You are on page 1of 4

24

26.01.2014

Editor Jt. Ed.

: K. Lalremruata 9862385971 : C. Lalmuanpuia 8014125196 : Lallawmkima : Zairimawia 8575710867 9089503902

News Ed. : JC Lalrammawia 9862598936 : Zodinsanga 8014764717 Cir. Man. : All Section Asst.Secy

Y M A ch u ta n p u i n g a i t e t a n pu i t u a ni Manager : R.Lalchhuanliana 9862418894 CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) Hall Ph. 234336

Champhai Vengsang Pastor Bial KTP ten Conference hmang mek.


The Vengsang 26th January 2014... Champhai Vengsang Pastor Bial KTP te chuan Ni 24.1.2014 (Zirtawp) zan atang khan Ramthar Kohhran Biak In-ah Bial KTP Conference Vawi 11na an hmang a Conference ah hian Thupui atan KTP thil tum 4 te tih hmangin Bial hruaitu ten inkhawm ah an sawi thin ang. Conference tan zan hian Branch Secretary Reports, Bial Secretary Reports pek a ngaihthlak a ni a. Tin, Kum 2013 chhunga KTP Member boral sunna hun hmang bawkin sunna hi Rev. Lalparchhuana Bialtu Pastor in a hmang. Nimin inrinni nileng khan Rorel leh hruaitu thar thlanna neih a ni a, nizan khan Pathian Biak Inkhawm ah thupui ngaihthlak tan a ni a. Zaipawl hrang hrang Branch Zaipawl, Bial Zaipawl leh mimal zai ngaihthlak thin a ni a, mimal zaithiam Nl. Nancy Zothanmawii, Aizawl chu rawn kalin a ni hnen atang hian Pathian fakna hla ngaihthlak bawk thin a ni. INKHAWM PROGRAMME Ni 26.1.2014 (Pathianni Chawhma) Hruaitu : Tv. V. Lalmuankima, Secretary Tantu : Tv. Zodinpuia, Comt. Member Kum 2014 hruaitu thar hlanna Hlantu : Upa C. Laldingliana, Secretary (Sr.) Thupui : Kohhran kutke ni tura thalaite buatsaih Sawitu : Pu C. Lalengmawia, Comt Member Solo : Nl. Nancy Zothanmawii Zaipaw l : Vengsang Branch : Hospital Veng Branch. Ni 26.1.2014 (Pathianni Chawhnu) Hruaitu : Pu Lalchhandama Sailo, Committee Member Thupui : Kohhran hnathawh tihpuitlin Sawitu : Pu Lalremruata Sailo, Fin. Secretary Minute chhiar chhuah Solo : Nl. Nancy Zothanmawii Female Voice : Hospital Veng Branch Zaipawl : Bial Zaipawl Ni 26.1.2014 (Pathianni Zan) Hruaitu : Tv F. Lalthanmawia, Asst. Secretary Thupui : Krista Chanchin Tha puandarh Sawitu : Tv K.V. Lalbiakthanga, Leader Solo : Nl Nancy Zothanmawii : Nl Lalnunsangi, Vengsang Branch Zaipawl : Ramthar Branch : Bial Zaipawl THILPEK LAKKHAWM Pathianni Chawhma : Bial KTP Pual Pathianni Zan : Thlengtu Branch Pual

Branch / Section / Tualchhung


Branch News:

Boral : Dt. 20th January 2014 kan Pu Lalrinawma Kum 25, Vanpa Section ami chu Champhai District Hospital ah Pneumonea natna avang in a borala, a ruang hi Pu Daithanga Taitesena Section ah lak a ni a, tlaivar pui a niin a tuk 21.1.2014 ah vui liam a ni. Chhiat tawk chhungte kan tawrhpui tak zet a ni. Section Inthlan : Dt. 28.1.2014 (Thawhleh) zan a Vengsang Branch YMA hnuaia section hrang hrangte in thlan hun a ni tih kan in hriat tir nawn leh a, memberte kan section hruaitu atana kan mi duh ngei kan thlan chhuah theih nan rilru lo seng thar leh ila a tha awm e. Member a tam thei ang ber inthlanna a kal turin kan in ngen nawn leh a ni. Thisen pe : Dt. 13.1.2014 (Thawhtan) ni khan Pu Joseph Pauva Neuva Section a mi chu thisen pek a ni a. A hnuaia mite hi tlawmngaia thisen petute an ni : 1. Pi R.T Chhungi d/o Pu C. Raltawna (L) N. Sec. 2. Tv Joseph Lalrinawma s/o Dr. R. Lianmawia N.Sec. Tlawmngai taka thisen petute chungah Branch hruaitute chuan lawmthu an sawi a ni. Zin: Tv. JC. Lalrammawia Asst. Secretary (News Editor) chu a hna thawhna thil ah training in Aizawl lamah a awm mek dam taka a lo haw ngei kan beisei.

AGENTS : Lalramchuana Chawngbawla Sec, NEUVA Sec.: Peka, Zarzova, Pep-a, Zoremi, Hmangaihi. TAITESENA Sec. : B-te-a, Awm awm-a, Hriatpuia, Rinpuii VANAPA Sec. : Rinkima, Moses-a, Melody-i, Nununi, Emily, Hmingsangi,Hriatpuii KHUANGCHERA Sec. : Zaia, Huna , Rammawii, Mamawii
Editorial

Tuna naupang nungchang hi tute siam nge ? Mihringte nuna thil lo thleng hlawhtlinna emaw hlawhchhamna emaw hi tihpalh thila lo thleng a lo awm ve ringawt a ni lo. Naupan lai atanga enkawlna kan dawn thin leh kan nunin thil tam tak a pal tlangten kan tun dinhmunah hian min hruai thleng a ni. Khuarel vanduaina erawh chu kan sawi thei lo na chungin, naupangte, kan fate nun hlawhtlinna leh hlawhchhamnaah hian nu leh pate, nula leh tlangvalte leh ni tin sikula zirtirtuten mawh kan phur a ni. Pa fel tak leh nu fel takte fanau enkawla an hlawhtling lo mak kan ti mai thin a; an fate laka an nungchante, an fate an enkawl dan te, an fate nunin a paltlangte chik taka han belchian hian a mak lo ve thei tlat. Kan fate drugs ngawl vei, mipat hmeichhiatnaa che khaw lo tak, rukhmang, tualthat leh thil tha lo chi hrang hrang tia an lo thang lian ta mai hi tihpalh a ni lo va, chutiang bawkin zirnaa hlawhtling tak, mi tha leh hmantlak tak, mi ropui tak leh kawng hrang hranga mi hmantlak taka an lo thang lian pawh hi tihpalh thil a ni lo tih hi kan pawm ngam em le ? Mi tu pawh hi tuna an awm danah hian mi eng ang nge, tu nge a lo nih chhoh tak tih hi tihpalh leh tum loh taka lo awm ta an ni lo.Nu leh pa leh an nun khawitu pawimawh lo awmte avanga tuna an nihna leh an dinhmun hi lo thleng chho an ni fo. CHHAR Dt. 9.1.2014 (Nilaithawhtan) khan DC Office kawng Hospital hnuai leh Khankawn inkar ah Steel Almera Chahbi chhar a ni a, a ti bo chuan Vengsang Chanchinbu Editor Pu Lalremruata Khiangte hnenah ngaihven tur a ni e

Property Sub-Committee :
Dt. 24.1.2014 (Zirtawp) zingkar khan Property Sub-Committee OB te thu khawm in committee member ruatna an nei a, heng a hnuaia mite hi kum 2014 chhung atana committee member turte chu an ni : 1. Pu David Rualthankhuma Vanapa Section 2. Pu R. Lalrindika Neuva Section 3. Pu Thanglianmanga Chawngbawla Section 4. Tv. Lalhlimpuia Khungangchera Section 5. Tv. Jerry Lalpanmawia Taitesena Section 6. Nl. H. Lalmuanpuii Vanapa Section 7. Nl. Zothanpuii Khuangchera Section 8. Nl. Lalrodawngi Taitesena Section 9. Nl. C. Hmingsangzuali Neuva Section 10. Nl. Vanlalchhuangi Chawngbawla Section Dt. 1.2.2014 (Inrinni) hian Committee neih pahin hnatlang neih nghal an tum a, committee member tur atana ruat chhuah te hi lo in ring lawk turin hruaituten an ngen nghal a che u. Tin, in hriattirna siam a ni dawn tho a, lo hmu lo palh kan awm anih pawh in chanchinbu hi rin nghal mai tur a ni ang. Light & Sound Sub-Committee: Vengsang Branch YMA Light & Sound Sub-Committee OB te Ni 24.1.2014 (Zirtawp) zan khan Vengsang YMA Hall Committee Room ah inhmukhawmin member tur ruat nghal a, kumin chhung hian tan lak an tum hle niin kanlo hria. Hun remchang hmasa berah committee neih an tum a, memberte lo in ring lawk tura hriattir lawk kan ni e. Heng a hnuaia mite Light & Sound Sub-Committee Member atan an ruat. 1. Pu V. Lalduhzuala, Vanapa Section 2. Pu Lalparmawia, Neuva Section 3. Pu Lalngaihzuala, Vanapa Section 4. Tv Zothlamuana, Taitesena Section 5. Tv Lalruatsanga, Khuangchera Section 6. Tv Lalhmingsanga, Neuva VENGSANG BRANCH YMA HRIATTIRNA 1. a) Ni 16.1.2014 a Branch Committee rorel angn tun atang chuan YMA Hall hman man Rs. 1500/- per day a ni. b) Nilenga hall an hman a ruai theh nan a an hman chuan Rs. 2500/- per day a ni. c) Mikhual in thlen nan a an hmanin ni khat leh zan khat atan Rs. 1500/-a ni (Hei hian YMA bungbel hmang a Choka - a eirawng an bawl pawh a huam ang) 2. Kum 2014 chhung atan In tinah Chhiatbi Fund Rs 200/- zel khawn a ni dawn a, kan VC te kaltlang in khawn tur a ni a, mipuite hriat thiamna kan in ngen a ni. 3. Febuary 2014 atang hian YMA Hall hnuai luah man hi Rs 2000/- per month a ni tawh ang. 4. Central YMA atanga kaihhruaina hmuh a nih angin pem lehkha la tur reng reng in EPIC kenglo pem lehkha kan in pe lo a nih pawhin tuman sawi buai awih a ni lo ang. -sdSecretary, Vengsang Branch YMA

CHAMPHAI VENGSANG CHANCHINBU KARTIN CHHUAK. A MAN THLAKHATAH Rs 10/-

President Secretary Treasurer Tualchhung :

: : :

Hmingthansanga ( 9862713079) C. Zohmingliana ( 9862533342) F. Lalthanmawia (9862506254)

Vice Pre : R. Lalchhuanawma (9862530551) Asst. Secy : J.C Lalrammawia (9862598936) Fin.Secy : Zodinpuia (9862409370) FAINA THU KHAWCHANG BAWK
P. Lalhmingliana, Ex. Vengsang Branch YMA OB

VC News: * Ni 100 inhlawhna, Ni 10 lo chhuak leh thuai tur a beisei a ni a. Tun tum ah hian Vengsang Branch YMA in Chhiatni Fund Rs. 200/- Job Card ne te hnenah an lo khawn dawn a. Vengchhung mipuite kan inhriattir lawk a ni. * Hospital Road thlanmual chung a Boulder phah chu zawh fel a ni ta a, mahse, Road Roller hmang a chil mam a la nih loh avangin he kang ah hian lirthei eng chi mah kaltlang phal a ni lo a, mipui te zawm hram tur a ngen leh hriattir kan ni e. * Thlanmual ram leh Field ram ah tumahin thing phurh/put/lak awih a ni lo. A ti lui man an nih chuan Rs. 500/aia tlemlo chawitir zel an ni ang. Chhura hi keini Mizote hian kan chhun awm ngawt asin. TV leh Video atangin mi ram chu fai tak an ni tih kan hmu reng si a. Intihfai ve chu kan tum der si lo. Engtikah nge khua a var ve dawn? Engtikah nge kan fai ve ang? Dingdihlipin i thlir ang u. Mi tihtheih chu i tive ang u. Balh hian tangkaina leh mawina pawh a nei lo. Hlawkna pawh a nei bawk si lo. Kan hrisel loh phah bawk si. Kan tu leh fate hi bawlhhlawh paih mai mai lo turin i zirtir reng ang u. Kan zirtir reng chuan kan nunah faina hi a lo bet tlat dawn a ni. Chutih hunah chuan Mizoram hi alo fai ve tawh anga, kanlo hrisel leh zual tawh bawk ang. A va nuam dawn em! Ka nghakhlel khawp mai.

Ram changkang apiang an fai a. Khaw changkang apiang an fai a. Veng changkang apiang an fai a. Chhungkaw changkang apiang an fai leh a. Mi changkang apiang an fai. Hei hi Deductive LOGIC atanga chhui dan a ni. Kan Ram hi kan fai em? Kan khua hi kan fai em? Kan veng hi kan fai em? Kan chhungkua hi kan fai em? Kan in leh a vel te hi kan vawng fai em? Keimah mimal hi ka fai em? Ka mutbu te, ka thawmhnaw te a fai em? Ka ha leh ka te a fai em? Hnam hnufual ho hi an ha a dum deuh tluk thin. Keini hi enge ka an ve? Fai hi Pathian kan an teuhna a ni an ti thin a. Pathian chu a thianghlim tih kan hre theuh. Pathian ang turin tan kan la ve em? Min tibawlhhlawtu ber chu kan siamchawp bawlhhlawh hi a ni. Naupang leh Puitling pawh kan bang lo. Kan tladah hlawm em mai a tin a ni. Puitlingin kan kuhva eina chinai hi a rem remah kan tat kai liai luai a. Eizawh veleh a funna sarang leh panhnah kan duhloh kha kan han paih thla zen mai a. Zarda eiho lah hian kan chhak sen ngiai nguai mai bawk si a. Kan meizial zukna bung leh Cigarates bawm te kan paih mai mai a. Winbody leh Far Star etc. bawm ruak hi atam em em mai a ni. Heng hi a man tlawm chi a ni a; a zu ho pawh hian faina kan ngaih pawimawh loh hmel bawk. Khaini leh sahdah hmuam ho lah hian a rem remah kan pen per a, kan paih mai mai ve leh bawk a. A tla duhdah chi, khawtlang leh veng faina rilru pu phaklo hi kan ni chawk. Naupang atanga nula leh tlangval tam tak pawh hian kan hmawmsawm eina kawr hi khawlaiah kan paih mai mai leh bawk thin. Mizote hi kamram duh tak, ka hlei tak, lei chauh hmuam chu ngaithei der lo hnam kan ni awm e. Heng zawng zawng infawkkhawm hian kan khawtlang, veng leh in te a tibalin a titawp ta em em mai a ni. Vantlang zunin te hi bawlhhlawh paihna leh ekna tur emaw ti tawk hi kan awm deuh reng a; kan zunin te hi zun tlak lohna khawpa tawp a tam mai. Tin, side drain-a bawlhhlawh paih hi i sim vat ang u. Aizawl Bethlehem veng khuan an veng an vawng fai a. Motor kawngpuia motor park an phal lova,garage nei vek turin an inngen a.Kawngpui dunga tui paih te, motor sil te, insuk te, inchung tui khawhthlak tir te, kawngpui dunga Rod chhut ngil te, rora leh lung vawm thlak dawp dawp te an khap vek a ni. Aw! nang Bethlehem, Aizawl khawpuia mi, Aizawl khawpui veng hrang hrang te zingah i te ber tawp love. I chhung atangin thiltha a chhuak si a; Mizoram hmun hrang hrang a mite entawn tur chu tih hi an HLA a ni ta. Bethlehem veng ang hian veng tin te hian tithei theuh ila hma kan va sawn nasa dawn em! Sorkar building leh office te pawh hi tun aia vawnfai tum ila. Sorkar thil hi ka ta a ni tih i hre thar leh ang u. Kan Indoor Studium thar te hi fai tak a enkawl tur a ni. Bawlhhlawh paihna an dah te hi hman theuh tum ila. Duh hun huna bawlhhlawh kan thlauh mai mai te hian min ti tawp tlat a ni. Tin, kan insakna bungrua leh thingtuah tur kawng kama kan dah zelzul te hian min titawp khawp mai.Vantlang zahna pawh hi kan nei em em tawh lo emawni tih tur a ni ta hial mai. Mi changkang, faina ngaina chuan a in leh a vel, kawngpui dung thlengin a phiatfai thin. Aizawl mi tamtak khuan motor kawngpui hi zingkarah an phiatfai sup sup thin. Champhaiah pawh kawngpui phiahfai nachang hria an awm. Kan Dawrdung te khu nitin dawr neituten phiatfai theuh thin sela chuan a fai tha ngawt ang chu. Phiah nachang hria an awm lain a nachang hrelo an la awm ve bawk si a. Phiahfai theuh nise chuan kan bungrua, dawr nghaktu leh dawrtu mipui pawhin kan ngeih zawk ngei ang. Kan Mongolian pui khawchhak lam unaute khi an fai em em mai a. Engatinge keini Mongolian vetho hi kan fai theih loh bik? Chhurbura thlah kalzel kan nih vang em ni le? Chhurbura pawh khan chengkek kung hniam te- ding chunga lawh theih reng kha a kunga lawn kher a tum a; a kungin a dawl si lova, Naa chu nise tihian an lo mai tur tiin chengkek rah chu a hum thlan dup mai ani awm e. (phek lehlamah chhunzawm a ni)

VENGSANG BRANCH YMA DIN TAN KUM: 13th OCTOBER 1946

YMA CHANCHINBU CHHUAH TAN KUM : 1991

Ngaihdan* Kan vengah hian Ui leh Ar hi kan khuahkhirh tawh lo ami, khawlai ah an va tla chhuak tam leh tawh ve. Tiangte chuan mahni chuktuah huanah pawh thlai kan ching ngam tawh lovang, a neitute hmuh laia han hnawh darh lah hian an la thinrim zawk leh nghal, a bik takin veng pakhatah chuan ui mi seh ching ala awm leh nghal, khawngaih takin kut palh a tawrh hma hian thlung tha hram hram teh u, in In bulah kal a hlauhawm tlat. Kan VC te hian tan han la leh hram thei ula kan va ti tak em!!!!!! - Khapduha. * Tunlai hi kan veng mipa te hi in enfiah kan ngai deuh em o ka ti? A bik takin thlanlai kan tlem thei ta lutuk hi, tan in la leh deuh ang u hming, nge hausa leh rethei, khawtlang leh kohhrana a in hmang leh in hmang lo hi kan in thliar ta zawk. Hawh u engmah thliar lo hian tan ila leh sauh sauh ang u hmiang. Kan veng VENGSANG alo nawm leh zawk theih nan. -Thlanlai-ve thin-a * Kan veng VC te hian Project Veng atang a DC Office panna kawng chhukthla, border phah vek tawh hi metal thlak theih dan kawng a awm thei a ngem le, han ngaihtuah thei se ka van ti tak em!!!! -Metal-chak-a * Hospital Road a kawngpui a tui paih thin te kha paih tawh lo hram teh u nangmahni vangin two wheeler an tluk phah ta fo mai..sim vat chi a ni... - No thup.

HRIATTIRNA LEH NGENNA


Vengsang Branch YMA Thlanmual ram leh Field ram huam chhung a mi THING reng reng hi tu mah lak phal ani lova, a ti lui leh thu zawm lo man kan awm anih chuan na taka hrem in ni a nga, pawisa chawi tir zel in ni bawk ang. Tilui man kan awm a nih chuan in chungah engpawh thleng se in sawi buai thei lo anga, YMA in mawh a phur lovang. Tin, veng mipuite pawh Thlanmual ram leh Field rama THING te hi min umhalh pui hram hram turin kan ngen a che u. Thlanmual thar kan kai tawh a, a theih hram chuan thlanmual thar-ah hian inphum kan tum dawn nia. Thlanmual hlui (Hospital Road kawng hnuai) a mi ah hian chhungte thlan lai chhia a in phum duh kan awm anih chuan a in phum theih tho a ni. Khua alo thal chho leh tan ta a, mitinte kangmei chhuak thei kawng hrang hrang lakah i fimkhur tlang ang u. Ho te te ah ram zau tak a kang chhe vek thei ani tih hria in kawng engkimah i fimkhur tlang ang u.

Englo huang....
* Kei chu BIKE ah hian Karizma var ngat mai hi nalh ka ti ber mai..... -Rini K. Sec
* U M amu-i te man in hlan zan a Tata A ce hnunga chuan a han ride kual vel chu nuam dang dai hle mai......... -A ngto-i T. Sec * M apui motor nena lo len luh tum chu a hautak deuh a ni ti ro. -Pu Ruata N.Sec * L allawm vawi khat mah min kap ve tawh suh, ka tawngkam vawi khat pawh hian i mualpho thei tih hre reng ang che o........ -Jimy L uahtea K .Sec * K an In atang in hla viau mahse vawmbal tuikhur a tui lo hi chu ka chawi dawn l o hr i m hr im a pi ah ah ..........a awm tlat si a........ -Hruaitea N.Sec * Selam lam a mi ka van ngai tak em............... -Telawma V.Sec * K a thiante an bo ta zeuh zeuh a kumin chu tih huk kan tum ve teh ang, vengte u in ha lo tat hriam sauh sauh ru o........ -L alremi V.Sec * Kan pafa hian tu nge min cho.
-Laltea K.Sec & Zoramthara N.Sec

SUNNA
Kan member pui, Pu Lalrinawma, kum 25 Vanapa Section, hun lo tak maia min boral san hi keini Vengsang Branch YMA chuan kan ui tak zet che a, i kal san tak i nupui fanau, i chhungte zawng zawng hi LALPAN awmpuiin veng zel se tih hi kan tawngtaina a ni. Lui ral ram mawiah kim takin kan la in hmu khawm leh dawn nia.

VENGSANG BANCH YMA


Vengsang Branch YMA Executive Vawi 1-na in Dt. 28.1.2014 (Thawhleh) zan a Section hruaitu thlanna neih tur tih alo rel tawh chu kan in hriat thar tir leh a, heng a hnuaia tarlan ah te hian in thlanna neih tur a ang. Programme nuam tak leh hlimawm tak section tin in hman vek an tum niin thu kan dawng. Tin, hruaitu thlan thar ten section committee member kan ruat tharte a rang lam a Chanchinbu Editorial Boardte hnenah thehlut turin kan in ngen nghal a ni.

* Mamit ah thiante nupui neihna ah ka kal khan ka LUCK phah pawh ka hre hran love. -Micheal-a V.Sec Taitesena Section - Pu B. Chhuahkhama In Englo huangah hian Inthlanpuitute - Pu C. Lalengkima, Tv. Zodinpuia * ka van lang khat ta ve...... Vanapa Section - YMA Hall -Ku Maroa K.Sec Inthlanpuitute - PuR.Lalchhuanawma,PuC.Lalmuanpuia * Fa neih thuai thuai a Chawngbawla Section - Pi Maengi In zingkar a exer han lakpui vel Inthlanpuitute - Tv.JC.Lalrammawia,Tv.F. Lalthanmawia hi tunlai chu ka chak ber a ni Khuangchera Section - Pu Lalrinsanga In Inthlanpuitute - Pu Hmingthangsanga, Pu Lalrinsanga in ka ngaihtuahna lian tak a Neuva Section - PiLaithangpuiiIn(Tv. R. Lalchhuanliana) ni. -Dr. Zodina N. Sec. Inthlanpuitute -PuC.Zohmingliana,PuC.V anlalchhuanga