Ae ishq e nabi

E ishq-e-Nabi mere dil mein bhi sama jaana

Mujh ko bhi Muhammad ka deewana bana jaana

Jo rang ke Jaami par Rumi pe charaaya tha
Uss rang ki kuch rangat mujh pe bhi chara jaana

Mujh ko bhi Muhammad ka deewana bana jaana

Qudrat ki nigahein bhi jis chehre ko taktee thi
Uss Chehra-e-Anwar ka deedar kara jaana

Mujh ko bhi Muhammad ka deewana bana jana

Jis khwaab mein ho jaaye deedar e Nabi hasil
E ishq kabhi mujh ko neend aisi sula jaana

Mujh ko bhi Muhammad ka deewana bana jaana

Deedar e Muhammad ki hasrat to rahe baaqi
Juz is key har ek hasrat is dil se mita jaana

Duniya se Riyaaz ho jab uqba ki taraf jaana
Daagh e ghame Ahmad se seene ko saja jaana

Mujh ko bhi Muhammad ka deewana bana jaana
E ishq-e-Nabi mere dil mein bhi sama jaana