You are on page 1of 1

第廿五回:佳偶天成

就響閣下好似有驚人發現咁款之際,鏡頭一 pan,只見雷公所擁之女子卻是雷婆!

「衰佬,米搞啦!尋晚陪你搞足兩個時辰都未夠皮咩!好起身啦,今日我地要趕
去 Carol 同蝕水個婚禮,遲到就唔好啦。」雷公正係對雷婆上下其手之際,一時 間
俾自己條女大義凜然咁教訓一頓,就只有死死地氣咁縮返對手,頭耷耷咁行入
洗手間梳洗啦。

※※※※※※※※※※※※※※※※

天公造美!呢日響婚姻註冊署門外一時間變得星光熠熠……哈哈,唔好意思,
我唔係講緊果班馬上英雄,而係班無冕皇帝因為幫對新人影相而閃出強光 o 既
閃光燈喎。話說雷公睡眼惺忪,竟然錯過一對新人註冊果個寶貴時刻,無可奈何
之下,就只有響佢地註完冊之後走上前去千恭萬喜。

「C 師姐,恭喜你同蝕水有情人終成眷屬呀!」雷公

四萬咁口去恭賀一對新人,而人逢喜事 o 既 Carol 亦笑靨如花咁向雷公道謝,但


佢身旁 o 既蝕水睇落似乎有 o 的唔對路喎……

「喂,雷公,快手單聲俾我知,究竟你有乜野符 fit 可以一擊即中甚至一索得男


先?」話說 Carol 追求者眾,雖然蝕水家陣叫做贏得美人歸,但如果可以令老婆
仔快手生返一兩打,咁就真係定過抬油還得神落。卻道雷公自愧快人一步理想達
到,實有負「港馬圈最後一個乖仔」之美譽,於是就一本正經咁對蝕水講: