim ani logn kortalim. Hanv mhojea avoiybapay lagim zhuzlim ani mhojem xikxonn chalu dovorlem. Punn mhojim ixttam xalla sôddun logn zatat tem polleun, hanvem xezarcheam ganvamnim choliank zagrut keleô. Sorkari yevzonnacho hanvem obheas kelo ani bos suru korunk sorkarak orji korit ravlim. Julayant thaun boxichi vevostha zaun, 35 lhan bhurgeanchim lognam ami vattaylean,” oxemt 17 vorsanchê Maldhuri Ganesh Pawar hinnem obhimanan sanglem. Ticho bapuy lokhonddacheô vostu korpi ani ti bori ulovpi asun, durbollanchi seva korunk vokil zaunk otrekta. “Cheddvank xalla suru korpi Savitribai Phule mhaka nomuno”, oxem ti sangta.
44  DOR MHOINEACHI ROTTI JANER 2014

KATOLIK KHOBRÔ

Ottra vorsanchi Monica Islawat, Kiran Bedi-k adorx manpi mhonnta: “Mhozo avoybapuy xetant vavurpi. Hanvem mhojê bapulbhoinnik bhurgench astanam logn zaun, tichea bebdea ghovan tacho goir-upêg kel’lo pollelam. Mhaka toslo dukhi fuddar naka. Bhurgeponnar logn zatôch kitem porinnam’ zata tem hanvem mhojeam ixttinnink xikounk suru kelam. Bhurgeponnar logna korop hanvem bond kelam ani ganvant soro-bondi korunk zagrutay rochlea. Mhozo bapuy soro piyetalo.” Gel’lea vorsa tem aplo onnbhov raxttrik panvddear dusreank diunk Dil’li gel’lem. Tachea ganvcho tem az obhiman. Sunita Bora Vachani (15), novê klaxint asa ani Gadchiroli talukentlea Bhamragad kheddeant ravpi. Ho ganv naxal-vadiancho maz. “Hanvem naxal chollvollint provês kel’lo vô logn zal’lem mhojea kuttumbak zai aslem. Hanvem tankam virôdh kelo ani xikunk tharaylem. Anink tim mhaka mellunk nant ani mhaka puroskar favla mhonn tankam khobor nam”, oxem tem mhonnta. Chouda vorsanchem Baby Uddhav Thoke, Jalna-ntlea Salgaonchem apli kotha sangun roddta. Dha vorsam zalim tachê avoychea mornna uprant tachea bapayn taka sôddlem ani tachê xamãin ani vhoddlê bhoinnin tachea supurlea bhoinnim-bhavam sangatim samball’lem. Tachê vhoddlê bhoinnin, Savita-n, aplea bebdea ghovacho dhumallo sosum-nozo zaun, taka sôddlo ani aplê bhoinnik toxem zaiteam dusreank bhurgê pirayer logn zavpantlim vattaylim. Asha Tonde (16), ek ganvchem ostad pelvan (wrestler), tannem apnnak bhurgeponnar logn korunk diunk nastanam, xikxonn chalu dovorlam. Tem IPS pulis odhikari zaunk otrekta. Saraswati Sarje (23), êk nôrs, logn zaunchê poilim aplea disvoddean vavurpi avoybapaychi orthik gôt sudarunk anvddeta. Pranali Sontakke (13) cheddo-cheddum oslem lingi chintop sompounk bhurgench astanam vavurta. Tem voiz zaunk chint’ta. Harsha Koli (17) somajik boreponna khatir aplea somudayant karyavolli ayojit korunk zaitoch tokôs gheta. Heô soglleô gorib ghorabeancheô choliô tanchea ganvchea lokak adorx zaun asat. Doordarshan Sahyadri ani UNICEF, tankam ut’tejon diunk, tancho sotkar korun Navjyoti Puroskar bhettoytat.

50 VORSAM BHOLAYKÊ-SEVA DITOLEM KATOLIK HOSPITTOL BOND ZAUNCHEA MARGAR
PAKISTAN: Jibran Khan: AsiaNews 50 vorsam thambonastanam, Kristi ani Muslim’ lokak apli seva diit ail’lem, Pakistan desant Rawalpindi xarant aslolem Katolik ‘St. Joseph’s hospital’ bond zavpachea margar asa. “Franciscan Missionaries of Mary” hê Sonvsthechea Taimnim Sister Margaret Walsh hichea fuddariponna khal choloyl’lem hem hospittol
JANER 2014  DOR MHOINEACHI ROTTI  45

KATOLIK KHOBRÔ

duddvacho adar nam zaun bond poddpachem zalam. ‘Jivitak bhorvanso divpi’ (Giving hope to life)’ hea bridvakya khal gel’lim 50 vorsam thambonastanam hea hospittolant vavurtoleam Dhormik Taimnim, dhorm, zat-kat vô somajik dorzo, hancho kosloch bhedbhav korinastanam thollaveam lokank aplo môg ani vavr orpila. 2006 vorsa Pakistanachea sorkaran tanchea vavrachi ani sevêvixinchê tanchê nixtthechi (commitment) tokhnnay korun, hea kendrak ani tantum vavurtoleam Taink ‘Recognition of Excellence’ ho puroskar favo kel’lo. 1964 vorsa, Francis O’Leary hea Inglanddachea Katolik mixionaran St. Joseph Hospice-echi (ghor-nasloleam ani duent mon’xam khatir alberg) sthapna kel’li. Tantum kitlinch doxokam (decades) hea xarantlea gorib ani opangull lokak boreantli bori voizuki seva mell’lea. Xembhoram voir khatti aslolea hea ghorant, gorib gorjevontank sodanch funkott bholaykechi seva ani vokhdancho adar favo zala, bholayken bhov osokt asloleank alaxiro mell’la, ani hê albergint vavurtoleank proxikxonn-ui (training) mell’lam. Heam vorsamnim hem kendr ghorcheamnim legun sôddun diloleam zaiteam niraxritanchem (homeless, shelterless) ghor zaunk pavlam. Ani kendrant vavurtoleamnim dhorm vô yer kosloch bhedbhav korinastanam tankam Devachi doyallay bhôgunk dilea. Punn, vaddto khôrch, ani vixv-thoravelea orthik sonkoxttak (global economic crisis) lagun unni zal’li duddvachi purvônn hankam lagun, hem St. Joseph Hospice atam bond zavpacho dhoko (risk) ud’bhovla. “Asia News” hannim ghetlolê mulakhotint Margaret Walsh Tain khontibhorit kallzan mhollem: “Hanga ami seva kortanv, ani niga ghetanv team mon’xam modem chodd zannam Musolman zaun asat, ani ami tanchê gorjek pavtanv mhonntôch tim amchê sorxem vhoddê axen yetat.” Koxê bhaxen halincheam gel’leam kãi vorsamnim hea kendrant vavurtoleam Taimnim pott’tiddken aplo vavr kela tachê vixim uloun, hem kendr ghoddiê tankam bond korchem poddot mhonn chintun koxem tanchem kalliz bhov khontibhorit zata tê vixim tinnem fuddem sanglem. Ani hakach lagun hem lok-sevechem karya chalu dovrunk lokan apli denngi diun amkam adar diuncho mhonn ti vinovnni korta. Pekonaslolê sodanchê piddent koxttotoleank ani viruptayen (deformities) zolmol’leam mon’xank hem kendr ek khorea asreachem ghor zalam. Mhonntôch atam him mon’xam khõi vetolim kai mhonn hi madr vichar korta. Kristi pritimogachê urben vavurtolem hem kendr atam chalu urunk dhodd’poddta. Haka lagun, KristaYenneachea poilea Aitara, hê albergichea adarak, ani êk “bhorvanxeachi khunna” koxi aslolea tanchea hea misanvacho fuddar rakhun urunk, magnneacho ani duddvacho adar favo korunk hangacheam igorzamnim loka lagim magnni kelea.
46  DOR MHOINEACHI ROTTI JANER 2014

KRISTI JIVIT

Rati modem uzvadd
GHODDOM NOZO TOSLEM SOPONN
Maurice B. Finn, cfc Mhojea jivitant bhôgloleam koxttam-dukhink hanv koso fuddo kortam te m san g un êk lê kh bo roy mh o nn mh oj ê l agi m m ag l e m ; h a n v c h i n t’ t o l o m a n i h a c h ê v i x i m m ag n n e m kortolom mhonn hanvem sanglem. Heô don-ui vostu hanvem keleô. Onnbhovloleam koxttam-dukhincho mhaka ugddas zalo – mòddlolim haddam, kankr zala mhonn operasanvam kelim, kallzak onek pavtti atak zaun hospittolamnim ravunchem poddlem, omkem-omkem khann vô vokhod vô anink kosli vôst mhojê kuddik koxêch bhaxen puttvonam mhonn bhov gombhir mh oj i po ri sthi ti (allergy) , ttai fo id zôr, ku lkul iancho zôr (malaria), kuddichi nibray (rigor) , rogtant vikh (septicaemia) adi. Chodd-korun amkam osleam vostuncho onnbhov asta: teô “amchea masarogtachem daiz” mhonn ami manun ghetanv. Ghoddiê Bhag. Paulu bhaxen, “Obhixiktacheam koxttank kitem unnem asa”, tachem map ami amcheam kuddimnim bhôrun haddunk proyotn kortanv. Magir mhaka anink-ui ugddas zalo: eksur asam mhonn, mhaka lokx dinant mhonn, dusream thaun vegllo asam mhonn, ani goirsomoz zatat mhonn – hea sogtta pasot khub-khub dukh hanvem bhôgli. Mhojer boglanttam ghalim mhonn zaitem mhaka sôschem poddlem, hachi-i thoddi-punn ollôk diunchi mhonn hanvem tharaylem. Dokxinn Gujratant adivaxi loka khatir yeram borabôr vavrunk mhaka favo zalem mhonn mhaka chôdd-chôdd khuxalkay bhògli. Hê bhaxen tis kheddeganvamnim gunnest loka kodde mhozo som’bond zalo. Ek-eka mhoinea bhitôr heam soglleam kheddeganvank, ani dôr-disa ekak, hanv bhett ditalom. Ekdam vigaran mhaka oxem sanglem: tea ganvcho lôk, tanchê khatir mhoji nixttha (commitment) polleun, mhaka Sant mhonn manun gheunk toyar aslo. (“Ximanv, Zuanvachea puta, tum subhagi!”)
JANER 2014  DOR MHOINEACHI ROTTI  47

KRISTI JIVIT

Anink kãi mhoineam uprant mhaka kuxin vhorun tannem mhaka xiddkaylo. Ek bhov gorib cheddum aslem; bhurgim zainam zaunk tachea ghovak “vasectomy” kel’li; tea cheddvak h an ve m g o rbe st ke l am mh o n n te a kh e dde g a n vch o l ô k sotmandtalo. (“Mhojê mukhavelo voch, Soitana!”) Ho boro Padri hi fottkiri khobor koxêch bhaxen manun ghenaslo mhonn mhaka khatri asa, punn mhojea gorvak kantto toplo kiteak hanv oxem korunk pavlom mhonn konn tori sotmanunk pavlo. Dôr disa hea ganvak hanv bhett diit ravlom, punn mhoji khuxalkay ani sobhavikponn (spontaneity) sarkinch uddun gelim. Punn hanv adar ditalom tê dolldirê familichi vhôdd-vhôdd dukh polleunk hi ki mhoji sogllea-vôn vhôdd dukh. Atam, mhojea nanvachi abru hanvem samballunk zai mhonn ani ti ixim’ rakhunk zai mhonn hanv tanchê thaun pois ravlom. Punn hanv khuxal naslom. Hanvem magnnem sôddunk nam. Jezucher koxim boglanttam ghalim ani To “patkiam-patkinnim” borabôr bhonvtalo mhonn tacher arôp kelo, kiteak to lôk dhormachê riti pormannem mhello aslo ani borê ritrovixê bhair poddtalo. “The Impossible Dream” hea gayona vorvim mhaka zaito uzvadd ani dhir mell’lo. Hanvem sodam tem gayon Jezuk laytalom. …. Hanvem mhakach vicharlem: “Mari Magdalen vô pordvarant sampoddloli bail, Jezun tankam patt kel’li zalear, kitem mhonn tankam bhògchem naslem?” Jezun tancher Apli nodor ghali tea pormannem apunn konn tim tankam gomlem. Pon’nas vorsam odik hanvem 30 disanchi Ekantkay (Retreat) kel’li, ticho mhaka ugddas ailo. Thõi vixoy ho aslo: “Fokot Jezuk polle” – Tabôr Dongrar tegam xisamnim dekhlolem toxem. Zaitea vogtan ani dhir magun zaitem magnnem kelea uprant, hanv novean xant zalom ani lokachi seva korunk sodanchê bhaxen hanv zaunk laglom. Mhojê dukhi vorvim hanv moladik xikovnn gheunk pavlom. Koslê nodren hanv dusreank polletam tea pormannem dusrim favo tê bhaxen apnnankuch ollkunk pavtat. Hem hanvem hachê adim chintunk zai aslem. Zaitim vorsam zalim, kodd futtloleam vô osleam kuddicheam piddamnim vidrup (deformed) zal’leam bhikariank polleun mhaka vitt yetali mhonn hanvem Tereza Matajik sanglem. Tinnem mhollem: “Tancheam dolleamnim tuje dolle ghal.” Ti sangtali tem khorem. Tancheam dolleamnim tuje dolle ghal ani fokot Jezuk polle.
48  DOR MHOINEACHI ROTTI JANER 2014

KRISTI SOMAJIK ZOBABDARI

LHAN KUTTUMB SUKHI KUTTUMB?
José Dias
Bharotacho sorkar lhan kuttumbacho prochar korta ani veta thõisôr oxem boroyta: Lhan kuttumb sukhi kuttumb. Hem khorem gai? Polleum-ia. Az Bharotachi lôksonkhya 1250 milianv vô 125 kotti lôk. Az Gõychi lôksonkhya 15 lakh lôk. Hantuntlo 2/3 Gõykar zalear, 1/3 ongõykar, mhonngê 10 l akh Gõ ykar zalear, 5 lakh porki vô migrants. Bh arota sarke le am d e s a m n i m lô kson khy a vaddot veta, hantum dubav nam. H o ch oddav eksarko vaddonk favonam. Haka “break” mhonntat to poddunk zai. Hem sot sogllim mandun ghetolim. Vaddtê lôksonkhyek khupdam soimbinch adde vô break poddtat hê porim: az kitlim-xinch zôddim bhurgim nastanam asat. Kitlim-xim bhurgim lhanuch astanam mortat, kitlim-xim piddent kobar zatat. Khup bhurgim panch vorsachê pirayek legun pavonant. Tea xivai kãi zôddeanchê bhurgem-ball zavpachê pirayer (in the reproduction age) kãi addkholli yetat ani zolma yeunk zai aslim tim bhurgim koxinch ani kednanch zolmonant. Tea xivai bhurgem kusvean vaddta astanam, soimbuch addkhôll ghalun avoyk dusrem gorbestponn yeunk dinam. Avoy apleam thananchem dud dita tea kallar (breast feeding period) dusrem bhurgem chodd-korun zolmunk xokonam. Kãi zôddim kuddi-ekvôtt ap-khuxen vattaun lôksonkhya unni kortat. Kãi zôddim soimbache upay vaprun (Natural Planning of the Family) lôksonkhya vaddonk dinant. Hem sogllem borem asa ani hem mandun gheunk amkam bhavartachê ani soimbachê nodren koslich addkhôll nam vô addkhôll asunk favonam. Hê baptin Bharotachi lôksonkhya favo tea promannan vaddchi mhonn ami amcho sohokar dilo zalear ekdom’ borem asa. Lôksonkhya chodd vaddonk diunchi nhoi, hea sangnneacher konnuch virud ascho nam. Amcho virôd mhollear, zobordosten kãi
JANER 2014  DOR MHOINEACHI ROTTI  49

KRISTI SOMAJIK ZOBABDARI

sorkari monis (somp u n g e l ’l e a S an j a y G h an di s ar ke l e ) va n kdd e -t i n k dd e u pay g h e u n l ô ks o n kh y a u n n i k o rt at (amchea Bharotant 15 vorsam pattim 50 hozar gorbpat zatale khõi, atam ankddo vaddla astoloch (choriam guptim zatat te mêjinastanam). Osleam upayancher ki ami amcho virôd nettan porgôtt’tanv. Kãi h o spitto l am asat, kãi voi z asat ( tankam vo iz le gu n mhonnpak amkam loz dista) gorbpat korun, bhurgeanchea rogtacher xrimont vô girest zatat. Naka zal’lim nibam laytat. Him nibam lavun te aple-apnnankuch fottoytat-xe distat, kiteak apunn kortat tem vhodd noxtt mhonn te besborem zannont. Him tanchim nibam Deva mukhar cholonant ani kednanch cholchim nant. Bhurgem opangull zatolem, bhurgeachea kallzak burak asa, o x e m an i o sl em ki te m to ri sang u n te am bh u rg e an k te marun uddoytat. Opangull vô piddest bhurgeanchea jivitacher voizank konnem ani kednam odhikar dilo gai? Opangull ani kitem-i punn unnem aslolem bhurgem (defective) rochla toch Rochnnar Aplê opangull rochnnecho samball kortolo, voizank tem kam’ aplea tabeant gheunk konnem sanglam? Amchem sangnnem itlench: Bharotachi lôksonkhya eksarki vaddonk favonam, tika addo break ghalunk zai. Punn ho addo bore ani soimbache upay vaprun; vankdde ani mornnadik, khotte vô vaitt (immoral), khuni (criminal, murderous) upay vaprun nhoi. Boream upayamnim Bharotachi lôksonkhya den voupak vô vaddonam zavpak vavurpach i goroz. Hem sogllem Bharotachê lôksonkhyek lagu zata. Atam Gõychi khobor korum-ia. Gõyam vatavoronn vegllench asa. Ani amkam Gõyam veglli pod’dôt ami apnnaynanv zalear, ami Mumboichea Parxiam bhaxen hea sonvsarantlim nopoit zavpachi bhirant asa. Gõycho sorkar oxem mhonnta: “Lhan kuttumb sukhi kuttumb, ani ami don amchim don”. Punn Gõycho lôk (Kristi lôk leg un) sorkarak fattim gh alun apu nn so rkara po ros fuddem gela ani oxem mhonnta: “ami don punn amkam puro Saiba fokot ek.” Hi xikovnn hea lokak konnem dilea gai? “Lhan kuttumb sukhi kuttumb” hi êk os’sôl fôtt! Kiteak zannoi?
50  DOR MHOINEACHI ROTTI JANER 2014

KRISTI SOMAJIK ZOBABDARI

L h an k u t t u m ba n t bh a v -b h o i n n m h o n n t at t i m n a n c h . Bhavam-bhoinnincho môg ani sangat nanch. Lhan kuttumbant Jezucho lagxilo pattlav korpak apovnneank zago nanch. Lhan kuttumbant “Ghorch Povitr-Sobha” (Domestic Church ) nam, kiteak vangddi nant. Lhan kuttumbamnim bhurgim aplea vadeachim, mostim, teagi mon naslolim utpon zatat. Lhan kuttumbamnim ani ekuch bhurgem aslear, koslea-i o bs o e g a k s a mp d do n te m m e l e m z a l e a r , k u t t u mb a ch o sot’tyanas zata, adi…adi…adi… Punn oslem odruxtt vhoddleam kuttumbamnim asonam. Povitr-Sobhecho itihas kitem sangta? Sogllim bhagevontam (chodd-korun tori) vhodd-vhodd kuttumbachim bhurgim; xegunni bhurgim vhoddleam kuttumbachim bhurgim; vhoddvh o dd zan n aram, h u x ar, b u dvo n t mo n ’x am vh o ddl e am kuttumbanchi bhurgim. Hinch bhurgim mhollear “Ghorchi Povitr-Sobha”: thõi tankam me l l ta bh avpon n , mô g , se va- chakri , te ag i mo n , u sko , bhageliponn adi….adi…Hi girestkay lhan kuttumbamnim vô ek-don bhurgim asloleam kuttumbamnim mellonam. Az Gõyam zolmotat tancho ankddo mortat tanchê-vôn unno. H a n t u n t l i m k h u p z o n n a m Ev r o p ac h e a , A m e r i ke c h e a , A ustral ie ch ea… roste ar asat. Mh on ntôch G õy am u rtol o khõicho lôk? Ongõykar ki nam? Hanv ongõykarancher add nhoi, virod nhoi. Koxêch bhaxen nh oi! Tori mhaka Bap an zolmantu ch Gõykar kela m h o n n t ôc h , m h ak a p oi lo h u sk o m h o jê G õ yc h o an i mhojeam Gõykar bhavam-bhoinnincho astoloch. Toxench amcheam rogtacheam familimnim ghòddta. Oxem nhoi? Hantum kãich vaitt nam. Tea bhair, Padri koso hanv Gõykaranchê toxench Ongõykarachê sevek sodam toyar. Hi pidda kobar kortoli zalear upay êkuch amkam Gõykarank. Amcheam kuttumbamnim adlê bhaxen 5-6 nhoi zalear, 4 tori bhurgim zolma haddlear ami salvar, nam tôr ami sasnnak kobar!
JANER 2014  DOR MHOINEACHI ROTTI  51

BHURGEAM KHATIR

APSVARTI RAJESH
Maria Afonso Rajesh êk apsvarti monis aslo. To sogllem apnnachem korunk sôdtalo ani apnna lagim asa tantum to kednanch dhadoxi zainaslo. Apnnachem to dusreank kednanch vanttinaslo; urfattim, soêg mell’lear, dusreanchem to apnna vatten ôddun haddtalo. Êk dis Rajesh-hache 5000 hozar rupia sanddle. Sogllo uchambôll koso zaun to sôdunk laglo ani roddkulem tondd korun aplea ixtta Vishwasak apli khobor dili. Anink thoddea vellan Priya, Vishwasachi dhuv, kamak thaun ghora yetana tika vatter ek pakitt mell’lem. Tem ghora haddun tinnem aplea bapay lagim dilem. Ugddun polle zalear, tantum hozaracheô 5 notti asleô. Vishwasan rokddoch aplea ixtta Rajesh-ak fône korun hi bori khobor dili. Hem aikun Rajesh rokddoch Vishwasager ailo. Vishwasan tachem pakitt Rajesh-ak ditôch, tannem tem ugôddlem, tantum aslole poixe mêzle ani to axecho aslo dekun mhollem: “Mhojea pakittant 8000 asle. Tin hozar tujê dhuven chôrle.” Apli dhuv tosli nhoi mhonn Vishwasan taka zaito somzaylo, punn to kosoch aikonam zalo ani Vishwasak gheun Nitidara mukhar gelo. Nitidaran soglleank nitixallent apounk dhaddlim. Nitidaran Priya lagim vicharlem: “Tuka pakittant kitle poixe mell’lole?” Priyan sanglem hanvem te mêzunk nant, pun pakitt haddun mhojea bapay lagim dilem. Nitidaran Vishwasa lagim vicharlem: “Tuka pakittant kitle poixe mell’le?” “Pakittant duddu asat te polleun mhaka Rajeshacho ugddas ailo ani rokddoch hanvem taka apoun haddlo. Hanvem-ui te mêzunk nant.” Atam nitidaran Rajesha lagim vicharlem: “Tujea pakittant kitle poixe asle?” Rajeshan sanglem: “Mhojea pakittant 7000 asle, Priyan tantle 2 kaddun 5 apnnak dileat.” Itlea mhonnosôr nitidaran formonn marlem: “Rajesh hea pakittant Priyak 5000 mell’leat mhonntôch, hem pakitt tujem nhoi.” Uprant Priyak sanglem: “Hem pakitt tujê lagim dovor. Konn-ui aple 5000 sanddleat mhonn ailo zalear, tem taka di.” Hem aikun Rajesh soglloch luddbeun mhonnum laglo: ‘Nitidar Saib, mhojench tem pakitt. Tantum fokot 5000 asle. Mhaka anink poixeanchi as zali ani, te melltat zalear polleunk, Vishwasacher hanvem garannem ghalem.” Nitidaran sanglem: “Tem pakitt tuka mellonam; portench zalear, Priyachem nanv tunvem ibaddlem tea khatir taka 1 hozar diuncho poddtolo.” Bhurgeamnô, konn-ui chôdd axecho zatôch oxench zata. Thoddê pavtt dusreanchem axen ôddunk sôdtôch apnnachem asa tem-vui veta. Tumi Devachê Sumurticheô adnya zannontuch. Heô adnya amkam xikoytat: ‘chorum noyê, lottik govay dium noyê ani peleachê vostuchi axa korum noyê.’ Bhurgeamnô, lhan-lhan vostumnim promannik zaum-ia. Dusreanchem tem kednanch amchem mhonnchem nhoi. Fôtt kednanch marchi nhoi, ani odik-korun dusrea lagim boreô vostu polletôch tanchi axa korchi nhoi. Amchê lagim asa tem gheun dhadoxi zaun sontosan jiyeum-ia. Jezu bhaxen zaunk oxench tumi korchem. Jezuk ani Sorginchea Bapak oxem khuxalkay diyat. Tumi-i khuxal astoleat. 52  DOR MHOINEACHI ROTTI JANER 2014

Sign up to vote on this title
UsefulNot useful