You are on page 1of 2

魔術 私日記 ~魔術 師殺手 @ 2007_0425

話說,香港魔術界有一個咁樣的傳說:
「千祈唔好俾佢睇中您套 props,佢一掂手的話,您就冇運行!」

呢一位令香港魔術師聞風喪膽的人,號稱「魔術師殺手」。至於點
解冇運行呢?唔…秘密!除非您賄賂我啦,哈哈。

話說回頭,今日去一撻撻向金掌櫃購買入場券時,我提到魔術先生
張講座廣告…又話說,話說我本想「拎」俾金掌櫃「睇下」,點知
等極未見人,於是我就「o 雪」一聲飛張廣告過鐵閘底,等佢開工
果時慢慢睇。點知,據金掌櫃今日透露,如果魔術先生有乜野要交
帶金掌櫃的話,隨時會派人「o 雪」一聲飛張紙過鐵閘底通知佢,
咁橋果張廣告又係魔術先生的講座,於是…金掌櫃就拿拿聲貼響舖
頭!由4月19日下午至4月20日晚上東窗事發,合計應貼左足
足30小時,計落起碼有十小時以上的曝光率吧?

金掌櫃講到似層層,又有位先生響店舖附和,搞到我都唔知信好唔
信好!之不過,真亦假時假亦真,大家都係講黎笑下,真真假假都
無所謂了。

再過多三日半,我就會出發去澳門睇小林浩平的講座同魔術騷,到
時再為大家報導下所見所聞,不過我可能會用英文寫…唔係我英文
好,係呢度太多講英文為主的訪客捧過我場,我點都要向佢地做返
少少野的。

「呢度唔係法庭,唔需要證據!我對眼睇倒 o 既野就係證據!」嘩!
其實我係想睇下亞視呢個鐘數有無講熊貓單野,點知忽然俾司棋姐
嚇一嚇!咁有台型…唔得,我要出汪阿姐至得!

講開熊貓,606同610聽日就搭車搭飛機移民香港啦!香港的
生活「設施」固然好,之但係空氣唔好呢。以前成日聽人話倫敦的
「霧都」景色浪漫迷人…雖則我對「浪漫」呢兩個字不感興趣,但
想到自己亦無珍惜過以往香港的新鮮空氣,不免有點唏噓,唉。

點都好啦,台灣搞咁耐都未接倒「團團」同「圓圓」,但明日香港
就有多兩隻606同610。睇見610迷惘的眼神,彷如少女情
懷總是詩。咁似女仔,唔通…係由人扮的?
圓耳朵,應是610吧?

606
後排

2005 年 8 月 8 日生
父親:靈靈
母親:海子
特徵:尖耳朵、尖嘴巴
腳後毛呈啡色

610
前排

2005 年 8 月 16 日生
父親:蘆蘆
母親:茜茜
特徵:圓耳朵、圓面,
脾氣好,害羞