You are on page 1of 4

Editor

in Chief : Lalnunsanga Fanai (9862120903)


Editor : Chanchinmawia (9615820416)
Jt. Editor: C. Zonunpuia (9862022375)
News Ed.: Andrew Zohmangaiha (9615327196)

Lalhmachhuana (9615316783)
Cir. Mag. : Lalramzauva Chawngthu (8575462587)

OB i/c : T. Daniala

Vengthlang Branch YMA Chanchinbu


Phek
2

Tuialhthei Dinhmun
MIZOFED (8414965293)
12:00 Noon - 3:00 PM
Petrol : Tanky Full (55.86)
Diesel : Tanky Full (45.60)
Fa nei thar
Pu K. Laldinthara (V-Sec) te
chuan
ni
29.3.2015
(Thawhlehni) khan Falkawn
Damdawi Inah fapa duhawm
tak a nei. Kan lawmpuiin dam
taka an rawn haw theih nan
duhsakna kan hle e.
Kawlphetha kan nei dawn lo
Tunkar Thawhtanni leh
Thawhlehni hian zing dar 9
atanga tlai dar 4 thleng 132
KV Sub-Station, Zuangtui-ah
khawl tlak leh siam rem a nih
dawn avangin hemi hun
chhung hian Champhai
khawpui chuan kawlphetha
kan nei dawn lo.
In entir turin kal
Tv. Ricky Hmingthansanga
(K-Sec) chu nimin chawhnu
khan Mumbai-ah inentir turin
a kal. Dam taka a lo haw theih
nan i tawngtaipui ang u.
YMA Chhang pual
Ni 4.4.2016 (Thawhtanni)
zing dar 9 atanga tan tur YMA
Chhang
Sports
chu
Chhangphut Field ah neih a ni
dawn ta. Intihsiakna tur te chu
1) Football 2) Kawlngolen 3)
Dodge Ball te a ni ang.
Kawlngolen a tel lo
chuan Football an khel thei lo
dawn lo a, Football a tel tur hi
kum 15 hnuai lam ni 1.1.2001
hnulam a piang a ni tur a ni.
Population Register hmanga
endik leh vek tur a nih avangin
kum bithliah ang hi zawm hram
hram turin min ngen a. Hemi ni
a ei leh in erawh Section
hruaituten mahni Section theuh
buaipui tur a ni ang.

Kum : XXV

Vawi : 12 Tahrik Ni : 3 Tau thla (April) 2016

Phek
3

Phek
4

Ni 3 Tau Thla 2016: Ni 31.3.2016 (Ningani) zan khan


Vengthlang Branch YMA Executive Committee Vawi
3-na chu Vice President Tv. C. Lalthanpuia
kaihhruaina hnuaiah tluang taka neih a ni.
Thurel tlangpui te :
1) Sub-Hqrs. YMA Conference kal dan tur
chungchang : Ni 5-7 April, 2016 chhunga Hnahlan
a Sub-Headquarters YMA Champhai Conference neih
turah member a tam thei ang ber kal ni se, a kal duh
te ni 3.4.2016 (Pathianni) aia tlai lovah Branch OB te
hnenah in report tur a ni.
2) Lehkha lut :
a) Vanapa Section atangin : Vanapa Section
in Chhiatni/Thatni Inkhaihhruaina Dan a bu a siam a
Vengchhunga Section sum tuak nana zawrh an dil chu
an dil ang hian phalsak a ni.
b) Neuva Section atangin : Neuva Section
Treasurer Nl. Lalparmawii Colney in Section hruaitu
atanga chawlh a rawn dil chu Branch Committee in a
pawm a, Neuva Section Treasurer atan hian Nl. Rosy
Lalramnghaki chu Branch Committee in a ruat nghal
a ni.
c) YMA Palai atangin : YMA Palai enkawltuten
kumin 2016 YMA Palai Silver Jubilee lawm dan tur
an rel chu Branch Committee hian pawmpuiin hma lo
la turin Organising Committee a ruat nghal, chungte
chu:
Chairman
: Tv. C. Lalthanpuia
Vice Chairman : Pu Lalnunsanga Fanai
Secretary
: Pu C. Zonunpuia
Heng te hian an thawhpui tur member an duh
chuan an ruat belh thei ang.
d) Mitthi buhfai khawn chungchang : Mi
thahnem ngaiten mitthi buhfai khawn chungchangah
lehkha an rawn theh luh chu ngaihtuahin kumin
chhung chu kan kal dan pangngaiin kalpui phawt nise
an ti.

YMA Chhang pual


Tuna MSL2 khelh mekah Vengthlang tlangval C. Hmingthanmawia
Zarkawt Serpents a khel mek chu ni 1.4.2016 (Zirtawpni) khan
Semi-Final ah Point 2 in an vanduai. Tv. C. Hmingthanmawia hi
Zarkawt Serpents ah hian Captain a ni mek a ni.

Kristian nundan tha ngaihsan

Member Chhuanawm
@ Joseph Lalfakawma s/o H.
Vanlalhriata (V-Sec) chuan
Bachelor of Physioterapy,
Navodaya College of Physiotherapy, Raichur, Karnataka
atangin tha takin a rawn zo.
@ Lalhmingsanga c/o
Suakthuami (T-Sec) chuan
Christian Medical College,
Vellore atangin MBBS tha
takin a rawn pass bawk.
Dr Joseph Lalfakawma leh Dr
Lalhmingsanga te kan lawmpui
takzet a che u .
@MSU buatsaih MPSC
Challeng Inter College Quiz
Competition neih zawh takah
kan member Nl. Zosiampuii d/
o R. Rammawia (T-Sec) leh
Tv. Kennedy Remruatsanga,
Govt. Champhai College te
chu Mizoram pumah pakhatna
a ni. Kan lawmpui takzet e.
In report theih
April ni 5-7, 2016 chhunga
Sub-Hqrs. YMA Champhai
Conference, Hnahlan a neih
turah kal duhte tan ni 3.4.2016
(Pathianni) aia tlai lovah
Branch Secretary te hnenah in
report tur a ni a. In report si lo
kal kan awm a, harsatna kan
tawk a nih chuan Vengthlang
Branch YMA in mawh a phur
lo ang.
Neuva Section
Section Budget tuak nan Neuva
Section chuan Sub-Hqrs. YMA
Conference denchhenin YMA
Necktie (Nghawngawrh) an
zawrh tur chu an chah thleng ta.
Tin, Necktie hi vengchhungah
pawh an rawn zuar kual dawn
a, tlawmngaia lo dawr theuh
turin Neuva Section hruaitute
chuan vengchhung mipuite min
ngen.

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE
President
: C. Laltanpuia
9615021656
Vice President : C. Lalthanpuia
9862657366
Secretary
: T. Daniala
9862614163
Asst.Secretary : Lalhmachhuana Fanai 9615030822
Treasurer
: H. Lalthanmawia
9862936734
Fin. Secretary : F. Vanlalliana
9615558817

YMA ADVISER
Pu RC Zahlira
Pu C. Vanlalnema
Pu PC Zohlira
Pu K. Rochhunga

KHUANGCHERA SECTION
Leader
Asst Leader
Secretary
Asst. Secretary
Treasurer
Fin. Secretary

: C. Vanlalpeka
: Lalawmpuia Sailo
: K. Lalramnghaka
: KC Zohmingsanga
: Siamhmingthangi
: Lalthangmawia Kawlni

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21
RILRU HRISEL ( MENTAL HEALTH )
Dr.C.Lalhrekima

Rawngbawlna kan
hmuh danah hian tam tak hi
chu inngaihtuah that kan ngai
niin a lang. Khawtlang
rawngbawlna, YMA kaltlanga kan thawh hi
tlawmngaihna
hmanga
thawh a ni a. Kan tum hi kan
thelh deuh ni te hian a hriat
thin. Tlawmngai tur ni si
midangte kuta innghah hreh
lo kan pung a, tlawmngai
chunga midang phut tlat kan
bang chuang bawk hek lova.
Khawtlang
tana
kan
rawngbawlna hi mahni
zawnah thahnemngai leh
tlawmngai takin thawk ta
mial mial mai ila, kan fihlim
tlang ngawtin a rinawm.
Mizo
society-ah
chuan
Kohhran
leh
khawtlanga inhmanna tur a
tam a, a inhmang deuh tan
phei chuan zan awl a neih
theih miah loh. Kohhran
rawngbawlna a hautak rualin
khawtlang rawngbawlna
pawh a hautak bawk a.
Mihring kan buai ve tawk
tawh avangin thlauhthlak
then hi neih a ngaihna chen a
awm a. Hemi kawngah hian
tam takin YMA leh Kohhran
Thalai pawl indotir kan tum
thin. Kan indotir dawn chuan
indo theih tak tur pawh a ni.
Mahse khawtlanga tana
inpete hi Kohhranah an lang
tam thei lo, chutiang bawkin
Kohhran lamah pawh a ni tho
bawk. Hunin min daih lova,
chaknain a tlin lo tih hi i
pawm thiam ang u. Kan phak
tawka a pahniha tlawmngai
taka penchhuak tur erawh
chuan thalai kan tan lehzual a
ngai tih erawh a chiang thung.

Rilru hrisel tih hi tawngkam mawi tak, ril tak, thu tam tak pai, tawi tea sawi fiah
kim mai theih loh a ni a. Vanram kawtchhuah hnaih kuarna khawpa thu ril leh pawimawh
a ni. Mahni inhriat chian te, mi dang nen inlaichinna tha siam dan te, chhungril rilru so
(emotion) kan nunpui dan te, harsatna kan tawh tuma kan hmachhawn thiam theihnate
hi rilru hriselin a ken a ni. Mi rilru hrisel chuan a rilru so a thunun thiam a, mahni
inhrechiangin mi dang nen hlim takin an chengho thei a, nun kawnga harsatnate huaisen
takin a hmachhawn thei a. Thawkchhuak nun, nun tangkai leh nun hlimawm tak a hmang
thin. Hriselna hian taksa (physical), rilru (mental) leh thlarau (spiritual) damna piah lamah
mi dang nena hlim taka nunho theihna (social health) a keng tel vek a. Mizote hian taksa
damna leh thlarau damna hi chu kan ngai pawimawh khawp mai. Thlarau damna atana
camping / Bethel / Kelkang kal lo pawh kan awm tawh awm lo e! Taksa damna pawh
kan zawng nasa.
Kan damdawi In lian ber ni rih Aizawl Civil Hospital-ah ringawt khuan ni kum
2015 chhung khan damlo mi 4,00,627 zuk inentir a! Rilru lam inentirnaah chuan kum
2015 chhung khan mi 3347 chauh an kal thung. Mizote hian rilru hriselna lam kan hriat
dan leh kan thlir dan a la dik tawk loh avangin rilru lam thiamte kan pan lo a ni mai thei.
Rilru lama harsatna nei deuh chu mi a emaw kan ti ngawt zel. At leh at loh hi a tehfunga
kan hmang ngawt maite hi a dik tawk lo. Atna lo hi rilru lama harsatna a tam lutuk.
Rilru lam natna (mental illness) nei lem lo zingah rilru hrisel si lo kan awm teuh
ang. Rilru hrisel tih hi rilru lam natna nei lo tihna a ni ngawt si lo a. At loh emaw, hlim
lohna hran neih loh emaw, hlauhthawn neih loh tihna a ni satliah lo. Rilru hrisel tih chu
nungchang leh rilru puthmang dik nei sawina a ni zawk. Rilru daktawr pante hi thih
hreha hreh kan awm thin. Psychiatry ward-a awm ngai, mahse mi a ward emaw ti tlata
awm duh hauh si lo ka tawng fo tawh. Mi a nih duh lo, rilru hrisel si lo hi kan tam awm mang
e tihte ka ngaihtuah a.
Mahni tana tha pawh hre lo, duhsaktute duhsakna awka pawh zawm duh lo,
mahnia duhthlanna dik siam thei bawk si lo, chapo ve viau ringawtte hi mi a an nih loh
pawhin rilru hrisel an ni dawn em ni? Nupui fanaute ei ai zawng zawng in zo tu, chhungkaw
tlakbal vek hnial lo khawpa ruihhlo ngaite hian mi a nih chu an hreh khawp! Mahni ta
ni lo pawh lak duh zel mai, mi dangte chanai chhuhsaka mi tana harsatna siam thin,
mawi leh mawi lo pawh thlu lova mahni tanghma chiah ngaihtuahte hian mi a tih chu an
duh hauh lo ang a, mahse an rilru hi a dik dawn em ni le? Thalai, pang dam luau si,
hnathawk peih der si lova ei leh in duh tui ve phian, incheina uar hlur mai, phunchiar zet
si, nupui neih na chang hre fu, chawm tum der si lote hi mi rilru hisel an ni dawn em ni?
Harsatna kan tawh hma, kan at hma, kan buai hma, kan rilru a nat hma, kan mut theih
loh leh chaw ei tui loh hma, intihhlum hial kan duh hma chuan mental health hi buaipui
turah kan ruat lem lo thin. Taksa hriselna tura tih tur leh tih theih a tam ang chiah hian
rilru hriselna nei tur hian beih ve a tul. Rilru tihhahdam dan te, harsatna hmachhawn dan tur
te, nun hlim tak hman dan turte hi zir tham a ni a, zir theih a ni a, a hlawk em em bawk.
Tunlaiah chuan kan harh chho ve tan ta a. Depression tih phei chu mizo tawng
ang maiin kan leklam ta a. Kan hre leh ta lutuk emaw tih mai turin engkim mai hi
Depression kan ti ta lek lek a! Depression chhuanlama hmang a, nu leh pa leh mi dang
vau nana hmang ta hial hial niawm titi te pawh ka hre thin. Taksa leh rilru hi inzawm tlat
a nih avangin natna pawh an intawm duh hle. Taksa hrisel lohnain rilru lam a khawih tel
thei a, rilru dam loin taksa hriselna a khawih tel. Mizo zingah pumpui na kan tam hle.
Pumpui na hi psychosomatic illness an tih, rilru leh taksa natna intawm langsar tak chu
a ni. Pumpui na benvawn nei chuan endoscopy ti tlut tlut loin rilru daktawr pan vat tur
a nih zawk chu! Rilru a hahdam a, a hrisel loh chuan pumpui na a dam tak tak thei lo.
Chutiang chi natna dang sawi tur pawh a tam mai.

Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

TAITESENA SECTION
Leader
Asst Leader
Secretary
Asst. Secy
Treasurer
Fin. Secretary

: R. Zoliana
: Zarzokima Hrahsel
: H. Lalrammuana
:H.S. Malsawmdawngzuala

: H. Ramengmawii
: Rohlupuia

NEUVA SECTION
Leader
Asst Leader
Secretary
Asst. Secretary
Treasurer
Fin. Secretary

: Zonunsanga Hmar
: Lalfamkima Varte
: Laldinmawia
: Lalchhuanmawia
: Lalparmawii Colney
: H. Lalramsanga

VANAPA SECTION
Leader
: C. Lalremruata
Asst Leader: Lalramhluna Sailo
Secretary : F. Laldinthara
Asst. Secy : Richard Lalrinmawia
Treasurer : C. Lalrammuana
Fin. Secy : V. Laldinthara

YMA Thuvawn : YMA chu tanpui ngaite tanpuitu a ni


Zamzo par chin chhan :
Hmanlai hian Zawngte leh Vahmim hi an awm a, Zawngte chuan phenglawng a nei
a, a tum hlerh hlerh thin a. Zawngte phenglawng chu Vahmim chuan tum ve a chak em
em a, tum ve a dil thin a. Nimahsela, a tumtir ve phal ngai lo va. Tum ve dan tur mawlh
a ngaihtuah thin a.
Ni khat chu Zawngte kiangah a va kal a, Zawngte, i phenglawng chu ka lo tum
hawh ve ang e, a ti a. Zawngte chuan, Ka phal lo, i tichhe palh ang, a ti tlat a.
Vahmim chuan, Ka tichhe lo vang, a tih pawhin Zawngte chuan, I tichhe palh ang ka
phal lo, a tit at zel a. Vahmim chuan a tum ve chak em avangin Zawngte chu biak bum
dan tur a ngaihtuah ta a. Zawngte, i nun tui lo chawi rawh se a tih kha, a han ti a.
Zawngte chuan inti thei tak hian, Chawi zo tawh dim diam, a ti a. Vahmim chuan tih
dan dang a ngaihtuah leh a, Zawngte i nun thing lo phur rawh se, a tih kha, a han ti leh
a. Zawngte chuan, Phur zo tawh dim diam, a lo ti a...
Vahmim chu a beidawng duh chuang lo va, Zawngte, i nun chaw lo chhum rawh
se, a tih kha, an ti leh a. Zawngte chuan thawveng takin, Chhum zo tawh dim diam,
a ti leh a. Vahmim chu a inngaihtuah vang vang a, a tawp a tawpah chuan, Zawngte, i
nun lo mu rawh se, a tih kha, a han ti leh a. Chu veleh Zawngte chuan, E ni tak, a ti
a, Zawngte chu a mu ta a.
Zawnte mut veleh chua Vahmim chu Zawngte bulah chuan a va kal hnai den den a,
Zawnte phenglawng chu a la thut a. Chu veleh Zawngte chuan a mei-ah a man a, a mei
chu a til ta thawt a. Vahmim chuan Zawngte phenglawng chu a tlanpui ta daih a. Mei a
nei ta lo va. Phenglawng chu a tum ve ta a. Nakinah chuan, Zawngte, mei mi pe, mi pe,
hmim hmim, a va ti a. Zawngte chuan, Sil riatin tlan ta che, a lo ti a. Vahmim chuan sil
riata tlanna a nei si lo va. Sil riata tlan ai chuan mei lovin ka awm nang e, hmim hmim,
a ti a, a kalsan ta a. Chuta chin chu tun thleng hian Vahmim chuan mei a nei ta lo va, mei
bulin a awm phah ta alawm.

KUMPUAN HUANG:
INTODELH - II
Intodelh kan sawi lai mek a ni a, hnam humhalh atangin ram humhalha
pakai zeuh a remchang riau mai. Ram humhalh hi chuan chhuan lo awm lehzel
turte tana kan ram hi belh tlak a nih theihna tura lo humhalh a kawk ber ti ila,
a huam a zau ber awm e. Kan rama thing leh mau a chereu lohna turte, Mizote
chen chhunzawmna tlak ni tura lo buatsaih te hi a tum bulpui ber a ni. Hemi
kawngah hian intodelhna bawk hi a pawimawh leh ta. Kan intodelh loh chuan
rethei kan awm tihna a ni. Rethei an awm chuan mi hausa tan remchang thui
tak a insiam ta bawk. Retheiten inhnangfakna an neihna tur chuan an in leh lo
an hralh hial a ngai a, khawchhak sumdawng hausa, voter's id neih duh em em
leh Mizo tawng pawh thiam mumal lote hian chu chu remchangah an rawn la
ta chat a. Kan in leh lo chu manto tak takin an rawn ngam a. A laili leh a hmun
thalaiah an invalh ta vut vut mai a nih hi!
Hei hi ram humhalhnaah chuan thil hlauhawm tak a ni. Kan ram thalai chu
hnamdang kutah a tlulut a, an hausakna lah chu a nawlpuiin an chhawr lo bawk
a. 'Kan ta' chu 'an ta'-ah a chang ta zel a ni. Retheiten anmahni in leh lo hluiah
ngei, midang hnuaia ei an zawn a ngai a, rethei an rethei tual tual a, hausa an
sang tual tual bawk a. Chu chuan khawtlanga inthenhranna a la siam ang.
Kan thil tawn mek a ni a, dan anga indanna a awm thei lo. Intodelh tura
chhungtin, mimal tinin rilru nei taka kan thawhrim a ngai a ni. A hmaa kan
sawi tawh, "Ramin ka tan engnge a tih theih? tih ni lovin engnge ram tan ka
tih theih" tih chhanna chu eikhawp kan hmuh a, kan inchawm zawhna,
intodelhna a ni. Taimakna nena hmalam kan pen hi ram leh hnam kan humhalh
dawn chuan bulpui pakhat a ni.
Zofate hmasawnna ngaihtuah

I hria em ?
@ California state khu ramkhat
ni ta se, ram hausa 8-na a ni pha
dawn a, a ram zau zawng tehin
mihring cheng tam lamah 35-na a
ni bawk ang.
@ Brazil hi kum 150 chhung chu
khawvela coffee thar chhuak tam
ber an ni tawh.
@ Islam ho ngaihdan chuan Bible
hi Pathian inpuanna, mihringten an
pawlhdal a ni a. Quran hi tuipawlh
lohah an ngai ve tlat.
@ British hovin Australia an
tlawhpawh hma kum 50,000
chhung vel chu a ram lo luah
hmasatute kha an lo cheng tawh
thin.
@ Auschwitz-ah khan Holocaust
avangin Juda mi 6-a pakhat zel
tihhlum an ni.
@ Antartica hi kum 1900 chho
khan tlawhpawh tan chauh ni mah
se a nihna takah chuan Russia
hovin kum 1820 khan an lo
hmelhriat daih tawh.
@ Thil ninawm chungchang
sawihona, Borin things annual
conference neih thin a ni a. Kum
kalta lamah khan barcode te,
hahchhiau te bakah vending machine rite chu a ninawm tiin an lo
sawiho tawh a ni.
@ Maimawm chi hrang 46,000
hmuh chhuah tawhah thlai ei chi
chu chi khat chauh hmuh chhuah a
la ni.
@ Khawvela brand hlu ber chu
Apple a ni a. A brand hi dollar
tluklehdingawn 118.9 hu vel a ni.
@ @ Normandy runna, D-Day
kha June ni 5 a neih tura ruahman
a ni a. Mahse khua a chhiat
avangin June ni 6-ah sawn a ni.
@ Chuckchu kanro hi China, Thailand leh Asia ram thenkhatah
chuan chawhmeh atana hman a ni.

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

Vengchhung In tina Palai rawn lentirtute


Vanapa Section
Neuva Section
Khuangchera Section

Taitesena Section

: Henry Mawia, Lalhminghlua, Remruatfela ,Lalruattluanga, Zonuntluanga, Lallawmsanga, CB Lalbiaktluanga, F.


Zonunmawia, Lalrindika, Lalpekhlua, Lalmuankima
: K. Zoramchhani, Vanlalruatzela, Lalbuatsaiha, Lalhminghlua, Sumeon Lalherliana, Lalmuanpuia, C. Lalnunpuia
: Thomas Malsawma, Lalhmingsanga, Lalruatsanga, Vanlalpeka, Lalhrilmawia, C. Malsawmtluanga, David Lahminghlua

: Jonathan Lalnuntluanga, Joseph Malsawmtluanga, Lalbiaksanga, Lalrohlua, Lalremsanga, F. Lalrinawma,


Lalnunnemi, Lalnunzira, Benjamin Lalrintluanga

YMA Kumpuan : Ram Leh Hnam Humhalh Branch Kumpuan : Fai Kum

Tesla car mantlawm order tu tam:


Fremont, California US a car siamtu

company lar Tesla chuan ningani zan khan


car tha si, mawi bawksi an siamthar Model
3 an tih chu an phochhuak a, a man hi US $
35,000 chauh niin, nihnih chhung lekin mi
115,000 chuangin lei tumin an dawr nghal.
hauh lawk nan hian US $ 1,000 chauh a ngai
a ni.
Mi 5 zela pakhat thau dawn:
Khawvel mithiam, mihring hriselna
lam leh nihphung chiktaka zirtute chuan kum
2025
khi
chuan
khawvela mihring panga
zela pakhat chu mi thau
tak niturin an chhut.
Mipa zingah 18% leh
hmeichhia ah 21% chu
an thau dawn niin an
tarlang. Kum 1975 te
kha chuan 2.6% lek thau
hi an awmlaiin, 2014 te
kha chuan khawvel mihring zinga 8.9% zet
chu an thau chho ta a ni. English tawng
hmang ramah thauna hi a pungchak hle niin
an tarlang bawk a ni.
Nunna hnar kan thihpui:
Oxygen tellovin kan nung theilova, kan taksa
khawl tinungtu chakna kan ei in atanga
siamtu ber a ni. Chutih rual chuan kan taksa
timur eichhetu(free radicals) a siam ve reng
bawk a, hei hian kan taksa a tar tir bakah
natna chi 50 aia tam (cancer telin) a siam ta
thin a ni. Hetiang timur eichhetu hi
antioxidants(beta-carotene, Vitamin C, Vitam E) te hian an timit thei a. Hetiang vitamins tamna thlai rawng lar tak tak ei tam a
pawimawh hle.

Zanin Inkhel turte

Arsi Muk/Bit :
NASA Hubble telescope
chuan kan Galaxy(Arsi bawr khawm)
awmna (Milky way) chhungril laimu
ah hian blackhole mai nilovin,
Blackhole hualin arsi Million chanve
lai a tam a laimu ah an awm tih a
hmuchhuak. Hei hi kan Galaxy
awmna ah chuan arsi bitna ber a ni.
Hetianga bit ah hi chuan leihipna
neitlem tak thla pawh hian midang
kalkawng a tibuai pha dawn a ni. Kan
lei awmna atanga Milky way (Thlasik
kawng) hlatzawng hi 27,000 lightyears(Kum 27000 chhunga Engin a
thlen chin) vel a ni a. Milky Way lai
taka blackhole hi kan Ni aia a let million 4 a lian a ni.
Saturn Heltu Naupang :
Zirchianna ah Saturn heltu
Thla te khi dinasaurs ai pawhin an
naupang tih hmuhchhuah a ni. A Thla
leilung khang tak te leh Saturn hualtu
mawi tak(Ring) te chu tunhnai deuh
mai kum million 100 vel kalta maia
insiam niin an ngai a ni.
Eisual leh Hahchhiau:
Allergy kan tih thin thlentu
chu chemical chikhat(histamine) kan
taksa peng hrang hrang timur(cells) a
awm an ni a. Kan taksa in a huatzawng/
millohzawng dolet tu pakhat a ni.
Hetiang kan hipluh/ei hian histamine
chu rawn chhuakin thawhdan chi hrang
hrang a rawn nei thin. Mit-thak, mittui
tla, Hnar za/thak, Vun thak, Vual, Sinus (hnar chhungril) puar - hnarping
siamtu, pumna, kawthalo, vung, etc.
Taksa in a duhloh zawng a neih hi 'ka
allergic' kan tih thin hi a ni a, kan taksa
in a chhanlet dan chu histamine
chemical pekchhuah hi a ni. Hei bakah
hian kan ei in tamtak ah te pawh histamine hi a awmsa ve bawk thin a,
chawhmeh thing chhe tawh ah hian a
insiam tam duh hle.
Vual, thak, hnarping, eisual, etc
tam tak hi histamines hnathawh anih
avangin Damdawi kan hman lar tak Avil
(anti histamine chikhat) hi histamine
that tu atan kan hmang ta thin a ni.

Barclays Premier
League

Serie A

Indian Super
League
5.4.2016

6.4.2016

6.4.2016

Published, Edited and Printed by Chanchinmawia for and on behalf of Vengthlang Branch YMA