You are on page 1of 28

Vol. 5. Issue 4.

April 2014

(A monthly newsletter of the Zomi Baptist Church)

Na hoih sep cimtak kei ni


(Gal. 6:9)

Editor : Rev. Gin Lam Thang

(A monthly Newsletter of the Zomi Baptist Church)


RNI. No. MIZ.MUL/2009/29499. Postal Regd. No. MZR 82/2013 -2015

LAITAI

Vol. 5. Issue 4. Zon-olna Guest Editorial ................. 01 Lungsim khaatna pan ........ 02
- Rev. Dr. J. M Paupu

April 2014
Editor : Rev. Gin Lam Thang M.A., B.D. !" +919856274657 Editorial Board : Upa J. Thawmte Upa Z. L Thang Pa K Lang Kap Pa B. Cin Ngaih Lian Upa N. K Dal Business Manager: Sia N. Cin Thang ! 09615948861 Type setting : T. Sawm Lian Circulation : Pa Thang Khen Muang Address : Laitai, ZBC Office, Champhai - 796 321 Mizoram, INDIA
Email : zbcindia@gmail.com Website : zomibaptist.com

Halleluijah hingkik zo........ 07 A kilawm huna kampauna... 10


- G. S Pau

Lai tawh nasepna ............... 13


- Kham Do Pau

Lametna kician neite ......... 16


- Dal Sian Hung

Zokhawthar Gospel Team.. 18


- Upa Z. K Dong

Itna hanga meima pawn...... 21 Thu tuamtuam .................... 22 Pulakna (Declaration)........ 24 Dahpihna ......................... cover
Laitai kum khat tatman : India & Kawlgam ..... ` 50/Gamdangte .......... U.S. $ 10/-

Edited ! published by Rev. Gin Lam Thang, on behalf of Zomi Baptist Church at Champhai, Mizoram; and printed at C. K Press, Champhai, Mizoram - 796 321, India Copies - 1,000
1st Issue of Laitai : Sept. 5, 1990

Guest Editorial ....... !


Dawibia khat in Pasian leh Satan kibatlohna a gen in lungsim-ngaihsutna sausak mahmah hi. Aman, Satan in na ut bangbang in om in hong ci a, Pasian in ka utdandan in om in hong ci ahih manin, suahtakna hong pia Satan a bia ka hi ci hi. Ut bangbang a suahtakna hong zangsak ziahziah thei pen belhzawk, itzawk, ei adingin a hoihzaw leh a lunggulhhuaizaw tawh kibang hi. Tua pen Satan in theician lua ahih manin, tua thu tawh mihingte zawh sawmin zol cihtakin hong zolzol hi. Leitungah ei bek kingaihsunin, i ut bangbangin omin, i duh bangbang ne-in, i nopsak bangbangin nungta-in, i mihing hoihsakna bang bekbekin kalsuan lehang a nuam takpi mah diam? I innkuanpih, i veng le paam, i khua, i mipihte leh i gam adingin manpha ding maw nawngkai ding? Tua bangin nungta ciat lehang leitung pen teenna taak hi lo kha ding hi. Ut bangbanga omna-ah bang thaman om hiam? Om ahih leh tua thaman pen ei adingin hoih maw hoih lo? cih pen ngaihsuthuai hi. Tuhun ciangin, ka nuntakna keima aa; ka ut banga ka zat ding hi, kuama hong sai theih hi kei, nuam ka sak bangbangin nungta ning ciin khangnote lakah suahtakna zatdan siamlohna hong khang mahmah a, hihin - innkuan, khua leh gam sungah nakpi takin haksatna piangsak hi. Abraham, Moses, Matthai, Johan, Peter, Dr. Luka, Sawltak Paul, Martin Luther, John Smith etc pen amau mihing ut bangbangin nungta hi leh na lian leh thupi sem lo kha ding uh a, a min uh zong tuhun ciangin kigengen nawn lo kha ding hi. Jesu mahmah in zong singlamteh tunga sihna pen Pa Pasian deihna ahih manin nial (sawm) lo hi (Mat. 26:39). Laphuakpa in, Ka kha bek hong gum hi lo, ka pumpi zong hon gum.. a cih pen maan mahmah hi. Ut bangbang a om a - zu leh zatui lungveite, natna hoih lo a ngahte enhuai i sa hiam? Tuate in leitungah zong pumpi gentheihna lian thuak uh a, a kha un zong tawntung gawtna thuak lai ding hi. Pasian deihna banga nungtate pen tua tawh kilehngat lian hi. Ei ut bangbang (pumpi deihna) tawh nuntak pen sihna hi a, Pasian thu (Kha Siangtho lamlahna) tawh nuntak pen nuntak tawntungna hi (Rom 6:23, Gal. 6:7) ciin a zuau ngei lo Lai Siangtho in hong hilh hi. Koi teelzaw ding na hiam? T. Sawm Lian

Laitai

April 2014

LUNGSIM KHAATNA PANIN SUAHTAKNA


(Ephesa 4:31, Heb 12:15)
- Rev. Dr. J. M Ngul Khan Pau

Lungsim khaatna i cih ciangin mite in hong simmawh, hong gensia, ahih kei leh mawhna om lopiin hong taina hangin na sakna dam thei loin lungsim ah gu bangin hong zen cihna hi. Mi khat gen dan in a gen ding hileng gutui dawn in midang si ding i sak leh ei a dawnpen si ding na kihizaw hi. Tua hangin pumpi cina hi lo, ahih hangin thazawm mahmah mi tampi pen lungsim kha natna in zung thukpi ama nuntakna kha ahih manin gimpih uh hi. Lungsim khaatna in bang teng ah buaina hong tun thei hiam cih tawm en dih ni. Kei muhna tamlo kong gen ding a, hih teng bek cihna hilo hi. Lungsim khaatna in cidamna lam buaisak hi: Lungsim khaatna i pumpi sungah gu bangin kizel hi. Muhdahna, maisaklohna, cimtakhuaisakna leh khaatna in gilpi meima, si-khang natna leh a dangdang hong tun hi. Doctor tampite upmawhna ah 90% natna pen hehna, launa, muhdahna leh lungsim ah khaatna panin hong piang hi dingin ciamteh uh hi. Mi na muhdah leh tua na muhdahna in nang sila in hong bawl hi. Ihmu theilo, gim leh tawl kisa tawntung mi pawlkhatte amau lungsim ah buaina nei 2 mite ahi uh hi. Nuihmai leh lungkim bangin a om uh hangin a lungsim uh gim tawntung hi. Ann kam lim loin lawm leh gual tawh kikholh zong lunggulh lo uh hi. Siavuanten hih bang mite a mit uh leh a maisuah uh ah kimu thei hi ci-in na gen uh hi. Hih bangin a buai mi khat in, Mi khat ka muhdah a kipanin ama sila ka suak hi. Ka ngaihsutna hong ukcip ahih manin ka nasep zong nuam ka sa thei kei hi. Ka muhnoplohna in ka pumpi tungah gu bangin hong zen ahih manin na khat peuhpeuh sem leng ka gim pahpah hi. Nidang a nuam ka sak nasepte tu n ka ning/ cimtaak khin zo hi. Khualzin khiat cih nangawn thalawpna om nawn lo hi, ci hi. Laitai April 2014

Lungsim khaatna in i ngaihsutna nawngkaisak hi: Lungsim sungah khaatna, gimna hong om ciangin a sawt deuhdeuh leh zungkha deuhdeuh hi. Tua hangin lungkiatna, lungkiatna panin nuntakna mannei loin ngaihsutna tung thei hi. Hih bangin buaina hong neih uh ciangin a innkuanpihte, lawm leh gualte zong muhnoplohna hong nei uh hi. Khatpeuh in kammal a zatte uh a sialam bekin ngaihsun uh a, amau kicihna in bulhpahpah uh hi. Gualzo, lawhcing nuntakna hong neih nadingun hih bang lungsim nusia in paikhia ning a cih uh kisam hi. Lungsim khaatna in na mizia zong hong nawkkha ding hi: Na muhdah, ahih kei leh na hazat mi khat aman hong thei in hong thei kei leh na ngaihsunsun hi. Tua bek hi loin na muh ciangin na nungzangah a vot sim khat in hong zensuk ding a, na maitaina zong hong bei ding hi. Na ngaihsutna bangin na gamtatna hong pai ding ahih manin na muh ciangin nopmawh na sak hangin ama gamtatna bangin damdamin na gamta ding hi. Tua hangin Laitai

lungsim khaatna in mizia khek thei cih pen mi tampite tungah tung takpi hi. Lungsim khaatna in Pasian tawh kizopna buaisak hi: Topa thungetna i gen ciangin, Ko tunga hong mawhte ka maisak uh mah bangin, kote mawhna zong hong maisak in, i ci uh hi. Ahih hangin mite mawhna maisak lopi i hih leh eite mawhna zong kimaisak lo ding hi. Pasian in hong maisakna pen eite n zong mite mawhna i maisakna ah kinga hi (Matt 6:14-15). Mawhna lungsim tawh thungetna i neih leh tua thungetna hong kidawnglo ding hi (Late 66:18). I mawhna in Pasian tawh hong kikhensak hi (Isaiah 59:2).
LUNGSIM KHAATNA PANIN NA SUAHTAK THEIH NADING

Hih haksatna na neih pulak in: Kipulakna in guallelhna hi loin suahtakna, vanzanna ahi hi. Mi tampiten amau haksatna a neih uh hangin pulak ding maizumin ngaihsun uh hi. Mi khempeuh kiangah pulak ding cihna hilo hi. Na muan mahmah, midangte kianga hong genlo ding mi kiangah na haksatna 3

April 2014

pulak in. Khatvei pastor khat in, Sia aw, kei hong simmawh den ka pawlpi sung uh ah om, ken zong a tawptawpna ah it bawl nawn loin amah ka muh ciangin ka nungzang hong hik in muhdahna in hong zen hi. Bang cih ding ka hiam? ci-in hong dong hi. Amah tawh ka kiho sungin a maisuah hong taangzaw in ka thei a, tua ciangin aman, Nong genpihte thupi lua, ka puakgik khempeuh a tukmang tawh kibang hi, ci hi. A taktakin ken ama gen na ngaingai in, lungsim thungetna na neinei hi ing. Ama puakgikte hong gen ciangin ama adingin suahtakna khat hi a, pulakna in lungsim vangikte beisak hi. Lungsim khaatna hong pia theite tawpsan in: Mi pawlkhat lungsim khaatna panin suakta nuam ci napi-un amau sep ngei teng mah sem veve uh hi. Tua bang lunggimna vangik hong piate na tawpsan kei leh na van hong zang tuanlo ding hi. A gentehna in zu hangin lunggimna leh innsung buaina na neih uh leh tua na tawpsan madong na buai toto ding hi. Paunak khat in, Tui na siansak nop leh a tuinak ah pai in, a 4

cih bangin lungsim damlohna hong kipatna mah panin na khaktan keileh phatuamlo ding hi. Hih hong pia theite i gen theihloh hangin tua bang haksatna nei mite n hong kipatna thei mahmah uh hi. Tua na theihte mah tawpsanin nusia leteh nang adingin damna hong hi ding hi. A piangsa thute hangin paulap zong ken: Lungsim natna pen a piangsa thute hang hi gige hi. Tem tawh ki-at kha leng dam kikpah thei a, thu tawh ki-at kha leng damhak mahmah hi. Bang hangin damhak hiam cih leh damna ka deih a cih hangun paulap ding zong toto in tua teng mah tawh dam thei lo uh hi. Pawlkhat in a dam ding zong lunggulh thei nawn loin a paulap tawh nungta uh hi. Amah in, Ka nuntakna a taktak in kei mawhna hi loin, tua nu tua pa hang hi, a cih uh hangin a thuak pen amau bek mah hi gige hi. Paulap tawh nungtak pen lawhcinna sangin lawhsapna hizaw hi. Paulap panin a dam nading ngaihsuna a hanciamte damna lampi a tawn hiin nuamsain nungta thei pah ding uh hi. Tua hilo, amau kidiksakin midangte Laitai April 2014

mawhsakna tawh paulap na paihkhiat kei leh na suakta tuan kei ding hi. Nusiat ding, zongte dam theilo uh hi. Maisak inla, tua paihkhiat dingte kemkem kei maisakna ah om in: Thu tawh inla - pai pahpah in. Na a liam mite in tua thute lungsim khaatna a dam taktak ngaihsunsun leh a liamma leh ding na lunggulh leh paihkhiat a natna kibehlap zaw hi. Ahi ding om cihna hi. Gunkuang zongin tua thute hong tungah mi a tuan ciangin a pusuakna pa/nu maisak leng puak zawh ding val a tuan ei a suakta kihipah hi. Maisak ciangun tum hi. Nang zong na puakzawh ding val na puak inla, tua maisakna ah dingkip ciangin lungkhiatna buannawi in. Bang hang hiam cih leh na sungah na tum ding hi. maisakpa leh nu nangawnin Zattheihloh in na om kha ding thei khalo thei hi. Bang hi. Leitung nuntakna ah hong phatuam ding hiam? na ci kha nasak ding thu, hong kapsak thei hi; nangman na lungsim ding thu tampi na nei kha ding hong zen hong vut na neih pan hi. Tua thute hangin na tawldamna na ngah a, tua thazawm leh nang bek in thuak manpha pen hi. Maisak dingin in na sihlawh thei hi. Paikhia lian lua na ci kha thei hi. Lian mengmeng lecin nang a dam lua ahih leh na puak dingin baih na hi ding hi. zong lian lua cihna hi. Maisak Lungsim ngaihsutna dingin pammaih lua, i thak nei in: I lungsimah maisakpa leh nu in thusinna in ngaihsutna lui bek i koih leh nei leh na ci kha thei hi. Ahi tuate mah kilumlet denin zongin amau thusinna in nei kingaihsunsun kha thei hi. tuan lo kha thei hi. Maisak toto Ngaihsutna thak guang leng leng ei a dam toto i hi ding hi. tuate hangin a lui nate hong Khaatna a piangsak nate thanem ding a, a thak paikhia in: Mipawl khat dam ngaihsutna in i nuntakna tha ding lunggulh mahmah napin hong pia ding hi. Thu ummite lungsim natna a piangsak nate adingin Pasian thu tampi tawh panin kihem khia tuan lo uh hi. nungta leng, Topa thu nungta Tua bang dahna, khuisatna, in vanglian ahih manin gimna hong pia, zan ihmut lungnopna, damna hong pia theihlohna hong ngahsak nate hi. Sawltak Paul in Rom khua Laitai April 2014 5

thu-ummite kiangah, Na ngaihsutna kilamdangsak in, (Rom 12:2) a cih bangin eite zong a lui nate i lunggulhna, siatna leh natnate mangngilhin mailam zuanin i nuntak ding kisam hi. Paul in zong Philippi khuate kiangah, Nunglam a thute mangngilh in mailam hattakin ka nawt hi, ci hi (Fil 3:13). Mi tampi piangthak khin napi a ngaihsutna uh limci lo i cihte a ngaihsutna uh thu hoih tawh a dimsak lote hi. Ngaihsutna thak tawh na dimsak kei leh a lui thute mah tawh na kidiah dinga, na lungkim kei ding hi. Na khempeuhah Pasian vangliatna phawk in: Thuneihna leh thukhenna a kem Topa Pasian in a dik a manin thukhen ding ahih manin nang lunghihmawhpih ken. Amah na ap nungsangin na huh ding kisam lo ding hi. Topa in hih bang na tuah thute gimna in zang loin thusinna leh thupha in hong heisak thei hi. Ama vangliatna sungah ap leteh na vai hong nuam ding a, na lungsim hong zang ding hi. Bang hang hiam cih leh, Ka hakkawl puak nuam a, ka van zong a zang hi, (Matt 11:2829) ci hi. Joseph a sanggam 6

ten a zuak lai-un siatna leh muhdahna tua zah a lian om nawnlo dingin ngaihsun kha ding hi. Ahi zongin Egypt gam ukpa hong suah ciangin a sanggamte hehnem a, Topa in hong sawl ka hi, note lungkham kei un, ci hi. Ama tunga tung thute Pasian theih loh omlo hi cih Joseph in muang hi. Tua mah bangin la phuaknu Fanny Crossby in, Kei tungah bangbang hong tung zong Jesun a pha bawl ka thei, na ci hi. Thukhupna : Pasal khat a neu lai-in mi khat in a simmawh manin nasa lua a nisim in tuapa samsia tawntung hi. A sih ding kuanin kuamah zong mu nuam loin lungsim natna tawh kidimin om ahih manin hih bangin gen hi. Tun ka lungsim khaatna in ka nuntakna netum khinta cih ka thei hi. Ka muhdahna in kuamah nasak loin kei bek hong nasak hi. Ka nuntak sung hell khuk om mah ka bang hi. Na dam nadingin nangmah in na ngaihsut tawm keileh kuamah in hong pia lo kha ding hi. Na damna pen nang adingin a manpha penpen ahi hi. Topa in khaatna panin khumna nuntakna a nei dingin thupha hong pia hen. // Laitai April 2014

H AL L E L U I J AH H I N G K I K Z O
Hi laiah amah om nawn lo, a gensa bangin thokik khin ta hi (Matt.28:6) Kum sim Jesu thawhkik ni muakin pawi i bawl uh a, Khristiante thu-up kingakna bulpi khat ahih manin manpha in thupi hi. Hih ni pen thupi taka muak ding a kilawm mawh lo khat hi. Mihing Tapa, David suan, Nazareth Jesu in sihna zoa a thawhkik manphatna a thakin ngai kik ni. EASTER bang cihna?: lamto hi. Khris Jesu tawh i Jesu Khr is sihna pan kipawlna hangin vantungah gualzoin a thawhkikna pen amah taw h i ukkhaw m mihingte ngaihsut zah sangin theihna dingin sihna panin thuk in thupi zaw hi. Hih Pasian in a hong thokhawm thawhkikna pen Pasian in sak hi (Efe.2:6). ama tawntung pilna zanga Jesu thawhkikna hangin Sat an leh a nasept e eite Pasian ta, Pasian gamh khempeuh a zawhna ni, a luah, Khris neihsate a Tapa Jesu kipiakna hanga neihkhoppih, Khris tawh vanah Pasian leh mihingte kizopkikna tukhawm, amah tawh thu khen ni ahi hi. Mawhna kol sunga thei dinga deihsakna thupha a om a mangthang lel ding ngahte i hi ta hi. Pasian in a mihingte, mawhna vangletna bawl nate khempeuh lakah, khutsung pan hong suakta sak Khris hangin a thupipen leh a, hong khihcip mawhna deihhuaipen mun i ngah uh a, thahatna a tawntung adingin van Angelte ngah sanga thupi hong suksiatsak khin ta hi. zaw pan mun leh hihna i ngah Diabolos leh a nasepte a susia hi. Amah tawh kisun dingin dinga hong pai Khris in hong bawl a, a tapa nuntakna khawmial vangletna lak pan tawh a leite i hi hi. Kisaktheih hong honkhia a, ama gam nading hi kei, hong tankhia nuam sungah a tawntung Emm anuel k hephungah adingin, Mi siangtho leh kiniamkhiatna tawh kuna biak Pasian ta hi dingin hong ding hi zaw. Laitai April 2014 7

Hih thawhkikna a lamdan thahatna (power) nei ta cihna zia, a thuk zia leh thu manpha hi zaw. ...sihna pan a thokik ahih zia mihingte leh mi bangin, Pasian kiangah vantungmite pau tawh zong na pumpi uh na pia un... kigen khin zo ngei lo ding hi. Pasian kiangah na pumpi Tawntung Pasian lungsim laigil nate zong napia un... pana hong kipan, Lamdang, thukham nuaiah om loin, Thulakpa, Vanglian Pasian, hehpihna nuaiah na om uh Tawntung Pa, kilemna ahih ciangin, mawhna in Kumpipa nasep ahih manin note hong uk lo ding hi thupi lua hi. Sihna pan Khris a (Rom 6:13,14 1967 edition). phongkik Kha Siangtho A nungta lametna hong vangletna eite sungah hong bawlsak: Jesu pen amah a koih a, Kha Siangtho in hong umte adingin thawhkikna gah ompih den hi cih thu i ngaihsut masa pen hi a, a nungzuite bang ciang lamdang lua ahih zong amah bangin sihna zoin manin gen dan ding kithei zo thokik ding cih hong lak hi. Tu lo hi. Kumpi David in hih in Khazih in ihmute lakah a bangin na gen a, Ka gah masa bel suak a, sihna nuntakna aw, Topa phat in; pan a thokik zo hi (I Kor. keima sunga om khem- 15:20 - 1967 edition). peuhte aw Topa phat un Thawhkikna in anungta (Late 103:1, 1967 edition) cih lametna nei dingin hong bawl loh theih hi lo. hi. I Topa Jesu Khris Pa Mawhna vangletna in Pasian tungah lungdam ni. thu nei nawn lo: Khris tawh Ama hong hehpihna a thokik nuntakna neite tungah hangin, sihna panin Jesu mawhna vangletna in thu nei Khris a thaw hkik sakna thei nawn lo hi. Mawhna tawh eite tungah nuntakna vangletna khempeuh Jesu thak a hong pia hi. Tua ahih thawhkikna in beisak khin hi. manin i lametna kiam ngeilo Pasian a muang mite Satan in a, Pasian in ama mite salin nei thei nawn lo a, a ut adingin a koih thuphate i bangin bawlse thei nawnlo hi. ngahna dingin lamen in i Mawh kik thei nawnlo cihna hi om hi. Tua thuphate se loin, na hoih a sem ding leh a ngei lo, bei ngei loin a om hoihlote a nial zo dingin taw ntungna vantungah 8 Laitai April 2014

note adingin a hong koihsak hi (I Pet 1:3,4). Khris thawhkikna nanga hi: Tamveipi hih thawhkik pawi na zat khit hang, nang ading hi cih na theih nai kei leh, hih thawhkikna nanga hi cih kong hilh hi. Eite mawhna hangin a si dingin Jesu kipia a, Pasian tawh eite i kipawl theihna dingin kihingkik sak hi. Mawhna hanga a mangthang ding kimlai Jesu thawhkikna hangin eite zong siam tangin i thokik hi. Pasian thu in Jesu sihna leh a thawhkikna pen eite ading hi cih hih bangin hong hilh hi

...ama sihna ah sikhawmin pawlkhat i suah leh amah a thawhkikna ah zong pawl khat suakin i tho khawm ding hi(Rom 6:5). Hih a nuaia Lai Siangtho thu tawh thukhupna bawl dih ni, Hih thawhkikna masa sungah a kihel mite pen Pasian mi siangtho hi a, a hampha mahmah ahi uh hi. Nihvei sihna in tua bang mite bangmah cih zo nawn lo ding a, amaute pen Pasian leh Khris siampite hi ding uh a, amah tawh kum tulkhat sung ukna aana nei ding uh hi (Maang. 20:6).

NA VAWH BANGIN NA AT DING


Nidanglaiin Mikang gamah mi hau khat om a, ama nuaia sem dingin contractor khat zangin hun sawtpi kithuah uh hi. Khatvei tua mi haupa in mun nopci tak khatah inn lam dingin contractor sawl a, inn suangphum leh a dangte khempeuh a kip thei bang pena bawl dingin hilh hi. Contractor in a kimu thei lo lei nuai lamte gina takin bawl lo a, a kilang thei ciangte ahih
Laitai

leh gina takin bawlin zut hi. Contractor in a nasep a zawh ciang thaman la dingin mi haupa kiangah pai a, sum beizah hilh hi. Mi haupa in contractor kiangah, Hun sawtpi i kithuah khin ta a, na nasepte ka et ciang hoihsa ka hih manin, lungdamkohna dingin hih inn kong pia hi ci hi. Tua thu a zak tak ciang contractor zong a lungdam petmah a, ahih hang a lungsim dahin mai mial hi.!
9

April 2014

A KILAWM HUNA KAM PAUNA


- G. S Pau, Tedim

A kilawm huna kammal khat paukhiatna in ngunpeek tung a kham tang khat a kisuang tawh kibang hi
(Pau. 25:11)

Mipil taktakte in thu a gen uh ciangin a hun leh a mun enkawmsain pilvang takin gen se uh hi. Saupi zong gen detdat se lo uh a, tomkim takin gen uh hi. Tua hang mahin paukhial cih bang nei ngei lo pah uh a, a thugen un zong mite lungsim sukha deuhin, muibun deuhse hi. US gamah tualgal (civil war) a om laiin gal hangin mite dipkua, patau-in a om hun laitakin Fanny J. Crosby (18201915) in Safe in the arm of Jesus (Jesu ang muanhuai sungah) cih la ngaih mahmah khat hong phuak a, gal kidona sungah tua la hong sak kawikawi ciangin mite in Jesu sungah lungmuanna thak hong ngah uh hi.

Amah zong pulpit tung kahto a, Never give up (Lungkia ngei kei in) cih kammal thumvei gen ziau hi. Hih kammal pen tom mahmah napi, minthang hi. Galpi nihna laiin Germany Nazite in Norway gam la khin uh cih thu England makaite in a zak uh ciangin patau mahmah uh hi. Tua hun laitakin Winston Churchill in, Mualah i kituah leh mualah do-in, guamah i kituah leh zong guamah i do ding a, amaute i zo thal gawp ding hi ciin a mite hanthawn a, lai tawh hawmkhia hi. Tua kammal in a patau makaite leh galkapte hangsansak tuam a, German Nazite zawhna-in hong neihlawh uh hi.

Galpi nihna laiin PhilipWinston Churchill (18741956) a neu laiin lai pil lo lua pines tuikulhah US galkapahih manin sang panin mangpa Gen. Douglas Mac kihawlkhia hi. Amah England Arthur (1880-1964) a om Prime Minister a suah ciangin sungin Japante in tua tuikulh tua sangte Diamond Jubilee sim uh hi. Amah US a ciah ah thugen dingin kisam hi. nading thu tung lian a, a ciah 10 Laitai April 2014

tungah gualzawhna thulu gen a, Hih bang hunin Honpa i kisam cih solo zong sa hi. Siapa pen Topa mizat khat ahih banah, mite lungsim a neu hun laitak ahih manin a thugen leh a la sakte in mite lungsim sukha mahmah a, milian pawlkhat bang in pianthak lawh lian uh hi. Siapa US gam New Yorkah in a hun leh a mun enin Teen Challenge Ministry thugenin, la sa ahih manin phuanpa David W ilkerson lawhcing hi. 2008 kum US President (1932-2011) in lamdawi (Road devil) bupa Nicky Cruz kitel laiin Barack Obama in a kiangah Jesu hong itna thu va mee (vote) zonnaah Change gen hi. Nicky in temkun tawh (kikheelna) cih bulphuh hi. Tua thah dingin a vau ciangin David pen a lui a cimtak, a thak Wilkerson in a awm dawh a, pongpong a lam naih Nicky aw, hong that inla, ka khangnote in diksa uh ahih sare atnen in. Tua hi leh ka sa manin mee pia pah ngeingai themno khat nangawnin, uh a, tua tawh Obama in US Nicky aw, hong it ing hong ci President hong ngah hi. 2012 lai ding hi ciin gen hi. Itna a kum kiteel ciangin Move Forlunggulh Nicky Cruz in tua ward (Mailam nawt) cih hong kammal a zak ciangin a bulphuh leuleu a, tua tawh lungtang lawng a, pianthak President hong ngah leuleu hi. A hun tawh kizuiin thubulphuh lawh hi. 1977 February kha sungin nei thei ahih manin tua tawh Lt. Col. Zam Khan Thang (Rtd) mite lungsim zo mahmah hi. ding ciangin tua tuikulh a om mite kiangah, Kei hong pai kik ding hi ing ciin vaikhak hi.Tua kammal pen Japante kihta-in a om tua tuikulh sunga a teeng mite adingin thaza hoih khat hong suak a, hangsan sak tuam hi. Thangah takin Japante a sim uh teh hong zo pah lian uh hi. 2008 kum May kha sungin Yangonah Party khawmpi a kah kimlai hong si dihdih a, a Irrawaddy Division sung luang pen Tedimah hong kipua tengah Nargis huihpi hangin a hi. Amah pen milian khat ahih si, a mang tampi om ahih manin Zomi bup kilinglawng zo manin mi khempeuh dipkua, phial hi. Ni khat Rev. Hau Lian patauin om uh hi. Tua pen Kham in misi innah Sihna Pasian nasem pawlkhat in hun Laitai April 2014 11

hoihin zatsiam uh a, Lungdamna thu a gen uh leh lawhcing mahmah uh hi. Hihpen tuhun pau-in khapilna khat hi gige hi. Ni dangin Co-operative zum-a a sem Phaileng khua mi Pa Zen Khan Cin in Party Regional Committee Chairman Pu E. K Kim Ngin kiangah Matupi pan Tedimah a piang (transfer) sak nadingin va ngen hi. Pa Cin in, Pu aw, nang pen Zogam kumpi na hih manin nang, hi hen na cihte ahi hi pah lel hi. Nang, Pasian simloh kua dong nawn ding na hiam ci hi.Tua kammal in Pu E. K. Kim Ngin lungkimsak mahmah ahih manin tua ni mahin Tedim transfer theih nading vaihawmsak pah hi. Pa Cin pen a hai tawh a kibat hang, a taktakin a pil khat na hi gige hi.

innteekte thupulakna lim takin ngai uh a, tua tungtawnin hanthotna pia se uh hi. Tua pen a hun tawh kizui ahih manin muibun deuh a, zong tha kingah deuh se hi. A pilvang lote in bel innteekte in bang teng pulak uh cih khawng ngai se lo uh a, inn pan amau kiginsa khatpeuh gen ziau thei uh hi. Tua dan pen tha kingah lo zaw den hi.

Mihingte pen i vaang a bei kuan, i hun a bei kuan teh kipaukhial nuam deuh, ciiin kigen hi. Kawlgam kumpi U Ne Win pen kampau siamin a kigen khat hi napi, July 23, 1988 ni-in Party khawmpiah, Party khat tawh khangto lo i hih leh party tuamtuam (multi-party) tawh kalsuan ding i ut hiam? hong ci kha laizang hi. Tua ama kammal tungtawnin Pasian nasem pilvangte Kawlgam hong kilumlet a, inn thunget a pai uh ciangin ama hun a bei hong hiziau hi.!

Siate leh a khawk kep ding uh


1. Rev. Dai Do Thang - Shillong Khawk 2. Rev. S. Cin Khan Tuang - Aizawl & Sialkal Khawk 3. Rev. Thang D.L Pau Mung - Hnahlan Khawk 4. Rev. P. S Za Tuang - Champhai Khawk 5. Evan. Lian Go - Sialkal Khawk Siate in induction service March 23 & 30, 2014 in nei uh hi. Topan kithuahpih zelzel ta hen.
12 Laitai April 2014

L AI TAW H N AS E P N A
- Kham Do Pau, Munsongh Villa

omite pen lai lah at ngap lo, laibu leh tadensate lah sim ngaplote i hih man, mite tawh kalsuan kikim a i minam hiin i gam hita leh, i kalsuanna ding sawt mahmah lai kha dingin ka lamen hi. I laisiamte in zong a theihna a muhna a khuamuhnate i mipihte phattuampih ding a tadensa tung pan ahi a, laibu tung pan ahi zongin hong pholak tam lo uh ahih man i milipte khuamuhna zong a zai ding bangin zai zo lo hiin ka thei hi. Tua banah i mipilte mahmah zong laibu omsa hiin i tadensate hita leh sim ding thanuam zolo i hih man i theih ding zahin leitung na hiin Pasian thu hita leh thei zolo i hi uh hi. A khangto gam i cihte pen laisim kizenin a laisimte mahmah uh zong a theih sunsun a mipih sapihte ading a gelhkhia a hawmkhia ziahziah ngap uh ahih manin a gam uh khangto pah hi. Leitunga Tapidaw khempeuh 50%te in Pasian thu kigelhna a sim uh panin Tapidaw suak ahi uh hi. Lai a kisapzia leh a sep theihzia tamlo i en ding hi. Pasian thu lam en masa leng: Latin America gam a Khristian biakna in mai a nawtna hang pen Pasian thu kigelhna lai a hawm khiat tam hang hi kici hi. Luther in Rom Hilhcian a bawlpen John Wesley in a sim leh a kha lam mit vaksaktu suak hi. Wesley te unau pen Revival makaipi nasia leh Society puahphatna nasem nasia pen hong suak uh hi. John Newton, Negro silate zuaksawn ding kaikhawm a Tembaw tawh a pua zelpa in Atlantic Ocean a huihpi in Tembaw a muttum suk(sink) dek laiin, Thomas Laitai Kempis in a gelh Imitation of Christ na mu kha lian a, Tembaw captain, zukham den leh sal tawh sumbawlna a zangpa penin pianthak lawh hi. A suahkik zawh ciangin, Amazing Gracekici la leh adang tampi te hong phuak hi. Phillip Doddrigde in a gelh, The Rise and Progress of Religion in the Soul, kici laibu in mipil, nainganzi siam W illiam Wilberforce lungsim kikhelsakin, silate suahtakna ding Upadi ama hangin England Parliament in bawl thei hi. George Mc Donald, Khristian 13

April 2014

tangthu(Novel) a gelhna hangin C.S Lewis in pianthakna ngah hi. Aman laibu tuamtuam gelhkikin, Mere Christianity kici a gelhna panin J.B.Phillips, J.I. Packer leh Charles Colsonte nuntakna lamdangsak zo laibu manpha suak hi. Leitung vai lamah en leuleu leng: Hitler in Mein Kamf kici laibu a gelhna hangin German gam khangnote leh mipilte lungsim nakpi takin lawng kha ahih manin, nam itna lungsim hong lianin, leitung galpi nihna(2nd World War) hong piangsak zo liang hi. Sen gam Revolution makaipipa ahi Mao Tsetung in, Thought kici laibu a gelhna tungtawnin, Sen gam makaipipa Chiangkaisek khawlsak in om a; Sen gam pen Communist Party nuaiah hong om ta uh hi. Sen gam kampau nam tuamtuam zangte zong Mandarin kampau bek zang dingin pan hong la a, a gam uh pen kipumkhatna piangsak zo hi. Tua malam in Russia gam Czar Dynasty kum sawtpi ana om ta zong Communist gam sinsakna Marxism hangin a gambup lamdangsak zo hi. Hih bang zahta a a gambup hong su lamdangtu pen bang 14

dang hi loin, Das Capital kici laibu hang mah ahi hi. Hih a tunga khantohna nam tuamtuamte i et ciang a thupi penin laibu gelh/bawlna hang hong suak hi. I gamah zong mipil misiam tam ta i hih manin, i mipite lungsim a laih zo ding, khangnote tha a pia zo ding laibu manpha gelh a pan i lak hun mahmah ta hi. Midangten zong laibu tungtawna hi bang ciang a tun zawh uh leh, ei Zomite zong tung zo samlo ding i hi hiam, cih hong lungngaisak mahmah hi. Tua ahih manin laisim taima peuh leng i lai siam i mipilte in laibu hong bawlkhia ziahziah ta ding uh ahih man ei a gelh zo lo leh lai gelh ding takpi zong a thei lote in i lai leh pau kigelhna laibu, Magazine leh tadensate i neih bangbanga tanin, leiin, tu sanga nasia zaw in laisim sawm ciat leng i khangtopah ding uh hi. Thukhitna: Tulai i tenna gamte ah ei Sanginn, eikampau kisin nang omlo ahih manin Pawlpite in amau Pawlpi sungah Khangno pawl ahi a, Numei pawl ahih kei leh Mission Department cih bangin Nipi sim Pawlpi tadensa bawl thei ciat leng, i pau leh i lai kepcinghna ahih Laitai April 2014

banah, Pasian thu tangkona suak thei ahih man hoih mahmah ding hi. Khangnote in a bawl leh khangno vai lam kisuaksak ding a, laipil a kisap zia, kumpi na zonna leh khangno laia ei hong piangsaktu Pasian phawk ding a kisap zia peuh kisuah zel ding a, Numei lam in a bawl leh numei nasepna lam thulu in pai ding a, Lai Siangtho sunga numeite nasepzia leh leitunga a minthang numeite

leh nute tangthu lam kigelh tam ding hi. Mission lam in a bawl leh mission nasepna lam hah gen ding, mission nasemleh missionary semte lawhcin zia Lai Siangtho sung thu leh Tangthu sungate etteh theih ding a suahna lam hah bawl ding hi. Hih bang danin pai thei leng, i lai lah khangsak, i pau lah kemcing, Pasian thu lah tangzaisak suak pah ding hi hang. Pawlpi kimin ngaihsun pha ciat ni.!

ZFC Champion
Bhutan gam sunga bangzah hiamin Imphalah Phuentsholing khua-ah March vaidawnna hun nei uh a, 1 16, 2014 sungin 1st Bhutan Lamka kiang Kangvai munah CFC Foundation Cup 2014 zong amaute muakna hun kidemna om a, India pan team thupi takin kizangin, MDCte, 8 leh Bhutan pan team 8 ulian tuamtuam leh mipi kihelte lakah Lamka khuapi bangzah kihel uh a, Lamka pansan Zomi Football Club khuasung a phakkual khit uh (ZFC) in gualzawhna, khatna ciang YPA hall, Hiangtam, dinmun ngahin Trophy leh sum Lamka ah hun thupi tak kizang Rs. 1,00,000/- sang uh a, ZFC kik hi. midfielder Suanpau in Man ZFC Coach Lemlal in a of the Match pahtawina LED pankhawmna uh hang a TV ngah hi. champion thei ahihna gen a, ZFCte Manipur a tun Pasian thupisakin, hih bang ciangin Minister Pu T. gualzawhna a ngah uh pen Phungzathang, Par. Secy. Pu Pasian thupha taktak ahihna V. Vungzagin, MLA Pu thu gen hi. ZFC in Nepal gam Ginsuanhau leh Zomi ulian panin zong cialna ngah khin tuamtuam banah mipi uh cih thu kiza hi. Laitai April 2014 15

LAMETNA KICIAN NEITE MIHAMPHA


Dal Sian Hung, Malaysia
Leitungah mihingte koikoi i tunga, bangbang i sem zongin, i hun a cin ciangin a si ding vive i hi hi. Hih leitungah i nuntak sungin, ngaihsut theihna khuak tawh thu ngaihsunin, na khat peuhpeuh i sem thei hi. I sih khit ciangin bangmah kimanna nei nawn loin, mihingte tawh vaihawmkhop, sepkhop, leh gelkhop theih peuhmah om nawnlo ding himawk hi. Tua ahih manin, leitung mihing khempeuh lametna tawh kinungta kimciat hi. Ahi zongin i lametna leh i lametzia pen a tuamtek hi-a, kibangkim khin lo hi. Tua ziakin religion kici biakna bangzah hiam hong piang hi. I lametna leh i lametzia kibangkim hileh biakna tuamtuam om loin, upna khat sungah pawlpi khat ah kipumkhat ding hihang. Leitungah a paipi in biakna lian mahmah li om a, tua teng sungah Khristian kici biakna zong khat in kihel hi. Khristian sungah zong minam vai leh gam vai hangin, upzia leh kimakaihzia kikak zilzialin, amau kalsuanziate pen Milky Way Galaxy mah tawh kibang ziaizuai hi. Tua sung panin, ei Zomi a tamzaw pen Khristian upna tawh a nungta mite i hi uh hi. Lametna i cih tak ciangin, a piangthei lametna om a, upmawh lametna zong om veve hi. A piangthei lametna i cih pen i nisim nuntakna ahi hi. Zingsang simin, ni hong suah mah bangin nitak teh ni hong tumin, khua hong zing ding, cih lametna pen mikim in i san theih lametna ahi hi. Naungek khat hong suak a, mihing ahihna tawh nikhat ni teitei ciangin si ding, cih i lametna pen mikim in, i san theih lametna ahi hi. Khrisian kici mite lametna pen i sih ciangin i kha si loin, Vatunggam or Hellgam khat zaw teitei tung ding, cih lametna ahi hi. Hih lametna pen Lai Siangtho tungtawna a kimukhia ahi hi. Tua Khristian kici mite zongh upzia, sanzia, duhzia, deihzia, muhzia leh kalsuanzia kibangkim vet lo a, amau tumtek in, a pai melmel vive ahi uhi. Bangbang ahi zongin, a piangthei thute tungah lametna i neih pen a ngeina hi-a, a piang nailo tungah lametna kician i neih theih pen ei

16

Laitai

April 2014

mahmah ii hamphatna hilel hi. Lawmte khat Pasian thu genlua kisa in, Ute naute aw, Vantung gam pen om takpi hi, ci-in umlel dih un. A om kei phial lezong i sup nading peuhmah omlo hi, ci-in nasiatakin sermon hi.

khamuanna na ngah dinga, lungkham sinkhamna tampi in nang hong buaisak zolo ding ahih manin, leitung nuntak tomkal sungah nang le nang mah a hoih thei pen dingin kalsuan a, lametna kician tawh Lametna sungah nungta na nuntak ding thupi ka sa leteh lungnopna leh mahmah hi.!

GZA Khaw mpi Law hcing


March 13 16, 2014 sungin Faith Baptist Bible College & Seminary hall, Lawibual, Tedim-ah A 2-veina Global Zomi Alliance (GZA) khawmpi om a, India, Singapore, Thailand, USA, UK leh Kawlgam sung panin pawi sim mi 420 val pai cih thu kiza hi. March 13,2014 in pawi honna Rev. Dr. Simon Pau Khan En, President GZA in amah a kihel theihloh hangin video tawh nei a, Rev. Smith Ngulh Za Thawng in GZA G.S thak Rev. Dr. Do Suan Mung leh Rev. Dr. Go Cin Zam apna hun zang hi. India pana pai Zomi Council palaite in hong nusia Rev. Dr. Chin Do Kham phawkna hun a zat ban uah, a innkuanpihte puandum leh puanlaisan khat ciat pia uh hi. GZA khawmpi mailam a sepkhiat ding bangzah hiam vaihawmna om a, tuate lakah : Tedim khuapi nasia takin puah ding; Zomite lakah gentheihna hanga pilnasiamna a sin zo lote khualna tawh Scholarship Fund bawl ding; Myanmar Census 2014 hun ciangin code nambat 914 ah Zomi cih gelh ciat ding; Kum simin November 28 pen GZA Day a zat dingin kipsakna leh kum 2015 GZA khawmpi pen Lamka, Manipur ah neih dingin khensat uh hi.

Hih khawmpi hun sungin Leitungbup Zomi Innkuan (LZI) project ahi Tedimah Zomi FM Radio Station koih ding tawh kisai LZI Treasurer Pu Pau Khan Khup in nasep pat theih nadingin local committee panin kipsakna nei hi.

Laitai

April 2014

17

ZOKHAWTHAR GOSPEL TEAM REPORT


Zokhawthar ZBC Pawlpi in Gospel Team kibawl a ZBC gamsung phak ding thukimna a bawlbangin, January 17, 2014 ni in Zokhawthar panin Upa Ngul Cin, Upa Z. K Dong, Nu Cing Ngaih Zen, Nu Dim Don Hau leh Nu Cing Sian Khawmte Aizawl ah ka pai uh a, 18,19 sung Aizawl Ramhlun South; 20-22 Thuampui; 23,24 Teikhang; 25,26 Hiangmun; 27 Kawlbem; 28,29 vaikhawtlang; 30,31 Hnahlan; Feb.1-3 Vapar; 4,5 Murlen; 6,7 Ngur; 8,9 Champhai Bethel; 10-12 Vengthar; 13-17 Ngaizawl 18,19 New Champhai; 20,21 Leisenzo; 22,23 Sesih; 24-26 Zokhawthar cih bangin hun kizang hi. Nu Cing Sian Khawm, Zokhawthar in Champhai Bethel panin innkuan kitangsapna hangin hong ciahsan a, Vengthar ka tun uh ciang Upa H.Thawng Pau, ZBC President Elect, Aizawl in hong zui a, New Champhai panin Upa Dam Khan Go leh Upa Ngul Sian Thangte in zong hong zuiin, a tawpna Zokhawthar ah gualzawhna hun a thum un hong neihpih uh ahih manin kilungdam hi. puan hong piate banah, tha leh zung neihsa lamsa leh Mawtaw tawh hong puate khem-peuh tungah zong lungdam ka ko uh hi. Mimal kim tungah lungdam hong kiko senglo ahih manin hi taka ka gente uh lungdam kohna in hong sansak dingin kong thum hi. Kum 2014 ZBC Pawlpite Project leh malakna: 1. Aizawl Pawlpi Project: Biakinn thak project uh a Rs. 1,00,00,000 estimate uh hi. Tu kumin 651000/- target uh hi. Biakinn phung cianga um ding geel uh hi. Kum 2016 Triennial Mission khoppi adingin malain, kum 2017 ciang Aizawl ZBC Silver Jubilee adingin kisa khol uh hi.

Khaw tuamtuam ZBC Pawlpi in Pasian a zahtakna uh tawh zin hong limbawlin, biakpiakna hun khempeuh hong piakkhit manun Gospel Team min tawh lungdam kong ko uh hi. Tua banah Pawlpi min leh mimal min tawh sa hong gawhte, ankuang hong 2. Thuampui Pawlpi: Biakinn umpihte, sum leh pai, nik leh lam ding project uh a sing a 18 Laitai April 2014

kicing nei ta. A tung sikkang Upa Khup Pau Champhai in sik ding. Rev.PS Za Tuang in khuambul a cingin sik khin. A umna ding, Kongpi leh tawlette bek kisam lai a, a huh thei i om diam?.

nei ta uh hi. A huh zote adingin huhna hunpha kingah hi.

9. Ngur Pawlpi: Biakinn mun thak Rs. 2,50,000/- in lei uh a, a mun zik kipan in biakinn a baih thei pena lam sawmin mala uh hi. Amaute nih hi 3. Teikhang Pawlpi: Tutphah nawn loin khat hi ta uh ahih sau 20, Inverter leh Steel manin thangah peuhmah uh hi. Almirah project uh a, tutphah 10. Champhai Pawlpi: Sunding sing at ziahziah ta uh hi. day School Hall lam thak ding, 4. Hiangmun Pawlpi: Biakinn biakinn tutphahte ah cushion ceiling bawlin, a bang teng phah khit ding, camping bawl lining in a sual teng plaster ding, BYF in Combo Sound ding. Khawlai zawah biakinn box leh Hollow Guiter lei ding mun thak neih ding. Kum Project uh hi. 2015 ZBWS Triennial adingin 11. Vengthar Pawlpi: Keykisa khol uh. board, Syntex leh 2014 Area 5. Vaikhawtlang Pawlpi: Khoppi zindo na ding hanciam Biakinn nuaiah kudam bawl uh hi. Thungetna lama makai ding kipan. ding mi khat khasim 2500/-in 6. Hnahlan Pawlpi: Sunday zang uh a, Upa Tun Khan Pau School Hall lam ding, Sound Australia in khasim 500/-, Upa system thaklei ding leh Bank H.Thawng Pau Aizawl in Loan lak ding project uh hi. khasim 500/- tawh huh uh hi. 7. Vapar Pawlpi: Biakinn lam 12. Ngaizawl Pawlpi: Taubel zo ta, a mai buk a lam lai tak kang khap 10 te 3, Bookself 1, hi a, a sual plaster ding, kongpi Batterry 1, tutphah sau 32, Hq leh tawlet ding kisam lai, a huh budget kim taka piak ding, zote adingin huhna hunpha hi. BWS pan biakinn sung carpet 8. Murlen Pawlpi: Biakinn a phah, zan puan 5 lukham 3, dung 60 a vai 30 cement paak leh paak bel lei ding, khuam phutin a lam san laitak biakna tau khuhna puan, BYF uh hi a, innsun tuah khung pan Sound box stand 2 leh khin, a umna ding leisek zong Mike stand 2 lei ding. Laitai April 2014 19

13. New Champhai Pawlpi: Joint project dingin keyboard, BW S pan pulpit nung puanzakpi lei, platform teng carpet phah ding.

16. Zokhaw thar Pawlpi: Biakinn project lian penin nei uh a, a project lian khat uh Gospel Team min tawh ZBC gamsung phak ding a pha 14. Leisenzo Pawlpi: Joint kimphial hi, Shillong bek target project Sunday School Hall in nei ta uh hi. lam uh a zo dek ta uh hi. 2014 Pawlpite malakna leh Naupang Area khoppi adingin geelnate a kigelh kimlo om ma la uh hi. tham ding hi. I omna ciat pana 15. Sesih Paw lpi: Joint Pasian min tawh i kalsuanna project dingin biakinn lam ah Pasian in hong mualsuah sawm uh a, BYF in mixer pih ding ahih manin, Pasian project, thungen team kiphuan min i phat hi. uh a, Sesih khua inn lusik ah Report a puak : Zokhawthar thungetna neih sawm, genera- Gospel Team tangin Upa Z.K Dong, President ZBC.! tor lei ding ngaihsun uh.

M izoram Champion
India gam sunga football tournament thupi pen 66 th Santosh Trophy (National Football Championship) final, Siliguri, West Bengal ah Mizoram team in 3-0 in Railways zoin khatna ngah a, trophy leh sum Rs. 5,00,000 ngah uh hi. gualzawhna uh pen Pasian hang bek ahihna thu gen a, kimawlte in thumang mahmah uh ahihna thu gen hi.

Santosh Trophy pen India gama football tournament masa pen leh thupipen khat ahih manin India gam sunga state tuamtuamte banah Mizoram team in March Railways leh Serviceste bek 12, 2014 in Mizoram tungkik a, kihel thei uh hi. Mizoram pen tua ni pen Mizoram kumpi in North East India pana hih state holiday in pulak a, kimawlna a champion thei amaute muakna thupi takin nihna hi pan a, 2002-03 kizang hi. Coach H. kumin Manipur na champion Vanlalthanga in hih banga a khin uh hi. 20 Laitai April 2014

ITNA HANGA MEIMA PAWN


Nidang laiin US gama San Francisco khawpi geiah meigong leh a tapa Jimmy teng uh a. A nuta un ki-it peuhmah uh hi. Khatvei, khawkhal hun lai hi a, khua lum lua ahih manin Jimmy in tuivan dingin a innkiang luiah pai a, tui sungah tuak suk in tuivan pah hi. Tuaci banga kipak taka tui a van laiin a kiangah Awle lianpi khat om cih Jimmy in thei lo hi. Tua Awle in peh sawmin Jimmy omna lam zuan hi. Awle in Jimmy peh sawma a pai laitak inn pan a nu in mu a, mangbang leh patau kawmin lui lamah manlah takin tai hi. Ngaih takin Jimmy sam a, lui gei lam zuan dingin sawl hi. Jimmy in zong a nu aw a zak ciang manlah takin lui gei lam zuan in tuivan pah hi. Lui gei a tun ma in Awle in Jimmy khe pan pet a, tua laitakin anu in Jimmy khut pan manin kip takin len hi. Awle in Jimmy nek sawmin a pehna khah nuam lo a, Jimmy nu in zong a letna khah sawm loin kip takin len a, Awle leh anu Jimmy kituh in kibot uh a, Jimmy banah a nu khutcin tum in zuk biatbuat hi. Tua banga a kisual lai tak uh papi khat in mu a, manlang takin lui lam zuan in tai pah hi. A thau tawh tua Awle kap lum a, kin takin Zato inn lam zuanpah uh hi. Doctor in Jimmy khe Awle in a pehna leh a khut a nu cin in a kuihna liammate kin taka velin tuam pah hi. Jimmy zong hoih deuhdeuh a, kum khat bang a bei ciang hong dam siang hi. Khatvei Thukizakna Editor khatin Jimmy tuahsiatna thu a theih ciangin holimpih a, tua editor in Jimmy tuahsiatnate a dot kawmin a meima pawnte bangci dan hiam cih dot bawl hi. Jimmy in a khe kawk a, Hih pen Awle in hong pehna hi, a cih khit ciang a khut pawnte ensak kik a, Hih pen ka nu in hong hotkhiatna dinga hong letcipna meima pawn hi, cih thu kipak takin hilh hi. I nuntakna ah haksatna, mindaina leh dahna i tuak kha thei zel a, tuate in a kam thei nawn lo meima pawn piangsak hi. Mangnhilh ngeiloh ding haksatna leh mindaina i tuakte, gilopa hanga om ahih lai takin, khatvei ciang Pasian in i nuntakna leh i kha a hotkhiat nop mana thupiang hi cih a thakin phawkkik ni.!

Laitai

April 2014

21

THU TUAM TUAM


1. Registrar thak : Pu Thang Lianmang Guite MJS s/o Thongkhotuan Guite (L), Lamka in Gauhati High Court Aizawl Bench a Registrar len dingin appointment ngah ahih manin a sep ding thak zomta cih thu kiza hi. Pu Thang Lianmang Guite in Shillong Law College panin LLB zo a, Aizawl ah kum 7 kiim Advocate (lawyer) a sep khit ciang Mizoram Judicial Service (MJS) Senior grade ah lutin, kum khat kiim Additional Session Judge a sep khit ciang Member Secretary, Mizoram State Legal Services Authority len hi. Amah pen kum 2013 ZBYF Annual Council, Aizawl a neih hunah dan (law) lam tawh kisai seminar a resource person ahi hi. 2. Army Officer Kibehlap : March 15, 2014 in Chennai a Officers Training Academy (OTA) ah passing out parade om a, mi 261 lakah Zosuan 5 kihel cih thu kiza hi. Hih OTA pana zote pen galkap bu (Lieutenant) hihna za kipia pah hi. Galkap bu thakte pen : 1. Lt. Paul Samte of Thingkangphai, 2. Lt. Minthang Tunglut of Bungmual, 3. Lt. Kakai, 4. Lt. Roel Neihsial of Gangpimual, 5. Lt. Michael Ngaihtete hi uh a, hih mun panin Lt. Hauh Thang Hlun s/o Dr. Rev. Enn Za Sian, Pangzawl in zong training na zo khin hi. 3. ZCLS Triennial : A 11-veina Zomi Christian Literature Society (ZCLS) Triennial Meeting pen March 20 23, 2014 sungin Bethel AG, Tedimah kizang a, meeting kah 126 pha-in, Zomi Language and Literature Society (ZOLLS), Lamka, Manipur panin zong Secretary kihel cih thu kiza hi. Hih hunah kum 2014 2017 sung a makai ding kitel a, tuate pen : President : Rev. Mang Suan Khup (Pydawtha) Vice President : Rev. Go Za Nang (Kawlpi) Executive Secy. : Rev. Hau Khen Kham (Munlai) Asst. Exe. Secy. : Rev. Kai Za Cin (Sezang) Treasurer : Upa Kam Za Kham (Kawlpi) Accountant : Upa Gin Khan Pau (Kawlpi) 4. 3. All D Pahtawina : Zomi Baptist Church of America (ZBCA), USA in Zomi Baptist Convention of Myanmar (ZBCM) tungtawna Zomi sungah Tan 10 zo, subject teng khempeuh a all distinction a ngahte pahtawina a piak zel uh pen tu kumin mi nih Lia Thang Biak Mawi d/o Pa Vungh Suan Lian, Kalaymyo leh Lia

22

Laitai

April 2014

Niang Sian Huai d/o Pa Khual Kam, Kalaymyo in ngah a, ZBCM GM meeting hun sung March 11, 2014 in pahtawina Ks. 10,00,000 leh pahtawina laipi piakkhiatna hun zang uh hi. Pahtawina a ngah nihte in Magwe ah MBBS sin laitak uh hi. 5. Crimea gamke Russia-ah : Ukraine gamsung buaina huhauin Ukraine gamke khat ahi Crimea in March 16, 2014 in Russia leh Ukraine zop ding mee (vote/referendum) la uh a, 97% in Russia zop ut uh hi. Russia in mipite deihna banga Crimea in Russia zom ding ahih manin lungkim takin Russia in sang ding hi, ci ahih manin EU leh US in dankalh (illegal) hi, ciin Russia a mawhsakna thu uh pulak a, khalna thu(sunction) pulak pah uh hi. 6. Niin ciahpih ding : Nepal kumpi in leitung a mualsangpen Mt. Everest siantho zawk nading ngaihsutna tawh, Mt. Everest mual tunga a kah khempeuh in a kumsuk ciangun niin Kg. 8 ta a ciahsukpih uh kuul ding ci hi. Tuma lamin Mt. Everest mualtunga kahten amau adingin a phatuam lo vante nusia zel uh a, tua banah mualtungkah a si pawlkhat zong a luang uh kisia lo in om lai hi. Tourism a ulian Madhusudan Burlakoti in hih pen kha thak panin kizang ding ci hi. 7. Helicopter : Kawlgam sunga nasep lian neite in vai thupi khualzinna a neih pakpak nopnate ah helicopter bupsapin zang thei ta ding cih March 25&26, 2014 a Yangon Trader s Hotel a transport lam tawh kisai khawmpiah U Tin Nyaing Tun in gen hi. 8. Sum mang : USA gam Houston khuapi a member 47,000 val omna Lakewood pawlpite nipisum leh sawma khat kigawm a sumtang (cash) $ 2,00,000 & cheque tawh $ 4,00,000 pen March 9, 2014 in biakinn sung panin gutate in gukhia uh ciin Houston policete in Mach 14, 2014 in pulak uh hi. 9. Khasum khang : Kawlgam sunga kumpi nasemte khasum kum 2014-15 kum sungin Ks. 20,000 ta khansak nading March 25, 2014 in Kawlgam Upper Parliament in thukim hi. 10. Medical College : Mizoramah Medical College a sawt loin kibawl ding cih Ministry of H&FW, New Delhi in Mizoram kumpi tungah March 3, 2014 niin theihsakna lai khak hi. Tua College bawl nadingin Rs. 189 million kizang ding ci hi. 11. Nov. 23, 2013 a migilote in Chikha, Mizoram pana a guk mang uh Deep Mandal (25) pen March 22, 2014 in khahkhia uh hi.

Laitai

April 2014

23

FORM IV (See Rule 8) Statements about ownership and other particulars about Laitai 1. 2. Place of Publication : Champhai - 796 321, Mizoram. Periodity of its publication : Monthly 3. Printers name : Rev. Gin Lam Thang Nationality : Indian Address : ZBC Office, Champhai 796 321 4. Publishers name : Rev. Gin Lam Thang Nationality : Indian Address : ZBC Office, Champhai 796 321 5. Editors name : Rev. Gin Lam Thang Nationality : Indian Address : ZBC Office, Champhai 796 321 6. Name and address of individuals who own the newspaper and partners or share holders holding more than one percent of the capital : Zomi Baptist Church

I, Rev. Gin Lam Thang, hereby declared that the particulars given above are true to the best of my knowledge and belief.

Dated Champhai March 25, 2014

Sd/Rev. Gin Lam Thang Signature of Publisher.


Laitai April 2014

24

DAHPIHNA

!
Nu Dim En Cing (48) w/o Upa Dai Lian Mung, Vengthar, Champhai in March 3, 2014 in tuap cancer hangin leitung nusia a, March 4, 2014 in Rev. S.Cin Khan Tuang in vui hi. Niang Siam Cing (kum 1 leh kha 4) d/o Pa Lian Sian Khai in March 5, 2014 in Awm natna hangin leitung nusia a, Rev. P S Za Tuang in March 6, 2014 in vui hi. Pa Neng Lian s/o Pa Zam Pau, Vapar khua in March 8, 2014 in gilpi natna hangin leitung nusia a, March 9, 2014 in Vapar hanmual ah kivui hi. Tg. Kap Zau (16) s/o Upa Thawng Khup, Hiangmun in March 17, 2014 in leitung nusia a, March 18, 2014 in Rev. Thang D.L Pau Mung in vui hi. Sihna hanga a dah a kap mite khempeuh Laitai Editorial Board in kithuakpih hi. Topan hehnem ta hen...

La itai sun ga thu te a th up ua kte saa nd an h i a, amau mawhp ua kn a zon g hi p ah h i.

From :

LAITAI ZBC Office, Champhai - 796 321 Mizoram, India

To
-------------------------------------------------------------------------------------------------------------------------------------------------------------

BOOK POST

RNI. No. MIZ.MUL/2009/29499

Postal No. MZR 82/2013 -2015