Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

“YMA chu tanpui ngaite tanpuitu a ni”
Vol : XX Issue No 29 Dawrpui News Kartin Chhuak Pathianni July 18, 2010

TUALCHHUNG
Ruala, DAMLO : Pu V.L. Ruala Jail Veng chu Internal Bleeding vangin Durtlang Damdawi Inah July 16, 2010 (Zirtawpni) khan dah a ni. Hetih mek lai hian an nupui Pi Rimawii pawh in lamah enkawl zel a ni a, dialysis hmanga enkawl chhoh zel a ni. Pi |huamkungi w/o Ch. Aikima (L) Bara Bazar chu tunlai hian a chau deuh hlek a, Oxygen nen enkawl mek a ni. MINISTER LO KAL : July 16, 2010 (Zirtawpni) khan Bialtu MLA, Pu Lalsawta, Minister, Education etc. chuan Dawrpui veng a rawn tlawh a, Unit hruaitu leh VC ten zanriah an lo kilpui a, vengchung hmasawnna lamhawi thu tam tak an sawiho niin kan lo hria. HALF YEARLY MEET : Kum tina neih \hin K|P Dawrpui Bial Half Yearly Meet chu Pathianni leh khian Zarkawt Kohhran Biak Inah an nei dawn. Zaipawl leh Bible-ah Intihsiak a ni ang. Hemi atan hian Dawrpui Branch pawh ngawrh takin an inbuatsaih mek. RAM TEH : Upper Bazar Bus Waiting Shed (Hmunphiah dahkhawmna) chu LAD lamin Pass siam tumin 15th July 2010 zing kar khan an teh a, YMA leh VC lam pawh telve tura hriattir angin kan tel ve. KEIMHANI : Kar hmasa Dawrpui News Vanapa Section lamah chhungkaw \henkhat in an hmu lo tih kan hria a, pawi kan ti. Eng emaw kalsual palh zeuh vang niin a lang a, a copy hmu lo chhungkua te hnenah ngaihdam/hriathhiam kan ngen/dil e.

DAWRPUI VC LEH NGO JOINT MEETING NEIH A NI
Dawrpui Village Council leh veng chhung NGO hrang hrang MHIP. MUP leh YMA chuan 14th July zan dar 8:00 khan YMA Committee Room-ah Joint Meeting an nei a, veng chhung tan a pawimawh hrang hrang an ngaihtuah a, he meetingah hian member 18 lai an kal a ni. Meeting thurel kan hriat theih te: 1.Aizawl Khawpui Bawlhhlawh(Solid Waste Management)chungchang: UD & PA Director atanga lehkha lo kalah VC leh NGO hrang hrangte’n mahni veng chhung bawlhhlawh paih chungchang ngaihtuahho tura tihna leh 20th July 2010 hian Vanapa Hall-ah bawlhhlawh paih chungchang sawi ho turin khawpui chhung VC, Branch YMA, Central YMA leh MHIP Gen Hqrs aiawh 2 theuh tel tura an sawmna a ni. He lehkhaah hian VC leh NGO hrang hrangte’n an ngaihtuah ho atan hetiang hian rawtna rawn siam a ni a, Committee chuan a hnuaia tarlan ang hian a rel a ni. (a) Bawlhlawh khawnkhawm chungchang:UD & PA atangin chawlhkar tin atan bawlhlawh lakkhawm leh paihna tur Rs 42000/- bakah khawtlang tanrualna hnatlang/thawhlawm nen bawlhlawh paih tur hian hma lak theih a ni ang em tih chu ngaihtuah a ni a, enchhin nan UD & PA in Rs 45000/- rawn tum se, tunhma aia tam leh zing zawka paih tum nise tiin rel a ni. (b) Bawlhhlawh sawngbawl hna enkawl:Veng chhung bawlhhlawh sawngbawl hna Public Private Partnership Mode(PPP Mode) a kalpui turin VC-te kuta dah tawp mai nge NGO dangte nena tang tlanga Committee siam tha zawk ang tih chu Committee chuan kan veng chhungah chuan VC kaihruaina hnuaiah NGO zawng zawngin tangrualin buaipui nise tiin rel a ni. (c)Bawlhlawh thliar hran chungchang: Bawlhhlawh tawih ral thei leh thei lo te thliar hrang a polythene(eco-friendly) sorkar phal chin rawng inang lo pahnih hmanga dah hran a, a lakkhawm hun pawh ni hran siam ni ta se tih rawtna chu tun dinhmunah chuan a la harsat deuh rin a nih a, a tahtawla la tih tum ni se tiin rel a ni. (d) Municipal Ward hnuaia PPP Mode: Sorkarin Municipal Ward a siam angin Sanitation area siam ni ta se, PPP Mode a veng thenawmte nen motor in hmantawmin leh bawlhhlawh paih hun pawh insiamremin bawlhlawh paih kawngah hian thawh ho theih a ni ang em tih chu ngaihtuah a ni a, tun dinhmunah chuan a la harsa deuh turah committee chuan a ngai a ni. 2. Damdawi zuarte hnen a ngenna: Dawrpui khawtlangin kan lo tih thin tawh angin veng chhung damdawizuar zawng zawng hnenah ngenna lehkha siam ni se tih a ni a, sorkar leh khawtlang dan kalh a zuar/hralhte chu khawtlang dan angin, “thla thum thleng dawr khar tir emaw license cancel emaw Dawrpui veng chhunga eng dawr mah siam phalsak loh emaw license cancel bakah Dawrpui veng chhunga eng dawr mah siam phalsak loh” tih tea hrem tur an nih thu tarlan ni se tih a ni. 3. Zu man chungchang: YMA leh VC Dutyte’n Sapzu engemaw zat an lo man tawh chu a huhoa paih/vuak keh ni se tih a ni a, a hun leh hmun atan 16th July 2010, Dawrpui News Office, Bungkawn ruat a ni.

Dawrpui YMA Leh VC Thuchhuak
Dawrpui Veng chhunga rawn pem lut leh inluah thar tur zawng zawngte chuan an rawn pemna khua VC leh YMA pemlehkha fel tak an rawn nei vek tur a ni. YMA pem lehkha phei chu Central YMA in a siam ang chi chauh pawm theih a ni
.

Dawrpui news hi veng chhung In tin daih tura siam a ni a, hmu lo palh kan awm chuan mahni awmna Section hruaitute hnehah hriatir tur a ni.

In luah tur neitute pawhin pem lehkha fel tak neite chauh, an lehkha a fel ngei ani tih kan endik vek hnuah chauh luahtir turin kan in ngen bawk a ni.Pem lehkha tel lo chuan Dawrpui Veng chhungah a awm theih loh tih mitinin kan hre nawn leh theuh dawn nia.

2

Dawrpui

News

Kartin chhuak

Pathianni

July 18, 2010

Editor Co Editor Jt. Editors News Editors

: Lalhlimpuia Khiangte 9436140600 : Vanlalbika 9856889073 : Ziakkima Pachuau Lalngaihawma (Angaiha) : Kapchhunga Pachuau Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau R. Zoliana P.C. Zohmingthanga H. Lalchhanhima Columnists : Dr. Thangchungnunga Vanhmingliana Aldrin Lallawmzuala Correspondents: Michael Zomuansanga Lalnunmawia Lalsangbera 9862451420 9436384248 9862914735

YMA DAWR LUAH TUR
Dawrpui Branch YMA dawr hrang hrang, a hnuaia tarlante hi luahtu tur thlan a lo hun leh ta. Heng Dawr luahduhte chuan a luah duh number, awmna, thil zawrh tur leh a luah ngamna chiang taka tarlangin a hnuaia hming tarlante hnenah hian a dilna, envelope pawna char (Sealed Envelope)-in a kawmah “YMA Dawr Luah Dilna” tih ziakin Ni 12.7.10 a\anga ni 20.7.10 tlai dar 5:00 thleng a hnuaia hming ziak hnenah hian thehluh theih a ni. Hun tiam chhunga thehlut lo chu pawm a ni lo ang. Dawr No & awmna Tuna Luahtu Channa hniam ber

Chhungkaw Inzirtirna
Hmanlai atang tawhin Mizote hi hnam rinawm ti a sawi leh keimahni ngei pawh chutiang a inchhal ngam thin kan ni. Amaherawhchu, tunlai thangtharte nun han thlir vang vangin kan hnam rohlu hi kan chan ta mek niin a ngaih theih a ni.Hei hian chhan tam tak a nei ngei ang a, chung zingah chuan chhungkaw inzirtirna kan tlachham ta lutuk hi a chhan pawimawh ber a ni hial awm e. Thian chhan thih ngam mihuaisen nih leh mirinawm nih kha kan pi leh pute khan thupui pakhat a an lo neih thin tawh laiin thangtharte nunzia leh awmdan han thlir hian hetiang zirtirna hi an dawng ve ta reng reng lo a ang ber mai. Mahni sahimna tur atana dawt sawi mai chu tihdan tlanglawn ber a lo chang ta a, dawt sawi avanga hamthatna emaw sahimna chan tumin kan hmanhlel ta hlawm a nih hi! Zirtirna dawng lo fate kan nei nge ni ang kan fate hi thu tha tinreng kan hrilh thin a, kan fate hian an zir ngang lo zawk? Kan fate hian nitin min chik reng a, kan sum hai luh dan leh eizawn dan zawng zawng nen engmah an hai lo. Ngawi rengin min thlir a, chhungkaw hotu berin kuttlinglova sum a lakluh chuan chu chu tihdan tur rengah a ngaih ve mai lohin? Pa berin Sorkar laka dawt tlem a sawia hamthatna hmuh a pawisak loh chuan engaiah nge a fate’n an pawisak bik ang? Mahni insiam that tum si lovin kan fate hi thutha tinreng fah thin mah ila, hlawhtlinna tak tak kan hmu ngai lo ang. AESOP-a thawnthu a Chakai nufa saisir zawnga kal lo tura inzirtir ang lek khan, ‘Ka nu/ ka pa kal dan dik chu nangman min han entir chhin phawt ta che’ a ti ve mai ang tih a hlauhawm e.

1. New Market 2. New Market 3. New Market 4. New Market 5. New Market 6. Zion Street 7. Zion Street 8. Zion Street 9. Upper Bazar 10.Upper Bazar 11.Upper Bazar 12.Bungkawn

Rochhingpuii Kapchhunga Biakmawia Kapveli A thar (1st floor) Rosangi Zothantluanga Lalchhandama Parengmawii Lallungmuana Thanghmasa-a MS Dawngliana

Rs 1,850/Rs 1,850/Rs 2,000/Rs 2,000/Rs 2,500/Rs 850/Rs 850/Rs 1,900/Rs 1,750/Rs 1,750/Rs 2,150/Rs 3,500/-

Chhawnkima Pachuau Lalhlimpuia Khiangte Vice President Secretary Dawrpui Branch YMA

entral Dr C entr al A nti Dr ugs Squad
YMA-in Kumpuan bawhzuina atana a din “Central Anti Drugs Squad,” hmalak na chak tak chuan rah duhawm tak a chhuah zel a. Hah tak leh rim taka thawktute avangin Zoram chuan hmel thar a pu chho zel e. May 25 - July 16, 2010 chhung report hetiang a ni : 1. Home-a dah : Mi 4 2. Excise/Police hnena pek : Mi 44 3. Nitrosun : 630 tabs. 4. Ganja : 52 Kgs, 10 pkts, 5. Parvon/Proxyvon : 40,858 caps. 6. No. 4 (Herion) : 19 Hawng, 255 can, 280 chhin sen Heng zawng zawng hlutna hi Nuai 36,07,286.00 chuang zet a ni. Mite thinlungah \hahnemngaihna a lo lang zel a, pawl leh kohhran a\angin an tha tih chakna atana \anpuina sum \hahnem tak an dawng mek zel a, MHIP Dawrpui Branch pawhin tunkar Rs. 5,000/- an pe.

Ngaihdan
Kan VC-te hi kan au eih zolo em ni aw, vawi duailo in chhuah tawh Upper Bazar a\anga Israel Bus Stand panna Step hi a tawt ngaiin ala tawt reng a, mipui kal vel tan harsatna a lian hle. Kan VC-te chauh thuneitu an ni si, hma la theitu an ni si... - Tawtninga Fur lai a nih avanga Lui kawra Leivung paih hian nasa takin lui kawr a ti chhia a, ram a hek a, leimin nasa takin a siam a, a bula khawsa tan hlauhawm a tling \hin. Hei hi tih loh ni rawh se. - Leimin hlaua

INTER BRANCH YMA AIR RIFLE SHOOTING COMPETITION
Central YMA leh Mizoram Rifles Association(MRA) tang dun chuan 3rd August - 7th August 2010 chhung hian Inter Competition, Branch YMA Air Rifle Shooting Competition Kulikawn Shooting Range-ah, a hmasa ber atan a buatsaih dawn a. Dawrpui Branch YMA member Silai kah lama tui mite chu lo inbuatsaih mawlh mawlh turin kan inhriattir a, tun a\anga hun rei lo teah hian Branch aiawhtur thlanna Dawrpui School kawtah neih thuai a ni dawn a ni.

3

Dawrpui

News

Kartin chhuak

Pathianni

July 18, 2010

Family Land Record Kan Vengah Nei Dawn!
Central YMA leh Land Revenue & Settlement Department chuan thawhhona thuthlung ziakin, Zoram puma In hmun lo ram kan neih te record mumal tak neih nise, mahni khua veng theuhah YMA hruaitu ten in tina luta India khua leh tuite hnenah chauh record mumal tak neih nise, heta kan record te hi Department ah thehlut in Department chuan chhungkaw tin tan, Pass Book ( Inhmun lo ram ziahna bu) siam in chhungkaw tin ah la sem chhuah leh tur a ruahman a ni a.He Pass book atang hian ram kan lei emaw kan hralh emaw neitu hmingthlak, chhiahpek etc.na thlengin pass Book atang vek hian tih tum a ni a, hei vang hian a pawimawh hle. Chuvangin kan vengah pawh Section YMA hruaitu ten In tinah rawn lut kual in kan Inhmun lo ram neih dan te an rawn record dawn a, kan pass neih angte pawh lo phawrh in lo entir turin leh, chhungkaw puipa ber in hming sign hnan zel tur a nih avangin lo awm ngei turin kan in ngen ani. A HMANNA LEH TULNA TE :1. Ram mamawh tak takte hriat theihnan. 2. Khua leh tui, rammi dik takte chauhvin ram neitu nihna an neih theih nan. 3. Mi hausa leh thei bikten mipui an nek chep lutuk ven nan 4. Ram hralh a, sum dawn nana hmangte ven nan 5. Chhiah dik leh kim zawka khawn theih nan 6. Ram Development tithuanawp khawpa ram Pass leh Compensation pung thut ven nan 7. He Land Record atang hian Patta Pass book siam a ni anga,chu chu khua leh tui nihna lantirtu leh Department dang hma lakna atan pawh phut (Demand) thin a ni ang. He Patta/ Pass book hmang hian chhiah lak a ni anga, heta tang tho hian ram dilte enfiahsak an ni ang 8. Ram singsak felna bul tanna tur a ni. 9. Ram neih theih chin bituk (Land Ceiling Act & Rule) tlawhchhan atan SURVEY DAN TUR 1. He Survey laia telh loh chu ram leh hmun nei lova ngaih tur 2. He Family Land Record Survey ah hian Sorkarin Pass a pek, LSC, House Pass, P.Patta, Shop Pass,Stall Pass, District Council Pass te hi ziah luh tur a ni ang. 3. Huan, Leilet leh ram engpawh sawrkar Pass nei lo chu ziah luh loh tur a ni. 4. NGO, Society leh Vantlang ramte sawrkar Pass nei reng reng chu record tur a ni a, Pawl hming kha Head of Family ah ziah tur a ni. 5. Epic nei emaw, Electoral Roll a chuang chhungkua chauh record tur a ni. 6. Mahni Khua/Veng a ram kan neih bakah khaw dang vengdang a Pass neihte ziah vek tur a ni. 7. Mahni Family Land Record a telh Family memberte hmundanga khawsate chu he Family Land Record ah an telh tawh avangin an awm hranna ah telh tawh loh tur a ni tih hi an chhungte theuh lo in hriattir tura ngen zel nise. 8. Mizoram mi, Electoral Roll a awm ngeite chu In leh ram nei miah lo mahse , he Record ah hian telh tho tur an ni a, Ram Pass ziahna Form ah NIL a chuang tur a ni mai. 9. He Land Record a chuang lo chu ram neilo anga ngaih tur a nih avangin ram nei ang chu kim taka form ah hian ziah luh tur a ni a, Pass neih angte ziah zawh hnu ah Family head ngeiin a sign tur a ni.

HRISELNA

Calcium
- Dr. Thangchungnunga, MS (Ortho) Calcium hi kan Mizotawng hman mai loh chuan hming dang reng kan nei si lo. Calcium hi taksa engkimah tih theih deuhthawin a pawimawh a, kan taksa-a tan a Vitamin pawimawh tam tak pawh hi Calcium avanga taksain an siam a ni hlawm a. Kan chaw ei leh inah hian Calcium hi kan ei tel tlem em em a, nizung hmangin kan taksa hian calcium kan mamawh ang tawk chu a siam ve a ni.Kan taksa-a vitamin tam tak(Magnesium, Boron, Zinc) te hi a tel lo chuan taksain a siam thei bik si lo a ni. Kan ruh tichak leh tichangtu ber a nih avangin taksa-ah calcium a tlem chuan ruh a lo chak lova, tluk hlekin kum 60 chunglam phei chu an ruh a tlaik hma em em a ni. Tunlai a khelruh tlaik tam ber pawh hi chhuat a Glaze Tile kan phah leh calcium kan tlakchham vang a ni.Calcium hi thisenah a level tawk a awm ve a, chu chu a lo tlem chuan ruh a mi kha thluakin a la chhuak a, thisena a awm tawk awm turin a siam rem reng a ni. Hei vang hian calcium kan ei tlem chuan kan ruh a lo muat a, thawrawng lek lek khawpin a lo pan ta thin a ni. Hmanlai ti tawh mai ila, calcium mum awm hma kha chuan raipuar tam takin lungno te an ei a, meivap te an chak em em thin. Hemi awmzia chu an taksain calcium a mamawh a, calcium tamna kha thluakin a kawhhmuh ta mai thin a ni. Tunlaiah pawh calcium tlachham hi mi tam zawk la ni fo mai. thenkhat kuhva eiin calcium kan ei an ti mai thei, a dik a, chinai hi calcium hlang deuhthaw a ni a, mahse taksa tan a tha lo chi a ni. Hetiang hian iron(thisen sen siamtu) hi taksa a hip lut thei lovin a siam a, kuhva ei reng mai ho chuan iron an tlachham ngei ngei zel a ni. Calcium hi kan ei leh inah hian atel tlem em em a, mahse kan taksa hian Vitamin D nen a tang dunin nizung atangin a siam reng a, he vang a tlachham lutuk lova awm thei chauh kan ni.Tunlai pawhin upa kum 60 chunglam chu ruh chak lo hi a tam zawk an ni a, sap ho zingah pawh an buaipui ber pakhat a ni reng a ni. Chuvangin upa lam chuan ei reng mai hia him bem. Naupang lam tan chuan eng calcium pawh a pawi loh laiin upa lamah chuan chi dang deuh Vit D, Calcitrol, Zinc etc awm tel hi ei a ngai bik a ni. Zeng mu reng tan erawh chuan calcium ei vak vak hi a chi loh, kalah lungte a siam vat thin. Chuvangin kan taksa tan hian hmanna a tam lutuk a, kan ei tlem chuan thluakin kan ruh a mi hi a hmang ve leh mai a, ruh chuan Calcium a lo tlachham hret hret a, a tawpah phei chuan a lo thawrawng deuh thaw hial thin. Red Indian ho chuan Artui, Sava tui te hi a kawr an dahkhawm zel a, an rawt sawm a, an fate an ei tir thin. Artui kawr te hi a lo chan theih nachhan chu Calcium vang a ni a, chuvangin kan mamawh tawk hi kan ei meuh lo niin a lang. Thluak hi a fingin, Computer lian tak ang a ni mai a, taksa mamawh chu an ngaihtuah nghal zung zung mai a ni. Entirnan, mi, thisen hmu ngai lovin a hmuh thut a, thisuk a neih hian, taksa a thisen dawt zawng zawng kha a var (Zau) ta huau mai a, ke lamah a awm ta vek a, chu chu thluakin a thalo tih a hria a, a tluk tir vat a. Mi a khamphei a awm chuan lungphu tlem te pawhin thluak a thleng thei a, chu chu a tum ber a ni. Mi thisuk nei tlu tur hi dawm ding reng ila, a vanduai chuan thih mai theih a ni. Chuvangin thisuk neia tlute, rapthlak tak hmuh thut leh hriat avanga tlu te hi kaih thawh loh tur, an harh hunah an tho ve leh mai a ni. Kan taksa hi ropui leh mak tak mifing mihrinnain a chhut chhuah phak loh ala ni a, Pathian phei chu hisap phak a ni lo tih i hria ang u.

4

Dawrpui

News

Kartin chhuak

Pathianni

July 18, 2010

INFIAMNA

- SKA

PRESBYTERIAN
18, July 18, 2010 S.S. |antu

World Cup 2010 kan thlahliam ta!
WiWKan hlimpuia kan tahpuia kan au puia, tan zawng in ang lote nen hmun khata en chuan thawm pawh a tha em em thin. A ni, Football World Cup tluka Mizo te min chiah hnehtu hi game dang a vang khawp ang.WC thleng leh tur chu Brzil nin football SPAIN khawvela talent nei tha ber a chhal ngam Brzil hian an ramah an sawi fo beautiful game hmangin trophy an chawi ang em? chu chu dam rei nghah thil mai a ni.Tun WC hi a mak ve ang reng viau mai football thiam ram Brazil, Argentina, Italy France, England ten Semifinal an thleng miah lo hi a ni! Mahse a tawp ah football thiam hmuhnawm min chhawpchhuah sak thintu Spain chuan hun rei tak an lo nghahhlelh em em tawh trophy chu an hawn ta nge nge e.A tlangpui thlir let thuak teh ang.
Best Player( Golden Ball) chu rin ang ngeiin Uruguay skipper Diego Forlan a ni.Forlan hian a team te hi final thlenpui lovin 3rd zawnna ah pawh chakpui lo mahse mimal ang chuan a che tha lawr lak a ni.1930 chho vela WC trophy vawi-2 an lak hnua football khawvela mi hriat hlawh tawh lem lo Uruguay chu pho chhuakin an coach ngeiin tunah chuan khawi team pawh kan cho ve tawh a ni” tiin huaisen takin a tawngchhuak ve ta a ni.Top Scorer tur hian Diego Forlan, David Villa, Wesly Schneider leh Mueller te ho hian goal 5 theuh an thun a mahse, German rawlthar Mueller hian minute khel tlem ber anih avangin Golden Shoe/Boot a dawng ta hlauh a ni. Hei bakah hian Mueller hian Young Player of the tournament a dawng bawk. Goal Keeper tha ber hnena an pek thin Lev Yashin Award chu Spain captain leh G.K ni bawk Iker Casillas an dawngin a team Spain chuan Fifa Fair Play Award an dawng nghe nghe bawk. Kan lo hriat ve atan FIFA hian tun WC hi 2006 ai khan lawmman pawisa fai a let 60 ngawt a ti pungin chu mai bakah bonus an pe zui bawk.Champion team Spain an vannei hle, dollar maktaduai 31 an hlawh a, Netherland in maktaduai 25 an dawng. Kum danga an ti ngai loh FIFA hian tiin WC khel thei Club player neite hnen ah maktaduai 40 vel an seng dawn a chung zinga langsar zual te chu Arsenal, Chelsea, Liverpool Barcelona Real Madrid te niin player pakhat nikhat ah doallar 1600 zel a pe dawn.World Cup kan thlir, kan en, kan hlimpui bawk. Mizo thalai tam zawk ten kan \an em em Kumpinu LalRam England chu an tla fel der.

SUNDAY SCHOOL
: Pi Lalkili, B-I

Chhun Inkhawm
Buatsaihtu Thusawitu Lalpa Zanriah Sacrament : Pastor R. Vanlalnghaka

Zan Inkhawm
: Pastor R. Vanlalnghaka

K|P
July 18, 2010 Ahmun Hruaitu |antu July 19, 2010

Tawngtai Inkhawm
: Fellowship Hall : Tv. Michael Zomuansanga, Zakaria Gr. : Nl. Josephine Lalbiakzuali, Zephania Gr.

|hawh\anni Zan

Hruaitu : Tv. Lalhmingmawia, c/m |antu : Nl. Lalfakawmi, Zakaria Group Thilpek : 1) Tv. Michael Vanlal\anpuia, Joela Gr. lakhawmtute 2) Tv. Steven Lalruatliana, Joela Group Half Yearly Meet atana inbuatsaihna nan hun hman a ni ang. (Damlo Pual Thilpek bawm hun a ni ang)

SALVATION ARMY
July 18, 2010 THIANGHLIMNA INKHAWM Hruaitu Thusawitu : Pu H.S. Lal\anliana, VS : Laltleipuia CHHANDAMNA INKHAWM Hruaitu Thusawitu July 19, 2010 Hruaitu Thuchah : Pu Lalrindika CC : Pu F. Lalrinliana SAY THAWH|AN ZAN : Nl. C. Lalrinsangi : Pu David Lalmuanpuia

Lawmpuina
Kan MUP member pui Pu V.L. Ruala Jail Veng-in vanneih thlak takin Chief Minister Relief Fund a dawn/hmuh avangin kan lawmpui tak tak a ni. Dawrpui MUP Unit.

Tlaivar ngeih lo nula/tlangval nge i nih, Mizo diktak, ngeih lo chunga Tlaivar \hin?

Published by Y.M.A., Dawrpui Branch, Printed at G.S. Offset Printers, Treasury Square

Sign up to vote on this title
UsefulNot useful