You are on page 1of 4

Editor

in Chief
Editor
Jt. Editor
News Ed.
Cir. Mag.
OB i/c

Vengthlang Branch YMA Chanchinbu


Phek
2

Tuialhthei Dinhmun
MIZOFED (8414965293)
Petrol : Tanky Full (60.31)
Diesel : Beisei (42.89)

Kum : XXIV

: Lalnunsanga Fanai (9862120903)


: Chanchinmawia (9615820416)
: C. Zonunpuia (9862022375)
: Andrew Zohmangaiha (9615327196)
: Lalramzauva Chawngthu (8575462587)
: Lalhmachhuana Fanai

Vawi : 37 Tahrik Ni : 27 Mimkut thla (September) 2015

Phek
3

Phek
4

Inleng inkhelh zo

Ni 27 Mimkut Thla 2015: Ni 25.9.2015 (Zirtawpni) Duati & Chaltea Memorial

dar 10:30 khan Sub-hqrs YMA office tlangrawtah KTP


General Conference 2016 Champhaia neih tur
chungchang KTP General Conference organising committee leh Sub-hqrs YMA ten an sawiho.
He hun hi Pu VL Chama Hnamte, President Subhqrs YMA Champhai chuan a kaihruaia, he meeting
ah hian Organising commitee ina an hmalak tawhna
hrang hrangte ngaihthlak a ni a. Hmalak mek leh
hmalak zel tura hmachhawp neih mekah te Sub-hqrs
YMA leh Organising Commitee ten lungrual tak leh
theihtawp chhuaha thawhho nise an ti bawk.
KTP General Conference 2016 neihna hmun turah
hian New Champhai field chu tihfel ni tawhin, Pandal
sakna tur mau pawh dahfel ni tawhin, November thla
hian sak tan tura hmalak a ni bawk.
Mipuite hnena ngenna leh hriattirna
A hnuaia Dan kan tarlan te hi Dawrkai zawng zawngten zawm
vek turin Champhai District Consumer Association chuan a ngen
a. He Dan zawm loh avanga Dawrkai te laka lungawi lohna nei
chuan President, Champhai District Forum / Deputy Commissioner emaw Legal Metrology Department hnenah ziakin englai
pawhin a Complain theih reng a ni. Complain nei reng reng te
chu Champhai Distirct Consumer Association-in theihtawp
chhuahin hma a lakpui zel dawn a ni.
1. Wholesale Dealer or Packer emaw, Dawrte pawh
nise Bungrua reng reng Original Packed a MRP inziak aia sangin
Dawrkai ten mipuite hnenah an dawr bungrua an hralh tur a ni lo. MRP aia sanga hralh chu The
LM (Packed Commodities) Rules 2011 leh The Consumer Protection Act 1986 Dan
hmanga hrem theih a ni.
2. Dawrkai ten an dawr bungrua Packed / Labell a MRP inziak tichhia / chawkchhiain
an tidanglam tur a ni lo. MRP inziak tidanglama mipui hnena hralh / zuar an awm chuan The LM
(Packed Commodities) Rules 2011 leh The Consumer Protection Act 1986 Dan hmanga
hrem theih a ni.
Heng Dan (Rules) hmang hian Consumer Forum / Court or Legal Metrology Department Dan hmangin MRP aia sanga zuar leh hralhtu chu Rs. 2,000/- a chawitir thei a, a thil neih
Property a hralhsak theih bawk. Complain tute hnenah zangna dawmna a pek tir theih bakah Jail
hial a tantir thei a ni.
District Consumer Forum/Court hian Magistrate 1st Class Power a nei a, a thurem te
reng reng Court dangah khin let theih a ni lo.
NB : Dawrkai ten anmahni hmakhua leh hlawkna chauh ngaihtuah lova mipuite
rawngbawltu, mipuite tana thawk an ni tih inhria a MRP aia sanga hralh lo tur leh
hnam dang dawrkai pawhin an neih theih Pawisa nawi (Coin) kir tur nei theuh turin
Champhai District Consumer Association chuan Dawrkai zawng zawngte a ngen tak
meuh meuh a ni.

Vengthlang Inleng Football


Tournament chu nimin khan final khela zawhfel a ni ta a. Final-ah hian Ralte Villa leh FC
Zawlbuk te intumin he thu
buatsaih lai hian result
kimchang kan hre hman ta
lova. Karleh lamah lawmman
dawngtute nen tar chhuah a ni
ang. A tawp niah hian
lawmman hrang hrang sem
chhuah nghal a ni bawk. Inleng
Football hlawhtlin theihna tura
hmalatute, he tournament
sponsor tute hnenah Branch
hruaitute chuan lawmthu a
sawi.
Lungral min pe
Pu C.Hualdingpuia chuan thlan
laihna hmanrua, lungral tha tak
chu Vengthlang Branch YMA
hnenah min pe a, Branch chuan
lawmthu a sawi mawlh mawlh
a ni. Mi inphal leh mi
tlawmngaite avangin kan
Branch kan changtlung zel a,
veng chhunga hetiang mi kan
nei hi kan vanneih hle a ni.
Naupangte tan football
CDFA chuan mipa leh
hmeichhe naupang kum 6-12
te tan October thla hian
grassroot football training a
kalpui leh dawn a. Admission
form hi Pi Vanlalsangi dawr,
Awmpuiphei leh ZD Collection, Venglai Bazar-ah te Rs.20
i lei theih a ni. Admission hi
September thla chungin tihfel
tur a ni a. Course fee hi Rs.600
a ni.
Faina ngai pawimawh ang
Kan veng chhung duh aiin faina
lamah kan mutthlu leh ta deuh
niin a lang. Tan i la thar teh ang.
Fur lai a ni bawk a, mahni in
bul kawrte hi chu kan mawhah
Issued by: Legal Metrology Department & Champhai District Consumer Association la thiam ila a tha awm e.
Ram tana tawngtai
Nimin chawhma dar 11 khan
KTP rorel inkhawm bawhzuiin
bial huapin ram tana tawngtai
hun hman a ni a. Mizoram
pumah Pastor bial hrang
hrangte chuan he hun hi an
hmang a. Vengthlang Pastor
bial KTP te chuan Primary
School II-ah tawngtaina hi an
hmang a ni. Baptist Kohhran
thalai, TKP pawhin nimin vek
khan ram pum huapin
tawngtaina hun an hmang ve
bawk.
Lo an zo mek
Thingtlang lo leh phai lo neite
chuan buh tuh an zo fel ta
hlawm a, hmun hrang hrangah
lo zawh hun hmang an awm
mek zel a. October thla tawp
leh November thlaah buh seng
runpui neih leh a ni ang. Tunlai
hian Champhai leilet zawl a
hring mawi hle a, khualzinte tan
a hmuhnawm vanglai tak a ni.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE
President
: C. Laltanpuia
9615021656
Vice President : F. Vanlalliana
9615558817
Secretary
: Lalhmachhuana Fanai 9615030822
Asst.Secretary : C. Lalthanpuia
9862657366
Treasurer
: H. Laltharrenga
9856782358
Fin. Secretary : H. Lalthanmawia
9862936734

YMA Palai SEMTUTE

Vanapa Section : CB Lalbiakdika, Vanlalchhuanga Sailo, Lalrinsanga,


Zonunmawia, Lalpekhlua, Lalrindika, R. Lalhmangaihzuala, VL
Thlamuanpuia, Lalfakmawia, Lalawmpuia, Josua Lalrammawia Ralte, KN
Thlamuana, Zohmingmawia
Neuva Section : K. Zoramchhani, Vanlalruatzela, Lalbuatsaiha,
Lalhminghlua, Sumeon Lalherliana, Lalmuanpuia, C. Lalnunpuia
Khuangchera Section : Thomas Malsawma, Lalhmingsanga, Lalruatsanga,
Vanlalpeka, Lalhrilmawia, C. Malsawmtluanga

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

CRITICISM

Leilet phai a han hrin


meuh hi chuan khaw danga
awmte hian min han thlirpui
ve se ti hian rual kan awt
theuh awm e. Phai han hring
dup mai hi chu ennawm hi a
tling ve hrim hrim mai.
Champhai hian engtin nge
khualzin kan hip lehzual theih
ang tih hi ngaihtuah teh ang.
Khawvela
grape
chinna hmunpui France te
khu chuan grape an seng
dawn hian khualzin hipna
atan an seng lai hi engtin tin
emaw an puanzar a, khualzin
an hip ruih ruih zel. He tactic
hi hmang ve thei turin kan
phai hring dup mai hi
tawktarh dan ngaihtuah
thiam ve a tul viau ang. Lo
zawh kan han hmang ve tan
a, hmun danga lo zawh nei ve
lo, an piantirh atanga
inchhawng ngur khup mai
bak hmu ngai lote hian lo
zawh ni hmanga, vawikhat
na reng reng chu leileta an
feh ve theihna turin hun siam
thiam ila, agriculture atana
kan hman hi tourism-ah pawh
thil tangkai takah kan
chhuah thei dawn tihna a ni.
Kan pipute sulhnu hian min
la hip viau mai, mahse
Champhai bik rau rauah hi
chuan pipute sulhnu han
chhuan em em tur kan nei lo,
chuvang chuan kum khata
engemaw runpui, hmun
danga an neih ngai loh,
khualzinin an hip em em tur
hi ngaihtuah chhuak thiam
ila chuan khualzin hmangin ei
kan hmu thei dawn tihna a ni
a. Chu chuan thil dangah
hmasawnna min thlen zel
bawk ang.

-Chvarte
Fakselna te kan tia, inzulhna te pawh kan ti bawk a. Thil, a that tawk lohna lai te, kan
duhkhawp lohna lai leh a dang aia tha bik a nihna nia kan hriat sawi/ziah chhuahna hi
criticism chu a ni mai awm e. Literature-ah phei chuan criticism hian hmun pawimawh
tak a luah a, mahse a thu leh hla lam zawnga han thlur bing erawh ka tum lem lo. Kan
nuna kan hman nghal mai theih chi-ah fakselna hi engtin nge tha zawka kan kalpui theih
ang tih lam ka rawn awn zawk dawn a ni.
Criticism-ah hian fakna leh sawiselna a kalkawp a ni deuh ber a. Fakna hi chu
engtiang pawhin ziak kur mah ila a tha zawng a ni ngei ngei a. Sawiselnaah erawh a tha
zawng leh a tha lo zawng a awm ve thung a. Kan duhkhawp lohna lai kan thur chhuah
a, a mawhphurtu hnena a aia tha zawka ti thei tura fuih pahna hi constructive criticism an ti a, a chhuan mang zawng, mihring rilru leh thlarau lam chena tichhe rawih thei
khawpa inselna hi negative criticism an ti ve thung. Thiam hnang (arts)-ah hian kan
sang tak tak dawn a nih chuan criticism-ah hian kan san tel a ngai hle bawk. Rimawi a
ni emaw, lemchan a ni emaw, thu leh hla a ni emaw, fakselna tel lo hi chuan hma a sawn
theih tak tak loh. Rimawi lamah hi chuan D-key bak thiam lo hi chuan sawi tur kan van
viau, lemchan lam lah nise U Chhana film hmuhnawm ti ber tan chuan sawi tur a tam lo.
Thuziak lam bawkah kan tuan leh mai a ngai ta a nih chu!
Chanchinbu-ah thu kan ziak tha peih tawh lova, a aia mipui hnena thleng hma
zawk social media: Facebook leh Whatsapp te hi kan thuziah tarchhuahna tualzawl
chu a ni ta a. Group-ah kan awmkhawm a, tu emawin thu kan ziak sela kan sawisel luih
luih a, a thatna lai chu awm mah se a seltute hian tan chhan mumal tak kan neih thin loh
avangin kan selna hi negative criticism a ni chawk. Criticism kan khawih dawn a nih
chuan tan chhan mumal tak kan nei tur a ni. Mawlmang taka a herh zawnga thu lo lak
ta, a bawp lawka thu lo thuai ve vak hian kan hawiher san lohzia te, kan boruak hap
chin zimzia te bak a pholang lo. Kan ngaihdan kan sawi dawn a nih pawhin tan bik nei
lovin thil kan buk tawn phawt tur a ni. Chuta tanga a tha zawng emaw, a tha lo zawnga
ngaihdan kan neih chu huai taka sawi mai tur. Ngaihtuah chiang mang hlei lova, ... ila
a ni mai alawm! han tih veleh ngawt mai kan chingte hi zawng, sawiselna pawh a ni
pha tawh lova, tawngtheihna emaw sawi tur hre lo, sawi ve chak si chan kan chang
tawh zawk. Sawiselna bikah phei hi chuan fimkhur a ngai asin! Kan hriat bak belh
emaw, kan hriatah pawh tan chhan nei a nih loh chuan sawi chhuah loh hi a finthlak ber.
Miin engemaw an ti a, a thiam ber awm ang ziazangin a that lohna kan lo sawi
zuah zuah a, a tha han kawhhmuh tur lah chu kan hria a ni mang bawk si lo. Helai tak
hi chu kan mutan a la ni kumkhua a nih hi. Kan sawiselna hian eng nge a thlen dawn tih
pawh hi ngaihtuah a tha. Arts bikah ngat phei chuan kan ramah hian talent nei hi an la
tlem lutuk, an tuina leh phurna zawng zawng tichhe vek khawpa kan sel chiam chiam
thin hian rah tha engmah a chhuah lo. Kan duhkhawp lohna a awm emaw, a tha kan tih
lohna a awm a nih chuan chu chu kan thur chhuak ang a, a aia tha zawk nia kan hriat
kan kawhhmuh ngei ngei tur a ni. Negative criticism-ah hian kan chiang lutuk a, criticism kan sawi tawh chuan sawisel tur emaw kan ti thin a. Hei hi a dik lo. Kan mi selte
chu a aia mi tha zawk a nih theihna turin kan sawiselna chuan nghawng a neiin, a cho
chhuak zawk tur a ni. Hei hi constructive criticism an tih chu a ni a, hemi kawngah hian
kan la hniam hle bawk. Inzir kan ngai nasa teh e.
Sawiselna thu kan chhak chhuah hma hian thil dawn thui a ngai asin. A
tlangkhawmna hi pah fawmin Thanglunghnemi zai, Ramhlun North YMA ten music
video an siam kha sawi daih teh ang. A hunlai kha chuan kha music video tluka sawiseltu
ngah kha an awm kher pawhin a rinawm loh. Hnam thil leh tunlai lam hi chawhpawlh
chi a ni lo kan ti luih luih a, mahse kum 5 emaw a liam hnuah chuan hnam thil leh tunlai
thil chawhpawlh thatzia kan hmu leh ta zawk a nih hi. Thil hi dawn thui a ngai asin!

Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE


Taitesena Section : Jonathan Lalnuntluanga, Joseph Malsawmtluanga,
Lalbiaksanga, Lalrohlua, Lalremsanga, F. Lalrinawma, Lalnunnemi, Lalnunzira,
Benjamin Lalrintluanga

YMA ADVISER
Pu RC Zahlira ; Pu C. Vanlalnema ; Pu F. Lalfamkima ; Pu PC Zohlira

VANAPA SECTION
Leader
Asst Leader
Secretary
Asst Secy

:Pu C. Lalremruata
:Pu Lalramhluna Sailo
:Pu PB Hrangthana
:Tv. Christopher
Chawngthanmawia
Treasurer
:Tv. F. Laldinthara
Fin.Secretary:Pu F. Lalchhandama

YMA Thuvawn : YMA chu tanpui ngaite tanpuitu a ni

GOAL A SUR E
Sawilawk ang ngeiin a boruak avan sosangin kan va hlut tak em!! Duati & Chaltea
Memorial Vengthlang Inleng Tournament chu ropui taka khelh zawh a ni ta. Kan veng
chhung a cheng leh khawsa, player 250 chuang zetin khelmual kan mawi a, kan hlim a,
nuam kan ti tlang hle. Heng player 250 chuang zet te hi an chikimin chihrang hrangah then
theih an ni. Thiam tak tak, eizawn nana hmangte, thiam lutuk lemlo, ti thang ve pangai
takte, hranghlui player, thiam leh la hmuhnawm tak takte, thiam ngai reng renglo, fit em em
si te, fit bawk silo, thiam ngai bawk silo, rawn rum nuai ngawk ngawkte pawh an katnuk
mai. Hlimawm tak a ni. A hlimawmna tizualtu chu, vengchhung mite, inngeih tlang tak leh
tumah intibuai sawitur awm lova kan zofel thei ta hi a ni.
POOL A : Rinlawk ang ngeiin Maruati Inlengte an rawn talna in an rawn chetha
hle, Practice lai atang ringawt pawhin an teamte hi nula 2 emaw 3 in emaw an vil thei reng!!
Team dangin tuman an thei ve lo. Zo Artui leh sapram energy drink nen an inchawm nasa
ni awm tak a ni. Star Player Donte-a(zirtawp zana Run inleng chawei khawmna ah a tel!!)
duh angin an chhawrthei lova, an tuar, Semi final-ah uiawm takin an tla ta a ni. Vaupung leh
thawm neilian satliah Pa zara inlengte khelmual lamah an thamral, khawilaiah mah thatna
an neilo. Heti chung hian tlawmngai takin Pazara ten an chhungkuain an tawiawm, dulthuar
na urh khawpa Pa zara te chhungkua nuihtir theitu an inlengte an fakawm. Goalkeeper an
nei sang, mahse a tlaw...an player lei pawh a tawp lamah chuan goalvengah an hmang
daih!! Tleirawl rual The Coming Soon/ Manbawihi Inlengte model leh rawlsin supporter
an ngah. Rin ai taka rawn chetha in Quarter final-ah an tla, la tha tak tak tur an awm nual.
POOL B : Kesur teamte hmanrua ber chirhdiak a awm tawh lo, fit zawng an fit
tlang, raipuar pahnih model atan an hmang zet a, an sit leh si. Chirhdiak championte kha
grass ah chuan quarter final bak an thleng zo ta lo. An tlakdan erawh a uiawm. Mumal tak
leh discipline tha tak hnuaia inenkawl chho Ralte Villa teamte an tlo. An that tluk zetin sum
an ngah, an buailo. A aia tam pawh anla nei. Final an lut a, result kan hre hman lo. FCC ten
thiamna lam hmachhuan tur reng reng nei lovin an rawn rumnuai. Mahse an rum tluantling
thei ta lo, striker en nei fit, mahse an chhawr tangkai lemlo a ang khawp mai. First roundah RUUMM deuhin an tla.
POOL C : Nghahloh Run Inleng te, player lilam atang rengin an thawm a na, an
chelian. Professional Camera ngata model thlalak phochhuak thei awmchhun an ni. Theme
song pawh an nei hmasa fal. Tha tak leh thawmna takin bul an tan a, an squad pan lutuk an
tuar. A tir atanga a tawp thleng a kan RUNPu Rsa, Zokhawpui te chhungkaw chungah
player ten lawmthu an sawi e, zirtawp zana chawhlui tui tak min siamsak avang leh Uisa
hmanga min kohkhawm leh dawn avang pawhin. Lal leh a khawnbawlte rorelna hun a ral
ta aniang, an thuchhuak hlau kan awm lova, zahsaktu pawh an neilo, hneh nei lovin an
thamral. Mahera Inlengte, an thawmrinloh ang aiin an tha hrep. An inzep chiang lutuk. An
star player perek rap pawh a la talhnawk thei phian. Semi final-ah an tla.
POOL D : Nghahloh run tho Zawlbuka khawsa, misual rual, hausa si, chawei
khawm leh thildang tih hrat takte, an hruaisual theihloh mifel tlemte te tha leh zung hmangin
an intlanchhuak. Hrat lutuk zingah ti ve ngai miahlo an awm ve nawk hi an vanneihpui ta
ani. Final an lut a, result kan hre lo, an champion ngei ka ring, an sual sual nen. Awi awi
awi, Nu Hmai Inlengte tamzia mawlh mai kha, an kalkim ngai miahlo chung pawh khan
substitute bench an pawh leng lovin a piah lamah te an bawk eng nghuk thei nia!! Substitution siam nasa ber record an break. Field sira bawk tur ringawt pawh 10 chuang an nei
reng. Awmpui veng star rual VNFC te an phur reilo. Vawikhat nawi zetin an rawn khel a,
damdawiin lamah an liam zo ta nge ni a lehpekah hmuhtur an awmlo, an bo zo. An ti ho
hle. Zawlbuk an vanneih phah a, Run Inlengin an tawrhphah bawk, pawi tak a ni.
A lehpekah review kimchang leh lawmthu sawina in kan tlip dawn nia.

Zofate hmasawnna ngaihtuah

I hria em ?
@ America-a cheng mihring 8%
khuan an mutnaah thawmhnaw an
ha ngai lo.
@ New York Times Crossword
Puzzle Editor Will Shortz hi
khawvela enigmatology, puzzle
zirnaa degree nei awmchhun a ni.
@ Minute khat chhunga kut beng
hnem ber record chu 1020 a ni.
@ Brazil-ah khuan Jail pakhat,
tang ten an duh chuan bicycle
chhia rah theihin an siam a. He
bicycle hi dynamo nena
thlunzawmin kawlphetha siamna
atan an hmang a. Tangte hian an
tan hun chhung an tinep ve thung.
@ Kurt Cobain-a tekhua Aberdeen-ah chuan a luh dawnah ti
hian a inziak a: "Welcome to
Aberdeen. Come as you are" tiin.
@ Inneih hmaa sex hman hi
America-ah chuan Virginia-ah
chiah thiang lo a ni tawh.
@ Nepal-ah chuan chibai inbuk
nan lei an inchhuah khum thin.
@ Barracuda sangha rual hi battery an ti.
@ Khawvela pawisa thir siam
chhuaha a hlu ber chu dollar
maktaduai 1 a ni a, Australia
siam a ni. He pawisa thir hi kg
1000 a rit niin rangkachak hi
99.99% a, tuna a hlutna chu Dollar maktaduai 45 vel a ni tawh.
@ American Civil War laia hmar
lam sipai 10 zela 1 chu mihang an ni.
@ US-a puitling zatve zel hi zun
thlum vei emaw, zunthlum vei
hlauhawma ding an ni.
@ Hmeichhia hi a mala a awm aiin
a ruala an awmin an hmeltha
zawk. Hei hi cheerleader effect
tiin an vuah.
@ Amsterdam-ah boral ta la,
chhungte leh thian nei miah lo la.
An vui hunah che hla phuah thiamin i tan hla a phuah ang a,
vuinaah hian a chham chhuak ang.
Mi chuangtlai vui dan an thiam
riau.

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

NEUVA SECTION

TAITESENA SECTION

Leader:Pu Rosangliana
Asst Leader:Pu Lalfamkima Varte
Secretary:Tv C Zorammuana
Asst Secretary:Tv. JH Lalruatfela
Treasurer:Tv. H. Lallawmkima
Fin.Secretary:Nl. Lalparmawii Colney

Leader:Pu T. Daniala
Asst Leader:Pu R. Zoliana
Secretary:Pu H. Lalrammuana
Asst Secy:Tv. HS Malsawmdawngzuala
Treasurer:Nl H Ramengmawii
Fin.Secretary:Nl. Ramdintluangi

KHUANGCHERA SECTION
Leader:Pu C Vanlalpeka
Asst Leader:Tv Lalawmpuia Sailo
Secretary:Tv. C. Zothansanga
Asst Secretary:Pu CD Lalnunthara
Treasurer:Pu Lalthangmawia Kawlni
Fin.Secretary:Pu K. Lalramnghaka

YMA Kumpuan : Ram Leh Hnam Humhalh Branch Kumpuan : Fai Kum

Lu tanchhum, luruh upa ber:


Thilhlui zawng mi leh chhui mite

chuan mihring ruhro tamtak kum sang


tamtak a mite pawh an lo hmuhchhuak fo
tawh thin. Lu tanchhum, lubung ruh te pawh
an lo hmuchhuak fo tawh bawk. Heng lu
tanchhum, lu bung, lu hlang ruhro an
hmuhchhuah zinga upa bera ngaih chu
tunhnaite khan puanchhuah niin, Andre
Strauss a,Max Planck Institute for Evolutionary Anthropology a miin, Lapa do Santo
site, eastern Brazil a a hmuchhuah chu niin,
a dang nen hunrei tak an khaihkhin hnuin
upa ber a pawm a ni ta a, a upat lam hi kum
9,000 vel zet a ni.
Rul in virgin ngatin note keu :
Mari nen chuan tehkhin rual nilo
mahse, US
Missouri a
C a p e
Girardeau
Conservation
Nature center
a yellow-bellied water
snake an tih rul chu a pa a inhnamhnawih
miahlo a parthenogenesis reproductive process hmanga chi thlah sakin, tui tira note tha
taka keu tir a ni. Missouri Department of Conservation (MDC) Cape Girardeau Conservation Nature Center a mite chu an inchhuang
hle a, he rul hi kum riat vel ni a sawiin, hemi
chhung hian rul pa nen engmah relation an nei
hauhlo tih kan hria a ni tiin, a dikzia chu
huaitakin an sawi pang pang bawk. Rul virgin
birth te pawh a awmta nawk nawk mai niin a
lang. Khawvel thiamna hi a sang tawh mange.

Zanin

Lunghlu man to:


Postage stamp tiat lek
n i m a h s e
lunghlu pakhat
vang takmai,
pink diamond
an tih chu
Christie Auction House,
New York a mite chuan US $28 million vel zetin Switzerland khawpui
Geneva a lilamna ah November ni 10
khian chhangtu a hmu tih an tarlang.
Lunghlu hi 16.08-carat lek ni mahse,
ama tiatpui lek zingah auction house
chuan an lilam tawh a puitham ber niin
an tarlang. Christie Auction chuan
kum 10 liamta a an lakluh a nih thu an
tarlang. Tuna mi ang chi 8.72-carat
pink diamond pawh US $15.9 million
zetin May thla khan Geneva a Sotheby
auction ah an lo tiral tawh a ni.
Misual hriamhrei kawl hnem:
Karkalta maia US Florida nu
pakhat Nickole Dykema Police Sergeant Chris Calderon vih tuma puha
an man thubuai an siamsaka chu, a
hnuah
a
chena
in an
h a n
dap a, a
i
n
Brookville ah hian hmanraw
hlauhawm tak tak mai bakah chemte,
ngunhnam leh thil hriamlam chi
'Bladed Instruments' an tih chu
3,500 zet a lo kawl hem mai a ni.
Heng hmanrua hlauhawm tak tak
te hi man vek niin, Dykema hi
r or e ln a h mac h h aw n t u ri n
Hernando County Detention Center ah la hren mek a ni.

Barclays Premier
League

La Liga

Thawhtanni

Thawhlehni

Published, Edited and Printed by Chanchinmawia for and on behalf of Vengthlang Branch YMA

You might also like