၈၈၈၈ ပြည်သူနေ့ စဉ်မှ စုစည်းတင်ပြသည်

"ဇူလိုင် ၇ ရက်ကျောင်းသားအရေးတော်ပုံကြီး"
(ဒေါင်းလူငယ်)

ကျောင်းသားသမဂ္ဂ အဆောက်အဦ
၁၉၆၂ ခုနှစ် ဇူလိုင်လ ၈ရက်နေ့  နံနက်အရုဏ်တက်တွင် စစ်အုပ်၏ဗုံးခွဲဖျက်ဆီးခြင်းကို ခံခဲ့ရသည်။

၁၉၆၂ ခု၊ မတ်လ ၂ ရက်နေ့သည် မြန်မာ့သမိုင်းစာမျက်နှာ၌ကံဆိုးမိုးမှောင်ကျသောနေ့ တစ်နေ့ဖြစ်
သည်။ ထို့ပြင် ပါလီမန်ဒီမိုကရေစီ စနစ်ကို နိဂုံးချုပ်၍ စစ်အာဏာရှင်အစိုးရ စတင်ပေါ်ထွန်းခဲ့သော

နေ့တစ်နေ့လည်းဖြစ်လေသည်။ မှန်ပေသည်။ထိုနေ့နံနက် တွင် ဗိုလ်ချုပ်ကြီးနေ၀င်း ဦးဆောင်သော
တော်လှန်ရေးကောင်စီ (၀ါ) စစ်အာဏာရှင်တို့သည်သမ္မတ ဦးဝင်းမောင်၊၀န်ကြီးချုပ်ဦးနု၊ ၀န်ကြီးများ
ဖြစ်ကြသော သခင်တင်၊ ဒေါက်တာဦးဧမောင်၊ ဦးရာရှစ်၊ ဦးဘစော၊ သခင်တင်မောင်၊ ဦးသွင်၊စ၀်ခွနချို၊

စ၀်ဝဏ္ဏ၊ ဒေါက်တာစောလှထွန်း၊ ဦးဇာရဲလျန်၊ ဦးဘမြိုင်၊ နိုင်အောင်ထွန်း၊ တရာဝန်ကြီးချုပ်ဦးမြင့်သိန်း၊
ပြည်သူ့လွှတ်တော်ဥက္ကဋ္ဌမန်းဘဆိုင်၊လူမျိုးစုလွှတ်တော်ဥက္ကဋ္ဌစ၀်ခွန်ကြည်၊ညောင်ရွှေစော်ဘွား

စ၀်ရွှေသိုက်၊ မိုးနဲစော်ဘွားစ၀်ပြည့်၊ လဲချင်းစော်ဘွားစ၀်နွဲ၊ သာမိုင်းခမ်းစော်ဘွးစ၀်ထွန်းအေး ၊ကျိုင်းတုံ
စော်ဘွားစ၀်ဆိုင်းလုံ၊ မွန်းလွန်းစော်ဘွားစ၀်ခွန်ကိုး၊ မိုင်းခွန်စော်ဘွားစ၀်ကြည်၊ ကျေးသီးမန်းစံစော်ဘွား
စ၀်ရွှေမှုံ၊ ဘော်စော်ဘွားစ၀်ခွန်အောင်၊လွိုင်လင်စော်ဘွားစ၀်မိုးကျော်၊ ပင်းတယစော်ဘွားစ၀်ဝင်းကြည်၊
ရွာငံစော်ဘွားစ၀်ခွန်ရီ၊ မိုင်းပန်စော်ဘွားစ၀်ရွှေကြည်၊ စကားစော်ဘွားစ၀်ခွန်ညွန့် ၊မိုင်းလုံစော်ဘွား
စ၀်မန်လစ်၊ စ၀်ခွန်ထီး၊ စ၀်မန်ဖ (သနီမြောက် ပိုင်းအမတ်)၊ စ၀်အောင်ပူး (လွိုင်လင်အရှေ့ပိုင်းအမတ်)
၊ ဦးစံမြတ် (လွိုင်လင်အနောက်ပိုင်း အမတ်)၊ စ၀်ကျော်ခေါင်(လွိုင်လင်အလယ်ပိုင်း အမတ်)၊ ဦးချစ်
(လွိုင်လင်တောင်ပိုင်းအမတ်)၊ဦးရီရောင်း(ကျိုင်းတုံမြောက်ပိုင်းအမတ်)၊ဦးခွန်နော် (ကျိုင်းတုံအနောက်
ပိုင်း အမတ်)၊ ဦးဖြူ (မိုင်းပွန်အမတ်)၊ ဦးကျော်စိန် (သာမိုင်းစမ်းအမတ်)၊ ဦးလွန်(စကားအမတ်) ၊

၈၈၈၈ ပြည်သူနေ့ စဉ်မှ စုစည်းတင်ပြသည်

ဦးအမ်ဇော်လ (ကွတ်ခိုင်အမတ်)၊ ဦးစိန် (ကယား)၊ ဦးထွန်းမြင့် (တောင်ကြီး)၊ ဦးကြာပု၊ ဦးမြတ်ဖူး၊
ဦးစိုးမောင်၊ဦးချစ်ဦး၊ဦးသန်းတင်၊ဦးတင်အောင်တို့ကိုဖမ်းဆီး၍

နိုင်ငံတော်အာဏာကိုသိမ်းယူ

လိုက်လေသည်။
သို့ကလို စစ်တမ်မှအာဏာသိမ်းယူလိုက်ကြောင်းကြေညာချက်များနှင့်အတူ ပြည်သူတို့အား စီတန်း
လမ်းလျှောက်၍ဆန္ဒပြပွဲများမပြုလုပ်ကြရန်မေတ္တာရပ်ခံချက်များကို

သတင်းစာများတွင်

ထည့်သွင်း

ဖေါ်ပြခဲ့သည်။ ဆန္ဒပြလျှင် အရေးယူမည်ဟုလည်း နောက်ဆက်တွဲသတိပေးထား၏။ ကြေညာချက်
များကိုဖတ်ရှုရုံဖြင့်

စစ်တပ်က

အာဏာသိမ်းကြောင်းကြေညာ

ချက်ကိုဆန့်ကျင်မှုများ

ပေါ်ထွက်

လာမည်ကို ဗိုလ်နေ၀င်းနှင့် စစ်အာဏာပိုင်တို့သည် ကြောက်ရွံ့နေသည်မှာ သိသာထင်ရှား လှပေ
သည်။ အိမ်စောင့်အစိုးရခေတ် (၁၉၅၈-၆၀) တွင် ကိုကိုးကျွန်းအကျဉ်းထောင်ကြီးကို ဆောက်လုပ်ကာ
ဒီမိုကရေစီလိုလားသူများနှင့် ကွန်မြူနစ်အရောင်အသွေးရှိသူများဟု ယူဆသူများကို ဒလကြမ်းဖမ်းဆီး

နှိပ်စက်ခဲ့သည့်သင်ခန်းစာရှိ သဖြင့် ကန့်ကွက်ဆန္ဒပြပွဲများဖြစ်ပေါ်ခြင်းမရှိစေကာမူ စစ်အစိုးရအလိုမရှိ
ကြောင်းကန့်ကွက်သောစာများ

မတ်လ

ရက်နေ့မှစတင်ကာ

ပလူပျံပေါ်ထွက်လာခဲ့သည်။

လူငယ်တပ်ဦးနှင့်မဟာမိတ်အဖွဲ့ ၁၀ ဖွဲ့၊ ရခိုင်သံဃာတပ်ဦး၊ ရခိုင်သောတုဇနအဖွဲ့ချုပ် စသော အဖွဲ့များ
ဆန့်ကျင်ကန့်ကွက်ချက်များ ထုတ်ပြန်ကြသည်။ ရဲဝံ့ပြတ်သားစွာ ကြေညာသော အဖွဲ့ အစည်းများမှာ
ကျောင်းသားအဖွဲ့အစည်းများဖြစ်ကြသည်။

တက္ကသိုလ်

တပ်ဦးသစ်၊

ရန်ကုန်

ခရိုင်

ကျောင်းသားများသမဂ္ဂ၊ ဗမာနိုင်ငံလုံးဆိုင်ရာ ကျောင်းသားများသမဂ္ဂတို့က စစ်တပ်က အာဏာသိမ်း
ခြင်းကိုမည်သည့်နည်းနှင့်မျှ လက်မခံနိုင်ကြောင်းကြေညာခဲ့ကြသည်။ ကြေညာချက်နှင်အညီစစ်အစိုးရ
အားပြင်းထန်စွာ

ဆန့်ကျင်ကြသဖြင့်

စစ်အာဏာပိုင်တို့နှင့်ထိပ်တိုက်တွေ့ကြရလေသည်။

ထို့နောက်တော်လှန်ရေးကောင်စီသည် ၁၉၆၂ ခုနှစ်၊ ဇူလိုင်လ ၄ ရက်နေ့တွင် ကျောင်းစည်းကမ်း သစ်
များကိုထုတ်ပြန်ကြေညာခဲ့သည်။ အဆိုပါစည်းကမ်းသစ်များကို အကြောင်းပြု၍ ကျောင်းသား ဆန္ဒပြ

လှုပ်ရှားမှုများပိုမိုကျယ်ပြန့်လာခဲ့သည်။ ဇူလိုင်လ ၅ ရက်နေ့တွင် ကမာရွတ်ရဲစခန်းရှေ့တွင် ငြိမ်းချမ်းစွာ
စီတန်းဆန္ဒပြကြသည့်

ကျောင်းသားများကို

ရဲတို့က

သေနတ်နှင့်ပစ်ခတ်

လူစုခွဲကြသည်။

ကျောင်းသားတစ်ဦး ဒဏ်ရာရရှိသဖြင့် ဆေးရုံသို့ပို့ရသောအခါတွင် လှုပ်ရှားမှုများ ပိုမိုပြင်းထန်လာ
သဖြင့် ရန်ကုန်ခရိုင်ရာဇ၀တ်တရားသူကြီးက ကမာရွတ်အ၀ိုင်းကြီးနယ်မြေအား ပုဒ်မ ၁၄၄

ထုတ်ပြန်ပြိး၊ တက္ကသိုလ်နယ်မြေအတွင်း နေ၀င်မီးငြိမ်းအမိန့်ထုတ်ပြန် လေသည်။ ထိုနေ့၌ပင် ရန်ကုန်
တက္ကသိုလ်ကျောင်းသားများသည်တက္ကသိုလ် ပရ၀ဏ်တစ်ခုလုံးတံခါးများ ကိုသော့ခတ် ပိတ်ဆို့ပြီး၊
ဒီမိုကရေစီခံတပ်ကြီးဟု ဆိုင်းဘုတ်များတင်ကာ ဒီမိုကရေစီတရားပွဲများ ကိုအသံချဲ့စက် ဖြင့်ဟော
ပြောကြသည်။ မကျေမနပ်ဖြစ်နေသော ကျောင်းသားများသည် စစ်တပ်ဆန့်ကျင်ရေး ကိုအမျိုးမျိုး

ဟောပြောနေကြရာ``တော်လှန်ရေးကောင်စီဝင် ဗိုလ်မှူးကြီးများသည် သုံးယောက် ပေါင်းမှ ၇ တန်း
သာ အောင်သူများဖြစ်ကြသည်´´ စသည်ဖြင့် စိတ်တွင်းရှိသမျှဟောပြောကြသည်။

၈၈၈၈ ပြည်သူနေ့ စဉ်မှ စုစည်းတင်ပြသည်

ကျောင်းသားများ၏ ဟောပြောချက်များသည် အနာပေါ်ဒုတ်ကျသည့်အလား နားမခံနိုင်သဖြင့် ဒေါသ
အမျက်ချောင်းချောင်း ထွက်ကာ စစ်တပ်မှာပစ်ခတ်သတ်ဖြတ်ရန် ဗိုလ်နေ၀င်းက ကြိုးမဲ့ အသံလွှင်
့စကားပြောခွက်ဖြင့်-ကိုယ်တိုင်အမိန့်ပေးခဲ့သည်။
ထိုစဉ်ကတက္ကသိုလ်တစ်ဝိုက်တွင် တပ်စွဲထားသောစစ်တပ်များကိုကွပ်ကဲနေသူ ဒုတိယဗိုလ်မှူးကြီး

စိန်လွင်က တပ်သားများအား အဆင့်ဆင့်အမိန့်ပေးသဖြင့် လက်နက်မပါဘဲ မိမိတို့အဆောင်တွင်း၌
စုရုံးဆန္ဒပြနေသည့်ကျောင်းသားများကို အစုလိုက်ရက်စက်စွာပစ်ခတ်သတ်ဖြတ်ခဲ့သည်။
ဆန္ဒပြရာတွင် ပါဝင်ခြင်းမရှိသည့် အဆောင်နေကျောင်းသားများကိုပါတွေ့ရာသင်္ချိုင်းဓါးမဆိုင်းဘဲ
ပစ်ခတ်သတ်ဖြတ်ကြသည်။

စစ်တပ်သည် ဂျီသရီမောင်းပြန်သေနတ်သစ်များကို ပထမဆုံးစတင်အသုံးပြုကာ လက်တည့်စမ်းပစ်
ခတ်ခဲ့ကြသည်။ ထိုသေနတ်သစ်များမှာ အနောက်ဂျာမနီ မှ ပစ္စည်းကိရိယာများကို ရန်ကုန်မြို့ရှိ
စစ်လက်နက်ပစ္စည်းထုတ်လုပ်ရေးစက်ရုံတွင် တပ်ဆင်ခဲ့သည်။ ဂျီသရီးသေနတ်သစ်များကို
အာဏာသိမ်းစဉ်က တပ်အချို့သို့ထုတ်ပေးခဲ့ရာ၌ ခုခံမှုမရှိသဖြင့် အသုံးမပြုခဲ့ရပေ။
ထိုလက်နက်သစ်များကို စမ်းသပ်ရန်လက်ယားနေသူ ဗိုလ်နေ၀င်းအဖို့ အခွင့်အရေး ရရှိသွား တော့

သည်။ ဇူလိုင် ၇ရက်နေ့ ကျောင်းသားအရေးအခင်း၌ စစ်အာဏာရှင် အစိုးရက ကျောင်းသား ၁၅ ဦး
သေဆုံးပြီး၊ ၂၇ ဦး ဒဏ်ရာရရှိသည်ဟုကြေညာခဲ့သော်လည်း အမှန်တကယ်သေဆုံးခဲ့ရသူပေါင်းမှာ
၂၀၀နီးပါးခန့်ရှိ၍-၄၀၀ခန့်ဒဏ်ရာရရှိခဲ့လေသည်။

သို့ကလိုကျောင်းဝင်းအတွင်းသို့ ပစ်ခတ်တိုက်ခိုက်ပြီးနောက်ရန်ကုန်တက္ကသိုလ်ကျောင်းသားများသမဂ္ဂ
(တကသ)၏အဆောက်အဦကိုစစ်တပ်က၀ိုင်းထားပြန်၏။

တက္ကသိုလ်သမဂ္ဂအဆောက်အဦကြီးသည် ရန်ကုန်တက္ကသိုလ်၏ ဂုဏ်ထူးဆောင်အဆောက်အဦဖြစ်

သည်သာမက မြန်မာ့နိုင်ငံရေးသမိုင်းတွင် နယ်ချဲ့ဆန့်ကျင်ရေးခံတပ်ကြီးအဖြစ် လူထုက အမွန်အမြတ်
အသိအမှန်ပြုထားသည့်ဗိမာန် ဖြစ်သည်။၁၉၂၀ ခု၊ ဒီဇင်ဘာ ၅ ရက်နေ့ တက္ကသိုလ် ကျောင်းသားများ
၏ သပိတ်မှစတင်ကာ နိုးကြားလာသည့် မြန်မာလူထုကို ကျောင်းသား ခေါင်းဆောင်များက နယ်ချဲ့

ဆန့်ကျင်ရေးတိုက်ပွဲများဆီသို့ ခေါင်းဆောင်ခဲ့သည်။ တက္ကသိုလ် ကျောင်းသားများသမဂ္ဂ (တကသ)
ကို ၁၉၂၇ ခုနှစ်က စတင်ဖွဲ့စည်းခဲ့သည်။ သမဂ္ဂ၏ရုံးအဆောက်အဦကို ၀ံသာနု မြန်မာသူဌေးကြီး

ဦးညိုကတည်ဆောက်လှူဒါန်းခဲ့သည်။ အဆောက်အဦကို ကျောင်းသားများ၏ ပညာရေး၊ လူမှုရေးရေး
နှင့်ကျန်းမာရေးကိစ္စများကို အသုံးပြုရန်ရည်ရွယ် ခဲ့သဖြင့်အင်္ဂလိပ်တက္ကသိုလ်အာဏာပိုင်များကပင်
အားပေးခဲ့ကြသည်။ ကျောင်းသားများက စကားရည်လုပွဲများကျင်းပလေ့ ရှိရာတွင် မြန်မာနိုင်ငံအဖို့

အိန္ဒိယပြည်နှင့် ခွဲရေး၊ တွဲရေးပြဿနာပေါ်လာသောအခါ သမဂ္ဂခန်းမဆောင်မှာ နိုင်ငံရေးခေါင်းဆောင်
များ၏စကားစစ်ထိုးရာဗိမာန်ဖြစ်လာခဲ့ပသည်။ ဦးဘစော၊ ဒေါက်တာဘမော် စသော ခေါင်းဆောင်

၈၈၈၈ ပြည်သူနေ့ စဉ်မှ စုစည်းတင်ပြသည်

များသည်၊တကသခန်းမမှဟောပြောကြရင်းစည်းရုံးရေးလုပ်ငန်းများလုပ်ဆောင်ခဲ့ကြသည်။
နောက်ပိုင်း တကသအသင်းကို ကျောင်းသားခေါင်းဆောင်အဖြစ် ကိုနု၊ ကိုအောင်ဆန်း၊ ကိုကျော်ငြိမ်း၊
ကိုသိန်းဖေနှင့် ကိုရာရှစ်တို့ တက်လာချိန်မှစတင်ပြီး နယ်ချဲ့တိုက်ပွဲ၊ နယ်ချဲ့ခံတပ်အဆောက် အဦကြီး
ဖြစ်လာခဲ့သည်။ ၁၃၀၀ ပြည့်နှစ်အရေးတော်ပုံမှ အင်္ဂလိပ်တို့အား လက်နက်နှင့်တိုက်ခိုက်နှင်ထုတ်မှု
အထိအရှိန်အဟုန်ပြင်းထန်ခဲ့သဖြင့် လွတ်လပ်ရေး တိုက်ပွဲများ၏ အောင်ဗိမာန်ကြီးအဖြစ် မြန်မာ

တစ်မျိုးသားလုံးက ဂုဏ်ယူခဲ့ကြသည်။ ဗိုလ်နေ၀င်းခေါင်းဆောင်သော စစ်အာဏာရှင် အစိုးရအများစု
သည် တက္ကသိုလ်ကျောင်းသားဘ၀က တသက လှုပ်ရှားမှုများတွင် ပါဝင်ခြင်းမရှိခဲ့သလို၊ ပြည်သူ
လူထုက ကိုးစားသော ကျောင်းသားခေါင်းဆောင်များကို အမြဲမနာလို ဖြစ်နေခဲ့သည်။ ထို့ကြောင့်

တကသကျောင်းသားလှုပ်ရှားရာဘူမိနက်သန်တကသအဆောက်အဦကြီးကို ဖြိုဖျက်ရန် အမြဲဆင်
ကြံကြံရွယ်လျက်ရှိသည်။

ထို့နောက် ဇူလိုင်လ ၇ ရက်နေ့က ကျောင်းသားများကို ပစ်ခတ်သတ်ဖြတ်စဉ်က ကျောင်းသား
ခေါင်းဆောင်များ သေဆုံးခြင်းမရှိ၊ အချို့မှာ ဖမ်းဆီး၍ပင်မမိသေးဘဲ တကသ အဆောက်အဦ
မျက်နှာကြက်တွင် ပုန်းအောင်းနေသည်ဟု သတင်းကို ဗိုလ်နေ၀င်းသိရှိသောအခါ တကသ

ခေါင်းဆောင်မှန်သမျှကို သတ်ဖြတ်ရန်နှင့် တကသအဆောက်အဦကြီးကိုပါ ဇူလိုင်လ ၈ ရက်နေ့တွင်
အပြီးအပြတ်ဖျက်ဆီးရန်အမိန့်ပေးခဲ့လေသည်။သမဂ္ဂရုံးကို ဖြိုဖျက်ပြီးနောက် ဗိုလ်နေ၀င်းဥက္ကဋ္ဌ

အဖြစ်ဆောင်ရွက်နေသော တော်လှန်ရေးကောင်စီက ``စည်းမဲ့ကမ်းမဲ့ဘ၀ကိုပြင်ရမည့် တာဝန်သည်
မိမိတို့အပေါ်ကျရောက်နေသဖြင့် တပ်မတော်၏အား တစ်စိတ်တစ်ဒေသကိုသုံး၍ ဖြေရှင်းလိုက်

ရခြင်းဖြစ်သည်´´ဟုကြေညာခဲ့၏။ ထိုကြေညာချက်မှာ စစ်တပ်ကိုအံတုလျှင် ယခုထက်ကြီးမားသော
လက်နက်အင်အားနှင့်ဖြေရှင်းမည်ဟုရာဇသံပေးသည့်သဘောသက်ဝင်၏။
ထို့ပြင်တကသ အဆောက်အဦကို ဖျက်ဆီးပြီးနောက် ပြည်သူတို့အား အသံလွှင့်မိန့်ခွန်းပြောရာတွင်
သူကသတ်ဖြတ်လိုက်သော ကျောင်းသားငယ်ကလေးများသည် လက်နက်ဟူ၍ အပ်တိုတစ်ချောင်းမ
ှမရှိကြသည်ကိုသိပါလျက်နှင့် လက်နက်ကိုင်သူပုန်အဖွြဲံ့ကီးကိုရင်ဆိုင်နေသည့်သဖွယ်ပုံကြီးချဲ့၍

`ဓါးကိုဓါးချင်း၊ လှံကိုလှံချင်းရင်ဆိုင်ဖို့အသင့်ရှိပါတယ်´ ဟုဒေါသပုန်သံနှင့်အသံလွှင့် ပြောကြား
ခဲ့ပြန်သည်။ ဗိုလ်နေ၀င်းနှင့်စစ်ဗိုလ်တစ်စုသည် ဇူလိုင်လ ၇ ရက်နေ့က ကျောင်းသားများကို

သတ်ဖြတ်မှုကြီးနှင့်နိုင်ငံက အမွန်အမြတ်ထားသည့် တကသအဆောက်အဦကြီးကို ဗုံးခွဲဖျက်ဆီး
မှုကြီးတို့ကို ဒေါသမွှန်ကာ စိတ်လိုက်မာန်ပါ ကျူးလွန်ခဲ့ခြင်းသည် သူ့အဖို့ ကြီးလေးသော ရာဇ၀တ်
မှုကြီးဖြစ်သလို၊ စစ်တပ်အဖို့လည်း အမည်းစက်ကြီးဖြစ်နေသည်ကို စဉ်းစားမိလေသည်။

`နှံပြည်စုတ်ကို အမြောက်နှင့်ပစ်´ သလို ရာဇ၀င်ရိုင်းလုပ်ဆောင်ချက်ကို တစ်နေ့နေ့တင် လူထု၏
ဒဏ်ခတ်မည်ကိုကြောက်သွေးဖြာလာကြသည်။

၈၈၈၈ ပြည်သူနေ့ စဉ်မှ စုစည်းတင်ပြသည်

မတရားကျူးလွန်ခဲ့သောရာဇ၀တ်မှုကြီးအတွက် တစိမ့်စိမ့်ကြောက်ဒူးတုန်လာကြသောအခါ တရားခံ
သည် မိမိမဟုတ်ပါ။ တစ်ဦးကိုတစ်ဦးက လက်ညှိုးထိုး၍ အပြစ်ဖို့ရင်း မိမိ၌ အပြစ်မရှိကြောင်း

ထုချေမှုများကို အကြိမ်ကြိမ် ပြုလုပ်ခဲ့ကြသည်။ တော်လှန်ရေးကောင်စီဥက္ကဋ္ဌကြီး ဗိုလ်ချုပ်ကြီးနေ၀င်း
နှင့်ဒုတိယဥက္ကဋ္ဌ ဗိုလ်မှူးချုပ်အောင်ကြီးတို့သည် တစ်ဦးကိုတစ်ဦး တရားခံဖြစ်လေဟန် ဖေါ်ကောင်

လုပ်ကြသည်မှာ ဗမာ့တပ်မတော်ကြီးထိပ်သီးစစ်သားရင့်မာကြီးများဖြစ်ကြသော်လည်း သာမန်ဓါးပြ
လူဆိုးဂိုဏ်းတစ်ခုမျှလောက်ပင် ညီညွတ်မှုမရှိ။ အမှားကိုဝန်ခံရန်သတ္တိမရှိ၊ သူရဲဘောကြောင်သူများ
သာဖြစ်ကြောင်းပေါ်လွင်နေပေသည်။
ထိုစဉ်က ဒုတိယကာကွယ်ရေးဦးစီးချုပ်ဖြစ်သူ ဗိုလ်အောင်ကြီးက `တကယ်အမိန့်ပေးတဲ့စာယူလာပြီး၊
မရမ်းကုန်း ကိုပေးလာသူက ဗိုလ်သန်းစိန်ဖြစ်ပါတယ်။ သမဂ္ဂဖြိုဖို့ဒိုင်းနမိုက်တွေကို အင်ဂျင်နီယာ

တပ်ခွဲကိုမှာယူခဲ့ပါတယ်။ အဲဒီမှာမလုံလောက်လို့ ပင်မစစ်ပစ္စည်းသိုလှောင်ရေးမှာ သွားယူခိုင်းသူဟာ
ဗိုလ်ကျော်စိုးပါ။ စီအိုဒီတပ်မှူး ဗိုလ်ဝင်းကိုလိုက်ရှာပြီး၊ အင်းတိုင်ကိုသွားရောက်ယူရတာပါ။

ခွဲဖို့အမိန့်ပေးသူတွေကတော့ ပြည်ထဲရေးဝန်ကြီးနဲ့ လုံခြုံရေး ကောင်စီဥက္ကဋ္ဌဗိုလ်ကျော်စိုးဖြစ်ပါတယ်။
တကယ်ဒိုင်းနမိုက်တွေဆင်ရတဲ့သူကအင်ဂျင်နီယာတပ်က ဗိုလ်မှူးထွန်းရီ ဖြစ်ပါတယ်။

အားလုံးဒိုင်းနမိုက်တွေဆင်ရတာဟာ ဇူလိုင်လ(၈)ရက်နေ့ နံနက်လင်းအားကြီးမှဖြစ်ပါတယ်။
လက်မှတ်ထိုးမည့်သူ အရာရှိကြီးကြီးမားမားမရှိလို့ ပြဿနာတက်နေတုန်း လမ်းလျှောက်ရင်း

ရောက်လာတာက ဗိုလ်မှူးကြီးသူရမင်းသိန်း ဖြစ်ပါတယ်။ သူက၀င်ပြီး ခွဲဖို့အမိန့် လက်မှတ်ရေး
ထိုးပေးဖို့ ဗိုလ်ထွန်းရီက ပြောလို့ သူကလက်မှတ်ရေးထိုးပြီး ဒိုင်းနမိုက်ခွဲတာဖြစ်ပါတယ်။´
`ကျွန်တော်ဟာ ဗိုလ်မှူးကြီးလှဟန်နဲ့ ဗိုလ်ချုပ် (နေ၀င်း) အိမ်လိုက်အသွား ပါမောက္ခဆရာကြီး
ဦးကာကို ဗိုလ်လှဟန်က သမဂ္ဂဖြိုဖို့အမိန့်ရတယ်လို့ပြောတာ ထပ်ကြားရတော့အရဲစွန့်ပြီး

ဗိုလ်ကျော်စိုးရှိရာ အသံလွှင့်ရုံကို တယ်လီဖုန်း ဆက်ပြီး၊ အဲဒီကိစ္စကိုရပ်ထားပေးပါ။ ဗိုလ်ချုပ်ကို
ကျွန်တော်ပြောပါ့မယ်ဆိုပြီး၊ ဟိုရောက်တော့လည်း ဘာမှမပြောဘဲ မလိမ့်တပတ်နည်းနဲ့ထားခဲ့
ပါတယ်´လို့ ဗိုလ်မှူးအောင်ကြီးသည်သူ၏စာတမ်းတွင် ဝေ့လည်ကြောင်ပတ်ရေးသားဖြေရှင်း
ထားလေသည်။
ဗိုလ်နေ၀င်းကလည်း တဖန် အကြိမ်ကြိမ်ထိုကိစ္စကို ဖြေရှင်းပြသည်။ သူ၏နောက်ဆုံးနေ့လူထက
လက်မခံတော့ သဖြင့် မဆလဥက္ကဋ္ဌကြီးရာထူးမှထွက်ပေးရသော ၁၉၈၈ ခု၊ ဇူလိုင်လ ၂၃ ရက်

အရေးပေါ်ပါတီညီလာခံတွင် -`အခုပြည်မှာဖြစ်ပျက်ခဲ့တဲ့ အရေးအခင်းဟာ ၁၆ ရက်နေ့ကစပြီး၊ ၁၇
ရက်နေ့မှာ ကျွန်တော်တို့ သိရပါတယ်။ ၁၇ရက်နေ့သိပြီးတဲ့နောက်မှာ ရဲတို့၊ ကောင်စီတို့နဲ့ပဲ ထိန်းလို့

နိုင်လိမ့်မယ်လို့ထင်တယ်။ မျှော်လင့်ခဲ့တယ်။ စောစောက ကျွန်တော်ပြောခဲ့တဲ့ သွေးထွက်သံယိုတွေ

၈၈၈၈ ပြည်သူနေ့ စဉ်မှ စုစည်းတင်ပြသည်

မဖြစ်အောင်ဆိုတဲ့အထဲမှာ တပ်မတော်ကို ဟိုအဝေးအဖွဲ့ကလေး လည်းသုံး၊ဒီအသေးအဖွဲ့ကလေး
လည်းသုံးဆိုတာမျိုးမဖြစ်ရအောင် တကယ်လိုတဲ့အခါမှာသုံးဆိုပြီးတော့ ကျွန်တော်မသိဘဲနဲ့

တပ်မတော်ကိုမသုံးပါနဲ့၊ ကျွန်တော် ပြောထားတယ်၊ အဲဒါကြောင့်မို့လို့ ပြည်မြို့ကိစ္စဟာအေး မသွား

ဘဲနဲ့ ရောင့်တက်လာကြ တယ်။ ဒါကြောင့်မို့လို့ မနေ့ကတော့ ကိုင်း -စစ်တပ်ဝင်ပေတော့ဆိုပြီးတော့
ကျွန်တော် ခွင့်ပြုလိုက်တယ်။ အဲဒီတော့ စောစောက ကျွန်တော်ပြောထားတာရှိတယ်။

ကျွန်တော်နိုင်ငံရေးက အနားယူတော့မယ်။ အနားယူတော့မယ်ဆိုပေမယ့်လို့ နောင်အဖွဲ့အစည်းတွေ
တာဝန်အပြည့်ကွပ်ကဲနိုင်တဲ့အထိတော့ ကျွန်တော်တို့နိုင်ငံကို မပျက်စီးရအောင်၊ ကသောင်းကနင်း
မဖြစ်ရအောင် ဆက်ထိန်းရပါလိမ်မယ်။ အဲဒီထိန်းတဲ့အထဲမှာ တိုင်းပြည်တစ်ပြည်လုံး လူထုကို

ကျွန်တော်သိစေချင်တယ်။ နောင်ကို လူစုလူဝေးနဲ့ ဆူဆူပူပူလုပ်လို့ရှိရင်တော့ စစ်တပ်ဆိုတာ ပစ်ရင်မှန်အောင်ပစ်တယ်၊ မိုးပေါ်ထောင်ပြီး ခြောက်တာ မပါဘူး။ အဲဒီတော့ နောင်ကို ဆူဆူပူပူ

လုပ်မယ်ဆိုရင်တော့ စစ်တပ်ကိုသုံးလို့ရှိရင်တော့ အဲဒါဆူတဲ့လူတွေမသက်သာဘူးသာ မှတ်ပေတော့
လို့ကျွန်တော်ဒီကနေပြောပါတယ်။
လူစုလူဝေးရှေ့မှာ ကျွန်တော်စကားပြောတာ ယခုအကြိမ်ဟာနောက်ဆုံးအကြိမ်ဖြစ်နိုင်တာမို့
ညီလာခံနဲ့ပတ်သက်သည့်အချက်အလက်တွေ တင်ပြပြီးတဲ့နောက် ကျောင်းသားများ ကျွန်တော်နှင့်
တော်လှန်ရေးကောင်စီတစ်ဖွဲ့လုံးအပေါ်အထင်လွဲနေသည့်အဖြစ်အပျက်တစ်ခုကို တင်ပြပါရစေ။

တက္ကသိုလ်သမဂ္ဂအဆောက်အဦကို ၁၉၆၂ ခုနှစ်၊ ဇူလိုင်လ ၈ ရက်နေ့နံနက်တွင် ဖောက်ခွဲဖျက်ဆီး
ခဲ့သည်ကို အများသိပြီးဖြစ်ပါတယ်။ ပထမ ဇူလိုင်လ ၇ ရက်နေ့ညနေ ကျွန်တော်ဆောင်ရွက်သည့်

အပိုင်းကိုဖေါ်ပြမှ ထိုနေ့က အဖြစ်အပျက်များ အကြောင်းပြည့်စုံမည်ဖြစ်၍ ဖေါ်ပြပါမည်။ ထိုနေ့ညနေ ၅

နာရီခန့်တွင် သေနတ်ပစ်သံကြား၍ ကျွန်တော်က တယ်လီဖုန်းဖြင့် ဗိုလ်ကျော်စိုးကို အခြေအနေမေးရာ
ဆရာကြီး ဦးကာတို့ မိသားစုအား ဘေးကင်းသည့်နေရာသို့ပို့ထားပြီးဖြစ်ကြောင်း၊
ကျောင်းသားအချို့နဲ့ရဲ(၈)ဦး၊(၉)ဦးခန့်ဒဏ်ရာရကြောင်းပြန်ပြောပါတယ်။
ဆူပူသူကျောင်းသားခေါင်းဆောင်များကိုမမိသေးကြောင်း၊ သမဂ္ဂအဆောက်အဦ အတွင်းတွင် အချို့

ရှိကြောင်းပြောသဖြင့် ကျွန်တော်က ရဲများ၊ တပ်မတော်သားများ နောက်ထပ် အနာတရ မရှိရအောင်
အောက်ပါအတိုင်းဆောင်ရွက်ရန်အကြံပေးညွှန်ကြားပါသည်။
(က) သမဂ္ဂအဆောက်အဦအတွင်းရှိသူများကို အဆောက်အဦမှထွက်ကာ အဖမ်းခံရန်အသံချဲ့စက်ဖြင့်
ပြောရန်၊ထွက်မလာပါကလက်နက်ကြီးများသုံးမည်ဆိုသည့်အချက်ထည့်ပြောရန်။
(ခ) အသာတကြည်ထွက်၍အဖမ်းမခံပါက (ရီကွိုင်းလက်ဂန်း) ဖြင့် ပစ်ဖမ်းရန်၊ လိုအပ်ပါက

(ရီကွိုင်းလက် ဂန်း) သုံးရန်။အထက်ပါအချက်တို့ကို မမှောင်ခင်ပြီးအောင် ဆောင်ရွက်ရန် လို့ဖြစ်

၈၈၈၈ ပြည်သူနေ့ စဉ်မှ စုစည်းတင်ပြသည်

ပါတယ်။
ဒီနေရာမှာ အရေးကြီးတာကို ကျွန်တော်ပြောပါ့မယ်။ ထိုဖောက်ခွဲဖျက်ဆီးရန်အတွက် ဆွေးနွေးခြင်း၊
ဆုံးဖြတ်ခြင်း တို့တွင် ကျွန်တော်နဲ့ တော်လှန်ရေးကောင်စီဝင်အချို့တို့မပါခဲ့ပါ။ ဇူလိုင်လ ၈ ရက်နေ့

နံနက်တွင် ဗုံးကြီးကြီးတစ်လုံးပေါက်ကွဲသကဲ့သို့ အလွန်ပြင်းထန်သောမြည်ဟည်းသံကြီးကြားသဖြင့်

စုံစမ်းတော့မှ သမဂ္ဂအဆောက်အဦကို ဒိုင်းနမိုက်တို့နဲ့ဖျက်ဆီး လိုက်ကြောင်း ကျွန်တော်သိရပါတယ်။
အခြားတော်လှန်ရေးကောင်စီဝင်အတော်များများလည်း ထိုပေါက်ကွဲသံကြားပြီးမှ သိကြရပါတယ်။
သို့သော်အသံလွှင့်ရုံတွင် တော်လှန်ရေး ကောင်စီဝင်အချို့တို့ဖြင့် ဖွဲ့စည်းထားသော လုံခြုံရေးကောင်

စီဝင် အားလုံးနှင့် လုံခြုံရေးတာဝန်ယူရသော လုံခြုံရေးကောင်စီဥက္ကဋ္ဌ ဗိုလ်မှူးကြီးကျော်စိုး ကောင်စီ
ဝင်အားလုံးနှင့် လုံခြုံရေးတာဝန် ယူရသောအရာထမ်းများရောက်နေကြပါတယ်။ ထိုသူများမှာ

လုံခြုံရေးကောင်စီဥက္ကဋ္ဌ ဗိုလ်မှူးကြီးကျော်စိုး၊ ဗိုလ်မှူးကြီး လှဟန်၊ ဗိုလ်မှူးကြီးစောမြင့် (မှူးသမိန်)၊
ဗိုလ်မှူးကြီးဘနီ၊ အရာရှိများထဲမှ ထောက်လှမ်းရေးဗိုလ်မှူးကြီးမောင်လွင်၊ ရဲမင်းကြီးဦးဘအေး

တို့ဖြစ်ပါတယ်။ ထိုသူတို့အပြင် အခြားလူတော်တော်များများလည်းရှိကြပါတယ်။ ထိုဇူလိုင်လ ၈
ရက်နေ့ သမဂ္ဂအဆောက်အဦကို ဖြိုလိုက်ကြောင်းသိပြီးနောက် ဗိုလ်ကျော်စိုးကိုခေါ်၍မေးရာ ၇
ရက်နေ့ ညနေက ကျွန်aတ်ာက သမဂ္ဂအတွင်းဝင်ရောက်နေသည့် ဆူပူသူခေါင်းဆောင်များကို
ဖမ်းဆီးရာတွင် လိုအပ်လျှင် (ရီကွိုင်းလက်ဂန်း) ကိုသုံးနိုင်သည်ဆိုသည့်အချက်ကိုသမဂ္ဂ

အဆောက်အဦ အဖျက်ခိုင်းသည်ဟု ယူဆသဖြင့် ဖျက်လိုက်သည်ဟု ဖြေပါတယ်။ ဒီလိုဆိုရင်လည်း

စုပေါင်းခေါင်းဆောင်မှုကျင့်သုံးတယ်လို့ လက်ခံထားခြင်းကြောင့် တော်လှန်ရေးခေါင်းဆောင်အနေဖြင့်
ဓါးဓါးချင်း လှံလှံချင်းဆိုတဲ့ စကားလုံးများ ပါတဲ့ကြေညာချက်ကို အသံလွှင့်လိုက်ပါတယ်။

၈၈၈၈ ပြည်သူနေ့ စဉ်မှ စုစည်းတင်ပြသည်

ဒီပုံက သမဂ္ဂက စထွက်ပြီး အဓိပတိလမ်းအတိုင်းလျှောက်ခဲ့တာပါ

။နောက်သုံးလေးလကြာပြီးသော် ကျွန်တော်က အရက်မူးမူးနဲ့ သမဂ္ဂအဆောက်အဦကိုဖျက်ဖို့
အမိန့်ပေးတယ်ဟု နိုင်ငံခြားသတင်းစာဆရာတို့ အသိုင်းအ၀ိုင်းတွင် ပြောဆိုနေတာကြားရလို့

ဗိုလ်ကျော်စိုးကို ကျွန်တော်အရက်မူးပြီး ဖျက်ဖို့ အမိန့်ပေးတယ်လို့ ကျွန်တော်တစ်ယောက်တည်းကို
တရားခံလုပ်ထားတယ်။ အဲဒါကြောင့် ဇူလိုင်လ ၇ ရက်ကအဖြစ် အပျက်ကို ပြောပြခိုင်းပါတယ်။

အဲဒီတော့မှ ဗိုလ်ကျော်စိုးက အဖြစ်အပျက်အမှန်ကို ပြောပြပါတော့မယ်။ အရင်က တော်လှန်ရေး
ကောင်စီတက်ခါစတွင် စိတ်ဝမ်းကွဲနေကြတာ မပေါ်အောင်လို့ ဖုံးဖုံးဖိဖိ ဖြေခဲ့ခြင်းဖြစ်ပါတယ်။

အဖြစ်အပျက် အမှန်မှာ ထို ၇ ရက်နေ့က အသံလွှင့်ရုံရှိလူစုထဲမှ တစ်ဦးတစ်ယောက်က ဒီသမဂ္ဂ
အဆောက်အဦကြီးဟာ သူပုန်ဌာနချုပ် ဖြစ်နေတယ်။ ဖျက်ပစ်လျှင်ကောင်းမယ်လို့စပြောရာမှ
ဖျက်သင့်၊ မဖျက်သင့်ဆွေးနွေးကြပါတယ်။ နောက်ဆုံး ဗိုလ်ချုပ် (နေ၀င်း)ကို အသိပေးပြီး၊

ဗိုလ်ချုပ်သဘောတူလျှင် ဖျက်မယ်လို့ဆုံးဖြတ်ကြပါတယ်။ ထိုစဉ် ဗိုလ်အောင်ကြီးက ဗိုလ်ချုပ်ထံ
သူသွားပြီးတင်ပြမယ်။သဘောတူမတူအဖြေယူခဲ့မယ်ပြောပြီး၊ ကိုလှဟန်ကိုခေါ်၍ကားဖြင့်

ထွက်သွားပါတယ်။ ထို့နောက် ဗိုလ်အောင်ကြီးအသံလွှင့်ရုံသို့ပြန်လာပြီး၊ ဗိုလ်ချုပ်က သဘော
တူလိုက်ပြီဟုပြောသဖြင့် အသံလွှင့်ရုံရှိလူသိုက်တို့ သမဂ္ဂအဆောက်အဦကို ဖျက်ဖို့ပစ္စည်းများစုပြီး

ဖျက်လိုက်ပါတယ်။ ထိုအဖြေကိုရပြီးနောက် ဗိုလ်အောင်ကြီးမပါဘဲ ကျန်တော်လှန်ရေးကောင်စီဝင်
များကိုခေါ်၍ ဗိုလ်အောင်ကြီး ကျွန်တော့်ကိုမတင်ပြဘဲ အသံလွှင်ရုံရှိလူသိုက်ကို ကျွန်တော်
သဘောတူလိုက်ပြီလို့ပြောတဲ့အကြောင်းကိုတင်ပြခဲ့ပါတယ်။

၈၈၈၈ ပြည်သူနေ့ စဉ်မှ စုစည်းတင်ပြသည်

ထိုအကြောင်းမှန်ကိုသိပြီးနောက် ဗိုလ်အောင်ကြီးကို ကျွန်တော့်ရဲ့ရုံးခန်းသို့ခေါ်၍ သမဂ္ဂအဆောက်

အဦဖျက်ရန် ကျွန်တော်သဘောတူတယ်လို့ပြောတာကို ကိုယ်သိပြီးပြီ၊ အဲဒီတော့ကိုယ့်လူခေါင်းဆောင်
လုပ်ချင်ရင်၊ ခေါင်းဆောင်နိုင် မယ်ထင်ရင် ကိုယ်ထွက်ပေးမယ်။ ကိုယ်ထွက်ရမလား၊ ကိုယ်လူထွက်
ရမလား၊ ဆုံးဖြတ်ပေတော့ဟု ကျွန်တော်ကပြောရာ သူထွက်ပါမယ်ဆိုပြီး သူ့အခန်းပြန်သွားကာ
ထွက်စာတင်ခဲ့ပါတယ်။
ကျွန်တော်တင်ပြတာကို မှန်ကြောင်းသက်သေအထောက်အထားများတင်ပြပါမယ်။
ပထမအထောက်အထား ဗိုလ်ချုပ်အောင်ကြီး ၁၉၈၈ ခု၊ မေလ ၉ ရက်နေ့စွဲဖြင့် ရေးသည့် စာတမ်းစာ
မျက်နှာ ၂၄ ဒုတိယစာကြောင်းမှစ၍ပါသော တရားခံဖြစ်ရတဲ့ ဗိုလ်အောင်ကြီးဆိုသူဟာ ဗိုလ်မှူးကြီး
လှဟန်နဲ့ ဗိုလ်ချုပ်အိမ်လိုက်အသွား ပါမောက္ခချုပ်ဆရာကြီး ဦးကာ ခေတ္တရွှေ့နေတဲ့ အင်းလျားကန်
ဟိုတယ်နားက တစ်ထပ်တိုက်ကလေးမှာ ဆရာကြီးဦးကာကို ဦးလှဟန်က သမဂ္ဂ ကိုလည်း ဖြိုဖို့

အမိန့်ရတယ်လို့ပြောတာထပ်ကြားရတော့ အရဲစွန့်ပြီးဗိုလ်ကျော်စိုးရှိရာ အသံလွင့်ရုံကို တယ်လီဖုန်း

ဆက်ပြီး အဲဒီကိစ္စကိုရပ်ထားပေးပါ။ ဗိုလ်ချုပ်ကို ကျွန်တော်ပြောပါ့မယ်ဆိုပြီး၊ ဟိုရောက်တော့လည်း
ဗိုလ်ချုပ်ကို ဘာမှမပြောဘဲ မလိမ့်တပတ်နည်းနဲ့ ထားခဲ့သူဖြစ်ပါတယ် ဆိုတဲ့အချက်၊ ဒါသူရေးထား
တဲ့အထဲက ဒါပထမအချက်။ သက်သေခံဒုတိယ သက်သေအထောက်အထားက ဒီကိစ္စနဲ့ပတ်သက်
ပြီးတော့ သက်ဆိုင်ရာပုဂ္ဂိုလ်တွေကိုခေါ်ပြီး၊ သူတို့သိတာတွေကို အမှန်အတိုင်းရေးကြပါလို့ ပြောတဲ့

အခါကျတော့ ဗိုလ်မှူးကြီးလှဟန်တင်ပြတဲ့စာတမ်းထဲမှာ အဲဒီ သူ့စာလေး ကျွန်တော့် ဆီမှာရှိပါတယ်။
အဲ သူတင်တဲ့စာတမ်း၊ စာမျက်နှာ ၅ စာကြောင်းရေ ၄ မှာ ထိုအချိန်ဗိုလ်ချုပ်အောင်ကြီးလည်း

ရောက်လာပါတယ်။ သမဂ္ဂကိစ္စပြောတဲ့အခါ နေကြဦး၊ ကျွန်တော် ဗိုလ်ချုပ်ကြီးဆီသွားပြီး တင်ပြအမိန့်
တောင်းမယ်လို့ပြောပြီး၊ ကျွန်တော့်အားခေါ်ပြီးထွက်လာခဲ့ပါတယ်။ လမ်းတွင် ဗိုလ်မှူးကြီးတင်စိုးအိမ်

တွင်ရှိသော ဆရာကြီးဦးကာထံဝင်၍ သတင်းမေးပါတယ်။ သေဆုံးသူ ၊ ဒဏ်ရာရသူကျောင်းသားများ
အရေအတွက်လည်းပြောခဲ့ပါတယ်။
--အဲဒီအချိန်မှာ ကျွန်တော်က ဆရာကြီးကို သမဂ္ဂအဆောက်အဦကို ဖျက်မယ်ဆိုတဲ့အကြောင်း
ပြောခဲ့ပါသေး တယ်။ ထို့နောက် ကျွန်တော်တို့နှစ်ဦး ဗိုလ်ချုပ်ကြီးထံဆက်လက်သွားပါတယ်။
ဗိုလ်ချုပ်နဲ့တွေ့တဲ့အခါ ဗိုလ်ချုပ်အောင်ကြီး က အခြေအနေများတင်ပြပါတယ်။ တင်ပြရာတွင်

သမဂ္ဂအဆောက်အဦကိစ္စမပါပါ။ ပြန်ရန်ကားပေါ်တက်ပါတယ်။ ကားပေါ်ရောက်တော့ ကျွန်တော်က
ဗိုလ်ချုပ် ဟိုကိစ္စမပြောရသေးဘူးလို့ သတိပေးပါတယ်။ ဗိုလ်ချုပ်အောင်ကြီးက နေပါစေလို့ပြောသဖြင့်
ကျွန်တော်လည်း ဘာမှမပြောဘဲ ဆိတ်ဆိတ်နေလိုက်ပါတယ်။ အသံလွှင့်ရုံသို့ပြန်ရောက်သောအခါ
ဗိုလ်ချုပ်အောင်ကြီးက ဗိုလ်မှူးကြီးကျော်စိုးအား (အိုကေ) ဟုပြောလိုက်သည်ကိုကြားရပါတယ်။

ဆိုတဲ့အချက်တို့ဖြစ်ပါတယ်။ အဲဒီတော့ ဒီအချက် အလက်တွေဟာ ကျွန်တော်စောစောကပြောခဲ့တဲ့
ကျွန်တော်မသိဘဲနဲ့ ကျွန်တော်သိလေဟန်၊ ကျွန်တော်ခိုင်းလေဟန်၊ တခြားလူတွေကို ပြောလို့

၈၈၈၈ ပြည်သူနေ့ စဉ်မှ စုစည်းတင်ပြသည်

ကျွန်တော်သဘောတူပြီဆိုပြီး၊ တခြားလူတေကဖျက်လိုက်တာအဲဒီတော့အထက်က အချက်တွေကို
လေ့လာပြီးတော့ သမဂ္ဂအဆောက်အဦကိုဖျက်တဲ့ကိစ္စမှာ မည်သူတရာခံအစစ် ဖြစ်တယ်ဆိုတာကို

လူထုတစ်ရပ်လုံးက မိမိတို့ဖာသာ ဆုံးဖြတ်ကြပါတော့လို့ တင်ပြရန် စကားပြောခြင်းကို အဆုံးသတ်
လိုက်ပါတယ်ဟု-ဗိုလ်နေ၀င်းကတိုင်းပြည်သို့ရှင်းပြခဲ့လေသည်။

ဗိုလ်နေ၀င်း၏နောက်ဆုံးနေ့ မျက်ဖြေလင်္ကာစာတမ်းကြီးမှာ ကာရန်မညီ၊ စာသားမချော မုသာဝါဒ
လိမ့်လုံးများသာဖြစ်လေသည်။
ဇူလိုင်လ၇ရက်နေ့သွေးချောင်းစီးလူသတ်ပွဲကြီးနှင့်ပတ်သက်၍-(က) ဗိုလ်နေ၀င်းက စောစောကမသိ သေနတ်သံကြားမှသိရသည်ဟုဖြေရှင်းခြင်းသည် လိမ်ညာ
သောမုသားသာဖြစ်သည်။

ကျောင်းသားတို့ဟောပြောချက်ကို သူ့ထံသို့ကြိုးမဲ့အသံဖမ်းစက်ဖြင့် လွှင့်ပေးနေသောကြောင့်

ကျောင်းသား များ၏အသံကို စိတ်ဆိုးကာ သတ်ဖြတ်ခွင့်အမိန့်ထုတ်ခဲ့သည်မှာ ဗိုလ်နေ၀င်း ကိုယ်တိုင်
ပင်ဖြစ်သည်။
(ခ) ထိုစဉ်က တပ်ဦးမှ ပစ်မိန့်ပေးရသူဗိုလ်စိန်လွင် (နောင်သမ္မတပြုတ်) က မိမိသည် ဗိုလ်နေ၀င်း၏
အမိန့်အရ ပစ်မိန့်ပေးခဲ့ပါသည်ဟု မဆလပါတီပျက်သောအခါတွင် ဖြေရှင်းထုတ်ဖေါ်ခဲ့သည်။
(ဂ) ကျောင်းသားများလက်ချက်နှင့် ရဲ ၇ ဦး၊ ၈ ဦးဒဏ်ရာရရှိသည်ဟု ဗိုလ်နေ၀င်းကပြောသည်မှာ
လည်း လိမ်ညာသော မုသားသာဖြစ်သည်။အဆောင်ဝင်းတံခါးမှန်သမျှကို ကျောင်းသားများက

ပိတ်ထားခိုက် ပြင်ပရှိစစ်တပ်က ပစ်ခတ်သတ်ဖြတ်ချိန်တွင် တက္ကသိုလ်ပတ်ဝန်းကျင်တွင်ရဲတစ်
ယောက်မှမရှိ။ကျောင်းသားတို့ကရဲတို့အား-ရန်ပြုရန်မဖြစ်နိုင်ချေ။
(ဃ) တကသဆောက်အဦမျက်နှာကြက်တွင် ကျောင်းသားခေါင်းဆောင်များကို သတ်ဖြတ်ရန်
ဦးတည်ချက်ဖြင့် အဆောက်အဦးကြီးကို ဖျက်စေအမိန့်ပေးသူမှာ ဗိုလ်နေ၀င်းဖြစ်သည်။

မဖျက်ရန်ဟန့်တားလေဟန်ပြောသော ဒုတိယကာကွယ်ရေးဦးစီးချုပ် ဗိုလ်မှူးချုပ်အောင်ကြီးလည်း
တာဝန်ရှိပေသည်။

(င) တသကကိုဖျက်စီးပြီး နောက်တစ်နေ့နံနက်တွင် ဘာကြောင့်ဖျက်ရသည်ဟု တော်လှန်ေ၇း
ကောင်စီ၏ကြေညာချက်တွင် တော်လှန်ရေးကောင်စီသည် စည်းမဲ့ကမ်းမဲ့ ဘ၀ကိုပြင်ရမည့်

တာဝန်သည် မိမိတို့အပေါ်တွင် ကျရောက်နေသဖြင့် တပ်မတော်၏ အားတစ်စိတ်တစ်ဒေသကို

သုံး၍ဖြေရှင်းလိုက်ရခြင်းသည် ဟု သတင်းစာတို့မှ ရေးသားထုတ်ပြန်ချက်တို့ကိုလေ့လာ ကြည့်ပါက

၈၈၈၈ ပြည်သူနေ့ စဉ်မှ စုစည်းတင်ပြသည်

တော်လှန်ရေးကောင်စီဥက္ကဋ္ဌ ဗိုလ်နေ၀င်းက မိမိမသိပါ။ မိမိပါဝင် ခြင်းမရှိပါဟု ပြောသည်မှာ
လယ်ပြင်တွင်ဆင်သွားသကဲ့သို့ထင်ရှားနေသောမုသားသာဖြစ်ပါသည်။

(စ) ယခုဖြစ်ပျက်သည့်ကိစ္စသည် ကျောင်းသားကိစ္စတစ်ခုတည်းမဟုတ်ဘဲ၊ နိုင်ငံရေးအမှောင့်
ပယောဂများဖမ်းစားတယ်ဆိုတာ ကျွန်တော်တို့ရိပ်စားမိပါတယ် ဟု ဗိုလ်နေ၀င်း၏သမဂ္ဂဖျက်ရကြောင်း
ကိုယ်တိုင်အသံလွှင့်ချက်၌ ကျောင်းသားများနောက်ကွယ်မှ ဗကပတို့ ပါလေဟန်ပြောသည်မှာလည်း
လိမ်ညာလီဆယ်ချက်ပင်ဖြစ်သည်။ ထိုအချိန်က ဗိုလ်နေ၀င်းက မြို့ပေါ်ရှိ လက်နက်ချဗကပများကို
သိမ်းသွင်းကာ တောတွင်းရှိ ဗကပများ အလင်းဝင်ရန် စကားကမ်းလှမ်းနေချိန်ဖြစ်သည်။ ကျောင်းသား
တို့လှုပ်ရှားမှုသည် ပြင်ပ ပယောဂမပါသည်ကို သိပါလျက် သတ်ဖြတ်မှုကြီးနှင့် ဖျက်ဆီးမှုကြီးကို
လူထုကလက်ခံအောင်လီဆယ်ပြောဆိုချက်သာဖြစ်သည်။
(ဆ) ကျောင်းသားများအား သတ်ဖြတ်ပြီးနောက်၊ ကျွန်တော်တို့ကိုအပြောဘ၀မှာနစ်မွန်းစေခြင်း
အားဖြင့် အလုပ် ပျက်ကွက်အောင်ရည်စူးပြီး တမင်လုပ်နေကြတယ်ဆိုလျှင်တော့ ကျွန်တော်

နောက်ထပ်ဘာမှ မပြာလိုတော့ပါဘူး။ အနည်းဆုံး ဓါးကို ဓါးချင်း၊ လှံကို လှံချင်း ရင်ဆိုင်ဖို့သာရှိ
ပါတော့တယ်။ ဟု ပြောသည်မှာ ဒေသသံနှင့်တုန်ရီ နေသည်ကို ကြားရသူလူထုက သိရှိနားလည်
ကြသည်။ ဗိုလ်နေ၀င်းရာထူးမှဆင်းပေးရသော ၈၈ ခုနစ်က `စစ်တပ်ဆိုတာ ပစ်ရင်မှန်အောင်

ပစ်တယ်၊ မိုးပေါ်ထောင်ပြီး ခြောက်တာမပါဘူး၊ နောင်ကို ဆူဆူပူပူလုပ်တဲ့သူ တွေ့တော့ မသက်

သာဘူးလို့သာမှတ်ပေတော့´ ဟု ပြောသောမိန့်ခွန်းနှင့်တစ်သံတည်းဖြစ်သည်ကို လူထုက နောကြေ
နေပြီဖြစ်သည်။
(ည) ထိုစဉ်က လက်တွေကသတ်ဖြတ်ရုံမျှသာမက နှုတ်မှလည်း စစ်ကြေညာခဲ့ပါလျက် နောက်ပိုင်းမှ
သူသတ်သည် ငါသတ်သည်၊ သူဖျက်သည် ငါဖျက်သည်ဟု တစ်ဦးအပေါ် တစ်ဦးလက်ညှိုးထိုး၍

ဖေါ်ကောင်လုပ်ကြစေကာမူ၊ ခေါင်းရှောင်စေကာမူ၊ ဗိုလ်နေ၀င်းသည် အဓိကတရားခံသာဖြစ်သည်ကို
လူထုကမေ့မရနိုင်ပေ။

`၇ - ၇ - ၆၂ ကို မမေ့ကြနဲ့။´

၈၈၈၈ ပြည်သူနေ့ စဉ်မှ စုစည်းတင်ပြသည်

မည်သို့ဆိုစေ ယခုအခါ `ဆဲဗင်းဂျွန်လိုင်´ ခေါ် ဇူလိုင်လ ၇ ရက်နေ့ သွေးမြေကျခဲ့ရသောကျောင်းသား
အရေး တော်ပုံကြီးသည်ယခုအခါ ၄၈ နှစ်သို့ တိုင်ခဲ့ပြီးဖြစ်သော်လည်း လူထုတစ်ရပ်လုံးသည် ထို
သွေးစွန်း ခဲ့ရသော ဇူလိုင်လ ၇ ရက်နေ့ ကိုဦးနှောက်ကမေ့ပျောက်သွားသည့်တိုင် နှလုံးသားက

ဥဒါန်းမကျေ အစဉ်သတိရလျက် ရှိနေမည်မှာ မလွဲဧကန်ပင်တည်း။ ယခုအခါ၌လည်း ဗိုလ်နေ၀င်း၏

မျိုးဆက်သစ်လက်ပါးစေ စစ်အာဏာရှင်တို့သည် ဒီမိုကရေစီအရေးတော်ပုံကြိးအောင်မြင်ရေးအတွက်
ရုန်းကန်တိုက်ပွဲနေသော ရဟန်းရှင်လူ၊ ကျောင်းသားများပါဝင်သည့် ပြည်သူလူထုတစ်ရပ်လုံးအား
နည်းမျိုးစုံဖြင့် ဖြိုခွင်းရန် ဆင်ကြံကြံလျက်ရှိရာ တော်လှန်ရေးသတိအစဉ်ရှိစေရန် တပ်လှန့် နှိုးဆော်
လိုက်ရပါသည်။

ဒီမိုကရေစီအရေးတော်ပြုံကီးလုံးဝ (လုံးဝ) အောင်ရမည်။
ဒေါင်းလူငယ်

ယခုကဗျာများသည် ၇ ဇူလိုင်အထိမ်းအမှတ် အဖြစ်ထုတ်ဝေခဲ့သော ကဗျာစာအုပ်များထဲမှ တအုပ်
ဖြစ်ပါသည်၊ စာအုပ်၏ အမည်မှာ `ရင်ပြင်နီ´ ဖြစ်ပါသည်။ ထုတ်ဝေသည့်ခုနှစ်ကို မသိပါ။ ကျနော့်၏
မိတ်ဆွေ တဦးထံမှရ ရှိခြင်းဖြစ်ပါသည်။
ရဲဘက်တော် သွေးနီပါစေ
ဒို့ရင်တွင်းဝယ်

ပြင်းပြင်းပူလောင်နေကြတကား။
ဒို့မျက်နှာဝယ်

ဖြာဖြာမျက်ရည် စွေကြတကား။
ဒို့အသိဝယ်

ငြိငြိအမုန်း ဝေကြတကား။
ဒို့ဝန်းကျင်ဝယ်

၈၈၈၈ ပြည်သူနေ့ စဉ်မှ စုစည်းတင်ပြသည်

ရင်ပြင်ရဲရဲ နီကျက်တကား။
ဒို့များဆန္ဒ၊ ရှိသမျှကို

ဖွင့်ဟ တောင်းဆိုလိုတကား။
ဒို့များဘ၀၊ မှန်သမျှကို

တင်ပြထုတ်ဖော်လိုတကား။

တိုက်ပွဲဆိုလျှင်၊ ဒို့ရင်ခွင်သည်
ကြောက်ငြင်မလွန့်၊ နောက်မတွန့်နှင့်
ကြောက်ရွံ့သူများနေခဲ့ပါ။ ။

ခင်သက်ထား (မြစ်ကြီးနား)
ဝိဥာဉ်ကျိန်စာ
ကျည်ဆံများကြား

သက်စွန့်သွားသော၊ ဒို့များဝိဥာဉ်
တိုက်ပွဲဝင်လျက်ပါတကား။ ။

မိုးနက်

သွေးပျက်နေသော မိခင်ကြီး သုို့မဟုတ် သွေးသုတ်ထားသော အဆောက်အဦးဟောင်း
သံမဏိချောင်း၊ကျည်ထွက်ပြောင်းမှ
သောင်းသောင်းဆူညံ၊ ယမ်းအားသံနှင့်

၈၈၈၈ ပြည်သူနေ့ စဉ်မှ စုစည်းတင်ပြသည်

ပြင်းထန်ဖေါက်စူး၊ ကြေးကျည်ဖူးတို့
ဝဲမြူးပျံလွှား၊ ဖေါက်ထွင်းသွား၍

ထွားထွားညွန့်ဝေ၊ သားတို့သေပုံ
မြင်ရပါသည့်၊ ဇရာဟောင်းပျ

အရွယ်ကျသော၊ မှိုင်းလျလျညို

မိခင်အိုသည်၊ ရင်ဖိုချောက်ချား
သွေးပျက်သွား၍၊ မုသားမပါ
ပွင့်လင်းစွာဖြင့်၊ နောင်လာနောက်သား
ရင်သွေးများကို၊ ပြောကြားလိမ့်မည်

စိုးကြသည်ကြောင့်၊ ထွေလီလိမ်ကျစ်
အကြံညစ်ဖြင့်၊ ဆေးသစ်ခြယ်သ
ရုပ်ပြောင်းကြသည်

လောကရယ်ဘွယ်ပါတကား။ ။

အမောင် (တက္ကသိုလ်)

လွတ်မုခ်ဦး
စာသင်ခန်း၏....
နောက်တန်းခုံမှာ၊ ထိုင်မြဲပါသော

ချစ်စွာသူငယ်ချင်း၊ ပျောက်ဆုံးခြင်းကို
ချက်ခြင်းတီးတိုးမေးကြသည်။
သူကအစ..

ဆရာအလယ်၊ ငါ့ဝယ်အဆုံး
ပေါင်းရုံးညီညာ၊ ဒီပြဿနာကို
ပြင်းစွာတပူ၊ ရှာယူဖွေရ
မလိုလှပါ၊ သိကြပါ၏။

ဖိနှိပ်ရက်စက်၊ ခုနှစ်ရက်ဇူလိုင်
သွေးလူအိုင်မှာ၊ ပျောက်ဆုံးပါသော
ချစ်စွာသူငယ်ချင်း၊ ထိုသတင်းကို
အတွင်းပြင်ပ သိကြသည်။

၈၈၈၈ ပြည်သူနေ့ စဉ်မှ စုစည်းတင်ပြသည်

သည်သတင်းကို..

ချက်ချင်းတီးတိုးပြောမည်ဆိုး၍
သည်အခင်းကြောင့်..

ချက်ချင်းညီညာလက်တွဲမှာမို့
မပျို့နေခြည်၊ ရွှေရည်မ၀င်း

မှောင်အတွင်းသို့၊ ပိတ်သွင်းချုပ်နှောင်
ကာလအမှောင်မှ
လွတ်အောင်ရုန်းထွက်ကြပါစို့။ ။
တက္ကသိုလ် မောင်လှချော

ကိုယ့်ချစ်သူ ရေတိမ်နစ်ရှာပေါ့
ကံကော်ပွင့်တွေ၊ ရနံ့ပြေပြီ
မျက်ရည်ဖုံးလွှမ်း၊ ဒို့ကျောင်းလမ်းကို
လှမ်းရန်မ၀ံ့၊ ခြေလှမ်းရွံ့ခဲ့

လူးလွန့်မရ၊ ပန်းအလှတွေ
ညှိုးနွမ်းလေအောင်၊ နင်းခြေဖိပစ်
ကြောခိုင်းရစ်ကြ၊ ပန်းသစ်မဝေ

ပန်းဟောင်းကြွေလွင့်၊ မလန်းတင့်ပါ

အားနှင့် ရုန်းထွက်၊ ကြိုးစားလျက်နှင့်
လွတ်ရက်မမြင်၊ သည်ပန်းပင်မှာ
သွေးမြှင် လူးယှက်၊ မရှုရက်ရှင့်
နံနက်ကမူ၊ ကိုယ့်ချစ်သူလျှင်

ပန်းဖြူပင်အောက်၊ ပန်းပွင့်ကောက်ရန်
အရောက်ကြိုတင်သွားနှင့်သည်။

ဟင်..အခုတော့လည်း၊ မတွေးရဲပါ
ပန်းလည်းမမြင်၊ သူလဲမရှိ
ရင်ခုံဘိရှင့်၊ စွန်းငြိသွေးစ
မြင်လိုက်ရမှ၊ နှမစိတ်ပူ

သွေးပွက်ဆူသည်၊ ချစ်သူမည်သို့ ရှိမည်နည်း။

၈၈၈၈ ပြည်သူနေ့ စဉ်မှ စုစည်းတင်ပြသည်

အော် ..ပွင့်ရင်းကြွေရစ်၊ ဤအဖြစ်ကို
ပန်းချစ်သူများ တွေးယူပါ။

ဖြူမြင့်ဝေ(ဒိုင်အို)

ဆဲဗင်း ဂျူလိုင် နှင့် ပတ်သက်သည့် အချို့ သော အချက်အလက်များ
တော်လှန်ရေးကောင်စီ (စစ်အစိုးရ) အဖြေပေးရမယ့် အချက်လေးချက်
၁။ ဘာကြောင့်ကျောင်းသားတွေကို ပစ်သတ်ခဲ့သလဲ။
၂။ပစ်ခတ်သတ်ဖြတ်ဖို့ ဘာအကြောင်းရှိလဲ။
၃။ ကျောင်းသားတွေ ဘယ်လောက်တောင် သေဆုံး၊ ဒဏ်ရာရခဲ့သလဲ။

၎။ ပစ်ခတ်ဖို့နဲ့ သမဂ္ဂ အဆောက်အဦးကို မိုင်းခွဲ ဖျက်ဆီးဖို့ ဘယ်သူ အမိန့်ပေးတာလဲ။
အရေးကြီးသည့် ရက်စွဲများ၊ အဖြစ်အပျက်များ
၁။ ၁၉၆၂ မေလ ထဲမှာ ကျောင်းဆောင်စည်းကမ်း ၂၂ ချက်ထုတ်ပြန်ခဲ့တယ်။
(ဗိုလ်နေ၀င်းဦးဆောင်တဲ့ စစ်အုပ်စုမှ)။ အဲဒါကို ကန့်ကွက်ဖို့ တကသဖွဲ့စည်းပုံနဲ့အညီ ၇ ဇူလိုင်မှာ
ကျောင်းသားထု အစည်းအဝေးကို ခေါ်ထားတယ်။
၂။ ၁၉၆၂ ဇူလိုင် ၆ ရက်နေ့ညမှာ မန္တလေးဆောင် အပါအ၀င် အဆောင်သစ်တွေဖြစ်တဲ့ တောင်ငူ ၊
ရာမည၊ အမရ တို့ကို မီးဖြတ်တယ်။ မီးပြန်ဖွင့်ပေးဖို့ မန္တလေးဆောင်က ကျောင်းသားတွေက
ကြွေးကြော် ဆန္ဒပြတယ်။ ဒု အဆောင်မှူးက အဆောင်တံခါးမကြီးကို ပိတ်လိုက်တယ်။

အဆောင်တံခါး ပြန်ဖွင့်ပေးဖို့ သမဂ္ဂခေါင်းဆောင်တွေက ရောက်လာတဲ့အချိန်မှာ ပြောတယ်။
ပညာရေးဝန်ကြီး ဒေါက်တာခင်မောင်ဝင်း (ယခင် အဆောင်မှူး)ကိုလည်း တွေ့ခွင့်တောင်းတယ်။
တံခါးမဖွင့်တော့ ၇ ရက်နေ့တင်မယ့် ကြွေးကြော်သံ တွေ ကို လှည့်လည်ကြွေးကြော်ကြတယ်။
မနက် သုံးနာရီထိ။

၃။ ၁၉၆၂ ဇူလိုင် ၇ ရက်နေ့ နေ့လည် ၁၁ နာရီမှာ တကသအဆောက်အဦးမှာ သတ်မှတ်ထားတဲ့
ကျောင်သားထု အစည်းအဝေးစ။ သဘာပတိ တကသဥက္ကဌ ကို ဗဆွေလေးဆောင်ရွက်။
အခမ်းအနားမှူး ကိုသာဒိုး။ ၃ ချက် တောင်းဆိုတယ်။

၈၈၈၈ ပြည်သူနေ့ စဉ်မှ စုစည်းတင်ပြသည်

က။ ဖိနှိပ်တဲ့ ကျောင်းဆောင်စည်းကမ်းတွေ ရုတ်သိမ်းပေးဖို့။

ခ။ ကျောင်းဆောင်ကော်မတီမျာ ကျောင်းသားကိုယ်စားလှယ် ပါဝင်ခွင့်။
ဂ။ ကျောင်းဆောင်လိုသူတိုင်း ကျောင်းဆောင်ရရေးအတွက် ကျောင်းဆောင်သစ်များဆောက်လုပ်။
၎။ ၆ ရက်နေ့ ည ၈နာရီမှာ တက္ကသိုလ်နယ်မြေကို ပုဒ်မ ၁၄၄ ကြေညာ၊ အဲဒါရုတ်သိမ်းဖို့ ၇ ရက်
အစည်းအဝေးမှာ တောင်းဆို။

၅။ နေ့လည်နှစ်နာရီအစည်းအဝေးပြီး။ ကျောင်းတွင်းလှည့်လည်ဆန္ဒပြဖို့ ဆုံးဖြတ်။
ကြွေးကြော်သံတွေက-

မတရားစည်းကမ်းတွေ အလိုမရှိ
မတရားချုပ်ချယ်မှုတွေ အလိုမရှိ
ကျောင်းဆောင်တွေကို အကျဉ်းထောင်မလုပ်နဲ့
ချုပ်ချယ်မှုတွေ အလိုမရှိ
မတရားစည်းကမ်းတွေ ဖျက်သိမ်း
ကျောင်းသားထု ညီညွတ်ကြ။
ဒါတွေနဲ့အတူ အလွန်ကြီးမားတဲ့ ခွပ်ဒေါင်းအလံကြီး ဖြန့်ပြီး မန္တလေး၊ တောင်ငူ ဒဂုံ၊ ရွှေဘို၊
အဓိပတိလမ်းက ဘွဲ့နှင်းသဘင်အထိ စီတန်းလှည့်လည်။ တကသ အဆောက်အဦးရှေ့မှာ

ဗကသဥက္ကဌ ကိုသက်က စကားပြော။ အဲဒီအချိန်မှာ ရဲနဲ့ထောက်လှမ်းရေး ၂၀၀ ကျော်ကသမဂ္ဂ
ခေါင်းဆောင်တွေကို ဖမ်းဆီး။ ကျောင်းသားတွေက ပြန်လုတော့ သမဂ္ဂ မြက်ခင်းပြင်မှာ-

ကျောင်းသား နဲ့ စစ်အစိုးရ လက်ပါးစေတွေ ရုန်းရင်းဆန်ခတ်ဖြစ်။ ဗကသဥက္ကဌ ကိုသက်၊ တကသ
ဥက္ကဌ ကို ဗဆွေလေး၊ ရကသ အတွင်းရေးမှူး ကိုဉာဏ်ဝင်း၊ ကိုစိုးတင့်၊ ကိုရဲမြင့်၊ ကိုထိန်ဝင်း၊
ကိုကြည်ညွန့်၊ ကိုဝင်းကြည်၊ ကိုချို၊ ကိုတင်ငွေတို့ကို ရဲက တကသ အဆောက်အဦးပေါ်မှာ

ဖမ်းဆီးရမိ။မန္တလေးနဲ့ အမပရဆောင်က တကသအရှေ့မှာ၊ အဲဒါနဲ့ ခဲတွေကို သုံးပြီး ကျောင်းသား
တွေက အဆောင်ပေါ်က ပစ်တယ်။ ခဲပေါက်တာများတော့ ပုလိပ်တွေ ဆုတ်သွားတယ်။

၈၈၈၈ ပြည်သူနေ့ စဉ်မှ စုစည်းတင်ပြသည်

ကျောင်းသားတွေက အဓိပတိလမ်းပေါ်က ခြင်္သေ့တခါးကို ပိတ်လိုက်ပြီ။
၆။ ညနေလေးနာရီ၊ သီးသန့်ရဲအဖွဲ့ ၁၀၀ ဦး ကားနှစ်စီး၊ သေနတ်ကိုင်စစ်ကား ငါးစီးရောက်လာ။
ဗိုလ်စိန်လွင်။ ဗိုလ်ကျော်စိုး၊ ဗိုလ်မောင်မောင်ခ၊ လက်ထောက်ရဲမင်းကြီး ဦးလှငွေတို့က ကမာရွတ်

ဂတ်တဲမှာ။ရဲတွေက မျက်ရည်ယိုဗုံး ၇လုံး ပစ်တယ်။ ဗိုလ်စိန်လွင်က ရဲတွေကို ထိန်းဖို့ လက်ထောက်
ရဲမင်းကြီးကို ပြောတယ်။
၇။ ညနေ ၄ နာရီ ၂၀မိနစ် အထူးသတင်းထောက်လှမ်းရေးက ရဲမင်းကြီး ဦးမောင်မောင်၊ တတိယ
ရာဇ၀တ်ဝန် တရားသူကြီး ဦးမောင်မောင်ကြည်ရောက်လာအကဲခတ်။ ဗိုလ်သန်းစိုး၊ ဗိုလ်တင်စိုး၊
ရန်ကုန်ရဲမင်းကြီး ဦးခင်မောင်မောင်၊ ဒုရဲမင်းကြီး ဦးသန်း၊ ဗိုလ်စိန်လွင်တို့ ရောက်လာပြန်။
၈။ ညနေ ၄နာရီ ၄၅မှာ မျက်ရည်ယိုဗုံး ၆ လုံး ။ ပြီးတော့ လေးလုံး။
၉။ ဗိုလ်စိန်လွင်က ကျောင်းသားကိုယ်စားလှယ် ကိုကျင်၊ ကိုစိန်ဝင်း၊ ကိုဝင်းညွန့်၊ တကသ
အရံတပ်ရင်းက ကို လှထွန်းတို့နဲ့တွေ့။ ငြိမ်ရင် ရဲတွေ ရုတ်ပေးမယ်ပြော။
ကိုလှထွန်းကစစ်ဝတ်စုံဝတ်ထားတော့ ကျောင်းသားတွေက ဆောင်းထားတဲ့ စစ်ဦးထုပ်ကို

ဘောလုံးလိုလုပ်ကစား။ ဆက်လက်အရေးအခင်းဖြစ်။ နောက်ထပ် မျက်ရည် ယိုဗုံးခြောက်လုံး။
၁၀။ ငါးနာ၇ီ ဆယ့်ငါးလောက်မှာ ရဲရုပ်ပြီး စစ်တပ်ချ။ ကျောင်းသားများပေ၂၀ ခန့်ဆုတ်ပြီးပေါမောက္ခ
ဦးကာရဲ့ စကိုဒါ ကား စ ၆၅၉ ကို မီးရှို့။
၁၁။ ၅း၄၅မှာ ဗိုလ်စိန်လွင် ရဲ့ ချင်း ၄ တပ်က တက္ကသိုလ်ကိုဝိုင်း။ ကိုင်တဲ့ သေနတ်က အမျိုးအစား
သစ်ဖြစ်တဲ့ G3/ G4။ အချို့သော ကျောင်းသားခေါင်းဆောင်များကို တာဝန်များခွဲပြီး တက္ကသိုလ်
နယ်မြေမှ ရှောင်ခိုင်း။ ကျန်ခဲ့တဲ့ ခေါင်းဆောင်များ- ကိုလှရွှေ၊ ကိုလှကြည်၊ ကိုထွန်းကြည်။

၁၂။ ညနေ ၆း၃၀ လောက်မှာ စတင် ပစ်ခတ်တယ်လို့ အမှတ်တရပြန်ပြောသူများက ပြော။
ပစ်မိန့်က - သုံးမိနစ်ပစ်- နှစ်မိနစ်နား-သုံးမိနစ်ပစ်။ g3/g4ကို ထုတ်လုပ်တာက ဂျာမဏီက ဖိဆွာနာ
ကုမ္ပဏီနဲ့ စစ်အစိုးရ ဖက်စပ်က။
၁၃။ စစ်အစိုးရ သတင်းထုတ်ပြန်ချက်က ၁၆ ယောက်သေဆုံးတယ်ပြော။ ရန်ကုန်ဆေးရုံကြီး
(Rangoon General Hospital) က သေဆုံးဒဏ်ရာရ ကျောင်းသား ၈၀ ရောက်တယ်လို့

၈၈၈၈ ပြည်သူနေ့ စဉ်မှ စုစည်းတင်ပြသည်

ဆေးရုံအုပ်ကြီးကပြော။ တရားမ၀င်တဲ့ သတင်းအရ တပ်မတော်စစ်ဆေးရုံ(Burma Military
Hospital) ကိုလည်း သေဆုံးဒဏ်ရာရ ၈၀ လောက်ရောက်တယ်လို့မျက်မြင် စစ်သူနာပြု (Nursing
Cadet) တဦးက ပြော။

၁၄။ ၁၉၇၈ ခုနှစ်မှာ ဒီကိစ္စနဲ့ ပတ်သက်ပြီး တာဝန်ရှိသူဟာ ဗိုလ်အောင်ကြီး ဆိုပြီး ပုံချတဲ့ လှုံ့ဆော်မှု
တခု မဆလအတွင်းဖြစ်ခဲ့တယ်။ ဒါပေမယ့် ဗိုလ်အောင်ကြီးက စာနှစ်စောင်ထုတ်ပြီးငြင်းခဲ့တယ်။
၁၅။ ၈၊၇၊ ၁၉၆၂ မနက်မှာတော့ သမိုင်းဝင်တကသအဆောက်အဦးဟာ ဖြိုချခံခဲ့ရပါပြီ။
တာဝန်ရှိသူများ
၁။ အမိန့်ပေးဌာနဟာ မြန်မာ့အသံမှာပါ။
က။ ကာနယ်ကျော်စိုး
ခ။ ဦးသန်းစိန်

ဂ။ ဒေါက်တာလှဟန်
ဃ။ ဗိုလ်ဘနီ
င။ ရဲချုပ်ဘအေး

စ။ ပါမောက္ခချုပ် ဦးကာ တို့ပါဝင်ပါတယ်။
၂။ တကသအဆောက်အဦးကို မိုင်းခွဲဘို့ တာဝန်ယူသူ ဗိုလ်(ကာနယ်)လှမြင့် (BE,GE) ပါ။
ပစ်ခတ်မှုတာဝန်ခံက ဗိုလ်စိန်လွင်ပါ။
ဤအချက်အလက်များကို ရန်ကုန်တက္ကသိုလ် ကျောင်းသားသမဂ္ဂ စိန်ရတုသဘင်
(ပြည်သူ့ဘက်တော်သား များ) မှ ရယူပါသည်။ ၂၀၀၅ ခုနှစ် နိုဝင်ဘာလ ၂၅ ရက်နေ့ တွင်
ထုတ်ဝေပါသည်။

၇ ဇူလိုင် တွင် ကျဆုံးသွားသော ကျနော်တို့၏ နောင်တော် ကိုကျော်ဝင်း (မြောင်းမြ)က သေအံ့
ဆဲဆဲတွင် နံရံ ၌ သူ၏ ခန္ဓာမှ ထွက်သောသွေးဖြင့် ရေးခဲ့သည်။

`၇ - ၇ - ၆၂ ကို မမေ့ကြနဲ့။´
ကြီးမြတ်လှပါသည်။ အလေးပြုလိုက်ပါသည်။

၈၈၈၈ ပြည်သူနေ့ စဉ်မှ စုစည်းတင်ပြသည်

ဇူလိူင် (ရ)ရက် သွေးမြေသက်၍

ဖြစ်ပျက်ပေါင်းစုံ ရေးတော်ပုံကြောင့်
ရင်အုံငလျင် ရင်ပြင်အနီ

တက္ကသီလာ မြကျွးသာငယ်

ကမ္တာလဆန်း ချိန်ဖြတ်သန်းလည်း
ဥဒါန်းမကြေ.....

မေ့မရသည့် သမိုင်းများ ဆက်လက်ဖော်ပြပါမည်။

Sign up to vote on this title
UsefulNot useful