You are on page 1of 2

May Thla Thupui

“Thlarau Thianghlim
leh A hnathawh”
Volume VI
1

Issue No. 18

-

Bangalore Mizo Kohhran Chanchinbu

BIKNA HMUN
Sam 55:8, Isaia 32:2
Upa. Bonny Lalrindika
Chau takin ka awm a, ka pawn lam taksa chu ka taksa
chak lohna avang a ni, a enkawlna pawimawh damdawi te
avangin, meng peih loin ka awm reng a. Mahse he thu hi,
Bible-ah khawiah nge a awm tih hi ka sawi thei mai lo a.
A Bikna hmunah te chuan a thla hnuaiah mi thukru a, tih
hi a awm ṭhin kha niin ka hria a. Chutiang hmunah
chuanin lak chhohin ka awm a ni. Pathian biakna hmun,
thil dang réng rêng engmahin an thlen pawlh ve phák
tawh lohna hmun, hmangaihnaa inpawm tawn pahnih
cháuh awm theihna, chutiang hmun thianghlim chu,
Lalpan min pȃwl ang, ti hian min hruai chho ta. Thlarauin
tah chuan min hruai a, thlarauin, chu hmun thianghlimzia
chu, a thlamuanawm ziate chu a mak lutuk a, hlauhna
réng rêng hi a awm lo a, bawlhhlawh réng rêng pawh hi a
awm lo.
Mi tám takte chuan chu hmun chu rawn thlen ve an
tum a, Lalpa pawlin hun fianrial hmang turin, tûmah
pawlh buai loha awm tumin chu lam chu an rawn pan ṭhin
a, mahse an thleng thei miah lo a. Kei chu ka thleng thei
tlat mai a, khawvel zȃwng záwng hi ka kalsan vék tawh
vang a ni a, Lalpan ṭul a ti a nih chuan, min hruai duh a
nih pawhin ka inpeih em em a, mahse tun thlêng hian
Lalpa chuan min hruai lam a hawi lo a. Tisaa ka unaute,
ka laichin te nen kan inhmuhkhawm leh theihna tur lam
hawi zȃwnga min hruai tur vantirhkoh hlîr min la pe a.
Chuti chung chuan chu Bikna hmun chu ka han hmu a ni,
a nuam lutuka Pathian nena inkawm kha, a hmangaihna
thu te ka sawi a, min ngaihtuah nasatzia te ka sawi chhuak
a, thil tám tak ka sawi a, a thlamuanawm êm em mai a.
Chu hmun chu hmun biru, thlen mai mai phak loh.
Tichuan Bible-ah, Bikna hmunah te min hruaia, a thla
hnuaiah mi thukrua tihte mi tám takin an sawi fo ṭhin hi
ka ngaihtuah ta a. Hei hi Bikna hmun chu a ni. Lalpan
Cancer natna hmangin mi la chho a ni. He Cancer natnaah
hi chuan nun hi a beidawn thlak em em a. Beisei tur dang
hi a awm tawh lo a, amahah chauh tak méuh meuha
innghatte chauh chu chu hmunah chuan an lo thleng zo a
lo ni a. Chuti chuan kei pawh Cancer hmanga tih
beidawna ka lo awm ve tak hnuah chuan tah chuan ka lo
thleng ve ta a.
Lalpaa ka chanvo ropuizia ka han hmu a (a hnuk a ulh
nasa hle a a sawi a hriat theih loh), awm réng mai kha ka
duh a, ka haw leh duh tawh lo a. Ka pa tah hian ka awm
zawk mai ange, ka awmna hlui ai chuan ka tȃn a ṭha zawk
ka ti a. Mahse a ni chuan min lo tir kir leh ta a, heti hian
ka ngaihtuah a, Chemo hmanga taksa chakna zȃwng
zȃwng lak saka ka awm hnuah, Ceterezine damdawi
hmanga tih muthilh ka nih khȃn muhil hlen thei ka lo ni
reng mai tih kha… (a hnuk a ulha hriat a har hle mai a
thusawi, mahse a sawi zawm leh nghal thuai a…). Lo
muhil hlen pawh ni ila, (Phêk hnungah chhunzawm a ni)
)

-

Mar 01, 2016

pg.

KOHHRAN INKHAWM PROGRAM
Inkhawmna Hmun:

JRC Hall
United Theological College
63 Miller’s Road, Benson Town.

Inkhawm Hun:

Pathianni tlai dȃr 3:00
MAY Thla Kohhran Inkhawm Program
Thla Thupui: Thlarau Thianghlim leh A hnathawh
May 1, 2016 (Pathianni) – Pathian Biak Inkhawm
Hruaitu: Bialtu Pastor
Ṭantu: Pu Michael Lalhriatpuia
Thuhriltu: Rev. Lalawmpuia Hauhnar
May 8, 2016 (Pathianni) – Pathian Biak Inkhawm
Hruaitu: Bialtu Pastor
Ṭantu: Nl. Malsawmhlui
Thuhriltu: Tual Upa HMS Dawngliana
May 15, 2016 (Pathianni) – Pentikos Pathianni
Hruaitu: Bialtu Pastor
Ṭantu: Pi Lalhriatpuii Chawngthu
Thuhriltu: Rev. P.C. Malsawmtluanga
May 22, 2016 (Pathianni) – Pathian Biak Inkhawm
Hruaitu: Bialtu Pastor
Ṭantu: Tv. Peter Lalrinsanga
Thuhriltu: Tual Upa Prof. Lalrinawmi Ralte
May 29, 2016 (Pathianni) – Sunday School
Hruaitu: Superintendent
Ṭantu: Dr. Maria Lalfakzuali Sailo
Zirlai Khawikhȃwmtu: Rev. Lalramchhana
NILAI ZȂN INKHAWM
May 11, 2016 (Nilaini)
A hmun: Tual Upa Neehar Zosiama in
Hruaitu: Tual Upa Levis K. Lalsiamliana
May 25, 2016 (Nilaini)
A hmun: Pi KC-i in
Hruaitu: Tual Upa Neehar Zosiama
April Thla Pathian Ram Ip
Synod-a Lût
- `90,350
Tualchhûng
- `39,960
Grand Total
Krismas leh Kumthar - ` 1,500
`1,31,810
Kan Rawngbawlpui lo thleng
Kan rawngbawlpui Rev. Lalbiakhluna chu zirtawpni
khȃn an chhungkuaiin Bangalore an lo thleng thla a, UTC
ah MTh, Counselling-ah kum hnih chhûng a zir dȃwn a ni.
Amah hi Hmunṭha Pastor Bial aṭanga lo kal a ni a,
Kohhranhoten kan ṭawngṭainaah hre reng ila, hrisel taka
an zir theihnan i dilpui ang u.
Thu kan dawn dȃnin amah hi Solfa lam pawh thiam tak mai a
ni a, Kohhran Zaipawl lam pawhin a hmêl an hmuh hma pawhin
an thlamuanpui nghal hle a, amah pawh a phur hle a ni. Ed.

Volume VI

Issue No. 18

-

Bangalore Mizo Kohhran Chanchinbu

Editor
Rev. Lalramchhana
Ph: 7259678571
Joint Editor
Tual Upa Rinchȃmliana
Circulation Managers
Rev. Lalenkawla
Email: olivenewsletter@gmail.com

Olive Huan Vêngtu
Huan vengtu chuan, “Thil ṭha tih hi i ning
lo ang u” tiin mite chu a fuih a. Anni
chuan, “Mi chungah thi ṭha kan ti a, min hriat zui duh loh
phei chuan a thinrim thlak mai mai a ni” an ti a. Huan
Vengtu chuan “In ti ṭha hle mai, mahse in rilru put hmang
erawh her rem hret a ṭha ang” a ti a. Mite chuan, “Keini
zawk teh daih chu, kan va tihsaka te zawk kha rilru her
rem ngai chu an ni zawk a lawm” an ti a. Huan vengtu
chuan, “Kan thil tihsak kan hriat kur hian beisei lêt kan
nei duh khawp mai a, heihi a hrisel lo hle a ni. Kan
chungah ṭhat chhuah lêt duh viau pawh ni se tam tak hi
chuan an theih loh avangin an inthlahrung ngawih ngawih
ve thei bawk a” a ti a. Mite chuan, “Harsa tak ṭhinte kan
ṭanpuia, an han nuamsaa min hre ṭha duh lo mai pawh ni
loin min hmusit let zawk a, heng te hi chu tih vak ngaihna
a awm hleinem” an ti a. Huan vengtu chuan, “In puitling
viau emaw ka ti a, in naupang leh tlat ṭhin a nih hi. Mi
rilru tumahin in tidanglam ngawt thei lo a, chuvangin
Pathian hminga in tih ṭhat chu Pathianin a hria tih hi ring
ula, chutiang ang mi in tawng a nih pawhin Pathian vêkin
an chungah thu a nei tih hre ta che u. Mi ṭanpui theitu
zawka awm ringawt pawh hi a hlutzia hriat a ṭha viau a
ni. Mi ṭanpui chak em em, mahse tumah ṭanpui thei lo te
hian hrehawm an ti ve em em a, nangni chu in vannei
hle” a ti a. Mite chuan, “A dik e, Pathian hminga ti anga
lang si hian, rilru dang pû hian thil ṭha kan lo ve fo ṭhin a
ni. An hnên aṭanga beisei lêt nei rán chung te leh nakin
zêla an chunga lèn tum ran hian kan lo che tam awm hle
mai a,” tiin an awmdȃnte chhut letin an ṭin ta a.

Joanne Thangi
Kan Kohhran Tual Upa Dr. Hrangthanchhungi leh
Rev. Jeremiah Anderson te fanu upa ber chuan MSc
Distinction-ah a zo ta a, a marks aggregate pawh a
namai lo hle, 92.46% lai a ni. A Thesis title chu The
Reduction of Cortisol Activity by the Phytochemicals
Present in Cleorodendrum Colebrookinum on Sus Scrofa
Domesticus tih a ni a, Mizoten kan ngainat leh kan
ngaihsan ém em Phuinam hi stress avanga natna hráng
hrangte enkawlnȃn a ṭhatna lam zir bingna a ni a, miin
damna an chan theihna tur leh Mizo thil chawisȃnna
pawh a la ni ngei ang.
He hlawhtlinna i dawng hi Pathian malsawmna leh
i nu leh pate, i unaute hmangaihna leh ṭawiawmna che
avanga dawng i ni tih hriain nasa taka hma i sawn zêl
theihnan Olive Editorial Board chuan lawmpuina leh
duhsakna kan hlan a che.

-

Mar 01, 2016

pg. 2

KOHHRAN CHHÛNGKUA
I Ṭawngṭaipui ang u
 Pi Hrangthanzȃmi a inenkawl zêlnaah nimin khȃn
Chemo a la leh a, chanchinbu buatsaih lai hian a
chanchin hriatchian hman a ni lo a, a ṭha turah erawh an
ngai a. Ṭha taka hma a sȃwn zêl theihnȃn ṭawngṭaipui zel
ang u.
 Rev. Zosangliana Fanai leh Upa Bonny Lalrindika,
CMC Vellore-a inenkawl mêk ten hma an sawn ve hret
hret niin thu kan dawng a, Pathian hnênah lawmthu
sawiin hma an sȃwn chhunzawm zêl theihnan i
ṭawngṭaipui ang u.
Nilai Zȃn Inkhawm
Rev. Lalrinliana, UTC inah 27 April 2016 khȃn nilai zȃn
inkhawm hman a ni a, mi 30 vêl kan inkhawm thei a.
Thupui pawh ṭha taka zirin mi panga laiin sawihonaah
pawh an sawi a ni.
(Phêk hma chhunzawm) hrehawm réng rêng awm tawh
lohna hmunah khân, ka kal dawn a ni. Chuti chuan Lalpa
nena inpawlna, Bîkna hmun hi nun chawhpawlh nen a
thlen theih loh tih hi khawvel hnenah hian ka chah duh a
ni. Kohhran hruaitute, rawngbawltu duhawm tȃk tákte,
natna ka neih ve hma pawha ka ai pawha ṭha zawk ṭhinte
zȃwng zȃwng khȃn, ṭawngka chuan he bîkna hmun hi an
lo sawi hlawm tawh ṭhin a, mahse an thlen ka ring lo.
Pathian mi thleng tlêmte chu an awm ang ka ring, a lo har
em mai!
Lalpa nen chauh, awm zawng zawng an ral vek hnu
pawha, awma la ni thei tur awm chhun Lalpa chu, chutah
chauha mi a innghah hnuah chauh chuan bîkna hmunah
chuan a thleng thei a. Awm zȃwng zȃwng an ral tawh
hnua awma ka ta tih hi a thuin lam mai (a ṭawng a buai
hle, hriat a har hle helaia a aw hi, a hnuk ulh nasa hle a
ni), a ril lutuk a. Tám tak chuanin khawvel thila an beisei
te lo thlawn rih mahsela duh thlan tur kawng dang Lalpa
zarah an la nei thei ang tih ngaihdan an neih hi, a
hrilhfiahnan an hmang a ni awm e, a ni miah lo. Lalpa
nang lo chu vanah khian tunge ka neih, leiah pawh hian
nang lo chu, ka duh tumah an awm lo tih nun hi a ni, chu
chu awma ka ta chu a ni. Tah chuanin engkim chàn
ngama inhuama, Lalpa chauh rochuna neih inhuam
chunga luang lût te chauh a ni, bîkna hmunah chuan amah
an pawl thei a ni, tih hi thlarauin Lalpan min hmuhtira
ropui ka ti em em a, ka lawm em em a. Lalpan a lo hre
leh chhawngtu apîangte nunah nása takin amah
hriatchianan nun an neih theihna turin ka thil sawi hi
malsawm rawh se. Amen.
He thu hi CMC Vellore-a Chemo round sarih-na (7) a
lâk zawh, a chauh em em laia a rilrua Pathian pȃwlna te
a sawi an record a ni a. Ni 23 April 2016, Inrinni a mi a
ni. Bikna hmun hi Sam 55:8 leh Isaia 32:2-ah te kan hmu
a. A thla hnuaiah tih tak hi chu Sam 17:9; 63:7; 91:4 ah
te hian a lang a, a chauh em avângin Pathianin a pawlna
a sawiah hian amah pawhin Bible-ah khawilaiah nge a
awm ka sawi thei mai lo a tih ang hian heng lai chang
hrang hrang hi a rilruah a lian hle niin a lang. A audio
aṭanga ka type chhuah an chhungkaw phalna ka lak fel
tawh a ni e. Ed.