JAKU IBAN TAHUN 4

TAUN DICHELAK

2007

TAUN DITABUR

2008

Bahagian Teknologi Pendidikan Negeri Sarawak

Lot 1256, Jalan Dato Mohd.Musa
94300 Kota Samarahan
Telefon : 082 661669
Faks : 082 - 672669

ISI PROGRAM
PROGRAM

TOPIK

DAUN

Isi Program

i.

Pelasar kenang

ii.

1&2

Nemuai ke rumah panjai

1- 6

3&4

Ngentak rumah baru

7 -13

5&6

Pemeresi mai Pengerai

14 -19

7&8

Penyerida nuju ngagai jalai

pengerusak

20 -23

9 &10

Ensera Jelu

24 - 29

11 & 12

Randau Pemansang

30 - 34

13 & 14

Sayauka Jelu Siga

35 - 38

15 & 16

Nembiak ti mujur dalam peresa

SPM

39 - 43

17 & 18

Nupi Ikan dalam Tangki Semin

44 - 46

19 & 20

Nyambut Hari Merdeka

47 - 50

21 & 22

Pekit Begiga Entelah

51 -55

23 & 24

Leka Main Anak Mit Anjun Juli

56 - 58

25 & 26

Belajar Nengah Zoom A

59 - 65

27 & 28

Palan Ngelantangka Ati

66 - 68

29 & 30

Entimuk Seduai Kejuang

69 - 78

Glosari

79

Jaku Terima kasih

80

PELASAR KENANG
Program Radio Sekula Pelajar Jaku Iban Taun 4 tu dikeluarka
ngambika tau nyadika kereban bantu iya nya nulung bala
pengajar enggau nembiak ngajar enggau belajar. Program tu
ngundan 15 iti topik ti mungkur jalai jaku, pemereti mendingka
randau, leka main enggau pengelandik bukai ti patut ditemu
bala nembiak. Semua pengelandik ke disebut datas nya tadi
endang belalauka Kerembai Turai Pelajar Taun 4.
Batang pekara ti balat dikemeran dalam program tu nya:

Nyendiaka pengelandik mending dalam pengawa

ngajar enggau belajar

Nyendiaka pelajar ti ngasuh nembiak ransing lalu

enda mudah leju tauka joyful learning.

Nyendiaka chara belajar ke bereti enggau chara

belajar nengkebang ngena jaku ti menuku sereta
menyana.

Nota Guru tu ngundan 15 iti topik, tuju siti siti topik, pengawa
apin mendingka program,pengawa maya mendingka program
enggau pengawa udah mendingka program. Bala pengajar
dipinta macha sereta beratika malin tu dulu sebedau
mendingka program ti ditaburka awakka kita nyamai nyendiaka
kereban ti diguna nembiak.

Nanang Mada
Pengeluar Program Pelajar Jaku Iban,
Pusat Sumber Pendidikan Negeri Sarawak,
Lot 1256,Jalan Dato Mohd.Musa
94300 Kota Samarahan.

ii

PROGRAM 1
Tusun Pelajar

Pelajar 1 & 2

Topik

Nemuai ke rumah panjai

Asil Pelajar

1.39 Ngaga cherita pandak nitihka

penerang ti diberi
2.30

Meri reti ngagai leka jaku baru

3.28

Nujlis leka jaku betandu ari utai ti

dibacha

Tuju

Udah mendingka program tu, nembiak

dikarapka ulih :

i)

nyaut sekeda tanya sereta meri reti leka

jaku ti bepelasarka cherita ti didinga.

ii)

ngerintaika leka jaku betandu ti didinga ari

cherita

iii)

ngaga cherita pandak ti ngundan tema

pasal nemuai ke rumah panjai.

Batang Pelajar
Dalam program tu bala nembiak dibai ningaka randau 3 iku nembiak
enggau siku nembiak enggau siku malin temuai rumah panjai Tanjung
Lemu.
Apin Mendingka Program
1.

Pengajar nerangka reti leka jaku baka ngerinduka ati

dikembuan, ransing enggau iya ti bukai.

2.

Pengajar enggau nembiak betanya saut pasal topik tu.

3.

Pengajar ngelalau nembiak ngasuh sida mendingka randau

enggau lenak.

Pengajar nyediaka kad manila ti ngundan 4 iti tanya ari

pengajar radio.

Maya Mendingka Program

1.

Nembiak mendingka randau.

2.

Pengajar milih nembiak nyaut tanya pengajar radio lalu

ngelekatka kad manila ti ngundan tanya pengajar radio ba
papan tulis.

3.

Nembiak nyaut tanya pengajar radio.

4.

Pengajar tau ngemetulka saut ke enda betul ari nembiak.

Tusun Pengawa
1.

Nembiak mendingka randau 3 iku nembiak enggau Aki Ayoi ti

lalu nyadi malin temuai rumah panjai Tanjung Lemu.

2.
.

Pengajar radio nanya nembiak belalauka randau sida sebuat

3.

Pengajar kelas milih nembiak nyaut tanya pengajar radio.

4.

Nembiak nyaut tanya pengajar radio.

Udah Mendingka Program.

1.
2.

Pengajar tau nerangka baru reti lekajaku tusut ngagai

nembiak.
Nembiak diberi latih betulis pasal belalauka topik

A.

Kereja latih

Saut tanya ti dibaruh ngena ayat penuh.

1)

Sebut pekara ti ulih narit ati bala temuai pasal

rumah panjai ?

2)

Padahka nama rumah panjai ke digusung bala

nembiak baka ti disebut dalam randau tadi ?

3)

Padahka kebuah alai anak lelaki Iban dulu kelia

mumpung pala munsuh?

4)

Padahka jalai orang rumah panjai ngidup ka

diri?

5)

Sebut nama tanda asal orang Iban?

B.

Nulis karang
Rumah panjai kami

Isi tempat lapang enggau leka jaku ti patut awakka ulih

nyadi siti karang pandak.
Rumah panjai kami disebut

Pemanjai rumah

panjai kami bisi .. pintu. Iya dipegai siku Tuai Rumah

ke benama Iya bisi mayuh bengkah bilik. Sekeda ari
bengkah bilik ti bisi di rumah panjai iya nya baka Lebuh
orang rumah panjai deka nyembui padi, padi nya dijembui ba
Kereban sereta keresa lama ditaruh ba
Setiap pintu bilik bisi orang ke dikumbai .. .Kena 1
Jun ninting taun rumah panjai ngintu gawai ti dikumbai
.

C. Gaga ayat ngena leka jaku tu/nambai jaku

narit ati

basa

bebela

ngelansa

dibantai

digerami

Chunto : Lebuh bisi pengerami Gawai Dayak, tuak

dibantai ke diirup bala pengabang.
1.

2.

3.

4.

5.

6.

..

* gambar tu diambi ari internet

Tanda asal Iban dikumbai Ajat

PROGRAM 2
Tusun Pelajar

Pelajar 3 & 4

Topik

Ngentak Rumah Baru

Asil pelajar

1.14

Tuju

Udah mendingka program tu

nembiak dikarapka ulih :

i)

ii)

Meri saut nitihka penerang

Meri saut mudah nitihka penerang pasal

pengawa
ngentak rumah baru.
Meri saut ke engkeman ari ke endang
disadang.

Batang Pelajar
Dalam program tu, bala nembiak deka ningaka jaku kenang
pasal pun pengawa ti gaga rumah panjai baru ti dikumbai
ngentak.
Apin Mendingka Program
1.

Pengajar dipinta betanya saut enggau nembiak pasal

pengawa ngentak rumah baru.

2.

Pengajar nerangka mayuh bengkah bilik ti bisi ba

rumah panjai baka tanju, ruai, tempuan .dinding ukui ,
pelabuh enggau ujung bilik sereta enggau ke bukai.

3.

Nyendiaka kad manila ti ngundan 4 iti tanya.

4.

Pengajar milih nembiak nyaut tanya ari pengajar radio.

Maya Mendingka Program

1.

Nembiak mendingka randau.

2.

Pengajar milih nembiak nyaut tanya ari pengajar radio.

3.

Nembiak nyaut tanya ari pengajar radio.

Udah Mendingka Program

1.

Pengajar meri jaku sereta penerang ke engkeman agi

pasal pengawa ngentak rumah baru

2.

Nembiak diberi latih betulis pasal ngentak rumah baru.

A.

Kereja latih
Saut tanya ti dibaruh ngena ayat penuh.

1)

Dini bala sida sebuat tu tadi

berandau?

2)

Nama pendiau rumah sida Tuai

Rumah Ibi jam ke diatu?

3)

Nama kebuah Anyai tau tepuruk?

4)

Sebut bagi sitak-sitak bilik enggau

sitak bukai ba rumah panjai kitai Iban
ti ditemu kita.

B.

Nulis karang

Belalauka gambar ti di baruh tu isi tempat lapang enggau leka

jaku ti patut awakka ulih nyadi siti karang pandak.
bilik besai

,dinding ukui , ruai ,pantar, sadau, pugu

tanju

* gambar tu diambi ari Internet

Rumah panjai Iban bisi mayuh sitak bilik. Bilik endur
Iban diau sereta ngenatka diri dikumbai Antara
bilik besai enggau tempuan disebut .
Lebuh Iban bisi pengerami bala Iban semua begelumu
ba. Bala anak temuai lelaki diasuh tinduk ba
lebuh sida ti bemalam di rumah panjai.Keresa enggau
pesaka lama ditaruh ba .Padi enggau mayuh bengkah
asil bumai betupi dijembui ba

C. Gaga ayat ngena leka jaku tu

tepuruk ngentak
beansak -ansak

reretuk

likun

Chunto ayat :
Anyai nyau tepuruk laban teindikka
gelegar ti udah buruk lalu patah.

1.

2.

3.

4.

10

D.

Beri leka jaku ti belaban reti enggau leka

jaku ti diberi di baruh tu

a.

Kelia

b.

Kurang

c.

Beguai

d.

Tinggi

e.

Ujung

f.

Suah

11

Pengawa ti ulih dikereja ba ruai rumah panjai.

12

Tanju

13

PROGRAM 3
Tusun Pelajar

Pelajar 5 & 6

Topik

Pemeresi Mai Pengerai

Asil Pelajar

1.8 Ngeluluka pendiau enggau

perangai orang dalam siti cherita.

Tuju

Udah mendingka program tu,

nembiak dikarapka ulih ;

i)
ii)

Bekenangka perangai siku siku watak

baka ti ditusui dalam cherita
Ngeluluka pendiau enggau perangai orang
dalam siti cherita.

Batang Pelajar
Dalam program ke sekali tu bala nembiak dibai ningaka
penerang ke diberi pemesai ari Opis Pengerai ari Klinik Batu
Kudi beserimbai enggau penemuai sida ngagai rumah panjai
Tuai Rumah Mujan.
Apin Mendingka Program
1.

Pengajar nusui cherita ti deka didinga ari radio enda

lama agi enggau ngelansa.

2.

Pengajar enggau nembiak betanya saut pasal

pekara ti deka dinga

3.

Pengajar nyediaka gambar gambar ti disadang

ulih nulung nerangka watak watak dalam cherita
nya lagi.

Maya Mendingka Program

1.

Nembiak mendingka randau ari radio.

2.

Pengajar nunjukka gambar gambar bala watak

watak ti deka ditiu dalam cherita.

3.

Ngerintaika leka jaku baru ti bisi dikena dalam

randau.

14

Tusun Pengawa
1.

Nembiak mendingka randau ari radio.

2.

Pengajar radio nusui cherita lalu pengajar kelas

mandangka gambar ti udah disendiaka ke tau
nulung nembiak meretika randau nya.
Udah Mendingka Program.
1.
Pengajar tau nusui cherita nya baru ngagai bala
nembiak.
2.

Bala nembiak tau ngeluluka cherita nya nitihka

raban diri empu.

3.

Nembiak ngaga kereja latih ti udah disendiaka

pengajar.

A.

Kereja latih

Saut tanya di baruh tu ngena ayat penuh:

1.

Sapa bagi orang ti datai nemuai ngagai rumah panjai

Mujan ?

2.

Nama penguntung ari kitai ke nyaga pemeresi ?

3.

Padahka semacham penyakit ti tau ngambi nyawa

nembiak baik ke mit tauka besai?

4.

Nama kebuah jelu tupi enda tau dilepaska sebarang?

5.

Nama penyadi enti kitai enda nyaga pemeresi?

15

B.

Nulis karang
Belalauka gambar ti di baruh tu nulis siti karang ti
ngundan enda kurang ar 70 leka jaku.

C.Gaga ayat ngena leka jaku tu

C.

Gaga ayat ngena leka jaku tu.

bepengerai
getar -getar

berubat
kasak kasak

1.

2.

3.

4.

5.

16

D.

Nama reti leka jaku di baruh tu?

Leka jaku

Reti leka jaku

Panas bulu
babas
Nabanka nyawa
Chayur - chayur
Ngenyapka bulu
mata

17

Masuk lumba enggau main

18

PROGRAM 4
Tusun Pelajar

7&8

Topik

Penyerida Nuju ngagai jalai pengerusak

Asil pelajar

1.1

nyaut sereta meri simpul penemu ti mudah

2.49

mending sereta nerangka perangai tauka ulah

dalam randau tauka kelulu

Tuju

Udah mendingka program tu nembiak dikarapka ulih:

i)

Meretika randau ti didinga ari radio.

ii)

Nyaut beberapa iti tanya ti bekaul enggau topik

tu.

Batang Pelajar :
Dalam program ke sekali tu bala nembiak dibai ningaka randau Tuai Rumah
(TR)Enteba serumah enggau siku lutur terebai ti ngundang orang ti sakit ngagai
rumah panjai nya.
Apin Mendingka Program :
1.

Pengajar dipinta nuliska leka jaku ti baru iya ke bisi bekaul enggau topik
tu.

2.

Pengajar mega tau ngayanka gambar ti diambi ari media ke bukai ke lebih
agi iya ti bisi bekaul enggau topik tu.

3.

Pengajar ngelekatka kedua-dua iti kad manila ti ngundan leka jaku baru ti
patut ditemu nembiak bekaul enggau topik nya lagi.
Maya Mendingka Program:
1.

Nembiak meratika enggau penuh teks randau ti didinga.

2.

Nembiak mega diasuh ngingatka leka jaku baru ti bisi disebut dalam teks
randau ti didinga.
Pengajar milih nembiak diasuh nyaut tanya ari Pengajar Radio.

3.

Tusun Pengawa
1.

Mendingka randau

2.

Ngayan gambar tauka kereban bantu ti bukai ngena mayuh bengkah

media iya ti ulih ngasuh topik nya diperatika enggau mudah agi.

3.

Pengajar milih nembiak diasuh nyaut tanya ari Pengajar Radio.

19

Udah Mendingka Program

1.

Pengajar tau mai nembiak berandauka pasal pekara ti bukai ti tau

nambahka pengerindu nembiak ningaka jalai ngintu pengerai.

2.

Nembiak diasuh ngeluluka diri nunda watak ti dibai watak baka ti ditusui
dalam randu nya tadi .

3.

Nembiak diasuh ngisi lapang dalam genteran pandak ti disediaka ba limpir

keretas pengawa latih nembiak.

4.

Nembiak tau diasuh nulis karang pasal pekara ti baru udah didinga.

A.

Kereja latih

Saut tanya di baruh tu ngena ayat penuh:

1.

Nama utai ti dikena lutur nemuai ngagai rumah panjai Enteba?

2.

Sapa bagi orang di rumah panjai ti suah diasuh ngubat orang ti

sakit nitihka adat lama?

3.

Nama pengerusak ti ulih ari nginsap?

4.

Sebut 4 bengkah jaku ajar Lutur pasal jalai ngintu pengerai ngagai
sida rumah Enteba?

5.

Terangka reti leka jaku semitan?

20

B.

Nulis karang

Belalauka gambar ti di baruh tu, isi lapang ngena leka jaku ti di

baruh tu ngambika nyadi siti karang pandak.
maju

ngundang

ngubat
pemeresi

lantang sakit ajar

Lutur Terebai ari Miri datai ..rumah panjai di Batu Pesuk

sekali sebulan. Lutur terebai tu . bala kami serumah ti
bisi.. Lebuh ti betemu enggau mensia mayuh iya mega bisi
nibarka jaku .ngambika kami serumah ulih ngintu
Ari ti siru ngintu pemeresi kenu ku iya dia kitai deka
. ngidupka diri sehari hari. Rumah panjai pen ulih belinsur
. nitihka pemansang rumah panjai orang bukai.

21

C.

Gaga ayat ngena leka jaku tu.

Gaga ayat ngena leka jaku tu.
sendat

empelita

kamah

beresi
ngidap
Chunto :Aki Ansam enda ulih agi niki Bukit Sibau nya laban seput iya
nyau sendat.

D.

1)

2)

3)

4)

5)

Leka jaku belaban reti

Giga lalu tipak leka jaku ti belaban reti enggau leka jaku ti di baruh tu.
a) sendat

majak

b) manah
c) sakit

gerai
gerah

d) beresi
e) chukup

kurang
kamah

f) serida

ditaruh

g) dibuai

siru

h) badu

gerai

22

PROGRAM 5
Tusun Pelajar

9 &10

Topik

Ensera Jelu

Pengelandik

1.11
1.33

Tuju

Udah mendingka program tu nembiak

dikarapka ulih:
(i)
Mereti ensera jelu nya.
(ii)
Nyaut beberapa iti tanya ti bekaul
enggau topik tu

meri saut ti mudah

nanya ngena mayuh macham jalai

Batang Pelajar
Dalam program ke sekali tu nembiak dibai ningaka Ensera Jelu. Jelu ti ditusui
dalam ensera tu iya nya jelu Singa, Remaung enggau Munsang.
Apin Mendingka Program
1.
Pengajar dipinta nulis leka jaku ti baru ba papan tulis iya ti bekaul enggau
ensera.
2.

Pengajar mega dipinta mandangka sekeda gambar jelu ke disebut dalam

ensera.

3.

Pengajar mega dipinta bekenangka ulah jelu siku siku ke disebut dalam
ensera.
Maya Mendingka Program
1.

Nembiak diasuh mendingka ensera nya enggau manah.

2.

Pengajar ngantung kad manila ti ngundan pekara-pekara ti udah disediaka

pasal ensera nya sebedau mendingka program tu.

3.

Pengajar milih nembiak ti deka diasuh nyaut tanya ari Pengajar Radio.

Tusun Pengawa
1.

Mendingka ensera jelu

2.

Mandangka gambar jelu ti bekaul enggau ensera ti diambi ari mayuh

bengkah media.

3.

Pengajar milih nembiak ke deka diasuh nyaut tanya ari Pengajar Radio.

23

Udah Mendingka Program

1.
Pengajar mai nembiak ngeluluka ulah watak jelu ti udah ditusui dalam
ensera.
2.

Nembiak tau mantaika runding diri tauka meri komen pasal watak jelu ke
baru udah didinga.

3.

Nembiak diasuh ngaga pengawa latih ti bekaul enggau ensera nya tadi.

A.

Kereja latih

Saut tanya di baruh tu ngena ayat penuh:

1.

Nama

bansa tiga iku jelu ke baum ngasu?

2.

Sapa diasuh Singa bedua rusa?

3.

Nama kebuah Munsang mati?

4.

Kati patut kitai nitih ka bagi Singa lebuh bulih utai?

24

B.

Nulis karang

Peratika gambar ti dipandangka di baruh tu, udah nya tulis karang

pasal jelu singa.Karang nuan patut ngundan abis nadai 60 leka jaku.

25

C.

Gaga ayat ngena leka jaku di baruh tu.

Chunto : Kuih ti dibeli indai amat nyamai,nya alai aku agi belala makai
iya.

( nyamah

takut

ngelakar

belala

tanggal )

1.

...........................................................................................

2.

..........................................................................................

3.

..........................................................................................

4.

...........................................................................................

5.

26

D.

Tulis sereta rintaika mayuh bengkah jelu siga ti

ditemu nuan

Chunto :

Singa

1.

.....................................................................

2.

....................................................................

3.

....................................................................

4.

.....................................................................

5.

......................................................................

6.

........................................................................

7.

........................................................................

8.

.........................................................................

9.

.......................................................................

10. .........................................................................

27

Gambar Jelu Munsang

28

PROGRAM 6.
Tusun Pelajar

11 & 12.

Topik

Randau Pemansang

Asil Pelajar

1.10 Ngaga saut enda besekat ngagai tanya ari utai ti

Tuju

Udah mendingka program tu nembiak dikarapka ulih :

1.

Nyaut empat iti tanya bepelasarka randau ti udah

udah didinga.

didinga enggau betul.

2.

Ngisi lapang ngena saut ti engkeman.

Batang Pelajar :
Dalam program kitai ke sekali tu,bala nembiak dibai ningaka randau Tuai Rumah
di Munggu Grenis enggau tiga iku ari anak biak iya rambau peremisi apin lama tu
ke udah.
Apin Mendingka Program.
Pengajar dipinta :
1.

Nyendiaka dialog .

2.

Nanya bala nembiak pasal pemansang ke udah diasai ke sida ba endur

sida diau.

3.

Berandauka penguntung enggau pengerusak ti datai ari pemansang ti

nuntung rayat mayuh kemaya hari tu.

Maya Mendingka Program.

Nembiak dipinta :
1.

Mending sereta belematika randau dalam program tu enggau lenak agi.

2.

Besedia nyaut tanya ari Pengajar Radio bepelasarka randau.

3.

Nembiak dipinta nyaut tanya.

Tusun Pengawa .
1.

Nembiak mendingka dialog pasal Randau Pemansang.

Nyaut tanya ngena saut ti penuh belalauka dialog.

3.

Ngisi lapang ngena saut ti disediaka.

4.

Pengajar kelas milih nembiak diasuh nyaut tanya ari Pengajar Radio.

29

Udah Mendingka Program.

1.

Pengajar bekenang enggau nembiak dalam kelas ngambika sida nemu

enggau silik agi pasal penguntung ti diasai rayat lebuh dituntung
pemansang.

2.

Nembiak nulis karang.

3.

Nembiak nyaut tanya ba bup latih ke udah didinga ari Pengajar Radio.

4.

Nembiak diasuh ngaga kereja latih ke bisi dalam Nota Guru.

A.

Kereja latih
Saut tanya tu ngena ayat ti penuh.

1.

Ba rumah panjai orang ni endur randau tu nyadi?

2.

Sebut nama orang ti berandau enggau Aya Tuai Rumah

baka ti didinga dalam randau nya tadi?

3.

Nama kebuah Jumau enda mai bala anak iya pulai ke

menua?.

4.

Sebut nama pemansang ti udah diasaika sida di rumah

panjai Munggu Grenis?

30

B.

Nulis karang
Peratika gambar ti dipandangka di baruh tu, udah nya tulis
karang pasal nya Karang nuan patut ngundan abis nadai 60
leka jaku.

31

Gaga ayat ngena leka jaku di baruh tu.

C.

Chunto : Indai Endun nyamai endar betesah gari laban iya ngena injin
pemasu.

sekejap mata

ngirit diri

tabin birin
betesah

pandak kaki

5.

.........................................................................................................

6.

........................................................................................................

7.

........................................................................................................

8.

......................................................................................................

5.

..

32

Pemaju dalam dunya ICT

33

PROGRAM 7
Tusun Pelajar

13 & 14.

Topik

Sayauka Jelu Siga

Asil Pelajar

1.39 ngaga cherita pandak nitihka penerang ti diberi

2.30 Nulis leka jaku betandu ari utai ti dibacha.
2.31 meri reti ngagai leka jaku baru

Tuju

Udah mendingka program tu nembiak dikarapka ulih :

1.

Nyaut

sekeda tanya sereta

meri

reti

leka jaku

bepelasarka cherita ti didinga

2.

Ngerintaika leka jaku betandu ti didinga ari cherita

3.

Ngaga cherita pandak ti ngundan tema pasal jelu siga

belalauka pengidup nembiak ngelama tu.

Batang Pelajar :
Dalam program bala nembiak ningaka randau empat iku diri sebilik pasal jelu
landak ti deka ditupi udah bekau ulih panjuk.
Apin Mendingka Program :
Pengajar dipinta :
1.
Nyediaka randau
2.
Ngasuh nembiak besedia ningaka randau ti deka didinga enda lama agi.
3.
Berandau enggau bala nembiak pasal guna ngalau jelu siga
Maya Mendingka Program :
Nembiak dipinta :
1.
Mendingka randau empat iku diri sebilik
2.
Besedia nyaut tanya ari Pengajar Radio.
3.
Pengajar milih nembiak nyaut tanya.
Tusun Pengawa :
1.
Nembiak mendingka randau empat iku diri sebilik.
2.
Pengajar Radio ngasuh nembiak nyaut tanya belalauka randau.
3.
Nembiak nyaut tanya ngena saut ti penuh.
Udah Mendingka Program :
1.
Pengajar bekenangka enggau nembiak dalam kelas pasal sawit ngambika
nembiaknemu silik agi.
2.
Nembiak nyeritaka ngena jaku diri empu jalai cherita ti udah didinga.
3.
Nembiak nyaut tanya ti didinga ari Pengajar Radio.

34

A.

Kereja latih
Saut tanya tu ngena ayat ti penuh
1.

Sebut nama jelu ti nyadi ke batang cherita tu tadi?

2.

Nama reti leka jaku bakal baka ti disebut dalam cherita nya
tadi?

3.

Nama kebuah Dom Angkai nyau ditabanka ke sepital?

4.

Rintaika leka jaku betandu ti bisi dikena dalam cherita nya

tadi?

5.

Ba runding nuan nama kebuah kitai enda patut munuh jelu

siga
peneka ati?

Gambar Jelu landak

35

B.

Gaga ayat ngena leka jaku ti disediaka

dilak dilak

rigang rigang

digak digak
chuit chuit
bakal

tengut tengut
telih

Chunto : Kaki Embuas bakal laban ditebak kerimpak kacha.

1.

2.

3.

4.

5.

..

6.

36

C.
Tuliska nama utai idup ti dijaga ulih perintah menua
36
Sarawak

37

PROGRAM 8
Tusun Pelajar

Topik

Nembiak ti nyulut dalam peresa SPM

Asil Pelajar

1.2 Nanya ngambika bulih penerang

15 & 16

3.2 Ngaga saut belalauka utai ti udah dibacha

Tuju

: Udah mendingka program tu, nembiak dikarapka ulih:

I.

nyaut 4 iti tanya belalauka randau ti udahdidinga

II.

ngisi 4 iti lapang ngena saut ti disediaka

Batang Pelajar:
Dalam program tu bala nembiak dibai ningaka randau siku pemberita ari suratkabar
Sada Sarawak enggau siku nembiak ti ngelui dalam peresa SPM baru tu tadi.
Apin Mendingka Program:
Pengajar dipinta :
1.

Nyediaka randau

2.

Ngasuh nembiak besedia ningaka randau ti deka didinga enda lama agi.

3.

Berandau enggau bala nembiak pengaga ati apai indai enti anak sida
tulihka pemutus peresa ti manah.

Maya Mendingka Program :

Nembiak dipinta :
1.
2.
3.
Tusun
1.
2.
3.

Mendingka randau pemberita Mr.Valentine enggau Mira

Besedia nyaut tanya ari Pengajar Radio.
Pengajar milih nembiak nyaut tanya.
Pengawa :
Nembiak mendingka randau pemberita Mr.Valentine enggau Mira
Pengajar Radio ngasuh nembiak nyaut tanya belalauka randau.
Nembiak nyaut tanya ngena saut ti penuh.

Udah Mendingka Program :

1.
2.
3.

Pengajar bekenangka enggau nembiak kebuah alai pemberita berasai

temegahka pemujur Mira
Nembiak nyeritaka ngena jaku diri empu randau ti baru udah didinga pasal
pemujur Mira
Nembiak nyaut tanya ti didinga ari Pengajar Radio.

38

A.

Kereja latih

Saut tanya tu ngena ayat ti penuh

1)

Padahka nama nembiak ti udah mujur dalam pemutus peresa

SPM tu tadi?

2)

Berapa gred ti diulih Mira dalam SPM?

3)

Sapa nama pemberita ti datai ngerandau Mira?

4)

Padahka nama sekula endur Mira belajar?

5)

Sapa ti meri Mira perais ketegal pemutus peresa SPM ti

nyulut

39

B.

Nulis karang

Belalauka gambar ti di baruh tu, isi lapang ngena leka jaku ti di

baruh tu ngambika nyadi siti karang pandak.
10A1

SMK Tiang Laju

nyulut

pemberita ngerandau

Melyna besekula ba iya siku ari bala nembiak

di Malaysia ti dalam peresa SPM apin lama ti
udah.Iya tulihka gred .Ketegalnya ..ari
suratkabar Sada Sarawak bisi datai ngerandau iya pasal
iya.

40

C.

Gaga ayat ngena leka jaku tu.

Gaga ayat ngena leka jaku tu.

juluk ati

Chunto :

jaku peransang

napi

ngasi

tekalanya

Juluk ati Ansam iya nya deka nyadi lutur lebuh iya
udah besai jemah ila.

6)

7)

8)

9)

10)

41

D.

Leka jaku belaban reti

Giga lalu tipak leka jaku ti belaban reti enggau leka jaku ti di baruh
tu.
mujur
muntat
ngasi

tekalanya

nyamai

pandai

laju

bagas

lekat

lubah

puntan

betangguh

ngelusu

ngelaban

pedis

merubus

42

PROGRAM 9
Tusun Pelajar

Pelajar 17 &18

Topik

Nupi Ikan dalam tangki semin

Asil Pelajar

1.12

Becherita pasal siti pekara ngena leka

jaku diri empu.

Tuju

Udah mendingka program tu, nembiak dikarapka

ulih :
i.

nyaut tanya ngena ayat penerang ti ngundan

siti tauka dua leka jaku ke bekaul enggau
randau ti didinga.

ii.

nyaut tanya ari pengajar radio.

Batang Pelajar:
Dalam program ke sekali tu, bala nembiak dibai ningaka randau Mr.Juan
orang ke ngemeranka pengawa nupi ikan dalam tangki semin di rumah
panjai Nanga Ban enggau tiga iku raban nembiak ari SK Nanga Kepayang.
Apin Mendingka Program:
Pengajar dipinta :
1.

Nyediaka randau

2.

Ngasuh nembiak besedia ningaka randau ti deka didinga enda

lama agi.

3.

Berandau enggau bala nembiak pasal pemujur Mr.Juan ti

udah ngemeranka pengawanupi ikan dalam tangki semin.

Maya Mendingka Program

1.

Pengajar ngelekatka gambar gambar ti ngayanka tukuh tukuh

ti udah mujur dalam pengawa nupi ikan.

2.

Pengajar milih nembiak ke dipinta nyaut tanya Pengajar Radio.

43

Tusun Pengawa
1.

Pengajar nentuka semua nembiak mending enggau manah.

2.

Pengajar milih nembiak nyaut tanya Pengajar Radio

Udah mendingka program:

1.

Nembiak nyalin saut tanya ke ditanya Pengajar Radio ngagai bup

sida bepelasarka tusun ti diberi pengajar ba kad manila

2.

Pengajar nguluka nembiak berandauka pasal pemujur Mr.Juan

tauka orang bukai ti ditemu maju dalam pengawa tu.

A.

Kereja latih

Saut tanya tu ngena ayat ti penuh

1.

Sapa nama orang ti udah mujur ngemeranka pengawa nupi

dalam tangki semin?

2.

Nama bansa ikan ti ditupi dalam tangki semin dalam

randau nya tadi?

3.

Nama penguntung kitai nupi ikan dalam tangki semin?

4.

Nama kebuah kitai enda tau ngulihka ikan ngena rachun?

44

Sekeda ari ikan ti ulih ditupi dalam tangki semin

45

Ikan Keli manah ditupi dalam tangki semin

46

PROGRAM 10
Tusun Pelajar
Topik

:
:

19 & 20
Nyambut Hari Merdeka

Asil Pelajar

1.27

Tuju

nembuka penerang ti diberi ngambika

nyadi siti cherita pandak.
2.47
nentuka pemetul leka jaku dalam siti siti
genteran nitihka konteks
3.35
nulis batang cherita awak ke nyadi lalau
dikena ngereja pengawa.
: Udah mendingka program tu, nembiak dikarapka
i.

nembuka penerang ti diberi ngambika

nyadi siti cherita pandak

ii.

meri reti ngagai leka jaku baru ti dikena

dalam cherita

iii.

nulis karang pandak pasal nyambut Hari

Merdeka

Batang Pelajar:
Bala nembiak dibai ningaka randau 4 iku nembiak diri menyanak pasal
nyambut Hari Merdeka
Apin Mendingka Program:
1.

Pengajar nusui pasal randau ti deka didinga ari radio enda lama
agi enggau ngelansa.

2.

Pengajar enggau nembiak betanya saut pasal pekara ti deka

dinga

3.

Pengajar nyediaka gambar gambar ti disadang ulih nulung

nerangka watak watak dalam cherita nya lagi.

Maya Mendingka Program

1.

Pengajar mandangka gambar aktiviti ti selalu dikereja kena

nyambut Hari Merdeka.

2.

Pengajar milih nembiak ke dipinta nyaut tanya Pengajar Radio.

47

Tusun Pengawa
1.

Pengajar nentuka semua nembiak mending enggau manah.

2.

Pengajar milih nembiak nyaut tanya Pengajar Radio

Udah Mendingka Program:

1.

Pengajar tau nusui cherita nya baru ngagai bala nembiak.

2.

Bala nembiak tau ngeluluka cherita nya nitihka raban diri empu.

3.
.

Nembiak ngaga kereja latih ti udah disendiaka pengajar.

A.

Kereja latih

Saut tanya di baruh tu ngena ayat penuh:

1) Ni maya rayat Malaysia ngintu Hari Merdeka?
2) Dini endur pengerami ti keterubah alai perintah British nyerahka
kuasa ngagai rayat Malaysia ?
3) Sebut nama menira perintah British ke kala merintah menua
Malaysia?
4) Sapa ti nyadi Perdana Menteri Malaysia ti keterubah?
5) Sebut nama menira Malaysia ?

48

B. Nulis karang
Belalauka gambar ti di baruh tu, tulis siti karang pandak ti
ngundan enda kurang ari 60 leka jaku.

49

* siti ari aktiviti ti diatur lebuh Hari Meredeka

50

PROGRAM 11
Tusun Pelajar

: 21 & 22

Topik

: Pekit Begiga Entelah

Asil Pelajar

: 1.1.2

Nyebut leka main nembiak nitih ke rentak

sebut enggau sebut ti betul.

Tuju

Udah mendingka program tu,nembiak

dikarapka nemu bagi entelah baka:
i.

penerang lalai, menua,

lungga enggau lalai iya.

ulu

ii.

Nemu ngelalai lalu ngiga entelah.

Batang Pelajar:
Dalam program tu, nembiak dibai mendingka

Program Pekit Begiga

Entelah ke bala nembiak sekula di SRK Nanga Menjuai. Udah nya

nembiak dibai begulai enggau Pengajar Radio ke ngelalaika entelah.
Apin Mendingka Program:
Pengajar dipinta nyendiaka kereban baka di baruh ba kad manila:
i.

Bagi Entelah:
a

penerang lalai,

b. menua,
c. ulu lungga
d. lalai
ii.

Beberapa iti entelah anak mit baka ti dikena ba program Begiga

Entelah di SK Nanga Menjuai enggau ke dikena Pengajar
Radio. Pengajar mega nyendiaka lalai iya tang enda tau
dipadahka ngagai nembiak dulu.

51

a.

Laja apai Sali enda ulih tiap.

Menua iya, menua antu menua Petara,
menua kitai, menua iya.
Ulu lungga iya , Papan.

b.

Sirat Apai Sali enda ulih belit.

Menua iya, menua antu menua Petara,
menua kitai, menua iya.
Ulu lungga iya, salai.

c.

Asi mansau periuk pechah.

Menua iya, menua antu menua Petara,
menua kitai, menua iya.
Ulu lungga iya, rumah puting.

d.

Luan ti ditanya, kemudi ti nyaut.

Menua iya, menua antu menua Petara,
menua kitai, menua iya.
Ulu lungga iya, kuyu malui.

e.

Ikan rangkai bubu basah.

Menua iya, menua antu menua Petara,
menua kitai, menua iya.
Ulu lungga iya, kamah.

52

f.

Ai menuh pasir menyadi.

Menua iya, menua antu menua Petara,
menua kitai, menua iya.
Ulu lungga iya, lagi

g.

Tekan perut, melut mata.

Menua iya, menua antu menua Petara,
menua kitai, menua iya.
Ulu lungga iya, baju mit.

h.

Ada lalu mukut indai,

Ada lalu mukut indai.
Menua iya, menua antu menua Petara,
menua kitai, menua iya.
Ulu lungga iya, bilis

Maya Mendingka Program

1.

Pengajar ngelekatka kad manila ti ngundan entelah ti disebut ba

program.

2.

Pengajar milih nembiak ke dipinta nyaut tanya Pengajar Radio.

Tusun Pengawa
1.
Pengajar nentuka semua nembiak mending enggau manah
2.

Pengajar milih nembiak nyaut tanya Pengajar Radio

Udah Mendingka Program:

1.

Nembiak nyalin semua entelah ti disebut ba program lalu nuliska

lalai iya.

2.

Pengajar ngelalaika entelah ke mar agi baka di baruh tu.

53

Giga lalai entelah ti diberi dibaruh tu

Dientam bala Kayan,

Ngasuh iya tan duga-duga.

Ditempuh bala Memaluh,

Ngasuh iya kiruh begaga dampa.

a.
Menua iya di menalan beuraska tandan takang
isang,
Di tanah entap baruh rengkap atap kajang,
Di tanah langgung tambun tugung papung arang,
Di palan rami pangkang api ke menyadi mau
rerendang.
Ulu Lungga: Papan

54

b.

Emparu puntul iku,

Ditegu enda nganu kitai,
Naga perintik mata,
Ngelala leman macham utai.

Menua iya di bilik besai tampung ruai,

Begulai enggau apai seduai indai
Dikayam sida tauke ari pagi datai ke
lemai
Nadai penyadi, balat tusah ati , enti iya
nadai.

Ulu Lungga : kain (luya)

55

PROGRAM 12
Tusun Pelajar

Pelajar 23 & 24

Topik

Anjun Juli

Asil Pelajar

1.23

Tuju

Nyebut leka main nembiak nitihka

rentak sebut enggau patah nyawa ti
betul.
Meransang nembiak ngingatka leka main
bansa diri ngambika enda punas
dipadamka arus singkang pemansang
dunya.

Batang Pelajar:
Dalam program tu, nembiak dibai mendingka siti ari leka main anak mit ti
dikumbai Anjun Juli. Udah nya baru sida dibai belatih nyanyi leka main nya
nitihka rentak sebut enggau patah nyawa ti betul.
Apin Mendingka Program:
1.

Pengajar belatih enggau nembiak nyebut leka main nembiak ti

ditemu iya. Peratika rentak enggau patah nyawa leka main nya.

2.

Nembiak belatih nyebut leka main nya sechara beraban.

3.

Pengajar nerangka reti jaku enggau rambai jaku di baruh tu:

Maya Mendingka program:

1.

Pengajar ngelekatka sekeda gambar ti ngayanka orang bemain

Anjun Juli di rumah panjai .

2.

Ngelekatka gambar wa ba papan tulis.

3.

Ngelekatka leka main Anjun Juli.

56

A.

Kereja latih

Saut tanya tu ngena ayat ti penuh

1. Rumah panjai ni ti selalu ditiki jelu menarat?

2. Sebut jelu bukai ti ngabih jelu menarat?

3. Sebut rumah panjai ti mayuh ngembuan

nembiak?

4. Giga leka jaku ti sama reti enggau richah?

57

Anjun Juli, Anjun Juli

Anjun ga anjun juli

Metat ga ama metat
Rumah sida ada batu empat,
Dua kali tiki menarat
Ada ga pantap Digat,
Tang lalu ga enda mati,
Anjun ga anjun juli.

Gayak ga aga Gayak

Rumah sida Tinting Temedak,
Kelalu udu mayuh nembiak,
Balat richah ga rami ragak,
Abis nyabak berebutka ruti,
Anjun ga anjun juli.

58

PROGRAM 13
Tusun Pelajar

Pelajar 25 & 26

Topik

Belajar Nengah Zoom A

Asil Pelajar

1.22
Nyebut randau ti digaga nembiak
ngena jalai kelulu.

Tuju

Udah mendingka program tu nembiak

dikarapka ulih :
a) Nyaut terus sekeda tanya bepelasarka
cherita ti didinga ari radio.
b) Ngisi lapang ngena leka jaku ti bisi
dikena dalam cherita ari radio.
c) Ngaga 5 iti ayat belalauka lekajaku ti
diambi ari Belajar Nengah Zoom A

Batang Pelajar
Dalam program tu bala nembiak dibai ningaka randau pasal nembiak ti
deka belajar nengah Zoom A.Bala nembiak nya baka Sharon,,Felix enggau
Laura.
Apin Mendingka Program
1.

Pengajar dipinta betanya saut enggau nembiak tentang topik tu.

2.

Ngelalau nembiak ngasuh sida ninga randau enggau nyemetak.

3.

Pengajar milih nembiak nyaut tanya ari pengajar radio.

4.

Nembiak nyaut tanya ari pengajar radio.

Maya Mendingka Program

1.

Nembiak mendingka randau.

59

2.

Pengajar milih nembiak nyaut tanya ari pengajar radio.

3.

Nembiak nyaut tanya ari pengajar radio.

Tusun Pengawa
1.

Nembiak mendingka randau bala nembiak ti nyadi watak dalam

cherita bekau enggau topik tu.

2.

Pengajar radio nanya nembiak belalauka randau bala nembiak

nya tadi.

A.

Kereja latih

Saut tanya di baruh tu ngena ayat penuh:

6. Nama pengawa Sharon seduai Felix sebedau penatai

Laura?
7. Sebut dua bengkah pekara ti patut dikemisika kitai
lebuh deka muka Zoom A ?
8. Sebut dua bagi kereban ti ulih dipeda dalam Zoom A?
9. Ba runding nuan dini agi endur bukai ulih alai kita
nembiak tau muka internet lalu masuk ngagai Zoom A?
10. Terangka reti leka jaku password?

60

B.

Nulis karang
Belalauka gambar ti di baruh tu isi tempat lapang enggau leka jaku
ti patut awakka ulih nyadi siti karang pandak.

( tanya lalai

belajar kediri

password kereja latih ngechik)

Lebuh belajar nengah Zoom A bala nembiak patut ingatka

.Ngena Zoom A nyamai alai bala nembiak milih
. di dalam nya. Bala nembiak mega ulih
.tekalanya kereja latih ti digaga kitai. Kelimpah ari nya
bala nembiak ulih nyaut Enti bala nembiak bisi lepa
pengawa sekula , bala nembiak ulih .

61

Sekeda ari bala pengajar benung kiruh ngerumbak penemu ba bilik ICT

62

PROGRAM 14
Tusun Pelajar

Pelajar 27 & 28

Topik

Palan Ngelantangka ati

Asil Pelajar

1.10 Ngaga saut enda besekat ngagai tanya ari

utai ti dibacha.

Tuju

Udah mendingka program tu nembiak dikarapka

ulih :
i)

nyaut terus sekeda tanya bepelasarka

cherita ti didinga ari
radio.

ii)

nulis saut bepelasarka cherita Palan

ngelantangka ati

iii)

nulis karang pandak pasal Memarin.

Batang Pelajar
Dalam program ke sekali tu, bala nembiak deka ningaka randau pasal
pemindah sida Dom Gima sebilik ngagai palan ngelantangka

di Bukit

Embawang.
Apin Mendingka Program
Pengajar dipinta :
1.

Betanya saut enggau nembiak pasal tanya tu.

2.

Ngelalau nembiak, ngasuh sida randau enggau nyemetak.

3.

Nyendiaka kad manila ti ngundan 4 iti tanya.

Maya Mendingka Program.

1.

Nembiak mendingka randau .

Pengajar milih nembiak nyaut tanya ari Pengajar Radio.

3.

Nembiak nyaut tanya ari Pengajar Radio.

Tusun Pengawa
1.

Nembiak mendingka randau pasal pemindah sida Dom Gima

sebilik ngagai palan ngelantangka ati

2.

Pengajar radio nanya nembiak belalauka randau nya.

63

3.

Pengajar kelas deka milih nembiak nyaut tanya pengajar radio.

4.

Nembiak nyaut tanya pengajar radio.

Udah Mendingka Program

1.

Pengajar tau berandau enggau nembiak ngambika sida mereti agi

ke penerang ti udah didinga.

2.

Nembiak diberi latih betulis pasal penerang ti udah didinga ari

randau .

A.

Kereja latih

Saut tanya ti dibaruh ngena ayat penuh.

1) Dini alai sida Dom Gima memarin lebuh maya
nya?
2) Nama batang kereban ti dibai Dom Gima ngagai
palan ngelantangka ati Bukit Embawang nya ?
3) Nama kebuah Apai Gima nyediaka sayap manuk
sebedau nunu iya?
4) Ni maya sida menyanak datai di rumah?
5) Giga leka jaku ti sama reti enggau nginti baka ti
disebut dalam randau?

64

Palan Ngelantangkan Ati di Sabah.

65

Program 15
Tusun Pelajar

Pelajar 29 & 30

Topik

Entimuk Enggau Kejuang

Asil Pelajar

Meretika genteran

Tuju

Meransang nembiak ngingatka jerita tuai

ngambika Bisi ditemu orang ke rebak dudi.

Batang Pelajar :
Dalam program tu, nembiak dibai mendingka siti jerita tuai ti ngenang dua iku
indu dara ti bepangan bendar.Semua pengawa seduai dikereja begulai.
Apin Mendingka Program:
1.

Pengajar tau nusui sebarang jerita tuai ti ditemu iya.

2.

Pengajar nerangka leka jaku tauka rambai jaku di baruh tu:lengis puguk nyampi luchuk merundai
nempap
ikil ngeransi

igin

Maya mendingka Program:

Nembiak diau jenuh lalu mendingka penyerita ari radio nusui pasal Entimuk
enggau Kejuang ti bepun ari Kejuang ti besugu ngena tulang tilan.
Tusun Pengawa:
1.

Nembiak mendingka penyerita nusui jerita tuai tu.

2.

Nulis nama orang ti bisi disebut dalam jerita tu.

3.

Nulis leka jaku tauka rambai jaku ti mar ti bisi disebut dalam jerita
tu.
Udah Mendingka Program:
1.

Pengajar kelas ngulang jerita nya.

2.

Siku dua nembiak diasuh ngulang jerita nya.

66

3.

Pengajar berandau enggau nembiak pasal ajar ti tau diambi ari

jerita tu.

4.

Meransang nembiak ngumpul jerita tuai.

ENTIMUK SEDUAI KEJUANG

Entimuk seduai Kejuang tu indu dara dua iku ti bepangan bendar. Semua
pengawa dikereja seduai begulai. Sekali lebuh seduai sama-sama mandi dia
Kejuang nanya Entimuk munyi tu.

Kejuang

Kati tau ditiki rumah nuan tu punggal

Kambin?

Entimuk

Eh, nadai nya macham-macham deh,

semina ga diasuh aku sugu tulang tilan.

Kejuang

Enti munyi nya, manah aku ngasuh tulang

tilan nyugu enggi aku. Rindu meda buk
tua sama panjai merundai wai.

Entimuk

Uji meh wai, ngambika buk nuan panjai

baka enggi aku.

Udah badu seduai berandau, Kejuang pen lalu belabuh ngiga

tulang tilan dikena nyugu buk iya. Tang lebuh iya nyugu buk, dia
iya lalu besampi munyi tu.

67

Kejuang:

Sugu buk aku tulang tilan. Sugu abis sugu lengis.

asuh luchuk asuh puguk.

Kemaya nya Kejuang lalu nadai agi buk. Iya lalu rauh-rauh
nyabak. Ninga iya nyabak, Entimuk pen lalu nyampi.

Entimuk

Nama utai disabakka nuan ngemalat nya

wai?

Kejuang

Dini aku enda nyabak. Peda nuan buk

aku nyau abis. Nyau lalak pala aku tu.
Anang ke ngasuh panjai baka enggi
nuan.

Entimuk

Iya nama sampi nuan lebuh nuan nyugu

buk deh wai?

Kejuang

Aku ngasuh tulang tilan nyugu buk aku

ngambika abisngambika lengis. Aku
ngasuh iya nyugu buk aku ngambika
puguk ngambika luchuk.

Entimuk

Oh, patut buk nuan abis wai, laban nuan

ngasuh tulang tilan nyugu iya abis nyugu
iya lengis, ngasuh iya puguk ngasuh iya
luchuk.
68

Kejuang

Iya nama sampi ti patut dikena deh wai?

Entimuk

Ke agi ila wai, munyi tu ku nuan besampi

ngasuh tulang tilan nyugu buk nuan. Oh,
tulang tilan, aku minta nuan nyugu buk
aku ngambika iya panjai merundai, galak
nelesak.

Udah bekau nya, Kejuang pen lalu nitihka ajar Entimuk lebuh ti
nyugu buk iya. Iya besampika buk iya panjai merundai, galak
nelesak. Udah nya mansang panjai merundai meh ga buk iya
baka enggi Entimuk.

Udah bekau nya, dia Entimuk bisi ngereja utai nyelai amat. Iya
ngambi daun limau rangan ke pemanah iya pemesai sereta
penuai. Udah nya lalu ditempap iya enggau
jari. Meda iya ngereja pengawa nya, dia Kejuang pen lalu nyapa.

Kejuang

Nama gaga nuan dia wai?

Entimuk

Nadai, rindang bemain enggau daun limau

tu.

Kejuang

Lagi meh nuan mansang meda. Tu tau

dikena tua main silap mata wai. Peda
nuan wai. Aku diatu baru deka nempap
daun tu enggau jari.

69

Kejuang

Oh, pintar bendar nuan wai! Ni penatai

orang bujang nya? Sigat bendar gamal
iya.

Entimuk

Eh, datai ari daun limau ke ditempap aku

nya tadi meh iya.

Meda Entimuk nemu ngaga orang bujang ari daun limau, Kejuang
pen lalu deka ga nunda. Tang daun limau ti diambi iya ukai baka
ti diambi Entimuk. Iya milih daun limau rangan ti tuai bendar.
Udah bulih daun limau ti tuai nya, Kejuang pen lalu nempap iya.
Maya nya Entimuk bisi meda pengawa Kejuang, nya alai iya lalu
nala.

Entimuk

Nama gaga nuan rungguk-rungguk ba

tanju dia wai?

Kejuang

Ngujika pengelandik diri main silap baka

nuan meh wai.

Entimuk

Au, manah meh nya wai. Mali utai enda

diuji.

Kejuang

Peda wai, aku nempap daun limau tu.

Entimuk

Ee. Tuai bendar orang nya wai. Kati

ku nuan belaki orang ngenuai nya?

70

Kejuang

Nadai aku nemu belaki orang ngenyai

Iya ga tuai, gamal ga jai.

nya.

Peda nuan

tubuh nyau penuh laban igin enggau ikil.

Entimuk

Kati ku enda baka nya nuan ga enda milih

daun limau ke manah.

Nuan ga tak ambi

sebarang ambi, nya alai baka nya ga utai

ulih nuan.

Lama ga udah nya alai Kejuang seduai Entimuk beduruk mantun.

Lebuh nya, dia nyamuk mayuh bendar datai makai seduai. Meda
baka nya, Entimuk pen lalu bejaku
enggau nyamuk.

Entimuk

Balat ga kita nyamuk, deka bendar ke

nginsap darah aku.

Uji

tak lalu ambi ke

bini aku tu.

Bala Nyamuk

Bah, tabanka kitai iya tu ngambika lalu

nyadi bini Raja kitai.

Bala nyamuk pen lalu nabanka Entimuk. Nyau kelama baru sida
datai di rumah Raja Nyamuk. Datai sida dia, Raja nyamuk pen
lalu nanya.

71

Raja Nyamuk

Oi oi, nama utai dibai bala kita nya?

Bala Nyamuk

Eh, mai bini ke nuan kami tu Tuan Raja.

Raja Nyamuk

Dini kita bulih indu ngemajik tu gamal?

Bala Nyamuk

Ulih kami nemu di umai anak mensia. Iya

ngasuh kami mai iya ke bini nuan lebuh
kami nginsap darah iya.

Raja Nyamuk

Sapa nama nuan deh wai?

Entimuk

Nama aku Entimuk.

Raja Nyamuk

Oh, betul bendar penatai nuan ba menua

aku tu. Enda pia penendang deka ngasuh
orang ngigaka aku bini ga aku.

Entimuk pen lalu jadi enggau Raja Nyamuk. Tang nyau kelama ke
udah begulai sejalai enggau Raja Nyamuk, dia Entimuk mansang
tusah ati. Kebuah pia laban iya enggai makai pemakai nyamuk.
Iya ngaga diri sakit ke ngujungka iya ngaga diri mati
Lebuh bala nyamuk nganjung bangkai iya ke pendam, dia iya
dibaya sida chukup enggau perengka Iban. Tang udah bala
nyamuk pulai nganjung iya, Entimuk pen lalu beguai-guai nabanka
semua utai nya tadi. Datai iya ba semak rumah panjai sida, dia
orang lalu begau meda pemajik iya udah diumba ngena ngepan
Iban.
72

Bala Sida Serumah

Oh, naka ga pemajik tudah

Entimuk udah diumba enggau
ngepan Iban. Dini-dini iya bulih

semua utai nya? Dini nuan bulih

semua ngepan nya Entimuk?

Entimuk

Ulih aku ari Raja Nyamuk.

Kejuang

Manah bendar sida enggau nuan wai.

Entimuk

Dini nya bisi manah, tang sida ga alah

akal aku. Aku ngaga diri mati. Semua
utai tu nya baya aku.

Kejuang

Enti munyi nya, aku pen deka ga nguji

belaki Raja Nyamuk wai.

Meda Entimuk tak bulih utai mudah ari ke belaki Raja Nyamuk, dia
Kejuang pen lalu nurun ke umai. Datai di umai din, iya pen lalu
dipakai bala nyamuk. Nadai ngetu sida mantang, nginsap darah
iya. Meda utai baka nya, Kejuang pen lalu bejaku.

Kejuang

Aih deh nyamuk, deka amat ga kita tu

makai aku. Uji tak lalu ambi ke bini kita
aku tu.

73

Bala Nyamuk

Deka kami mai nuan, tang ukai ke

bini kami, ke bini Raja kami. Kati
sanggup nuan?

Kejuang

Sanggup, tak barang ku kita. Tak

barang tunga kita mai.

Bala nyamuk pen lalu nabanka Kejuang. Nyau kelama baru sida
datai di rumah Raja Nyamuk. Datai sida di tengah laman rumah
Raja Nyamuk, iya pen lalu nyapa.

Raja Nyamuk

Oh, sapa orang ke dibai kita nya?

Bala Nyamuk

Mai bini ke nuan Tuan Raja.

Raja Nyamuk

Manah meh enti udah munyi nya.

Uji lalu bai nikika rumah kitu indu
nya.

Datai di rumah, Raja Nyamuk pen lalu ngambi Kejuang ke bini iya.
Maya ti berapi,dia Kejuang lalu ngiga beras ke panduk, tang nadai
nemu seleka. Benda beras semina tak penuh laban darah. Laban
ti kurang sabar, dia iya lalu ngeransi laki iya Raja Nyamuk.

Kejuang

Nadai apai aku kala ngajar aku makai

darah

baka kita tu. Ukai orang ke laki

nuan tu. Ukai

orang tau enggau begulai

sejalai. Nadai kami tau kenyang laban

darah.
74

Raja Nyamuk

Nuan tu meri aku malu di mua

orang seribu. Nuan tak mantah pemakai
kami. Ketegal nuan ti enda beradat baka
tu, aku diatu muai nuan ari menua kami tu.
Nadai kami ulih begulai enggau orang
baka nuan tu.Bala nyamuk, tanchang kaki
enggau jari indu ti jai baka iya tu lalu irit ke
kampung kin.

Kejuang

Raja Nyamuk :

Anang kita ngirit aku. Busung kita ila.

Irit meh, anang bedulika jaku iya. Irit ke

kampung baung kin. Din ila nyamuk bukai
ga makai iya.

Bala nyamuk lalu ngirit Kejuang ke dalam kampung.

Dia meh iya

ditinggalka sidaNyau kepuas ke engkasak baru iya ulih muka tali ti

dikena nyamuk nanyang iya.
Kejuang mulaika diri ke rumah. Tubuh abis sup diempa nyamuk.
Datai di rumahorang lalu begau meda iya nyau enda dikelala mua
dikelala mata agi. Nya alai takpuntan meh pengawa tudah
Kejuang baka menasan jelan jelu, laban baka buah
merunjau ulu.Entimuk bulih pemujur laban iya bisi akal. Kejuang
puntan laban nadai akal. Nya alai lalau pendiau ti tau diambi ari
ensera

tu

nya,

anang

enda

berunding

manah-manah

lebuh

ngereja pengawa. Enti kitai bisi akal, jam enggau hari enggau
tulang enda tebasau, tang enti ngereja utai enggau nadai akal, dia
jam, hari enggautulang kitai tebasau ngapa.

75

Glosari
Alu

Perengka dikena nutuk

Ang pow

Duit ti nyadika pemeri maya Tahun

Balanced Diet

Jaku English ke mai reti pemakai setimbang

Bio diesel

Minyak kerita ti digaga ari minyak kelapa

Siti sistem kena nyukat pemesai

Baru China

sawit.
Hekter

rampa tanah .
Kerungan

Perengka dikena ngurung manuk.

Kisar

Perengka dikena ngisar padi.

Lanji

Perengka dikena ngema padi.

Lumbung

Rangkah tulang orang ti udah mati

disimpan dalam sentubung

Memarin

Jaku baru ti meri reti picnic

Nunggu

Chara orang Iban ngukum orang ti

bisi ngereja penyalah.

Pemansai

Perengka dikena ngulihka ikan

Raga

Perengka utai anyam dikena orang

Iban mai utai.

Rauk

Munyi jelu kijang

Tokong

Rumah sembah orang bansa

Ulu lungga

Rambai jaku dikena lebuh beentelah ti

senimbal enggau lalai

76

China.

Meri Besai terima kasih ngagai :

1.
Penulis Skrip
Brangin ak Jingan Guru Besar SK St.Peters Saratok

2..

Entinggi Tamin

SK Orang Kaya Pemancha Tanduk Saratok

Ambi Setam

SK Telagus Jerok , Simunjan

Nair Bangkang

SK Nanga Drau, Saratok

Satia Gerik

SK St. Bartholomew Geraji Betong

Raban Penilai Skrip

John Empenit

SMK Engkilili

Ngabong Katoi

SMK Saribas Debak

Jampong Selat

SMK Kalaka Roban

Nelson Sigat

SK Ng.Drau Saratok

Eddy Braoh

SK Brayang

3.

Jurutaip
Habibah bt. Bujang

4..

BTPNS

BTPNS

Pereka
Hashim bin Kipli

5.

Juruteknik
Maglynette Ak. Maurice -

BTPNS ke

udah enggau

nakaulih mantu nyediaka Nota Guru Pengajar Jaku Iban Tahun 4

tu.
77