You are on page 1of 3

魔術 私日記 ~舞台 魔術賽 @ 2007_0407

第四屆香港舞台魔術公開大賽@2005

由 MAHK 搞的香港舞台魔術公開大賽及近景魔術大賽,通常都係梅
花間竹地一年舉辦一次,而今年應該輪到舞台魔術大賽。對上果唔
知邊篇 blog 提到前年搞的第四屆香港舞台魔術公開大賽,中間發生
左唔少趣事,但我得事先聲明,因為小妹當晚精神狀態欠佳,簡單
講就係暈暈地,故此除左我將會提及的趣事之外,基本上當晚發生
的所有過程係「全部唔記得哂!」。

回憶那天~2005 年 8 月 27 日星期六,當晚實在太多我唔知佢係何方
神聖的人出現啦!故此,我只會係記得果個名就講果個,唔記得都
無符格。要講的次序會係:阿聰、金掌櫃、柔力大師、亞強、Joker
同李 Sir…請恕我真係唔敢膽叫阿李 Sir 一聲「小齊」。至於何兆斌
…上次米講完囉,無野講佢啦。

點解要放阿聰響頭呢?原因果晚我遇見另一位義工班的女同學:寧
嫂2號,係佢話我知阿聰響下午舉行的準決賽度俾火燒親。既然燒
親,咁套 act 好唔好都唔會再響決賽出現啦下嘛?
金掌櫃方面,除左個妝化得太濃之外,其他很好,好得無話可說,
唯一可惜的係撞正李 Sir 聯同靚太 Gina 參賽,咁阿金掌櫃向以紳士
魔術師見稱,風度翩翩,禮讓美人亦屬意料中事,結果只係奪得一
席亞軍。如果靚太今年唔陪李 Sir 參賽的話…咳唔,我驚俾差人拉
…都係唔好亂嗡了。

至於柔力大師,佢係家父至愛。爸爸鍾意,做女兒的亦無謂多多事
幹,係米?

講到亞強…唉,都唔知點講好…每次睇佢演出,我都俾佢對轉來轉
去的雙腳吸引住,因為亞強的步法係好優美的,但正因為俾佢的優
美步法吸引左注意力,我差不多次次都唔得閒去睇佢手上功夫…故
此,我已經完全唔記得佢表演過乜野。

Joker …呢個有排講!話說我記得果個 Joker 係有鬍鬚的,但係呢


個無,所以當時我都唔敢肯定記憶中的鬍鬚佬係米等同眼前的參賽
者。Joker 表演項目「白巫」用上白色羽毛及火,但個火撻左兩次
都撻唔著,直至佢準備撻第三次的時候,忽然間第一行觀眾席有人
打左一個大乞嚏,我當然係即時嚇到成個彈起,但嚇得我最犀利的
卻係 Joker 望向觀眾席果個眼神,係非常非常之兇惡,直至今時今
日,回想起佢當時的眼神,我仲係忍唔住打冷震…好恐怖!

因為好多人都對 Joker 有好感,故此,我一定要作出聲明:我只係


話覺得 Joker「當時發出的眼神」好兇惡,我覺得驚係因為我不嬲
都咁細膽,並唔代表所有人見倒呢個眼神都會覺得兇惡或者感到驚
恐。

其實打乞嚏果位觀眾呢,我係識得的,佢係個心腸很好的人,只係
佢打乞嚏的力度實在好大,我每次遇著佢打乞嚏時都會嚇到成個彈
起,絕無誇大成分。我可以保證,佢只係咁橋打左個大乞嚏,絕對
唔係存心搞 wor Joker 的表演!anyway,最後 Joker 係撻唔著個
火,而我亦只記得佢個表演有白色羽毛、要撻火﹙雖則唔知有乜用
途﹚、有乞嚏聲和凌厲的目光,至於佢做過乜野,我又係無印象。

呢場比賽,最後係由李 Sir 勝出成為冠軍,其實早於一週前,我已


經響會展搞的歐大魔魔術節見過佢拍住靚太 Gina 演出,靚太一出
簡直令全場觀眾驚為天人,心如鹿撞,而李 Sir 亦順利贏得冠軍。
可惜等到頒獎時,Harry 哥哥同李 Sir 傾計,話當時個場面好似結
婚,李 Sir 就即時向全場觀眾澄清身旁美女「已經係老婆」,搞到
現場男士全部 dup 哂,唉…