You are on page 1of 8

Online Railway Ticket Booking Kaise

Kare Jane Hindi Mein
Online Railway Ticket Booking: Agar aap train mein yatra karte hai aur train ki
ticket booking ke liye railway station jaa kar line mein lag kar apni ticket book
karwate hai to aap aaj bhi purane jamane ke tarike apna rhe hai jisme ticket
book karwane ke liye bheed mein lag kar dhakke khane padte the aur sara din
barbad karne ke baad aap ka ticket book ho pata tha.
Dosto yaatra chahe 10 kilometer ki ho ya 1000 kilometer ki, ab aap apne ghar
baithe kahi se bhi internet se apne computer par kuch hi minute mein online
railway ticket reservation kar sakte hai.

Internet Se Railway Ticket Book Karne Ke Liye
Kya Chahiye
1. Online ticket reservation ke liye sab se pehle aap ke pass computer ya
laptop hona chahiye. Agar aapke pass inme se kuch bhi nhi hai to aap
apne smartphone mobile par bhi ticket booking kar sakte hai.

2. Aap ke pass internet connection hona jaruri hai jiski help se Indian
railways ki IRCTC website open kar sakenge.
3. Aap ke pass online paise jama karne ke liye internet banking ka user id
aur password ya ATM Card ya fir Credit Card hona jaruri hai. Aap ko
apni ticket ke paise jama karne ke liye inki jarurat padegi. Jab tak aap
paise jama nhi karoge tab tak aap ki ticket nhi banegi.

Ghar Baithe Paise Kaise Kamaye
Mobile Se Paise Kamane Ke 10 Tarike

Indian Railway ki Website Par Account Kaise Banaye
Step 1: Sab se pehle aap ko Indian railway ki website www.irctc.co.in ko open
karna hoga.

Step 2: Ab aap ko IRCTC ki website par apna free account register karna hoga,
jiske liye aap ko Sign Up par click karna hoga.

Step 3: Sign Up par click karne ke baad aapki screen par ek form aayega jisme
aap se kuch nformation mangi jayegi. Saari information bharne ke baad aap
niche box mein diya hua verification code bhare aur form ko submit kare.
Step 4: Form submit karne ke baad aapki email id par ek email aayegi jisme
aapko user id, password aur account activation link milega. Aap email mein
diye gaye link ko click karke IRCTC ki website www.irctc.co.in par apna
account activate kar sakenge.
Step 5: Activation link ko click karne ke baad indian railway website aap se
mobile verification code mangegi jo aap ke mobile par ek message aayega usme
likha hoga, ab is code ko dalne ke baad Indian railways ki website par aapka
account ban jayega.

IRCTC Se Online Railway Ticket Booking Kaise
Kare
Step 1: Sab se pehle aap apne user id aur password ki help se apna account
login kare.
Step 2: Ab aap ko screen ki left side mein ek box dikhega jisme aap ko From
station, To station aur Journey date daalni hogi. From Station mein aap station
ka naam dale jaha se aapko train pakadni hai aur To Station mein us station
ka naam dale jaha aap ko jana hai. Journey date mein aap usdin ki tarikh dale
jis din aap ko yatra karni hai.

Step 3: Ab aap ko apna ticket type batana hoga yaha aap ko 2 option
dikhenge, E-ticket aur I-ticket. E-ticket se ticket aap ko turant aapki email id
par mil jayega aur I-ticket se ticket aapke postal address par aayega.
Step 4: Ek baar sari information bharne ke baad submit button par click kare.
Step 5: Ab aapke samne ek list aayegi jisme trains ke naam, train number,
departure aur arrival time diye honge. Aap yaha apni journey class select kar
sakte hai. Jaise ki First AC, Second AC, Third AC aur Sleeper Class. Journey
class select karne ke baad aap train type bhi select kar sakte hai jaise ki
Shatabdi, Rajdhani, Duronto, Garib Rath aur others.

Step 6: Agar aap physicallly handicap ya ladies quote mein yatra karna chahte
hai to aap vo bhi select kar sakte hai. (Physically handicap quote mein yatra
karne wale passengers ko apna railway concession form aur photo identity
card sath rakhna hoga.)

Step 7: Ab aap jis train mein travel karna chahte hai uske samne batayi hui
journey class par click kare.
Iske baad aapko aapki ticket ki cost pata lag jayegi aur aapko Book Now ka
button dikhega. Sath hi aap ko ye bhi pata lagega ki aap ko confirm ticket mil
rha hai ya fir waiting list number.

Step 8: Online railway ticket booking karne ke liye aap Book Now ke button
par click kare. Ab is page par aap ko passengers ke naam, age, gender aur id
card number dalna hoga. Yaha aap apna berth preference bhi select kar sakte
hai.(Berth Preference mein aapko apni seat chunne ka moka milta hai jisme
aap bata sakte hai ki aap kon si seat par yatra karna chahte hai. Example ke
liye – upar ki seat, niche ki seat ya fir side wali seat.

Step 9: Agar aap ke sath 5 saal se kam umar ka bacha yatra kar rha hai to
aap ko uska naam niche dalna hoga. 5 saal se kam umar ke bache ke liye na
hi koi ticket book karna hoga aur na hi aap ko koi paise dene honge, ye sirf
jankari ke liye pucha jata hai.
Step 10: Ab niche diye hue submit button par click kare.
Step 11: Ab aapko apni railway ticket online book karne ke liye paise jama
karne hai, jiske liye aap niche photo mein bataye hue kisi bhi option ko choose
kar sakte hai.

Step 12: Agar aap apne ATM se paise dena chahte hai to aap ko debit card par
click karna hoga aur uske baad jiss bank ka debit card hai uspar click karna
hoga.
Step 13: Aap ko niche Make Payment ka button dikhega uspar click karne ke
baad aapko apne ATM ka card number, expiry date, card holder ka naam, ATM
Pin aur picture mein dikh rahe number daal kar Proceed Button par click
karna hoga.

Step 14: Proceed button dabane ke baad aapke mobile mein one time
password (OTP) aayega, aap ko ye password apni scrren mein dikh rhe box
mein daal kar submit ka button dabana hai.
Step 15: Ab aap ki ticket ka online payment ho chukka hai ab aap apna
railway ticket save kar sakte hai, www.irctc.co.in website aap ka ticket aapki

email id par bhi send karega, aap chahe to wha se bhi ticket save kar sakte
hai.
Step 16: Agar aap ka ticket waiting mein aaya hai to aap ko ek PNR
Number milega jjisse aap apni railway ticket ka status check kar sakte hai.
Aajkal internet par aise kuch websites hai jo online ticket reservation ki service
deti hai. Example ke liye makemytrip.com aur yatra.com aisi websites hai
jaha par aap railway tickets ke ilaava bus aur flight ke tickets bhi book kar
sakte hai. In sites par railway ticket book karne ka tarika bilkul wahi hai jaisa
humne is leekh mein bataya hai, bas aap ko pehle in sites par register kar ke
apna account bana hai aur fir upar bataye gaye tarike ko yaad rakhna hai. Aisi
websites se ticket book karne ka fayda ye hai ki ye sites aapko kuch payment
cashback offer ya discount coupons deti hai, jisme jab aapki yatra puri hoti
hai tab aapke account mein offer ke bataye hue paise jama ho jate hai aur aap
in paiso ko dubara koi ticket book karne ke liye isteemaal kar sakte ho.

www.KyaKyuKaise.com