You are on page 1of 11

Edit

or
ial Boar
d
Editor
orial
Board
Consulting Editor
Rev. Dr. Gin Khan Khual
Editor
Rev. Langh Za Kap
Joint Editor
Rev. Lang Suan Thawn

Lom 20, Hawm 156

October - December 2015

Patrons
Prof. Dr. C. Thang Za Tuan
Rev. Tuan Khan Mung
Rev. Pau Khan Khai

Computing & Circulation Managers


Tluang Lian Thang
Gin Khan Kham
Pr. Nang Sian Cing
Sia Thang Sian Tuang
Kum khat tatman
Ks. 2000/Zomi Khristian Aw (ZOMKA)

MERRY CHRISTMAS
Lom 20, Hawm 156, Oct - Dec, 2015

20

Contents

THUNGEN KHAWM NI
1.
2.
3.
4.
5.
6.
7.
8.
9.
10.
11.
12.
13.
14.
15.
16.
17.
18.
19.
20.
21.
22.
23.
24.
25.

Gamsung Association 7, gampua ZBCA, ZBCI le Local pawlpite


ading
Gideon Missionary 70te, IMC 15te lawhcin nading
ZBCM Revival Palaite lawhcin nading
ZBCM Lai Siangtho sang ahi ZTS ading le sang Sia, Siama, sang
naupangte ading
Zomi Innpi 2017 kum ah hon zawh nading
Gamsung ah Kha khanlawhna lianpi hong tun nading le khantohna
lianpi i neih nading
A 16 veina ZBCM BM innteek ding VMBC, TTBA, Tonzang ading
Department-te nasep ding geelna khempeuh lawhcin nading
2015 Kawlgam bup kiteelna nuamtakin a kibawl theih manin lungdam
koh ding
Association khempeuh kumcin khawmpi lawhcin nading
Gamsung biakinn nei nai lote ading le biakinn lamte ading
CTBA in Staff quater inn lam zawh nading
HBA in Staff quater inn lam zawh nading
KZBA in Mission quater inn lam zawh nading
TBCA in Staff quater inn lam zawh nading
TTBA in Nang Thawn Siam (NTS) building lam zawh nading
TVBA in GS quater lam zawh nading
ZZBA in Mandalay khuapi ah zuminnpi leitang tawh neih zawh nading
ZBCM in Motor neih baih nading
Kha mangthangte ading, Pasian nasem khempeuhte ading
Gamsung gampua-a Lai Siangtho sin sangnaupang khempeuh ading
Pilna sin sangnaupangte le gamsung gampua-a sumzongte ading
Hong uk Kumpite ading le Kawlgam khanlawh nading, khantoh nading
Pasian teeltuam Israel minamte ading
Leitung bupah Kha khanlawhna lianpi hong tun nading

Zomi Khristian Aw (ZOMKA)

Editorial
-------------------------------- 1
Pasian Maipha Zong Ni -------------------------------- 3
Singkung ThumteTangthu -------------------------------- 10
Jesu Bang I Ci Dawn Ding -------------------------------- 12
Kawlgam Kiteelna Vai -------------------------------- 15
Lungdampihna
-------------------------------------17
Thu Tuamtuam
-------------------------------- 18
Thungen Khawm Ni
-------------------------------- 20

Editorial:

LUNGDAM KOHNA

Kum khat sung tawntung ong kalsuanpih le ong makaih Pasian


tungah lungdamna ko masa hang. Eite kikep zawhna le kidal siamna
hang hi loin Pasian ong kepna tawh kumthak January pan kumbei
December kha dong nuntakna ong kawm in sepna bawlna ah thupha
ong pia Topa min i phat hi. Lungdamkoh ding a deih Pasian hi-in
kum khat sung Topa ong ompihna, ong kepna le ong piak thuphate
hangin lungdamkohna nei masa in kum thak muak ciat ni.
Lungdamkohna tawh kumthak sungah lut ding hihang. Kei nuntakna
ah US zinna lungdamkohna tawm kong pulaak nuam hi.
Gambup ii thungetsakna le Pasian lam honsakna tawh tukum
ZBCM of Tulsa Pawlpi le Rev. Pau Khan Khai deihsakna tawh Youth
Camp speaker dingin hong samin US Visa July 9 ni ngah in August 5
pan December ni 1 dong US ah ka va zin thei hi.
US gamsung zinna: August 5,2015 ni-in Yangon pan China Airline
tawh AM 11:00 hunin ka lengkhia in Taipei pm 3:00 in ka tung hi.
Taipei pan zan 11:40 in US gam Sanfrancisco zuan in ka leng khia
leuleu a, US hun nitak nai 9:00 in ka tung hi. Sanfrancisco pan August 6,2015 AM 12:59 in lengkhia leuleu in Dallas AM 6;20 in tung in
Dallas pan AM 9:15 in lengkhia leuleu in Tulsa AM 10:40 hunin ka
tung hi. Tulsa pan Church Pastor Rev. Kap Khan Mang le upa nupi,
Khangno makaiteng in Airport ah hong dawn uh a Hotel nuam
mahmah Marriott Hotel ah hong tungsak uh hi.
Lom 20, Hawm 156, Oct - Dec, 2015

2
ZBCM of Tulsa Youth Camp & Crusade: Youth Camp pen August 10-14,2015 sung khua pua Motor tawh nai khat val paina
Tenkiller Baptist Assembly ah bawl in khangno 90 kihel thei hi. Hih
Youth Camp ah Rev.Dr. Gin Khan Khual le Sianu Pastor Huai Man
Cing, Sia Kamseen, Rev. Vungh Za Lian teng tawh kithuah thei ung.
Crusade pen August 14-16,2015 sung biakinnah kibawl hi. Camp le
Crusade ah Topan lawhcinna hong pia in gupkhiatna ngahthak,tep
le muam phiat zo mi tampi le Kha Siangtho lawnna thak ngah in
Vision mu le kha lam lawpna thak ngah mi tampi kibehlap hi. Gupna
ngahthak 24 tui kiphum hi. Topa Pasian in minthanna tang ta hen.
US gamsung State 20, Khua 24 le Pawlpi 35 sik thei in Khuado
pawi mun 4 ah zang thei in sagawh 4 vei mah ngah ing. Crusade le
Seminar Pawlpi 8 ah bawl thei ing. Gupkhiatna ngah thak, pumpi
sianthona ngahthak, a puk tampi kiphong, cina dam le Pasian
nasemding in ki ap mi tampi Topan hong musak hi.
Mun thupi pawlkhat zong pha kha thei ing.
1.
Billy Graham Center Chicago ah nikhat vak in Crusade, Seminar neihna tampi, Pasian vangliatna kilatna tampi le nasepna lianpite
lahna ka va mu kha a thupi mahmah sa in Pasian nasepna le Kha
mangthang a ding nasepna thathak tampi hong guan hi.
2.
Chicago Tower that (level) 103 pha le San Antonio Towerte
khuapi sungah sang mahmah in kilam a va en thei ing.
3.
Washington DC ah White House,Hluatdaw zumpi, Kyaukdai,
Kumpi luite Memorial hall, Martin Luther King Jr Memorial,World
War II memorial, Israel gal huh a site phawkna memorial cihte White
House kimteng ah kilam in nikhat bup bang ki en khop hi.
4.
Leitungah Falls lianpen a kigen Niagara Falls Buffalo City
New York State le Portland ah Water Falls liante zong va en thei ing.
5.
US gamsung Pawlpi lianpen ahi Lakewood Church Houston,
Taxas state ah Pastor pen Pasian zat mahmah Pastor Joel Osteen hi
in leitungbupah Crusade bawl in zin kawikawi hi.
ZBCA pawlpi 24 pha ta in zindo siam mahmah uh a Pasian le
Zogam, Kawlgam, minam a ding nasep ding hanciam mahmah uh hi.
December 1 ni Tulsa pan hongciah in December ni 3 Yangon hong
tung ing. Thu ong ngetsak khempeuh, US gam sungah zin hong do,
hong huh hong panpih khempeuh tungah lungdamna kong ko hi.
Zomi Khristian Aw (ZOMKA)

19
ZBCA khangto: ZBCM tawh a kizom Zomi Baptist Churches of America
(ZBCA), USA tawh a kipawl Pawlpi 24 pha ta ahih manin lungdampihna
ZOMKA pan i pulak hi. Mailam ah Pawlpi san ding maban zong om lai cih
thu kiza hi.
ZCD in lungdamkohna nei: Zomi Congress for Democracy (ZCD) in
Nov. 8, 2015 Kawlgambup kiteelna ah gualzawhna hong ngahna uh hangin
Topa tungah lungdamkohna pawipi Dec. 11, 2015 ni-in FBBC sanginn,
Tedim khuapi ah nei uh a, ZBCM min tawh lungdampihna laipi zong kipia
hi.
Dahpihna: Church Pastor, KBC le President, KZBA ahi, Rev. En Khan
Hau pianna Nu, Pi Ot Khan Dim (Kum 77) in October 22, 2015 sungin
hong nusia ahih manin ZOMKA pan dahpihna i pulak hi.

Laigelh Kidemna Om Ding


1. A thulu: Thukizakna (Media) le Zomite Mailam
2. Gelhzia ding:
(a) A ut peuhpeuh kihel thei hi.
(b) A-4 laidal tawh laimai 3-5 hi ding.
(c) Computer tawh Times New Roman, font size- 12 le single
space-in khet hi ding. Type-writer tawh khet zong kisang ding
hi. (Khut tawh gelh kisang lo ding hi.)
(d) E.mail tawh zong kikhak thei hi.
(e) Etkak laibute gelh hamtang ding.
(f) Laimal gawmzia tawh kisai, Cope Kum 100 cin
phawkna-a kibawl Lai Siangtho (2010) bulphuh ding.
3. A nunungpen ap hun ding: January 29, 2016 (3:00PM)
4. Puak nading mun: ZBCM zum
No. 115, Thazin 5, Kalaymyo
Sagaing Region, Myanmar
E.mail: zbcm95@gmail.com
5. Pahtawina piak zah ding: Pahtawina Laipi le
A khatna
: Ks. 100,000/A nihna
: Ks. 70,000/A thumna
: Ks. 50,000/Lom 20, Hawm 156, Oct - Dec, 2015

18

Thu Tuamtuam
Antan Thunget Nei: A 4 veina ZBCM Antan Thungetna pen Oct. 2629, 2015 sungin ZBCM zum huangsungah kinei a, pawlpi tuamtuam pan
mi 300 kiim kihel thei uh hi. Hih hun sungah Kawlgam kiteelna, Zomi le
Zogam, ZBCM le mimal adingin thungetna nei uh hi.
MGM-te Thathak Lakna: ZBCM Mission Department makaihna tawh
Myanmar Gideon Missionary-te thathak lakna Nov. 2-7, 2015 sungin
EZBC, Mandalay pawlpi ah nei uh hi.
Numei Kumcin Meeting: A 19 veina ZBCM Numei Kumcin Meeting
pen Nov. 12, 2015 ni-in ZTS Chapel ah nuamtakin nei thei uh a, mailamah
sep ding na hoih tampi geelna nei uh hi.
Khangno Kumcin Meeting: A 19 veina ZBCM Khangno Kumcin Meeting pen Nov. 13, 2015 ni-in ZTS Chapel ah nuamtakin nei thei uh a,
khangnote khantoh nadingin vaikhawmna tampi nei uh hi.
MC Kumcin Meeting: ZBCM Ministers Council Kumcin Meeting pen
Nov. 14, 2015 ni-in, ZBCM zumah nei uh hi.
EC Meeting: A 20 veina ZBCM EC Meeting pen Nov. 15-16, 2015 niin ZTS Chapel, ZBCM zum huangsungah nuamtakin nei thei uh hi.
USA pan hong ciah: (1) Rev. Langh Za Kap (AGS 1, ZBCM) in kha li
sung Lungdamna Thu thangko-in Gospel paina, Cialpi bawlna USA panin
Dec. 9, 2015 ni-in ZBCM zum cidamin hong tungkik a, Zomi Innpi adingin
kamciam le piakpah kigawm US $ 15370/- (Ks. tein 200 val), Mission
ading Sponsor khat le $ 900/-, le ZTS Sangnaupang Sponsor khat hong
ngah ahih manin kilungdam mahmah hi.
(2) Rev. Pau Khan Khai (President, Building Committee, ZBCM) pen
Zosiam Gospel vai le Pawlpi vaanin USA pan Kawlgam hong ciah a, Dec.
8, 2015 ni-in Kawlpi cidamin hong tung hi.
KBC in mawtaw nei: Pa Thang Mang-te innkuan in a pawlpi uh Kalaymyo
Baptist Church adingin Toyota Super Custom mawtaw hoih mahmah khat
pia uh ahih manin, lungdampihna ZOMKA pan i pulak hi.
ZTS Sweet December: Zomi Theological Seminary in Sweet December ni-in fun zonna-in motorcycle sawpna le nektheih tuamtuam zuakna
bawl uh hi.
Zomi Khristian Aw (ZOMKA)

PASIAN MAIPHA ZONG NI


(Late 105:4, Amos 5:6, 2Khang 7:13-14)
Rev.Langh Za Kap (AGS 1, ZBCM)
Thumasa: Leitung nuntak nadingin mi khempeuh in lampi tuamtuam tawh
na kisemin kizong ciat hi. Hauhna, pilna, khamlengun zonna-in hun tampi
pia-in nuntakna thahatna khempeuh tawh zongin kimanlah mahmah ciat hi.
Pasian bawlsa natengah nadingin hun nangawn kicing zo lo liangin i zong
hi. Ahi zongin na khempeuh a bawl le a nei, hong bawl Pa le hong nei Pa na
khempeuh hong pia thei Pasian thupi ngaihsut loin hanciamin i zong nuam
kei hi. Pasian zon nadingin hun tampi i pia ngam kei hi. Sumlepaai tampi i
bei ngam kei hi. I tha i ngal gimna tawlna thuakin i zang ngam kei hi.
Nuntakna beilawh dongin sumlepaai i zong ngam hi. A kip lo nate zonnain na khempeuh i sum ngam hi. A kip tawntung Pasian zonna-in i sum ngam
kei hi. Hih in tu hun ading le tawntung ading supna lianpi le a dahhuai
mahmah thu ahi hi.
Leitung i nuntak sungin i nuntak nading, i khantoh nading, i pil
nading, i hauh nading, i gualzawh nading le i nopsak nadingin hong pia thei
Pasian hi a, tua Pasian le Pasian maipha zon ding a thupi pen le a kisam
pen ahi hi. Bang hang hiam cihleh na khempeuh Topa-a hi a (Late 24:1),
na khempeuh Pasian kiang pan hong pai hi (Rom 11:36). Apia Pa le a
lakik Pa Pasian hi (Job 1:21) a, i nuntakna sungah i zat nop i kisap khempeuh
Topan nei hi (Pau 8:18). Singkung sangte phukin, singkung neute a liansak
Pa, singkung hingte keusakin singkung keute a hingsak kik Topa hi (Ezk
17:24). Thatin hingsakkik Pa, zawngsakin hausakkik Pa, niamkhiat sukin
a sangtosakkik Topa ahi hi (1Sam 2:6-8). Mihing khat a sangsak, mihing
khat a niamsak thukhen pa pen Pasian ahi hi (Late 75:7). Na khempeuh a
bawl Pa le a nei Pa tawh kimu loin, tua Pa nei loin i ngah na khempeuh
thuman (w&m;0if) hi lo hi. Hong nei Pa tawh i kimuh masiah ei mahmah
zong thuman, ngeina tawh kituak (w&m;0if) kihi lo hi. Hong nei hong bawl
Lom 20, Hawm 156, Oct - Dec, 2015

4
Pa tawh kimu lo a i nuntakna ei mahmah le i neihsate without ahi hi. Hong
nei Pa phalna om loa i neih i zatte hong nei Pan hong lakik ziau thei hi.
Hong nei Pa tawh i kimuh khit ciangin ei le i neihsate khempeuh thuman
ngeina tawh kituak (w&m;0if) kihi pan hi.
Tua ahih manin Pasian in kamsang Amos tung tawnin Topa zong
un, Topa le a hatna zongun tua hileh na nungta ding uh hi,(Amos 5:6, Late
105:4) na ci hi. Topa Jesu in Thu dang khempeuh sangin Pasian gam le a
dikna zong masa un. Tua hileh hih na kisapna dangte khempeuh uh zong
hong pia thuah veve ding hi, (Mat 6:33) na ci hi. Tua bek loin Topa Jesu
in, Mi khatpeuh in hih leitung khempeuh a ngah hangin a nuntakna bulpi
suplawh leh bang phattuamna om ahi hiam? A nuntakna bang tawh leikik
thei nawn ding ahi hiam? (Mat 16:26) na ci lai hi. Paul in, mi khempeuh
in Jesu Khris thu kin loin, amau aituam vai bek kinin zong uh hi, (Fil 2:21)
na ci hi. Eima aituam vai bek kinin i zon laisiah i geelnate tangtung thei loin
i lungsim deihna kicing thei lo ding a, Pasian deihna le Pasian sawlna tawh
kituak lo ding hi. (Joshua 1:8,Late 37:4-5) Dr. Harosa in Na gal lianpen
in nangmah nahi cih na tel masiah na nuntakna in supna lianpi lam manawhin
paipai ding hi, na ci hi.
I nuntakna ah hong bawl Pa le hong nei Pa tawh kimuh ding a
lunggulh lo, kimuh ding ngaihsutna a nei lo le Pasian maipha zon ding a
ngaihsun lo, a lunggulh lo mite, Jesu phattuam nading a zong nuam lo , a kin
lote in mi hamsia mahmah le a sum mahmahte ahi uh hi.
Peter in ngasa bet tawh nek tawm zongin a nungta mi khat hi.
Jesu tawh a kimuh masiah ngasa ngen tawh a khuhkhuh hangin khat zong
man lo hi. Ahi zongin Jesu tawh kimu-in Jesu zat ding a ngabetna gunkuang
Jesu kawm masa ahih manin Peter ngasa mat ding Jesu in tavuan la ta hi.
Jesu sawl bangin ngasa akhuh ciangin a beisa hunin khat zong a matlohna
mun hi taleh ngasa tampi man ta hi. Gun kuang nih dim ngasa man hi. (Lk
5:7) Jesu tawh kimu lopi a ama hanciamnate a mawkna suakin Jesu tawh
Zomi Khristian Aw (ZOMKA)

17

Lungdampihna
Nov. 8, 2015 ni-a Kawlgam Kiteelna ah Zomi sung pan teelcing ahi
MP-te lungdampihna ZOMKA pan i pulak hi.
1. Pu Chin Sian Thang
ZCD
Tedim
Pyithuh Hluttaw
2. Pu Kham Khan Thang
ZCD
Tonzang Pyithuh Hluttaw
3. Pu Gin Kam Lian
ZCD
Tedim Amyotha Hluttaw
4. Pu Cin Khan Pau
USDP
Tedim Amyotha Hluttaw
5. Pi Cing Ngaih Mang
ZCD
Tonzang Amyotha Hluttaw
6. Pu Thang Kho Hau
NLD
Tamu Amyotha Hluttaw
7. Pu Pau Lun Min Thang
ZCD
Tonzang
State Hluttaw
8. Pu Thawng Kho Mang
NLD
Tonzang
State Hluttaw
9. Pu Thang Deih Khup
ZCD
Tedim
State Hluttaw
10. Pu Suan Do Cin
USDP
Tedim
State Hluttaw
11. Pu Prof. Kam Za Mung NLD
Kalay
Div. Hluttaw

Associationte Khawmpi mun le hun (Nipi Ni)


TTBA
CTBA
ZZBA
KZBA
TVBA
HBA
TBCA

Tuitum
Tuikhiang
Mogoke
Sakhangyi
Buangkung
Tuitilh
New Kapteel

Feb. 14, 2016


Feb. 14, 2016
Feb. 14, 2016
Feb. 24, 2016
Feb. 24, 2016
Feb. 24, 2016
March 6, 2016

Lungdampihna: Tuimang khuami, Rev. Ciin Sian Khai (Pastor,


AZBC, Yangon) in University of Hamburg, Germany panin Doctor of
Theology (D Theol) July 9, 2015 ni-in hong zo ahih manin ZBCM gambup
in angtanpihna le lungdampihna ZOMKA pan i pulak hi. Dr. CS Khai pen
khangno, Pasian a it mahmah le Pasian in hong zatsak i Sia khat hi. Tu
laitak a zi le a tanu tawh Germany ah teeng uh hi.
Lom 20, Hawm 156, Oct - Dec, 2015

16
Thukimna phuankhia hi. UNA le ZNC in 2015 kiteelna lut ding a vaihawm
ciangin kiteelna lam vaisaite in Zomi om kei ci-in hong khaktan uh hi. Ahi
zongin Zomi mipil pawlkhat vaihawmna tawh UEC in Zomi om mah hi
ci-in lai thukkik uh a, ZNC ci nawn loin ZCD party ci-in 2012 July kha-in
Registration bawl thei hi.
I theih mah bangin 8.11.2015 ni-in kiteelna kinei hi.
Kawlgambup a huam zo USDP le NLD hi-a, minam partyte in
zong amau mun ciat ah kuang lui uh hi. Buaina hangin mun 7 ah kuang kilui
thei lo hi.
Gam tuamtuam panin sum tampi tawh ong kipanpih ban ah a encik
ding mi 20,000 kiim hong kihel uh hi.
Kawlgam bup kiteelna etna
Party-te
Pyituh MP Amyota MP
State/Div. MP
NLD
254 (57.73%)
135
474
USDP
29 (6.59%)
12
72
ZCD
2
2
2
SNLD (Shan)
13
3
25
ANP (Rakhine)
12
10
22
PNO (Pao)
3
1
6
TPNP (To-ang)
3
1
7
Galkap (teelloh)
110
56
165
Mun 3 a ngah zo lo teng: KSDP (Kachin), KDUP (Kokant), LNDP
(Lisu), WDP (Wa), SNDP (Shan), KPP (Karen), MNP (Mon), UDPS
(Kalaw), DPM (Myanmar), MRDP (Mon), WNUP (Wa), LNDP (Lahu),
LNDP (Lisu), TSNDP (Tailai/Shanni)te ahi hi. Avekpi-in Pyituh 321,
Amyota 167, State/Div. 626 ding ahi hi.
Zogam kiteelna etna
Parliament
NLD
Pyituh MP
7
Amyota MP
9
Pyine MP
12

USDP
0
1
4

ZCD
2
2
2

Kigawm
9
12
18

5
a kimuh khit ciang tam veipi khuh kul loin ngasa tampi man ziau hi. Tui
sungah ngasa a om hi lo zaw a, tua ngasa a nei Pa Jesu thupiakna kammal
sungah ngasa om hi zaw hi. Tua mah bangin i nuntakna ah i kisap na
khempeuhte ei hanciamna bek suangin sun le zan tawlnga man lo liangin i
zon sangin a nei Pa tawh kimuh ding le ama maipha ngah ding zong masa
leng kilawhcing zaw ding ahi hi. Tua ahih manin i nuntakna sungah na
khempeuh a nei a bawl Pasian tawh kimu-in ama maipha i ngah ding a
thupipen le a kisampen ahi hi.
Pasian in na lungsim khempeuh uh tawh nong zon uh ciangin nong
mu ding uh hi, (Jer 29:13, Pau 8:17) na ci hi. Lungsim khempeuh tawh
Topa a zongten mu uh hi.
Zakkhias in lungsim khempeuh tawh ka muh masiah ciah kei ning
ci-in citaktakin Jesu zong a, amah le a innkuanpihte khempeuh Jesu
tawh kimu in innkuan bup in hotkhiatna thupha ngah uh hi. Mi mawh
hi mah taleh lungsim khempeuh tawh a zong Zakkhias-te innah Jesu
taamin Jesu tawh ankuang umkhawm uh hi. (Lk 19:1-10)
Kanaan numei nu in a lungsim khempeuh tawh citaktakin Jesu zong
a inn a om atanu in dawivei natna pan damna ngah hi. (Mat 15:21-28)
Pasian tawh i kimuh khit ciangin Pasian maipha a ngah lo, Pasian maipha
a zong lo thu ummi tampi kiom hi. Topa maipha a tawntungin zong dingin
hong kisawl hi. (Late 105:4) Topa le a maipha zonna nam tampi om a, tua
sung pan a nuai a thu thum tawh Topa maipha zong dingin tha i kipia nuam hi.
1. Mawhna kisikkikna tawh Pasian maipha zong ni:
Israel mite Pasian neih tuam minam hi-in Pasian in angvan deuh in
ompih makaih in galdona ah gualzawhpih den hi. Ahi zongin Pasian phawk
kha lo mangngilh in a om uh ciang Pasian in gal lelhna, vantungte khakin
guah zuk lohna, natna tunsakna, a ne tum kauphete khah in thuhilh zel hi.

(Ref: Agape Thuthang, November 2015)


Zomi Khristian Aw (ZOMKA)

Lom 20, Hawm 156, Oct - Dec, 2015

6
Tua bang hun ciangin kiniamkhiat in thungen in mawhna kisikkik in Pasian
maipha a zon kik uh ciangin Pasian in damsakin thupha pia zel hi. 2Khang
7:13-14
Kumpi Josiah in Pasian thukham laibu simin i pu i pate in Pasian thu na
mang lo uh ahih manin Topa hehna lian hi, ci-in kiniamkhiatin mawhna
kisikkik in mawhmai nading ngen in Topa maipha zong hi. Pasian in lungsim
kisikkik in kiniamkhiat a Topa mai a zonna lungkim ahih manin Israel gambup
tungah thupha pia kik hi. 2Kum 22:19-20
Kumpi Hezekiah in Haksatna a tuah ciangin Topa biakinn ah pai in Pasian
maipha zong in thungen hi.Topan a galte uh zawhpih zel hi. Sihna ding thu
kipia khin ta leh khitui naptui tawh Topa maipha zong ahih manin Pasian in
a thu khelkik in kum 15 a nuntakna khan sak kik hi.
Ei zong eima mawhna, i pu i pate mawhnate Topa mai-ah pulaakin
mawhna kisikkik a Topa maipha i zon den ding ahi hi. Tua hileh i innkuan,
i gam, i Pawlpite hong cidamin Pasian ompihna i ngah tawntung ding hi.
2. Phatna le biakpiakna tawh Topa maipha zong ni:
Kumpi David in Topa nikhatin sagihvei phat hi.(Late 119:164) Pasian
kiangah Topa biakinn huang sung a om ding lunggulh mahmahin ngen hi.
Bang hang hiam cihleh nisimin Topa ka phat thei ding ci hi. Mun dangah ni
tulkhat om sang Topa huang sungah ni khat om hoihzaw hi. Gitlohna inn
sungah ka ten sangin ka Pasian inn kongcing pa ka hi nuam zaw hi (Late
84:1-10) na ci liang hi. En bangzah vei i phat zo hiam? Ni sagihin khat vei
beek i phat zo hiam? Pasian in tuu cing dinmun pan kumpi dinmunah laamto
hi. Phatna tawh za khangkhang mai in, phatna tawh Pasian maipha zongin
Pasian maipha ngahin phatna tawh Pasian lungsim tuak hi.
Daniel in nikhatin thum vei Jerusalem lam nga in thungen hi. (Dan 6:10)
Topan a lamdang mi theihloh pilna thuthukte na pia-in a lamdang takin
Zomi Khristian Aw (ZOMKA)

15

Kawlgam Kiteelna Vai


1974-1988 dong party khat bek bulphuhin kiteelna kizang a,
8.8.1988 ni-in tua dan hong bei hi.
1990 kum ciangin party tampi kiteelna kinei hi. Kawlgambup a
huam zo party pen NUP, DPP, NLD hi-a minam partyten a munmum ah
lui uh hi.
Tua hunin NLD in 82% ngahin gualzo uh hi. ZNC in mun 3 ah
kuang lui-a Tedim nitumna lamah Pu Chin Sian Thang in ngahin, Tozang ah
Pu Thang Lian Pau in hong ngah hi.
Galkap kumpi in paulap tuamtuam zongin NLD tungah thungeihna
ap nuam lo uh hi. Tua ciangin ZNC thumuhna tawh NLD le a gualzo partyte in CRPP kiphuanin kumpi phuat ding a kangko uh ciangin CRPP a
makai teng gilbem ah khum uh hi. Tua ciangin Mual mite kipawlna UNA
zong kiphuan hi.
Tua hun singin Thukhunpi (Constitution) kibawl a, a mau lungsim
bang lote khawlsakin, 2008 kumin upadi bawl zo uh hi. Galkap sung pan
USDP party hong phuankhia uh hi.
2010 kum ciangin party tampi kiteel nading kivaihawm leuleu hi.
Tua hunin NLD le a kipawlpih minam party-te ahi UNAte kiteelna ah lut
nuam lo uh hi. Ahang in 2008 Thukhunpi (Constitution) pen mipi khualna
tawh a kibawl hi loin, thuneihna letcipnopna bek hi ci-in a muhna hang uh
ahi hi.
2010 kiteelna ah Kawlgambup a huam zo, NUP le USDP hi a,
minam party pawlkhat zong kihel hi. Mee piak vai ah NUP in lungkim
lohna a neih hangin thu suak zo loin USDP hong gualzo hi.
2011 March 30 ni-in Galkap Kumpi in USDP makai U Thein
Sein tungah thuneihna ap uh hi.
2012 kum ciangin gamdang kumpite in i kumpite tungah a hanthotna
hangin Kumpite in upadi khel ni, ci-in a zol ciangun Pi Suh in zong Hluttaw
sungah kilutleh na kisem theizaw ding ci-in a ngaihsunna hangin kiteelna ah
hong lut a, mun 45 lak pan NLD in 43 hong ngahin Hluttaw ah ong lut
hangin a ngaihsut bangin thu kihei zo lo hi.
2013 kumin Kalaymyo panin ZCD party in a nihveina Pinglong
Lom 20, Hawm 156, Oct - Dec, 2015

14
na kiphatsakna in Jesu suah nading khaktan thei hi. I cilesate singlamteh
ah Jesu tawh sikhin zo ahih manin KhaSiangtho makaihna tawh
kiniamkhiatin dawn ni.
Hih siampite le laitheite i cih pen Jerusalem Biakinnpi-a biakpiakna
tawh kisai khempeuh ah thuneihna a neite le Thuciam luite mipite hilh a,
bangci nuntakpih ding cih a lamlak Lai Siangtho siamte ahi uh hi. Tuhun lai
adingin Pastor, Bishop, General Secretary panmunpite a len ahi hi. Lai
Siangtho siam Theologian pite mah hi.
Jesu suah ding vai pen tel uh hi. (Matt. 2:5ff). Thuciam Lui phenin
a suah nading mun lak thei uh hi. Ahi zongin amau mahmah pai-in biak
ding ngaihsutin nei lo kha uh hi. Jesu suah pen va muak lo uh hi. A thu thei,
mite kiang zong hilh napi, amau mahmah in Jesu a biak ding uh thei lo, ut lo
uh hi.
Thukhupna:
Jesu pen a simtham, a daikhilkhial a hong suak kisa kha
mawkmawk hi. Tua bang hi loin mi nautang, mipil, misiam kumpite nangawn
tungah na kipulaak teekteek hi. A lamdang na lianpite mah tawh kilangin
nang le kei i mawhnate sung pan hong gum ding hong suak zo hi. A nu le
a pa in minsiat mindaina, ngeinate phamawh sa zo loin itna le thuakna
tawh na dawn uh hi. Mipilten biakna le piakkhiatna tawh na dawn uh hi.
Herod in hehna le lungsim sung mawhna kisik nop lohna tawh na dawn hi.
Siampite le laitheite in a thu theihna bek le Jesu kiang zuat kul lo cih ciangin
na koih uh hi.
Nang bang ci dawn?
(Zolai Zunna, Nov - Dec, 2009 pan a kila hi.)

Tauleng Khua Kum 100 Cin Pawi: Tauleng khua kum 100 cin Jubilee pawipi pen Dec. 12, 2015 ni-in Tauleng khua ah bawl uh a, Rev.
Pau Khan Khai, USA pan ciah in, hunpi va zang thei hi. ZBCM pan
lungdampihna laipi zong kipia hi.
Zomi Khristian Aw (ZOMKA)

7
humpineelkai khumna pan na honkhia hi. Kumpipa nangawn in Pasian
theihlawhin Daniel Pasian mi khempeuh in bia un cih thu piak hong ngah ta
hi. USA kumpi Boss in Jeu tawh kiho loin nikhat zong kumpi tokhomah ka
tu kei hi, ci hi. USA gam Jesu a uksak ahi hi.
3. Piakkhiatna tawh Pasian maipha zong ni:
Khaici tawm a
vawhten tawm at ding a, tam a vawhten tampi at ding hi. (2Kor 9:6)
Piakkhiatna pen khaici tuhna hi a, piakkhiatna i nungah hong pai lai ding
hunah thupha at ziahziah theihna in hong dawntuah ding ahi hi. Piakkhiatna
omlohna nungah at ding bangmah om lo ding a i mailam ding hawmsuak
mahmah ding hi. Thupha at zia ding pen i khaici tuhte tawh kisai ding ahi hi.
Lo ah khaici tampi i vawh leh tampi mah ki-at thei bek a, khaici tawmkha
bek vawh a tampi at cih om thei lo hi. Tu laitak a thupha tampi at i sakte ei
theihloh hunah khaici tampi a tuhte ahi uh hi. Pasian gam ading piakkhiatna,
mizawngte huhna, meigong tagahte huhna, Pasian nasemte huhna cihte in
thu ummite adingin seploh phamawh Pasian hong sawl ahi hi.
Piakkhiatna in cilesa tawh i et ciangin neihsate supna beina hi-a,
kha lam pan i et ciangin neihsa kholna (Mat 6:19-21), a zah tampi a henhen
a tahtah a dimlet a meet a khang ngahkikna (Lk 6:38) ahi hi. Tua manin
Topa Jesu in Ngahna sangin piakkhiatna ah lungdamna lianzaw hi, (Sawl
20:35) na ci hi. Bank ah sum i koih i khol ciang bekin sum kithoh thei bek
hi. A meet zong i kholzah zui-in a hunhunin kingahin kithoh thei lai hi.
Sumkhol lopi-in sum meet kingah lo hi. Piakkhiatna pen bank a sumkhol
tawh kibangin Pasian kiangah a khol ihi hi. Pasian in i piakkhiatnate vantungah
hong kholsakin, leitungah a meet hong ngahsak ding a, sumbulte vantungah
Jesu khephung i tun ciangin kham lukhu-in hong thohsak dingin hong khusak
ding ahi hi. I neihsa tawh kizui-in piakkhiatna tawh i nuntakna tawisangin
lapsang ding ahi hi. Meigongnu sumpi dangkasan paainih a khiat pen Jesu
in tam khia pen hi ci hi. Sumpi a khiat a kipan a nuntakna Jesu pahtawina
a ngah ahi hi. Ngah ding bek a lamen a, a hanciam Zakkhias pen Jesu tawh
Lom 20, Hawm 156, Oct - Dec, 2015

8
a kimuh khit ciangin piakhia dingin kipantah hi (Lk 19:8). A nuntakna
kikhelin kilaamsang hi.
Thu ummite khempeuh i neihna tawh kituakin piakkhiatna tawh vantung
bank ah sum khol dingin Lai Siangtho in hong hilh hi. I piakkhiat khit ciang
bekin Vantung i Pa kiangah i kisapnate nget huai bek hi. I piakkhit ciangin
ngahna ding zong hong om ta ding ahi hi. Sawm ah khat sumpite, citpiak
sumpite le biakpiaknate guksak loin pammaih sa loin citaktakin Pasian
kiangah i paipih ding ahi hi. Leitung bank sang Vantung bank ah a meet
tam kingah zaw hi.
Abraham:
Pasian in Abraham a neihsun a tapa tawh biakpiakna piak
dingin ngen a, Abraham in iksik loin pia pah ahih manin Pasian lungkim lua
in nang thupha kong pia taktak ding hi ci-in Pasian amah le amah kiciam
liang hi. (Pian 22:9-17) Pasian deih pen a tapa hi masa loin a lungsimah
phal maw phal lo, Pasian thupiak mang maw mang lo cih hi zaw hi. Minam
lian in kong bawl ding a, na suan na khakte thupha ka pia ding hi cih
kamciam ngah pah hi. Tuni dong leitungah mi hau pen, mi pil mi siam pente
Abraham suan le khakte Israel minamte ahi hi.
Mary in a it penpen pak namtui Jesu piakhia a, Topa Jesu in leitung bei
dong hih nu thu kiphawkin kei tungah hong sepnate ki gen gen ding hi ci hi.
(Mk 14:3-9)
Zarefath khua meigong nu in a neihsun anlum ka sih leh zong si zaw ning
ci-in Pasian mipa Elijah a piak khiat khit ciangin a kang ngeilo a bei thei lo
thupha luang hi. (1Kum 17:8-16) Kialpi hun sungin mi haute zong nek ding
nei loin puksi kha ding hi. Ahi zongin Pasian mipa a neihsun a piakhia
meigongnu Topan puksisak loin vak hi.
Piakkhiatna in Pasian tawh hong kinaisak hi. Na sum omna ah na
lungsim om ding hi. (Mat 6:21) I lungsim hong kal ilungsim hong deih
Pasian in i lungsim ong en gige hi. (Pau 23:26, 1Sam 16:7)
Zomi Khristian Aw (ZOMKA)

13
genna mangin, Judahte ngeina bangin kum khat sung ngak loin, mite gensiat
dingte awlmawh loin Mary maizumna pan a dalsak nading a inn-ah ciahpih
pahin omsak a, luppih het loin Jesu suahna na dawn hi. Mite telkhialh
dingte lunghimawh loin Jesu mun na pia uh hi.
II. Mipilte in Jesu a dawnna
(Matt. 2:1-12)
Aksi lam siamna a nei Persia gam hiam, Babylon gam hiam pan-a
hong pai Gentile mipilte hi. Aksi a lamdang mahmah khat (Jupiter Aksi pi a
hiam Saturn Aksipi in ki-ummawh) mu-in kumpi khat suak hi cih teltakin
thei uh hi. Amau gam pan a manpha penpen kham, Paknamtui le Mirrah
tawh Topa Jesu hong bia uh hi. Hih vante pen kumpi khat biak nadingin a
kizang nate na hi hi. Mipilte i hauhna le leitung buppi hauhna khempeuh
nikhat ni ciang Messiah tungah kipia ding cihna ahi hi. (Is. 60:5, 11, 61:6,
66:20, Zeph. 3:10, Hag. 2:7-9)
Aksi i lamlahzia: Aksi-te i ngeina in nisuahna pan nitumna lam
manawh ci hi. Ahi zongin hih mipilte in Jesu kiang teekteek a tuntheih
nadingin Jerusalem pan leitaw lam tai ngana Bethlehem khua-ah suk paipih
mawk hi.
Mipilte in Aksi lamlahna a ngah mah bangin Kha Siangtho makaihna
bekin Jesu Khris hong umsak, hong muangsak thei hi. Biakna le piakna
tawh Jesu dawn uh hi.
III. Herod le Pasian Siampi le Laitheite (Matt. 2:3-8)
Jesu suah thu a zak ciangin Herod pen lunghimawh ci hi.A lungsim
suakta lo, lauthawng hi. Amah pen David suan lah hi lo, Judah mi zong hi
loin, Edom mi hi citciat hi. A cilesa tawh ama deihna bulphuhin do na sawm
hi. Herod pen kihtakhuai mahmah makai khat hi. Ama zi, a tate 3, a sungnu,
a makpa, a panote a thatpa ahi hi. Hih migilopa hun teekteekin ama suahtak
nading, a mawhna a maisak ding Jesu hong suak sese hi. Kha Siangtho
phalna tawh Herod in theikha napi, a suah nading mun bang gen thei napi
Jesu thahnopna lungsim tawh lau in, hazatna tawh na dawn hi. Na ci, na sa,
Lom 20, Hawm 156, Oct - Dec, 2015

12

JESU BANG I CI DAWN DING


~Rev Khup Lian Suum
Senior Pastor, Bethsaida AG , Tahan
Leitung bupah biakna tawh kisai Pawite sung panin mi khempeuh i
ngaklahpen in Lungdam bawl ahi hi. Leitung mun tuamtuamte ah November kha pan bangin a innte uh le biakinnte ahoih theithei-in kizem ta hi.
Lawpna le Lungdamna tawh Jesu suah kum 2016 a cinna a muak ihi hi.
UNO ah Thu zeekpi a sem ngei Khawlgammi U Thant (19091974), ama pian kum 100 a cinna phawkna-in Oct. 17, 2009 ni-in UNO
zumpi le Yangon UN zumte ah kibawl hi. Ama nasep nate kisuaksak a, gal
abeisakna, gal pian ding a dalna, gamthak tuamtuamte a din nading a
mapanna panin Leitung a University sangpite in pahtawina a piak Doctor
(LLD) buaih (Lukhu neelkai) pen 17 bang ngah hi.
I Topa Jesu zong kum 2000 val phata a, Jesu suah hun lai-a mite
dawnzia Matthai le Luka gelh lungdamna sung bulphuhin kikum ni.
I. Josef le Mary-te dawnna
Lk 1:20-38 sungah Pasian tapa a suah nadingin Galilee gam
Nazareth khua panin nungak siangtho Mary, Pasianin na teel hi. Mary in
zong Topa Jesu suahna nu dingin na kiphal hi.
Mary i dinmun tawm enpak le hang, amah pen David suan Josef
tawh a kiteeng dingin zuthawl kipia sa nungak hi. Judahte ngeina ah zuthawl
a kipiak khitteh nulepa ngeina bangin a om theih nai loh uh hang midangte
tawh kibang loin zi le pasal mahin mi khempeuh mai-ah ciaptehna ngah uh
hi. A pasal, a numei, amau inn tuakah kum khat sung om tuak phot ding
kisam hi. Tua hun sungin numei in mindaina khatpeuh a neih le a pasal in
ma-in mipite zasakin suang tawh denglumsak thei hi. (Thkn. 22:23-24).
Tua a piangthei siatnate thei sa-in Mary in Jesu nu dingin na kiphal hi.
Josef zong Mary i naupaaina hangin a lungsim na mahmahin dah le
maizum thuahkawm hi. Ahi zongin Josef in Judah ngeina tawh minsiatsak
ding sawm loin maksim ding a ngaihsut laitak (Mt. 1:19-23) vantung mi i
Zomi Khristian Aw (ZOMKA)

9
Galkapbu Kornilius in Pasian sungah lungkimin a piakkhiatnate Pasian
in phawkin vantungah ciamtehsak hi. (Sawl 10:1-4) A piakkhiat zawh a
kipan Pasian Kha Siangtho in a inn uh cingin vil in kem hi. A inn uh zangin
mi tampi in Kha Siangtho ngahin na lamdang tampi musak hi. Piakkhiatna
in Pasian phawkna, Pasian lungngaihna le mailam ading lampi honsakna
hong ngahsak hi.
Thupha atna gam sungah na ngah nop leh piakkhiatna tawh Pasian
maipha zon ding kipan in. Khawlkhawl kenla a kicin deuh teh, tua teh cici
kei inla kipan pah in. Nopsakna le lungdamna, a bei ngei lo lametna thupha
atna kuampi sung na tung ding hi. Pasian in a tapa neihsun hong pia-in
hong honkhia ahih manin lungdamkohna-in en zong i neih zahzah tawh
piakik ni. Piakkhiatna nungah thupha lianpi at ding in hong ngak cih phawk
ni. A cinghte hau semsem ding a, midang ahuhte in huhna mah ngahkik ding
hi. (Pau 11:25) Billgate in miten na hauhna bangtan khanglai dingin na um
hiam? cih kidonga Pasian maipha ka muh laisiah khangkhang lai ding hi, ci
hi. Hauhna khanna Pasian maipha muhna tungah kinga hi. Banghang hiam
cih leh a khangsak Pa Pasian ahi hi. (1Kor 3:6)
Thukhupna: Kumpite, uliante maipha i ngah leh amau hong piak theih
tan thupha i ngah bangin na khempeuh a nei na khempeuh a hih thei Pasian
maipha i ngah nakleh Pasian sungah i deih i sap khempeuh kicing hi. Esther
in Pasian maipha ngah ahih manin Kumpipa maipha zong a ngah ahi hi.
Pasian maipha a ngah manin tagah inn pan Kumpi inn dongah Topan
laamto hi. Tua ahih manin thupha ngah nading, cidam nading, gualzawh
nading, liat nading, thahat nading, pil nading, nopsak nading, hauh nading,
khantoh nading, kilapsang nading na khempeuh Pasian khut sungah om
ahih manin (1Khang 29:11-12) tua Pasian maipha a zong zel a zong ngei
bek hi loin hih theihna nam tuamtuam tawh a tawntungin Pasian maipha
zong ciat ni. Topa maipha a zong tawntung zo ciat dingin Topan mimal
kim thupha hong pia ta hen.
Lom 20, Hawm 156, Oct - Dec, 2015

10

Singkung Thumte Tangthu


(Khrismas tangthu)
~Tg. Langh Do Lian
Khrismas tawh kisai tangthu kiphuaktawm khat om hi. Lebanon
gam singhalh khatat taak singkung thum po hi. I theihsa mah bangin taak
singkung cih pen a khansau mahmah hi. Kum zalom tampitak kantan uh hi.
Hih taak singkung thumte in Nuntakna le sihna leitung pianzia le mihing
cih thute nawkkha-in kantan ciat uh hi.
Amaute in kumpipa Solomon galkapte Lebanon gamah Assyrian
mite a donate zong mu uh hi. Mi tampitakte in amau gei tawnin nungta uh hi.
Ni khat ciangin hih taak singkung thumte in a mai lam ding uh thu
kikum uh hi.
Singkung khatna in:
Tu ni caingciang i tuahkhakte nungah ka ut khat bek om hi. Tua in
gal khempeuh a zo kumpipa tutna suak nuam ing, ci hi.
Singkung nihna in:
Kei bel a khangkhangin itna le kipiakkhiatna thu a kigenteh denna
tampite lakah khat suaknuam ing, ci hi.
Singkung thumna in:
Mihingte in kei hong muh simun Pasian a phawk nading uh suak
nuam ing, ci-in gen hi.
Hih bang tengah hunte pai toto in, kumte bei diaidiai zel hi. A
tawpna ciangin singphukpa in tua singkung thumte a phuk hi.
Singphukpa in singkung khatna pen nauluai-in bawl hi. A val teng
tawh bawng annekna kuangin bawl hi.
Singkung nihna pen annekna sabuai-in bawl hi. A sawtna ciangin
lettama khut sungah suak hi.
Singkung thumna pen kimanna nei loin, kuamah in lei nuam lo ahih
Zomi Khristian Aw (ZOMKA)

11
manin vansenna inn sungah kikoihcip hi.
Singkung thumte in ko sing hoih nam hi napin mun hoihna ah
zong hong kizang hiau lo cih tawh khasia mahmah uh hi.
Hunte hong beibei in, khuadam nitak khat zan giak nading a mu zo
lo nupa nih pen singkung khatna omna bawngkuang gei-ah a giak uh hi. A
zi pen nausuak hun cing ta lailai ahih manin tua ni zanin tua nupinu nau suak
hi. Tua nauno pen bawngkuang sungah sial uh hi. Tua hun laitakin singkung
khatna pen amah le amah kithei pah lian hi. A gelgel tangtung taktak cih tel
hi. Leitungah a gualzopen kumpite Kumpi in amah tutna, kisialna-in zang
hi. Gal khempeuh a zo pa kisialna suak hiau hi.
Kumte hong pai toto in, inn dei neuno khat sungah mi pawlkhat
anne uh hi. Singkung nihna pan a kibawl sabuai tungah ahi hi. Tuate sung
pan khat in a an nek ma-un sabuai tunga kikoih moh le leenggah tui siksanin
thugen hi. Tua munah singkung nihna in tel pah lian hi. Amah pen moh le
leenggahtui kikoihna sabuai mawkmawk hi nawn loin Pasian le mihingte
kizopna khatah kihel cih kitel mahmah hi.
A zingciangin singkung thumna pen tawh singlamteh kibawl hi. A
sawt loin liamna tawh mi khat hong kikhai lum hi. Tua zawh ni thum khit
ciang tua mipa thokik ahih manin tua singkung thumna pen suahtakna,
gualzawhna lim khat suak hi. itna thu a kigen simin singlamteh thu kigen
den hi.
Singkung thumte pen amaute suaknopna bangun suak ciat uh hi.
Ahi zongin amaute gelna le upmawhna lampi bangin na piang lo hiau hi.
(Source: Paulo Coelho gelh Christmas Story,
http://homeofns.blogspot.com/2011/12/blog-post.html)
(Suaimual Tangko, Nobember & December, 2013
pana hong kisuaksak kik hi. Ed)

g
Lom 20, Hawm 156, Oct - Dec, 2015