TUNKAR CHANGVAWN

Sam 87:6
LALPAN, mi tin, hming a
ziak hunah chuan, He mi hi
chuta piang chu a ni, tiin a
chhiar ang

EMMANUEL AFTER
CARE CENTRE
Bethel Veng,Champhai
Mizoram : 796321
Phone: 9612194537

for
Vo l u m e XI

Pentikos Ni hmang dawn

hi Assembly puala tawngtai

rual hun atan a hmang thin.
Kumin Pentikos Ni-a Inkhawm dan tur hetiang hian a
ruahman a ni: Chawhma
Inkhawm : Thupui : Thlarau
Thianghlim Damna thlen
tu,Chhiar tr : Tirh 3:1-10.
Chawhnu Inkhawm :
Thupui : Thlarau Thianghlim
Huaisenna thlentu Chhiar tr
: Tirh 4:8-22. Zan Inkhawm : Thupui : Thlarau Thianghlim Inhmangaihna thlentu.

Chhiar tr : Tirh 4:32-37

Kristian Chhungkaw Camp nei dawn

May 19,20 chhung hian
Bethel pastor bial Kohhran
Hmeichhiate bultumin, bial
chhung Kohhran Hmeichhia,
Committee member zawng
zawngte chuan camping an
nei ang. He camp-ah hian
Speaker at an Rev.H.
Za\huama, bialtu pastor leh
Upa C.Pakunga, Vengthar te

A m a n t h l a k h a t a h R s . 20/ -

N.E Khawdungsei Kohhran tlawh a\anga zirtur awm te

KOHHRAN
May 15, 2016 (Pathianni) hi
Pentikos Ni a ni. Pentikos tih
awmzia hi Sawmngana
tihna a ni. Thuthlung Hlui-ah
chuan Kalhlen Kut tiak ni
atanga ni sawmnganaah an
hmang thin.Thuthlung Thar
hunah erawh chuan Isua
Thawhleh tuk (Easter)
atanga ni 50-naah hman a ni
ta a ni. He hun hi Kohhran
pawl hrang hrangten urhsun
takin an hmang ang. A
biktakin Presbyterian
Kohhran chuan Pentikos ni

I s s u e - 601 Date : 8th May 2 0 16 ( Sunday )

an ni ang. Tin, Bet hel

Kohhran Hmeichhiate chuan
Kristian chhungkaw campaign
hi puitling leh naupang Sunday School-ah leh Bethel
Veng chhunga School 5 ah te,
an nei dawn a. Group 3 ah
insiamin, Group tinte hian
kum khat chhungin vawi 3
campaign an nei ang.

Pathian thlarau chuan a

hmasa berin hmangaihna, a
dawtah beiseina leh zalenna
a pe \hin.
- D.L Moody

True Jokes

Tawngtai thiltihtheihna
- Pastor PL Thlenga.
Ram pakhatah hian fapa tlanbo pakhat hi a awm a. Hepa hi a naupan lai
chuan nu leh pa thuawih tak a ni a. Mahse a lo tleirawl chhoh chuan thian thalo a
kawp a, zu in te a chinga, khawlaiah insual te a ching a. A pa hian vawi tamtak zilhin
thu tha a hrilh a, a tawngtai sak thin a. Mahse a nun sual chu a sim duh chuang lo va.
A tawpah phei chuan a nu leh pa ten an zilha an hau nasat em thin a vang chuan an in
atang chuan tlan bo a tum ta a. Ram hla takah ka nu leh pa te hmuhphak lohah ka
tlan bo dawn a ti a, thui taka kal hman a mahse han tlanbo tak tak chu a ngam leh
chiah lova. An khaw lamah chuan a haw leh ta a. Mahse a pa inah chuan a haw
ngam tawh lo va. Thian tha te in hrang hrangah a riak kualin chaw a ei kual thin a.
Nikhua a lo rei chuan chutianga thiante in a riah a, an chaw eisak reng mai chu a
theih ta lo va.Chaw eitur nei lova riltam taka mi verandaah te a riah kual mai mai
chang a tam a. An mahni varendaah te a riak a, zingah a nu leh apa te thawh hmain
a tho a a tlan bo leh nghal thin a. An ekinah te zankhua a a thut tlaivar chang pawh a
awm. A pa te chuan an fapa chu hmun tinah an zawnga an hmu thei si lo. Ualau taka
khawtlangte han puna han zawn chiam chu tha an ti bawk si lo. A rukin tuma hriat loh
in an rilru a hah em em mai a. A chan chin chu engtintin emaw an hre zel a.
Tichuan chu tleirawl fapa tlanbo chuan a riltam lutuk chu zan khat chu a pa
te inkhawm hlan chuan chaw thing dap tur chuan an inah ava hawng a. A pi ( pitar
tawh tak) mai chauh hi a lo awma. A nute chaw ei bang chu a ei sawk sawka a ei
zawh chuan a chhuak leh nghal a. Chuta tang chuan a pa te chuan zantin mai hi an
fapa ei a tan tiin chaw leh chawhmeh an neih ang ang chu an lo dah a. An awm lai
chuan a rawn haw ngam dawn lo tih an hriat avang in, an len bosan thin a. Chutia a
nu leh pa te an leng tih a hriat ve leh an inah chuan hawngin an chaw dah chu a va ei
thin a, a eizawh ve leh a tlan chhuak leh nghal thin. A pitarte chuan Mama I kal leh
mai dawn mi? Awm hlen ve tawh la, I nu leh I pa te rilru a hah teh a sin a lo ti thina,
mahse engah mah a ngai duh lo.

DANGLAM

Kohhran chanchin chhuah tur

neite chuan kartin Ningani aia
tlai lovah sms in emaw phone
in biak pawh theih kan ni e.
Cont; 9612194537

- Saihmingliana Sailo

A KA-A LUMETTU CHU!

Lumeh dan dangdai tak chu a ni
ve phawt mai! Indian tlangval,
Ansar Ahmad, Varanasi-a mi
hian a naupan lai atang tawhin
kut hmangin lu a lo met tawh thin
a, mahse; tawhsual a tawh
avangin kum 15 kalta atang khan
a kut lehlam chu a hmang thei
tawh lova, kut khingkhat chauhva lumeh chu harsa a tiin a
thiam hek lo. A sum thawhchhuahna ve ber lumeh chu atan
bansan arem si lo. Tihdan dang ngaihtuah a lo tul ta. A tawpah
chuan a ka hmanga sakawrbakcheh seh kawha a kut pakhat
zawk nena tangduna lumeh chu a theih dawn tih hriain a zir ta
tauh tauh mai a, kum thum chhung zet a zir hnu chuan hnehsawh
takin a ka hmang chuan sakawrbakcheh a chep zat zat thei a,
lu a met leh thei ta. Tunah chuan a lumehna dawrah chu lumet
duhten panin an innghak thin a, lu pakhat hi minit 25-30
chhungin ka met zo hman thin tiin Ansar chuan a sawi. Guiness
World Records-a a hming tihlan a duh hial a, Jagatganj,
Varanasi-a a lumehna dawrah chuan a theihna entirin darkar
25 chhung chu chawl lovin a ka hmanga a lumet lai chu videoin a laktir a, heta a lumeh sak hote chuan lumeh man pawh an
chawi lova, a theihna entir turin mite chu lumehtir turin an
rawn inpe zawk a ni. Hetianga a thiamna hi midangte tan
malsawmna a lo nih theihnan rualbanlo dangte tihhmuha zirtir
hna pawh an khuaah hian a thawk nghal bawk nia tarlan a ni.

EMMANUEL for
Editor

: C.Hranghluna
9612194537
NewsEditor : Chanchinmawia
9615820416
Contributor:
Lalnunsanga Fanai
9862120903
Dak a la duhtan kum khat lakman
pek lawk a ngai. Tin, thuchhuah tur
nei chuan hawrawp felfai tak emaw
khawlchhut hmangin, Office,
Emmanuel After Care Centre,
Bethel Veng, Champhai ah thehluh
tur a ni. Thu lut a piang erawh
chhuah vek a remchang kherlo
th e i .

www.champhai.net

Editorial
Rinlohna sual hi
Mizo Kristiante zingah
Pathian a awm ring tawh lo
engemawzat, a rukin an awm tawh a;
fb lamah pawh hetiang mite hian group
an siam nghe nghe a ni. Sap rama
sualte khu Mizoramah a lo thleng ve
zel a, ringtu hmasa ni chunga, ringlo
mi a inlet ta te tihdan khu kan entawn
leh mek. Tin, Kohhran mite zingah
pawh Kristianna hi kawra hmang, a
taka Pathian ring mumal manglo;
laklawh tak tak kan awm tan tawh
bawk.
Thlarau Thianghlim in kan nih
avangin, kan chhungrilah hian Pathian
pawl thei tura buatsaih kan ni ta hi,
thuthlung thar ringtute kan vanneihna
a ni. Thluak hriatna hmanga Pathian
hi chhui chhui chuan, rinhlelhte leh
rinlohte hi awl tak a ni zel. Mahse
chhungril lama Pathian pawl thintute
tan erawh, Pathian hian AWMA a
nihzia a puang reng thung. Penticost
ni a Thlarau Thianghlim lo thleng hi,
thinlung taka in hawngte tan, Pathian
kan rinna tinghettu a ni reng ang.

WORLD

Date 8th May 2016

SUNDAY

PAGE - 2

N.E KHAWDUNGSEI KOHRAN TLAWH ATANGA ZIRTUR AWM TE

Bethel Pastor Bial Hmeichhe
Inkhawmpuiin Kristian chhungkaw dinna kawnga
hma kan sawn theih beiseiin kum 14 lai mai Kristian
chhungkaw dinhmun tehnaa pakhatna lo ni tawh
N.E.Khawdungsei bial chu tlawh a, an tihdan va
zirchian nise tih a rel a. Chumi bawh zuiin Ni 9-10
May `16 hmangin Bial Hmeichhe Committee members te kan bial vawngtu Rev.H.Za\huama leh Bial
Secretary (Sr) Upa C.Pakunga hovin mi 28 lai kan
va kal a. N.E.Khawdungsei Kohhranin min lo
dawngsawng \ha hle a, chawhluite min lo buatsaih
sakin an bialtu pastor Rev.B.Darnghakliana hovin
min lo hmuak a. An dinhmun zirchiang tura kal e ti
lovin Inrinni zan a\anga Pathianni nileng thusawina
hun min lo pe a, veikhawr deuh hu chungin thu kan
va sawi hlawm a. Amaherawh chu inpawlhona hun
inkhawm ban apiangin min buatsaih sak thung a,
Pastor/Upa leh Kohhran mi te an tel \hain hlawkna
tam tak kan chhar a, heng an hmalakna hrang hrang
kan han ngaihthlak a\ang hian Zoram puma an
dinhmun kan lo hriat hi an lo phu thlawt a ni tih leh
zir ve a tih ve nghal theih tam takte hi Kohhran ho
ten kan ke pen nan a \angkai ngei dawin ka hria a,
ngawih bo pui mai ka ui deuh a, kan ziak ve a ni.
N.E Khawdungsei Kohhran hian kum 20/
30 liam ta a\ang khan Kristian chhungkua hi
tihtakzetin an lo buaipui tawh a. Chutihlaiin
hmeichhe hruaitute chu tunah kum 80 dawn dawn
an ni tawh a. Mahse an tha an la thlah chuang miah
lo a, hma an la hruai reng a ni; an fakawm hle mai.
N.E.Khawdungsei hi khaw vannei tak an
ni, an khaw lal hmasa Kristian a ni a, pem thar an
nei tlem a, mi nghet an tam a, Kohhran pawl hrang
sawi tham a awm lo. Hei vang hian khawtlangah
Kohhran AW a lian a, an inpumkhat \ha em em
a. An khuaah pem thar an awmin an khawtlang
hruaituten an lo dawngsawng hmasa a, nitin chhung
inkhawm neihloh kha thuawihlohna a ni an lo ti mai
a. Khawtlang leh Kohhran an kalkawp tlat hian

Kristian chhungkua hmalak a tiawlsam phah niin a lang.

Tin, an khua hi Dry Area ah an puang a, zu
zuar an awm lo va, zu rui hmuh tur an awm hek lo. An
in leh a vel te a faiin anmahni pawh an fai a. Hmuh an
nuam a, an khawtlang a ralmuang a, tu leh fate seilenna
atan a itawm ngawih ngawih mai a ni. Kohhran an hlim
a, inkhawm an \ha a, kum upa inkhawm an tam a,
biak in thleng ngai miahlo chhungkua sawi tur an hre
lo. Biak in an khat reng mai a, Kan lokal vang em
ni?kan ti fiam a, kan nihdan phung pangngai a ni, an
ti. Tuna an Kohhran leh khawtlang dinhmun duhawm
tak hi kum 20/30 hmalam a\anga Kristian chhungkua
an lo atchilhna rah tihloh rual a ni lo.
Kristian chhungkaw dinna atana an hmalak dan
tlangpui chauh sawi ila. Nitin chhung inkhawm nei theilo
zu zuar leh biak in thleng ngailo te inah an campaign a.
A tirah chuan kawngkate an lo kalh tlat a, a \hen chuan
TV te an lo en san tlat a. An inah \awng\ai an dil a, an
lo remtihloh emaw an awmloh pawhin an bathlarah an
\awng\ai rual chiam \hin a, nitin chhung inkhawm an
neih theih hma chu an kal tlut tlut mai a ni.
Tin, Kohhran Hmeichhe Committee ah
Kristian chhungkua chu an agenda no-1 ah an dah ziah
a, thlatin in committee members ten an bial dinhmun
an report ziah a, chhung inkhawm nei theilo awmna
bial vawngtu nih an hlau a, anmahni chauh pawhin an
bei ngar ngar mai a ni. Chawnghei a \awng\ai te, zirna
sikul leh Sunday School a campaign te an nei deuh
reng a, Kristian chhungkaw tlangau an ti a, mike
hmangin khawchhung mi zawng zawng hriattheih turin
campaign an nei \hin a. Thlatinin tahrik ni 8 ni hi awmni
khamin Kristian chhungkaw pualin \awng\aina an nei
\hin. Nitin chhung inkhawm nei thei inah lawmthu sawi
\awng\aina neiin an kal kual reng bawk a ni. Patos/
Upa Kristian chhungkuaa tuilo deuh a an hriat chu retreat etc. an nei a, speaker atan an hmang hlauh a ni
awm e.
Tin, Dry Area committee hnuaia cell hrang
hrang ten zu emaw ganza emaw te an man sakin Inrinni

- P.C.Lalhmachhuani. Champhai, Bethel.

zanah \awng\ai pui turin an hming an puang chhuak a, an
\awng\aipui \hin. ( \awng\ai pui nawn ngai fo nih chu a
hrehawm duh ngawt ang)
Harsatna tam tak an tawk ve tho a, Inter State
Bpunadary a awm an ni a, an khawtlang hi thil hrang hrang in
a paltlang ve \hin , heng vang tak hian \an la turin an infuih
reng a ni. Tin, Upa Kohhran Hmeichhe committee, K|P,
Pavalai committee zingah nitin nei regular lo an awm hian
campaign a sak \alh zel an ti.
N.E Khawdungsei Kohhran Hmeichhiate heti taka
inpumkhat a an chakna chhan ber nia lang ta chu an
luangchhuak tam hi a ni. Mirethei/harsa, ramthar a ni emaw
tualchhung a ni emaw an kawl ang ang an pe chhuak a, balance pakhatmah nei lo in an pe chhuak ngam a ni. Pathian hi
pek a lawm \hin, petu hnena tam taka pe let tu a ni tih hi an
hre chiang a, an pe chhuak huai a ni.
Heng kan ziakte hi kim lo tak nimahse, zirtur tam tak
kan nei ang tih ka ring a. Kristian chhungkua kan buaipui
mek \heuh hi tis thilah pawh kan tan a pawimawh ber, kan
ram, kan khawtlang, kan kawtthler zawng zawngte hi a
ralmuan theihna tur leh kan tu kan fate seilenna tlak a siam tur
hian tun mai thlir lovin, nakin kum 10,20,30 hnua kan dinhmun
tur thlirin tun a\ang hian theihtawp chhuahin bei ila, Kristian
chhungkua lo hi chu siam\hat theihna hmanrua a vang hle a ni.
Chuvangin kan chhungkaw maichamte chhawm nung zelin,
I thuin lente ka deng leh ange, tiin Zoram nu te i \ang sauh
sauh ang u.
LAIRIL
Tukkhat chu vur a tla vak mai a, khua a vawt em em
mai a. Zing dar 5:00 ah missionary hna dil pakhat hian examiner inah bell hmetin a lut a. Office ah chuan an tiam hun pel
rakin a nghak a. Dar 8:00 am ah chuan missionary pension
tawh hi a lokal a, Baker tih sipel tur leh 2 leh 2 belh a rawn
zawt a. A hnuah chuan, I passed a, Board ka lo hrilh ang e, a
ti ta a. Examiner chuan Board hmaah chuan, Missionary ni
tura qualification zawng zawng a passed e. Amah inphatin zing
khawvawt dar 5 ah a lokal a, a sawisel lo va, a hun takah a lo
thleng a, darkar 3 ka innghah tir a, a dawhtheihzia ka hria a. A
zaidam a, naupang kum 7 chhan theih tur pawh inngaitlawm
takin a chhang thei zel a. Thlarau thilpek a dawng \ha hle a ni,
tiin a comment a!

Thlarau Thianghlim thlenna tur

Lungleng khuaah buatsaih mek a ni.
Aizawl khawpui bingbilet a
zawh chhuaktu, leh Kelkang
Harhna intanna-a sulsutute
zinga mi ni-a sawi
T l u a n g s a n g a
(Nginsawmtluanga) chuan
tunah hian Thlarau
Thianghlim thlenna tur
Lungleng-ah a buatsaih
mek. He Thlarau Thianghlim
thlenna tur hmun zawng hian
Tluangsanga leh amah zuitu
mi engemawzate chuan
Manipur, Burma leh
Mizoram chhung leh ramri
dep te nasa takin an lo fang
tawh a. Tichuan, thla hmasa
(April) tumkau ni khan
Lungleng hmun chu
Pathianin a hriattir ta niin a
sawi. He Hmun Thianghlim

tur hi Lungleng Lal-in atanga

km 1 vela hla niin a ram zau
zawng hi buh tin 20 hmun vel
a ni a. Mual pawng pathum
awmin tunah hian athenfai hna
thawh mek a ni. Tluangsanga
hnen atanga thu kan dawn
danin he Hmun Thianghlim hi
mi nuaih 1 thlen theihna tura
buatsaih a ni dawn a. Mual
pawng pathum zinga a lai ah
hian lui luangin hei hi Nunna
Tui zofate damna anih tur thu
a sawi bawk. Amah
Tluangsanga hian kar thar lo
awm tur hian he hmun
buatsaih tur pual hian Pathian
dawr-in Kelkangah a chhoh
tur thu a sawi a. Kelkang ah
hian ni 40 leh zan 40 chaw
ngei a tum a ni.

BCM ten Kristian chhungkaw hapta

Baptist Kohhran chuan
Mizoram pumah ni 9-15
May chhung hian Kristian
Chhungkaw Hapta an
hmang a. He Kristian
chhungkaw hapta chhung
hian Rev.C.Ngurhnema ziak
zirlaibu, zantin an zir \hin a
ni. Inkhawm zanah Biak

Inah an zir bakah inkhawmloh

zanah mahni chhungkua
\heuhah zirlai hi zir \hin a ni.
Kristian chhungkaw zirlaibuah
hian nu leh pa te
mawhphurhna te, \halai
mawhphurhna lamte leh
familly planning te, naupangte
chanvo te zirho \hin a ni.

SA te intodelhna campaign zel

Salvation Army chuan
Mizoram chhung hmun
hrang hrangah intodelhna
campaign an kalpui zel a.
Inrinni zan a\anga Pathianni
zan thleng hian Hnahlan
Corps ah intodelhna campaign hi neih a ni ang. He
campaign ah hian Pu

C.Lalhuapzauva, CSM,
Vengthlang Corps, Pu
C.Hrangsat kima, CSM
Champhai Corps, Pu
Rammuana CSM, Khawzawl
Vengthar Corps, leh Dinthar
Khawzawl Corps a\angtein
Campaigner te hi an kal dawn
a ni.

He fapa tlanbo hi tuna he thu ziak tupa hi a ni. Nu leh pa te hmangaihna hi

a va`n lo ropui tak em. Hetia ka tlanbo lai hian ka nu leh pa te hian min ngaihtuah
lutuk a, ka hawn duh hun apianga ka hawn theih nan zankhuain keimah vangin
kawngkhar an kalh ngai lo. Zan khat chu ka riltam lutuk chu zan rei tawh tak Dar
12 hnu feah kan inah chuan chaw ei ruk tumin ka va hawng a. Zawite in kan
kawngkhar chu ka hawng a, an lo mut vek tawh ka ring a. Mahse khami zana ka
thil hmuh khan ka nun zawng zawng a ti danglam ta vek a ni. Ka nu leh pa te rilru
hah lutuk chuan zan laiah ka u leh naute zawng zawng an lo kai thova, kan chhuat
laiah laltin (khawnvar)lo chhiin ka hming lam in mittui nen an lo tawngtaia, ka nu
phei chu a tap ri chhhuak hawm hawm a, ka pa pawh in ti pa hle thin e ti lo chuan
kawngkhar kan hawnga, ka han lut chu a mita mitui lo hnam tiam tiam chu ka hmu
thei. Chutah chuan kei pawh chu chhuah leh nghal tuma ka awmlai chuan ka pa
chuan "Thlenga, min kalbo san lul tawh suh, lokal rawh" tih pah chuan ka banah min
rawn mana, min kuah a, a tap ta hawm hawm mai a. Chu ka pa hmangaihna atang
chuan chhuahluih chu ka tum duh ta lem lo va. Khata tang khan ka rilru ka siam ve
ta a. A tawi zawng in sawi ila, tun dinhmun hi ka lo thleng ta a ni. Ka pa hi Asma
avangin kum sawm dawn lai chu pawn chhuak thei lo in a na a. Hetia Pathian zarah
rawngbawltu ka lo ni ve tawh hnuah hian mahni khuaah pawh awm thei loin
rawngbawla hmun hrang hranga ka awm a ngai avangin, duh ang pawn ka enkawl
ve thei lo kha pawi ka ti tak zet a ni.
A thih hma deuh khan vawikhat chu ka thiannu nen ka pa han kan turin kan
hawnga. Chumi tum chuan a roomah min ko lut a. Chuta ka pa thusawi chu engtikah
mah ka theihnghilh thei lo. Ka pa chuan, Thlenga, lo hnai teh min ti a, a bulah ka va
kal hnai a. Thlenga enteh, i sual lai ber; ka hnen atanga fapa tlanbo anga i tlanbo lai
leh, hetia Pastor a i tan tawh hnu pawh hian zan khat mah hi i tan tawngtai ka bang
ngai lo. Zan khat mah hi ka tawngtai naah i hminglam ka theihnghilh ngai lo asin" min
ti chu ka hnuk a ulh a ka mittui a tla sawk mai. Kei a mah ti lungaia ti hrehawm em
em thin tu, ka unaute zingah pawh sual ber nu leh pa te ti mualpho ber tu ni thin; he
titaka min lo hmangaih hi mak ka ti a ni. Tichuan ka pa chuan min kuah a, ka
luchunga kut nghat in mal min sawma min tawng tai sak a. He thu hi ka nu hnenah
ka hrilh a Ka nu ka pa khan a thih hma lawk khan ti hian min hrilh a sin..zan khat
mah hi i hming lam a tawngtai hi ka theihnghilh ngai lo min ti asin. ka ti a. Ka nu
chuan, ani taka sin Thlenga, i u leh nau dangte ka theihnghilh a nih pawh in nang hi
chu kei pawhin ka theihnghilh ngai lo che. Zantin i hmiglamin ka tawngtai thin a sin
min ti. Kan unau zing ah "Black sheep" ka ni a, a ngaihtuah ngai ber ka nih vang
pawh ani mai thei. Kei misual ber hi ka nu leh pa te rilru zawng zawng luah khat tu
ka ni.Tun dinhmun ka lo thlen theih chhan leh a hminga Pathian rawngbawltu ka lo
nih ve chhan te, mi dang tluk mah suh ila, keima tawka ka rawngbawlna a ka
hlawhtlin ve chhan te hi engdang vang ani lo, kan nu leh pate tawngtaina mittui vang
a ni. Aw a van hlu em ka tan chuan mittui rangkachak a ni. Ka nu hi thingtlang nu
mawlte mah nise thlarau lamah hian tunah pawh ka tluk lo nasa. Kei lehkhathiam
zawk leh zir sang zawk pawhin nachang ka hriat loh pawh hian a mah hian Thlenga
lo kal rawh u in chhungin mal ka lo sawm ang che u hi a ti thin a.kan lu chungah kut
nghatin mal minsawma min tawngtai sak thin. Tawngtaina hian thil a va tithei tehlul
em!

CHRISTIAN NEWS
GERMANY-A IRAN LEH AFGHANISTAN ATANGA
RALTLANA LUT MUSLIM MI 80 TE CHU KRISTIANAH
AN INLET A, HAMBURG-AH BAPTISMA CHANTIR AN NI
Kristiana inpe tharte hi a huhovin Pastor Albert Babajan chuan
a baptis a, heng mite hi Islam-ah an lungawi lova, a tha zawk
an zawng tih sawiin, Islam sakhuaah hian an beidawng a ni, a
ti. Baptisma chang zinga pakhat Shima chuan, ka nun pumin
hlimna leh thlamuanna ka zawng a, Islam-ah chuan ka hmu lo.
Kristianna hian hlimna min pe a, hahchawlhna pawh ka nei
mek a ni, a ti. Inpe thar Somaz pawhin, Islam-ah chuan
hlauhnain kan nung a. Allah kan hlau a, sual kan hlau a, hrem
kan hlau bawk a. Mahse Kristiannaah chuan Isua Krista
kaltlangin Pathian hmangaihna ka hre thung a ni, tiin a sawi ve
bawk. Raltlan tam tak hi Germany-a an luh hnuah Kristianah
an lo inpe tawh a, Pastor Babajan chuan heng mite hi tihluihna
tel lova inpe an nih thu leh, Isua Krista-in an nun a khaih danglam
avang chauhva inpe an nih thu sawiin, mi thenkhat erawh chu
an ram lama kir leh tumna avangin an inpe lova, Krista hmutute
tak tak lo chu inpe lo tura a ngen thu a sawi a ni.

MADHYA PRADESH-AH HINDU KULMUKTE CHUAN

BIAK IN PAKHAT CHU LUNGIN AN TAWNG
Kar hmasa khan Jabat-a Protestant Kohhran Biak in pakhat
chu Hindu kulmuk mi 50 ten lungin an vawm a, Biak in hi a
chhe nasa hle a ni. An sawi dan chuan Ram Navmi laia Biak
in pawna puan sendang intar chu tihchhiat a ni a. Hei hi Hindu
te chuan Kristiante tih ngei a nih ringin an thinrim hian Biak in
hi an tawng zui ve ta a ni. Report-in a tarlan danin Jabat BJP
President lakah FIR thehluh a ni a, intualvuakna chawk
chhuaktu bakah, hmeichhe chunga tharum thawhna chawk
chhuaktua puh a ni. Alirajpur SP sawi danin tharum thawhna
hi zan lama chhuak a ni a, police te an inrawlh hnuah mi
pahnih chu hman nghal an ni. Biak In enkawltu Pastor
Emmanuel chuan RSS leh an zawmpui Bajrang Dal te chu
tun tuma Biak In beitute hi an ni a, hmeichhiate pawh an dim
chuang lo niin a sawi a, heng mite hi Police te hmuhlai ngeiin
an che a, police te hian ngawi rengin an lo en tawp a. Puan
sendang hi an tihchhiat a nih loh thu a sawi tel bawk a ni.
Hetihlai hian Global Council of Indian Christian president
Sijan K George chuan India ramah sakhaw inngeihna leh
zalen taka Pathian biakna chu a tlakhniam zel thu leh, tharum
thawhna chu a hluar zel thu a sawi a ni.

Phone khawih chunga kal hi!

Chawhnu inkhawmna a kal tur in
ka insiam a, ka thian ten min
sawm avangin ka kal ta alawm.
Lukhum var nen nalh inti zet in
pheikhawk sang nen puan bih
chungin ka insiam a, ka thiante
chuan ka la hmanloh deuh avangin
zawi muang in min lo kalsan a,
khatih lai khan veng dang atangin
mikhual pa 6 vel an lo kal a. Tichuan ka insiam zawh
chuan ka kal a, chawhnu inkhawm a kal tur ho nen kan
in tawk nual a, chutihlai chuan ka msg tone a lo ri tleng
tleng a, kalkawng pawh en hlei lo chuan ka type char
char a. Step a wm emaw ka tia ka`n rap thla mai chuh!
Boruak ka lo rap reng tawh chu niin! khatia phone chiah
en a ka kal kha, tlem in thlang lam pang koah ka kal
kawi chu lo ni in! Ko ah kawngpui atanga fit 4 vela sangah
ka tla thla thum ri dawp mai a! Ka thu hnawk a, ka la
hnang zui...ka in tih nalh ve tehlul nen inkhawm kal tur
ho in min lo hmu a, ka tlak naah an lo awm thup a; min
chum dawt dawt a ka zak lutuk!
Ms-i,
Chhakchhuak.
Ar talh dan chikhat chauh a awm lo!
Ka artalh chanchin ka'n hrilh ang che u aw. Ka vawikhat
talhna ani a, a nghawngah ka'n sat ve pawp a, chem a lo
bil si;a bung lo nasa mai! Ka sat nawn ngam tawh silo a,
ka nem bet ngar ngar a, a tawp a tawpah chuan a thi ve
ta hram a! Rawh ka tum ta a, a rih deuh avang chuan,
hlep then mai ang ka ti a, a bawp pahnih leh athlaki pahnih
chu ka zaithla a, ka'n rawh mai chuh, a lum tual tual a, a
tla leh thin a, khua alum si! |ah achhuak duh ngei mai!
Kan pa lah arpuah aiin nau awm a thlanga, a lenpui daih
sia. A kawchhung ka'n hai tur chu a zai pawh nalai tur
ka hmuzo ta lo, a ut vek sia! Ahnung leh a hmalam chu
ka zai chik hrup mai a, ka hmuzo silo; ka \ahchhuak
lutuk leh ka thinrim lutuk chu khawlum lutuk nen, ka
paihd aih mai dawn ka'n ti chu, kanpa nuihza lutuk chu,
ka zaina zawng zawngte chu a'n nuih nasa khawp a! Kei
lah mittui tla deuh purin,\ahnuih deuh nen..chiloh tak ani
- Thups
( I chetchhiatna kha midangte nuihpui atan rawn thawh
ve ta che. Sms/Whatsapp 9612194537 )

Naupang pual
Chei rawh le

Pic: Sofia
Diltu: 9615180448

KEIMAHNI
Bazar nuhote hnen a\angin chawhmeh kan dawng a, kan lawm e.
Karkalta khan Centre septic tank khur laiin hun kan hmang.
Evan T.Lalruatkima, Christ Ministry hnen a\angin Rs.1000/- kan dawng a,
kan lawm e.
Min \awng\aipui \hintute zawng zawng chungah lawmthu kan sawi e.
A THLAWNIN SCHOOL HMING PRINT SAK THEI
School T-Shirt, kan dawr a mi ngei min dawrtute tan a thlawnin an Schhol hming
kan print sak leh ta chur chur mai. Tin, engtiklai pawhin Jersy i duh ang thlapin
kan lo \hui sak ang che. Pawlho leh mimal etc tan pawh engtiklai pawhin a tlawm
thei ang berin kan lo print sak zel ang che u. Min rawn pan ve thuai teh
PENIEL ART WORKS, Chawngthu Hotel bul. Dawr Veng, Champhai.
Ph. 9862303779 / 8014356081

CHANCHIN LAWMAWM..KHAWLTHAR (BANNER PRINTER)

Khawl thar \ha zawk, banner mai baka thlalak leh citation te print nana duhthusam kannei leh ta
hlauh mai. Min dartuten harsatna intawhloh nan venglai bazarah banner, thlalak,citation, name
plate, etc ulukngai bikte lokal ula. Banner pangngai leh singboard mamawh ten Awmpuiphei ah
bawk aw. Chhiatni \hatniah thla kan la thei a, kan thlalak sakte poster kan present \hin a nia. Heng
kan citationsiamte hi a reh ve theih tawhloh a, he vanneihna hi rawn pan ve rawh le.
- Thangbuta, Design & Printing
Awmpuiphei veng & Venglai Bazar, Champhai. Ph. 9862174630 / 9615445221

THLANLUNG |HABIK, THLAN KER LEH THLAN SIAM

Farkawn thlan lungchang \ha bik kan zuar reng e. Thlanlung kan ker thei a, Granite hmangin mawi
takin kan siam thei bawk. Tin, thlan pum pui kan rem/siam thei nghal vek bawk e. Min rawn pan
vela, min han chhin ve teh le. Kan thiamtawp hmangin kan theihtawp kan lo chhuahsak dawn che
nia.
- KHALTHANG ARTS
Aizawl Road, Pu C.Luaia In hnuai Champhai. Ph. 8575303365

HENGTE HI I MAMAWH VE EM?

Intel Core i series i5, i3, dual core, AMD series etc...kan thleng thar e. Laptop sony vio,
acer, asus, hp, lenovo duhthlan tur a awm bawk e. Gaminf Playstation, Printer, Wofer,
Grapics Card, Internet 3G data card leh Printer ink chi hrang hrang kan kawl bawk e. Min
dawrtute free gift tha tak kan pe tel zel.
- LL Computers,

Khuangluaia building,Venglai Bazar, Champhai. Ph. 9615953749

ELECTRONIC MULTI-BRAND SHOW ROOM
Laptop & Desktop COMPUTER, Mobile Phone, Digital Camera, TV, Fridge, Washing Machine,
Inverter / UPS, Motor leh Inverter Battery chi hrang hrang, Laser & Inkjet Printer, Woofer, 3G/
GPRS Internet Data Card, bakah electronics bungrua chi hrang hrang kimna leh tlawnna hmun.
Company trained technician thiam leh rintlak tak tak ten an thutchilhna hmun a nih
avangin after sales service ah harsatna a awm tlem bik.

JK BUSINESS SERVICES,
Venglai Bazar, Champhai. Phone: 03831 234649 (O) 9862725644 (M)

P u b l i s h e d & E d i t e d by C . H r a n g h l u n a & P r i n t e d a t C K O f f s e t P r i n t i n g & P a p e r W o r k s , C h a m p h a i V e n g t h l a n g .