You are on page 1of 2

ZAM Information Department

ZAM Hotline
016-293 9027
ZAM Office
03-2142 6659
Email:
zomiassociationmls@gmail.com
Volume 8, Issue 51
ZAM Thupuak pen leitung muntuamtuam aom Zomi khempeuh in asimtheih dingin www.zomidaily.com website ah ki koihden hi.
Since 2006
informing people, transforming lives
25 May 2014 ...hongpai un, ih kulhpi ciangpha ni. Nehemiah 2:17

USRAP tawh lawngkhat bang aging khawm Agencies
teng kua teng hiam?
USRAP tawh lawngkhat banga ging khawm Agencies
tengpen a nuaia teng hi:
United Nations High Commissioner for Refugee
(UNHCR):
Malaysia sunga UNHCR te naseppi pen
in galtaaite haksatna vangikte puak pih
ding leh gammite simmawh bawlsiatna a
tuak lohna ding un panpih theih banga
panpih ding hi a, gam thumna lam
lunggulhte aa ding lampi sialsak ding
zong amau naseppi ahihi. Gam lamah a
kilehkik nuamte zong thuhoih lahoih tawh
ciahsak kik theihna ding vaihawmsak uh hi. Tua ahihmanin
Minsanna (Reception), galtaaimi hihna (Registration) leh
gam thumna tunna ding thulela kisam teng vanpihna
khempeuh UNHCRte thuneih-na huang sungah a om ahihi.
United Department of Homeland Security (DHS):
DHS icih pen US kumpi aitangin Direct a
nasem ahihi. RSC pan a file angah uh
tungtawn in thudotna (interview) bawl uh
a, Immigration Officerte’n galtaaite US
leitangah teensuak theihna ding thupen
amau khentatna tungah kinga hilhial hi.
Thu tampi khualna tawh hih hun sunga
thu hong kidongte na dawnkikna teng
limtak hong ki etsak kik khit ciangin amaulam pan in
khentatna a om bangbang hong kizasak kik ding hi pan hi.
Resettlement Support Center (RSC): (hunkhat lai-in
Overseas Processing Entity - OPE kici hi)
RSC Agency pen US kumpi thu-neihna nuaia nasep khat
mah hi in, US gam na belh theihna dinga lampi hong sial-
sak masa pen ahihi. RSCte’n
UNHCR tungpan a thu-ngahna
tungtawn in RSC Interviews nam-
nih omte lakah a masazaw hong
vaihawmsak uh hi. Hih thudotna
(interview) hun sungah nangma
aituam thu leh na innkuanpihte
thu kim takin hong dong ding uh a, ahizongin US gam na
ngah ding leh ngahloh ding thupen amau thuneihna huang
sungah om kha lo hi. DHS Officers te tungah a puak ding
uh thute kim takin RSC Agency ten nang tungah hong dong
hi masa zaw uh hi.
Ahizongin Sisitna man khinsate lakah teel cingte aa dingin
Cultural Orientation (CO) tentan pen amau hong
vaihawmsak hileuleu a, hih tentan hun sungah US gammite
nuntak khuasakzia hong telcian sak ding uh hi. (RSC ten
Bangkok ah zumpi nei uh hi.)
International Organization for Migration (IOM):
DHS Agency lampan in galtaaimi khat
US gam bel thei ding cih thu khentatna
a om khit ciangin laikhak tawh DHS
Officerte mahin IOM te na zasak pah
uh hi. IOM in na lenkhiatni ding leh US
na tun theihna ding a kisam teng
khempeuh hong vaansak pah ciatciat
uh hi. Malaysia sunga om IOM te
mawhpuak thupi mahmah 2 om hi:
 Na tunna ding gamte hong san theihna dingin Sisitna a
kipan cidam ludamna lam tawh kisai khempeuh amau
mawhpuak ahihi.(US tung dingte bek cihna hituan lo hi.)
 Malaysia na nutsiat theihna ding kumpi pan phalna hong
ngahsak uh a, khualzinna ding akisam lai thupi teng
hong ngahsak khit uciangin na tuanna ding vanleng leh
Transit a omna munah hong lamhilh ding cihteng
khempeuh hong vaansak uh hi. Tuabek hi lo, US na tun
cianga nang hong dawn dingte nadong in a kisam
khempeuh hong vaankholh sak dimdiam uh hi. (IOM
inzong Bangkok mah ah zum nei uh hi).

Theiding: Hih atung a thu teng pen USRAP Handbook pan
hi a ZAM zumpi pan a kiletkhia hi. Azom tampi omlai hi.

ZAM Card tawi Zomi te ading nasep
Port Klang setzungah Zomi pasal citak mi 10 kideih. Nipi
sim off. Nasep hun nikhat nai 8 sung bek. Omna ding mun
pia, an vaklo. Khasum kipatna RM900, OT tawh RM1100
ngah thei. Alunglutte kizopna ding Mangpu 019 510 6413.

UNHCR Tournament
UNHCR in kumsim a neihden uh FUTSAL Cup, May 23
nitak in “The Challenger Sports Center,” Ampang ah kimawl
kik thei in, Zomi zumpi panin palaai 2 in a beisa kum mah
bangin Referee kisep sak hi. Hih FUTSAL Cup pen
UNHCR huamsung a nasem UN Ulian te, kamlet te leh
Security te kilawmtatna a aneih den uh ahi hi.
United States Refugee Admissions Program (USRAP) i cih pen bang himawk hiam?
USRAP i cih pen US kumpite’ thusiamna tawh Refugee khempeuh deidan omlo in US leitangah Citizenship ngah
khinsate tawh liangko kikim a nuntaak khop theihna ding vaihawm sakna ahihi. US kumpi in na utlohpi in amau gam
sungah teeng dingin hong sawl lo uh a, ahizongin nangmah in khensatna na neih a na lunggulh takpi leh amau lampan
in huhtheihna leh panpihtheihna ding lampi om hi cih thu bek ahihi. Tuapen United States Refugee Admissions Program
(USARP) ahihi.
Hih hun sunga thu kidong thei zelzelte leh thulela kicianzaw in na theihnop leh hih laibuneu na sim lecin na telzo
pan ding hi. Ahizongin hih laibu sunga a huam diak deuh teng pen Priority 2 (P2) grouping sunga kihel teng hi a, ei
kawlgam mite aa dingin UNHCR in tenna mun leh mual, minam leh haksatna teng a theihpih khitsa banah Refugee
dinmun a ngahsak khitsa (Registered) teng bek hiding hi. Tuate zong 17 August, 2010 kum beima a Registration ngah
khin teng bek a huam ahihi.

Priority 2 (P2) tawh kisai tellohna na neih a, a ngah dinga kilawm pipi ngah nailo zenzen na hileh UNHCR te
manlang takin na dong pah un.
Farewell Sia Joseph Kam Tung Sang
Ni leh khate hong beibei in, kumte zong hong cingto zel
ahihman in ut in ut takei lehang “Mangpha” cia khut kilet
zong hong kul zel hi. Tua bek tham lo in tukum sung bekbek
in zong Pasian thukimpihna tawh Zomi zumpi a sem ngei
leh asem lai ZAM palai sungpan in mi thum in gamthumna
lam hong zuatsan khin ta uh hi. Lungdam huai mahmah
napi a omlaite ading panin lunglen huai giugiau in koilai hi-
am khat hawm tuam heuhau mawk hi. Ahi-zongin kikhenna
hih leitungah gamlina ih tun kim dong mah maitai takin khitui
tawh kikhen zel ding himai lo diam!
Tukha ni 19 ni in ih it mahmah Sia Joseph Kam Sang in
a innkuanpih teng tawh Des Moines City, IOWA State, USA
ah hong lensan leuleu hi. Amah pen leitung pilna laitaan ah
cileng B. Sc., B. Th., Laisiangtho ah zong thei akisate a tam
dot khollo ding zahin laitaan sangpi mah na nei hi. Hih pilna
nihte gawmkhawm in Zomi zumpi ah palai hong sep ciangin
cina luna teng akem leh akhoi dinga muan teng lakah khat
hong hipah a, panmun kipia pah hi.
Cihtakna leh kiniam-khiatna tawh han
ciam takin nasep hong kipanto pah ngiat
ngiat in, kum nga sungin mimal 500 val
UN Card ngahsak zo hi. Muanhuai ahih-
man in panmun tuamtuam ngahtoto in,
a len ni ciangdong ih Zomi zumpi ahi
ZAM ah Sumkempi a sep lai tak ahihi.
Amah pen thuman bek mah aci tiuteu khat hi in, thutak
anuntak pih ngiat khat zong a hihi. Kampau lam bel zolsak
daldal khol lo hi napi a lungsim hoih in mi nunnem mahmah
khat hi a, amah atel ciante genna panin “a kamsung sawk
leng zong hong pet lo ding hi” cihte pawl ahihi. Mi zong
deihsak ngiat ahihna tawh kizuiin ama kep leh khoi cina lu-
na tampi takin UN Card ngah thei uh hi.Kizep kipuah zong
siam in nisim in “Smart” mahmah den hi. Hun zong zahtaak
in, a hih theih laiteng a dam naak leh zekai cih om ngei lo hi.
Ama tunga nasep kipia khat pen azawh siang sitset dong
mah sem pah in, laikhawl din khawl cih bangte om sak ngei
lo hi.
Itna leh deihsakna anei, a kiniamkhiat mahmah leh
thumanna leh thutak lamah nungtolh lo in a ding tiuteu den
ahi Sya Kamsang pen zahtaakna ka pia uh a, a tuntunna ah
zong nuamsa in maitai den ding hi cih pen kote lametna leh
deihsak thungetna ahihi.
Tukal sung ZAM palaai te buaipih diak teng:
Cing Za Dim (Thalmual), Tun Sian Mung (Lawibual), Hau
Lian Mang (Tanzang), Kam Khaw Khai (Kongkap), Ciin Sian
Vung (Tauleng), Ning Khan Man (Tungzang), Cin Cin leh
Khupno (Haupi), Nu Uap (Khuasak), Vung Khawm Huai
(Phaiza), Merry Cingsen (Kansau), Lian Sai Lo (Lunmual),
Dal Muan Thang (Tungzang), Langh Suan Mung (Lailui),
Khen Suan Thang (Dakdung), Thang Suan Kim (Tuithang),
Mang Cing Nang (Zozaang), Thang Lam Lian (Thalmual),
Thang Sian Langh leh Thang Deih Kham (Singgial), Pau
Do Mung (Thangzang), Cin Khan Kim (Gawngmual).
Kota Damanasara Operasi a kiman teng Zomi Zumpi a
hong report khempeuh UN zumpi ah kipuak sak hi.

Zomi te in UN thukuppih theih pawlmi hihna ngahta
USA, New York Khuapi a om UN zumpi ah kinei
UN-ECOSOC Civil Society Resumed Session ah UN te'
sapna tawh Pu Dr. Do Khan Khup (General Secretary of
ZIUSA) leh Pu Gregory Kap Suan Lian Ngaihte (Assistant
General Secretary of ZIUSA) te va kahthei uh a, lametna
bangin Zomi te UN-ECOSOC ah Thudotpi pawlmi
(Consultative Status) dinmun ngetnate kingah thei cih kiza
ahih manin, Zomite' maban limci mahmah ta hi. Hih bang a
hanciamna hong nei ZIUSA makaite tungah ZAM pan
lungdamna lianpi i pulak hi.
Hih bangin UN-ECOSOC sungah Consultative Status
ngah theihna dingin abeisa kum 2 lai akipan ZIUSA min
tawh akingen hi-in, tutung ngaw ngaw in sapna kingah bek
tham loin, tun UN ah pawlmi le thukuppih thei ding dinmun
kingah ta cih thu ZIUSA makaite tungtawn in kizasawn hi. Ni
dangin Zomite pen UN ah member lut theihna cih genloh
Meeting zong akihel zo ngeilote i hi hi. Tua bek tham loin
minam kician khat zong kisuak zo hetlo kawm kalah tu in
Pasian in Zomite minam kician khatin hong bawlin, UN
member nangawn hong ngahsak ahih manin, Zomite hong
bawl, hong makaih Topa min i phat hi.
Dahpihna
Pa On Khan Kam Thang –Hatlangh (Kum50):
Bu Khup Za Vung leh Pi Tun En Cing, Anlangh khua mi
te’ tapa Pa On Khan Kam Thang –Hatlangh beh (Kum 50)
in 14.05.2014 ni in University zato pi panin hong nusia ahih
manin ZAM-ZSM zumpi panin ih dahpih mahmah hi.
Pa Thang pen 2005 kumin Malaysia gam na tung aa,
namdang te tawh kithuahna tamzaw ahih manin Zomi
kipawlna, Khua kipawlna leh kipawl na khat peuhpeuh ah na
kihel khalo hi. Hi bangin tuahsia in muhmawh a hong om
ciangin Anlangh khua kipawlna in akhuapih pa luanghawm
in han atan theih na’ng in mimal lip in sum kidong uh aa,
ZSM in vai khempeuh buaipih in Sg. Buloh hanmual ah ki
vui thei hi.
Hih bang khua kipawlna pen thupi in etteh huai ka sa
mahmah hi. A hi zongin Zomi U leh nau akua mapeuh in ih
damlai, thu ih ngaihsut theih hun lai in kei kua hi a, kua teng
tawh kipawl in, koi mun ah ka min pia ding ka hiam cih te ih
ki vangkhual theih nangin Pa Thang luanghawm in Zomi te
tungah thu hong genin hong kamvai khakna kician mahmah
hi. “Pa Pasian aw Zomi te hong damsak in.”
Pa Thang Suan Tuang (Kum 35):
Pu Khup Khua Vungh Laitui khua ii tapa, Pa Thang
Suan Tuang (Kum 35) pen Lamdungah tuahsiat na lianpi
tawh Selayang zatopi na kipuak a, 22.5.2014 ni in Selayang
zatopi panin a leitung nuntak na beita ahih manin ZAM-ZSM
zumpi panin ih dahpih mahmah hi. Pa Tuang pen Zomi
hihna ZAM card tawi ahih banah Genvai kipawlna ZSM
pawllut mi ahih manin sumbei leh vai khempeuh zumpi
panin kisem to dinghi. Nusiat Zi leh nu leh pa, sanggam te
tawh kibangin Zumpi panin ih dahna ih pulak hi.
ZSM pan zaksak kikkikna:
Zomi sungah khua makai, Pawlpi makai leh veng
makai khempeuh tungah anihvei na kong zasak kik uhhi.
2014 kum ZSM lut nang laibu len khempeuh in a nunung
pen 31/5/2014 beima in na laibu let te uh nong ap kik
nangun zahtak na lianpi tawh kong zasak kik uhhi. Nang
laibu kepsungin member lutsa khatin tuahsiatna hong tuak
kha leh nang khutsung a omlaibu pen zum panin buaipih
zawh na omlo ding hi. Banghang hiam cih leh Kha 5 sung
sawtta ahih manin sazian ki khak nuamta hi.
Lungdam kohna
 Zomi Catholic (ZCCM, St. Joseph Church, Sentul) pan
tukal Thupuak bawlna ding RM50 hong piakhia leuleu uh
ahih manin lungdam ihko hi. ZCCM Pawlpi tawh na kizop
nop leh: Francis Khampi 016 269 1351.
 Tuithang khuami Tg. Thang Muan Suum, Tg. Sian
Tuang leh Phai a teng Tg. Mungpi in kalsim Zomi
Thupuak bawlna dingin RM50 ta tawh ma hongpang
khawm ahih manin ki lungdam mahmah hi.
Nupa pum khat suahna pawi lungdam kohna
Pum khat suahna pawi a hong lungdam pih, hong uap
kipawlna makai tuamtuam te, pawlpi sia/sianu te, lawm leh
gual, khuapih tuipih leh meltheih u leh nau a kua mapeuh na
hun manpha uh nongpiak manun lungdam mahmah ungh.
Tg. Mangpu & Lia Tha Tha.