You are on page 1of 4

25

13

05.4.2015

Y M A ch u ta np u i n g a i t e t a n p u i t u a ni

: K. Lalremruata
: C. Lalmuanpuia
: Lallawmkima
: H.Remsanga
NewsEd. : Biaknunmawia
: Isaac Lalhruaitluanga
Cir.Man. : Lalruatsanga, K.Sec
: Hmangaihzuala, V.Sec
: Zothlamuana, T.Sec
: Rosiamliana, N.Sec
: All Section O.B
Manager : R.Lalchhuanliana
Editor
Jt. Ed.

9862385971
8014125196
8575710867
8014225294
8974745971
9856548635
8729916274
8414048900
8014225293
8014883605
Ch.Sec
9862418894

CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) Hall Ph. 234336

VENGSANG BRANCH YMA EXECUTIVE


COMMITTEE VAWI IV NA NEIH A NI.
The Vengsang 05th April 2015.
Vengsang Branch YMA Executive Committee Vawi IV na chu
Dt. 31.3.2015 (Thawhleh) zan dar 6:45 pm khan Vengsang YMA
Committee Room-ah neih a ni a. President Pu Hmingthangsangan
committee a kaihruaia, Pu C. Lalengkima Branch Committee memberin
committee Pathian hnenah tawngtaiin a hlan a, hlanna a neih zawh
hnuin committee tan a ni.
Rorel I na : Sum Vawngtu Traning chungchang :
Vengsang Branch YMA OB, Section OB zawng zawngte sum vawn
dan traning neih tha tih a ni a. A hun leh ni tur te Banch OB ten lo ruahman se tih
a ni in, Traning pe turin Pu . Lalchhuanawma, Pu H. Remsanga leh Pu Lalrinsanga
te ruat an ni.
Rorel II na : Chhiatni / Thatni sum enkawltu chungchang :
Chhiatni / Thatni sum enkawtu chungchang sawi ho a ni a, Chhiatni /
Thatni sum hi tun a kan vawn dan pangngai hian vawn chhunzawm nise tha tih
a ni.
Rorel III na : Kuang siam chungchang :
Tuna kan kuang hman mek hi mawi hnai zawka siam dan a awm em tih
chungchang sawi ho a ni a. Branch OB ten lo zir chiangin committee hmasa
berah sawi ho leh nise tih a ni.
Rorel IV na : Information Sub-Committee lehkha :
Information Sub-Committee atanga lehkha lut, Information siamna hmanrua
leina an rawn dil chu phalsak an niin, Branch OB te nen lo lei mai se tih a ni.
Rorel V na : Michuang thlan siam chungchang :
Michuang thlan siam chungchang sawi ho a ni a. Mi chuang thlan siam
sak hi tha tih a ni a, Branch OB te leh Thlanmual Sub-Committee ten hma lo la
se tih a ni.
Rorel VI na : No thar lei leh No bawm siam chungchang :
Tun a kan No hman mek hi a tlem deuh tawh avang leh a chhiat tawh
avangin lei thar tha kan ti a. A ngai ang hi lei tawh lovin Steel No lei nise tha tih
a ni. Tin, No bawm pawh a thar siam tha tih a ni a, Branch OB te leh Property
Incharge ten hma lo la se tih a ni.
Rorel VII na : Sub-Hqrs. YMA Champhai atanga lehkha lut :
Sub-Hqrs. YMA Champhai Rorel Inkhawm Agenda atana rawtna a
hnuaia mi ang hian thehluh nise tih a ni.
Champhai District Hospital-ah Morgue Van (Mithi phurhna) a awm
theih nan Sub-Hqrs. YMA Champhai in hma la rawh se.
Rorel VIII na : VENGSANG Chanchinbu Silver Jubilee
Organising Committee leh Vanapa Section atanga lehkha lut :
VENGSANG Chanchinbu Silver Jubilee Organising Committee leh
Vanapa Section ten Chhiatni / Thatni dan siam thar sum tuakna atana a bu a
siam a zawrh chhuah an rawn dil chungchang sawi ho a ni a, Chanchinbu Silver
Jubilee Organising Committee ten siam zawk se tih a ni.

Branch / Section / Tualchhung


Branch News:
Committee :
Vengsang Branch YMA Executive Committee chu Dt. 31.3.2015
(Thawhleh) zan khan YMA Committee Room-ah neih a ni.
Hnatlang :
Kar kalta Dt. 31.3.2015
(Thawhleh) atang a 2.4.2015 (Ninga)
khan zingkarah Branch Committee ten
Kuang siam hnatlang neih a ni a,
hnatlanga thawkchhuak zawng
zawngte chungah Branch hruaitu te
chuan lawmthu an sawi tak meuh meuh
a ni.
Thisen pe :
Champhai District Hospital
ah thisen pek ngaite pek an ni a, heng
a hnuaia mite hi tlawngaia thisen petute
an ni :
1. Tv Lalrinzuala K.Sec
2. Pu C. Lalengkima V.Sec
3. Nl B. Lalremruati V.Sec
4. Pi T. Laldinmawii W/o
K.Laldawngliana K.Sec
5. Tv Laltlansanga Khawzawl
Tlawmngaia thisen petute in chungah
Branch Hruaituten lawmthu an sawi
mawlh mawlh a ni.
Ruang chhuak :
Pu Lalrosanga kum 48. S/o V.
Biakliana (L) Kelkang chu ni 3.4.2015
zan dar 10:00 khan Champhai District
Hospitalah pumna avangin a boral .
kuang siamsak niin an khua Kelkang
panpui nghal a ni.
Amah hi kan veng a seilian niin
Kelkang lamah hian eizawnna l a vanga
pem phei a ni.
Zin lo haw :
Vengsang Branch YMA Treasurer Pu F. Lalthanmawiia T. Sec. chu
hun engmaw ti chen Aizawl lamah a in
entir a, a cham hnu in kar hmasa
Nilaithawhtan ni khan a lo haw, hrisel
taka awm leh thuai kan beisei.

AGENTS : Lalramchuana Chawngbawla Sec, NeuvaSec.: Hriatpuia, Remsangpuii,


Pep-a, Lalbawiha, Rindika.Taitesena Sec.:Bawihsena, Awm awm-a, Rinkima,
HminghluaVanapa Sec.: Sawma,Hriatpuia, Pui-a,Muanawmi,Thafela,
Duhawma,Hriatpuii Khuangchera Sec. : Muanpuii, Rammawii, Mawia, Muanpuii

Editorial
COMMITTEE
Comit tee han tih hian thu
pawimawh Comittee Member ten an
sawi ho thin hi ti i la, kan sawi sual
awm lo ve.
Pawl hrang hrang a tam zela
chung pawl ho chuan thurel ngai chi
a awm chuan Committee Member
ten an sawi ho laih laih hnuah Committee Member kal khawmte atanga
sawitu tam ber angin thu tlukna siam
a ni thin.Committee Member te
ngaihtuhna sen that leh sen that lohah
te, Committee thurel bawhzui chak
leh chak loh hi pawlho chak leh chak
lohah a in nghat hle a ni.
Committee hi pawlho tan hian a
paawimawh em a avang hian
mawhphurtu pawimawh zual deuh deuh
han tar lang ta i la.
A hmasa ber ah chuan Chairman
hi a khaipa leh thurel khaikhawmtu
dinhmun changtu a nih avang hian a
inbuatsaih tha hle tur a ni a, member
kal khawmte ngaihdan a zah thiamin
a ngaihdan ang lo taka thu tih tluk a
ngaih chang pawhin a khaikhawm thin
tur a nia, thu inchuh a awm chang
pawhin a thuneihna thiam takin a a
hmang tur a ni.
A dawt leh ah chuan Secretary te
an inbuatsaih uluk hle tur a nia. Agenda
sawi fiah kawngah leh lehkha lo lut ang
chi pawh a awm a nih chuan
inbuatsaihna tha tak nen a sawifiah thei
tur a ni. Chairman phalna la hmasa lo
phei chuan ngaihdan a sawi pawh a rem
fo lo a ni.
A pawimawh ber chu Committee
Member te an nia, Agenda hriat sa a
nih phei chuan ngun taka ngaihtuahna
lo sengin Commmittee na ah a thu tur a
ni. Ngaihdan sawi ve tum miahlo a
Committee na a kal ve ngawt hi an tih
tur a ni lo. Committee Member nih ve
tawh chuan Member tam tak ai a awh
teuh a ni tih a hre tur a ni.
A tlangpui kan han sawi atang hian
Committee na a thu chin chuan hma
sawn zel i tum ang u.

SECTION NEWS :
Neuva Section : Neuva section-te chuan Pi Lalngeni hoin ni 02/04/
2015 (Nilaithawhtan) khan YMA huanah thing lain an hnatlanga, member 27
lai an thawk chhuak thei. Pi Ngeni chungah hian Section hruaituten a bik takin
lawmthu an sawi a ni. Member-te ruah nasa taka sur hnuaiah vawt pawh sawi
lovin thahnem ngaitakin section tan an thawka an chungah hian Section hruaitute
an lawm em em a. Hetiang member thahnem ngai tak tak an neih avang hian
section hruaitute pawh an thla a muang hle a ni.
Vanapa Section : Vanapa section-te chuan ni 02/04/2015 (Nilaithawhtan)
khan YMA huanah thing lain an hnatlanga, member 20 bawr vel an thawk
chhuak thei a ni. Member thawk chhuakte ruah sur hnuaiah thahnem ngai takin
an thawka, member thawk chhuak zawng zawng te chungah hian Section
hruaitute an lawm hle a ni. Member hnatlang ve lo te phatna siam tur an ti a, hei
hi a chhan chu member hnatlang thawk chhuak lo an tam thin vang a ni.
Hriselna Huang :

BWK HI
Dr. Doris Lallawmzuali. M.D. (Pathology)
Kan taksaa bawk hian ngaihven a hlawh ta khawp mai. Cancer natna
leh cancer vanga thi Mizo zingah kan tam tak em avang hian, kan taksaa bawk
a awmin inentir vat kan chin thar zel a pawimawh a ni.
Bawk chu : Bawk hi taksa peng hmun hrang hrangah a awm thei deuh vek a.
Thil chi hrang hrang vang a ni thei. Thal bawk hi nghawng, beng hnung, khabe,
zak-hnuai leh kapah te hian a awm duh a. Centimeter 1 (khat) aia a len loh hi
chuan bawk naran, pun (infection) vang emaw a ni duh hle. Naupangah phei
chuan a awm duh em em a. Hlauh-awm a ni lo a, damdawi ei chuan zawi
zawiin a reh mai thin a ni. Thal bawka hlauhawm awm ve thei erawh chu Lymphoma (Thal cancer) leh cancer tai darh (metastasis) te hi an ni. Cancer hi i
pum, hnute, chuapah emaw i hriat miah lovin a lo awm thei a, hriat chhuah tlai
a nih chuan i Thalah lo tai darhin bawk a rawn siam thei a ni. Thal bawkna
chhan dang leh chu TB (tuberculosis) vang a ni thei bawk.
Hnute bawk hi a tam viau bawk. Vanneihthlak takin a tam zawk hi chu bawk
hlauhawm loh, cancer-a chang lo chi an ni a. Mahse hnute cancer hi kum 2030 mi lekahte pawh kan hmuh tak zeuh zeuh avangin, hnute bawk pawh hi
ngaih-thah mai lova, a rang thei ang ber a entir thin tur a ni.
Awrpuar pawh hi a tam khawp mai. Awrpuar cancer hi chu a awm ve
fo nain a tam lutuk lo. Awrpuar tam zawk hi thyroid hormone tlakchham/ tam
lutuk vang a ni thei. Damdawi tha taka ei a ngai a, chuvangin ngaihthah loh a
tha. Heng bakah hian, thau hlawm bawk (Lipoma), thisen zam bawk (Hemangioma), vun to lut bawk (inclusion cyst) leh bawk dang tam tak a awm thei.
Taksa peng hrang hrang-ban, ke,dul, lu, hnungah te a awm thei. Heng bawkte
hi entir a, a tul a nih chuan zai thlaktir mai tur a ni. Bawk i neih chuan engtin nge
Doctor in a lo tih ang?
1. FNAC : A tlangpuiin, FNAC (Fine Needle Aspiration Cytology) ti turin a
lo rawn ang che.Hei hi hriaua bawk kha vih a, a timur (cells) hip chhuah a,
stain hnuah, eng bawk nge a nih tih enlenna (microscope) hnuaia en mai hi a
ni. He test hi a awlsam a, a rei lo a, a tlawm bawk. Civil Hospital, Aizawlah
tih theih reng a ni. Cancer, TB leh natna chi hrang hrang hi chiang (accurate)
takin zaa sawmkua (90%) vel chu a hriat chhuah theih a ni.
(Column leh lamah chhunzawmna)

CHAMPHAI VENGSANG CHANCHINBU KARTIN CHHUAK. A MAN THLAKHATAH Rs 15/


President
: Hmingthansanga ( 9862713079) - Vice Pre
:
C. Zohmingliana ( 9862533342)
Secretary
:
J.C Lalrammawia (9862598936)
Asst. Secy : C. Lalmuanpuia (8014125196)
Treasurer
: F. Lalthanmawia (9862506254)
Fin.Secy : R. Lalrindika (8974408379)

VC / TUAL CHHUNG NEWS


Khap tlat a ni : Champhai DC thu
chhuak angin Ui leh Ar reng reng
pawh ah chhuah khap tlat a ni a,
chhuah lui kan awm chuan Police
ten an vai reng a, man an tawk a
nih chuan pawisa chawi tir zel tur
anih avangin thu pek hi zawm theuh
kan tum dawn nia.
Motor Sil : Vengsang Sporting
Club te chuan sum tuak nan Motor
sil tura committee in a lo pass tawh
chu Dt. 4.4.2015 (Inrinni) khan sil a
ni a, tlawmngaih chhuah a motor sil
tir tu zawng zawngte Sporting Clob
hruaitu ten in chungah lawmthu an
sawi tak meuh meuh a ni.
Chhaktiang Badminton Club :
Chhaktiang Badminton
Member te Kum 2015 chhunga
Annual Member Fee pek a hun leh
ta a, heng ahnuai mite hnenah hian
pek tur a ni. Annual member Fee
hi Rs. 100/- a ni a April thla chhung
ngeia pek tur a ni.
1) Pu Hmingthanchhunga
2) Pu H. Remsanga
3) Pu Dr. KT. Lalrammawia
4) Pu Samuel Lalduhawma

VENGSANG FISHERISES
ASSOCIATION NEWS
Date 26.03.2015 zan khan
Vengsang Fisheries Association
Hruaitu thlanna Vengsang YMA
Hall-ah neih a niin heng a hnuai ami
te hi hruaitu thlan chhuahte an ni.
President :
F. Lalsangpuia
V.President : R. Lalruala
Secretary :
JC. Vanlallawma
Asst. Secy :
Rothanga
Treasurer :
J. Malsawma
Fin. Secy. :
F. Lalengliana
Sangha khawi lama tui mi member ni duh tan membership fee
O.B. te hnenah hina April thla
chhungin pek tur a ni. Member Fee
hi member thr tan Rs. 100/- leh
member ni tawh sa tan Annual Fee
Rs. 50/- pek tur a ni.
Member ni lo tan sangha
chi leh sangha chaw a thlawn a sem
te dawn ve theih a ni lo vang.

HRIATTIRNA
Vengsang Sporting Club chuan 15th April 2015 (wed) hian Local Tournament Football - Mens, Under - 14, Under - 12 te tan a buatsaih dawn a,
vengchhung a infiammi te atam thei ang ber tel turin kan insawm in kan inhriattir a
ni. A tel tur te a hnuaia mi te hi hriattur pawimawh te an ni.
1) Enrty Fee

Men
Under 14
Under 12

Rs. 100/Rs. 50/Rs. 50/-

2) Security

Men, U-12, U-14

Rs. 50/-

3) Membership fee

Rs. 10/- (mipakhat tan)

4) Last date of entry

Ni 10.4.2015 (Fri)

5) Under 12

Kum 2003 apiang chin

6) Under 14
:
Kum 2001 apiang chin.
(Under 14, Under 12 ten Birth Certificate Xerox Copy 1 thehluh tel tur)
7) Entry Fee, Security, Membership fee pek na tur te :
i) Pu H. Remsanga
ii) Pu C. Rodinpuia
iii) Tv. C. Lalrodinga iv) Pu C. Lalmuanpuia
Tournament hi Chhangphut Foeld-ah neih tur a ni ang.
Sd/- Secretary
Vengsang Sporting Club 2015
2. Biopsy : FNAC atanga hriat chian theihloh emaw, tih-chian lehzual nan biopsy
tih a ngai thei. Doctor-in bawk kha a vaiin emaw, a them emaw a zai thla ang a,
chu taksa them chu kar hnih khat vel sawngbawl a nih hnuin microscope hnuaiah
zir chian leh a ni a. Tisa inrem dan chu uluk taka enin i natna chu hriat chhuah a ni
thei ang. Biopsy hi a langa rawn bawk chhuak kher lo-hnar, hrawk, beng chhung
atang te, pumpui, chaw kawng, chuap, ril, chhul, etc. atang te hian lak a ni thin.
Pumpui leh chaw kawng atang chuan Endoscopy (chaw kawng enna) hmangin an
la a, chuap atangin Bronchoscopy (chuap enna) hmangin an la thin.
Pawimawh dangte : Thil pawimawh em em pakhat chu, i eng lai pawh kha zai
tawk la, biopsy report hi lam leh ngei ngei ?hin tur a ni. I chhul an paih emaw, i mit,
rilphir, tonsil, i awr bawk (thyroid) an zai emaw doctor ten an zai thlak kha paih mai
lovin, biopsy turin Pathology Department-ah an rawn thlen a. Chu chu uluk taka lo
enin, damdawi chi hrang hranga sawngbawl a nih hnuah, biopsy report hi pek thin
a ni. Entir nan, i chhul kha cancer nih ringhlel lem lovin doctor in a paihsak che a;
mahse, uluk taka i chhul kan en khan cancer kan lo hmuchhuak thei reng a ni. I inzai
zawh khan i hna a zo mai lo a, report i lak a, doctor i entir leh ngei a ngai a ni.
Report i rawn lam loh chuan, cancer nei reng siin, cancer damdawi (chemotherapy)
leh hem (radiotherapy) la loin i lo awm thawveng mai mai thei a ni. Chutih laiin i
cancer kha nasa tak a lo tai darhin, enkawl awmze awm lo khawpin a lo nasa hman
thei. Chutiang bawkin mit, chi bawm, leh bawk hnawksak mai maia i ngaih kha
cancer a lo ni reng thei. Doctor-in a zai reng reng che chuan, biopsy turin an thawn
vek tlangpui a, chuvangin i report kha ngaihthah ngai suh ang che.
I tlai ang e!.
(Source Hriselna Mag. January '11)

VENGSANG BRANCH YMA DIN TAN KUM: 13th OCTOBER 1946

YMA CHANCHINBU CHHUAH TAN KUM : 1991

CHHIAT TAWH CHUNGCHANGA LAWMTHU SAWINA


Ka fapa Hmingthanpuia kum 40 in Dt 28.03.2015 a min boral san
chungchangah lawmthu sawina tur tam tak kan nei a, a damloh tirh atanga a dam
theihna tura sum leh pai senga min kan tu zawng zawng leh minal leh kohhran hrang
hrang ten min tawngtai sakna te avangin thlamuang tak leh nareng chunga dam takin
kan awm theih phah a, Doctor leh staff zawng zawng ten theih tawp chhuaha min
enkawl avang tein kan lawm em em a, oxygen kan mamawh tak reng avangin
Vengsang Branch YMA in oxygen khawl min hawh tirin PHE Dept in Generator te
min hawh tir avangin buai lovin kan awm theih phah a kan lawm em em a. Thenawm
khawveng ten kan mualpho hlauin motor te ron thawh chhuakin a tul ang ang min
thawh sak a, min tih sakna te avangin kan lawm em em a. Hla tak tak atanga Pathian
thu leh tawngtai sak a min pan tute zawng zawng chungah kan lawm em em in,
Vengsang Branch YMA leh khuangchera section-te, Ramthar kohhran ten a tir atanga
min ngaihven renga a tawp thleng kan mamawh zawng zawng min hawh tir a min
ngahtuah sak a, kan khawhar hlau a min lenpuia min riahpui avangtein kan lawm em
em a ni. Kan chunga in thatna zawng zawng hi a hluin a tam lutuk a keini rulh sen rual
a ni loh avangin Pathianin a let tam takin rul in awmpui reng che u rawh se.
In khawngaihna dawngtu
Vanlalruati leh a chhungte
Vengsang PHE Veng, Champhai

SUNNA
Kan member pui duhtak,
Pu Lalthanpuia, kum 40 Khuangchera Section hlim tak leh lungrual
taka khawtlang tana kan thawh ho laia dt. 28.3.2015 (Inrinni) a min boral
san hi hun lo kan tiin kan van ui tak che em.
I kal san tak i nupui fanau, i chhungkhat laina zawng zawngte Pathian
in thlamuan in awmpui se tih hi kan tawngtaina a ni.
Lui ral ram mawiah khian kim taka in tawh khawm leh kan
beisei

VENGSANG BRANCH YMA 2015


Keimahni :
Tunlai hian Chanchinbu man khawn mek a ni a, bial thenkhatah chuan
kum khat man a pe tlak nghal te pawh kan awm a, a lawm awm khawp mai. Kum
khat man a pe tlak remchang lo te chungah pawh Editorial Board chuan lawmthu
a sawi mawlh mawlh a ni.
Hetih lai hian hriat sual palh a awm nia hriat ani a, kumin Febuary thla
khan nikum lama a man la pe lo te hnenah Rs 100/- a khawn kha kumin 2015
chhunga chanchinbu man nen a lo ngaih pawlh kan awm ni a hriat a ni a.
Chanchinbu enkawltu ten in mi hriat thiamna kan han ngen nghal a, tuna a man
kan khawn ah hi chuan kum khata lak man Rs 150/ in emaw Rs 50/- in emaw
mahni rem chan dan ang anga lo pe mai turin veng chhunga chanchinbu la tu
zawng zawngte kan in ngen nawn leh a ni. Tin, a khawn tura kan ruat te pawh kan
theih ang ang a khawn tur leh kan khawn ang angte Editor hnenah emaw Manager
hnenah ah emaw theh lut vat turin kan in ngen nawn leh a ni.

Englo huang....
*kohhran inkhawma
Control room a kan duty ve
ringawt chu, Generator ka
on tumna lamah biakin
chhung zawng zawng kan tih
thi hmuk mai chuh! Thusawitu
pa manganga lo chhuk ruai
ruai mai lawm le! Tih chi loh
ngei mai.
-Kiki-a V. Sec.
* Nupui neih chu a
chhangchhiat theih ngei mai,
ka nupui in Zawhte puitling
13 ngawt mai a lo chhawm
chuh! zan lamah pawh kan ri
nuaih nuaih reng mai.
-Zodinpuia T. Sec.
* Pasal neih ve ka tum
tawh teh reng nen duh aiin ka
chhungte hi an hmanhmawh
lo tlat mai.
-Ropuii N. Sec
* Hun han kal muan zia
hi, kawngkham min malis sak
tur ka mamawh tawh a sin le.
-Dingte-a N. sec.
* kumin chu pasal neih
kumah ka puang ve tawp mai
-Mami (Tomi) T. sec.
* Kuang siam chhunga
han mut zan mai chu
bengchaw ka dawng nasa
malh malh khawp mai
-Mamawii K. Sec.
* ka thu lo chuan Zofed
Pump atang hian tuman oil an
la chhuak tur a ni lo hrim hrim.
-Zarte-a K. Sec.
* Nau awm tul em em
laiia hla zir han rei leh thin hi
chu, inthlahrung em em in ka
pi bulah ka haw dun dun leh
zel a ngai tho si a..
-Enkola N. Sec.
* Ngatinge aw? ka Motor hmang tute hian Vai a
maw min tih ve ziah le, ka
sam kir vang leh ka motor
chei ran vang hi chu a ni em
lo ang chu maw
-Terema V. Sec
* Ka la ho tluang zel e.
-Ramchuana Ch.Sec.