You are on page 1of 2

魔術私日記~戴帽的女仔@ 2007_0403

勢估唔到竟然會連續寫左幾日…

今午造訪金掌櫃時,竟然於魔術店附近見到一副熟悉的面孔:

「Andy Ko!」

我大聲地叫道,自然令他吃了一驚。各位觀眾,這就是鼎鼎大名的戴帽
的女仔~魔術師高正「安」,洋名 Andy Ko,而佢好尊重果幾位前輩就
會叫 佢 做「安」仔。執正黎講,我每次稱呼 佢 果陣都需要稱之為「可愛
的 Andy Ko」,原因稍後再述。

回想起黎,上次見佢已經係去年12月底的事,當時又係響灣仔,剛好
俾我見倒佢上完由著名美國魔術師 Kevin Spencer 主持的魔術治療堂之
後,有位小姐同 佢 話凡親有上堂的人都會有張證書,故此向 佢 查詢高姓
大名。就響佢向位小姐放哂電咁話「妳估下。」的時候,有個不識相的
人大叫一聲「Andy Ko!」,於是果位小姐就如釋重負地拿拿聲搵張證
書出黎交俾佢。呢位咁不識相的人,自不然正是小妹了,哈哈哈。

可愛的 Andy Ko 忽然出現,原來係同朋友食完飯,於是順道走過黎探望


金掌櫃, 佢 係四眼仔黎。兩隻眼都戴住隱形眼鏡架!好可惜,魔術店竟
然仲未開 喎 … 「唔通金掌櫃咁神通廣大,知您黎就專登避開您?」我問
道。「唔係掛?」佢答。

我向佢提到以前見過有個女仔提到個拍檔係 Andy Ko 時,個樣係迷迷糊


糊的,當時我都未知 佢 係邊位,但見位女仔暈哂大浪,亦不免懷疑「唔
通 Andy Ko 好靚仔?」。佢當然想知果位咁識貨的女仔係邊位,不過我
就無透露到。我仲即場同佢玩個心靈魔術,問佢係米食完鼓椒排骨,答
案原來係排骨飯至真。佢答完之後,即刻醒目地自動自覺跑去買香口膠
了。

後來知道金掌櫃起碼要成十分鐘之後先返到,我就提議話難得 Andy Ko
大駕光臨,不如一齊上樓上「踩場」。踩場是假,行開下是真,皆因兩
條冷企正度鐵閘前面等開門,好肉酸架!行行下,我就問佢有無俾陶才
子 sell 去睇佢有份參演的《地獄行》…

講到 呢 件事,又不得不差開話題:話說陶才子響去年演出《異域》時,
已嚇到我搵條披肩遮住個頭,開創用「耳仔」欣賞魔術的先河 … 我意思
係,假設披肩下的我無掩住對耳仔。驚到要遮住個頭唔敢睇,您估我會
唔會咁笨唔掩住耳仔 呢 可?《異域》嚇得我咁淒涼,今次仲要係《地獄
行》 … 唉,好奇怪,阿陶才子明知佢上次有份嚇得我咁慘,都仲會 sell
我睇多次佢演出的恐怖片…才子的脫俗思維實在難以讓凡人理解。

回到正題,話說可愛的 Andy Ko 響四月底都有套﹙猛鬼﹚話劇﹙七月十


四的萬聖 ﹚ 上演,故此我就提議 佢 應該同陶才子交換飛,點知 佢 失落地
答話陶才子響留言板主動提到 Andy Ko 有劇上演,可惜自己要趕住綵排,
唔得閒去睇。佢 講完之後,我地兩個都忍唔住笑出黎 …才子果然理「財 」
有道,人地未開到口就關上度閘,勁!

提到陶才子,我就同可愛的 Andy Ko 話要收返之前響留言板度講過的說


話:話說去年夏天,向來 sell 開老成持重的陶才子竟然迴光反照,青春
無敵到您唔信!咁我地呢類「老實」不客氣之流,讚佢後生左亦係出自
真心話。點知響今年的3月29日,即浸魔AP之前一日,我響金掌櫃
處遇上有成一個月零廿七日無見的陶才子,佢竟然「熟瀉了」 …「熟瀉 」
者,即較「成熟」與「熟透」更「熟」,搞到一臉于思,簡直我見猶疑
…猶疑自己係米老花勁左認錯人…唔知關唔關果套「Who fooled Pierre
To?」的 card trick 事呢?

「唔會的,唔會因為排戲排到殘的,應該係可愛就真。」似乎可愛的
Andy Ko 想搵陶才子做接班人,等自己可以脫離「可愛」家族。嘿嘿,
佢就想了。

傾下講下,忽然間,我發現眼前的商店唔係好熟,於是就問可愛的 Andy
Ko 話我地係米去左樓上果層,答案當然「係」啦。大鑊!連我都俾可愛
的 Andy Ko 電到迷迷糊糊添!唔係下嘛?!

最精釆的對話部分過去後,金掌櫃亦終於趕到了。

一次偶遇,換來一個為陶才子度身訂做的集體創作花牌:

其實呢,我覺得下句用「音容宛在」會較好,一來貼題﹙地獄行﹚,二
來押韻,不過見可愛的 Andy Ko 咁堅持…由得佢吧。至於點解 Andy Ko
被列入「可愛」家族,就要留待下回再分解,敬請密切留意。