You are on page 1of 2

魔術 私日記 ~學魔 術動機 @ 2007_0406

由細至大,我對魔術的興趣其實真係不大,甚至近乎零;對於魔術
師,我的感覺從來都係「好驚」而唔係「好威」。忽然轉變,對魔
術產生學習動機,其實係為因成長後的反思:自問琴棋書畫全不通
…噢,我又胡說八道了,其實我想說自己對下象棋和耍太極更加不
感興趣,但如果希望能夠與爸爸溝通,父女間有著共通話題,我就
必須學習魔術,因為這也是家父的興趣之一。

記得細個果陣,我爸爸經常表演小魔術俾我睇,而我屋企亦有本
《萬國魔術》,佢係由魔術界老前輩朱宏譽先生撰寫的。可惜的是,
當時我對魔術真係無乜興趣,日子耐左,爸爸亦再無心機響我面前
表演,甚至搞到佢響搬屋果陣都無心機帶埋本魔術書走,本書就咁
漏低左響舊屋,人間蒸發。每次想起呢件事,我都會好難過。如果
我早點識得反思,早點願意學習魔術,我就唔會傷害得爸爸咁深…
我都係響呢幾年先至知道,原來爸爸真係咁鍾意魔術,甚至夢想成
為職業魔術師。為著謀生,佢放棄左呢個人生夢想,只餘下最小的
奢求,就係響女兒面前表演魔術,希望女兒做佢唯一的觀眾,能夠
為佢報以鼓勵的掌聲。因為呢個緣故,學習魔術對我黎講,係一樣
好沉重的承擔同責任,而唔係關乎愛與不愛、喜歡與不喜歡、有表
演慾或沒有表演慾,甚至屬於個人愛好或娛樂的問題。

回憶那天~2004 年 12 月底,機緣巧合之下,我同爸爸響後台遇見
魔術先生,有趣的是爸爸竟然對魔術先生話我好「迷」魔術,當時
我忍唔住愕哂然,心道:「好似係您迷多過我迷喎,爸爸!」魔術
先 生聽倒爸 爸咁 講, 就俾 左佢張咭片過我,話香港魔術家協會
(MAHK)每個月都有聚會,叫我上去睇下。已經上過魔術初班的我,
當時已對 MAHK 有初步認識,而更重要係我知道全香港每個人終生
只能免費出席該組織的每月聚會一次,之後就一定要加入成為會員。
如果肯俾會費就可以參加的話,我只不過係需要考慮金錢問題,可
惜事情並唔係咁簡單。申請成為會員除左要有兩名現任會員推薦,
初步加入唔知幾多個月之內,就一定要響例會表演一套魔術,合格
後又要全體會員同意先至可以正式加入…唔知其他人點睇,但我就
覺得好嚴格,亦令我有種感覺,覺得呢個係一個正規組織,但凡入
得會的人,一定係對魔術抱住誠心誠意的態度,絕對唔會輕視魔術,
認為係細路仔玩泥沙,而且亦要讀好多書,對魔術呢門學問有深入
瞭解,先至可以成為會員。
就係咁,雖然我拎住會長,即係魔術先生的咭片,雖然我好想去睇
下究竟果度係一撻點樣的地方,但我依然唔敢上去…我希望等到我
讀「夠」書,對魔術有某程度的瞭解,先至去敲 MAHK 大門。不過,
事情黎得比我想像中快。一年半之後,因緣際會,我響一撻撻度認
識金掌櫃同陶才子,又因為碰巧見倒佢地寄緊 MAHK 會員開會通知,
陶才子就邀請我出席每月例會,我推辭不掉,只有硬著頭皮去推開
呢道我一直唔敢推開的大門。講到呢度,正好解釋一下何解我話
Simon Ma 馬前輩原來都有鐵漢柔情的一面:話說原來每個出席例會
的新人,都要向大家介紹自己及講返係由邊個介紹黎。輪到我介紹
自己時,我先企起身向魔術先生致歉,話拎左佢張咭片之後,一直
都唔敢黎,而今次係由陶才子…呢個時候,我忽然差點出唔倒聲咁
濟,因為全場忽然起哄叫陶才子個英文名,且怕我講的下面果句
「…同金掌櫃介紹我黎。」,係得我前面果兩行的人有機會聽倒。
嘈成咁,我都唔知可以點做之際,忽然馬前輩運氣提聲道:「你地
靜D,俾人地講埋落去。」,大家先至肯冷靜落黎。所謂鐵漢柔情,
就是這樣的一回事,讀者們千祈唔好諗錯隔離呀!

關於例會內容方面,在此尚且不提,您去過就自然知,只係對於加
入 MAHK 的理念與見解,就令我同陶才子發生一場激烈的爭辯,拗
左好多野。諗返轉頭,或者當時我的見解同立場並不能算得上完全
正確,但當中拗的某一件事,我就真係唔能夠承認自己完全錯哂:
正如上文所述,我對 MAHK 抱著極為虔誠的態度,認為加入得呢個
組織的人必須對魔術有深厚的認識,但陶才子卻不同意,覺得只要
鍾意玩魔術的人就可以參加,就算呢世人只識兩、三個 tricks 都已
經好足夠,唔需要學習太多…時至今日,我會認為陶才子呢番說話
適用響家父身上,因為佢玩魔術係抱住輕鬆同開心的態度,但卻不
適合用響我度,因為我係由一個對魔術不感興趣,到今時今日努力
去研習的魔術學習者,無可能只係識兩、三個 tricks 就足夠,甚至
唔需要學習太多。實際上,佢呢番說話亦唔適合用響佢自己身上,
因為凡親認識陶才子的人,都知道佢成日都同人話自己響魔術方面,
需要學習的實在太多…

結果,我擱置加入 MAHK 的念頭。話到尾,人地陶才子先至係資深


魔術師,發表的言論自然有其份量,至於我呢亭水皮友只可以稱得
上係香港魔術界的一粒塵,無關痛癢。既然我睇得 MAHK 咁高深莫
測,難以高攀,咁我呢個水皮魔術師放棄嘗試加入 MAHK,亦係一
件理所當然的事…自從識得咁樣開解自己之後,我就再無為著無緣
加入 MAHK 而喊了。