You are on page 1of 4

Editor

in Chief
Editor
Jt. Editor
News Ed.
Cir. Mag.
OB i/c

Vengthlang Branch YMA Chanchinbu


Phek
2

Lo in ring ru...
Tunkar atangin Chhiatni/
Thatni Fund Rs. 300; Membership Fee Rs. 2 leh Endowment Fund Rs. 10 chu
Section hruaituten an rawn
khawn tan dawn ta.
Vengchhung mipuite kan
inhriattir a. Mi tlawmngai
fak ten an khawn ve thin
avangin Section hruaitute
hnenah lo chuan engmah
pek loh tur a nih bakah
hetiang an awm chuan
Branch OB te hnenah a
rang thei ang berin kan
hriattir dawn nia.
Keimahni
Kum tam tak chhung YMA
Palai lak man Rs. 10 a kan
khawn thin chu kumin atang
hian kum khat atan Rs. 150
a khawn tur a ni a. Section
OB ten remchangah an
rawn khawn dawn.
Lawmpuina thuziak pe
Ni 30.1.2015 (Zirtawpni)
khan kan memberpui F.
Lalthlamuani leh Dr
Samuel Lalhruaitluanga te
ni 5.2.2015 an inneihna
turah lawmpuina thuziak
pek a ni.
MHIP thu leh hla
Kum 2015 Vengthlang
Branch MHIP hruaitu Pi te:
Pre : Lallawmzuali
Vice Pre : H. Hrangluti
Secy : Helen Lalhriatrengi
Asst. Secy : Lalnipuii
Trea : Lalhlupuii
Fin. Secy : R. Tlangmawii
Chhiatni/Thatni Fund in
tinah Rs. 100 an rawn
khawn bawk dawn.

Kum : XXIV

: Lalnunsanga Fanai (9862120903)


: Chanchinmawia (9615820416)
: C. Zonunpuia (9862022375)
: Andrew Zohmangaiha
: Lalramzauva Chawngthu (8575462587)
: Lalhmachhuana Fanai

Vawi : 4 Tahrik Ni : 1 Ramtuk thla (February) 2015

Phek
3

Phek
4

Ni 1 Ramtuk Thla 2015: Ni 27.1.2014 (Thawhlehni)


khan YMA Runah Branch OB, Section OB, Sub
Commitee hruaitute leh YMA Palai Editorial Board
member te Joint Meeting neih a ni a, hemi rual hian
Hruaitu thar hlanna neih nghal niin member 51
atangin mi 42 an kal khawm.
Pu F. Vanlalliana, Vice President-in Meeting hi
kaihruaiin, Upa K. Lalthlenglianan Hruaitu thar hlanna
leh hunserh hmangin Pu C. Laltanpuia, President hnen
atangin YMA Member mawhphurhna, Section hruaitute
mawhphurhna leh Sub-Committee kalphung te ngaihthlak
a ni a. YMA Population register kan neih tangkaina te a
sawi bawk. Thawhhona tha tak hnuaiah thahnem ngai taka
hma la theuh turin kal khawm te a sawm.
Pu H. Lalthanmawia, Fin. Secretary hnen atangin,
Chhiatni/Thatni Fund, membership Fee, Endowment
Fund leh YMA Palai man khawn chungchang hriat tur
pawimawh te ngaihthlak a ni a, Section hrang hrang sum
khawn leh thehluh chungchangah felfai taka kan kal theih
nan tan la turin Section OB te a chah nghal bawk.
Joint Meetingah hian kan branch dinhmun leh
hmasawnna tur hrang hrang te sawiho a ni a. Thu
tlangpui te:
1. YMA Palai man fel fai zawka a luh theih nan Section
OB ten khawn nise. YMA Palai man hi kum khat atan
Rs. 150 khawn ni tawh se.
2. Chhiatni/Thatni Fund pe lo chhinchhiah nise.
3. Sub Committee hrang hrangten Minute bu felfai
taka vawn theuh nise.
4. Sum tuaka inhlawhnaah fimkhur tlan nise. YMA in
a thawh awm chi inhlawhna zawn hram nise.
Kumpuan hawng
Ni 30.1.2015 (Zirtawpni) India ram puma Faina
ni hman chungchangah Central YMA ten min ngen
angin hman a ni a, kan Branch huamchhunga Zirna In
7 te sawmin hnatlang hi neih a ni.
Hemi ni hian School naupang 500 vel
thawkchhuakin Vengchhung tifai a nih bakah kan
Branch Kumpuan Fai Kum hawnna Pu C. Laltanpuia,
President in Primary School II kawtah nei nghal a ni.
School naupang kalkawmte hnenah Faina chungchang
zirtirna neih nghal a ni.
Thisen Pe
Ni 23.1.2015 (Zirtawpni) a mi tlawmngai thisen pe te:
Tv. Zonunsanga (K-Sec) Pu Lalmalsawma (K-Sec) leh
Tv. C. Lalngaihsanga (T-Sec)

Kristian nundan tha ngaihsan

Lusun
Ni 28.1.2015 (Nilaini) tlai dar
2:30 khan YMA Palai Editorial Board hmasa ber leh
Vengthlang Branch YMA OB
hlui Pu Lalhmangaiha Khiangte
chu Thin tha lo avangin an
chhenna in ah a boral a, a ruang
hi tlaivarpui niin ni 29.1.2015
(Ningani) khan Branch Executive Committee ten pawndum
nen thlah liam a ni.
Vanapa Section
Kar hmasa lama Committee
tura an lo ruahman chu
vengchhungah chhiat tawk an
awm avangin ni 3.2.2015
(Thawhlehni) zan hian YMA
Run ah neih tura ruahman a ni.
Branch OB leh Section
OB
Ni 26.1.2015 (Thawhtanni)
khan Vengthlang Branch OB leh
Section hrang hrang OB te
YMA Run bungrua singsa in an
hnatlang a, Pu R. Zoliana (TSec) an motor rawn thawh
chhuakin bawlhhlawh a paih sak.
Tin, ni 30.1.2015 (Zirtawpni)
khan kuang siam hnatlang neih
a ni a, kuang hi 8 siam a ni a.
Pu F. Vanenga ten an motorin
kuang hi kudamah dah nghalin
an chungah Branch OB ten
lawmthu an sawi tak meuh
meuh a ni.
Pe
Ni 26.1.2015 (Thawhtanni)
khan Kuang hunna hlui chu
Dinthar Branch YMA hnenah
hlan a ni.
Chhuanawm
Pu R. Zarzosanga s/o Upa R.
Khawbula (Fam) chu Saiha
DC atana dah a ni. Champhai
chhulchhuak zingah DC kan
neih hmasak ber a ni a, Palai
enkawltuten kan chhuang hle.

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE
President
: C. Laltanpuia
9615021656
Vice President : F. Vanlalliana
9615558817
Secretary
: Lalhmachhuana Fanai 9615030822
Asst.Secretary : C. Lalthanpuia
9862657366
Treasurer
: H. Laltharrenga
9856782358
Fin. Secretary : H. Lalthanmawia
9862936734

YMA Palai SEMTUTE

Vanapa Section : CB Lalbiakdika, Vanlalchhuanga Sailo, Lalrinsanga,


Zonunmawia, Lalpekhlua, Lalrindika, R. Lalhmangaihzuala, VL
Thlamuanpuia, Lalfakmawia, Lalawmpuia, Josua Lalrammawia Ralte, KN
Thlamuana, Zohmingmawia
Neuva Section : K. Zoramchhani, Vanlalruatzela, Lalbuatsaiha,
Lalhminghlua, Sumeon Lalherliana, Lalmuanpuia, C. Lalnunpuia
Khuangchera Section : Thomas Malsawma, David Lalhminghlua,
Lalhmangaihzuala, Lalhmingsanga, Lalruatsanga, Vanlalpeka, Lalhrilmawia,

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

Chhiat tawhte tanpui


hi YMA mawh ni lovin Mizo
mawh a ni, tanpui ngai tanpui
hi YMA mawh ni lovin
mihring mawh a ni. Mahse
chuti chung chuan YMA tih
turah kan dah deuh bawk si.
YMA chu engnge a nih tak
chiah le?
YMA hi tu emaw
hmalaknaah te kan dah deuh
niin a lang a, Mizo min thui
khawmtu pawimawh tak a ni
a, Mizote hian kan ngaihhlut
poh leh a hlu tial tial dawn
tihna chu a ni mai a. Hnam
chhunga engtiang zawng
emawa indona kan chawh
chhuah phet chhung hi chuan
kan dinchhuahpui har ngawt
ang. Hnam anga kan
inthurual lohzia chu YMA
atang hian a hriat khawp mai!
YMA deuh leh YMA vak lovah
te kan la inthen hrang thei te
hi chu hnam ropuizia chu a ni
lo ngawt mai!
Engpawhnise YMA
thatna tur chuan Branch
atang bawka chak hi a ngai
a lo ni a, Branch chakna
siamtu chu mimal atanga Section a ni a, chuta tang chuan
khawtlang a nghawng a, ram
thlengin hnuhma a nei thei a
ni. YMA member kan nih
chuan tihtur kan nei a, chu
kan tihtur chu midang hlen
chhuah tura dah hian mimal
leh khawtlang kan phatsan
tihna a ni. Thil ropui ti tur
hian mawhphurhna sang tak
neih a ngai reng reng lo. Kan
hmabaka kan mawhphurhna
hlen mai hi thil ropui par
chhuahna atana kalkawng
pakhat a lo ni reng tawh mai.
Hemi rilru nei chung hian
Pathian leh khawtlang tan
rawng i bawl ang u.

PU LALHMANGAIHA KHIANGTE PUALIN


Pu Lalhmangaiha Khiangte hi Kum 1961 October, 26 ah Champhai Vengsangah a lo pianga. A pa chu
Upa K.Biakhranga (L) niin, a nu chu Pi Thangziki (L) a
ni. Unau pianpui 8 a nei a, ni 7.9.1984 ah Pi C
Lalbiakkimi nen an in nei a.
Pu Lalhmangaiha Khiangte hian Kum 1984 ah
Middle School Zirtirtu hna a thawk tana, hemi hnu 1989
ah BA a pass leh a. Ni 4.7.2012 ah Headmaster-ah
hlankai a nih hnuin, ni 18.7.2012 atanga vawiin ni thleng
hian Ruantlang Middle School Headmaster hna a thawk
a ni.
Pu Lalhmangaiha Khiangte hi khawtlangthila
inhmang mi tak a ni a. Nihna a chelh tam tak hi a chelh
hun leh a lo nih tawhna hriat theih a ni tawh lova, atlangpui
han tarlang dawn ila,
1) 1983 - 1984 : Vengsang Branch YMA
Asst.Secretary
2) 1985 - 1986 : Vengsang Branch YMA Secretary, Vengsanga a awm chhung hian Vengsang Sporting Club ah hun reitak chhung hruaitu nihna a lo chelh tawh bawk a ni.
3) 1992 - 1993 : Vengthlang Branch YMA Finance Secretary
4) 1995 - 1996 : Vengthlang Branch YMA Finance Secretary.
Heibakah hian Vengthlang Branch YMA Chanchinbu, YMA Palai Editorial Board
Member hmasa ber zingah a telin kum 1992 leh 1993 khan YMA Palai hi a lo enkawl
bakah thuziak lamah nikum 2014 chhung ringawt pawh khan thuziak tam te zingah a la tel
thei a. Vengchhung leh khawtlang tana a ngaihpawimawh te a thuziak ah hian a tarlang
tlangpui thin a ni. Tin, Vengtlang Branch YMA ah hian Kum 2014 thleng khan Executive
Committee member niin, Kumin hian taksa bawrhsawmna avangin a chawl ta a ni.
Kum 1997 vel a Champhai Combat Games Association an in din khan a din
chhuaktu zingah telin hun eng emaw tichhung hruaitu nihna a lo chelh tawh bawk. Kum
1990 ah Champhai Games & Sport Association Executive Committee Member niin, Kum
1995 - 1999 chhung khan hruaitu hna a lo chelh tawh bawk.
Heng bakah hian Champhai Volley Ball Association-ah hruaitu hna heng kumah te
hian a lo chelh tawh bawk a ni.
1)
1983 - 1984 : Asst.Secretary
2)
1984 - 1985 : Secretary
3)
1985 - 1987 : Asst. Secretary
4)
1987 - 1989 : Executive Committee Member
5)
1989 - 1991 : Secretary
6)
1991 - 1992 : Asst. Secretary
7)
1992 - 1997 : Executive Committee Member
8)
1998 - 1999 : Vice President
Amah hi infiam mi tak a ni a, a bikin Volley Ball leh Football a khel tam ber a,
Football-ah hian a hunlaia Goal Keeper tha ber pawla ngaih a ni thin nghe nghe.
Politics lamah pawh sulhnu eng emaw zat neiin Champhai Congress Youth Block
Secretary leh President hnate pawh a lo chelh reng tawh bawk.
Tin, tunah hian Vengthlang Biakin mual Welfare Committee-ah Chairman ni lai
mek a ni.
Heti khawpa Vengthlang Branch YMA leh YMA Palai mi hlu kan chan avang hian
YMA Palai Editorial Board chuan tun tum chhuak hi ama tan kan hlan e.

Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE


Taitesena Section : Jonathan Lalnuntluanga, Joseph Malsawmtluanga,
Lalbiaksanga, Lalrohlua, Lalremsanga, F. Lalrinawma, Lalnunnemi, Lalnunzira,
Benjamin Lalrintluanga

YMA ADVISER
Pu RC Zahlira ; Pu C. Vanlalnema ; Pu F. Lalfamkima ; Pu PC Zohlira

VANAPA SECTION
Leader
Asst Leader
Secretary
Asst Secy

:Pu C. Lalremruata
:Pu Lalramhluna Sailo
:Pu PB Hrangthana
:Tv. Christopher
Chawngthanmawia
Treasurer
:Pu PC Ngaihtuahkima
Fin.Secretary:Pu F. Lalchhandama

YMA Thuvawn : YMA chu tanpui ngaite tanpuitu a ni

CHELSEA FC
Tunlaiah chuan Club tha ber pawl leh tawhkhirh ber pawl an ni a,
belhchian leh chhui tham zet an ni ve ta. Hetiang taka club lian leh ropui annihna
hi la reilo hle mahse Mizoramah pawh an fans te chu a pawr ber leh ruhkawl
ber pawl a ngaih anni chho ta rengmai. Premier League a thawm ngah ber pawl
leh champion tura rinkai ber Chelsea FC hi engtiang taka lo indin nge an nih
leh an lo thanchhoh zel dan te han chhuichiang teh ang hmiang.
Chelsea Football Club hi March ni 10, 1905 a din tan a ni a, London
hmarveng, Fulham hmuna innghat a ni. A dintu leh hmuchhuaktu hi Gus Mears
a ni a, kum 1912 a a thihsan hnu pawhin Mears a thlahte hian kum 1982 thleng
an enkawl zui a ni. Hetiang taka club lian leh lar an nihna hi chu la reilo mahse,
an history-ah hian English Football inelna sang berah an tel pha ve deuh reng
thung. 1904-ah Gus Mears hian athletics stadium ni thin Stamford Bridge chu
a lei a, football ground a let turin. He hmun bul lawka Fulham ground aiin a
thlang zawk a ni. Mahse Fulham FC a lo awmsa tawh avangin a club thar dintur
chu Chelsea tiin a vuah ta a, reilote hnuah English Football League khel tura
thlan an ni nghal nghe nghe a. Kum 2 an khelhna ah First Division-ah an
inhlangkai a, hemi hnu hian hun engemaw ti chhung chu first division leh second division ah an teikual deuh zak zak a, 1915-ah FA Cup Final an lut a,
Sheffield Utd lakah an tlawm ta hlauh . 1920 ah First Division-ah pathumna an
ni a, heta tang hian mipui ngaihven hlawh tanin player lar deuhte pawh an la lut
ve thei tan ta a ni.
1954-55 English League ah an champion a, hei hi an hlawhtlinna hmasa
ber a ni. Mahse he an hlawhtlinna hi an chhawmnung thei lo a, kum 5 chhung
tehmeuh chu League laihawl velah an tal ve mai mai.1964-65 ah League Cup
rawn chawi lehin 1970 ah FA Cup, 1971-ah UEFA Cup Winner's Cup an chawi
leh a, an vawng chho viau dawn na in 1977 vel atang khan sum lamah harsatna
tawkin nasa takin an tlahniam a, player tha te hralhin relegate te pawh an tuar
nghe nghe. 1983-84 ah second division-ah championin first division ah an
rawn chuangchhuak leh ta a. Hemi hnu hian lawmman sang dawng lem lovin an
tal ve mai mai a, 1996-ah Ruud Gullit chu player-manager atan ruat a ni a,
1997-ah FA Cup a chawipui nghe nghe. Gullit thlaktu Gianluca Vialli-in League
Cup a chawipui a, a bak hi chu Claudio Renieri hovin 2002 FA Cup Final an
thleng hram.
June 2003 ah Russian billionaire Roman Abramovich an Chelsea FC
chu 140 million zetin a lei a, 100 million chuang zet player tha leinan a
hmang nghal bawk. Mahse heti chung hian Reneiri hian eng Cup mah a chawipui
thei chuang lova, 2004-ah Jose Mourinho chuan rawn thlakin kum 2 a zawn
ngatin Premier League a rawn champion pui nghal a, indopui 2-na hnu a an
chawi leh vawikhatna a ni!! Hei bakah hian 2005 leh 2007 ah League Cup,
2007 ah vek FA Cup a chawipui bawk. 2008-ah Avram Grant an rawn thlakin
UEFA Champions League final a thlenpui.2009-ah Guus Hiddink a enkawlna
hnuaiah FA Cup an chawi leh a, 2009-10 ah Carlo Ancelotti hovin Premier
League leh FA Cup an chawi leh bawk. 2012-ah manager mumal nei lovin
caretaker Roberto Di matteo hovin FA Cup an chawi a, a vawikhatna atan UEFA
Champions League title an la bawk. Season laklawh laia an manager lak Rafael
Benitez a hovin UEFA Europa League ah an champion bawk.
June 2013-ah ropuina rama lo hlangkai tawhtu Jose Mourinho an lalut
leh a, a rawn kir leh hnu kumkhatnaah chuan 3-na chauh nihpui mahse, tun, a
kumhnihnaah erawh chuan vawi 22 khelh tawhah point 52 lai hmu tawhin point
5 zeta falin hma a hruaipui leh ta luah luah mai anih hi. Kuminah hian a vawi 5
na atan Chelsea hi English top flight football ah a champion pui thei
angem??...... sawi chaaaak deuh ka nei
Zofate hmasawnna ngaihtuah

I hria em ?
@ India rama International Institute of Music nei hmasa ber
state chu Kerela a ni.
@ Guiness book of world
record-a India Union government scheme an ziahluh thar chu
Prime Minister Jan Dhan Yojana
(PMJDY), mi rethei bank account hawnna a ni.
@ "Neither a hawk, nor a dove"
ziaktu chu Khurshid Mahmud
Kasuri a ni.
@ School zawng zawnga web
based education programme
kalpui thei hmasa ber chu
Arunachal Pradesh an ni.
@ Tuna lal zinga upa ber chu
Queen Elizabeth II a ni a, a upa
ber thin King Abdullah of Saudi
Arabia chu tunhnai khan a boral.
@ "Tunnel of Time" hi RK
Lakshman-a chanchin ziahna bu
a ni.
@ Zambia President thar chu
Edgar Lungu a ni.
@ Saina Nehal leh P Kashyap te
chuan tun hnaia Syed Modi International Badminton Championship ah women's leh men's
single-ah pakhatna an hauh ve ve.
@ Channapatna toys hi thing
atanga siam naupang lawm a ni a,
Karnataka state atanga siam
chhuah a ni.
@ zirchianna chuan mipa hian
hmeichhia aiin "Ka hmangaih che"
tih hi an sawi hmasa zawk tih an
hmu chhuak.
@ Rimawi ngaihthlak hian chaw
kan ei laia nuam kan hriatna, kan
thluaka dopamine hi a tichhuak
ve thei.
@ china rama leihnuai tui 90%
vel hi chu in tlak lohvin a
bawlhhlawh.
@ Khawvela lei 40% hi ram 6 in
an luahzo
@ Scientist tam zawk chuan kan
sik leh sa danglam chhan hi
mihring thil tih vang niin an ngai
a, mipui nawlpui zingah chuan sik
leh sa danglam chhana mihring
thil tih ringtu hi 50% vel chauh
an ni.

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

NEUVA SECTION

TAITESENA SECTION

Leader:Pu Rosangliana
Asst Leader:Pu Lalfamkima Varte
Secretary:Tv C Zorammuana
Asst Secretary:Tv. JH Lalruatfela
Treasurer:Tv. H. Lallawmkima
Fin.Secretary:Nl. Lalparmawii Colney

Leader:Pu T. Daniela
Asst Leader:Pu R. Zoliana
Secretary:Pu H. Lalrammuana
Asst Secy:Tv. HS Malsawmdawngzuala
Treasurer:Nl H Ramengmawii
Fin.Secretary:Nl. Ramdintluangi

KHUANGCHERA SECTION
Leader:Pu C Vanlalpeka
Asst Leader:Tv Lalawmpuia Sailo
Secretary:Tv. C. Zothansanga
Asst Secretary:Pu CD Lalnunthara
Treasurer:Pu Lalthangmawia Colney
Fin.Secretary:Pu K. Lalramnghaka

YMA Kumpuan : Ram Leh Hnam Humhalh Branch Kumpuan : Fai Kum

Hausak thutna thuruk :


Olympic-a gold medal lak hi hausak thutna a ni, chiahpuam ai pawhin a
hlawk zawk! Kum 2016-a Rio-a Olympic Games neih turah India sorkar chuan
India infiammi zinga gold medal la thei an awm a nih chuan cheng nuai 75 pek a
tiam. Hei hi kar hmasaa International events-a Scheme of Special Awards to
medal winners a ennawnnaah a siamtha a ni.
Ennawn dan chuan Olympic games-a gold medal la chuan cheng nuai
75 a la ang a, silver medal lain cheng nuai 50 leh bronze medal lain cheng nuai
30 an dawng dawn a ni. Asian games leh Commonwealth Games lamah thung
chuan gold-in cheng nuai 30, silver-in cheng nuai 20 leh bronze-in cheng nuai
10 a kengtel dawn a ni. Heng sumfai a kentel tur hi World Championships,
Asian Championships leh Commonwealth Championships te neih hunbi a zirin
a danglam thei dawn a ni. Hei bakah hian Paralympic Games (summer &
winter), Para-Asian Games leh Commonwealth Games-a medal latute sum
dawn tur pawh bithliah a ni dawn. Infiamna hi eizawnna chu sawi loh, hausakna
atan a tlak tawh!

AK-47
Thiante u min lo hrethiam teh
u, tunlai chu kawng engkimah
hian ka phur em a ni...
Pu Richard-a, V-Sec
Zanin inkhel tur te

Barclays Premier
League

Serie A

Telangana-ah Swin Flu avangin mi 25 boral :


H1N1 virus an tih Swin flu avangin Andhra Pradesh atanga indang
thar Telangana ah chuan January thlachhung Inrinni Janaury ni 31 thleng
khan mi 25 in nunna an chan ta. State health department chuan mi 1,472 te
an test atangin mi 523 an positive tih an tarlang. Swin flu avang hian Andhra
Pradesh ah pawh thi an awm ta bawk.
Russia in US-NATO aia chak sipai neih tum :
Nimin piah zirtawpni khan Chief of the General Staff of the Russian
Armed Forces, Valery Gerasimov chuan US-NATO sipai lama an chungnun
zelna chu Russia chuan danchah a tum thu a sawi a, Russia chuan kumin
chhung ngei hian missile regiment pali din an tum thu leh missile tunlai thei
ang ber a uluk taka missile troops chu thuam an nih tur thu a sawi.
Kum 2016-2020 Russia defence plan pawh chipchiar taka duan a ni
tawh tih sawiin President Vladimir Putin a hnenah approve tura thehluh a ni
tawh tih a sawi bawk. Hetih mek lai hian US Deputy Secretary of Defence,
Robert Work pawhin US chuan Defence plan thar leh an sipaite tuaithar an
mamawh tih a tarlang ve bawk.
Zin dawn :
Naktuk ni 2.2.2015 (Thawhtanni) hian kan Branch President Pu C.
Laltanpuia chu an chhungte inneih hmang turin Mizoram khawpui ber Aizawlah an kal dawn.
A nupuiin a phal chuan kar tawp lamah Champhai rawn chuanchhuah
leh an tum a. Tun tum hi a motor thar a Aizawl a zin hmasakna ber tur a nih
avangin YMA Palai Editorial Board te chuan a bik takin kan ngaihtuah hle a ni.

La Liga

i - League

Published, Edited and Printed by Chanchinmawia for and on behalf of Vengthlang Branch YMA