You are on page 1of 2

2007 年 4 月 1 日星期日~小丑與汽球

今日係愚人節,理論上好應該整蠱下人,但係我通常都無
興趣響呢日整蠱人。

其實今日係我首次扮小丑的六週年紀念日!

又其實,其實我真係唔係好明,點解好多人都會將小丑同
動物氣球聯想埋一齊,個邏輯係:您係小丑,您就一定有
動物氣球響身,人地會走過黎向您索取;但您有動物氣球
響身,唔代表您係小丑,更加唔代表人地會走過黎索取…

呢個似是而非的邏輯,坦白講,連我都唔係好信,但最可
怕的,係呢個邏輯係事實,絕非幻象。話說有一次,當時
仲未係魔術師的我,楂住袋氣球同個泵,諗住去到小學地
帶,總有個細路有興趣想要卦?點知一個都無!又話說,
話說有次義賣,我咩住條義工帶賣朱古力,見倒有個細路
隻動物氣球散哂,於是我走過去同佢媽媽話等我幫佢修理
下,點知 佢 媽媽話唔駛之餘,一邊拖住個細路有咁快走咁
快,一邊「自己落手」扭個波…

谷到我彈起!我假假地都算係 Professional 喎,唔通閣下


修理動物氣球的技術會好得過我?!我的技術有價架!

然而,當我扮小丑果陣,情況就唔同哂。大人細路不單止
識得自動自覺響我面前排隊等拎氣球,個波俾細路整甩左
又會主動叫我幫忙整返好…咁搞法,只可以證實一件事:

「我唔化小丑妝果陣係醜樣到嚇死人!」信不信由您。

在我記憶之中,第一次拎動物氣球係響尖東一間商場門口
我同學要隻狗,我就要長頸鹿,結果又係谷到一肚氣:長
頸「鹿」竟然等於長頸「狗」!由果一刻,我發過誓,邊
個夠膽問我拎隻「長頸鹿」的話,我一定要令佢滿意,唔
會俾我的客人好似我想當日咁晴天 pig pig …噢,痴
左線,係晴天霹靂至真。

依家的氣球好似週街都有得賣,但以前並唔係咁易搵的。
記得我第一次見倒有得賣係響 2000 年年中,地點係尖沙咀
玩具反斗城,大約六十幾蚊一盒,由「歐大魔」出品,內
有 20 個氣球,一個小泵同一本教整動物氣球的書。咁搞法,
一個波米成兩蚊個?歐大魔搞的氣球班又貴喎,如此說來
難不成要放棄我的氣球夢?點知後來有機會客串扮小丑,
得到的酬勞就係一袋波,咁先至可以將個氣球夢發落去 …
好可惜,崎嶇的魔術路,把我的氣球藝術夢徹底粉碎了。
幸運的,或者係響呢個夢幻滅之前,我能夠創作一幅足以
自豪的作品:

龜婆出力推阿龜妹妹去笑吟吟的龜公度。

話說回頭,我真係無諗過要整一幅「咁野」出黎,我只不
過係用兩條氣球,整出三隻龜,畫上眼、鼻、爪和花紋,
然後將佢地面對面咁放埋一齊之嘛,點鬼知會搞成咁喎!

萬物有情,氣球也可以有情,只在於您對它有情抑或無情
不過最有趣的是,您對氣球有情,不代表擁有高超的 扭 波
技術,特別係對合成式氣球設計而言,越無情就越有能力
製作出高深的合成氣球造型。或者有朝一日,當我對氣球
無哂感情的時候,我可以成為合格的氣球師都未定。