You are on page 1of 2

DNEVNIK ČITANJA – KSENIJA BELADA Djevojčica sa Šestog Mjeseca (knjiga 1

)

NASLOV DJELA: IME AUTORA: IZDAVAČ:

Djevojčica sa Šestog Mjeseca (La Bambina della Sesta Luna) Muni Vičer EVRO – đunti

MJESTO IZDANJA: Dimitrija Tucovića 41, Beograd GODINA IZDANJA: 2009. ZANIMLJIVOSTI O PISCU: Niko na svijetu ne zna gdje živi Muni Vičer. Zna se samo da svoju veliku kuću dijeli sa dvanaest mačaka i dvije male guske, da svaka mačka ima svoj mjesec u godini kada je pažena i mažena i kao kakav kralj. Muni često kaže da svako od nas može biti alhemičar, dovoljno je imati maštu, strpljenje i jednu malu sovu koja se namjesti na rame u jesenjim zalascima sunca. Ali nikako ne objašnjava kako se može sprijateljiti sa malom sanjivom životinjom! Mnogo je putovala i svaki put se vrati kući s nekim poklonom za svoje mace i sa teglom zemlje s mjesta koje je posjetila. Da li joj služe za neki čarobni napitak? Muni Vičer je pseudonim italijanske novinarke. LIKOVI: Glavni lik: Nina de Nobil – Nina je pametna djevojčica duge smeđe kose i plavih očiju. Neobično se oblači, a najviše voli njene tregeruše sa mnogo velikih džepova. Hrabra je i odvažna, a takođe bi sve učinila za prijatelje. Na ruci ima biljeg u obliku zvijezde koji pocrni kada je u opasnosti. Sporedni likovi: Česko – Ninin prijatelj Česko je pametan i snalažljiv. Njegovi roditelji rade u prodavnici maski i kostima. Česko je visok i nosi naočare koje često stradaju u avanturi. Fjore – Ninina prijateljica Fjore je pametna i dosjetljiva djevojčica, kratke crne kose. Poznaje latinski jezik.

Dodo – Dodo je stidljiv i povučen dječak riđe kose. Njegovi roditelji rade zajedno sa Českovim. Roksi – Plavušica Roksi, takođe Ninina drugerica, hrabra je i ponosna. Njen otac ima jahtu koja je družini često potrebna. SADRŽAJ DJELA: Naizgled sasvim obična djevojčica Nina živi u Madridu sa tetkama Andorom i Karmen. Iz Venecije iznenada stiže vijest o misterioznoj smrti Nininog dede Miše, te Nina odlazi da to ispita. Ispostavlja se da je profesora Mišu ubio zli čarobnjak Karkon, koji prijeti da napadne i Šesti Mjesec, fantastično mjesto stvoreno od dječijih misli. Da bi spasili Šesti Mjesec, Nina i njeni prijatelji moraju osloboditi tajnu Vazduha koju je Karkon zarobio, a takođe se i vratiti u prošlost, na Uskršnja ostrva. PORUKE: Ko drugome jamu kopa, sam u nju pada. Dobro se dobrim vraća. ZANIMLJIVI CITATI: ( Iz ,,Deda Mišina bilježnica“) ,,Životinje i biljke sa Šestog Mjeseca Zbaki 1

Životinja u obliku smotuljka, bijela je i ima žute uši i usta. Kreće se na dvije noge u obliku spirale zahvaljujući kojima pravi ogromne skokove. Kad je srećna ispušta gigantske balone od sapunice. Njeno prisustvo daje sigurnost i hrabrost.“ (dopadaju mi se opisi i osobine svih životinja i biljaka, ali ovaj bih najviše izdvojila) RIJEČI I IZRAZI KOJE BI TREBALO PAMTITI: -alhemija – naziv za najstariju hemiju, naročito kod Arabljana; docnije, u Evropi srednjeg vijeka: nenaučno bavljenje hemijmom; MOJI UTISCI O DJELU: Prva knjiga iz edicije ,,Djevojčica sa Šestog mjeseca“ mi se dopada zbog upornosti likova i mnogih alhemijskih formula i sastojaka koje su trebali da nauče i nabave.