You are on page 1of 88

‫ﻳﻮﺥ ﻣﻦ ﺍﺅﺯ ﺳﺆﺯﻭﻣﺪﻩ ﺩﻭﺭﻣﻮﺷﺎﻡ ﻫﻠﻪ‬

‫ﺍﻭﻧﻮﺩﺍ ﺑﻴﻠﻤﻪ ﺩﻳﻢ ﺍﻳﻠﻚ ﻋﺸﻘﻲ ﺳﻦ ﺗﻚ‬


‫ﮔﻮﻧﺎﻩ ﺩﺍﻥ ﻳﻮﻧﮕﻮﻟﻪ ﻡ ﺑﻴﺮ ﻗﻮﺷﺎﻡ ﻫﻠــﻪ‬
‫ﺳﻮﭼﻼﺭﻳﻦ ﺗﺎﻭﺍﻧﻴﻦ ﺍﺅﺯﻭﻥ ﭼﻚ »ﭼﻴﭽﻚ« !‬

‫ﻛﺆﻧﻮﻟﺪﻥ ﺳﺌﻮﺩﻳﻴﻢ ‪،‬‬


‫ﭼﻴﭽﻪ ﻳﻪ‬
‫ﺳﻮﻧﻮﻟﻮﺭ‪.‬‬
‫ﺍﺅﻟﻮﻡ ﺳﻤﻔﻮﻧﻴﺴﻲ‬

‫ﺩﺍﻟﻐﺎ – ﺧﺎﺗﻴﻦ ﺍﻭﻏﻠﻮ‬


‫ﺑﻮ ﻋﺼﺮﻳﻦ ﺳﺌﻮﮔﻴﺴﻲ!‬

‫ﺳﻮﺭﻏﻮ ﺩﻭﻟﻮ ﮔﺆﺯﻟﺮﻳﻨﻪ ﺑﺎﺧﺪﻳﻢ‬


‫ﺳﻮﭼﻠﻮ ﺍﻳﻨﺴﺎﻥ ﻛﺌﭽﻤﻴﺸﻴﻨﻪ ﺑﺎﺧﺎﻥ ﻛﻴﻤﻲ‬
‫ﺑﻴﻠﻤﻴﺮﻩ ﻡ ﮔﺌﺞ ﺩﻭﻏﻮﻟﺪﻭﻕ ﻳﻮﺧﺴﺎ ﺗﺌﺰ !‬
‫ﺑﻴﺮ ﻋﺼﺮﺩﻩ ﺳﺌﻮﻳﺸﺪﻳﻚ ﻛﻲ‪،‬‬
‫ﻗﺎﺩﻳﻨﻴﻦ ﻗﻮﻟﻮﻧﺪﺍﻛﻲ ﺑﻴﻠﻪ ﺭﺯﻳﻚ‪،‬‬
‫ﺁﺝ ﺃﺭﻳﻨﻴﻦ ﮔﺆﺯﻭﻥ ﻗﺎﻣﺎﺷﺪﻳﺮﻳﺮ!‬
‫ﺑﻴﺮ ﻋﺼﺮﺩﻩ ﻛﻲ‪،‬‬
‫ﻛﻮﺭ ﺍﻟﻴﻨﺪﻥ ﭼﻪ ﻟﻴﻚ ﺍﻭﻏﻮﺭﻻﻳﻴﺮﻻﺭ‬
‫ﻭ ﺍﺅﻟﻮ ﻗﺎﺩﻳﻨﻴﻦ ﻟﺌﺸﻴﻨﻪ ﺷﻬﻮﺕ ﻟﻪ ﺑﺎﺧﻴﺮﻻﺭ!‬
‫ﺍﻭﺯﺍﻗﻼﺭﺩﺍﻥ ﮔﻠﻴﺮﻡ‬
‫ﺳﻨﻪ ﺍﺗﻚ ﺩﻭﻟﻮ ﻫﺪﻳﻪ ﻟﺮﻟﻪ‪،‬‬
‫»ﭼﻴﭽﻚ«!‬
‫ﺳﻮﺳﻮﺯﻟﻮﻗﺪﺍﻥ ﺩﻭﺩﺍﺩﻗﻼﺭﻳﻢ ﭼﺎﺕ‪-‬ﭼﺎﺕ ﺍﻭﻟﻤﺎﺩﺍﻥ‬
‫ﻣﻨﻪ ﺳﻮ ﺍﻳﭽﻴﺮ ﺍﻭﻭﺟﻮﻧﺪﺍ‬
‫ﺍﻭ ﺳﻮﺩﺍﻥ ﻛﻲ‪،‬‬
‫ﮔﺆﻳﻪ ﺭﭼﻴﻦ ﻟﺮﻳﻦ ﺑﺎﺷﻴﻦ ﺍﻭﺯﻣﻪ ﺩﻥ‬
‫ﺍﻭﻧﻼﺭﺍ ﺍﻳﭽﻴﺮﺭﻟﺮ!‬
‫ﺍﻭﺯﺍﻗﻼﺭﺩﺍﻥ ﮔﻠﻴﺮﻡ‬
‫ﺍﺗﻚ ﺩﻭﻟﻮ ﻫﺪﻳﻪ ﻟﺮﻟﻪ‪.‬‬
‫ﺳﻨﻪ ﻛﺎﻣﺎﻧﭽﺎ ﻭﺋﺮﻣﻚ ﺍﻳﺴﺘﻪ ﻳﻴﺮﻩ ﻡ‪... :‬‬
‫ﻗﻮﻟﻮ‪،‬‬
‫ﻗﺎﺭﺩﺍﺷﻴﻤﻴﻦ ﺳﻮﻣﻮﻳﻮﻧﺪﻥ‬
‫ﻛﺎﺳﺎﺳﻲ‪،‬‬
‫ﺑﺎﺑﺎﻣﻴﻦ ﺑﺎﺵ ﻛﺎﺳﺎﺳﻴﻨﺪﺍﻥ‬
‫ﺗﺌﻠﻠﺮﻱ‪،‬‬
‫ﺑﺎﺟﻴﻤﻴﻦ ﺳﺎﭼﻴﻨﺪﺍﻥ‬
‫ﻭ ﺻﺪﻑ ﻟﺮﻱ‪،‬‬
‫ﺁﻧﺎﻣﻴﻦ ﺩﻳﺸﻠﺮﻳﻨﺪﻥ ﺩﻳﺮ‪.‬‬
‫ﭼﻴﭽﻚ!‬
‫‪...‬ﺑﻴﺮ ﻋﺼﺮﺩﻩ ﻛﻲ‬
‫ﺷﺎﻋﻴﺮﻳﻦ ﻋﺆﻣﻮﺭﻟﻮﻙ ﭼﺎﻟﻴﺸﻤﺎﺳﻲ‬
‫ﺍﻭﭺ ﭼﺮﻩ ﻙ ﻛﻔﻦ ﺩﻳﻪ ﺭﻳﻦ ﺍﺅﺩﻩ ﻳﻪ ﺑﻴﻠﻤﻴﺮ‬
‫ﻭ ﻗﺒﻴﺮﻗﺎﺯﺍﻥ ﺍﻣﻪ ﻳﻲ ﺍﻭﻧﺪﺍﻥ ﺁﺭﺗﻴﻘﺪﻳﺮ‬
‫ﺳﻨﻪ ﻫﺪﻳﻪ ﻭﺋﺮﻣﻚ ﺍﻳﺴﺘﻪ ﻳﻴﻴﺮﻩ ﻡ!‬
‫ﺍﻳﻨﺎﻥ ﻛﻲ ﺟﺌﺖ ﻟﺮﻳﻦ ﺍﻭﭼﻮﺷﻮﻧﺎ ﻣﺎﻧﻊ ﺍﻭﻟﻤﺎﺳﺎﻳﺪﻱ‬
‫ﻫﺮ ﺁﺧﺸﺎﻡ ﺁﻍ ﮔﺆﻳﺮﭼﻴﻦ ﻟﺮﻟﻪ‪،‬‬
‫ﺳﻨﻪ ﺳﺌﻮﮔﻲ ﺩﻭﻟﻮ ﻣﻜﺘﻮﺏ ﺩﺍ ﮔﺆﻧﺪﻩ ﺭﺭﺩﻳﻢ!‬
‫ﺑﻮ ﻋﺼﺮﻳﻦ ﺳﺌﻮﮔﻴﺴﻴﻨﻪ‬
‫ﺑﻴﺮ ﺑﺎﺧﻴﺶ ﻳﺌﺘﻪ ﺭ‬
‫ﻭ ﺍﻥ ﮔﺆﺯﻝ ﺳﺌﻮﮔﻲ ﻟﺮ ﻧﺪﻧﺴﻴﺰﺩﻳﺮﻟﺮ!‬
‫ﺑﻮ ﻋﺼﺮﺩﻩ ﻛﻲ ‪،‬‬
‫ﻗﻴﺰﻳﻠﻲ ﺍﻭﺩﻻ‪،‬‬
‫ﻗﺎﺩﻳﻨﻲ ﻗﻴﺰﻳﻞ ﻻ‪،‬‬
‫ﻭ ﻛﻴﺸﻴﻨﻲ ﻗﺎﺩﻳﻦ ﻻ ﺳﻴﻨﺎﻣﺎﻕ ‪-‬‬
‫ﺍﻥ ﺩﻳﺮﺳﻴﺰ ﺍﻳﺶ ﺩﻳﺮ‪.‬‬
‫ﺑﺎﻏﻴﺮﻣﺎﻕ ﺍﻳﺴﺘﻪ ﻳﻴﺮﻩ ﻡ!‬
‫ﺣﺊ‪ ...‬ﻱ!‬
‫ﺳﻴﺰﻳﻨﻠﻪ ﻳﻢ ﻗﻮﺭﺧﺎﻕ ﺍﻧﺴﺎﻧﻼﺭ!‬
‫ﺣﺌﻲ!‪... ،‬ﻳﺎﺧﺠﻲ ﺍﻧﺴﺎﻧﻼﺭ!‬
‫ﺣﺌـ‪...‬ﻱ!‬
‫ﻗﻮﺭﺧﻮﺩﺍﻥ ﮔﻮﻧﺎﻫﺴﻴﺰ ﻳﺎﺷﺎﻳﺎﻧﻼﺭ‬
‫ﻭ ﮔﻮﻧﺎﻩ ﺣﺴﺮﺗﻴﻨﻲ ﺍﺅﺯﻟﺮﻱ ﺍﻳﻠﻪ ﮔﻮﺭﺍ ﺁﭘﺎﺭﺍﻧﻼﺭ!‬
‫ﺳﻴﺰ ﺗﺎﻧﺮﻱ ﺩﺍﻥ ﻗﻮﺭﺧﺪﻭﻧﻮﺯ‬
‫ﻭ ﺗﺎﻧﺮﻱ ﺳﻴﺰﻳﻦ ﺩﻭﺷﻮﻧﺠﻪ ﻧﻴﺰﺩﻥ!‬
‫ﻣﻦ ﻛﻲ‪،‬‬
‫ﭘﻴﺲ ﺍﻳﻠﻪ ﻳﺎﺧﺠﻲ ﺁﻳﺪﻳﻨﺠﺎﺳﻴﻨﺎ ﺍﻳﭽﻴﻤﺪﻩ ﭼﺎﺭﭘﻴﺸﻴﺮ!‬
‫ﭼﻴﻴﻨﻴﻢ ﺩﻩ‬
‫ﺩﺍﺭ ﺁﻏﺎﺟﻴﻦ ﺩﺍﺷﺎﺩﻳﻢ‬
‫ﻣﺴﻴﺢ‪،‬‬
‫ﺻﻠﻴﺒﻴﻦ »ﺟﻮﻝ ﺟﻮﺗﺎ«ﺗﭙﻪ ﺳﻴﻨﻪ ﺩﺍﺷﺎﻳﺎﻥ ﻛﻴﻤﻲ!‬
‫ﻫﻢ ﺩﻩ ﻳﺎﺷﺎﺩﻳﻢ ‪ ،‬ﻳﻬﻮﺩﺍ ﻳﺎﺷﺎﻳﺎﻥ ﻛﻴﻤﻲ!‬
‫ﻳﺎﭘﺪﻳﻐﻴﻢ ﺳﻮﭼﻼﺭﺩﺍﻥ‬
‫ﻧﻪ ﺍﻭﺗﺎﻧﺪﻳﻢ ﻭ ﻧﻪ ﺩﻩ ﻗﻮﺭﺧﺪﻭﻡ‪.‬‬
‫ﻣﻨﻴﻢ ﻛﻲ ﺍﻥ ﮔﺆﺯﻝ‬
‫ﻋﻴﻦ ﺣﺎﻟﺪﺍ ﺃﻥ ﺑﺆﻳﻮﻙ ﮔﻮﻧﺎﻫﻴﻢ »ﺳﺌﻮﮔﻲ« ﺩﻳﺮ!!!‬
‫ﺁﻧﺠﺎﻕ ﺑﻴﻠﻤﺮﻩ ﻡ ﻧﺪﻥ ﭼﻴﭽﻚ!‬
‫ﻧﺪﻧﺴﻪ‪،‬‬
‫ﺳﻮﺭﻏﻮ ﺩﻭﻟﻮ ﮔﺆﺯﻟﺮﻳﻨﻪ ﺑﺎﺧﺪﻳﻢ‬
‫ﺳﻮﭼﻠﻮ ﺍﻳﻨﺴﺎﻥ‬
‫ﻛﺌﭽﻤﻴﺸﻴﻨﻪ ﺑﺎﺧﺎﻥ ﻛﻴﻤﻲ‬
‫ﻭ ﺍﻭﺗﺎﻧﺪﻳﻢ‬
‫ﺃﺗﻪ ﻳﻴﻤﺪﻩ ﻛﻲ ﻫﺪﻳﻪ ﻟﺮﺩﻥ‪.‬‬
‫‪٨٢/١/٢١‬‬

‫ﻛﺎﺑــﻮﺱ‬

‫ﻳﻮﺧﻮﻻﺭﻳﻢ ﺩﻭﻏﺎﻝ ﺳﻴﻨﻤﺎ‬


‫ﻭ ﺳﻦ‪،‬‬
‫ﻛﺎﺑﻮﺳﻼﺭﻳﻤﻴﻦ ﺁﺭﺗﻴﺴﺘﻲ‪.‬‬
‫ﮔﻮﻝ ﻣﻨﻪ‪،‬‬
‫ﺩﻩ ﻟﻴﺠﻪ ﺳﻴﻨﻪ ﮔﻮﻝ !‬
‫ﺩﻳﺸﻠﺮﻳﻦ ﺍﻭﺯﻭﻣﻪ ﺍﻳﺘﻴﻠﻤﻴﺶ ﻣﻮﺷﺎﺭ ﻛﻴﻤﻲ‪،‬‬
‫ﻛﺲ ﮔﺆﻭﺩﻩ ﻣﻲ‪،‬‬
‫ﻣﻴﻦ ﻳﺌﺮﻩ ﺑﺆﻝ‪.‬‬
‫ﻳﺎﺭﺍﻟﻲ ﻛﺆﻛﺴﻮﻣﺪﻥ ﻓﻴﺪﺍﻧﻼﺭ ﺑﺎﺵ ﻗﺎﻟﺪﻳﺮﻣﺎﺩﺍ‪...‬‬

‫ﺑﻮ ﮔﺌﺠﻪ ﺗﺎﻧﺮﻱ ﺍﻳﻠﻪ ﺍﻝ – ﺑﻴﺮﻡ ﺟﻴﻨﺎﻳﺘﻪ‪،‬‬


‫ﻳﻌﻨﻲ ﺁﺩﺩﻳﻢ‪ -‬ﺁﺩﺩﻳﻢ ﺍﻳﻨﺘﺤﺎﺭﺩﺍﻳﺎﻡ‬
‫ﻭ ﺳﻨﻴﻦ ﻓﺎﻧﺘﺌﺰﻱ ﺃﻟﻠﺮﻳﻨﻠﻪ ‪،‬‬
‫ﺩﺍﺭ ﻛﻨﺪﻳﺮﻳﻦ ﺑﻮﻳﻨﻮﻣﺎ ﺳﺎﻟﺪﻳﺮﻣﺎﺩﺍ‪...‬‬
‫ﺍﻭﻭ‪..........‬ﻭ !‬
‫ﺍﻟﻠﺮﻳﻦ ﻧــﻪ ﺳﺮﻳﻦ!!!‬
‫ﻛﺎﺑﻮﺳﻼﺭﻳﻢ ﺁﺭﺍ‪،‬‬
‫ﺍﺅﺯ ﺍﻟﻴﻢ ﮔﺆﻭﺩﻩ ﻣﻪ ﺗﻮﺧﻮﻧﺪﻭﻗﺪﺍ‪،‬‬
‫ﺩﻳﺴﻜﻴﻨﻴﺐ ﺁﻳﻴﻠﻴﺮﺍﻡ!‬
‫ﺑﻮﺩﺍ ﻳﺌﻨﻲ ﺑﻴﺮ ﻓﻠﺴﻔﻪ‪:‬‬
‫“ ﻣﻦ ﻗﻮﺭﺧﻮﺭﺍﻡ ﺑﻪ ﻭﺍﺭﺍﻡ!”‬
‫ﺷﻌﻴﺮﻟﺮﻳﻢ ﺳﻴﺎﺳﺖ ﺑﺎﺭﺍﻡ!‬
‫ﮔﺆﻭﺩﻩ ﻡ ﺑﻮﻳﺪﺍﺩﻳﺮ ‪،‬‬
‫ﺍﻳﭽﻴﻤﺪﻩ ﻳﺎﺭﺍﻡ!!!‬

‫‪ ...‬ﻳﺌﻨﻪ ﺷﻌﻴﺮﺩﻥ ﺩﻭﺳﺘﺎﻕ ﺗﻴﻜﻤﻪ ﺩﻩ ﻳﻢ‪،‬‬


‫ﻛﻠﻤﻪ ﻟﺮ ﺩﺍﺷﻲ ﭼﻴﻴﻨﻴﻤﺪﻩ‪،‬‬
‫ﭼﺌﺸﻴﺘﻠﻲ ﭘﻴﻼﻧﻼﺭ ﺑﺌﻴﻨﻴﻤﺪﻩ‪،‬‬
‫ﻗﺎﺭﺍ ﻗﻮﻝ ﻛﻴﻤﻲ ‪،‬‬
‫ﻫﺌﭻ ﺑﻴﺮ ﺍﺅﺭﺗﻮﻙ ﺍﻩ ﻳﻨﻴﻤﺪﻩ!‬

‫‪ -٢٣‬ﺍﻳﻞ‪،‬‬
‫ﺍﻭﺯﻭﻣﻮ ﺩﻳﻮﺍﺭﺍ ﺳﺆﻳﻜﻪ ﺩﻳﻢ‬
‫ﮔﺆﺯﻟﺮﻳﻢ ﺩﻩ ﻗﻴﺰﻟﻴﻐﻲ ﮔﺌﺘﻤﻴﺶ ﺑﻴﺮ ﺍﻭﺷﺎﻏﻴﻦ ﺍﻭﺗﺎﻧﻤﺎﺳﻲ‪،‬‬
‫ﺍﻭﺭﻩ ﻳﻴﻤﺪﻩ ﻟﺌﺰﺑﻴﺎﻧﻼﺭﻳﻦ ﻭﺣﺸﻲ ﺍﺅﭘﻮﺷﻮﻧﺪﻥ ﺳﻴﺠﺎﻕ‪،‬‬
‫ﺑﻴﺮ ﺍﻭﺩﻭﻥ ﻳﺎﻧﻤﺎﺳﻲ!‬
‫ﺍﻭﻭ‪................‬ﻭ!‬
‫ﺍﻭﺷﻮﺭﻡ ﺁﻧﺠﺎﻕ!‬
‫ﺑﺮﻱ ﺑﺎﺥ‪ ،‬ﺑﺮﻱ‪...‬‬
‫ﺳﺎﻏﺪﻭﺷﻮﻡ – ﺳﻮﻟﺪﻭﺷﻮﻡ ﻓﺎﺣﻴﺸﻪ ﻟﺮ‪.‬‬
‫ﻳﻌﻨﻲ ﺗﺎﻧﺮﻱ ﻧﻴﻦ ﺩﻳﺸﻲ ﺍﺋﻠﭽﻲ ﻟﺮﻱ!‬
‫ﻫﺌﭻ ﺑﻴﺮ ﺳﻮﭼﻮﻡ ﺍﻭﻟﻤﺎﺩﺍﻥ ﻳﺎﺷﺎﻣﺎﻏﺎ ﻣﺤﻜﻮﻣﺎﻡ‪،‬‬
‫ﻭ ﺳﻨﻲ ﺳﺌﻮﻣﻪ ﻳﻪ!!!‬
‫ﻧﻔﺲ ﺩﺭﻣﻪ ﺩﻥ ﺩﻭﺷﻮﻧﻤﻚ ﺯﻭﺭﻭﻧﺪﺍﻳﺎﻡ!‬
‫ﻭ ﺁﻳﻴﻠﻤﺎﻕ ﺗﻬﻠﻮﻛﻪ ﺳﻴﻨﺪﻩ!!!‬
‫‪ ...‬ﺍﻭﻳﺨﻮﻻﺭﻳﻢ ﺩﻭﻏﺎﻝ ﺳﻴﻨﻤﺎ‪،‬‬
‫ﻭ ﺳﻦ‪،‬‬
‫ﻛﺎﺑﻮﺳﻼﺭﻳﻤﻴﻦ ﺁﺭﺗﻴﺴﺘﻲ!!!‬
‫‪٨٢/٧/٢٧‬‬

‫ﻳﺎﺷﺎﻳﻴﺶ ﺳﻨﺪﻳﻢ!‬

‫ﺣﺌﻲ!‬
‫ﺳﻨﻴﻨﻠﻪ ﻳﻢ‪ ،‬ﺍﻭﺟﺎ ﺗﺎﻧﺮﻱ!‬
‫ﺣﺌﻲ!‬
‫ﺳﻦ ﻛﻲ ﻣﻨﻪ ﺟﻬﻨﻢ ﺩﻩ ﻳﺎﻧﺎﻥ ﻛﺆﺗﻮﻙ ﻛﻴﻤﻲ ﺑﺎﺧﻴﺮﺳﺎﻥ!‬
‫ﺳﻨﻴﻨﻠﻪ ﻳﻢ!‬
‫ﺣﺌﻲ!‬
‫ﺳﻦ ﻛﻲ ﺍﺅﺯﻭﻧﺪﻩ ﻥ ﺑﺎﺷﻘﺎ‪،‬‬
‫ﻳﺎﺭﺍﺩﺍﻧﻼﺭﻱ ﺍﻭﺩﻻﺭﺍ ﻳﺎﺧﻴﺮﺳﺎﻥ!‬
‫ﺳﻨﻴﻨﻠﻪ ﻳﻢ!‬
‫ﻭ ﺩﻳﻮﺍﺭ ﺳﺎﻋﺎﺗﻴﻨﻴﻦ ﭘﺎﻧﺪﻭﻟﻮﻧﺎ ﺑﻨﺰﻩ ﻳﻦ‪،‬‬
‫ﻋﺆﻣﻮﺭﻟﺮﻱ‪،‬‬
‫ﻗﻮﺭﺧﻮﺩﺍﻥ ﺳﻮﭼﺴﻮﺯ ﻳﺎﺷﺎﻳﺎﻧﻼﺭﻱ‪،‬‬
‫ﻭﮔﻮﻧﺎﻩ ﺣﺴﺮﺗﻴﻨﻲ ﺍﺅﺯﻟﺮﻱ ﺍﻳﻠﻪ ﮔﻮﺭﺍ ﺁﭘﺎﺭﺍﻥ ﺍﻧﺴﺎﻧﻼﺭﻱ‪،‬‬
‫ﺳﺌﻮﻳﺮﺳﻦ!‬
‫ﺣﺌﻲ!‬
‫ﺳﻨﻴﻨﻠﻪ ﻳﻢ‪ ،‬ﺣﻪ ﻳﻪ ﺗﻴﻤﻴﺰﺩﻩ ﻛﻲ ﺳﺆﻳﻮﺩ ﺁﻏﺎﺟﻴﻨﺪﺍﻥ ﻗﻮﺟﺎ ﺗﺎﻧﺮﻱ!‬
‫ﺳﻨﻲ ﺍﻭﺭﻩ ﻳﻴﻤﺠﻪ ﺳﺌﻮﺳﻢ ﺩﻩ‪،‬‬
‫ﺷﻌﺮﻳﻢ ﺳﻨﻪ ﻗﺎﺭﺷﻲ ﻋﺼﻴﺎﻥ ﺳﻴﻼﺣﻴﻢ ﺩﻳﺮ!‬
‫ﻳﺌﻨﻲ ﺩﻭﻧﻴﺎﻻﺭ ﻳﺎﭘﻴﺮﺍﻡ ﻣﻨﺪﻩ ﻳﺎﺷﺎﻳﺎﻧﻼﺭﺍ‪،‬‬
‫ﻭ ﺷﻌﺮﻳﻢ ﻳﺎﺷﺎﻳﻴﺶ ﺳﻨﺪﻱ ﺩﻳﺮ‪.‬‬
‫ﻧﻪ‪،‬‬
‫ﺳﻨﻴﻦ ﺟﻼﺩﻻﺭﻳﻨﻴﻦ ﺍﺅﻟﻮﻡ ﻓﺘﻮﻱ ﺳﻲ ﻛﻴﻤﻲ ﺩﻳﺮ ﺷﻌﺮﻳﻢ!‬
‫ﻧﻪ‪،‬‬
‫ﻳﺎﺷﺎﻳﻴﺸﻴﻦ ﻳﺎﺳﻲ ﻛﻴﻤﻲ ﺩﻳﺮ ﺷﻌﺮﻳﻢ‪.‬‬
‫ﻣﻨﻴﻢ ﺷﻌﺮﻳﻢ ﺩﻩ ﻛﻲ ﺩﻭﻧﻴﺎﺩﺍ‪،‬‬
‫ﮔﺆﺭﻭﻧﻤﻪ ﻳﻴﺐ‪،‬‬
‫ﺁﺟﻴﻨﺪﺍﻥ ﺑﺒﻪ ﻙ ﻟﺮﻱ ﺁﻏﺎﺭﺍﻥ ﺑﻴﺮ ﺍﻭﻏﻼﻥ‪،‬‬
‫ﮔﺌﺠﻪ ﻳﺎﺭﻱ‪،‬‬
‫ﺁﻧﺎﺳﻴﻨﻴﻦ ﻗﺒﺮﻳﻨﻲ ﻳﺎﺭﻳﺐ‪،‬‬
‫ﻭ ﻗﻴﺰﻳﻞ ﺩﻳﺸﻴﻨﻲ ﺩﺍﺷﻼ ﺳﻴﻨﺪﻳﺮﺍ!‬
‫ﻧﻪ ﺑﻴﻠﻴﻢ!؟‬
‫ﺑﻠﻜﻪ ﺩﻩ ﺳﻦ ﺣﺎﻗﻠﻲ ﺳﺎﻥ ﺍﻭﺟﺎ ﺗﺎﻧﺮﻱ!‬
‫ﺣﺌﻲ!‬
‫ﺩﻭﺳﺘﺎﻗﻼﺭﺩﺍﻛﻲ ﺍﭘﺮﻳﻤﻴﺶ ﺩﺍﺭ ﻛﻨﺪﻳﺮﻳﻨﺪﻥ ﻗﻮﺟﺎ ﺗﺎﻧﺮﻱ!‬
‫ﻳﻮﺥ‪،‬‬
‫ﺳﻦ ﺳﻮﭼﺴﻮﺯﺳﺎﻥ‪،‬‬
‫ﻣﻨﻴﻢ ﺍﻭﺷﺎﻗﻠﻴﻐﻴﻢ ﻛﻴﻤﻲ!‬
‫‪...‬‬
‫ﻭ ﺣﺌﻲ! ﺗﺎﻧﺮﻱ ﻧﻴﻦ ﺟﻼﺩﻻﺭﻱ!‬
‫ﺣﺌﻲ!‬
‫ﺍﻧﺴﺎﻥ ﻗﺎﻧﻴﻦ ﺳﻮﺭﻣﺎﻏﻴﻨﻴﺰﻱ ﺗﻮﺟﻴﻪ ﺍﺋﺘﻤﻪ ﻳﻪ‪،‬‬
‫ﻗﺎﻧﻮﻥ ﻛﻴﺘﺎﺑﻲ ﻳﺎﺭﺍﺩﺍﻧﻼﺭ!‬
‫ﻭ ﻫﺮ ﺳﻄﻴﺮﻳﻨﺪﻩ ﺍﻭﻥ ﻛﺮﻩ ﺩﺍﺭ ﺁﻏﺎﺟﻴﻨﻴﻦ ﺁﺩﻳﻦ ﮔﺘﻴﺮﻩ ﻧﻠﺮ!‬
‫ﻣﻦ ﺳﻴﺰﻳﻦ ﻳﺎﺭﺍﺗﺪﻳﻐﻴﻨﻴﺰ ﺻﻮﻟﺤﻪ ﻗﺎﺭﺷﻲ ﻋﻮﺻﻴﺎﻧﺎﻡ‪،‬‬
‫ﺑﺎﺭﻳﺶ ﺷﻮﻋﺎﺭﻳﻨﻴﺰﺍ ﻗﺎﺭﺷﻲ‪ ،‬ﺩﺅﻳﻮﺷﻢ‪،‬‬
‫ﻣﻦ ﺗﺎﻧﺮﻱ ﻧﻴﻦ ﺳﻴﺰﻟﺮﻩ ﺳﺆﻳﻠﻪ ﻣﻪ ﺩﻳﻴﻲ‪،‬‬
‫‪٨٢/٣/٢٣‬‬ ‫ﭼﻴﺮﻛﻴﻦ ﺳﺆﻳﻮﺷﻢ!‬

‫ﺩﺍﺭ ﺁﻏﺎﺟﻴﻢ!‬

‫ﻋﺎﻏﻴﻠﻠﻲ ﻻﺭﻳﻨﻴﺮ ﻛﻲ ﻫﺌﭻ‪،‬‬


‫ﺩﻩ ﻟﻲ ﻟﺮﻳﻨﻴﺰﺩﻩ ﻣﻨﻪ »ﺣﻮﻱ« ﺑﺎﺳﺎﺟﺎﻕ‪،‬‬
‫ﻭ ﺁﺭﺩﻳﻤﺠﺎ ﻗﻴﻲ ﭼﻜﻪ‪-‬ﭼﻜﻪ‪،‬‬
‫ﺩﺍﺵ ﺁﺗﺎﺟﺎﻗﻼﺭ!‬
‫ﻣﻦ ﻛﻲ ﺩﺍﺭ ﺁﻏﺎﺟﻴﻤﻲ ﺍﺅﺯﻭﻣﻠﻪ‪،‬‬
‫ﻫﺮ ﻳﺌﺮﻩ ﮔﺌﺘﺪﻳﻢ ﺁﭘﺎﺭﺩﻳﻢ‪.‬‬
‫ﻣﻦ ﻛﻲ ﻳﺎﺗﺎﻧﺪﺍ ﺩﺍ ﺍﻭﻧﻮ ﻗﻮﺟﺎﻗﻼﻳﻴﺐ‪ ،‬ﺍﻭﻳﻮﺩﻭﻡ!‬
‫ﺁﻧﺠﺎﻕ ﺑﻴﻠﻤﻪ ﺩﻳﻨﻴﺰ ﻛﻲ‪،‬‬
‫ﺑﺌﺠﻪ ﺭﺩﻳﻴﻨﻴﺰ ﺍﻭﻏﺮﻭﻻﺭﻳﻦ‪،‬‬
‫ﻛﻮﺭ ﺍﻟﻴﻨﺪﻥ ﭼﻪ ﻟﻴﻚ ﺍﻭﻏﻮﺭﻻ ﺩﻳﻘﻼﺭﻳﻦ‪،‬‬
‫ﮔﺆﺭ ﻧﺪﻥ ﺑﺮﻱ‪،‬‬
‫ﺩﺍﺭ ﺁﻏﺎﺟﻴﻤﻲ ﮔﺆﺯﻭﻣﺪﻩ ﻥ ﺍﻳﺮﺍﻕ ﺳﺎﺧﻼﻣﺎﻕ ﺍﻳﺴﺘﻪ ﻣﻴﺮﻩ ﻡ‪.‬‬
‫ﺩﺍﺭ ﺁﻏﺎﺟﻴﻤﻴﻦ ﻛﻨﺪﻳﺮﻳﻦ‪،‬‬
‫ﮔﺆﺭﻣﻚ ﺍﻳﺴﺘﻪ ﻣﻴﺮﻩ ﻡ ﺑﻴﺮ ﺑﻴﺮ ﺷﻴﻠﺘﺎﻕ ﻛﺌﭽﻲ ﻧﻴﻦ ﺁﻳﺎﻏﻴﻨﺪﺍ‬
‫ﻛﻲ ﻛﺎﻭﺍﺭ ﻛﺮﺩﻱ ﺳﻴﻨﻪ ﮔﻴﺮﻣﻪ ﺳﻴﻦ!‬
‫ﻭ‬
‫ﺍﻳﺴﺘﻪ ﻣﻴﺮﻩ ﻡ ﺩﺍﺭ ﺁﻏﺎﺟﻴﻤﻲ ﮔﺆﺭﻭﻡ‪،‬‬
‫ﻗﻴﺸﻴﻦ ﺷﺎﺧﺘﺎ ﺳﻴﻨﺪﺍ‪ ،‬ﺑﻴﺮ ﻳﻮﺧﺴﻮﻟﻮﻥ ﻛﻮﺭﺳﻮﺳﻮﻧﻪ‪،‬‬
‫ﻳﺎﻧﺎﺟﺎﻕ ﺍﻭﻟﻮﺑﺪﻭﺭ‪.‬‬
‫ﻭ ﺩﻭﺩﺍﻗﻼﺭﻱ ﮔﺆﻡ‪ -‬ﮔﺆﻱ ﺍﻭﻟﻤﻮﺵ‪،‬‬
‫ﺁﻳﺎﻗﻼﺭﻱ ﺳﻮﻳﻮﻗﺪﺍﻥ ﻛﻴﺮﻳﻤﻴﺶ‪،‬‬
‫ﺁﻧﺎﺳﻴﺰ‪ ،‬ﻳﺌﺘﻴﻢ ﻟﺮ‪،‬‬
‫ﺍﻭﻧﻮﻥ ﺍﻳﺴﺘﻲ ﺳﻴﻨﻪ ﺳﻴﻐﻴﻨﻴﺐ ﻻﺭ!‬
‫ﻭ ﺁﺗﺎﻻﺭﻳﻨﺎ ﺍﻓﺘﺨﺎﺭﻻ‪،‬‬
‫ﺍﺅﻳﻮﻧﺞ ﻟﻪ ﺑﺎﺧﻴﺮ ﻻﺭ‪،‬‬
‫ﺳﺎﻧﻜﻲ ﺑﻮ ﺍﻭﺩﻭﻧﻼﺭ ﺍﻭﻧﻮﻥ ﺃﻟﻴﻨﻴﻦ ﺃﻣﻪ ﻳﻲ ﺩﻳﺮ!‬
‫ﺍﻳﻨﺪﻱ ﻣﻦ ﺳﻴﺰﻩ ﮔﻮﻟﻮﺭﻩ ﻡ‪ ،‬ﻋﺎﻏﻴﻠﻠﻲ ﻻﺭ!‬
‫ﺩﻩ ﻟﻲ ﻟﺮ!‬
‫ﻭ ﺳﻴﺰﻩ»ﺣﻮﻱ« ﺑﺎﺳﻤﺎﻕ ﺍﻳﺴﺘﻪ ﻳﻴﺮﻩ ﻡ!‬
‫ﺑﺌﻠﻪ ﺳﻴﻨﻪ ﻳﺎﺷﺎﻣﺎﻗﻼ‪،‬‬
‫ﺩﺍﺭ ﺁﻏﺎﺟﻴﻤﻲ ﭼﻴﻴﻨﻴﻤﺪﻩ ﺩﺍﺷﺎﻣﺎﻗﻼ!‬

‫ﺍﻭﻳﺎﻥ ﻗﺎﺭﺩﺍﺵ!‬

‫ﺣﺎﻳﺪﻱ!‬
‫ﻗﺎﺭﺩﺍﺷﻴﻢ! ﺍﻭﻳﺎﻥ!‬
‫ﻳﺎﻏﻴﻼﺭﺍ ﺁﺭﺧﺎ ﺩﻭﺭﺩﻭﻏﻮﻥ ﻳﺌﺘﻪ ﺭ‪،‬‬
‫ﻳﺎﻏﻴﻼﺭﺍ‪،‬‬
‫ﺑﺎﺑﺎﻻﺭﻳﻤﻴﻦ ﺑﺎﺵ ﺩﺍﺷﻴﻨﺪﺍﻥ ﺳﺎﺭﺍﻱ ﻳﺎﭘﺪﻳﻐﻴﻦ ﻳﺌﺘﻪ ﺭ!‬
‫ﺁﻧﺎﻻﺭﻳﻤﻴﻦ ﺳﻮﻣﻮﻳﻮﻧﺪﻩ ﻥ ﺍﻭﺟﺎﻕ ﻗﻮﺭﺩﻭﻏﻮﻥ ﻳﺌﺘﻪ ﺭ!‬
‫ﻳﺎﻏﻴﻼﺭﺍ ﺁﺭﺧﺎ ﺩﻭﺭﺩﻭﻏﻮﻥ ﻳﺌﺘﻪ ﺭ‪،‬‬
‫ﺣﺎﻳﺪﻱ! ﻗﺎﺭﺩﺍﺷﻴﻢ! ﺍﻭﻳﺎﻥ!‬
‫ﻳﺎﻏﻲ ﻻﺭﺍ ﺑﺎﻏﻴﺸﻼﺩﻳﻐﻴﻦ ﺍﻭﺯﻭﻳﻮﻥ ﻗﺎﺷﻲ‪،‬‬
‫ﺑﺎﺟﻴﻤﻴﻦ ﺩﻭﻡ‪ -‬ﺩﻭﺭﻭ ﮔﺆﺯﻟﺮﻱ ﺩﻳﺮ!‬
‫ﻳﺎﻏﻲ ﻧﻴﻦ ﺍﻟﻴﻨﺪﻩ ﻛﻲ ﻗﺎﻣﭽﻲ ﻳﺎ ﺑﺎﺥ!‬
‫ﺗﺌﻞ ﻟﺮﻱ ﺳﺌﻮﮔﻴﻠﻴﻤﻴﻦ ﻫﺆﺭﻭﻛﻠﺮﻳﻨﻪ ﺑﻨﺰﻩ ﻣﻴﺮﻣﻲ؟‬
‫ﺩﺳﺘﻪ ﻳﻲ‪،‬‬
‫ﻗﺎﺭﺩﺍﺷﻴﻤﻴﻦ ﺳﻮﻣﻮﻙ ﻟﺮﻳﻨﻪ ﺍﻭﺧﺸﺎﻣﻴﺮ ﻣﻲ؟‬
‫ﻭ ﺩﺳﺘﻪ ﻳﻴﻨﺪﻩ ﺻﺪﻑ ﺑﺰﻩ ﻙ ﻟﺮﻱ‪،‬‬
‫ﺑﺎﻻﻣﻴﻦ ﺩﻳﺸﻠﺮﻳﻨﻪ!‬
‫ﺑﺎﺥ ﺗﺎﻧﺮﻳﻨﻴﻦ ﺍﻳﺸﻠﺮﻳﻨﻪ!‬
‫ﭼﺎﻟﻴﺶ ﻗﺎﺭﺩﺍﺵ ﺍﻭﻳﻮﻥ ﺍﻭﻟﻤﺎ!‬
‫ﺑﻴﻠﻪ ﻳﻴﻢ ﺩﻩ ﻛﻲ ﺩﻭﻳﻮﻧﻠﻮ ﺯﻧﺠﻴﺮ ﺍﺗﻴﻤﻲ ﻗﻴﻨﺠﻴﺨﺪﻳﺮﻳﺮ‪،‬‬
‫ﺑﻮ ﺯﻧﺠﻴﺮﻳﻦ ﺩﻭﻳﻮﻧﻠﺮﻱ ﻣﻨﻪ ﻳﺌﺘﻪ ﺭ‪،‬‬
‫ﺳﻦ ﺩﻩ ﺍﻭﻧﺎ ﻣﻴﻦ ﺑﻴﺮﻳﻨﺠﻲ ﺩﻭﻳﻮﻥ ﺍﻭﻟﻤﺎ!‬
‫ﺩﺋﻤﻴﺮﻩ ﻡ ﻗﺎﻥ ﺩﻳﺸﻴﻨﺪﻥ ﺩﺍﻣﺎﻥ ﺗﻮﻟﻜﻮﻟﺮﻩ‪،‬‬
‫ﺷﺌﺮ ﻛﻴﻤﻲ ﺍﻭﻝ!‬
‫ﻫﺌﭻ ﺍﻭﻟﻤﺎﺳﺎ‪ ،‬ﻗﻮﻳﻮﻥ ﺍﻭﻟﻤﺎ!‬
‫ﻧﻪ ﮔﺆﺯﻟﻪ ﻳﻴﺮ ﺳﻦ! ﻗﺎﺭﺩﺍﺷﻴﻢ!‬
‫ﺗﻠﻪ ﺱ!‬
‫ﺳﺎﻧﻤﺎﻛﻲ ﺑﺎﻏﻠﻲ ﻗﺎﭘﻲ ﻻﺭﻳﻦ ﻗﻴﻔﻴﻠﻼﺭﻱ‪،‬‬
‫ﭘﺎﺱ ﻛﺴﻪ‪ -‬ﻛﺴﻪ ﻗﻴﺮﻳﻼﺟﺎﻕ!‬
‫ﺁﭼﻴﻼﺟﺎﻕ!‬
‫ﺳﺎﻧﻤﺎ ﻛﻲ ﺩﺍﺭ ﺁﻏﺎﺟﻼﺭﻳﻨﻴﻦ ﻛﻨﺪﻳﺮﻱ‪،‬‬
‫ﺯﺍﻣﺎﻥ ﻛﺌﭽﺪ ﻳﻜﺠﻪ‪ ،‬ﺃﭘﺮﻳﺴﻪ‪،‬‬
‫ﻗﻴﺮﻳﻼﺟﺎﻕ‪،‬‬
‫ﺁﭼﻴﻼﺟﺎﻕ!‬
‫ﻳﺎﻏﻲ ﻻﺭﺍ ﺁﺭﺧﺎ ﺩﻭﺭﺩﻭﻏﻮﻥ ﻳﺌﺘﻪ ﺭ!‬
‫ﻭ ﺁﻧﺎﻣﻴﻦ ﺳﻮﻣﻮﻳﻮﻧﺪﻩ ﻥ ﺁﻟﻴﺸﺎﻥ ﺍﻭﺟﺎﻗﺪﺍ‪،‬‬
‫ﺑﺎﺟﻴﻤﻴﻦ ﺷﻴﺸﻠﺮﻩ‪ ،‬ﭼﻜﻴﻠﻤﻴﺶ ﺍﺗﻲ ﺍﻳﻠﻪ‪،‬‬
‫ﺍﻭﻧﻼﺭﻱ ﻗﻮﻧﺎﻗﻼﻣﺎﻏﻴﻦ‪،‬‬
‫ﻭ ﻗﺎﺭﺷﻲ ﻻﺭﻳﻨﺪﺍ ﺑﻮﻳﻮﻥ ﺑﻮﺭﺩﻭﻏﻮﻥ ﻳﺌﺘﻪ ﺭ!‬
‫ﻗﺎﺭﺩﺍﺵ!‬
‫ﺍﻭﻳﺎﻥ ﻗﺎﺭﺩﺍﺵ!‬
‫ﻳﺎﺩ ﺩﻭﻳﻮﺭﺩﻭﻏﻮﻥ ﻳﺌﺘﻪ ﺭ!‬
‫ﺩﺍﻳﺎﻥ ﻗﺎﺭﺩﺍﺵ!‬
‫ﺑﻮﻳﻮﻥ ﺑﻮﺭﺩﻭﻏﻮﻥ ﻳﺌﺘﻪ ﺭ!‬
‫ﻣﻦ ﻭ ﻗﺎﺭﺩﺍﺷﻴﻢ‬

‫ﺗﻮﭘﺮﺍﻗﺪﺍﻥ ﻳﻮﻏﺮﻭﻟﺪﻗﻤﻮ؟‬
‫ﻳﻮﺧﺴﺎ ﻳﺎﻏﻤﻮﺭ ﺑﻮﻟﻮﺩﻻﺭﻳﻦ ﭼﺎﺧﻨﺎ ﺷﻤﺎ ﺳﻴﻨﺪﺍﻥ؟‬
‫ﻧﺪﻩ ﻥ ﺩﻭﻏﻮﻟﺪﻭﻗﻤﻮ؟‬
‫ﺍﻭﻧﺪﺍﻥ ﻳﻮﺧﺴﺎ ﺑﻮﻧﺪﺍﻥ؟!‬
‫ﺑﻠﻜﻪ ﺩﻩ ﺁﻏﺎﺟﺪﺍﻥ ﺍﺋﻨﻪ ﻥ ﻣﻴﻤﻮﻧﺪﺍﻥ؟!‬
‫ﻧﻪ ﺑﻴﻠﻴﻢ ﻛﺆﻛﻮﻡ ﺣﺎﻧﺴﻲ ﻗﻴﺰﻳﻞ ﺁﻟﻤﺎﻳﺎ ﻳﺌﺘﻴﺮ!‬
‫ﺣﺎﻳﺪﻱ!‬
‫ﺳﻴﺰ ﺳﺆﻳﻠﻪ ﻳﻴﻦ‪ ،‬ﻣﻨﻴﻢ ﺍﺅﻳﺌﻲ ﻗﺎﺭﺩﺍﺷﻼﺭﻳﻢ!‬
‫ﺣﺎﻳﺪﻱ!‬
‫ﺁﺗﺎﺩﺍﻥ ﺁﻳﺮﻱ ﻳﻴﻖ ‪ ،‬ﻳﻮﺧﺴﺎ ﺁﻧﺎﺩﺍﻥ؟!‬
‫ﻣﻨﻴﻢ ﺃﻟﻴﻤﺪﻩ ﻛﻲ ﭘﺎﺭﻻﻳﺎﻥ ﻗﻴﺰﻳﻞ‪،‬‬
‫ﮔﺆﺯﻭﻥ ﻗﺎﻣﺎﺷﺪﻳﺮﻳﺮ ﺁﺝ ﻗﺎﺭﺩﺍﺷﻴﻤﻴﻦ!‬
‫ﺑﺎﻛﻴﺮ ﻓﺎﺣﻴﺸـــــــــﻪ‬

‫ﺣﺌﻲ ﺑﻴﺰﻳﻢ ﺷﻬﺮﻳﻦ ﺑﺎﻛﻴﺮ ﻓﺎﺣﺸﺎﺳﻲ‬


‫ﺣﺌﻲ ﺩﻧﻴﺰ ﺩﻳﺒﻴﻨﺪﻩ ﺳﻮﺳﻮﻳﺎﻥ ﺑﺎﻟﻴﻖ!‬
‫ﺣﺌﻲ ﺩﻟﻲ ﺍﺭﻛﻪ ﻳﻴﻦ ﺳﻮﻝ ﻗﺎﺑﻴﺮﻏﺎﺳﻲ‪،‬‬
‫ﺣﺌﻲ ﻋﺆﻣﻮﺭ ﺑﺎﻏﭽﺎﺳﻲ ﻗﻴﺰﻳﻞ ﺁﻟﻤﺎﻟﻴﻖ!‬

‫ﺍﻭﺷﻮﺩﻭﺭ ﺍﻳﭽﻴﻤﻲ ﺍﻭﺩﻟﻮ ﺑﻴﺮ ﺟﻨﻮﻥ‬


‫ﺃﺭﻳﻴﺐ – ﺃﺭﻳﻴﺐ ﺍﻳﭽﻴﻤﻪ ﺩﻭﻟﺪﻭﻡ‬
‫ﺳﻦ ﺍﺅﺯﻭﻥ – ﺍﺅﺯﻭﻧﻮﻥ ﻭﻭﺭﻏﻮﻧﻮ ﺍﻭﻟﺪﻭﻥ‬
‫ﻣﻨﺴﻪ ﺍﺅﺯﮔﻪ ﺳﻴﻨﻪ ﻳﺎﻧﻴﺐ ﻛﻮﻝ ﺍﻭﻟﺪﻭﻡ‬

‫ﻧﻪ ﻳﺎﺧﺠﻲ ﻛﻴﻤﺴﻪ ﻧﻲ ﺳﺌﻮ ﻣﻪ ﺩﻳﻦ ﻫﺌﭻ ﻭﺍﺧﺖ‬


‫ﺍﻭﺭﻩ ﻳﻴﻦ ﺩﻩ ﺑﺎﻛﻴﺮ ﺭﻭﺣﻮﻥ ﺩﺍ ﺑﺎﻛﻴﺮ‬
‫ﺳﺌﻮﺩﻳﻜﺠﻪ ﻧﻔﺮﺗﻴﻢ ﺁﺭﺗﻴﻠﻴﺮ ﺁﻧﺠﺎﻕ‬
‫ﺁﺭﺗﻴﻠﻴﺮ‪ -‬ﺁﺭﺗﻴﻠﻴﺮ‪ ،‬ﻗﺎﺕ‪ -‬ﻗﺎﺕ ﺁﺭﺗﻴﻠﻴﺮ‬
‫ﺍﻳﻴﺮﻩ ﻧﺞ ﻛﻴﺸﻲ ﻟﺮﻳﻦ ﮔﺆﻭﺩﻩ ﺳﻲ ﺁﻟﺘﺪﺍ‬
‫ﺍﺅﺯﻭﻧﻮ ﻗﻮﻳﻼﺩﻳﻦ ﺑﻴﺮ ﺟﺴﺪ ﻛﻴﻤﻲ‬
‫ﻋﺆﻣﺮﻭﻧﻮ ﺳﻮﻧﺪﻭﻏﻮﻥ ﻛﻴﺸﻲ ﻟﺮ ﺣﺘﻲ‪،‬‬
‫ﻗﺎﻳﺘﺎﺭﻳﺐ ﺑﻴﺮ ﺁﻧﻴﻦ ﺳﻨﻪ ﻭﺋﺮﺩﻳﻤﻲ؟‬

‫ﺳﻨﻪ ﺗﻮﺧﻮﻧﺪﻭﻻﺭ ﺑﻌﻀﺎ ﺩﻩ ﺯﻭﺭﻻ‬


‫ﻗﺎﻧﻴﻨﻲ ﺟﻮﺷﺪﻭﺭﺩﻭ ﻏﻀﺒﻠﻲ ﺑﻮﻏﻀﻮﻥ‬
‫ﻳﻮﻣﺮﻭﻏﻮﻥ ﺁﭼﻴﻠﺪﻱ ﺑﻴﺮ ﻗﭙﻴﻚ ﭘﻮﻻ‬
‫ﺍﻳﺴﺴﻲ ﺑﻴﺮ ﺍﺅﭘﻮﺷﻠﻪ ﻳﻮﻣﻮﻟﺪﻭ ﺁﻏﺰﻳﻦ!‬

‫ﺣﻠﻪ ﺁﻏﻴﻞ ﺩﻳﺸﻴﻦ ﭼﻴﺨﻤﺎﻳﻴﺐ ﺳﻨﻴﻦ‬


‫ﺍﻭﺗﻮﺯ ﺩﻳﺸﻴﻨﻠﻪ ﺩﻩ ﮔﻮﻟﻮﺭﺳﻦ ﺟﺎﻧﻴﻢ‬
‫ﺑﻴﺮ ﭼﻜﻴﻢ ﺣﺸﻴﺸﻴﻦ ﭘﻮﺯﻏﻮﻧﻮﺳﺎﻥ ﺳﻦ‬
‫ﺃﺟﻠﺪﻥ ﺍﺅﻧﺠﻪ ﺩﻥ ﺍﺅﻟﻮﺭﺳﻦ ﺟﺎﻧﻴﻢ‬

‫ﮔﻮﻧﺪﻩ ﻟﻴﻚ ﻟﺬﺗﻲ ﻋﺎﺩﺗﻪ ﺩﺅﻧﺪﻭ‬


‫ﻫﺮ ﮔﺌﺠﻪ ﺃﻳﻠﻨﺠﻪ ‪،‬‬
‫ﻫﺮ ﮔﺌﺠﻪ ﺑﻴﺮ ﺳﺌﻜﺲ‬
‫ﺍﻭﺩﻟﻮ ﻧﻔﺴﻠﺮﻟﻪ ‪،‬‬
‫ﻗﺎﻥ ﺗﺮ ﺍﻳﭽﻴﻨﺪﻩ ‪،‬‬
‫ﻭ‬
‫ﻗﻮﺭﻭ ﺗﻮﭘﺮﺍﻗﺪﺍ ﻭﺣﺸﻴﺠﻪ ﺑﻴﺮ ﺳﺌﻜﺲ‪،‬‬
‫ﺳﻨﻴﻦ ﺗﺎﻡ ﻳﺎﺷﺎﻳﻴﺶ ﻓﻠﺴﻔﻪ ﻥ ﺍﻭﻟﺪﻭ‪.‬‬

‫‪ ...‬ﻧﻪ ﺑﻴﻠﻴﻢ ﺁﻱ ﺁﺩﺍﻡ ﺑﻠﻜﻪ ﺣﺎﻗﻠﻲ ﺳﺎﻥ‬


‫ﻫﺌﭻ ﻧﻪ ﻳﻴﻦ ﺍﻭﺳﺘﻮﻧﺪﻩ ﺩﻭﻧﻴﺎ ﻗﻮﺭﻭﻟﺪﻭ‬
‫ﺑﻠﻜﻪ ﻫﺌﭻ ﻧﻪ ﺍﻳﭽﻴﻦ ﻳﺎﺷﺎﻳﻴﺮ ﺍﻧﺴﺎﻥ!‬

‫ﻫﺌﭻ ﺍﻭﺯﻭﻟﻤﻪ ﮔﻮﻟﻮﻡ ﻫﺌﭻ ﺩﻩ ﺍﻭﺗﺎﻧﻤﺎ‬


‫ﺍﻭﺗﺎﻧﺴﻴﻦ ﻳﺌﺮﻳﻨﻪ ﻛﻴﺸﻲ ﻟﺮ ﺳﻨﻴﻦ‬
‫ﺍﺅﺯﻭﻧﻮ ﺳﻮﻓﺮﺍﻧﻴﻦ ﺁﺭﺗﻴﻐﻲ ﺳﺎﻧﻤﺎ‬
‫ﺑﺎﻏﻴﻤﺴﻴﺰ ﻳﺎﺷﺎﻣﺎﻕ ﭼﺘﻴﻦ ﺩﻳﺮ ﭼﺘﻴﻦ!‬

‫ﺍﺅﺯﻭﻧﻮ ﺳﺌﻮﻣﻜﺪﻩ ﺁﺯ ﮔﺘﻴﺮﻣﻪ ﺩﻳﻦ‬


‫ﺗﻜﺠﻪ ﺳﻨﻴﻦ ﺳﻮﭼﻮﻥ ﺑﻮﺩﻭﺭ ﺳﺎﺩﻩ ﺟﻪ‬
‫ﺣﻠﻪ ﺧﺎﻃﻴﺮﻳﻨﺪﻩ ﻗﺎﻟﻴﺒﺪﻳﺮ ﻳﻘﻴﻦ‬
‫ﺍﺅﺯﻭﻧﻮ ﺁﻳﻨﺎﺩﺍ ﺍﺅﭘﺪﻭﻳﻮﻥ ﮔﺌﺠﻪ!‬
‫ﻗﺎﺩﻳﻦ ﻭﺍﺭ ﺍﺭﻳﻨﻴﻦ ﮔﻴﺰﻟﻲ ﮔﺆﺯﻭﻧﺪﻥ‬
‫ﻛﻮﭼﻪ ﻓﺎﺣﺸﺎﺳﻴﻨﺎ ﺣﺴﺪ ﻟﻪ ﺑﺎﺧﻴﺮ‬
‫ﻗﺎﺩﻳﻦ ﻭﺍﺭ ﺍﺭﻱ ﺍﻳﻠﻪ ﻭﻳﺘﺮﻳﻦ ﺍﺅﻧﻮﻧﺪﻩ‬
‫ﻛﻴﺸﻲ ﻣﺎﻧﻜﻨﻴﻨﻪ ﺷﻬﻮﺗﻠﻪ ﺑﺎﺧﻴﺮ‬

‫ﭘﺮﺩﻩ ﻟﺮ ﭼﻜﻴﻠﻲ ﭘﻨﺠﺮﻩ ﻟﺮ ﻛﻴﭗ‬


‫ﺩﺍﻳﺎﺯ ﺳﺌﻮﮔﻲ ﻟﺮﻳﻦ ﻫﻮﺳﻲ ﻗﻴﺴﺎ‬
‫ﻳﺎﺗﺎﻕ ﻳﺌﺮ ﻟﺮﻳﻨﺪﻩ ﺩﺍﻝ‪ -‬ﺩﺍﻻ ﻳﺎﺗﻴﺐ‬
‫ﺗﺎﺯﺍ ﮔﻠﻴﻦ ﻟﻪ ﺑﻪ ﻱ ﺍﻋﺘﻨﺎﺳﻴﺰﺟﺎ‬

‫ﺑﺎﺵ ﺁﻟﻴﺐ ﮔﺌﺪﻳﺮﻡ ﺑﻮ ﮔﺌﺠﻪ ﺑﻮﺭﺩﺍﻥ‬


‫ﻓﻴﻜﻴﺮ ﻗﻮﻭﺭﺍ ﭼﻜﻴﺮ ﻋﺼﺒﻠﺮﻳﻤﻪ‬
‫ﻳﺌﺘﻴﺮﻣﺰ ﻣﻨﻲ ﻫﺌﭻ ﺳﺎﺩﻩ ﺟﻪ ﺑﻮﺭﺩﺍﻥ‬
‫ﺑﻴﺮ ﺷﻮﺷﻪ ﻭﻳﺴﻜﻲ ﺩﻩ ﻳﺎﺗﺎﻕ ﻳﺌﺮﻳﻤﻪ!‬

‫ﺩﺍﻳﺎﻧﻴﺐ ﺩﻳﺮ ﺳﺎﻋﺎﺕ ﺍﻭﻥ ﺑﻴﺮ ﻳﺎﺭﻳﻤﺪﺍ‬


‫ﺳﺎﻧﻜﻲ ﻛﺎﻳﻨﺎﺕ ﺩﺍ ﺗﻮﺗﻮﺑﺪﻭﺭ ﺁﺭﺍﻡ‬
‫ﻗﺎﻧﻴﻢ ﺗﺮﺳﻪ ﺁﺧﻴﺮ ﺩﺍﻣﺎﺭ ﻻﺭﻳﻤﺪﺍ‬
‫ﺍﻳﻨﺘﻴﺤﺎﺭﺩﺍﻥ ﺁﻏﻴﺮ ﺑﻴﺮ ﺩﻭﺭﻭﻣﺪﺍﻳﺎﻡ‬

‫ﻫﺎﻭﺍ ﺑﺌﺘﻮﻥ ﻛﻴﻤﻲ ﺁﻏﻴﺮ ﻭ ﺩﻭﻧﻮﻕ‬


‫ﭘﻮﻟﻴﺲ ﻟﺮ ﻳﻮﺧﻮﺳﻮﻥ ﻗﺎﻫﻘﺎﻫﺎﻧﻼ ﭘﻮﺯ‬
‫ﺳﻴﺨﻴﻼﻥ ﮔﻮﻟﻠــﻪ ﺩﻥ ﺑﻴﺰ ﻛﻲ ﻗﻮﺭﺧﻤﻮﺭﻭﻕ‬
‫ﺑﻮ ﺁﻏﻴﺮ ﻫﺎﻭﺍﻧﻲ ﺩﻟﻴﺐ ﺍﺅﺗﻪ ﻧﻤﺰ!!!‬

‫ﺳﺎﻗﻴﻦ ﺳﺎﻟﻤﺎ ﻣﻨﻪ ﻗﻠﺒﻴﻨﻴﻦ ﺍﺋﺮﻛﻴﻦ‬


‫ﺗﺆﻛﻤﻪ ﮔﺆﺯ ﻳﺎﺷﻴﻨﻲ ﺍﻭﻣﻮﺯﻻﺭﻳﻤﺎ‬
‫ﻣﻨﻲ ﻗﻮﺟﺎﻗﻼﻣﺎ ﺍﻭﻻ ﺑﻴﻠﺮ ﻛﻲ‪،‬‬
‫ﺍﻭﺭﻩ ﻳﻴﻢ ﺑﻮﻣﺒﺎ ﺗﻚ ﺁﭼﻴﻼ ﺑﻴﻠﺴﻴﻦ‬

‫ﺍﻳﭽﻪ ﺭﻱ ﮔﻞ ﻗﻮﺭﺧﻤﺎ ﻗﺎﭘﻴﻨﻲ ﻛﻴﭙﻠﻪ‬


‫ﺳﻨﻪ ﺗﻮﺧﻮﻧﻤﺎﻏﺎ ﻧﻪ ﺟﺎﻥ ﻭﺍﺭ ﻧﻪ ﺣﻴﺮ‬
‫ﺍﻳﻨﺪﻱ ﺣﺘﻲ ﻣﻨﻪ ﺑﻴﺮ ﺗﻴﻜﻪ ﺍﻳﭙﻠﻪ‬
‫ﺍﺅﺯﻭﻣﻮ ﺁﺳﻤﺎﻕ ﺩﺍ ﻓﺎﻳﺪﺍﺳﻴﺰ ﮔﻠﻴﺮ‬
‫ﻗﻮﺭﺗﻮﻟﻮﺵ ﺣﺎﭼﺎﻧﺪﻱ؟ ﺩﺉ ﮔﺆﺭﻭﻡ ﺣﺎﭼﺎﻥ؟‬
‫ﻧﺪﻥ ﺗﻮﻛﻪ ﻧﻤﻪ ﺳﻴﻦ ﺍﻭﺷﺎﻕ ﺻﺒﺮﻳﻤﻴﺰ؟‬
‫ﺗﺎﻧﺮﻱ ﺍﻳﻠﻪ ﺷﻴﻄﺎﻧﻴﻦ ﻋﻘﺪﻩ ﺳﻴﻦ ﺁﭼﺎﻥ‬
‫ﺯﻭﺭ ﻳﺎﺭﻳﺶ ﻻﺭﻳﻨﻴﻦ ﻣﺤﻜﻮﻣﻮﻳﻮﻕ ﺑﻴﺰ‬
‫ﺗﺎﻧﺮﻳﻨﻲ ﺷﻴﻄﺎﻧﻼ ﺑﺎﺭﻳﺸﺪﻳﺮ ﮔﻮﻟﻮﻡ‬
‫ﺍﻣﻴﺰ ﺩﻳﺮ ﺷﻴﻄﺎﻧﻲ ﺳﻮﺕ ﺍﻣﺠﻪ ﻳﻴﻨﺪﻥ‬
‫ﻣﻨﻴﻢ ﺳﻮﻥ ﺍﻭﻣﻮﺩﻭﻡ ﺍﺅﻟﻮﻡ ﺩﻭﺭ ﺍﺅﻟﻮﻡ‬
‫ﻳﺎﺷﺎﻣﺎ ﺍﺅﻟﻮﻣﻠﻪ ﻳﺎﻧﺎﺷﻴﺮﺍﻡ ﻣﻦ‬

‫ﺷﻌﻴﺮ ﻟﻪ ﻫﺌﭻ ﺯﺍﻣﺎﻥ ﺑﻮﺷﺎﻟﻤﺎﺩﻳﻢ ﻣﻦ‬


‫ﺑﻌﻀﺎ ﺷﻌﻴﺮ ﻟﺮﻳﻢ ﺳﻴﺨﻴﺮ ﻗﻠﺒﻴﻤﻲ‬
‫ﻳﺎﺯﺩﻳﻐﻴﻢ ﺷﻌﻴﺮﻩ ﺑﺎﺧﻴﺮﺍﻡ ﻫﺮﺩﻥ‬
‫ﺍﺅﻟﻮ ﺍﻭﺷﺎﻕ ﺩﻭﻏﺎﻥ ﺑﻴﺮ ﻗﺎﺩﻳﻦ ﻛﻴﻤﻲ!‬

‫ﺳﻴﺨﻴﻠﻴﺮ ﺩﺍﺭﻳﻠﻴﺮ ﺩﻳﻮﺍﺭ ﺩﺍﻟﻴﻨﺪﺍ‬


‫ﺑﻌﻀﺎ ﺍﻭﺗﺎﻕ ﺑﻮﻳﺪﺍ ﻳﺌﺮ ﺗﻮﺗﻮﺭ ﺍﻧﺴﺎﻥ‬
‫ﺧﻮﻟﻴﺎ ﺩﺍﻟﺪﺍﺳﻴﻨﺪﺍ‪،‬‬
‫ﺍﺅﺯ ﺧﻴﺎﻟﻴﻨﺪﺍ‪،‬‬
‫ﺣﺆﺭﻭﻣﺠﻚ ﺗﻮﺭﻭ ﺍﻳﻠﻪ ﺷﺌﺮ ﺗﻮﺗﻮﺭ ﺍﻧﺴﺎﻥ!‬
‫ﺗﺎﻡ ﭘﺎﺭﺍﺩﻭﻛﺲ ﺍﻭﻟﻮﺏ ﺩﻭﺷﻮﻧﺠﻪ ﻟﺮﻳﻢ‬
‫ﺍﺅﺯﻭﻣﻮﻥ ﺍﺅﺯﻭﻣﻪ ﮔﻮﻟﻤﻪ ﻳﻴﻢ ﮔﻠﻴﺮ‬
‫ﻧﺌﻴﻠﻪ ﻳﻴﻢ ﻳﺎﺷﺎﻣﺎ ﻗﺎﻟﻤﺎﻳﻴﺐ ﺣﻴﺮﻳﻢ‬
‫ﺑﻮ ﮔﺌﺠﻪ ﺳﺎﺩﻩ ﺟﻪ ﺍﺅﻟﻤﻪ ﻳﻴﻢ ﮔﻠﻴﺮ!‬

‫ﻳﺌﻴﻴﺐ ﻗﻮﺭﺗﺎﺭﻳﺮﺍﻡ ﺍﺅﺯﻭﻡ – ﺍﺅﺯﻭﻣﻮ‬


‫ﺳﺎﻋﺎﺕ ﻋﻘﺮﺑﻪ ﺳﻲ ﺑﻴﭽﻴﺮ ﺯﺍﻣﺎﻧﻲ‬
‫ﺳﻮﺭﺗﻮﻥ ﺳﻮﻣﺒﺎﺗﺎﻳﻼ ﻋﺎﻏﻴﻞ ﮔﺆﺯﻭﻣﻮ‬
‫ﺑﻠﻜﻪ ﺁﻳﺪﻳﻦ ﮔﺆﺭﻩ ﻡ ﺑﻮ ﺑﻮﺵ ﺩﻭﻧﻴﺎﻧﻲ!‬

‫ﺩﻭﻧﻴﺎﻧﻴﻦ ﻫﺎﻭﺍﺳﻴﻦ ﺩﺅﺷﻮﻣﻪ ﺳﻮﺭﺩﻭﻡ‬


‫ﺳﻮﻧﻮﻧﺠﻮ ﻧﻐﻤﻪ ﺳﻴﻦ ﺍﻭﺧﻮﻳﺎﻥ ﻗﻮﻳﺎﻡ‬
‫ﻗﺎﭘﺎ ﮔﺆﺯﻟﺮﻳﻤﻲ ﻫﺎﺳﺘﺎ‪ -‬ﻫﺎﺳﺘﺎ ﻳﻮﻡ‬
‫ﺗﺎﻧﺮﻱ ﻳﺎ ﺍﻳﻨﺪﻱ ﺑﻴﺮ ﻧﻔﺲ ﺑﻮﺭﺟﻠﻮﻳﺎﻡ!‬

‫ﺣﺌﻲ ﺑﻴﺰﻳﻢ ﺷﻬﺮﻳﻦ ﺑﺎﻛﻴﺮ ﻓﺎﺣﺸﺎﺳﻲ!‬


‫ﺣﺌــــــﻲ‪،‬‬
‫ﺩﻟﻲ ﺍﺭﻛﻪ ﻳﻴﻦ ﺳﻮﻝ ﻗﺎﺑﻴﺮﻏﺎﺳﻲ!‬
‫ﺣﺌﻲ ﻗﻮﺭﻭ ﺩﺭﻳﺎﻧﻴﻦ ﺩﻭﺯ ﻗﺎﺳﻴﺮﻏﺎﺳﻲ!‬
‫ﺣﺌﻲ!‬
‫ﺣﺌــــــﻲ!‬
‫ﺣﺌــــــــــــــــﻲ!!!‬
‫‪٨٢/٦/٣٠‬‬
‫ﻣﻦ ﺳﻦ ﻭ ﺳﻦ ﻣﻦ ﺍﻭﻝ‪...‬‬
‫ﻳﺎﻧﻠﻴﺰ ﺑﻮﺭﺍﺧﻤﺎ ﺁﻱ ﺳﺎﺭﻱ ﺳﺎﭼﻠﻲ ﻣﻠﻚ! ﻣﻨﻲ‬
‫ﺳﺎﻝ ﺑﻮﻳﻨﻮﻣﺎ ﺍﻭ ﺳﺎﭼﻼﺭﻱ ﺁﺭﺩﻳﻨﺠﺎ ﭼﻚ ﻣﻨﻲ‬
‫ﻫﺮ ﮔﻮﻥ ﺩﺍﻟﻴﻨﺠﺎ ﺩﻭﺷﻤﻪ ﺩﻥ ﺁﺭﺯﻳﻢ ﺑﻮﺩﻭﺭﻛﻲ ﺳﻦ ـ‬
‫ﺧﻠﻮﺗﻠﻪ ﺷﻨﺪﻩ ﻳﻮﻝ ﺩﺋﻴﻪ ﺳﻦ ‪ »:‬ﺍﺅﭖ ﮔﺆﺭﻩ ﻙ ﻣﻨﻲ« !‬
‫ﺳﻦ ﮔﺌﺖ ﮔﻴﻠﻦ ﮔﻮﻟﻮﻡ! ﺑﺌﻠﻪ ﻓﻴﻜﺮ ﺍﺋﺘﻤﻪ ﻳﺎﻧﻠﻴﺰﺍﻡ‬
‫ﻗﻮﻳﻤﺎﺯ ﺑﻴﺮ ﺁﻥ ﺩﺍ ﺁﻳﺮﻳﻠﻴﻐﻴﻦ ﺩﺭﺩﻱ ﺗﻚ ﻣﻨﻲ‬
‫ﻣﻦ ﻧﺎﻟﻪ ﺍﺋﺘﻤﻪ ﺳﻢ ﮔﺆﺯﻟﻴﻢ! ﺳﺎﻧﻤﺎ ﻏﻤﺴﻴﺰﻡ‬
‫ﻳﻮﺥ ـ ﻳﻮﺥ ﺑﻮ ﺩﺭﺩ ﺍﺅﻟﺪﻭﺭﺭ ﺍ ‪‬ﻭﻟﻜﻲ ﺗﻚ ﻣﻨﻲ‬
‫ﻧﺎﻟﻪ ﻣﺪﻥ ﺍﻭﻟﺪﻭ ﻛﺎﺭ ﻓﻠﻪ ﻳﻴﻦ ﺩﻩ ﻗﻮﻻﻗﻼﺭﻱ‬
‫ﺩﺍﻱ ﻧﺎﻟﻪ ﺍﺋﺘﻤﻪ ﺭﻡ ﭼﻮﻥ ﺍﺋﺸﻴﺘﻤﺰ ﻓﻠﻚ ﻣﻨﻲ‬
‫ﻣﻦ ﺳﻦ ﻭ ﺳﻦ ﻣﻦ ﺍﻭﻝ ﺩﺋﺪﻳﻢ ‪،‬‬
‫ﺁﻧﺠﺎﻕ ﺑﻮ ﻛﻮﻓﺮ ﺍﻳﻤﻴﺶ‬
‫ﻣﻨﺼﻮﺭ ﻛﻴﻤﻲ ﺗﻮﺗﻮﺏ ﺩﺍﺭﺍ ﭼﻜﻤﻚ ﮔﺮﻩ ﻙ ﻣﻨﻲ‬

‫ﺷﻬﻮﺗﻠﻲ ﮔﺆﺯﻟﺮﻳﻢ ﺑﺎﺧﻴﺒﺎﻥ ﺳﻴﻨﺴﻴﺪﻩ ﺭ ﺳﻨﻲ‬


‫ﻫﻢ ﺍﺅﻟﺪﻭﺭﺭ ﺷﻴﺸﻴﻚ ﻣﻤﻪ ﺑﺎﺗﻤﻴﺶ ﮔﺆﺑﻚ ﻣﻨﻲ‬
‫ﺷﻮﺭ ﮔﺆﺯ ﺑﻴﺮ ﺍﻳﻨﺴﺎﻧﺎﻡ ﻛﻲ ﻳﻮﺯ ﺍﻳﻞ ﺁﺭﺯﻱ‪ -‬ﮔﺆﺯ ﻗﻮﻳﺎﺭ‪،‬‬
‫ﺃﻳﻨﻴﻨﺪﻩ ﺍﺅﺭﺗﻮﻳﻮﻧﻠﻪ ‪ ،‬ﺑﺎﺷﻴﻨﺪﺍ ﻟﺌﭽﻚ ﻣﻨﻲ‬
‫ﺁﻱ ﺩﺍﻟﻐﺎ! ﻋﺆﻣﺮ ﻛﺌﭽﺪﻱ ‪ ،‬ﺍﻭﺗﺎﻧﻤﺎﻕ ﮔﻠﻴﺮ ﻣﻨﻪ ـ‬
‫ﮔﻞ ﺍﺋﻮﻟﻪ ﻧﻪ ﻙ ﺩﺋﻴﻪ ﻡ ‪ ،‬ﻋﻤﻲ ﺳﺴﻠﺮ »ﭼﻴﭽﻚ « ﻣﻨﻲ!‬
‫‪٨٠/٥/٧‬‬
‫ﺳﻮﻥ ﮔﺆﺭﻭﺵ!‬

‫‪...‬ﺩﻭﻧﻪ ﻥ ﺳﻮﻥ ﮔﺆﺭﻭﺷﺪﻩ ﻧﻪ ﺍﻭﻟﺪﻭ ﭼﻴﭽﻚ!‬


‫ﻫﺮﺩﻥ ﻗﻪ ﻫﺮﻟﻪ ﻧﻤﻪ ﮔﻠﻴﺮﺩﻱ ﺳﻨﻪ!‬
‫ﮔﺆﺯﻟﺮﻳﻦ ﺩﺋﻴﻴﺮﺩﻱ‪:‬‬
‫»ﻧﺪﻩ ﻥ ﺩﻟﻲ ﺗﻚ‪،‬‬
‫ﻋﺸﻘﻴﻤﺪﻩ ﺷﻌﺮﻟﺮ ﺩﺋﻤﻴﺮﺳﻦ ﻳﺌﻨﻪ؟!‬
‫ﺑﻴﺮ ﺯﺍﻣﺎﻥ ﺳﻦ ﺁﺧﻲ ﺳﺌﻮﻳﺮﺩﻳﻦ ﻣﻨﻲ‪،‬‬
‫ﻫﺮ ﮔﺌﺠﻪ ﺑﻴﺮ ﻏﺰﻝ ﺩﺋﻴﻴﺮﺩﻳﻦ ﻣﻨﻪ‪،‬‬
‫ﮔﺆﺯﻩ ﻝ ﻛﻠﻤﻪ ﻟﺮ ﻟﻪ ﺍﺅﻳﻮﺭﺩﻭﻥ ﻣﻨﻲ‪،‬‬
‫ﺍﻝ ﭼﺎﺗﻤﺎﺯ ﺑﻴﺮ ﺍﺭﺯﻱ ﺍﻭﻟﻤﻮﺷﺪﻭﻡ ﺳﻨﻪ!«‬

‫ﺳﻴﺨﻴﻠﻴﺮﺩﻱ ﻳﻮﻣﻮﺷﺎﻕ ﺍﻭﺭﻩ ﻳﻴﻦ ﻫﺮﺩﻥ‪،‬‬


‫ﺑﻮﻏﺎﺯﻳﻨﺪﺍ ﻗﻪ ﻫﺮ‪،‬‬
‫ﮔﺆﺯﻟﺮﻳﻨﺪﻩ ﻳﺎﺵ‪.‬‬
‫ﺑﺎﺧﻴﺸﻴﻦ ﺩﺋﻴﻴﺮﺩﻱ‪:‬‬
‫” ﺩﻩ ﻳﻴﺸﻴﻠﻤﻴﺴﻪ ﻥ‪،‬‬
‫ﺍﻭﻧﻮﺗﻤﻮﺳﺎﻥ ﻣﻨﻲ ﺳﻦ ﻳﺎﻭﺍﺵ‪ -‬ﻳﺎﻭﺍﺵ!«‬

‫ﻣﻦ ﺳﻨﻴﻦ ﮔﺆﺯﻭﻧﺪﻩ ﺑﻴﺮ ﻗﻔﺲ ﺍﻭﻟﺪﻭﻡ‪،‬‬


‫ﺳﻴﻐﻴﻨﺪﻳﻦ ﺍﻳﭽﻴﻤﻪ‪ ،‬ﺍﺳﻴﺮ ﻗﻮﺵ ﻛﻴﻤﻲ‬
‫ﺩﺋﺪﻳﻦ‪:‬‬
‫” ﻋﺒﺚ ﻳﺌﺮﻩ ﺳﻨﻪ ﻭﻭﺭﻭﻟﺪﻭﻡ”‬
‫ﮔﺆﺭﺩﻭﻥ ﺍﻳﻠﻚ ﻋﺸﻘﻴﻨﻲ ﺍﻭﺩﻭﺯﻣﻮﺵ ﻛﻴﻤﻲ‪.‬‬
‫ﺍﺅﺯﻭﻧﻮ ﺑﻮﻳﻨﻮﻣﺪﺍ ﻳﻮﻙ ﻛﻴﻤﻲ ﮔﺆﺭﺩﻭﻥ‬
‫ﺩﺋﻴﻴﺮﺩﻳﻦ‪:‬‬
‫”ﺳﺆﺯﻭﻧﺪﻩ ﺣﻠﻪ ﻭﺍﺭﻣﻲ ﺳﺎﻥ؟!”‬
‫ﺍﻭﺭﻩ ﻳﻴﻨﺪﻩ ﺳﻮﻧﺮﺍ ﺁﺳﺘﺎ ﺩﺋﻴﻴﺮﺩﻳﻦ‪:‬‬
‫”ﺑﻴﺮ ﮔﻮﻥ ﻣﻦ ﺍﻭﻟﻤﺎﺳﺎﻡ‪ ،‬ﺩﻳﻨﺞ ﺍﻭﻻﺭﻣﻲ ﺳﺎﻥ؟!”‬

‫ﺑﻴﺮ ﺁﻥ ﺑﻮﻏﺎﺯﻳﻨﺪﺍ ﺑﻮﻏﻮﻟﺪﻭ ﻧﻔﺲ‬


‫ﺍﻳﭽﻴﻨﺪﻥ ﺑﺎﻏﻴﺮﺩﻱ ﺳﺌﺤﻴﺮﻟﻲ ﺑﻴﺮ ﺳﺲ‪:‬‬
‫”ﺗﻘﺼﻴﺮ ﺍﺅﺯﻭﻧﺪﻩ ﺍﻳﺪﻱ‪ ،‬ﻧﺪﻩ ﻥ ﺣﻪ ﻥ ﺩﺋﺪﻳﻦ؟‬
‫ﻧﺪﻩ ﻥ ﺑﻮ ﺗﺌﺰﻟﻴﻚ ﺩﻩ ﺍﻭﻧﺎ ﻗﻮﻭﻭﺷﺪﻭﻥ؟‬
‫ﺍﻭﺭﻩ ﻳﻴﻨﺪﻩ ﺍﻭﻧﻮﻥ ﺑﻴﺮ ﺁﺭﺯﻱ ﺍﻳﺪﻳﻦ‪،‬‬
‫ﻧﺪﻩ ﻥ ﺍﻭﺭﻩ ﻳﻴﻨﺪﻥ ﺍﻭﻭﺟﻮﻧﺎ ﺩﻭﺷﺪﻭﻥ؟”‬

‫‪...‬ﻳﻮﺥ ﭼﻴﭽﻚ! ﻗﻮﻻﻕ ﻭﺋﺮ ﺍﻭﺭﻙ ﺳﺴﻴﻤﻪ‪،‬‬


‫ﺳﻴﻨﺴﻴﻤﻪ ﺳﺌﻮﮔﻴﻠﻴﻢ!ﺩﺍﺣﺎ ﺳﻴﻨﺴﻴﻤﻪ‪،‬‬

‫ﺍﻭﺷﺎﻕ ﭼﺎﻏﻼﺭﻳﻤﺪﺍﻥ ﻳﻮﺧﺴﻮﻟﻠﻮﻕ ﭼﻜﻴﺐ‬


‫ﺁﻟﻨﻴﻤﻴﻦ ﺗﺮﻱ ﺍﻳﻠﻪ ﭼﺆﺭﻩ ﻙ ﻗﺎﺯﺍﻧﺪﻳﻢ‪،‬‬
‫ﮔﺌﺠﻪ ﻧﻲ ﺻﺒﺤﻪ ﺗﻚ ﮔﺆﻳﻪ ﮔﺆﺯ ﺗﻜﻴﺐ‪،‬‬
‫ﮔﻮﻧﺶ ﺣﺴﺮﺗﻴﻨﺪﻩ ﻳﺎﻧﺪﻳﻘﺠﺎ‪ -‬ﻳﺎﻧﺪﻳﻢ‪.‬‬
‫ﺍﻥ ﺁﻏﻴﺮ ﺍﻳﺸﻠﺮﻩ ﭼﻜﺪﻳﻠﺮ ﻣﻨﻲ‬
‫ﺩﻭﺯﺩﻩ ﺷﻮﺧﻮﻡ ﻭﻭﺭﺩﻭﻡ‪،‬ﺩﺍﻏﺪﺍ ﺩﺍﺵ ﻗﻴﺮﺩﻳﻢ‬
‫ﻛﺎﺑﺎﺏ ﺗﻚ ﺷﻴﺶ ﻟﺮﻩ ﭼﻜﺪﻳﻠﺮ ﻣﻨﻲ‪،‬‬
‫ﻳﺎﻧﺪﻳﻐﻴﻢ ﺍﻭﺟﺎﻏﻴﻦ ﺍﻭﺩﻭﻧﻮﻥ ﻳﺎﺭﺩﻳﻢ‪.‬‬
‫ﺍﻭ ﺍﻭﺷﺎﻕ ﭼﺎﻏﻴﻤﺪﺍ ﻓﻼﻛﺖ ﮔﺆﺭﺩﻭﻡ‬
‫ﭼﻴﻴﻨﻴﻢ ﺩﻩ ﺑﻴﺮ ﺍﻳﮕﻴﺖ ﻳﻮﻛﻮﻥ ﺩﺍﺷﺎﺩﻳﻢ‬
‫ﺍﻟـﻠﻪ ﺷﻴﺐ‪ ،‬ﭼﺎﺭﭘﻴﺸﻴﺐ‪ ،‬ﻳﻴﺨﻴﻠﻴﺐ‪،‬ﺩﻭﺭﺩﻭﻡ‪.‬‬
‫ﺁﻧﺠﺎﻕ ﺃﻳﻴﻠﻤﻪ ﺩﻳﻢ‪ ،‬ﻣﻐﺮﻭﺭ ﻳﺎﺷﺎﺩﻳﻢ‪.‬‬
‫ﻗﻴﺸﻴﻦ ﺷﺎﺧﺘﺎﺳﻴﻨﺪﺍ ﺗﻴﺮ‪ -‬ﺗﻴﺮ ﺗﻴﺘﺮﻩ ﺩﻳﻢ‬
‫ﺻﺎﺑﺎﺡ ﻳﺎﺯ ﮔﻠﻪ ﺟﻚ ﺩﺋﻴﻴﺐ‪ -‬ﺍﻳﻨﺎﻧﺪﻳﻢ‬
‫ﻳﺎﻳﻴﻦ ﺍﻳﺴﺘﻲ ﺳﻴﻨﺪﻩ ﻗﻮﻭﺭﻭﻟﺪﻭ ﺃﺗﻴﻢ‬
‫ﮔﺆﺭﺩﻭﻳﻮﻡ ﺩﻫﺸﺘﻲ ﺍﺅﺯﻭﻣﻪ ﺩﺍﻧﺪﻳﻢ‬

‫‪...‬ﺑﻮﮔﻮﻥ‪ ،‬ﺩﻭﻧﻪ ﻧﻴﻤﻴﻦ ﺻﺎﺑﺎﺣﻲ ﺍﻭﻟﺪﻭ‬


‫ﺍﻟﻴﻤﻲ ﻗﻴﺰﺩﻳﺮﺩﻱ ﺍﻳﺴﺘﻲ ﺍﻟﻠﺮﻳﻦ‬
‫ﻳﺎﻳﻴﻦ ﻗﻮﺭﺍﻗﻠﻴﻐﻲ ﺩﺍﺣﺎ ﻗﻮﺭﺗﻮﻟﺪﻭ‬
‫ﺃﺳﺪﻱ ﻳﺎﺯ ﻧﻔﺴﻴﻦ ﻛﻮﻟﻪ ﻛﺪﻥ ﺳﺮﻳﻦ!‬
‫ﺁﭼﻴﻠﺪﻱ ﮔﺆﺯﻟﺮﻳﻦ ﺧﻮﻣﺎﺭ ﻧﺮﮔﻴﺰﺗﻚ‬
‫ﺩﻭﺩﺍﻏﻴﻦ ﻻﻟﻪ ﺗﻚ ﺍﻭﺯﻭﻣﻪ ﮔﻮﻟﺪﻭ‬
‫ﺩﻟﻲ ﺩﺍﻟﻐﺎ ﻻﺭﻻ ﺟﻮﺷﺪﻭﻥ ﺩﻧﻴﺰ ﺗﻚ‬
‫ﺗﺮﭘﻪ ﻧﻴﺶ ﺩﻳﺮﻳﻠﺪﻱ‪ ،‬ﺩﻭﻧﻮﻗﻠﻮﻕ ﺍﺅﻟﺪﻭ‪.‬‬
‫ﻣﻦ ﺁﻛﻮﺍﺭﻳﻮﻡ ﺩﺍ ﻳﺎﻧﻠﻴﺰ ﺑﻴﺮ ﺑﺎﻟﻴﻖ‬
‫ﺁﭼﺪﻳﻦ ﺩﻧﻴﺰ ﻛﻴﻤﻲ ﺍﺅﻧﻮﻣﺪﻩ ﻗﻮﺟﺎﻕ‪،‬‬
‫ﺩﺅﺭﺩ ﻳﺎﻧﻴﻢ ﻓﻼﻛﺖ‪ ،‬ﻇﻠﻤﺖ‪ ،‬ﻗﺎﺭﺍﻧﻠﻴﻖ‬
‫ﺳﻦ ﺑﻮ ﻓﻼﻛﺘﻪ ﺍﻭﻟﺪﻭﻥ ﭼﻴﻠﭽﻴﺮﺍﻕ!‬

‫ﻧﺌﺠﻪ ﻗﻴﻴﻴﺮﺳﺎﻧﻤﻲ ﺩﺋﻴﻪ ﺳﻦ‪،‬ﺁﺩﺍﻡ!‬


‫ﺳﻨﻲ ﺍﻭﻧﻮﺗﻤﻮﺷﺎﻡ‪،‬‬
‫ﺍﻭﻻﺭﻣﻲ ﺁﺧﻲ؟!‬
‫ﻧﺪﻥ ﺩﺋﻴﻴﺮ ﺳﻨﻤﻲ ﺳﻨﻲ ﺁﺗﻤﻴﺸﺎﻡ‪،‬‬
‫ﺑﺎﺷﻘﺎﺳﻴﻦ ﺗﻮﺗﻤﻮﺷﺎﻡ‪،‬‬
‫ﺍﻭﻻﺭﻣﻲ ﺁﺧﻲ؟!‬
‫ﺍﻳﻠﻚ ﺩﺍﻧﻴﺸﺪﻳﻐﻴﻤﻴﺰ ﻳﺎﺩﻳﻨﺪﺍﻣﻲ ﻫﺌﭻ؟‬
‫ﺍﻟﻠﺮﻳﻢ ﺗﻴﺘﺮﻩ ﺩﻱ‪ ،‬ﺁﻳﺎﻏﻴﻢ ﺁﺧﺪﻱ‪،‬‬
‫ﺩﺋﺪﻳﻢ ﻋﺎﺷﻴﻘﻴﻨﻪ ﻡ‪،‬‬
‫ﺩﺋﺪﻳﻦ ﻛﻲ ﻭﺍﺯ ﻛﺌﭻ‪،‬‬
‫ﮔﺆﺯﻟﺮﻳﻢ ﻳﺎﻟﻮﺍﺭﻳﺐ‪ ،‬ﮔﺆﺯﻭﻧﻪ ﺑﺎﺧﺪﻱ‪.‬‬
‫ﻗﺎﺭﺍﻟﺪﻱ ﮔﺆﺯﻟﺮﻳﻢ ‪،‬ﺩﺅﻳﻮﻧﺪﻭ ﻗﻠﺒﻴﻢ‬
‫ﺩﻭﻻﻧﺪﻱ ﺑﺎﺷﻴﻤﺎ ﺩﺍﻡ‪ -‬ﺩﻳﻮﺍﺭ ﻣﻨﻴﻢ‬
‫ﻫﺮﺩﻥ ﺍﻭﻣﻮﺩﻻﻧﻴﺐ‪ -‬ﺳﺆﻳﻮﻧﺪﻭ ﻗﻠﺒﻴﻢ‬
‫ﻧﺌﺠﻪ ﺍﻭﺷﺎﻕ ﻛﻴﻤﻲ ﻗﻠﺒﻴﻢ ﻭﺍﺭ ﻣﻨﻴﻢ!‬
‫ﻛﺆﻧﻠﻮﻣﻪ ﺩﻩ ﻳﻤﻪ ﺩﻳﻦ ﻳﻮﺥ ﺟﺎﻭﺍﺑﻴﻨﻼ‪،‬‬
‫ﻣﻬﺮﺑﺎﻧﺠﺎ ﺳﻴﻨﺎ »ﻫﻦ« ﺩﺋﺪﻳﻦ ﭼﻴﭽﻚ!‬
‫ﺳﻨﻠﻪ ﺍﻳﻠﻘﺎﺭﻳﻤﻴﺰ ﺑﺎﻏﻼﻧﺪﻱ ﻗﺎﻧﻼ‪،‬‬
‫ﺑﻮﺭﺍﺥ‪،‬‬
‫ﺑﻮ ﺳﺆﺯﻟﺮﺩﻥ ﺣﻠﻪ ﻭﺍﺯ ﻛﺌﭽﻪ ﻙ!‬
‫ﺩﺋﺪﻳﻦ ﺑﻲ ﺧﻴﺎﻟﺴﺎﻥ‪ ،‬ﺍﻳﻨﺠﻴﺪﻳﻦ ﻣﻨﺪﻥ‬
‫ﺑﻮﻏﻮﻟﺪﻭ ﻗﻠﺒﻴﻤﺪﻩ ﻫﺎﻳﻴﻢ‪ ،‬ﻓﺮﻳﺎﺩﻳﻢ‬
‫ﺳﻦ ﻛﻮﺳﻮﺏ‪ -‬ﻳﺎﻧﻴﻤﺪﺍﻥ ﮔﺌﺪﻧﺪﻩ ﺩﻭﻧﻪ ﻥ‪،‬‬
‫ﺩﺍﺣﺎ ﮔﺆﺯ ﻳﺎﺷﻴﻤﻲ ﺳﺎﺧﻼﻳﺎﻧﻤﺎﺩﻳﻢ‪.‬‬
‫ﺩﺋﺪﻳﻦ ﺑﺲ ﻛﻲ ﺗﻜﺠﻪ ﻗﻴﺰﻻﺭ ﺁﻏﻼﻳﺎﺭ؟!‬
‫ﻛﻴﺸﻲ ﺩﻩ ﺁﻏﻼﻳﺎﺭ ﻗﻠﺒﻲ ﺳﻴﻨﺎﻧﺪﺍ‪،‬‬
‫ﺍﻭﺭﻛﺪﻥ ﺳﺌﻮﻳﺮﻩ ﻡ ﻣﻦ ﺳﻨﻲ ﺁﻱ ﻳﺎﺭ!‬
‫ﺍﻳﻨﺎﻧﺴﺎﻧﺪﺍ ﺑﻮﻳﺎﻡ‪ ،‬ﺍﻳﻨﺎﻧﻤﺎﺳﺎﻧﺪﺍ‪.‬‬
‫ﺳﻦ ﻳﺎﺯﻳﻖ ﻗﻠﺒﻴﻤﻴﻦ ﺍﻭﻣﺎﻥ ﻳﺌﺮﻱ ﺳﻦ‬
‫ﺩﺅﺷﻪ ﻧﻴﺐ ﻳﻮﻟﻮﻧﺎ ﺍﺅﻝ ﺩﺋﺴﻪ ﻥ ﺍﺅﻟـﻠﻪ ﻡ‬
‫ﺳﻦ ﻣﻨﻪ ﺳﻮﻧﻮﻧﺠﻮ ﮔﻮﻣﺎﻥ ﻳﺌﺮﻱ ﺳﻦ‬
‫ﺍﺅﻟﻮﻡ ﺟﺎﻳﻨﺎﻏﻴﻨﺪﺍ ﮔﻮﻝ ﺩﺋﺴﻪ ﻥ ﮔﻮﻟـﻠﻪ ﻡ‬
‫ﺑﻴﺮ ﮔﻮﻥ ﺳﻦ ﺍﻭﻟﻤﺎﺳﺎﻥ‪ ،‬ﺩﺍﺭﻳﺨﺎﺭﺍﻡ ﻣﻦ‬
‫ﮔﺌﺪﻩ ﺭ ﺍﻭﺭﻩ ﻳﻴﻤﻴﻦ ﻗﺮﺍﺭﻱ‪ -‬ﺻﺒﺮﻱ‬
‫ﺑﻮﺗﻮﻥ ﻭﺍﺭ‪ -‬ﻳﻮﺧﻮﻣﻮ ﺑﻮﺭﺍﺧﺎﺭﺍﻡ ﻣﻦ‬
‫ﮔﺆﺯﻟﺮﻡ ﺍﺅﻟﻮﻣﻮ‪،‬‬
‫ﮔﺆﺯﻟﺮﻡ ﻗﺒﺮﻱ‪...‬؟‬
‫‪٨٠/٩/٢٠‬‬

‫ﺗﻀﺎﺩ ﺧﻴﺎﻟﻼﺭ!‬
‫‪-١‬‬
‫ﺛﺒﻮﺕ ﺁﺧﺘﺎﺭﻳﺮﺍﻡ ﺳﺌﻮﮔﻴﻤﻴﺰ ﺍﻳﭽﻴﻦ‪،‬‬
‫ﺑﻴﺰ ﻧﺪﻩ ﻥ ﺳﺌﻮﻳﺸﻴﺐ‪ ،‬ﻗﻮﻭﻭﺷﺪﻭﻕ ﭼﻴﭽﻚ!‬
‫ﻫﺮ ﺩﻥ ﺩﻭﺷﻮﻧﻮﺭﻩ ﻡ ﻣﻦ ﺍﻳﭽﻴﻦ‪ -‬ﺍﻳﭽﻴﻦ‪،‬‬
‫ﺳﺤﺮ ﺁﺧﺸﺎﻣﺎ ﺗﻚ‪ ،‬ﮔﺌﺠﻪ ﺻﺒﺤﻪ ﺗﻚ!‬
‫ﺍﻳﻜﻲ ﺍﻳﻞ ﺁﻳﺮﻳﻠﻴﻖ‪،‬‬
‫ﺩﺋﺪﻳﻦ‪»:‬ﺩﺅﺯﻩ ﺭﻡ‪،‬‬
‫ﺳﺎﻳﺎﺭﺍﻡ ﮔﻮﻧﻠﺮﻱ‪ ،‬ﺁﻳﻼﺭﻱ ﺑﻴﺮ‪ -‬ﺑﻴﺮ‬
‫ﺑﻴﺮ ﺗﻪ ﺣﻪ ﺭ‪ ،‬ﺑﻴﺮ ﻗﻴﻠﻴﻖ‬
‫ﺩﺋﺪﻳﻦ‪:‬ﺩﺅﺯﻩ ﺭﻡ‪،‬‬
‫ﺍﺅﺭﺗﻪ ﺭﻡ ﻗﻴﺸﻼﺭﻱ‪ ،‬ﻳﺎﻳﻼﺭﻱ ﺑﻴﺮ‪ -‬ﺑﻴﺮ«‬
‫ﮔﺆﺯﻟﻪ ﻳﻪ ﺟﻜﻤﻲ ﺳﻦ؟‬
‫ﻫﺌﭻ ﺍﻳﻨﺎﻧﻤﻴﺮﺍﻡ‬
‫ﺳﻨﻴﻦ ﻭﻋﺪﻩ ﻟﺮﻳﻦ ﺁﭖ‪ -‬ﺁﻳﺪﻳﻦ ﻳﺎﻻﻥ‬
‫ﺣﻠﻪ ﺩﻩ ﺗﻜﻤﻲ ﺳﻦ؟‬
‫ﻫﺌﭻ ﺍﻳﻨﺎﻧﻤﻴﺮﺍﻡ‪،‬‬
‫ﻧﻪ ﺩﺋﺪﻳﻦ ﺁﻟﺪﺍﻧﻴﺶ‪ ،‬ﻧﻪ ﺳﺎﻳﺪﻳﻦ ﻳﺎﻻﻥ!‬

‫ﺑﻴﻠﻴﺮﻩ ﻡ ﺑﻴﺘﻪ ﺟﻚ ﺑﻮ ﺳﺌﻮﮔﻲ ﺑﻴﺮ ﮔﻮﻥ‬


‫ﺁﻟﺪﺍﺩﺍ ﺑﻴﻠﻤﻴﺮﻩ ﻡ ﻣﻦ ﺍﺅﺯ ﻗﻠﺒﻴﻤﻲ‬
‫ﻳﺎﺯﻳﺮﺍﻡ ﺍﻳﻜﻲ ﺍﻳﻞ ﺳﻮﻧﺮﺍﻧﻴﻦ ﺳﺆﺯﻭﻥ‪،‬‬
‫ﻳﺎﺯﻳﺮﺍﻡ ﺑﻮ ﺷﻌﺮﻱ ﺑﻴﺮ ﺳﻨﺪ ﻛﻴﻤﻲ…‬
‫‪-٢‬‬
‫ﺑﻮ ﺍﻳﻜﻴﻨﺠﻲ ﺍﻳﻠﺪﻱ ﺑﻴﺰ ﺁﻳﺮﻳﻠﻤﻴﺸﻴﻖ‬
‫ﻫﺮ ﮔﺌﺠﻪ ﺍﻭﻳﺨﻮﻣﻮﻥ ﻛﺎﺑﻮﺳﻮﺳﺎﻥ ﺳﻦ‬
‫ﺍﺋﻠﻪ ﺑﻴﻞ ﺍﻭﻟﻤﺎﻳﻴﺐ‪ ،‬ﻫﺌﭻ ﺑﻴﺮ ﺗﺎﻧﻴﺸﻠﻴﻖ‪،‬‬
‫ﺍﺅﺯﻭﻧﻤﻮﺳﻦ ﭼﻴﭽﻚ!‬
‫ﺩﺋﻤﻚ ﺑﻮﺳﺎﻥ ﺳﻦ؟!‬
‫ﺍﺋﻠﻪ ﺑﻴﻞ ﺍﻭﻟﻤﺎﻳﻴﺐ ﺩﻭﻧﻪ ﻧﻴﻤﻴﺰ ﻫﺌﭻ‬
‫ﺳﻨﻪ ﺑﺎﺧﻤﺎﻏﺎﺩﺍ ﺍﻭﺗﺎﻧﻴﺮﺍﻡ ﻣﻦ‬
‫ﻛﺌﭻ ﻣﻨﻴﻢ ﻳﺎﻧﻴﻤﺪﺍﻥ ﺍﻋﺘﻨﺎﺳﻴﺰ ﻛﺌﭻ‬
‫ﺳﺎﺗﺎﺷﻤﺎﺳﻴﻦ ﮔﺆﺯﻭﻡ ﮔﺆﺯﻭﻧﻪ ﺑﻴﺮﺩﻥ!‬
‫ﻗﻮﻻﻏﻴﻨﺪﺍ ﺳﻴﺮﻏﺎ ﺑﺌﺘﻮﻧﺪﺍﻥ ﺁﻏﻴﺮ‬
‫ﺑﻴﻠﻪ ﺭﺯﻳﻚ ﻗﻮﻟﻮﻧﺪﺍ ﺳﺎﻧﻜﻲ ﺑﻮﺧﻮﻭ ﺩﻭﺭ‬
‫ﺑﻮﮔﻮﻧﻮﻥ ﺷﺎﻩ ﻛﻴﻤﻲ‪،‬‬
‫ﺩﻭﻧﻪ ﻧﻴﻦ ﻓﺎﻏﻴﺮ‬
‫ﺩﻭﻧﻪ ﻥ ﺩﻭﻧﺎﻥ ﻗﻴﺮﻭﻭ‪ ،‬ﺑﻮﮔﻮﻥ ﺁﻟﻮﻭﺩﻭﺭ‬
‫ﮔﺌﺪﻳﺮﺳﻦ ﺍﻭ ﻗﺎﭘﻲ‪،‬‬
‫ﺍﻭ ﻳﻮﻝ‪،‬‬
‫ﺍﻭﺩﺍ ﺳﻦ!‬
‫ﺩﻳﺰ ﭼﺆﻛﻮﺏ‪ ،‬ﺍﺅﻧﻮﻧﺪﻩ ﻳﺎﻟﻮﺍﺭﺍﻧﻤﺎﺭﺍﻡ‬
‫ﻛﻴﺸﻲ ﻏﺌﻴﺮﺗﻴﻤﻲ ﺍﻭﺩﺍﻧﻤﺎﺭﺍﻡ ﻣﻦ‪،‬‬
‫ﮔﺌﺖ…‪،‬‬
‫ﺳﻨﻴﻦ ﺍﻭﺩﻭﻧﺎ ﺑﻴﺮﺩﻩ ﻳﺎﻧﻤﺎﺭﺍﻡ‪.‬‬

‫ﻳﻮﺥ …‬
‫ﻗﺎﺭﺍ ﻳﺎﺧﻤﻴﺮﺍﻡ‪ ،‬ﺑﻮ ﺗﻬﻤﺖ ﺩﺋﻴﻞ‪،‬‬
‫ﺧﻄﺮﻳﻨﻪ ﺩﻩ ﻳﻤﻪ ﺳﻴﻦ ﮔﻮﺑﻮﺩ ﺳﺆﺯﻟﺮﻳﻢ‪،‬‬
‫ﺑﻴﻠﻤﻴﺮﻩ ﻡ ﺍﻳﻜﻲ ﺍﻳﻞ ﻳﻮﺧﺴﺎ ﺍﻟﻠﻲ ﺍﻳﻞ‪،‬‬
‫ﺳﻨﻲ ﮔﺆﺭﻣﻪ ﻳﻪ ﺟﻚ ﺑﻴﺮﺩﻩ ﮔﺆﺯﻟﺮﻳﻢ!‬
‫ﺍﺋـﺢ ! ﭼﻴﭽﻚ‪ ،‬ﺩﻭﻧﻴﺎﺩﺍ ﺑﻮ ﺑﻴﺮ ﻗﺎﻳﺪﺍﺩﻳﺮ‪،‬‬
‫ﮔﺆﺯﺩﻥ ﺁﻳﺮﻳﻼﻧﻼﺭ‪ ،‬ﺟﺎﻧﺪﺍﻥ ﺁﻳﺮﻳﻼﺭ‪.‬‬
‫ﻧﻪ ﮔﻮﻧﺎﻩ ﮔﻮﻧﺪﻩ ﺩﻳﺮ‪،‬ﻧﻪ ﺩﻩ ﺁﻳﺪﺍﺩﻳﺮ‪،‬‬
‫ﭼﺎﻳﺪﺍﻥ ﺁﻳﺮﻳﻼﻥ ﺳﻮ‪ ،‬ﻳﺎﻧﺪﺍﻥ ﺁﻳﺮﻳﻼﺭ‪.‬‬

‫‪-٣‬‬
‫ﮔﺌﺪﻳﺮﺳﻦ ﮔﺆﺯﻩ ﻟﻴﻢ! ﮔﺌﺖ ﺩﺋﺪﻳﻢ ﺁﻧﺠﺎﻕ‪،‬‬
‫ﺩﺍﻟﻴﻨﺠﺎ ﺳﻮ ﺳﻪ ﭘﺪﻱ ﻳﺎﺷﻠﻲ ﮔﺆﺯﻟﺮﻳﻢ‬
‫ﺍﻭﺭﻩ ﻳﻴﻢ ﺳﻨﻲ ﻫﺌﭻ ﺍﻭﻧﻮﺩﻣﺎﻳﺎﺟﺎﻕ‪،‬‬
‫ﺍﻭﻧﻮﺩﺍ ﺑﻴﻠﻤﺰ ﻛﻲ ﺍﻳﻠﻚ ﻋﺸﻘﻲ ﻫﺌﭻ ﻛﻴﻢ!‬
‫ﻳﻮﺥ…‬
‫ﺩﺍﻏﻴﻠﻴﻦ ﺣﺎﻳﺪﻱ!‬
‫ﻗﺎﺭﺍ ﻓﻴﻜﻴﺮ ﻟﺮ!‬
‫ﺩﺍﻏﻴﻠﻴﻦ ﮔﻠﻪ ﺟﻚ ﺁﺷﻜﺎﺭﺍ ﭼﻴﺨﺴﻴﻦ‪،‬‬
‫ﮔﻮﻥ ﮔﻠﻪ ﺭ ﺳﺌﻮﮔﻴﻠﻴﻢ ﺗﻮﻱ ﺩﻭﻧﻮﻥ ﮔﺌﻴﻪ ﺭ‪،‬‬
‫ﻏﻮﺭﻭﺭﻭﻡ ﺩﺍﻏﻼﺭﻱ ﺗﻮﭘﺮﺍﻏﺎ ﻳﻴﺨﺴﻴﻦ!‬

‫ﻗﺎﺩﻳﻦ ﮔﺆﺯﻩ ﻟﻠﻴﻴﻲ‪ ،‬ﺷﺎﻋﻴﺮ ﺍﺣﺴﺎﺳﻲ‪،‬‬


‫ﻭ‬
‫ﺍﻭﻧﺪﺍﻥ ﺩﻭﻏﻮﻻﻥ ﺳﺌﺤﻴﺮﻟﻲ ﺳﺆﺯﻟﺮ‪،‬‬
‫ﺍﺋﺢ ! ﺑﻮﺭﺍﺧﻴﻦ ﻣﻨﻲ‪ ،‬ﮔﻠﻴﺮ ﻳﺎﺭ ﺳﺴﻲ‪،‬‬
‫ﺍﻭﺯﺍﻗﺪﺍ ﺑﻴﺮ ﻧﻔﺮ ﻳﻮﻟﻮﻣﻮ ﮔﺆﺯﻟﺮ‪،‬‬
‫ﺍﻭ ﻣﻨﻴﻢ ﺍﻳﻜﻴﻨﺠﻲ ﻭﺍﺭﻟﻴﻐﻴﻢ ﻛﻴﻤﻲ‬
‫ﺑﻠﻜﻪ ﺩﻩ ﻣﻦ ﻳﻮﺧﺎﻡ ﻫﺮ ﻧﻪ ﻭﺍﺭ ﺍﻭﺩﻭﺭ‪.‬‬
‫ﻳﻮﺥ…‬
‫ﺩﺍﻧﺎ ﺑﻴﻠﻤﻴﺮﻩ ﻡ ﻣﻦ ﺍﺅﺯﻛﻨﺪﻳﻤﻲ‪،‬‬
‫ﻋﺆﻣﻮﺭﻟﻮﻙ‪،‬‬
‫ﻭﺍﺭﻟﻴﻐﻴﻢ ﺍﻭﻧﺎ ﺑﻮﺭﺟﻠﻮ ﺩﻭﺭ…‬
‫‪-٤‬‬
‫ﻣﻦ ﺳﻨﺪﻥ ﺁﺳﻴﻠﻲ‪ ،‬ﺳﻦ ﻣﻨﻪ ﺑﺎﻏﻠﻲ‪،‬‬
‫ﺁﺭﺍﻣﻴﺰﺩﺍ ﺳﺌﻮﮔﻲ ﺍﺑﺪﻱ ﻟﻴﻚ ﺩﻳﺮ‬
‫ﺳﻨﻠﻪ ﮔﺆﺯﻩ ﻟـﻠﻪ ﺷﻴﺮ ﺩﻭﻧﻴﺎ ﺑﻴﺮ ﺩﺍﺧﻲ‪،‬‬
‫ﺳﻨﻠﻪ ﺗﻮﭖ ﺳﺴﻲ ﺩﻩ ﻣﻨﻪ ﻟﻴﺮﻳﻚ ﺩﻳﺮ‬
‫ﺍﻳﺴﺘﻪ ﻣﻴﺮﻡ ﺑﻴﻠﻴﻢ ﻧﺪﻩ ﻥ ﺳﺌﻮﻳﺮﺳﻦ!‬
‫ﻋﺎﻏﻴﻞ ﻻ ﺍﺅﻟﭽﻮﻟﻪ ﻥ ﺳﺌﻮﮔﻲ ﺍﺳﻜﻴﻠﻪ ﺭ‬
‫ﺑﻮ ﻳﺌﺘﻪ ﺭ ﮔﺆﺯﻩ ﻟﻴﻢ! ﻛﻲ ﺳﻦ ﺳﺌﻮﻳﺮﺳﻦ‪،‬‬
‫ﺍﻥ ﺑﺆﻳﻮﻙ ﺳﺌﻮﮔﻲ ﻟﺮ ﻧﺪﻩ ﻧﺴﻴﺰ ﺩﻳﺮﻟﻪ ﺭ‪.‬‬
‫‪٨١*/١٢/٢٣‬‬
‫“ﭘﺴﻮﻩ” ﺳﻮﺭﮔﻮﻥ ﺍﺋﻮﻳﻨﺪﻥ ﺳﺌﻮﮔﻴﻠﻴﻤﻪ ﻣﻜﺘﻮﺏ!‬

‫ﺯﺍﻣﺎﻥ ﺑﻮ ﻳﺌﺮﺩﻩ ﺩﻭﻧﻮﺏ‪،‬ﻟﺤﻈﻪ ﻟﺮ ﺑﺌﺘﻮﻧﺪﺍﻥ ﺁﻏﻴﺮ‬


‫ﻭ ﻫﺮ ﺩﻗﻴﻘﻪ ﻛﺌﭽﻴﺮ ﻣﻴﻦ‪ -‬ﺑﻴﺮ ﺍﻳﻠﺘﻴﻤﺎﺳﻼ ﭼﻴﭽﻚ!‬
‫ﺑﻮ ﺩﺍﺷﻠﻲ ﺳﻮﺭﮔﻮﻥ ﺍﺋﻮﻱ ﺑﻴﺮ ﺳﻮﻏﻮﻕ ﺟﻬﻨﻢ ﺩﻳﺮ‬
‫ﺑﻮ ﻳﺌﺮﺩﻩ ﺧﻮﺵ ﮔﻮﻧﻮﻣﻮﺯ ﺑﻠﻜﻪ ﺑﻴﺮﺩﻱ ﻳﺎﺳﻼ ﭼﻴﭽﻚ!‬

‫ﺳﻴﻐﻴﻨﺘﻲ ﺩﻳﺮ‪ ،‬ﮔﺌﺠﻪ ﺩﻳﺮ‪ ،‬ﺁﻱ ﺑﺎﺗﻴﺐ ﺩﻱ ﻗﻴﺮ ﺑﻮﻟﻮﺩﺍ‪،‬‬


‫ﺁﺩﺍﻡ ﺳﺆﺯﻭﻥ ﻫﻠﻪ ﻫﺌﭻ‪ ،‬ﺁﺯﻗﺎﻟﻴﺮ ﺩﻳﻠﻴﻦ ﺩﻩ ﺍﻭﺩﺍ‪،‬‬
‫ﺳﺆﺯﻭﻡ ﺍﻭﺭﻩ ﻛﺪﻩ ﻗﺎﻟﻴﺐ‪ ،‬ﻣﺤﻜﻮﻡ ﺍﻭﻟﻤﻮﺷﺎﻡ ﺳﻮﻛﻮﺗﺎ‪،‬‬
‫ﺯﻣﺎﻧﻪ ﻟﺌﻴﻼﺟﻲ‪ ،‬ﺷﺎﻩ ﻛﺎﺭﺗﻲ ﻛﺴﺪﻱ ﺁﺱ ﻻ ﭼﻴﭽﻚ!‬
‫ﺑﻮ ﻳﺌﺮﺩﻩ ﺧﻮﺵ ﮔﻮﻧﻮﻣﻮﺯ ﺑﻠﻜﻪ ﺑﻴﺮﺩﻱ ﻳﺎﺳﻼ ﭼﻴﭽﻚ!‬

‫ﻗﺒﻴﺮ ﻗﺎﺯﺍﻥ ﺃﻣﻪ ﻳﻲ ﺑﻮﺭﺩﺍ ﺟﺎﻧﺪﺍﻥ ﺁﺭﺗﻴﻖ ﺩﻳﺮ‪،‬‬


‫ﺩﻳﻠﻪ ﻧﭽﻲ ﺍﺩﻋﺎﺳﻲ ﺍﺳﻜﻲ ﺧﺎﻧﺪﺍﻥ ﺁﺭﺗﻴﻖ ﺩﻳﺮ‪،‬‬
‫ﺩﺋﺴﻪ ﻡ ﺑﻮ ﻓﺎﺟﻌﻪ ﻟﺮ ﻣﻴﻦ ﺭﻭﻣﺎﻧﺪﺍﻥ ﺁﺭﺗﻴﻖ ﺩﻳﺮ‪،‬‬
‫ﺁﺩﺍﻡ ﻗﺎﻧﻴﻦ »ﺗﭙﻪ ﮔﺆﺯ« ﻟﺮ ﺍﻳﭽﻴﺮ ﮔﻴﻼﺳﻼ ﭼﻴﭽﻚ!‬
‫ﺑﻮ ﻳﺌﺮﺩﻩ ﺧﻮﺵ ﮔﻮﻧﻮﻣﻮﺯ ﺑﻠﻜﻪ ﺑﻴﺮﺩﻱ ﻳﺎﺳﻼ ﭼﻴﭽﻚ!‬
‫ﺑﻮ ﻳﺌﺮﺩﻩ ﻗﻮﺵ ﻳﺌﺮﻳﻨﻪ‪ ،‬ﮔﺆﻳﺪﻩ ﺟﺌﺖ ﻟﺮ ﺍﻭﭼﻤﺎﻗﺪﺍ‪،‬‬
‫ﺳﻮ‪ ،‬ﻗﺎﻥ ﺩﺍﺩﻳﺮ ﻭ ﺳﻮﻣﻮﻙ ﻗﻮﺧﺴﻮ ﻭﺍﺭﺩﻱ ﺗﻮﭘﺮﺍﻗﺪﺍ‪،‬‬
‫ﺗﻲ‪ -‬ﺍﻥ‪ -‬ﺗﻲ ﻗﻮﺧﺴﻮﻧﺎ ﻣﺤﻜﻮﻡ ﺩﻱ ﺭﻭﺯﺩﺍ‪ ،‬ﺯﻧﺒﺎﻕ ﺩﺍ‪،‬‬
‫ﭼﻴﭽﻚ ﺑﻮ ﻳﺌﺮﺩﻩ ﻗﺎﺑﻴﻖ ﺩﺍﻥ ﭼﻴﺨﻴﺮ ﻫﺮﺍﺳﻼ ﭼﻴﭽﻚ!‬
‫ﺑﻮ ﻳﺌﺮﺩﻩ ﺧﻮﺵ ﮔﻮﻧﻮﻣﻮﺯ ﺑﻠﻜﻪ ﺑﻴﺮﺩﻱ ﻳﺎﺳﻼ ﭼﻴﭽﻚ!‬

‫ﺍﺳﻴﺮ ﺷﺌﺮﻩ ﻡ ﻛﻲ ﻛﺆﭘﻪ ﻙ ﻗﺎﺭﺷﻲ ﺳﻴﻨﺪﺍ ﺑﺎﺵ ﺍﻳﻴﺮﻩ ﻡ‪،‬‬


‫ﺑﺆﻳﻮﻙ ﻗﻔﺲ ﻳﺌﺮﻳﻨﻪ‪ ،‬ﺑﻴﺮ ﻛﻴﭽﻴﻚ ﺑﺎﻍ ﺍﻳﺴﺘﻪ ﻳﻴﺮﻩ ﻡ‪،‬‬
‫ﺻﺎﺑﺎﺣﻜﻲ ﻣﻜﺘﻮﺑﻮﻣﻮﻥ ﻗﻮﺭﺧﻮﺭﺍﻡ ﺍﻳﭽﻴﻨﺪﻩ ﺩﺋﻴﻪ ﻡ‪:‬‬
‫ﮔﺌﺠﻪ ﻡ ﺣﺸﻴﺶ ﻟﻪ ﻛﺌﭽﻴﺮ‪ ،‬ﮔﻮﻧﺪﻭﺯﻭﻡ ﻗﻴﺮﺍﺳﻼ ﭼﻴﭽﻚ!‬
‫ﺑﻮ ﻳﺌﺮﺩﻩ ﺧﻮﺵ ﮔﻮﻧﻮﻣﻮﺯ ﺑﻠﻜﻪ ﺑﻴﺮﺩﻱ ﻳﺎﺳﻼ ﭼﻴﭽﻚ!‬
‫ﺍﺅﭘﻮﺵ!‬

‫ﺩﺋﺪﻳﻢ ﺑﻴﺮ ﺍﺅﭘﻮﺵ ﻭﺋﺮ‪،‬‬


‫ﺩﺋﺪﻳﻦ ﺍﻭﺯﺍﻕ ﮔﺰ‬
‫ﻗﻮﻱ ﺣﻠﻪ ﺳﺌﻮﮔﻴﻤﻴﺰ ﻟﻜﻪ ﺳﻴﺰ ﻗﺎﻟﺴﻴﻦ‪،‬‬
‫ﺑﻴﺮ ﺍﺅﭘﻮﺵ ﺑﻴﺮ ﻋﺸﻘﻲ ﭘﻮﺯﻣﺎﻏﺎ ﺩﻩ ﻳﻤﺰ‬
‫ﺣﻠﻪ ﻟﻴﻚ ﻋﺸﻘﻴﻤﻴﺰ ﻗﻮﻱ ﺗﻤﻴﺰ ﻗﺎﻟﺴﻴﻦ‪.‬‬

‫…ﺩﻳﻨﺞ ﺍﻭﺗﻮﺭﻣﺎﺩﻳﻼﺭ ﻫﻮﺱ ﻟﺮﻳﻤﻴﺰ‪،‬‬


‫ﺑﻴﺮ ﺁﻥ ﻗﻮﺟﺎﻏﻴﻤﺪﺍ ﻛﻨﺪﻳﻨﻲ ﺗﺎﭘﺪﻳﻢ‪،‬‬
‫ﺩﻩ ﻳﺪﻱ ﺑﻴﺮ‪ -‬ﺑﻴﺮﻳﻨﻪ ﻧﻔﺲ ﻟﺮﻳﻤﻴﺰ‪،‬‬
‫ﻋﺆﻣﺮﻭﻣﻮﻥ ﺍﻥ ﮔﺆﺯﻩ ﻝ ﺳﻮﭼﻮﻧﻮ ﻳﺎﭘﺪﻳﻢ!‬
‫‪25/1/82‬‬
‫ﺳﺌﻮﻩ ﺟﻪ ﻳﻢ ﺳﻨﻲ!‬

‫ﺳﻨﻠﻪ ﺑﺎﻏﻼﺩﻳﻐﻴﻢ ﻗﺎﻧﻠﻲ ﺍﻳﻠﻘﺎﺭﺩﺍﻥ‪،‬‬


‫ﻣﻦ ﭼﺆﻧﻪ ﻥ ﺩﺋﻴﻴﻠﻢ‪،‬‬
‫ﺳﻨﻲ ﺑﻴﻠﻤﻴﺮﻩ ﻡ!‬
‫ﺁﻏﺰﻳﻤﺪﺍ ﺍﻭﺩ ﻭﺍﺭﺩﻱ‪،‬‬
‫ﺳﻴﻨﻪ ﻣﺪﻩ ﻭﻭﻟﻘﺎﻥ‪،‬‬
‫ﻣﻦ ﺳﺆﻧﻪ ﻥ ﺩﺋﻴﻴﻠﻢ‪،‬‬
‫ﺳﻨﻲ ﺑﻴﻠﻤﻴﺮﻩ ﻡ!‬
‫ﺍﻭﻣﺎﺟﺎﻏﺎﻡ ﺳﻨﻲ ﺍﺟﻞ ﻗﻮﻳﻮﻧﺠﺎ‪،‬‬
‫ﺳﺌﻮﻩ ﺟﻪ ﻳﻢ ﺳﻨﻲ ﮔﺆﺯﻭﻥ ﺩﻭﻳﻮﻧﺠﺎ‪،‬‬
‫ﮔﻠﺪﻳﻴﻴﻢ ﺑﻮ ﻳﻮﻟﺪﺍﻥ ﻋﺆﻣﻮﺭ ﺑﻮﻳﻮﻧﺠﺎ‪،‬‬
‫ﻣﻦ ﺩﺅﻧﻪ ﻥ ﺩﺋﻴﻴﻠﻢ‪ ،‬ﺳﻨﻲ ﺑﻴﻠﻤﻴﺮﻩ ﻡ!‬
‫‪٧٩/٩/٩‬‬

‫ﻳﺎﻳﻴﻦ ﺳﻮﻥ ﮔﺌﺠﻪ ﺳﻲ!‬

‫ﻳﺎﻳﻴﻦ ﺳﻮﻥ ﮔﺌﺠﻪ ﺳﻲ‪،‬ﺳﻜﻮﺕ‪ -‬ﻗﺎﺭﺍﻧﻠﻴﻖ‬


‫ﻭ‬
‫ﺗﻮﭘﺮﺍﻕ ﺍﻭﺳﺘﻮﻧﺪﻩ ﺑﻴﺮ ﮔﻮﻝ ﺗﻮﺧﻮﻣﻮ‬
‫ﻗﻀﺎﺩﺍﻥ ﺍﻳﺴﻼﺗﺪﻱ ﺩﻭﺷﻮﺏ ﺑﻴﺮ ﺁﻧﻠﻴﻖ‬
‫ﺗﻨﻬﺎ ﺑﻴﺮ ﺑﻮﻟﺒﻮﻟﻮﻥ ﮔﺆﺯ ﻳﺎﺷﻲ ﺍﻭﻧﻮ‬

‫ﻗﺎﺑﻴﻐﻲ ﭼﺎﺗﻼﺩﻱ‪ ،‬ﺳﺎﻧﻜﻲ ﺟﺎﻥ ﺁﻟﺪﻱ‬


‫ﺩﺍﻣﺎﺭﻳﻨﺪﺍ ﺟﻮﺷﺪﻭ ﺣﺎﻳﺎﺗﻴﻦ ﻗﺎﻧﻲ‬

‫ﺳﺤﺮﻳﻦ ﺷﺌﺤﻲ ﺍﻳﻠﻪ ﻳﺎﻧﺎﻧﻴﻦ ﻳﻮﺩﻭ‬


‫ﮔﻮﻧﺶ ﺍﻳﺴﺘﻲ ﺳﻴﻨﺪﻩ ﻗﻴﺰﺍﺭﺩﻱ ﺍﻭﺯﻭ‬
‫ﺑﻮﻟﺒﻮﻟﻮﻥ ﻗﻠﺒﻴﻨﻲ ﻳﺎﺧﺪﻱ ﻋﺸﻖ ﺍﻭﺩﻭ‬
‫ﻧﻐﻤﻪ ﺳﻲ ﻗﺎﭘﺴﺎﺩﻱ‪ ،‬ﺑﻮﺗﻮﻥ ﺩﺍﻍ‪ -‬ﺩﻭﺯﻭ‬
‫ﮔﺎﻩ ﺗﺮﺍﻧﻪ ﺍﺅﺗﺪﻭ‪،‬‬
‫ﮔﺎﻩ ﺗﻴﻜﻪ ﺁﺗﺪﻱ‬
‫ﻳﺎﻧﺎﻏﻴﻦ ﺍﻳﻴﻠﻪ ﺩﻱ‪،‬‬
‫ﺩﻭﺩﺍﻏﻴﻦ ﺍﺅﭘﺪﻭ‬
‫ﮔﺎﻩ ﺑﻮﻻﻕ ﺳﻮﻳﻮﻧﺪﺍ ﻗﺎﻧﺎﺩ ﺍﻳﺴﻼﺗﺪﻱ‬
‫ﮔﻮﻟﻮﻥ ﻳﺎﭘﺮﺍﻏﻴﻨﺎ‪ ،‬ﺍﻭﺯﻭﻧﻪ ﺳﭙﺪﻱ‬

‫ﮔﻮﻧﺪﻭﺯﻭ ﺍﺅﺗﺪﻭﻟﺮ‪“ ،‬ﻳﺎﻳﻴﻦ ﺳﻮﻥ ﮔﻮﻧﻮ”‬


‫ﻏﺮﻳﺒﻪ ﺳﺆﺯﻟﺮﻟﻪ ﺧﺎﻃﻴﺮﻩ ﻟﺮﻟﻪ‪...‬‬

‫ﺑﻴﺮ ﺁﻥ ﺯﺍﻣﺎﻥ ﺳﺎﻧﻜﻲ ﻳﺌﺮﻳﻨﺪﻩ ﺩﻭﻧﺪﻭ‬


‫ﻧﻔﺲ ﻟﺮ ﺍﻭﺩﻭﻟﺪﻭ‪ ،‬ﺑﻮﺭﺍﺧﻴﻠﻤﺎﺩﻱ‪،‬‬
‫ﭼﻴﭽﻪ ﻳﻴﻦ ﻳﺎﻧﻴﻨﺎ‪ ،‬ﺁﺳﺘﺎﺟﺎ ﻗﻮﻧﺪﻭ‬
‫ﺳﺎﺭﻳﺪﻱ ﺑﺌﻠﻴﻨﻪ ﺍﻳﭙﻪ ﻙ ﻗﺎﻧﺎﺩﻱ‬
‫ﻳﺎﺗﺪﻳﻼﺭ‪.‬‬
‫ﺑﻮﻟﺒﻮﻟﻮﻥ ﻛﺪﻩ ﺭ ﮔﺆﺯﻭﻧﺪﻩ‬
‫ﺍﻭﺭﻩ ﻳﻴﻨﺪﻩ ﺩﺋﺪﻱ “ﺻﺎﺑﺎﺡ ﺳﻮﻻﺭﺳﺎﻥ”‬
‫ﻳﺎﺗﺪﻳﻼﺭ‪.‬‬
‫ﭼﻴﭽﻚ ﺩﻩ ﺍﺅﺯ ﺍﻳﭽﻪ ﺭﻳﻨﺪﻩ‪،‬‬
‫ﺩﺋﺪﻱ‪”:‬ﻋﺆﻣﻮﺭ ﺑﻮﻳﻮ ﻣﻨﻠﻪ ﻗﺎﻻﺭﺳﺎﻥ”‬

‫ﺑﻮﻟﺒﻮﻝ ﺍﻭﭼﻮﺏ ﮔﺌﺘﺪﻱ‪ ،‬ﮔﻮﻝ ﻳﺎﺗﺎﻥ ﻛﻴﻤﻲ‬


‫ﮔﺆﺭﻣﻚ ﺍﻳﺴﺘﻪ ﻣﻪ ﺩﻱ ﮔﻮﻟﻮﻥ ﺳﻮﻟﻤﺎﻏﻴﻦ‪...‬‬

‫ﮔﻮﻝ ﺍﻭﻧﻮ ﮔﺆﺯﻟﻪ ﺩﻱ‪،‬ﻗﻴﺶ ﭼﺎﺗﺎﻥ ﻛﻴﻤﻲ‬


‫ﻧﻪ ﻳﺌﻞ ﺑﺎﺗﺪﻱ ﺍﻭﻧﺎ‪،‬‬
‫ﻧﻪ ﻗﺎﺭ‬
‫ﻧﻪ ﻳﺎﻏﻴﻦ‪...‬‬
‫ﻗﻮﺭﻭﺩﻭ ﻛﻨﺪﻳﻨﻲ ﺍﻳﻨﺎﻣﻼ ﭼﻴﭽﻚ‬
‫ﻳﻮﻟﺪﺍﻥ ﺍﻭﺯﻭﻟﻤﻪ ﺩﻱ ﺑﻴﺮ ﺁﻥ ﮔﺆﺯﻟﺮﻱ‬
‫ﻳﺎﺯﻳﻖ ﻛﻲ ﺑﻴﻠﻤﻴﺮﺩﻱ‪،‬‬
‫ﺑﻮﺗﻮﻥ ﻗﻮﺷﻼﺭ ﺗﻚ‪،‬‬
‫ﺑﻮﻟﺒﻮﻝ ﺩﻩ ﻛﺆﭼﻤﻮﺷﺪﻭ ﭘﺎﻳﻴﺰﺩﺍﻥ ﺑﺮﻱ‪...‬‬
‫‪٨١/٨/١٧‬‬
‫ﻣﻦ ﻧﻪ ﺑﻴﻠﺮﺩﻳﻢ ﻛﻲ…‬

‫ﻣﻦ ﻧﻪ ﺑﻴﻠﻪ ﺭﺩﻳﻢ ﻛﻲ ﻭﺍﺯ ﻛﺌﭽﻪ ﺟﻪ ﻛﺴﻦ‪،‬‬


‫ﺍﻭﺯﻭﻧﺪﻥ ﺩﻩ ﭼﻴﭽﻚ!‬
‫ﻣﻨﺪﻥ ﺩﻩ ﭼﻴﭽﻚ!‬
‫ﻣﻦ ﻧﻪ ﺑﻴﻠﻪ ﺭﺩﻳﻢ ﻛﻲ ﺁﻧﺪ ﺍﻳﭽﻪ ﺟﻚ ﺳﻦ‪،‬‬
‫ﮔﺆﺭﻣﻪ ﻳﻪ ﺳﻦ ﻣﻨﻲ ﮔﺌﻨﺪﻥ ﺩﻩ ﭼﻴﭽﻚ!‬

‫ﻳﺎﺷﺎﻳﺎ ﺑﻴﻠﻤﻪ ﺩﻳﻦ ﺍﺅﺯﻭﻥ ﺳﺌﻮﮔﻴﻨﻲ‬


‫ﺗﻜﺠﻪ ﻛﻴﺘﺎﺑﻼﺭﺩﺍ ﺁﺭﺍﺩﻳﻦ ﺍﻭﻧﻮ‬
‫ﺍﻳﭽﻪ ﺭﻳﻢ ﺍﻭﺩ ﺗﻪ ﭘﻴﺮ‪،‬‬
‫ﺁﻧﺠﺎﻕ ﻗﻴﺶ ﮔﻮﻧﻮ‪-‬‬
‫ﺁﭼﻴﻠﻤﻴﺮ ﺍﻟﻴﻤﻴﻦ‪ -‬ﺍﻭﺯﻭﻣﻮﻥ ﺩﻭﻧﻮ!‬
‫ﻣﻨﺠﻪ ﺳﻔﺴﻄﻪ ﺩﻳﺮ ﻫﺮ ﻧﻪ ﺩﺋﻴﺐ ﻟﺮ‪،‬‬
‫ﺑﻴﻠﻴﻢ ﻟﺮ ﺳﺌﻮﮔﻲ ﻳﻪ ﻳﺌﺘﻴﺸﺠﻚ ﺟﺎﻳﻴﺐ‪،‬‬
‫ﺑﺎﻟﻴﻐﺎ ﺍﻭﺯﻣﻪ ﻳﻲ ﺍﺅﻳﺮﻩ ﺗﻤﻪ ﻳﻴﺐ ﻟﺮ‪،‬‬
‫ﻗﻮﺷﻼﺭ ﺍﻭﭼﻤﺎﻕ ﺍﻳﭽﻴﻦ ﻣﻜﺘﺐ ﮔﺆﺭﻣﻪ ﻳﻴﺐ!‬

‫ﺑﻴﺮ ﺯﺍﻣﺎﻥ ﺩﺍ ﺳﻨﻪ ﺩﺋﻤﻴﺸﺪﻳﻢ ﻳﻘﻴﻦ‬


‫ﻋﺎﻏﻴﻞ ﻻ ﺍﺅﻟﭽﻮﻟﻪ ﻥ ﺳﺌﻮﮔﻲ ﺍﺳﻜﻴﻠﻪ ﺭ‬
‫ﺍﻳﺴﺘﻪ ﻣﻴﺮﻡ ﺑﻴﻠﻴﻢ ﻧﺪﻥ ﺳﺌﻮﻳﺮﺩﻳﻦ‬
‫ﺍﻥ ﺑﺆﻳﻮﻙ ﺳﺌﻮﮔﻲ ﻟﺮ ﻧﺪﻧﺴﻴﺰ ﺩﻳﺮﻟﺮ!‬

‫ﺑﻠﻜﻪ ﺍﻭ ﻳﺨﻮﻻﺭﺩﺍ ﮔﺆﺭﻭﺷﻚ ﭼﻴﭽﻚ!‬


‫ﮔﺆﺯﻟﻪ ﻳﻴﺮﻡ ﺳﻨﻲ ﭼﺎﻟﻴﺶ ﮔﺌﺠﻴﻜﻤﻪ‬
‫ﺑﻴﺮﺩﻩ ﻳﺎﻟﻮﺍﺭﻳﺮﺍﻡ‪ ،‬ﻳﻮﺧﻮﻣﺎ ﮔﻠﺠﻚ‬
‫ﻛﺆﺭﭘﻪ ﮔﺆﺯﻟﺮﻳﻨﻲ ﮔﺆﺯﻭﻣﻪ ﺗﻴﻜﻤﻪ!‬

‫ﺳﻮﺯﻣﻪ ﺍﻭﻓﻜﻪ ﺩﻭﻟﻮ ﺑﺎﺧﻴﺸﻼ ﻣﻨﻲ‬


‫ﮔﻮﻧﺎﻩ ﺍﺅﺯﻭﻡ ﺩﻩ ﺍﻳﺪﻱ‪ ،‬ﺩﺍﻧﻤﻴﺮﺍﻡ ﻛﻲ ﻣﻦ‬
‫ﻳﻮﺥ ﺑﺎﻏﻴﺸﻼ ﮔﻮﻟﻮﻡ‪،‬‬
‫ﺑﺎﻏﻴﺸﻼ ﻣﻨﻲ‬
‫ﻧﻪ ﺑﻴﻠﻴﻢ ﺑﻠﻜﻪ ﺩﻩ ﺣﺎﻗﻠﻲ ﺍﻳﺪﻳﻦ ﺳﻦ!‬
‫ﮔﻠﻴﺮﺳﻦ ﻳﻮﺧﻮﻣﺎ‪،‬‬
‫ﮔﻮﻟﻪ ﺭ ﺍﻭﺯﻟﻪ ﮔﻞ‪،‬‬
‫ﮔﻮﻝ‪،‬‬
‫ﻳﺎﻣﺎﻥ ﮔﻮﻧﻮﻣﻪ ﮔﻮﻟﺪﻭﻳﻮﻥ ﻛﻴﻤﻲ!‬
‫ﺳﻮﺳﻤﺎ‪،‬‬
‫ﻫﺌﭻ ﺍﻭﻟﻤﺎﺳﺎ ﺁﺟﻲ ﺳﺆﺯﻟﻪ ﮔﻞ‪،‬‬
‫ﺑﺎﻏﻼﻥ ﺑﻮﻏﺎﺯﻳﻤﺪﺍ‪ ،‬ﺑﻴﺮ ﺩﻭﻳﻮﻥ ﻛﻴﻤﻲ!‬

‫ﻫﺌﭻ ﮔﺆﺯﻩ ﻟﻠﻴﻴﻴﻨﻪ ﻗﻴﻤﺎﺩﻳﻢ ﻛﻲ ﻣﻦ‬


‫ﻛﺌﺸﮕﻪ ﺑﻴﺮ ﮔﺌﺠﻪ ﻟﻴﻚ ﺍﺅﺯﻭﻡ ﺍﻭﻻﺭﺩﻳﻢ‬
‫ﺣﺘﻲ ﻗﻴﻤﺎﺩﻱ ﻛﻲ ﻗﻠﺒﻴﻨﻪ ﺩﻩ ﻳﺴﻴﻦ‬
‫ﻣﻴﻨﻠﺮﺟﻪ ﺁﺭﺯﻳﻤﻴﻦ ﻣﺰﺍﺭﻱ ﻗﻠﺒﻴﻢ!‬

‫ﻣﻦ ﻧﻪ ﺑﻴﻠﻪ ﺭﺩﻳﻢ ﻛﻲ ﻭﺍﺯ ﻛﺌﭽﻪ ﺟﻚ ﺳﻦ‪...‬؟!‬

‫‪٨١/٥/١٧‬‬
‫ﺳﺌﻮﮔﻲ ﻣﺤﻜﻤﻪ ﺳﻲ!‬

‫ﺍﻭﺯﻭﻧﻪ ﺑﺎﺧﺪﻳﻢ ﻛﻲ ﺍﻭﺗﺎﻧﺎﺳﺎﻥ ﺳﻦ‪،‬‬


‫ﺑﻮﺭﺍﺧﺎﺳﺎﻥ ﺑﻠﻜﻪ ﺗﻮﺗﺪﻭﻏﻮﻥ ﺍﻟﻲ‪،‬‬
‫ﻳﻮﺥ‪...‬‬
‫ﺑﺎﻏﻴﺸﻼ‪ ،‬ﺍﻳﻨﺪﻱ ﺑﻴﺮ ﺁﻧﺎﺳﺎﻥ ﺳﻦ‬
‫ﺍﻭﻧﻮﺗﺪﻭﻡ ﺍﺭﻟﻲ ﺳﻦ‪ ،‬ﻫﻢ ﺩﻩ ﻛﺆﺭﭘﻪ ﻟﻲ‪...‬‬
‫ﺗﺎﻧﻴﻴﺎ ﺑﻴﻠﻤﻴﺮﻩ ﻡ ﺍﺅﺯﻭﻡ ـ ﺍﺅﺯﻭﻣﻮ‬
‫ﻭﺍﺭﻟﻴﻐﻴﻢ ﺍﺋﻠﻪ ﺑﻴﻞ ﺳﺎﻧﺴﻮﺭ ﺍﻭﻟﻮﺑﺪﻭﺭ‬
‫ﺑﺎﺧﻴﺮﺍﻡ ﺍﺅﺯﻭﻣﻪ ﺍﻳﻨﺪﻱ ﻳﺎﺩ ﻛﻴﻤﻲ‬
‫ﺍﻳﭽﻴﻤﻪ ﺑﻴﺮ ﺩﻭﻧﻴﺎ ﺑﻮﺷﻠﻮﻕ ﺩﻭﻟﻮﺑﺪﻭﺭ‬
‫ﺩﻳﺰﻳﻤﻴﻦ ﺁﻟﺘﻴﻨﺪﺍ ﺍﻭﺟﺎ ﺑﻴﺮ ﻗﺎﻳﺎ‬
‫ﻳﺎﺭﺍﻣﻲ ﺩﻳﻠﻴﻢ ﻟﻪ ﻳﺎﻻﺭﺍﻡ ﭼﻴﭽﻚ!‬
‫ﺑﺎﺷﻴﻤﻲ ﻗﺎﻟﺪﻳﺮﻳﺐ ﺑﺎﺧﺎﺭﺍﻡ ﺁﻳﺎ‪،‬‬
‫ﻳﺎﻟﻘﻮﻏﺎﺝ ﻗﻮﺭﺩ ﻛﻴﻤﻲ ﺍﻭﻻﺭﺍﻡ ﭼﻴﭽﻚ!‬
‫ﺍﻭﺯﻭﻧﻪ ﺑﺎﺧﺪﻳﻢ ﻛﻲ ﺍﻭﺗﺎﻧﺎﺳﺎﻥ ﺳﻦ ‪،‬‬
‫ﻳﻮﺥ…‬
‫ﺑﺎﻏﻴﺸﻼ ﺍﻳﻨﺪﻱ ﺑﻴﺮ ﺁﻧﺎﺳﺎﻥ ﺳﻦ!‬
‫ﻧﻪ ﺑﻴﻠﻴﻢ؟‬
‫ﺑﻠﻜﻪ ﺩﻩ ﺑﻴﺮ ﺯﺍﻣﺎﻥ –ﺑﻴﺮ ﻭﺍﺧﺖ‬
‫ﺯﺍﻣﺎﻥ ﮔﺘﻴﺮﻩ ﺟﻚ ﺑﻴﺰﻱ ﺍﻭﺯ –ﺍﻭﺯﻩ‬
‫ﻗﻮﻳﻨﻮﻧﺪﺍ ﺁﺳﺘﺎﺟﺎ ﺍﻭﻳﻮﻳﺎﻥ ﺍﻭﺷﺎﻕ‪،‬‬
‫ﻭﻳﺠﺪﺍﻥ ﻣﺤﻜﻤﻪ ﺳﻲ ﻗﻮﺭﺍﺟﺎﻕ ﺑﻴﺰﻩ‬
‫ﺑﻠﻲ…‪،‬‬
‫ﻣﺤﻜﻤﻪ ﻟﺮ ﻗﻮﺭﻭﻻﺟﺎﻗﺪﻳﺮ‪،‬‬
‫ﺑﻴﺮ ﺳﻨﺪ ﺍﻭﻻﺟﺎﻕ ﻫﺮ ﺳﻮﭼﻮﻥ ﺍﻳﺰﻱ‪،‬‬
‫ﺑﺌﻴﻨﻴﻤﻴﺰ ﺳﻮﺭﻏﻮﺩﺍﻥ ﻳﻮﺭﻭﻻﺟﺎﻗﺪﻳﺮ‬
‫ﺍﻋﺘﻴﺮﺍﻑ ﺯﻭﺭﻭﻧﺪﺍ ﻗﻮﻳﺎﺟﺎﻕ ﺑﻴﺰﻱ‬
‫ﺑﺪﻧﻴﻨﻴﻦ ﻋﻄﺮﻳﻦ ﺁﻟﻤﻴﺶ ﺍﻳﺘﻠﺮﻩ‬
‫ﺍﻳﻴﻠﻪ ﺩﻩ ﺟﻚ ﻣﻨﻴﻢ ﻳﺎﺗﺎﻕ ﻳﺌﺮﻳﻤﻲ‬
‫ﻳﻮﻳﺎﺟﺎﻕ ﺑﺌﻴﻨﻴﻤﻲ ﺑﻠﻜﻪ ﻣﻴﻦ ﻛﺮﻩ‬
‫ﺁﭼﺎﺟﺎﻗﺪﻳﺮ ﻣﻨﻴﻢ ﮔﻴﺰﻟﻲ ﺳﻴﺮﺭﻳﻤﻲ‬
‫ﺍﻟﻴﻨﺪﻥ‪ -‬ﺍﻟﻴﻤﻴﻦ ﺍﻳﺰﻱ ﮔﺌﺘﻤﻪ ﻳﻴﺐ‪،‬‬
‫ﻗﺎﻟﻴﺒﺪﻳﺮ ﺷﻜﻴﻠﻴﻢ ﺣﻠﻪ ﮔﺆﺯﻭﻧﺪﻩ‬
‫ﺣﻠﻪ ﺍﺅﭘﻮﺷﻠﺮﻳﻦ ﻳﺌﺮﻱ ﺑﻴﺘﻤﻪ ﻳﻴﺐ‪،‬‬
‫ﻣﻨﻴﻢ ﺩﻭﺩﺍﻏﻴﻤﺪﺍﻥ‪ ،‬ﺳﻨﻴﻦ ﺍﻭﺯﻭﻧﺪﻥ‪.‬‬
‫ﺩﺍﻧﺎ ﺑﻴﻠﻤﻪ ﻳﻪ ﺟﻚ ﺗﻴﺘﺮﻩ ﻙ ﺩﻭﺩﺍﻏﻴﻢ‬
‫ﻫﻮﺳﻠﻪ ﻳﺎﭘﺪﻳﻐﻲ ﺍﺅﭘﻮﺷﻠﺮﻳﻨﻲ‬
‫ﺩﺍﻧﺎ ﺑﻴﻠﻤﻪ ﻳﻪ ﺟﻚ ﻳﺎﻻﻧﻼﻣﺎﻏﻴﻢ‬
‫ﺳﺎﭼﻼﺭﻳﻨﺪﺍ ﻗﺎﻻﻥ ﺑﺎﺭﻣﺎﻕ ﻳﺌﺮﻳﻨﻲ!‬
‫ﻧﻪ ﺁﻟﻴﻦ ﺗﺮﻳﻤﻴﺰ‪ ،‬ﻧﻪ ﮔﺆﺯ ﻳﺎﺷﻴﻤﻴﺰ‬
‫ﻳﺎﭘﺪﻳﻐﻴﻤﻴﺰ ﺳﻮﭼﻮ ﻳﻮﻳﺎﻧﻤﺎﻳﺎﺟﺎﻕ‬
‫ﺩﻳﻠﻴﻤﻴﺰ ﻻﻝ ﺍﻭﻟﻮﺏ‪ ،‬ﺩﻭﻧﺎﺟﺎﻏﻴﻖ ﺑﻴﺰ‪،‬‬
‫ﻣﺤﻜﻤﻪ ﺑﺎﺷﭽﻲ ﺳﻲ‪ ،‬ﺩﺍﻳﺎﻧﻤﺎﻳﺎﺟﺎﻕ‪،‬‬
‫ﭼﺆﺯﻭﻡ ﺳﻮﺯ ﺳﻮﺭﻏﻮﻻﺭ ﻳﺎﻏﺎﺟﺎﻕ ﻫﺮ ﺁﻥ‬
‫ﺩﻳﻠﻴﻢ ﺗﻮﭘﻮﻕ ﻭﻭﺭﻭﺏ ﺩﺍﻳﺎﻧﺎﺟﺎﻗﺪﻳﺮ‬
‫ﻣﺤﻜﻤﻪ ﺑﺎﺷﭽﻲ ﺳﻲ‪ ،‬ﺍﻭ ﻛﺆﺭﭘﻪ ﺑﺎﻻﻥ‪،‬‬
‫ﺑﻴﺰﻩ ﻗﺎﺭﺷﻲ ﺩﻭﺭﻭﺏ –ﺩﺍﻳﺎﻧﺎﺟﺎﻗﺪﻳﺮ‬
‫ﻧﻪ ﺳﻴﮕﺎﺭ ﻭﺋﺮﻩ ﺟﻚ‪ ،‬ﻧﻪ ﺍﻳﭽﮕﻲ ﺗﻤﻜﻴﻦ‬
‫ﻧﻪ ﺍﻭﺭﻩ ﻙ ﺍﺋﺪﻩ ﺟﻚ‪،‬‬
‫ﻧﻪ ﻋﺎﻏﻴﻞ ﻳﺎﺭﺩﻳﻢ‪.‬‬
‫ﺍﻭﺭﻩ ﻳﻴﻤﺪﻩ ﺑﻠﻜﻪ ﺩﺋﻴﻪ ﺟﻪ ﻳﻢ ﻛﻲ‪:‬‬
‫ﻛﺌﺸﮕﻪ ﻛﻮﺭ ﻳﺎﺭﺍﻧﻴﺐ‪ ،‬ﻛﺎﺭ ﻳﺎﺷﺎﻳﺎﺭﺩﻳﻢ!‬
‫ﻧﻪ ﺑﻴﻠﻴﻢ؟‬
‫ﺑﻠﻜﻪ ﺩﻩ ﺍﻭ ﻛﺆﺭﭘﻪ ﺑﻴﺮﺩﻩ‬
‫ﺁﻧﺎ ﺍﺣﺴﺎﺳﻴﻨﻲ ﺩﻭﻳﻤﺎﻳﺎﺟﺎﻗﺪﻳﺮ‬
‫ﭼﻜﻴﻨﻴﺐ ﻗﻮﻳﻨﻮﻧﺪﺍﻥ‪،‬‬
‫ﻳﺎﺗﺎﺟﺎﻕ ﻳﺌﺮﺩﻩ‪،‬‬
‫ﺑﺎﺷﻴﻨﻲ‪ ،‬ﺩﺅﺷﻮﻧﻪ ﻗﻮﻳﻤﺎﻳﺎﺟﺎﻗﺪﻳﺮ‪.‬‬
‫ﻳﻮﻣﺎﺟﺎﻗﺪﻳﺮ ﺳﻨﻪ ﻳﻮﻣﺸﺎﻕ ﺍﻟﻠﺮﻳﻦ‬
‫ﺳﺎﻧﻜﻲ ﺍﻳﻨﺪﻱ ﺩﻭﺭﻭﺏ ﺩﺅﻳﻪ ﺟﻚ ﺳﻨﻲ‪.‬‬
‫ﺑﺎﺧﺎﺟﺎﻗﺪﻳﺮ ﺳﻨﻪ ﺑﻴﺮ ﺧﺎﻳﻴﻦ ﻛﻴﻤﻲ‬
‫ﺑﻠﻜﻪ ﺍﻳﭽﻴﻦ‪-‬ﺍﻳﭽﻴﻦ ﺳﺆﻳﻪ ﺟﻚ ﺳﻨﻲ!‬
‫ﻋﺆﻣﺮﻭﻧﻮﻥ ﺩﻳﻮﺍﺭﻱ ﻳﻴﺨﻴﻠﻴﺮ ﺍﻳﻨﺪﻱ‬
‫ﺳﺎﻧﻜﻲ ﺩﻭﻧﻴﺎ ﺳﻨﻪ ﻗﻨﻴﻢ ﻛﺴﻴﻠﻴﺮ‬
‫ﺍﻭﺭﻩ ﻳﻴﻦ ﺳﻴﻨﻪ ﻧﺪﻩ ﺳﻴﺨﻴﻠﻴﺮ ﺍﻳﻨﺪﻱ‬
‫ﭼﻴﺮﭘﻴﻨﻴﺮ‪ ،‬ﺩﺅﻳﻮﻟﻮﺭ‪ ،‬ﻫﺮ ﺁﻥ ﺍﺯﻳﻠﻴﺮ!‬
‫ﻛﺆﻟﮕﻪ ﻥ ﺩﻩ ﻫﺌﭻ ﺳﻨﻠﻪ ﺩﻭﺯ ﺩﺋﻤﻴﺮ ﺁﺭﺗﻴﻖ‬
‫ﮔﺎﻩ ﺍﺅﺯﻭﻧﺪﻥ ﻗﻴﺴﺎ‪ ،‬ﮔﺎﻩ ﺍﻭﺯﻭﻥ ﺍﻭﻟﻮﺭ…‬
‫ﮔﺎﻩ ﺳﻨﺪﻥ ﻗﺎﺑﺎﻗﺪﺍ ﻗﺎﭼﻴﺮ ﺍﻭ ﻳﺎﺯﻳﻖ‪،‬‬
‫ﮔﺎﻩ ﺳﻨﺪﻥ ﺩﺍﻟﻲ ﺩﺍ ﻗﺎﻟﻴﺐ‪ -‬ﻳﻮﺭﻭﻟﻮﺭ‬
‫ﻣﻦ ﺳﻨﻲ ﺳﺌﻮﺳﻢ ﺩﻩ‪ ،‬ﺳﻦ ﻣﻨﻴﻢ ﺍﻳﭽﻴﻦ‪،‬‬
‫ﺗﺮﭘﻪ ﻧﻦ ﺍﺅﻟﻮﺳﻦ‪،‬‬
‫ﺟﺎﻧﺴﻴﺰ ﺩﻳﺮﻱ ﺳﻦ‪،‬‬
‫ﻗﻠﺒﻴﻨﻪ ﺳﺆﺯﻟﺮﻳﻢ ﺩﻩ ﻳﻤﻪ ﺳﻴﻦ ﺳﻨﻴﻦ‬
‫ﺣﻠﻪ ﺩﻩ ﻗﻠﺒﻴﻤﻴﻦ ﺍﻭﻣﺎﻥ ﻳﺌﺮﻱ ﺳﻦ!‬
‫ﻳﻮﺥ‪… ،‬ﻣﻦ ﺍﺅﺯ ﺳﺆﺯﻭﻣﺪﻩ ﺩﻭﺭﻣﻮﺷﺎﻡ ﺣﻠﻪ‬
‫ﺍﻭﻧﻮﺩﺍ ﺑﻴﻠﻤﻪ ﺩﻳﻢ ﺍﻳﻠﻚ ﻋﺸﻘﻲ ﺳﻦ ﺗﻚ‬
‫ﮔﻮﻧﺎﻫﺪﺍﻥ ﻳﻮﻧﮕﻮﻟﻪ ﻡ‪ ،‬ﺑﻴﺮ ﻗﻮﺷﺎﻡ ﺣﻠﻪ‬
‫ﺳﻮﭼﻼﺭﻳﻦ ﺗﺎﻭﺍﻧﻴﻦ ﺍﺅﺯﻭﻥ ﭼﻚ ﭼﻴﭽﻚ!‬
‫ﺁﻏﺮﻳﻤﺎ ﻭﻳﺠﺪﺍﻧﻴﻢ! ﺁﻏﺮﻳﻤﺎ ﺑﻴﺮ ﺁﻥ!‬
‫ﺣﺘﻲ ﻛﺴﻴﻠﺴﻪ ﺩﻩ ﺟﻮﺭﻣﻪ ﻣﻪ ﺍﻋﺪﺍﻡ‪،‬‬
‫ﻣﻨﻲ ﺩﺍﺭ ﺍﻭﺳﺘﻮﻧﻪ ﭼﻜﻪ ﻥ ﺟﻼﺩﺩﺍﻥ‪،‬‬
‫ﺍﺅﺯﻭﻣﻮ ﺁﺭﺗﻴﻘﺮﺍﻕ ﺧﻮﺷﺒﺨﺖ ﺳﺎﻧﺎﺭﺍﻡ…‬
‫ﺍﻭﺯﻭﻧﻪ ﺑﺎﺧﺪﻳﻢ ﻛﻲ ﺍﻭﺗﺎﻧﺎﺳﺎﻥ ﺳﻦ‪،‬‬
‫ﺑﻮﺭﺍﺧﺎﺳﺎﻥ ﺑﻠﻜﻪ ﺗﻮﺗﺪﻭﻏﻮﻥ ﺍﻟﻲ‪،‬‬
‫ﻳﻮﺥ‪…،‬‬
‫ﺑﺎﻏﻴﺸﻼ ﺍﻳﻨﺪﻱ ﺑﻴﺮ ﺁﻧﺎﺳﺎﻥ ﺳﻦ‪،‬‬
‫ﺍﻭﻧﻮﺗﺪﻭﻡ ﺍﺭﻟﻲ ﺳﻦ‪،‬‬
‫ﻫﻢ ﺩﻩ ﻛﺆﺭﭘﻪ ﻟﻲ!!!…‬

‫ﺟﺎﻭﺍﻧﻠﻴﻐﻴﻢ!‬

‫ﻣﻮﺭﺩﺍﺭ ﺑﻮ ﺯﻧﺪﮔﺎﻧﻠﻴﻐﺎ ﺳﻮﻭﺩﻭﻡ ﺟﺎﻭﺍﻧﻠﻴﻐﻲ‪،‬‬


‫ﻗﻮﻱ ﻣﻮﺭﺩﻩ ﺷﻮﺭ ﻳﻮﺳﻮﻥ ﺑﺌﻠﻪ ﺑﻴﺮ ﺯﻧﺪﮔﺎﻧﻠﻴﻐﻲ!‬
‫ﺩﻭﻳﺪﻭﻡ ﺑﻮ ﺩﻭﻧﻴﺎﺩﺍﻥ ﺍﻳﻜﻲ ﮔﻮﻥ ﻋﺆﻣﺮ ﺳﻮﺭﻣﻪ ﻣﻴﺶ‬
‫ﻭﺍﻱ ﺧﻴﻀﺮﻩ ﻛﻲ ﺗﺎﭘﻴﭗ ﺑﻴﺮ ﻋﺆﻣﻮﺭﺟﺎﻭﺩﺍﻧﻠﻴﻐﻲ!‬
‫ﻗﺎﻟﻤﻴﺶ ﻧﻔﺲ ﻟﺮﻳﻢ ﺑﻮﻏﺎﺯﻳﻤﺪﺍ ﺳﻮﻣﻮﻙ ﻛﻴﻤﻲ‪،‬‬
‫ﺯﻫﺮ ﺍﻭﻟﺪﻭ ﺳﺌﻮﮔﻲ ﺍﻳﭽﮕﻲ ﺳﻲ‪ ،‬ﻋﺮﻓﺎﻥ ﻳﺎﻭﺍﻧﻠﻴﻐﻲ!‬
‫ﺍﺅﻟﺴﻪ ﻣﺪﻩ ﺑﺎﺧﻤﺎﺳﺎﻥ ﻣﻨﻪ‪ ،‬ﺑﻴﻠﻤﻢ ﻛﻲ ﺳﺌﻮﮔﻴﻠﻴﻢ!‪-‬‬
‫ﻛﻴﻢ ﺍﺅﻳﺮﻩ ﺩﻳﺐ ﺳﻨﻪ ﺑﻮ ﻗﺪﻩ ﺭ ﻣﻬﺮﺑﺎﻧﻠﻴﻐﻲ!!!‬
‫ﻣﻦ ﺑﻴﺮ ﺍﺅﭘﻮﺵ ﺩﻳﻠﻪ ﻧﭽﻲ ﺳﻲ‪،‬‬
‫ﺳﻴﻨﺴﻴﺘﻤﻪ‪ ،‬ﻭﺋﺮ ﮔﺌﺪﻳﻢ‬
‫ﭼﻮﺥ ﮔﺆﺭﻣﻪ ﺳﻴﻦ ﮔﺆﺭﻭﻡ ﺳﻨﻪ ﺁﻟﻼﻩ ﺑﻮ ﺧﺎﻧﻠﻴﻐﻲ!‬
‫ﻳﻮﺥ‪ -‬ﻳﻮﺥ‪ ،‬ﻣﺎﺣﺎﻟﺪﻱ‪،‬‬
‫ﺩﺍﻟﻐﺎﻟﻲ ﺳﺌﻠﻠﺮ ﻗﻮﭘﺎﺭﺳﺎﺩﺍ‪،‬‬
‫ﻳﺎﻏﻤﻮﺭ ﺑﻮﻟﻮﺩ ﮔﻮﻟﻮﺳﺘﺎﻥ ﺍﺋﺪﻩ ﻧﻤﺰ ﺷﻮﺭﺍﻧﻠﻴﻐﻲ!‬
‫ﺑﻮﻧﺪﺍﻥ ﺳﻮﺭﺍ ﮔﺆﺯﻩ ﻟﻠﻴﻴﻴﻨﻲ ﻧﺌﻴﻠﻴﺮﻩ ﻡ ﺳﻨﻴﻦ؟‬
‫ﺳﺌﭽﻤﻴﺮ ﮔﺆﺯﻭﻡ ﺑﺎﺧﺎﻧﺪﺍ ﺍﻳﺸﻴﻘﺪﺍﻥ ﻗﺎﺭﺍﻧﻠﻴﻐﻲ!‬
‫ﺷﻮﻛﺮ ﺁﻟﻼﻫﺎ ﻛﻲ ﺗﻚ ﺩﺋﻴﻴﻠﻢ‪،‬‬
‫ﻫﻤﺪﻣﻴﻢ ﺩﻳﻠﺮ‬
‫ﻫﻢ ﺁﻳﺮﻳﻠﻴﻖ ﻗﺎﺳﻴﺮﻏﺎﺳﻲ‪ ،‬ﻫﻢ ﻏﻢ ﺩﻭﻣﺎﻧﻠﻴﻐﻲ!‬
‫ﺍﺋﻞ ﺷﺎﻋﻴﺮﻱ‬

‫ﺍﺋﻞ ﺷﺎﻋﻴﺮﻱ ﺍﺅﺯ ﺳﺌﻮﮔﻴﻠﻲ ﻳﻮﺭﺩﻭﻥ ﺁﺗﺎ ﺑﻴﻠﻤﺰ‬


‫ﺍﺋﻠﺪﻥ ﮔﻮﺝ ﺁﻻﻥ ﺷﺎﻋﻴﺮﻩ ﻫﺌﭻ ﮔﻮﺝ ﺑﺎﺗﺎ ﺑﻴﻠﻤﺰ‬
‫ﺩﺭﻳﺎﻻﺭﺍ ﺑﻴﺮ ﺩﺍﻣﻼ ﺳﻮﻳﺎ ﺍﻩ ﻳﻤﻪ ﻣﻴﺸﻢ ﺑﺎﺵ‬
‫ﺑﺎﺵ ﺍﻩ ﻳﻤﻚ ﺍﻳﻠﻪ ﻛﻴﻤﺴﻪ ﻣﻮﺭﺍﺩﺍ ﭼﺎﺗﺎ ﺑﻴﻠﻤﺰ‬
‫ﻗﺎﻧﺠﻴﻖ ﺍﻭﻻﻳﺎﻧﺪﺍﻥ ﺑﺮﻱ ﺑﻮﺯ ﻗﻮﺭﺩ ﻳﻮﻭﺍﺳﻴﻨﺪﺍ‬
‫ﻫﺮ ﻛﻴﻤﺪﻩ ﻗﻮﻻﻕ ﻭﺍﺭﺳﺎ‪ ،‬ﻣﺤﺎﻟﺪﻳﺮ ﻳﺎﺗﺎ ﺑﻴﻠﻤﺰ‬
‫ﺗﻮﺭﭘﺎﻕ ﺁﻧﺎﺩﻳﺮ‪ ،‬ﻧﺎﺧﻠﻒ ﺍﺋﻮﻻﺩﻱ ﺩﻩ ﺍﻭﻟﺴﺎ‬
‫ﺍﺋﻮﻻﺩ‪ ،‬ﺍﻭﻧﻮ ﺍﻭﻳﻨﺎﺷﻼﺭﺍ ﻫﺌﭻ ﻭﺍﺧﺖ ﺳﺎﺗﺎ ﺑﻴﻠﻤﺰ‬
‫ﺁﺯﺍﺩﻟﻴﻖ ﺍﻭﻟﻮﺭﺳﺎ‪ ،‬ﻗﻮﺭﺍﻣﻴﺰ ﺣﺎﻟﻮﺍﺩﻱ ﺩﺍﻟﻐﺎ!‬
‫ﺩﻭﺷﻤﺎﻥ ﺑﺌﻠﻪ ﺑﻴﺮ ﺣﺎﻟﻮﺍﻳﺎ ﺯﻭﻗﻘﻮﻡ ﻗﺎﺗﺎ ﺑﻴﻠﻤﺰ‬
‫‪٧٨/١٠/٢٠‬‬

‫ﺑﺎﻏﻴﺮﺗﻲ!‬

‫ﺁﺯﺍﺩﻟﻴﻐﺎ ﺩﻭﺳﺘﺎﻕ ﺩﺋﺪﻳﻠﺮ‪ ،‬ﻗﻴﺘﻠﻴﻐﺎ ﺑﻮﻟﻠﻮﻕ‬


‫ﺑﻴﺮ ﻋﺼﺮﺩﻱ ﻛﻲ ﻋﺎﺩﺕ ﺍﻭﻟﻮﺏ ﻣﻴﻠﻠﺘﻪ ﻗﻮﻟﻠﻮﻕ‬
‫ﻛﺮﻭﺍﻥ ﭼﻮﻭﻭﺷﻮ‪ ،‬ﻛﺮﻭﺍﻧﻲ ﺁﺯﺩﻳﺮﺩﻱ ﭼﺆﻝ ﺍﻳﭽﺮﻩ‪،‬‬
‫ﺯﻫﺘﺎﺑﻲ ﻟﺮﻳﻦ ﺑﺎﺵ ﺩﺍﺷﻲ ﻗﻮﻳﻼﻧﺪﻱ ﻛﻮﻝ ﺍﻳﭽﺮﻩ‪،‬‬
‫ﺩﻭﺷﺪﻭﻙ ﻧﺌﺠﻪ ﭘﻴﺲ ﺍﺅﻟﻜﻪ ﺩﻩ ﺑﻴﺮ ﻋﺪﻩ ﻗﻮﻝ ﺍﻳﭽﺮﻩ!‬
‫ﺩﻭﺯ ﺳﺆﺯ ﺩﺋﻴﻪ ﻧﻪ ﺳﺆﻳﻠﻪ ﺩﻳﻠﺮ‪ :‬ﺑﺴﺪﻱ ﻓﻮﺿﻮﻟﻠﻮﻕ‬
‫ﺑﻴﺮ ﻋﺼﺮﺩﻱ ﻛﻲ ﻋﺎﺩﺕ ﺍﻭﻟﻮﺏ ﻣﻴﻠﻠﺘﻪ ﻗﻮﻟﻠﻮﻕ‬

‫ﻗﺎﻭﺯﺍﻧﺪﻱ ﺍﺅﻟﻮﻡ ﻗﻮﺧﺴﻮ ﻣﺴﻴﺤﺎ ﻧﻔﺴﻴﻨﺪﻥ‪،‬‬


‫ﺑﺎﺵ ﺁﭼﻤﺎﺩﻱ ﺑﻴﺮ ﻛﻴﻤﺴﻪ ﺣﻴﺎﺕ ﻓﻠﺴﻔﻪ ﺳﻴﻨﺪﻥ‪،‬‬
‫ﺁﺳﻼﻥ ﻧﻪ ﮔﺮﻩ ﻙ ﻗﻮﺭﺧﺎ ﻗﻮﺩﻭﺯﻻﺭ ﺣﺪﻩ ﺳﻴﻨﺪﻥ‪،‬‬
‫ﺗﻮﺭﻙ ﺍﺋﻠﻠﺮﻩ ﻫﺌﭻ ﻭﺍﺧﺖ ﻳﺎﺭﺍﻣﺎﺯ ﺑﻴﺮ ﺑﺌﻠﻪ ﺷﻮﻟﻠﻮﻕ‬
‫ﺑﻴﺮ ﻋﺼﺮﺩﻱ ﻛﻲ ﻋﺎﺩﺕ ﺍﻭﻟﻮﺏ ﻣﻴﻠﻠﺘﻪ ﻗﻮﻟﻠﻮﻕ!‬

‫ﺑﻴﺮ ﮔﻮﻥ ﮔﻠﻲ ﺍﻝ‪-‬ﺍﻟﺪﻥ ﺍﻭﺯﻭﻟﺪﻭﻛﺪﻩ ﺩﺍﻏﻴﻠﻠﻴﻖ‪،‬‬


‫ﺑﻴﮕﺎﻧﻪ ﺍﻟﻴﻨﺪﻩ ﺍﻳﻨﻪ ﻙ ﺍﻭﻟﺪﻭﻗﺪﺍ ﺳﺎﻏﻴﻠﻠﻴﻖ‪،‬‬
‫ﺑﻴﺮ ﮔﻮﻥ ﺩﻩ ﻗﺎﺭﺍﻧﻘﻮﺵ ﻛﻴﻤﻲ ﭼﺎﻳﻼﺭﺩﺍ ﺑﻮﻏﻮﻟﻠﻮﻕ‪،‬‬
‫ﺍﻭﻏﻼﻧﻼﺭﻳﻤﻴﺰ ﻫﺮ ﻳﺌﺘﻪ ﻧﻪ ﺍﺋﺘﺪﻱ ﺍﻭﻏﻮﻟﻠﻮﻕ‬
‫ﺑﻴﺮ ﻋﺼﺮﻱ ﺩﻱ ﻛﻲ ﻋﺎﺩﺕ ﺍﻭﻟﻮﺏ ﻣﻴﻠﻠﺘﻪ ﻗﻮﻟﻠﻮﻕ!‬

‫ﺳﺮ ﺣﺪ ﭼﻜﻴﻠﻴﺐ ﺩﻳﺮ ﺑﺎﺟﻲ‪-‬ﻗﺎﺭﺩﺍﺷﻼﺭ ﺍﻳﭽﻴﻨﺪﻩ‪،‬‬


‫ﻗﺎﻟﻤﻴﺶ ﺁﻧﺎ ﻳﻮﺭﺩﻭﻡ ﻳﺌﻨﻪ ﺍﻭﻳﻨﺎﺷﻼﺭ ﺍﻳﭽﻴﻨﺪﻩ‪،‬‬
‫ﻏﻴﺮﺕ ﻣﻨﻲ ﺍﺅﻟﺪﻭﺭﺩﻭ ﺑﻮ ﺍﻭﺑﺎﺷﻼﺭﻳﻦ ﺍﻳﭽﻴﻨﺪﻩ‪،‬‬
‫ﺳﺎﻍ ﻛﻦ ﺁﺗﺎﻡ‪ ،‬ﺍﻭﻳﻤﻮﺭ ﺁﻧﺎ ﻣﻴﻦ ﺭﻧﮕﻴﻨﻪ ﺩﻭﻟﻠﻮﻕ‬
‫ﺑﻴﺮ ﻋﺼﺮﺩﻱ ﻛﻲ ﻋﺎﺩﺕ ﺍﻭﻟﻮﺏ ﻣﻠﺘﻪ ﻗﻮﻟﻠﻮﻕ!‬

‫ﺍﺋﻲ ﺩﺍﻟﻐﺎ! ﻗﺎﭼﺎﻕ‪-‬ﻗﺎﭼﻠﻴﻖ ﺍﻳﻠﻪ ﮔﺆﺭ ﺣﺎﺭﺍ ﮔﺌﺘﺪﻳﻚ؟!‬


‫ﺍﺅﺯﮔﻮﺭ ﻳﺎﺷﺎﻣﻲ ﺍﻳﺰﻟﻪ ﻳﻴﺒﻦ ﺩﻭﺳﺘﺎﻏﺎ ﻳﺌﺘﺪﻳﻚ!‬
‫ﺑﻴﺮ ﻛﺆﺭﭘﻪ ﺍﻭﻏﻮﻝ ﺗﻚ ﻛﻴﺸﻴﻠﻴﻚ ﺍﺩﻋﺎ ﺍﺋﺘﺪﻳﻚ‪،‬‬
‫ﺑﻴﺰ ﺍﻭﻧﺪﺍ ﮔﻮﻣﺎﻥ ﺍﺋﻴﻠﻪ ﻣﻪ ﺩﻳﻚ ﺑﺆﻳﻠﻪ ﺑﻮﺭﻭﻟﻠﻮﻕ‬
‫ﺑﻴﺮ ﻋﺼﺮﺩﻱ ﻛﻲ ﻋﺎﺩﺕ ﺍﻭﻟﻮﺏ ﻣﻠﺘﻪ ﻗﻮﻟﻠﻮﻕ!‬
‫‪٧٨/٧/٢٣‬‬

‫ﻣﻨﻴﻢ ﺑﺎﺑﺎﻡ!‬
‫ﻣﻨﻴﻢ ﺑﺎﺑﺎﻡ ﺩﺅﻳﻮﺷﻨﺪﻩ ﻗﻴﻠﻴﻨﺠﻲ ﭘﺎﺭﻻﺭﺩﻱ‬
‫ﻳﺎﺑﺎﻧﺠﻲ ﺩﻭﺷﻤﺎﻧﺎ ﻣﺌﻴﺪﺍﻧﻼﺭﻱ ﺩﺍﺭﺍﻟﺪﺍﺭﺩﻱ‬
‫ﻧﻪ ﺧﺎﻧﻼﺭﻳﻦ ﻛﻲ ﺑﻴﻐﻴﻦ ﻛﺴﺪﻱ ﻛﻮﺗﻠﻪ ﻗﺎﺭﺷﻴﻨﺪﺍ‪،‬‬
‫ﻧﻪ ﺍﻭﺭﺩﻭﻻﺭﻛﻲ ﻛﺴﻴﺐ‪-‬ﺑﻴﭽﺪﻱ‪ ،‬ﺩﻭﻏﺮﺍﻳﻴﺐ‪-‬ﻳﺎﺭﺩﻱ‬
‫ﻗﻴﻠﻴﻨﺠﻲ ﻗﺎﻟﻤﺎﺩﻱ ﺑﻴﺮ ﻟﺤﻈﻪ ﺗﺎﺧﭽﺎﺩﺍ‪ ،‬ﻗﻴﻨﺪﺍ‪،‬‬
‫ﻧﻪ ﺧﺎﻧﻼﺭﻳﻦ ﻛﻲ ﺑﻴﻐﻴﻦ ﻛﺴﺪﻱ ﻛﻮﺗﻠﻪ ﻗﺎﺭﺷﻴﻨﺪﺍ‪،‬‬

‫ﺁﻧﺎﻡ ﺩﻭﻏﺎﻧﺪﺍ ﻣﻨﻪ ﺁﺕ ﺯﻳﻨﻴﻦ ﺑﺌﺸﻴﻚ ﻭﺋﺮﺩﻱ‪،‬‬


‫ﺑﺆﻳﻮﺗﺪﻭ‪،‬‬
‫ﺑﺴﻠﻪ ﺩﻱ‪،‬‬
‫ﺍﺋﻮ ﺗﻴﻜﺪﻳﺮﻳﺐ ‪ -‬ﺍﺋﺸﻴﻚ ﻭﺋﺮﺩﻱ‪،‬‬
‫ﺑﺎﺭﻳﺶ ﮔﻮﻧﻮﻧﺪﻩ ﺍﻭﺯﻭﻧﺪﻥ ﮔﻮﻟﻮﻣﺴﻪ ﺩﻭﺷﻤﺰﺩﻱ‪،‬‬
‫ﺩﺅﻳﻮﺵ ﮔﻮﻧﻮ‪ ،‬ﺩﻳﺸﻲ ﺁﺳﻼﻥ ﻛﻴﻤﻲ ﻛﺌﺸﻴﻚ ﻭﺋﺮﺩﻱ‪،‬‬
‫ﺁﺕ ﺍﻭﻳﻨﺎﺩﻳﺐ‪ ،‬ﺍﻭﺥ ﺁﺗﻴﺐ‪ ،‬ﺩﻭﺷﻤﺎﻧﻲ ﺑﺎﺳﻴﺐ‪ -‬ﺍﺯﺩﻱ‬
‫ﺑﺎﺭﻳﺶ ﮔﻮﻧﻮﻧﺪﻩ ﺍﻭﺯﻭﻧﺪﻥ ﮔﻮﻟﻮﻣﺴﻪ ﺩﻭﺷﻤﺰﺩﻱ!‬

‫ﺑﺌﻠﻴﻨﺪﻩ ﺳﺎﺯ‪ ،‬ﻛﻤﺮﻳﻨﺪﻩ ﻗﻴﻠﻴﺞ‪ ،‬ﭘﺎﭘﺎﻗﻠﻲ ﺑﺎﺑﺎﻡ‬


‫ﻫﻤﻴﺸﻪ ﺍﺋﻮ ﺩﻭﻟﻮ‪ ،‬ﺍﺋﻴﻮﺍﻥ ﺩﻭﻟﻮ‪،‬ﻗﻮﻧﺎﻗﻠﻲ ﺑﺎﺑﺎﻡ‬
‫ﺍﺋﻠﻴﻦ ﺍﻟﻴﻦ ﺗﻮﺗﻮﺏ‪ ،‬ﺍﺋﻞ ﻟﻪ ﺩﺋﻴﺐ‪ ،‬ﮔﻮﻟﻮﺏ‪ ،‬ﺩﺍﻧﻴﺸﺎﻥ‬
‫ﻭ ﻇﺎﻟﻴﻢ ﺍﺭﺑﺎﺑﺎ ﻧﻔﺮﺗﻠﻲ‪ -‬ﻗﺎﺵ ﻗﺎﺑﺎﻗﻠﻲ ﺑﺎﺑﺎﻡ‬
‫ﮔﺆﺯﻭﻧﺪﻩ ﻏﻴﺮﺕ‪ ،‬ﺍﻭﺯﻭﻧﺪﻩ ﺷﺮﻑ‪ ،‬ﺁﺩﻳﻨﺪﺍ ﻧﻴﺸﺎﻥ‬
‫ﺍﺋﻠﻴﻦ ﺍﻟﻴﻦ ﺗﻮﺗﻮﺏ‪ ،‬ﺍﺋﻞ ﻟﻪ ﺩﺋﻴﺐ‪ ،‬ﮔﻮﻟﻮﺏ‪ ،‬ﺩﺍﻧﻴﺸﺎﻥ‬

‫ﻗﺮﻳﻨﻪ ﻟﺮ ﺩﻳﻴﺸﻴﻠﻤﻴﺶ‪ ،‬ﺯﻣﺎﻧﻪ ﻣﻴﺰ ﺩﺅﻧﻤﻮﺵ‬


‫ﻗﺎﻻﻕ‪ -‬ﻗﺎﻻﻕ ﻗﺎﻻﻧﻴﺐ‪ ،‬ﺗﺎﺭﻳﺦ ﺍﻭﺳﺘﻪ ﺗﻮﺯ ﻗﻮﻧﻤﻮﺵ‬
‫ﻭ ﺍﻳﻨﺪﻱ ﻣﻨﺠﻪ ﺑﺎﺭﻳﺸﻤﺎﺯ ﺁﻧﺎﻡ ﺷﺮﻓﺴﻴﺰ ﺍﻳﺪﻱ‬
‫ﻭ ﻇﻮﻟﻤﻪ ﻗﺎﺭﺷﻲ ﺍﻳﻴﻠﻤﺰ ﺑﺎﺑﺎﻡ ﻗﺎﻟﻴﻦ ﮔﺆﻥ ﺍﻳﻤﻴﺶ‬
‫ﻳﺎﻻﻧﭽﻲ ﺗﺬﻛﻮﺭﻩ‪ -‬ﺗﺎﺭﻳﺦ ﻳﺎﺯﺍﻥ ﮔﺆﺭﻭﻥ ﻧﻪ ﺩﺋﺪﻱ‬
‫ﻭ ﺍﻳﻨﺪﻱ ﻣﻨﺠﻪ ﺑﺎﺭﻳﺸﻤﺎﺯ ﺁﻧﺎﻡ ﺷﺮﻓﺴﻴﺰ ﺍﻳﺪﻱ!‬
‫ﮔﺆﺭﻭﻥ ﻧﻪ ﺟﻮﺭ ﺑﻮﻟﻪ ﻧﻴﺐ ﻟﻜﻜﻪ ﻳﻪ ﺑﻴﺮ ﺍﺅﻟﻜﻪ ﺁﺩﻱ‪،‬‬
‫ﻛﺎﻟﺌﺴﻜﻪ ﻳﻪ ﻗﻮﺷﻮﻟﻮﺑﺪﻭﺭ ﻛﻮﺭﺍﻭﻏﻠﻮﻧﻮﻥ ﻗﻴﺮ ﺁﺗﻲ‬
‫ﺩﺋﻤﻚ ﺑﻮﺭﻭﻟﺪﻭ ﺍﻳﮕﻴﺖ‪ -‬ﻗﻬﺮﻣﺎﻥ‪ ،‬ﻛﻮﺭ ﺍﻭﻟﺪﻭ ﺍﻭﺟﺎﻕ‪،‬‬
‫ﺑﺎﺑﺎﻡ ﻛﻲ ﻓﺎﺭﺱ ﺷﺎﻫﺎ ﺍﻳﻠﻚ ﺩﻓﻌﻪ ﺍﺅﻳﺮﻩ ﺩﻳﺐ ﺳﺎﻭﺍﺩﻱ‪،‬‬
‫ﺍﻳﻨﺎﻧﻤﺎﺯ ﺍﻳﺪﻱ ﻛﻲ ﺑﻴﺮ ﮔﻮﻥ ﻳﺎﻻﻥ ﺳﻨﺪ ﻳﺎﺯﺍﺟﺎﻕ‬
‫ﺩﺋﻤﻚ ﺑﻮﺭﻭﻟﺪﻭ ﺍﻳﮕﻴﺖ‪ -‬ﻗﻬﺮﻣﺎﻥ‪ ،‬ﻛﻮﺭ ﺍﻭﻟﺪﻭﺍﻭﺟﺎﻕ!‬
‫ﺁﺯﺍﺩﻟﻴﻖ ﺍﻳﺴﺘﻪ ﺩﻱ ﺳﺘﺎﺭﺧﺎﻧﻴﻢ ﺳﻴﻼﺣﻼﻧﺪﻱ‪،‬‬
‫ﻗﻴﺰ ﺍﻭﻏﻼﻥ ﺍﻝ‪ -‬ﺍﻟﻪ ﺣﺎﻳﺨﻴﺮﺩﻱ ﺑﺎﺷﭽﻲ ﻣﻴﺰ ﺧﺎﻧﺪﻱ!‬
‫ﺩﺅﻳﻮﺷﺪﻩ ﻗﻴﺘﻠﻴﻐﺎ ﺗﻮﺵ ﮔﻠﺪﻳﻠﺮ‪ ،‬ﺁﻻﻕ ﻳﺌﺪﻳﻠﺮ‬
‫ﺁﺯﺍﺩﻟﻴﻖ ﺍﻳﺴﺘﻪ ﻣﻪ ﻳﻪ ﻧﻠﺮ ﺑﻮ ﺍﻳﺸﻠﺮﻱ ﺩﺍﻧﺪﻱ‪،‬‬
‫ﺁﻻﻕ ﻳﺌﻴﻴﺐ ﺩﺅﻳﻮﺷﻦ ﺧﺎﻟﻘﺎ ﺗﻮﺭﻙ‪ -‬ﺧﺮ ﺩﺋﺪﻳﻠﺮ‬
‫ﮔﺆﺭﻭﻥ ﻧﻪ ﺍﻭﻟﺪﻭ ﺑﻮ ﻳﺎﻧﺪﺍ‪ ،‬ﺑﺎﺧﻴﻦ ﻧﻪ ﻟﺮ ﺩﺋﺪﻳﻠﺮ!؟‬

‫ﭼﻜﻴﻠﺪﻱ ﺗﺤﺮﻳﻔﻪ ﺗﺎﺭﻳﺦ ﻭﺭﻗﻠﺮﻱ ﺑﻴﺮ ﺑﺎﺵ‬


‫ﺑﻮ ﺩﺍﻍ ﭼﺎﻧﺎﻗﻼﺭ ﺍﻳﭽﻴﻨﺪﻩ ﻧﻪ ﺑﻮﺯ ﺩﻭﻧﻮﺭﻣﻮﺵ ﺁﺵ!‬
‫ﺍﻳﺘﻴﻦ ﺩﺅﺷﻮﻥ ﺍﻣﻪ ﻥ ﺍﻣﻠﻴﻚ ﺩﺅﻧﻮﺏ ﭘﻠﻨﮓ ﺍﻭﻟﻤﺎﺯ‪،‬‬
‫ﺩﻳﻠﻴﻢ ﺩﻩ ﻓﺎﺭﺳﺎ ﺩﻭﻧﻮﺏ‪ ،‬ﺩﺍﻱ ﻧﻪ ﻗﺎﻟﺪﻱ ﺁﻱ ﻗﺎﺭﺩﺍﺵ!‬
‫ﺟﺎﻣﺎﻗﻠﻲ ﮔﺆﻟﺪﻩ ﭼﻴﻤﻪ ﻥ ﻗﻮﺭﺑﺎﻏﺎ ﻧﻬﻨﮓ ﺍﻭﻟﻤﺎﺯ‪،‬‬
‫ﺍﻳﺘﻴﻦ ﺩﺅﺷﻮﻥ ﺍﻣﻪ ﻥ ﺍﻣﻠﻴﻚ ﺩﺅﻧﻮﺏ ﭘﻠﻨﮓ ﺍﻭﻟﻤﺎﺯ!‬
‫ﻳﺎﺑﺎﻧﺠﻲ ﺍﻟﻠﺮ!‬

‫ﺍﻭﻟﻮﺑﺪﻭ ﺍﻳﻨﺪﻱ ﻣﻨﻪ ﺩﻭﻏﻤﺎ ﻗﺎﺭﺩﺍﺷﻴﻢ ﺩﺍ ﻗﻨﻴﻢ‬


‫ﺑﻴﺮﻱ ﺩﺅﻧﻮﺏ ﻗﺎﺗﻲ ﻓﺎﺭﺳﺎ‪،‬‬
‫ﺑﻴﺮﻱ ﺍﻭﻟﻮﺏ ﻳﺎﻏﻲ ﺭﻭﺱ‬
‫ﺳﺆﺯﻭﻥ ﻛﺆﻛﻮ ﺍﻭﺭﻩ ﻳﻴﻤﺪﻩ‪ ،‬ﺑﺎﺷﻲ ﺩﻳﻠﻴﻤﺪﻩ ﻣﻨﻴﻢ‬
‫ﻭ ﺑﻴﺮ ﻗﺎﺭﻳﺶ ﺳﻴﻨﻪ ﻡ ﺍﻳﭽﺮﻩ ﺳﺆﺯﻭﻡ ﺍﻭﻟﻮﺭ ﻣﺤﺒﻮﺱ‬

‫ﺩﻭﺷﻮﻧﻤﻚ ﺍﻳﺴﺘﻪ ﻣﻴﺮﻩ ﻡ‪ ،‬ﻗﻮﻳﻤﺎﻳﻴﻦ ﺑﻴﻠﻴﻢ ﻛﻲ ﻧﻪ ﺟﻮﺭ‪،‬‬


‫ﻳﺎﺑﺎﻧﺠﻲ ﺍﻟﻠﺮﻱ ﻛﺴﺪﻱ ﺍﻭﺯﻭﻥ ﺳﺎﭼﻴﻦ ﺁﻧﺎﻣﻴﻦ‬
‫ﺍﻭﺷﺎﻗﻼﺭﻱ ﻗﺎﺭﺍ ﺑﺎﻳﻘﻮﺵ ﺍﻭﻟﻮﺏ ﻻﭼﻴﻦ ﺁﻧﺎﻣﻴﻦ!‬

‫ﺑﻮ ﺍﺅﻟﻜﻪ ﺩﻩ ﺩﻳﺮﻱ ﻟﺮﺩﻥ ﺩﻩ ﺟﺎﻧﻠﻲ ﺩﻳﺮ ﺍﺅﻟﻮﻟﺮ‬


‫ﺳﻮﺳﻮﺑﺪﻭ ﻏﻮﻝ ﻛﻴﻤﻲ ﺁﺗﺸﻔﺸﺎﻥ‪،‬‬
‫ﺩﻧﻴﺰ ﻳﺎﺭﻱ ﺟﺎﻥ‬
‫ﻭ ﻫﺮ ﻛﻴﻢ ﺍﻳﺴﺘﻪ ﺩﻱ ﻳﻮﻛﺴﻪ ﻟﺴﻴﻦ ﺁﺳﻤﺎﻧﻪ ﻗﺪﻩ ﺭ‬
‫ﺍﻭ ﺗﻜﺠﻪ ﮔﺆﻳﻠﺮﻩ ﻳﻮﻛﺴﻪ ﻟﺪﻱ ﺩﺍﺭ ﺁﻏﺎﺟﻼﺭﻱ ﺟﺎﻥ!‬
‫ﻗﺎﻟﻴﺒﺪﻱ ﻫﺮ ﻛﺴﻪ ﻥ ﺍﺅﺯ ﻗﺌﻴﺪﻳﻨﻪ ﻭ ﺍﺅﺯ ﺣﺎﻳﻴﻨﺎ‪،‬‬
‫ﻳﺎﻣﺎﻥ ﺳﻴﻐﻴﻨﺘﻲ ﻳﺎ ﺳﺎﻟﻤﻴﺶ ﺑﻮ ﺧﺎﻟﻘﻲ ﻳﻮﺧﺴﻮﻟﻠﻮﻕ‬
‫ﺩﺋﻤﻚ ﻛﻲ ﻋﺎﺩﺕ ﺍﻭﻟﻮﺑﺪﻭﺭ ﺑﻮ ﻣﻠﻠﺘﻪ ﻗﻮﻟﻠﻮﻕ!‬

‫ﺳﺎﺭﺍﻱ ﻳﺎﭘﻴﺮ ﺑﺎﺑﺎﻣﻴﻦ ﺑﺎﺵ ﺩﺍﺷﻲ ﺍﻳﻠﻪ ﺟﻼﺩﻻﺭ‬


‫ﻭ ﺩﺍﺭﺗﻴﻼﻥ ﺳﻮﻣﻮﻳﻮﻧﺪﻥ ﺍﻭﺟﺎﻕ ﻗﻮﺭﻭﺭ ﺍﻳﻨﺪﻱ‬
‫ﺩﻭﻧﻪ ﻥ ﻗﺎﭘﻴﻤﺪﺍ ﺩﻳﻠﻪ ﻧﻤﻚ ﺍﻳﭽﻴﻦ ﺩﻭﺭﺍﻥ ﻳﺎﺩﻻﺭ‪،‬‬
‫ﺍﻭﻟﻮﺑﺪﻭ ﺑﻴﺮ ﺯﻟﻲ ﺧﺎﻟﻘﻴﻦ ﻗﺎﻧﻴﻦ ﺳﻮﺭﻭﺭ ﺍﻳﻨﺪﻱ!‬

‫ﺩﻭﺷﻮﻧﻤﻚ ﺍﻳﺴﺘﻪ ﻣﻴﺮﻩ ﻡ ﻗﻮﻳﻤﺎﻳﻴﻦ ﺑﻴﻠﻴﻢ ﻛﻲ ﻧﻪ ﺟﻮﺭ‬


‫ﻳﺎﺑﺎﻧﺠﻲ ﺍﻟﻠﺮﻱ ﻛﺴﺪﻱ ﺍﻭﺯﻭﻥ ﺳﺎﭼﻴﻦ ﺁﻧﺎﻣﻴﻦ‪،‬‬
‫ﺍﻭﺷﺎﻗﻼﺭﻱ ﻗﺎﺭﺍ ﺑﺎﻳﻘﻮﺵ ﺍﻭﻟﻮﺏ ﻻﭼﻴﻦ ﺁﻧﺎﻣﻴﻦ!‬
‫ﺍﻭﻧﻮﺩﻭﻟﻤﻮﺵ ﺳﺆﺯ…‬

‫ﻧﺌﭽﻪ ﻭﺍﺧﺖ ﺩﻳﺮ ﻛﻲ ﺷﻌﺮﺩﻥ ﺍﻭﺯﻭﻏﺎﻡ‬


‫ﺍﻭﺭﻩ ﻳﻴﻤﺪﻩ ﻗﺎﻻﻕ‪ -‬ﻗﺎﻻﻥ ﺳﺆﺯ ﻭﺍﺭ‬
‫ﺳﺎﻧﻤﺎﻳﻴﻦ ﻛﻮﻝ ﺍﻭﻟﻮﺑﺪﻭ ﺷﻌﺮ ﺍﻭﺟﺎﻏﻴﻢ‬
‫ﺣﻠﻪ ﻛﻮﻝ ﺁﻟﺘﺪﺍ ﺳﺆﻧﻤﻪ ﻣﻴﺶ ﻛﺆﺯ ﻭﺍﺭ!‬

‫ﻋﺸﻘﻴﻤﻴﻦ ﺗﻜﺠﻪ ﺷﻌﺮﺩﻳﺮ ﻭﻭﻗﺎﺭﻱ‬


‫ﻗﻮﻳﻤﺎﺭﺍﻡ ﻋﺸﻘﻴﻤﻴﻦ ﻭﻭﻗﺎﺭﻱ ﺳﻴﻨﺎ‪،‬‬
‫ﺍﻭﺭﻩ ﻳﻴﻢ ﺑﻴﺮ ﺩﻧﻴﺰﺩﻱ‪ ،‬ﺩﺍﻟﻐﺎﻻﺭﻱ‪،‬‬
‫ﺟﻮﺷﺎﺟﺎﻕ ﺑﻴﺮ ﻳﺌﺘﻴﻢ ﺳﻴﺰﻳﻠﺘﻲ ﺳﻴﻨﺎ!‬

‫ﻧﺌﺠﻪ ﺩﻭﺷﺴﻮﻥ ﻗﻠﻢ ﺍﻟﻴﻤﺪﻥ ﻛﻲ‪،‬‬


‫ﺣﻠﻪ ﺑﻴﺮ ﭼﻮﺥ ﺩﺋﻴﻴﻠﻤﻪ ﻣﻴﺶ ﺳﺆﺯ ﻭﺍﺭ‪،‬‬
‫ﮔﺌﺠﻪ ﺭﺍﺣﺖ ﻧﻪ ﺟﻮﺭ ﻳﺎﺗﻴﻢ ﻣﻦ ﻛﻲ‪،‬‬
‫ﺻﺒﺤﻪ ﺗﻚ ﭼﻮﺧﻠﻮ ﻳﺎﺵ ﺗﺆﻛﻪ ﻥ ﮔﺆﺯ ﻭﺍﺭ!‬

‫ﺧﻮﺵ ﻃﺒﻴﻌﺘﻠﻲ ﮔﻮﻟﻠﺮﻳﻦ ﻳﺌﺮﻳﻨﻪ‪،‬‬


‫ﺣﻠﻪ ﺩﻩ ﺩﺍﺭ ﺁﻏﺎﺟﻼﺭﻱ ﺍﻛﻴﻠﻴﺮ‪،‬‬
‫ﺑﻮ ﻧﻪ ﺁﺯﺍﺩﻟﻴﻖ ﺍﻭﻟﺪﻭ؟‬
‫ﺑﺎﺥ ﻛﻲ ﻳﺌﻨﻪ‪،‬‬
‫ﮔﻮﻧﺪﻩ ﺑﻴﺮ ﺩﻭﺳﺘﺎﻏﺎ ﺩﻳﻮﺍﺭ ﺗﻴﻜﻴﻠﻴﺮ!‬

‫ﻣﺌﺸﻪ ﺩﻥ ﺳﻴﺦ ﺩﻱ ﺩﺍﺭ ﺁﻏﺎﺟﻼﺭﻳﻤﻴﺰ‬


‫ﻧﻔﺮﺕ ﺍﻭﻟﺴﻮﻥ ﺍﻭ ﻛﻨﺪﻳﺮﻩ‪ ،‬ﺍﻭ ﺩﺍﺭﺍ‪،‬‬
‫ﻧﻔﺮﺕ ﺍﻭﻟﺴﻮﻥ ﻛﻲ ﺩﻭﻧﻴﺎﺩﺍ ﻳﺎﻧﻠﻴﺰ‪،‬‬
‫ﺑﻴﺰﻱ ﺩﺍﺭ ﻗﺎﻟﺪﻳﺮﻳﺮ ﻳﻮﺧﺎﺭﻳﻼﺭﺍ!‬

‫ﻧﻔﺮﺕ ﺍﻭﻟﺴﻮﻥ ﺍﻭ ﻛﻨﺪﻳﺮﻩ‪ ،‬ﺍﻭ ﺩﺍﺭﺍ‪،‬‬


‫ﺁﺩﻳﻨﻲ ﻗﻮﻳﻤﻮﺷﻮﻕ ﺁﻏﺎﺝ‪ ،‬ﺁﻱ ﺁﻣﺎﻥ!‬
‫ﻳﺎﭘﺮﺍﻏﻲ ﺍﻳﭗ ﺩﻱ‪ ،‬ﻣﺌﻴﻮﻩ ﺳﻲ ﺍﻳﻨﺴﺎﻥ!‬

‫ﺑﺎﺷﻴﻦ ﺍﻣﭙﺌﺮﻳﺎﻳﺎ ﺍﻳﻪ ﻥ ﻣﻴﻠﻠﺖ‬


‫ﺗﺎﻻﻧﻴﺐ‪،‬‬
‫ﮔﺌﺖ ﺑﻪ ﮔﺌﺖ ﭘﻮﺗﻮﺭﻟﻪ ﻧﺪﻱ‪،‬‬
‫ﺍﻭ ﻃﺮﻓﺪﻥ ﺩﻩ ﻳﻮﺥ ﺩﺋﻴﻪ ﻥ ﻣﻴﻠﻠﺖ‬
‫ﭼﺎﭘﻴﻠﻴﺐ ﺍﻭﺭﺗﺎﺩﺍﻥ ﮔﺆﺗﻮﺭﻟﻪ ﻧﺪﻱ‪.‬‬
‫ﻳﺎﺷﺎﻳﻴﺶ ﺣﺎﻗﻘﻲ ﻭﺋﺮﻣﻪ ﻳﻴﺐ‪ ،‬ﺑﺎﺝ ﺁﻟﻴﺮ‪،‬‬
‫ﺳﻮﻟﻄﺎﻧﻴﻨﺪﺍﻧﺪﺍ‪ ،‬ﺩﺭﻭﻳﺸﻴﻨﺪﻥ ﺩﻩ‬
‫ﺷﺌﺮ ﺍﻟﻴﻨﺪﻥ ﻛﺆﭘﻪ ﻙ ﺩﻭﺭﻭﺏ ﺗﺎﺝ ﺁﻟﻴﺮ‪،‬‬
‫ﻗﺎﻥ ﺩﺍﻣﻴﺮ ﺗﻮﻟﻜﻮﻧﻮﻥ ﺩﻳﺸﻴﻦ ﺩﻥ ﺩﻩ‪،‬‬

‫ﺍﻭ ﺯﺍﻣﺎﻧﺪﺍﻥ ﻛﻲ ﻫﺎﺑﻴﻠﻴﻦ ﻗﺎﻧﻴﻨﺎ‪،‬‬


‫ﻗﺎﺑﻴﻞ ﺍﻝ ﻗﺎﺗﺪﻱ‪ ،‬ﺍﻭﻧﺪﺍ ﮔﺆﺭﺩﻭﻙ‪ ،‬ﺍﺩﻩ!…‬
‫ﺍﺅﻟﺪﻭ ﺍﻧﺴﺎﻧﻠﻴﻖ‪ ،‬ﺍﻧﺴﺎﻥ ﺍﺅﻟﻤﻪ ﺳﻪ ﺩﻩ!…‬

‫ﻧﻪ ﻳﺌﺘﻴﻢ ﻟﺮ ﻛﻲ ﺑﻮﻳﻨﻮ ﭼﻴﻴﻨﻴﻨﺪﻩ‪،‬‬


‫ﺳﺴﻠﻪ ﻳﻴﺮ ﺍﻭﺩﺩﺍ ﻗﻮﻭﺭﻭﻻﻥ ﺁﻧﺎﺳﻴﻦ!‬
‫ﻧﻪ ﮔﻠﻴﻦ ﻟﺮ ﻛﻔﻦ ﻭﺍﺭ ﺃﻳﻨﻴﻨﺪﻩ‪،‬‬
‫ﻳﺎﻏﺪﻳﺮﻳﺮ ﺩﻭﺷﻤﺎﻧﺎ ﻋﺬﺍﺏ ﺩﻭﻋﺎﺳﻴﻦ!‬

‫ﻧﻪ ﮔﻮﻧﺎﻫﺴﻴﺰ‪ ،‬ﻋﺎﺟﻴﺰ ﺍﻭﺷﺎﻗﻼﺭﻛﻲ‪،‬‬


‫ﮔﺆﺯﻭ ﺣﺴﺮﺕ ﺩﻱ ﺑﻴﺮ ﺑﺎﻳﺎﺕ ﭼﺆﺭﻩ ﻳﻪ‪،‬‬
‫ﺑﺎﺧﻴﺸﻲ ﺍﻭﺩ ﺳﺎﻟﻴﺮ ﺩﻭﻳﺎﻥ ﺍﻭﺭﻩ ﻳﻪ‪.‬‬

‫ﻧﺌﺠﻪ ﺩﻭﺷﺴﻮﻥ ﻗﻠﻢ ﺍﻟﻴﻤﺪﻥ ﻛﻲ‪،‬‬


‫ﺣﻠﻪ ﺑﻴﺮ ﭼﻮﺥ ﺩﺋﻴﻴﻠﻤﻪ ﻣﻴﺶ ﺳﺆﺯ ﻭﺍﺭ!‬

‫»ﺩﺍﺷﻘﻴﻦ«! ﻣﻨﺪﻥ ﺩﺍﻧﻴﺶ!‬

‫‪1‬‬
‫ﺯﻳﺮﻭﻩ ﺩﻥ ﺩﺭﻩ ﻳﻪ ﺗﺆﻛﻮﻟﻪ ﻥ ﭼﻴﺮﺍﻡ‬
‫ﻗﺎﺭﺳﻮﻳﻮ ﺩﺋﻴﻴﻠﻢ‪،‬‬
‫ﻳﺎﻏﻴﺶ ﺩﺋﻴﻴﻠﻢ‬
‫ﻣﻦ ﻳﺌﺮﻳﻦ ﻛﺆﻛﻮﻧﺪﻥ ﺯﻳﺮﻭﻩ ﻳﻪ ﻗﺎﻟﺨﺪﻳﻢ‬
‫ﺩﻭﻏﺎﻝ ﻭﺍﺭﻟﻴﻐﻴﻢ ﻭﺍﺭ‪،‬‬
‫ﻧﺎﺧﻴﺶ ﺩﺋﻴﻴﻠﻢ‪،‬‬
‫ﺩﺍﺷﻘﻴﻦ!‬
‫ﻣﻨﺪﻥ ﺩﺍﻧﻴﺶ‪،‬‬
‫ﺑﻴﺮ ﺁﺯﺩﺍ ﺩﺍﻧﻴﺶ‪،‬‬
‫ﺟﻮﺷﻐﻮﻥ ﺳﺌﻞ ﺍﻭﻟﺴﺎﻣﺪﺍ‪،‬‬
‫ﺍﻭﻟﺴﺎﻣﺪﺍ ﺯﻳﻨﻪ‪،‬‬

‫‪ 1‬ﭼﲑ ‪ :‬ﺁﺑﺸﺎﺭ‬
‫ﺩﺭﻳﻦ ﺩﻭﺷﻮﻧﺠﻪ ﻧﻪ‪ ،‬ﺍﻳﺘﻲ ﻓﻴﻜﺮﻳﻨﻪ‪،‬‬
‫ﺁﺷﺎﻏﻴﻢ ﺩﺍ ﺗﺎﻧﻴﺶ‪ ،‬ﺍﻭﺳﺘﻮﻡ ﺩﻩ ﺗﺎﻧﻴﺶ!‬

‫ﺍﻳﭽﻴﻤﺪﻥ ﻳﺎﻧﻴﺮﺍﻡ‪ ،‬ﺁﻟﻮﻭ ﺳﺎﭼﻴﺮﺍﻡ‪،‬‬


‫ﺍﺅﺯﻭﻡ ﺗﻮﺳﺘﻮﻡ ﺍﻳﭽﺮﻩ ﮔﺆﺭﻭﺷﻤﺰ ﺍﻭﻟﺪﻭﻡ‪،‬‬
‫ﺍﻳﺸﻴﻐﻴﻢ ﺍﺅﺯﮔﻪ ﻧﻴﻦ ﺍﻭﺳﺘﻮﻧﻪ ﺩﻭﺷﺪﻭ‪،‬‬
‫ﺍﻳﭽﻴﻤﺪﻩ ﺁﻏﻼﺩﻳﻢ‪،‬ﺩﻳﺸﻴﻤﺪﻩ ﮔﻮﻟﺪﻭﻡ‪،‬‬
‫ﺩﺍﺷﻘﻴﻦ!‬
‫ﻣﻨﺪﻥ ﺩﺍﻧﻴﺶ‪،‬‬
‫ﺑﻴﺮ ﺁﺯﺩﺍ ﺩﺍﻧﻴﺶ‪،‬‬
‫ﺁﻧﺪ ﺍﻭﻟﺴﻮﻥ ﻛﻮﻓﺮ ﺍﻳﻠﻪ ﺑﺎﺷﻼﻧﺎﻥ ﺩﻳﻨﻪ‪،‬‬
‫ﻏﻤﻠﻲ ﺑﺎﺧﻴﺸﻴﻨﺎ‪،‬‬
‫ﺷﻦ ﮔﺆﺯﻟﺮﻳﻨﻪ‪،‬‬
‫ﺍﻳﺸﻴﻐﻴﻢ ﺩﺍ ﺗﺎﻧﻴﺶ‪ ،‬ﺗﻮﺳﺘﻮﻡ ﺩﻩ ﺗﺎﻧﻴﺶ!‬
‫ﻗﻮﺭﺗﻮﻟﻮﺵ ﻳﻮﻟﻮ!‬

‫‪2‬‬
‫ﮔﺆﻱ‪ ،‬ﺍﺅﺯﮔﻪ ﻟﺮﻟﻪ ﺻﺎﻑ ﺩﻱ‪ ،‬ﻣﻨﻴﻢ ﻟﻪ ﺑﻮﻟﻮﺩﻟﻮﺩﻭﺭ‬
‫ﻳﻮﺥ‪ ،‬ﺗﻮﺳﺘﻮﺩﻭﺭ‪ ،‬ﺑﻮﻟﻮﺕ ﺩﺍ ﺩﺋﻴﻴﻞ‪ ،‬ﺳﺎﻧﻜﻲ ﺍﻭﺩﻟﻮﺩﻭﺭ‬
‫ﺁﺭﺗﻴﻖ ﺑﻴﺰﻳﻢ ﻗﻴﺴﻴﺮ ﺩﺍﻭﺍﺭ ﺍﺅﻟﻤﻚ ﺣﺎﻟﻴﻨﺪﺍﺩﻳﺮ‬
‫ﺧﺎﻟﻘﻴﻦ ﺩﻭﻏﺎﻥ ﺍﻳﻨﻚ ﻟﺮﻱ ﭘﺮﻭﺍﺭﺩﻱ‪ -‬ﺳﻮﺩﻟﻮﺩﻭﺭ‬
‫ﻗﻠﺒﻴﻢ ﺍﻭﻣﻮﺩﻟﻮﺩﻭﺭ ﺗﺎﭘﺎ ﺑﻴﺮ ﻗﻮﺭﺗﻮﻟﻮﺵ ﻳﻮﻟﻮ‪،‬‬
‫ﺁﻧﺠﺎﻕ ﺍﻭﻣﻮﺩﻟﻮﺩﻭﺭﺳﺎ‪ ،‬ﺍﺅﻟﻮﻡ ﻟﻪ ﺍﻭﻣﻮﺩﻟﻮﺩﻭﺭ!‬
‫ﺑﻴﺮ ﻗﻴﺘﻠﻴﻖ ﺍﻭﻟﺪﻭﻛﻲ ﺳﻮﺳﻮﺯﻭﻧﺪﺍﻥ ﺍﻳﻼﻥ ﻣﻠﻪ ﺭ‬

‫‪ 2‬ﺁﺳﻤﻴﻦ ﺑﺎ ﺩﻳﮕﺮﺍﻥ ﺻﺎﻑ ﺍﺳﺖ ﻭ ﺑﺎ ﻣﺎ ﺍﺑﺮ ﺩﺍﺭﺩ‪.‬‬


‫)ﺷﻬﺮﻳﺎﺭ(‬
‫ﺧﺎﻥ ﺑﺎﻏﭽﺎﺳﻲ ﭼﻴﭽﻜﻠﻲ‪ ،‬ﺻﻔﺎﻟﻲ‪ ،‬ﺳﺆﻳﻮ ﺩﻟﻮﺩﻭﺭ!‬

‫ﺍﻭﻣﺎﺟﺎﻕ!‬

‫ﺍﻧﺴﺎﻥ ﺩﻭﻏﻮﻻﻧﺪﺍﻥ‪ ،‬ﮔﺆﺯ ﺁﭼﻴﺐ‪ -‬ﻳﻮﻣﻮﺭ‪،‬‬


‫ﮔﺆﺭﻭﺭﺳﻦ ﺑﻴﺮ ﺁﻧﺪﺍ ﻗﻮﺭﺗﺎﺭﻳﺐ ﻋﺆﻣﻮﺭ‪،‬‬
‫ﺍﺟﻞ ﻗﺎﺭ ﺁﻟﺘﻴﻨﺪﺍ ﮔﻴﺰﻟﻪ ﻧﻦ ﻛﺆﻣﻮﺭ‪،‬‬
‫ﺑﻴﻠﻤﻴﺮﻡ ﺩﻭﻧﻴﺎﻧﻴﻦ ﻧﻪ ﻳﻴﻨﻪ ﺑﻨﺪﻡ؟!‬
‫ﺻﺪﺍﻗﺖ‪ ،‬ﺯﺍﻣﺎﻧﻴﻦ ﺑﻮﻏﻮﻟﻤﻮﺵ ﺣﺎﻳﻲ‪،‬‬
‫ﻣﺤﺒﺖ‪ ،‬ﺍﻭﺭﻩ ﻳﻴﻦ ﺯﻳﻎ‪ -‬ﻟﺌﺤﻠﻲ ﭼﺎﻳﻲ‪،‬‬
‫ﺑﻮ ﮔﻮﻧﻮﻥ ﺻﺎﺑﺎﺣﻲ‪ ،‬ﺩﻭﻧﻨﻴﻦ ﺗﺎﻳﻲ‪،‬‬
‫ﺑﻴﻠﻤﻴﺮﻡ ﺩﻭﻧﻴﺎﻧﻴﻦ ﻧﻪ ﻳﻴﻨﻪ ﺑﻨﺪﻡ؟!‬
‫ﮔﻞ ﺑﻮ ﺍﻧﺴﺎﻥ ﺁﺩﻟﻲ ﺯﻳﻎ ﻫﺌﻴﻜﻠﻪ ﺑﺎﺥ!‬
‫ﺑﻴﺮﻱ ﻗﺎﻩ‪-‬ﻗﺎﻩ ﮔﻮﻟﻮﺭ‪،‬ﺑﻴﺰﻱ ﺩﺋﻴﻴﺮ »ﺁﺥ« !‬
‫ﺁﻣﺎﻧﺴﻴﺰ ﺣﺆﻛﻤﻮ ﻭﺍﺭ ﺯﺍﻣﺎﻧﻴﻦ ﺁﻧﺠﺎﻕ‪،‬‬
‫ﺑﻴﻠﻤﻴﺮﻡ ﺩﻭﻧﻴﺎﻧﻴﻦ ﻧﻪ ﻳﻴﻨﻪ ﺑﻨﺪﻡ؟!‬
‫ﻫﺎﻭﺍ ﻗﺎﺭ‪-‬ﺩﻭﻣﺎﻧﺪﻳﺮ‪ ،‬ﻫﺎﻭﺍ ﺑﻮﻏﻮﻗﺪﻭﺭ‬
‫ﺍﻳﭽﻪ ﺭﻳﻢ ﺍﺋﺸﻴﻚ ﺩﻥ ﺁﺭﺗﻴﻖ ﺳﻮﻏﻮﻗﺪﻭﺭ‪،‬‬
‫ﻗﻠﺒﻴﻤﻴﻦ ﺷﻮﺷﻪ ﺳﻲ ﺍﻭﻏﻮﻕ‪ -‬ﺍﻭﻏﻮﻗﺪﻭﺭ‪،‬‬
‫ﺣﻠﻪ ﺩﻩ ﺩﻭﻧﻴﺎﻧﻴﻦ ﻛﺎﻣﻴﻨﺎ ﺑﻨﺪﻡ!‬

‫ﺁﺭﺧﺎﻳﻴﻨﺎﻡ ﻣﻦ‬

‫ﻛﺆﻛﻮﻣﺪﻥ ﭼﻴﺨﻤﻴﺸﺎﻡ ﺑﻴﺮ ﺁﻏﺎﺝ ﻛﻴﻤﻲ‬


‫ﺁﻧﺠﺎﻕ ﺁﻳﺎﻕ ﺍﻭﺳﺘﻪ ﺩﻭﺭﻣﻮﺷﺎﻡ ﻫﻠﻪ‬
‫ﺩﺅﺭﺩ ﻳﺎﻧﻴﻢ ﺁﭼﻴﻖ ﺩﻱ‪،‬‬
‫…‪،‬ﺑﻮﺩﺍﻗﻼﺭﻳﻤﺪﺍﻥ‬
‫ﺣﺎﺭﺍ ﺳﺆﻳﻜﻪ ﻧﻤﻴﺸﻪ ﻡ‪ ،‬ﺑﻴﻠﻤﻴﺮﻩ ﻡ ﺑﺌﻠﻪ!‬
‫ﺍﺅﺯ ﺁﻧﺎ ﻳﻮﺭﺩﻭﻣﺪﺍ ﻏﺮﻳﺒﺴﻪ ﺳﻪ ﻣﺪﻩ‪،‬‬
‫ﺗﺎﻧﺮﻱ ﺩﺍﻥ ﺑﺎﺷﻘﺎﺳﻲ ﻳﻮﺧﻼﻳﻴﺮ ﻣﻨﻲ‬
‫ﺁﻧﺠﺎﻕ ﺁﺭﺧﺎﻳﻴﻨﺎﻡ‪،‬‬
‫ﭼﻮﻥ ﺑﻴﻠﻤﻴﺮﻩ ﻡ ﻛﻲ‪،‬‬
‫ﺍﻳﭽﻴﻤﺪﻩ ﻥ ﺑﻴﺮ ﻧﻔﺮ ﺳﺎﺧﻼﻳﻴﺮ ﻣﻨﻲ‪،‬‬
‫ﺁﺭﺧﺎﻳﻴﻨﺎﻡ ﺣﻠﻪ‪ ،‬ﺁﺭﺧﺎﻳﻴﻨﺎﻡ ﻣﻦ!…‬
‫ﻣﻦ ﺑﻴﺮ ﺷﺎﻋﻴﺮﻡ ﺳﺎﺩﻩ ﺟﻪ‬

‫ﻣﻦ ﺑﻴﺮ ﺷﺎﻋﻴﺮﻡ ﺳﺎﺩﻩ ﺟﻪ‬


‫ﻓﻴﻠﺴﻮﻓﻼﺭ ‪ ،‬ﮔﺆﺯﻩ ﻟﻠﻴﻴﻲ ﺩﻭﺷﻮﻧﻤﻚ ﺍﻳﺴﺘﺮ‪،‬‬
‫ﻣﻦ ﺍﻳﺴﻪ ﻳﺎﺷﺎﻣﺎﻕ‬
‫ﺳﻮﻳﻮﻥ ﻣﻨﻪ ﺑﻴﺮ ﮔﺌﺠﻪ‬
‫ﺍﺅﺯﻭﻧﻮ ﮔﺆﺳﺘﺮ!‬
‫ﺳﺎﻗﻴﻦ ﺁﻟﺪﺍﻧﻤﺎﻳﺎﺳﺎﻥ ﻫﺎ!‬
‫ﺁﺭﺍﺷﺪﻳﺮﻳﺠﻲ ﻻﺭ‪ ،‬ﭼﻴﭽﻪ ﻳﻲ ﺩﻳﺪﻳﺮ ﺑﻮﺭﺍﺩﺍ‬
‫ﺁﻟﻮﺋﺮﺟﻲ ﻟﺮ ‪ ،‬ﻛﭙﻨﻚ ﻟﺮﻳﻦ ﻟﺌﺸﻴﻦ‬
‫ﺷﻤﻊ ﺍﻳﻠﻪ ﻣﻮﻣﻴﺎ ﺍﺋﺪﻳﺮ ﺑﻮﺭﺍﺩﺍ‪،‬‬
‫ﺳﺎﻗﻴﻦ ﺁﻟﺪﺍﻧﻤﺎﻳﺎﺳﺎﻥ ﻫﺎ!‬
‫ﺩﻭﺷﻤﺎﻥ ﻗﻮﺭﺧﻮﺳﻮﻧﺪﺍﻥ ﺍﻳﺘﻴﻠﻤﻪ ﻳﻴﺐ ﭘﻴﭽﺎﻗﻼﺭ‬
‫ﺍﻳﺴﺴﻴﻨﻤﻚ ﺍﻳﭽﻴﻦ ﺩﺋﻴﻴﻠﻤﻴﺶ ‪ ،‬ﻗﻴﺸﻴﻦ ﮔﻮﻧﻮ ﺍﻭﺟﺎﻗﻼﺭ!‬
‫ﺁﺝ ﺍﻭﻭﺟﻮﻻﺭ‪،‬‬
‫ﻳﺎﺯ ﻣﮋﺩﻩ ﺳﻲ ﮔﺘﻴﺮﻥ ﻗﺎﺭﺍﻧﻘﻮﺷﻼﺭﻱ ‪،‬‬
‫ﮔﻮﺩﻭﺭ ﺑﻮﺭﺍﺩﺍ!‬
‫ﮔﻮﻧﺸﻲ ﺍﺅﺯﻟﻮﻳﻮﻧﺪﻩ ﺳﺌﻮﻥ ﻳﻮﺥ ﻛﻲ‪،‬‬
‫ﮔﻮﻧﺸﻴﻦ ﺑﺎﺗﻤﺎﻏﻴﻨﺎ ‪،‬‬
‫ﺍﻭﺯﻭﻟﻤﻪ ﻳﻴﺮ ﺑﻴﺮ ﻛﻴﻤﺴﻪ‪،‬‬
‫ﺳﺎﺩﻩ ﺟﻪ ﻗﺎﺭﺍﻧﻠﻴﻘﺪﺍﻥ ﺑﺌﺰﻳﺮﻟﺮ‪،‬‬
‫ﺳ‬ ‫ﺎ‬ ‫ﻗ‬ ‫ﻼ‬ ‫ﺉﻥ ﻫﺎ‬
‫ﻦ‬ ‫ﺁﺝﺮﺡﻧﻠﺎﻏ‬
‫ﻫﺎﻧﻲ!‬

‫ﻫﺎﻧﻲ ﺑﺎﺷﻴﻤﺪﺍﻛﻲ ﻧﺌﺸﻪ؟‬


‫ﻫﺎﻧﻲ ﻋﺆﻣﺮﻭﻣﻮ ﺳﻮﻧﺪﻭﻏﻮﻡ ﭘﺌﺸﻪ؟‬
‫ﻫﺎﻧﻲ ﺁﻧﺎﻡ ﻗﺪﻩ ﺭ ﺳﺌﻮﺩﻳﻴﻴﻢ ﻓﺎﺣﻴﺸﻪ؟‬
‫ﻫﺎﻧﻲ ﭘﻮﻟﻴﺴﻠﺮ؟‬
‫ﻛﻴﺸﻲ ﺳﻮﻣﻮﻳﻮﻧﺪﻥ ﻳﻮﻏﺮﻭﻟﻤﻮﺵ ﺑﺎﺗﻮﻡ ﺑﺌﻠﻠﺮﻳﻨﺪﻩ‪،‬‬
‫ﻗﺎﺩﻳﻦ ﺳﺎﭼﻴﻨﺪﺍﻥ ﻫﺆﺭﻭﻟﻮﻣﻮﺵ ﺷﺎﻟﻼﻕ ﺍﻟﻠﺮﻳﻨﺪﻩ‪،‬‬
‫ﻫﺎﻧﺴﻲ ﺩﻳﻠﻪ ﮔﻠﻤﺰ ﺳﺆﻳﻮﺵ ﺩﻳﻠﻠﺮﻳﻨﺪﻩ‪.‬‬
‫ﻫﺎﻧﻲ ﺣﻮﻛﻮﻣﺘﺪﻥ ﻗﻮﺭﺧﻮﻡ؟‬
‫ﻣﻨﻴﻢ ﻫﺌﭻ ﺑﻴﺮ ﻛﻴﻤﻴﻢ ﺍﻭﻻﺩﻱ‪،‬‬
‫ﺁﻧﺎﻡ ﺍﻭﻟﻤﺎﺩﻱ‪،‬‬
‫ﻗﻮﻳﻨﻮﻧﺎ ﮔﻴﺮﻩ ﻣﻪ ﺩﻳﻢ ﻛﻲ‬
‫ﺑﺎﺑﺎﻡ ﺍﻭﻟﻤﺎﺩﻱ ‪،‬‬
‫ﺟﺴﺎﺭﺗﻴﻨﻲ ﮔﺆﺭﻩ ﻣﻪ ﺩﻳﻢ ﻛﻲ‬
‫ﻫﺌﭻ ﺑﻴﺮ ﻗﺎﺩﻳﻨﻲ ﺳﺌﻮ ﻣﻪ ﺩﻳﻢ‬
‫ﺑﻴﺮﻳﺴﻴﻨﻲ ﺳﺌﻮﻳﻢ‪،‬‬
‫ﻧﻪ ﻳﺎﺯﻳﻖ‪،‬‬
‫ﻛﻨﺪﻳﻤﻲ ﺍﻭﻧﺎ ﺳﺌﻮﺩﻳﺮﻩ ﻣﻪ ﺩﻳﻢ ﻛﻲ‬
‫ﻫﺌﭻ ﺑﻴﺮ ﺍﻭﻏﻠﻮﻡ ﺍﻭﻟﻤﺎﺩﻱ‪،‬‬
‫ﺳﻮ ﺍﻳﭽﻤﻪ ﺩﻱ ﺍﻭﻭﻭﺟﻼﺭﻳﻤﺪﺍ‬
‫ﻫﺌﭻ ﺑﻴﺮ ﻗﻴﺰﻳﻢ ﺍﻭﻟﻤﺎﺩﻱ‪،‬‬
‫ﺳﺎﭼﻼﺭﻳﻨﻲ ﻫﺆﺭﻩ ﻣﻪ ﺩﻳﻢ ﻛﻲ!‬
‫ﺗﺎﻧﺮﻳﻤﻲ ﻓﻠﺴﻔﻪ ﺳﻮﺧﺎﻗﻼﺭﻳﻨﺪﺍ ﺍﻳﺘﻴﺮﺩﻳﻢ ﺑﻴﺮ ﮔﺌﺠﻪ ‪ ،‬ﻳﺎﻧﻠﻴﺰﺍﻡ‬
‫ﻋﺆﻣﺮﻭﻣﻮ ﺑﻴﺘﻴﺮﺩﻳﻢ ﺑﻴﺮ ﮔﺌﺠﻪ ‪ ،‬ﻳﺎﻧﻠﻴﺰﺍﻡ‬
‫ﺑﻮﺷﻠﻮﻏﺎ ﻳﺌﺘﻴﺮﺩﻳﻢ ﺑﻴﺮ ﮔﺌﺠﻪ ‪ ،‬ﻳﺎﻧﻠﻴﺰﺍﻡ‬
‫ﺳﻨﺖ ﺩﻩ ﺍﻧﺴﺎﻧﻠﻴﻖ ﻭﺍﺭ ‪،‬ﺍﻧﺴﺎﻥ ﻳﻮﺥ‪،‬‬
‫ﻣﻮﺩﺋﺮﻧﻴﺘﻪ ﺩﻩ ‪ ،‬ﺍﻧﺴﺎﻥ ﻭﺍﺭ‪ ،‬ﺍﻧﺴﺎﻧﻠﻴﻖ ﻳﻮﺥ‪،‬‬
‫ﻫﺌﭻ ﺑﻴﺮ ﻣﻜﺘﺒﻪ ﺍﺋﺮﻩ ﻣﻪ ﺩﻳﻢ ﻛﻲ‪،‬‬
‫ﺍﻳﻤﺎﻧﺴﻴﺰﻟﻴﻐﺎ ﺍﻳﻤﺎﻥ ﮔﺘﻴﺮﺩﻳﻢ ﺑﻴﺮ ﮔﺌﺠﻪ ‪ ،‬ﻳﺎﻧﻠﻴﺰﺍﻡ‪.‬‬
‫ﻫﺎﻧﻲ ﺑﺎﺷﻴﻤﺪﺍ ﻛﻲ ﻧﺌﺸﻪ؟‬
‫ﻫﺎﻧﻲ ﺩﺍﺭﻳﺴﻘﺎﻝ ﻛﻮﭼﻪ ﻟﺮ؟‬
‫ﻫﺎﻧﻲ ﻗﺎﺭﺍﻧﻠﻴﻖ ﮔﺌﺠﻪ ﻟﺮ‪،‬‬
‫ﻫﺎﻧﻲ ﻋﺆﻣﺮﻭﻣﻮ ﺳﻮﻧﺪﻭﻏﻮﻡ ﭘﺌﺸﻪ؟‬
‫ﻫﺎﻧﻲ ﮔﺆﺯﻟﺮﻳﻨﻪ ﻭﻭﺭﻭﻟﺪﻭﻏﻮﻡ ﻓﺎﺣﻴﺸﻪ؟‬
‫ﻫﺎﻧﻲ؟‬
‫ﻫﺎﻧﻲ؟!!!‬

‫ﻣﻦ ﺍﺅﻟﻪ ﺭﻡ ﺍﻳﻜﻴﻤﻴــﺰﻳﻦ ﻳﺌﺮﻳﻨﻪ‬

‫ﺑﻴﺮ ﮔﻮﻥ ﺑﻮ ﺳﺌﻮﺩﺍﻳﻪ ﺍﺅﻟﻤﻪ ﻟﻲ ﺍﻭﻟﺴﺎﻕ‬


‫ﻣﻦ ﺍﺅﻟﻪ ﺭﻡ ﺍﻳﻜﻴﻤﻴــﺰﻳﻦ ﻳﺌﺮﻳﻨﻪ‬
‫ﺁﻏﻼﺳﺎﻕ ﮔﺆﺯﻭﻣﻮﺯ ﻳﺎﺷﺎﺭ ﺳﺎ ﺑﻴﺮ ﻭﺍﺧﺖ‬
‫ﻣﻦ ﺳﻴﻠﻪ ﺭﻡ ﺍﻳﻜﻴﻤﻴــﺰﻳﻦ ﻳﺌﺮﻳﻨﻪ‬
‫*‬
‫ﺩﻭﻧﻴﺎﻧﻴﻦ ﻏﻤﻴﻨﻲ ﺑﺆﻟﻮﺷﺴﻚ ﭼﻴﭽﻚ‬
‫ﻫﺎﻣﻴﺴﻴﻦ ﺁﻻﺭﺍﻡ ﻗﻠﺒﻴﻤــﻪ ﺗﻚ – ﺗﻚ‬
‫ﺩﻭﻧﻴــﺎﻧﻴﻦ ﻟﺬﺗﻴﻦ ﺑﺆﻟﻤﻚ ﺍﻳﺴﺘﻪ ﺳﻚ‬
‫ﻣﻦ ﺑﺆﻟﻪ ﺭﻡ ﺍﻳﻜﻴﻤﻴـــــﺰﻳﻦ ﻳﺌﺮﻳﻨﻪ‬
‫*‬
‫ﺳﻨﻲ ﭼﺎﻟﺪﻱ ﻣﻨﺪﻥ ﺁﭘــــﺎﺭﺩﻱ ﺑﻴﺮﻱ‬
‫ﻳﻮﺧﺪﻭ ﺳﺌﻮﮔﻴﻤﻴﺰﻩ ﻫﺌﭻ ﺍﻭﻣـﻮﺩ ﻳﺌﺮﻱ‬
‫ﺩﺍﻱ ﮔﺆﺭﻭﺵ ﻳﺌﺮﻳﻨــﻪ ﺑﻮﮔﻮﻧﺪﻥ ﺑﺮﻱ‬
‫ﻣﻦ ﮔﻠﻪ ﺭﻡ ﺍﻳﻜﻴﻤﻴـــــــﺰﻳﻦ ﻳﺌﺮﻳﻨﻪ‬
‫*‬
‫ﺍﺅﻟﻮﺭﻡ ﺑﻮ ﮔﺌﺠﻪ ﻣﻨــــــﻲ ﻳﻮﺧﻼﻣﺎ‬
‫ﺟﻴﺮ ﺷﻜﻴـــﻞ ﻟﺮﻳﻤﻲ ﻫﺌﭻ ﻧﻪ ﺳﺎﺧﻼﻣﺎ‬
‫ﻣﻨﻴﻢ ﭼﻴــــﻦ ﺩﺍﺭﻳﺨﻴﺐ ﮔﻴﺰﻟﻲ ﺁﻏﻼﻣﺎ‬
‫ﻣﻦ ﻣﻠﻪ ﺭﻡ ﺍﻳﻜﻴﻤﻴــــــــﺰﻳﻦ ﻳﺌﺮﻳﻨﻪ‬
‫*‬
‫ﺑﻴﻠﻴـــــــﺮﻡ ﻳﺎﺩ ﺍﻳﻮﻳﻦ ﮔﻠﻴﻨﻲ ﺳﻦ ﺳﻦ‬
‫ﻳﻮﻝ ﺍﻭﺳﺘﻮﻧﺪﻩ ﭼﻴﺨﺴﺎﻕ ﺍﻭﺯ – ﺍﻭﺯﻩ ﺑﻴﺮﺩﻥ‬
‫ﺍﻭﺗﺎﻧﻴﺐ ﺍﻭﺯﻭﻣــــــــﻪ ﮔﻮﻟﻪ ﺑﻴﻠﻤﻪ ﺳﻦ‬
‫ﻣﻦ ﮔﻮﻟﻪ ﺭﻡ ﺍﻳﻜﻴﻤﻴـــــــــﺰﻳﻦ ﻳﺌﺮﻳﻨﻪ‬
‫*‬
‫ﺑﻴﺮ ﮔﻮﻥ ﺑﻮ ﺳﺌﻮﺩﺍﻳﻪ ﺍﺅﻟﻤﻪ ﻟﻲ ﺍﻭﻟﺴﺎﻕ‬
‫ﻣﻦ ﺍﺅﻟﻪ ﺭﻡ ﺍﻳﻜﻴﻤﻴــﺰﻳﻦ ﻳﺌﺮﻳﻨﻪ‬

‫ﺳﻮﻧﺮﺍ ﺳﻦ ﺩﻭﻏﻮﻟﺪﻭﻥ‬
‫ﺳﻮﻧﺮﺍ ﺳﻦ ﺩﻭﻏﻮﻟﺪﻭﻥ‬
‫ﻣﻨﻴﻢ ﻳﺎﻟﻨﻴﺰﻟﻴﻐﻴﻤﺎ‬
‫ﺁﭼﻴﻖ ﺩﺋﺴﻢ ﺩﻭﻏﺮﺳﻮ‬
‫ﺁﻧﺎﻧﻴﻦ ﺑﻄﻨﻴﻨﺪﻥ ﻗﻮﻭﻭﻟﺪﻭﻥ‬
‫ﺑﻴﺰ ﻳﺎﺗﻤﺎﺩﺍﻥ ﺗﺎﻡ ﺁﻳﻴﻘﺠﺎﺳﻴﻨﺎ‬
‫ﺍﻥ ﺩﻫﺸﺘﻠﻲ ﻛﺎﺑﻮﺳﻼﺭ ﮔﻮﺭﺩﻭﻙ‬
‫ﻭ ﻏﻴﺮﺕ ﺑﺎﺯﺍﺭﻳﻨﺪﺍ ﺑﻴﺮ ﭘﺎﺭﺍﻳﺎ ﺳﺎﺗﻴﻠﻤﻴﺶ ﻧﺎﻣﻮﺳﻼﺭ ﮔﻮﺭﺩﻭﮒ‬
‫ﺑﻮﺵ ﻭﺋﺮ ﺟﺎﻧﻴﻢ!‬
‫ﺍﺗﺎﻧﻴﻦ ﮔﺆﺯﻭﻧﺪﻥ ﺩﻭﺷﻤﻮﺵ‪-‬‬
‫ﺁﻧﺎﻧﻴﻦ ﺑﻄﻨﻴﻨﺪﻥ ﻗﻮﻭﻭﻟﻤﻮﺷﻼﺭﻳﻖ ﺑﻴﺰ‬
‫ﺑﻮﺵ ﻭﺋﺮ ﺟﺎﻧﻴﻢ‬
‫ﺍﺅﻟﻮﻣﻪ ﺩﻭﻏﻮﻟﻤﻮﺷﻼﺭﻳﻖ ﺑﻴﺰ‬
‫ﺑﻴﺰ ﻳﺌﻠﻠﺮﺟﻪ ﺍﺅﺯﮔﻮﺭ‪ ،‬ﻗﻮﺷﻼﺭﺟﺎ ﺁﺯﺍﺩ ﻣﺤﺒﻮﺳﻼﺭ ﮔﺆﺭﺩﻭﻙ‬
‫ﺗﺌﺮﻳﺒﻮﻥ ﺁﺭﺧﺎﺳﻴﻨﺪﺍ‪،‬‬
‫ﻳﺎﺷﺎﻣﻲ ﻭﺋﺘﻮ ﺍﺋﺪﻳﺮ ﺑﻴﺮ ﺳﺲ‬
‫ﺍﻭﻣﻮﺩ ﻭﺋﺮﻳﺮ ﺍﻳﻨﺘﻴﺤﺎﺭﺍ‬
‫‪،‬ﻛﻴﻤﺴﻪ ﻳﻪ ﺑﻮ ﮔﺌﻨﻴﺶ ﺩﻭﻧﻴﺎﺩﺍ ﻗﺒﻴﺮ ﺁﺯﻟﻴﻐﻲ ﻳﻮﺥ«‪-‬‬
‫ﺑﺎﻏﻴﺮﻳﺮ ﻧﻔﺲ – ﻧﻔﺲ‬
‫ﺗﺌﺮﻳﺒﻮﻥ ﺁﺭﺧﺎﺳﻴﻨﺪﺍ ﺧﻴﺮﻳﻠﺘﻲ ﻟﻲ ﺑﻴﺮ ﺳﺲ‬
‫ﺍﻟﻴﻦ ﻳﺎﺯﻳﻢ ﻳﺎﺭﻳﻤﭽﻴﻠﻴﻖ ﻳﺎﺯﻳﻠﻴﺐ ﺟﺎﻧﻴﻢ‬
‫ﻭ‬
‫ﻃﻼﻋﻴﻤﻴﻦ ﺳﻮﻥ ﺻﺤﻴﻔﻪ ﻟﺮﻱ ﺁﻍ – ﺁﭘﭙﺎﻕ ﺑﻮﺭﺍﺧﻴﻠﻤﻴﺶ‬
‫ﺑﻴﺰ ﺍﺅﻟﻤﻪ ﺩﻥ ﻗﺒﺮﻳﻤﻴﺰ ﻗﺎﺯﻳﻠﻴﺐ ﺟﺎﻧﻴﻢ‬
‫ﺳﻮﻥ ﭼﺎﺑﺎﻣﻴﺰ ﺩﻳﺮ ﺑﻮ ﺯﻫﺮ ﻟﻲ ﻫﺎﻭﺍﺩﺍﻥ ﻧﻔﺲ ﭼﻜﻤﻪ ﻳﻪ‬
‫‪ -٢٣‬ﺍﻳﻠﺪﻳﺮ ﺑﻮﻏﻮﻟﻤﻮﺷﻼﺭﻳﻖ ﺑﻴﺰ‬
‫ﺍﺅﻟﻤﻮﺷﻮﻙ‪،‬‬
‫ﺩﻳﺮﻳﻠﻤﻪ ﻳﻪ ﺍﻭﻣﻮﺩ ﻳﻮﺥ‪،‬‬
‫‪ -٢٣‬ﺍﻳﻠﺪﻳﺮ ﺩﻭﻏﺮﻭﺳﻮ ﺍﺅﻟﻮ ﺩﻭﻏﻮﻟﻤﻮﺷﻼﺭﻳﻖ ﺑﻴﺰ‬
‫ﺣﻴﺮﺳﻴﻤﺪﺍﻥ ﺩﻳﺮﻧﺎﺛﻼﺭﻳﻤﻲ ﺑﻴﻠﻚ ﻟﺮﻳﻤﻪ ﻗﺪﻩ ﺭ ﭼﺌﻴﻨﻪ ﺩﻳﻤﺴﻪ ﺣﺎﻗﻠﻲ ﻳﺎﻡ‬
‫ﺁﻏﻼﻳﻴﺐ – ﺳﻴﺰﻻﻳﻴﺐ – ﮔﺆﻳﻨﻪ ﺩﻳﻤﺴﻪ ﺣﺎﻗﻠﻲ ﻳﺎﻡ‬
‫ﺍﻳﭽﻪ ﺭﻳﻢ ﻗﻮﺭﺧﻮﻻﺭﻻ ﺩﻭﻟﻮ‬
‫ﺍﺅﻟﻮﻡ ﻗﻮﺭﺧﻮﻟﻮﺩﻭﺭ ‪،‬‬
‫ﻳﺎﺷﺎﻳﻴﺶ ﺍﻭﻧﺪﺍﻥ ﺩﺍ ﻗﻮﺭﺧﻮﻟﻮ!‬
‫ﺑﻮﺵ ﻭﺋﺮ ﺟﺎﻧﻴﻢ‬
‫ﺁﺗﺎﻣﻴﻦ ﻗﻮﺭﻭﻣﻮﺵ ﻟﺌﺸﻴﻦ ﺍﻭﺗﺎﻏﻴﻤﺪﺍﻥ ‪،‬‬
‫ﺯﻳﺒﻴﻞ ﻛﻴﻤﻲ ﺳﻮﭘﻮﺭﻩ ﺑﻴﻠﻤﻢ‪،‬‬
‫ﺁﻧﺎﻣﻴﻦ ﺩﺅﺷﻮﻧﺪﻥ ﺃﻣﺪﻳﻴﻢ ﺳﻮﺗﻮ‪،‬‬
‫ﻗﺎﻳﺘﺎﺭﻳﺐ ﺍﻭﺯﻭﻧﻪ ﺗﻮﭘﻮﺭﻩ ﺑﻴﻠﻤﻢ‪،‬‬
‫ﻧﻪ ﻳﺎﺯﻳﻖ ﻳﺌﻨﻪ ﺩﻩ‪،‬‬
‫ﺁﺗﺎﻧﻴﻦ ﮔﺆﺯﻭﻧﺪﻥ ﺩﻭﺷﻤﻮﺵ ‪،‬‬
‫ﺁﻧﺎﻧﻴﻦ ﺑﻄﻨﻴﻨﺪﻥ ﻗﻮﻭﻭﻟﻤﻮﺷﻼﺭﻳﻖ ﺑﻴﺰ‬
‫ﺩﻟﻲ ﺗﻚ ﺑﻴﺮ ﻋﺆﻣﻮﺭ ﺳﻮﺭﺩﻭﻙ‪،‬‬
‫ﻛﻴﻤﺴﻪ ﺑﻴﺰﻱ ﺁﻧﻼﻣﺎﺯ‬
‫ﺑﻴﺰ ﻫﺎﻣﻴﻨﻴﻦ ﮔﺆﺭﻩ ﻣﻪ ﺩﻳﻴﻲ‪،‬‬
‫ﺳﺎﺗﻴﻨﺎ ﻗﻮﻳﻮﻟﻤﻮﺵ ﻧﺎﻣﻮﺳﻼﺭ ﮔﺆﺭﺩﻭﻙ‪،‬‬
‫ﺑﻴﺰ‪،‬‬
‫ﻳﺌﻠﻠﺮﺟﻪ ﺁﺯﺍﺩ ﻣﺤﺒﻮﺳﻼﺭ ﮔﺆﺭﺩﻭﻙ!‬
‫ﺍﻳﭽﻪ ﺭﻳﻢ ﻗﻮﺭﺧﻮﻻﺭﻻ ﺩﻭﻟﻮ‬
‫ﺍﺅﻟﻮﻡ ﻗﻮﺭﺧﻮﻟﻮﺩﻭﺭ ‪،‬‬
‫ﻳﺎﺷﺎﻳﻴﺶ ﺍﻭﻧﺪﺍﻥ ﺩﺍ ﻗﻮﺭﺧﻮﻟﻮ!‪...‬‬

‫ﺑﻴﺮ ﺯﺍﻣﺎﻥ!‬
‫ﺑﻴﺮ ﺯﺍﻣﺎﻥ ﺍﻭﺯﻭﻟﻪ ﺭﺩﻳﻦ ﺑﻴﺮ ﺁﺯ‬
‫ﻫﺌﭻ ﻧﻪ ﺍﻭﻟﻤﺎﺩﺍﻥ ﺁﻏﻼﺭﺩﻳﻦ‬
‫ﺗﻜﺠﻪ ﺍﻭﺭﻩ ﻳﻴﻤﻲ ﻛﺆﻭﺭﻩ ﺗﻤﻚ ﺍﻳﭽﻴﻦ‬
‫ﺗﻜﺠﻪ ﺳﻨﻲ ﻋﺎﺩﻳﺠﻪ ﻗﻮﺟﺎﻗﺎﻳﻴﺐ ‪،‬‬
‫ﺍﻭﺗﺎﻧﺠﺎﻕ ﻛﻨﺪﻳﻨﻲ‪،‬‬
‫ﻛﻨﺪﻳﻤﻪ ﺍﺅﻳﺮﺗﻤﻚ ﺍﻳﭽﻴﻦ‬
‫ﺍﻭﻣﻮﺯﻻﺭﻳﻤﺎ ﻗﻮﻳﺎﺭﻳﻦ ﺑﺎﺷﻴﻨﻲ‬
‫ﺗﺆﻛﺮﺩﻳﻦ ﮔﺆﺯﻟﺮﻳﻨﻴﻦ ﺳﺎﺧﺘﺎ ﻳﺎﺷﻴﻨﻲ‬
‫ﺍﻭﻭﻭﻧﻮﺏ ﮔﻮﻟﻪ ﺭﺩﻳﻦ ﺑﻴﺮ ﺁﺯ‬
‫ﺑﻴﺮ ﺯﺍﻣﺎﻥ ﺍﻭﺯﻭﻟﺮﺩﻳﻦ ﺑﻴﺮ ﺁﺯ‬
‫ﺍﻭﺷﺎﻕ ﻛﻴﻤﻲ ﺃﻟﻠﺮﻳﻤﻲ ﻛﺆﻛﺴﻮﻣﻪ ﺩﺅﻳﻪ ﺭﺩﻳﻢ‬
‫ﺳﺌﻮﮔﻴﻤﻴﺰﻱ ﺑﺆﻳﻮﻛﻠﺮﻩ ﻳﻮﺥ‪،‬‬
‫ﺣﺎﻻﻝ ﺳﻮﺕ ﺃﻣﻤﻴﺶ ﺍﻭﺷﺎﻗﻼﺭﺍ ﺍﺅﻳﻪ ﺭﺩﻳﻢ‬
‫ﻗﻴﺸﻴﻦ ﺷﺎﺧﺘﺎﺳﻴﻨﺪﺍ‪،‬‬
‫ﺃﻧﮕﻲ ﻳﺎﺧﺎﺳﻴﻨﺎ ﻛﺌﭽﻤﻴﺶ ﺍﻭﺷﺎﻗﻼﺭﺍ‪،‬‬
‫ﺑﻴﻠﻴﺮ ﺳﻴﺰﻣﻲ؟ ‪“ -‬ﭼﻴﭽﻚ ﺍﻭﺩ ﭘﺎﺭﭼﺎﺳﻴﺪﻳﺮ ﺩﺋﻴﻪ ﺭﺩﻳﻢ“!‬
‫ﻣﻦ ﺳﻨﻲ ﺩﻟﻲ ﺗﻚ ﺳﺌﻮﺭﺩﻳﻢ‪،‬‬
‫ﺳﻦ ﺩﻩ ﻣﻨﻴﻢ ﭼﻴﻦ ﺍﺅﻟﻪ ﺭﺩﻳﻦ ﺑﻴﺮ ﺁﺯ‬
‫ﺑﻴﺮ ﺯﺍﻣﺎﻥ ﺍﻭﺯﻭﻟﻪ ﺭﺩﻳﻦ ﺑﻴﺮ ﺁﺯ‬
‫ﺳﻨﻲ ﻗﻮﻧﺎﻗﻼﺭﺩﻳﻢ ﺑﻴﺮ ﮔﺌﺠﻪ ‪،‬‬
‫ﺑﺒﻪ ﻳﻴﻤﺠﻪ ﺳﺌﻮﺩﻳﻴﻴﻢ ﻛﻴﺘﺎﺑﻼﺭﻳﻤﻲ ‪،‬‬
‫ﺑﻴﺮ ﻗﺎﺭﻳﻦ ﻳﺌﻤﻪ ﻳﻪ ﺳﺎﺗﺎﺭﺩﻳﻢ ﮔﻴﺰﻟﻴﺠﻪ‪،‬‬
‫ﺁﻣﺎ ﺳﻦ ﺍﻳﭽﻪ ﺭﻳﻦ ﺩﻳﺸﺎﺭﻳﻦ ﻛﻴﻤﻲ‬
‫ﻣﻨﻲ ﻗﻮﻧﺎﻗﻼﺭﺩﻳﻦ ﺑﻴﺮ ﮔﺌﺠﻪ‬
‫ﺳﻮﻧﺮﺍ ﺟﻴﺒﻴﻨﺪﻩ ﻛﻲ ﻳﺎﻭﺍﻥ ﭼﺆﺭﻩ ﻛﺪﻥ ﺳﺎﺩﻩ ﺟﻪ‬
‫ﻣﻨﻴﻢ ﭼﻴﻦ ﺑﺆﻟﻪ ﺭﺩﻳﻦ ﺑﻴﺮ ﺁﺯ‬
‫ﺑﻴﺮ ﺯﺍﻣﺎﻥ ﺍﻭﺯﻭﻟﻪ ﺭﺩﻳﻦ ﺑﻴﺮ ﺁﺯ‬
‫ﺳﻮﻧﺮﺍ ﺑﺆﻳﻮﺩﻭﻥ‬
‫ﺩﻭﻏﺮﻭﺳﻮ ﺑﺆﻳﻮﻙ ﺍﻭﻟﺪﻭﻏﻮﻧﻮ ﺩﻭﻳﺪﻭﻥ‬
‫ﻭﺍﺅﻳﺮﻧﺪﻳﻦ ﺑﺆﻳﻮﻛﻠﺮﻩ ﺍﻭﺷﺎﻕ ﻗﺎﻟﻤﺎﻏﻴﻦ ﻳﺎﺭﺍﻣﺎﺩﻳﻐﻴﻦ‬
‫ﺍﻭﻟﺴﻮﻥ ﭼﻴﭽﻚ!‬
‫ﻫﺌﭻ ﺩﻩ ﺍﺅﻧﻪ ﻣﻠﻲ ﺩﺋﻴﻴﻞ ‪،‬‬
‫ﻣﻨﻲ ﺑﻮ ﺣﺎﻟﻴﻤﺪﺍ ﺁﺭﺍﻣﺎﺩﻳﻐﻴﻦ‬
‫ﻧﺎﻧﻜﻮﺭﻟﻮﻕ ﻣﻨﻴﻢ ﻛﻴﻤﻲ ﺳﻴﻨﻪ ﻳﺎﭘﻴﻼﺭﻣﻲ؟‬
‫ﺩﻭﻧﻴﺎﻧﻲ ﮔﺰﺳﻢ ﺳﻨﻴﻦ ﻛﻴﻤﻲ ﺗﺎﭘﻴﻼﺭﻣﻲ؟‬
‫ﻗﺎﻧﻴﻨﻲ ﺍﻳﭽﻴﺐ ﻛﺌﻔﻠﻪ ﻧﻴﻤﻤﻲ ﺑﻮﻧﺠﺎ؟‬
‫ﻗﺎﻧﻴﻨﺎ ﻳﺌﺮﻳﻜﻠﻪ ﻳﻴﻤﻤﻲ ﺩﻭﻳﻮﻧﺠﺎ؟‬
‫ﺍﻭﻟﺴﻮﻥ ﭼﻴﭽﻚ!‬
‫ﺑﻮﻳﻮﺩﻭﻛﺠﻪ ﺍﻭﻧﻮﺗﺪﻭﻥ ﻛﻲ ﻣﻦ ﺳﻨﻲ ﺳﺌﻮﺭﺩﻳﻢ ﺩﻟﻲ ﺗﻚ‬
‫ﺳﻦ ﺩﻩ ﻣﻨﻴﻢ ﭼﻴﻦ ﺍﺅﻟﻪ ﺭﺩﻳﻦ ﺑﻴﺮ ﺁﺯ‬