You are on page 1of 1

a[wDrSm &pfcsfwmpau; 7 &Sd ivsif}uD; vSKyfcwfcJh

nDnD? Zefe0g&D 13 &uf/ 2010

အမေရိကန်ပြည်ထောင်စု တောင်ဘက်ပိုင်းနဲ့ ကျူးဘားနိုင်ငံ တောင်ဘက်၊ 
အတ္တလန်တစ် သမုဒ္ဒရာနဲ့ ကာရစ်ဘီယံ ပင်လယ်အကြားမှာ တည်ရှိပြီး ဒိုမီနီကန် 
ရီပတ်ဘလစ်နဲ့ ကျွန်းတခုထဲပေါ်မှာ တည်ရှိတဲ့ဟေတီနိုင်ငံမှာ ဇန်န၀ါရီ ၁၂ ရက်နေ့ 
ဒေသစံတော်ချိန် ညနေ ၄ နာရီ ၅၃ မိနစ်မှာ ရစ်ခ်ျတာစကေး ၇ ရှိတဲ့ 
ငလျင်ကြီးတခု လှုပ်ခတ်သွားခဲ့ပါတယ်။ 

ထို ငလျင်ကြီးဟာ လူဦးရေ ၂ သန်းခန့် နေထိုင်နေတဲ့ ဟေတီနိုင်ငံရဲ့မြို့တော် ပို့တ် 
အူလ် ပရင့်စ် (Port Au Prince) မြို့ရဲ့ အနောက်တောင်ဘက် ၁၀ မိုင်အကွာကို 
ဗဟိုပြု လှုပ်ခတ်ခဲ့တာ ဖြစ်ပြီး ငလျင်ဗဟိုနဲ့ အနီးတ၀ိုက်မှာ ငလျင်ငယ် ၁၈ ခု 
ဆက်တိုက် လှုပ်ခဲ့ပါတယ်။ ငလျင်ငယ်များဟာလည်း ရစ်ခ်ျတာစကေး ၅.၉ အထိ 
ရှိခဲ့တဲ့အတွက် ပျက်စီးမှုတွေကတော့ အလွန် များပြားခဲ့ပါတယ်။ သို့သော်လည်း 
အခု သတင်းရေးနေချိန်အထိ ထိခိုက်သူ၊ သေဆုံးသူ စသည်ဖြင့် မည်သူမျှ 
အတိအကျ မသိကြရသေးပါဘူး။ 

Original Map ­ USGS အခု လှုပ်ခတ်တဲ့ ငလျင်ဟာ နှစ် ၂၀၀ ကျော်အတွင်း အဆိုးရွားဆုံး လှုပ်ခတ်တဲ့ 
ငလျင် ဖြစ်ပါတယ်။ ငလျင် လှုပ်ခတ်မှုကြောင့် သမတအိမ်တော်အပါအ၀င် 
အဆောက်အဦများစွာ ပျက်စီးခဲ့ပါတယ်။ သမတအိမ်တော် ထိခိုက် ပျက်စီးခဲ့သော်လည်း ဟေတီသမတကိုတော့ ထိခိုက်မှု မရှိကြောင်း 
သိရပါတယ်။ ငလျင် လှုပ်ခတ်ပြီးပြီးချင်း အနေအထားနဲ့ ပတ်သက်ပြီး ဟေတီနိုင်ငံရှိ အမေရိကန်အေဂျင်စီတခုမှာ ကန်ထရိုက်လုပ်ကိုင်နေတဲ့ 
မိုက်က် ဂေါ့ဒ်ဖရီ (Mike Godfrey) က “မိနစ်အနည်းငယ်အတွင်းမှာပဲ ဖုန်မှုန့်တွေ မီးခိုးမှုန်ကြီးတွေ မြို့ပေါ်ကို ထိုးတက်သွားတယ်။ အဲဒီ 
ဖုန်တွေ မီးခိုးမှုန်တွေဟာ စောင်နဲ့ အုပ်ထားသလို မြို့တခုလုံးကို မိနစ် ၂၀ လောက်ကြာအောင် ဖုံးအုပ်သွားတယ်“ လို့ မီဒီယာတွေကို 
ပြောပြပါတယ်။ 

ဟေတီနိုင်ငံဟာ ဒေသတွင်းမှာ အဆင်းရဲဆုံးနိုင်ငံဖြစ်ပြီး သဘာဝအန္တရာယ်များ ဆိုးဆိုးရွားရွား ခံရတဲ့နိုင်ငံ ဖြစ်ပါတယ်။ အခု ငလျင်လှုပ်ခဲ့တဲ့ 
နိုင်ငံတောင်ပိုင်းဟာ အရှေ့ အနောက် ငလျင် ပြတ်ရွေ့ကြောပေါ်မှာ တည်ရှိပါတယ်။ ဟေတီနိုင်ငံမှာ လူဦးရေ ၉ သန်းကျော် နေထိုင်လျက်ရှိပြီး 
နှစ်တိုင်းလိုလို ဆိုးရွားတဲ့ ဟာရီကိန်းမုန်တိုင်းတွေကို ခံစားရလေ့ ရှိပါတယ်။ ဟေတီငလျင်နဲ့ ပတ်သက်ပြီး အမေရိကန်နိုင်ငံခြားရေးဝန်ကြီး 
ဟယ်လာရီကလင်တန်က ထုတ်ဖော် ပြောကြားခဲ့သလို အမေရိကန် တာဝန်ရှိသူတွေဟာ အကူအညီပေးရေး လုပ်ငန်းတွေ အဆောတလျင် 
လုပ်ကိုင်လျက် ရှိပါတယ်။ ဟေတီနိုင်ငံမှာ ရှိတဲ့ ဆွေမျိုးသားချင်းတွေနဲ့ ပတ်သက်ပြီး ဆက်သွယ်မေးမြန်းနိုင်ဖို့အတွက် အမေရိကန် 
နိုင်ငံခြားရေးဝန်ကြီးဌာနက ၁ ­ ၈၈၈ ­ ၄၀၇ ­ ၄၇၄၇ ဆိုတဲ့ တယ်လီဖုန်းနံပါတ်တခုကိုလည်း ဖွင့်လှစ်ပေးထားပါတယ်။ ဟေတီငလျင်အတွက် 
ပြင်သစ်၊ ကနေဒါနိုင်ငံတွေကလည်း အကူအညီတွေ ပေးဖို့ ပြင်ဆင်နေတယ်ဆိုတဲ့ သတင်းများကိုလည်း ကြားရပါတယ်။ 

အခု သတင်းရေးနေချိန် (နယူးယောက် စံတော်ချိန် ည ၂ နာရီခန့်) အထိ ဟေတီငလျင် အပျက်အစီးနဲ့ ပတ်သက်တဲ့ တိကျတဲ့သတင်းတွေ 
မသိရှိကြရသေးပါဘူး။ တယ်လီဖုန်းလိုင်းတွေ၊ အခြား ဆက်သွယ်ရေးစနစ်တွေလည်း ပြတ်တောက်သလောက် ဖြစ်နေပါတယ်။ 
စီအဲန်အဲန်ရုပ်သံသတင်းမှာတော့ ဟေတီ ကုန်သွယ်ရေးဝန်ကြီးဌာန အဆောက်အဦ ပြိုကျသွားကြောင်း၊ အနည်းဆုံး အမေရိကန်နိုင်ငံသား 
နှစ်ဦး အပျက်အစီးများအကြား ပိတ်မိနေကြောင်း ကြေငြာသွားပါတယ်။ 

pmrsufESm - 1 rlydkif - ,ae@jrefrm