You are on page 1of 5

ဒေါ်အောင်ဆန်းစုကြည် (သို့မဟုတ်) သဇင်နီ အပိုင်း - ၆၂

သတင်းရင်းမြစ် > မင်းဟန်


အင်္ဂါနေ့၊ မေလ ၁၁ ရက် ၂၀၁၀ ခုနှစ် ၁၂ နာရီ ၁၅ မိနစ်

(၂၁၆) ၁၉၉၉ ခုနှစ်၊ ဇန်နဝါရီလ ၁၄ ရက်။


ရန်ကုန်မြို့။

မြန်မာ့လွတ်လပ်ရေး ကြိုးပမ်းမှုတိုက်ပွဲတွင် ပါဝင်ခဲ့ကြသည့် သခင်သိန်းဖေ၊ သခင်ချစ်မောင်၊ ဗိုလ်အောင်နိုင်


စသော မျိုးချစ်၊ပြည်ချစ်ပုဂ္ဂိုလ်ကြီး ၁၅ ဦးက …

“အမျိုးသားပြန်လည်သင့်မြတ်ရေးအတွက် အမျိုးသားညွှန့်ပေါင်းအစိုးရ ဖွဲ့စည်းရန်” ဟူသည့်


စာတမ်းတစောင်အား ရေးသားပြီး ၁၉၉၉ ခုနှစ် ဇန်နဝါရီလ ၁၄ ရက်နေ့ ရက်စွဲဖြင့် … နိုင်ငံတော်
အေးချမ်းသာယာရေးနှင့် ဖွံ့ဖြိုးရေးကောင်စီနှင့် အမျိုးသားဒီမိုကရေစီအဖွဲ့ချုပ်ထံသို့ လိပ်မူ၍
အကြံပြုစာတမ်းအား ပေးပို့၏။

မျိုးချစ်၊ ပြည်ချစ်နိုင်ငံရေးသမားကြီးများက … မျက်မှောက်ဖြစ်ရှိနေသော တိုင်းပြည်၏ အခြေအနေသည်


‘အထွေထွေ အကျပ်အတည်းကြီး’ နှင့် ရင်ဆိုင်နေရပြီး အဖက်ဖက်မှ ယိုယွင်း၍၊ ကျဆုံးနိုင်ငံဆီသို့
ဦးတည်နေပြီဟု မြင်ကြ၏။

၁၉၉ဝ ခုနှစ်မှစ၍ ပြည်သူ့ကဏ္ဍ၌ ပြည်တွင်း အသားတင်ထုတ်လုပ်မှုတန်ဖိုး G.D.P ၏ ၅-၆ ရာခိုင်နှုန်း


လိုငွေပြ၍ နေခဲ့၏။ နှစ်စဉ်ပင်… ပြနေသော လိုငွေအား ဗဟိုဘဏ်မှ ငွေစက္ကူများအား ရိုက်နှိပ်ထုတ်လုပ်ပြီး
ဖြည့်ဆည်းနေခဲ့၏။ အကျိုးဆက်က ပြည်တွင်းလှည့်လည်သုံးစွဲနေသည့် ငွေကြေးပမာဏာ.. တနှစ်လျှင် ပျမ်းမျှ
၂၈ % တိုးများ၍ လာခြင်းဖြစ်၏။ ဤအတွက် … ငွေကြေးဖောင်းပွမှုနှုန်းက ၂၇.၂ % အထိ မြင့်တက်လာ၏။

စားသုံးသူဈေးဆနှုန်းသည်လည်း ၁၉၉၇ ခုနှစ်အား အခြေခံနှစ်အဖြစ် ထားရှိပြီး ၁၉၉၇ ခုနှစ်တွင် ၁ဝဝ ဟု


သတ်မှတ်ပါက … ၁၉၉၈ ခုနှစ်တွင် ၁၃၃.၅၁ ရှိပြီး ၁၉၉၉ ခုနှစ် နှစ်ဦးတွင်ပင် ၁၅၄.၄ဝ ဖြစ်လာ၏။
စာသုံးသူဈေးဆနှုန်းက တနှစ်လျှင် … ၁၅.၆၆ % တိုးမြှင့်နေခြင်း ဖြစ်၏။

တိုင်းပြည်၏ အခြေအနေက မကောင်း….။ အရှိန်အဟုန်နှင့် ကျဆင်း၍နေသည်။ ထိုထိုသော … အထွေထွေ


အကျပ်အတည်းကြီးအား လွတ်မြောက်ရန် …၊ ကျော်လွှားနိုင်ရေးနည်းလမ်းက …. တမျိုးသားလုံးအင်အားဖြင့်
ညီညီညွှတ်ညွှတ် ဖြေရှင်းနိုင်မှသာလျှင် ရမည်ဖြစ်သည်ဟု … မျိုးချစ်ပြည်ချစ်ပုဂ္ဂိုလ်ကြီးများက
ဘဝဖြတ်သန်းးမှုအသိ၊ တွေးခေါ်မျှော်မြင်နိုင်မှုအသိတို့အရ … သဘောပေါက်၏။ ဤအတွက် …
အကြံပြုစာတမ်းအား ရေးသားပေးပို့ခဲ့ကြခြင်း ဖြစ်သည်။

စာတမ်း၏ အဓိကအနှစ်သာရက ….

ကြုံတွေ့နေရသည့် အထွေထွေအကျပ်အတည်းအား ဖြေရှင်းနိုင်ရန် … အမျိုးသားပြန်လည်သင့်မြတ်ရေး


ညွန့်ပေါင်းအစိုးရ (National Reconciliation Coalition Government) ဖွဲ့စည်းရေးအတွက် (နအဖ) နှင့်
အဖွဲ့ချုပ်တို့ တွေ့ဆုံဆွေးနွေး၍ ညှိနှိုင်းဖြေရှင်းရန် ဖြစ်သည်။

စစ်အုပ်စုနှင့် အဖွဲ့ချုပ်တို့ ဆွေးနွေးညှိနှိုင်းရာမှ အမျိုးသားပြည်လည်သင့်မြတ်ရေး ညွန့်ပေါင်းအစိုးရအတွက်


အကောင်အထည် ဖော်ဆောင်ရွက်နိုင်မည့် ဘုံလုပ်ငန်းစဉ် (Common Programme) များကိုလည်း
ချမှတ်ပေးသွားရန် ဖြစ်သည်။

ပြီးလျှင် …. “အမျိုးသားပြန်လည်သင့်မြတ်ရေး ညွန့်ပေါင်းအစိုးရသည် အမျိုးသားရေးအသွင်၊


အမျိုးသားရေးလက္ခဏာ ရှိရေးအတွက် တပ်မတော်မှ ကိုယ်စားလှယ်များ၊ အမျိုးသားဒီမိုကရေစီအဖွဲ့ချုပ်မှ
ကိုယ်စားလှယ်များ၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်နှင့် ရခိုင်၊ မွန်၊ ချင်း၊ ကရင်၊ ကချင်၊ ကယား
အစရှိသော လူမျိုးစု အဖွဲ့အစည်းများမှ ကိုယ်စားလှယ်များ၊ တိုင်းရင်းသား စည်းလုံးညီညွှတ်ရေးပါတီမှ
ကိုယ်စားလှယ်များနှင့် အခြားသင့်တော်သော ပုဂ္ဂိုလ်များကိုပါ ထည့်သွင်းဖွဲ့စည်းသွားရန်လည်း စာတမ်းတွင်

1/5
ဒေါ်အောင်ဆန်းစုကြည် (သို့မဟုတ်) သဇင်နီ အပိုင်း - ၆၂

သတင်းရင်းမြစ် > မင်းဟန်


အင်္ဂါနေ့၊ မေလ ၁၁ ရက် ၂၀၁၀ ခုနှစ် ၁၂ နာရီ ၁၅ မိနစ်

အကြံပြုထား၏။

ပြည်သူ့ဆန္ဒနှင့်အညီ ဖွဲ့စည်းထားသော အစိုးရဖြစ်ရေးအတွက် ၁၉၉ဝ ပြည့်နှစ် အထွေထွေ


ရွေးကောက်ပွဲရလဒ်များကို အသိအမှတ်ပြုလျက် ပြည်သူ့လွှတ်တော်ကို ခေါ်ယူပြီး
ထိုအမျိုးသားပြန်လည်သင့်မြတ်ရေး ညွန့်ပေါင်းအစိုးရကို အတည်ပြုပေးရန် ဖြစ်ပါသည်။

ထိုအမျိုးသားပြန်လည်သင့်မြတ်ရေး ညွန့်ပေါင်းအစိုးရသည် -

(၁) အခြေခံဥပဒေ ရေးဆွဲပြဋ္ဌာန်းရေးအတွက် ဆောင်ရွက်ရန်


(၂) နိုင်ငံရေးအကျဉ်းသားများကို ချွင်းချက်မရှိ လွှတ်ပေးရန်
(၃) ဘုံလုပ်ငန်းစဉ်ကို အကောင်အထည်ဖော် ဆောင်ရွက်ရန် ဖြစ်သည်။

၁၉၉ဝ ပြည့်နှစ် ပြည်သူ့လွှတ်တော်က ….

(၁) အမျိုးသားပြည်လည်သင့်မြတ်ရေးကို ပိုမိုခိုင်မာစေရန်အတွက် အထွေထွေ လွတ်ငြိမ်းချမ်းသားခွင့်


အက်ဥပဒေ ( Comprehensive General Amnesty and Indemnity Act) ကို ပြဋ္ဌာန်းပေးရန် ဖြစ်ပါသည်။

(၂) ဘုံလုပ်ငန်းစဉ်နှင့်ပတ်သက်၍ လိုအပ်သော ဥပဒေများ၊ ဆုံးဖြတ်ချက်များကို ပြဋ္ဌာန်းခြင်း၊


ချမှတ်ပေးခြင်းများကို ပြုလုပ်ရန် ဖြစ်ပါသည်”

မျိုးချစ်ပြည်ချစ်ပုဂ္ဂိုလ်ကြီးများ၏ ‘အမျိုးသားပြန်လည်သင့်မြတ်ရေး ညွန့်ပေါင်းအစိုးရ ဖွဲ့စည်းရန်’


အကြံပြုထားသည့် အကြံပြုချက်က ‘သားရွှေအိုးထမ်းသည့် စာတမ်း’ ဖြစ်၏။ တိုင်းပြည်၏ အထွေထွေ
အကျပ်အတည်းကြီးမှ လွတ်မြောက်ရာလမ်းလည်း ဖြစ်သည်။

ဒေါ်အောင်ဆန်းစုကြည် အပါအဝင် အဖွဲ့ချုပ် ဗဟိုအလုပ်မှုဆောင်အဖွဲ့က … အမှတ် ၉၇/ခ ရွှေဂုံတိုင်လမ်း၌


သခင်သိန်းဖေ၊ သခင်ချစ်မောင်တို့နှင့် တွေ့ဆုံပြီး မျိုးချစ်ပြည်ချစ် ပုဂ္ဂိုလ်ကြီးများ၏ အကြံပြုစာတမ်းအား
ကန့်ကွက်စရာ မရှိကြောင်း … သဘောတူထောက်ခံပါကြောင်း ပြောဆို၏။

သို့သော် … စစ်အုပ်စုကမူ …

၁၉၉၉ ခုနှစ် ဖေဖော်ဝါရီလ ၃ ရက်နေ့တွင် … သခင်သိန်းဖေ၊ သခင်ချစ်မောင်၊ ဗိုလ်အောင်နိုင်တို့အား


စစ်အုပ်စု၏ ဒုတိယပြည်ထဲရေးဝန်ကြီး ဗိုလ်မှူးချုပ်သူရမြင့်မောင်၊ တပ်မတော်ထောက်လှမ်းရေး
ဒုတိယညွှန်ကြားရေးမှူး ဗိုလ်မှူးချုပ်ကျော်ဝင်း၊ မဟာဗျူဟာလေ့လာရေးရုံးမှ ဗိုလ်မှူးကြီးသန်းထွန်းတို့က
ပြည်ထဲရေးဝန်ကြီးဌာန၌ တွေ့ဆုံပြီး …
“လူကြီးများက စာတမ်းကို အလေးထားလေ့လာကြောင်း၊ အခြေအနေအချိန်အခါအရ ကြည့်ပြီး
လုပ်ရသည့်အတွက် လောလောဆယ် လုပ်၍မရသေးဟု ထင်မြင်ကြောင်း အကြောင်းပြန်၏။”

စစ်အုပ်စုက ညင်ညင်သာသာနှင့် ငြင်းပယ်လိုက်၏။ စစ်အုပ်စုက …. ‘သားရွှေအိုးထမ်းသည့်’ လမ်းစဉ်အား


မလိုက်လို။

(၂၁၇)
စစ်အုပ်စုက …. မျိုးချစ်ပြည်ချစ်ပုဂ္ဂိုလ်ကြီးများ၏ အကြံပြုတင်ပြသည့် ‘သားရွှေအိုးထမ်း’ လမ်းစဉ်အား
လက်မခံ၊ ငြင်းပယ်လိုက်ပြီး၊ ဂုဏ်သိက္ခာမဲ့စွာသော နည်းလမ်းများဖြင့်၊ အမျိုးသားဒီမိုကရေစီအဖွဲ့ချုပ်အား
ထိုးနှက်တိုက်ခိုက်နေ၏။ ထိုးနှက်တိုက်ခိုက်သည့်နည်းနာက … သာမန်တွေးခေါ်နိုင်သည့်
ဥာဏ်စွမ်းရှိသူတို့အဖို့၊ မည်သို့မျှ ပြုမူဆောင်ရွက်မည် မဟုတ်သည့် နည်းနာဖြစ်သည်။

2/5
ဒေါ်အောင်ဆန်းစုကြည် (သို့မဟုတ်) သဇင်နီ အပိုင်း - ၆၂

သတင်းရင်းမြစ် > မင်းဟန်


အင်္ဂါနေ့၊ မေလ ၁၁ ရက် ၂၀၁၀ ခုနှစ် ၁၂ နာရီ ၁၅ မိနစ်

သို့သော် …. အာဏာသိမ်း တပ်မတော်ခေါင်းဆောင် ဗိုလ်ချုပ်ကြီးများကမူ ထိုထိုသော နည်းနာအား


တိုင်းပြည်အတွင်း ကျင့်ကြံ၍ အဖွဲ့ချုပ်အား တိုက်ခိုက်၏။ စစ်အုပ်စုမှ ဦးတည်၍
ပစ်မှတ်ထားတိုက်ခိုက်နေသည်က …. အဖွဲ့ချုပ်၏ ပြည်သူ့လွှတ်တော် ကိုယ်စားလှယ်များအား ဖြစ်သည်။

နအဖ ခေါင်းဆောင်များက … သူတို့၏ မြို့နယ်အဆင့် ဥက္ကဋ္ဌများနှင့် ထောက်လှမ်းရေး တပ်ဆွယ်မှူးများထံသို့


ညွှန်ကြားလွှာပို့၏။ ညွှန်ကြားလွှာက … ‘အဖွဲ့ချုပ်ချေမှုန်းရေး အထူးစီမံချက်’ ဖြစ်သည်။

-အမျိုးသားဒီမိုကရေစီအဖွဲ့ချုပ်သည် အစိုးရကို ဆန့်ကျင်နေသည့်အဖွဲ့ ဖြစ်သည်။


-အမျိုးသားဒီမိုကရေစီအဖွဲ့ချုပ်အား မပျက်၊ပျက်အောင် ဖျက်ရမည် ဖြစ်သည်။
-အမျိုးသားဒီမိုကရေစီအဖွဲ့ချုပ် ပြည်သူ့လွှတ်တော်ကိုယ်စားလှယ်များ၏ မိသားစုဝင်နှင့်
ဆွေမျိုးညာတိများထဲမှ အစိုးရဝန်ထမ်းရှိပါက အလုပ်မှ ထုတ်ပယ်ပစ်ရမည်။ ကျောင်းသူ၊
ကျောင်းသားများရှိပါက ကျောင်းမှ ထုတ်ပယ်ပစ်ရမည်။ စီးပွားရေးလုပ်ငန်းတခု လုပ်ကိုင်နေပါက ….
လုပ်ငန်းပျက်ရန် နှောင့်ယှက်ပိတ်ပင်ပစ်ရမည်။ ဘဏ်တွင် ချေးငွေရှိပါက အရေးယူရမည်။ ဘဏ်များမှလည်း
နောက်ထပ်ထုတ်၍ ချေးခြင်းမပြုရ …. ဟူ၍ဖြစ်သည်။

ညွှန်ကြားလွှာအတိုင်း …. အောက်ခြေအာဏာပိုင်များကလည်း လုပ်ကိုင်ဆောင်ရွက်ရန် ကြိုးစား၏။


လုံ့လပြုကြ၏။

အဖွဲ့ချုပ် ပြည်သူ့လွှတ်တော် ကိုယ်စားလှယ်အများစုက …. စစ်အုပ်စု၏ ‘အထူးစီမံချက်’ ကြောင့်


ပြည်သူ့လွှတ်တော် ကိုယ်စားလှယ်အဖြစ်မှ နုတ်ထွက်၍ မသွားကြ။ မားမားမတ်မတ်ပင် ပြည်သူ့လွှတ်တော်
ကိုယ်စားလှယ်များအဖြစ်နှင့် ရပ်ခံ၍ နေကြ၏။

ဤတွင် … စစ်အုပ်စုက ရွှေဥာဏ်တော်စူးရှစွာနှင့် ချေမှုန်းရေးနည်းသစ်တမျိုးအား ကျင့်သုံး၍ လာပြန်၏။


နည်းလမ်းသစ်က …. အဖွဲ့ချုပ် ပြည်သူ့လွှတ်တော် ကိုယ်စားလှယ်များအား မဲဆန္ဒရှင် ပြည်သူများက
‘အယုံအကြည်မရှိ’ အဆိုတင်သွင်းရေး လှုပ်ရှားမှု ဖြစ်သည်။ လှုပ်ရှားမှုအရ … မဲဆန္ဒနယ် နယ်မြေအသီးသီးရှိ
အဖွဲ့ချုပ် ပြည်သူ့လွှတ်တော် ကိုယ်စားလှယ်အသီးသီးအား မဲဆန္ဒနယ်မြေများအလိုက် …. ‘အယုံအကြည်မရှိ’
အဆိုတင်သွင်းကြရမည် ဖြစ်သည်။

“အယုံအကြည်မရှိ” အဆိုတင်သွင်းနိုင်ရေးအတွက် ရပ်ကွက်အာဏာပိုင်များနှင့် ကြံခိုင်ရေးနှင့်


ဖွံ့ဖြိုးရေးအသင်းဝင်များ ပူးပေါင်းပြီး တအိမ်တက် တအိမ်ဆင်းလိုက်၍ အသက် ၁၈ နှစ် ပြည့်ပြီး သူတိုင်းကို
လက်မှတ်ရေးထိုးခိုင်းရမည်။

အယုံအကြည်မရှိကြောင်း လက်မှတ်ရေးထိုးထားသည့် ပုံစံ နှစ်စောင်ကို သတ်မှတ်ထားသည့်ရက်တွင်


မြို့နယ်အာဏာပိုင်ရုံးသို့ ပေးပို့ရမည်။

၎င်းပုံစံများကို ပါတီစုံဒီမိုကရေစီ အထွေထွေရွေးကောက်ပွဲ ကျင်းပရေးကော်မရှင်ရုံးသို့ တင်ပြပြီး ကော်မရှင်က


သတ်မှတ်ပေးသည့် ရက်တွင် အယုံအကြည်မရှိ အဆိုတင်သွင်းသည့် လူစုပွဲ ကျင်းပရမည်။

ဤကား … ‘အယုံအကြည်မရှိ’ အဆိုတင်သွင်းရေး လှုပ်ရှားမှု၏ လုပ်ငန်းစဉ်အဆင့်ဆင့် ဖြစ်သည်။

အဖွဲ့ချုပ် ပြည်သူ့လွှတ်တော် ကိုယ်စားလှယ်များအား အယုံအကြည်မရှိ၊ မထောက်ခံတော့ကြောင်း မဲဆန္ဒရှင်


ပြည်သူများအား ဆန္ဒပြုလက်မှတ် ရေးထိုးစေခိုင်းကြရာတွင်လည်း လိမ်ညာလှည့်ဖြားမှုများ၊
ခြိမ်းခြောက်အကျပ်ကိုင်မှုများ စသည့် မတရားမှုပေါင်းစုံနှင့် …။ အချို့နေရာများတွင်က …. ရပ်ကွက်ကျေးရွာ
အာဏာပိုင်များနှင့် ကြံ/ဖွတ်အဖွဲ့ဝင်များက ဧည့်စာရင်းစစ်မည်ဟု ဆိုပြီး တအိမ်တက်ဆင်းဝင်၏။ အိမ်ထောင်စု
စာရင်းအား တောင်းယူ၍ အသက် ၁၈ နှစ်ပြည့်သည့် အိမ်သားများ၏ စာရင်းအား ၎င်းတို့တွင် ပါလာသည့်
ပုံစံစာရွက်တွင် အမည်စာရင်းများအား ဖြည့်၏။ ပြီးလျှင် …. အိမ်ထောင်ဦးစီးအား ဧည့်စာရင်း

3/5
ဒေါ်အောင်ဆန်းစုကြည် (သို့မဟုတ်) သဇင်နီ အပိုင်း - ၆၂

သတင်းရင်းမြစ် > မင်းဟန်


အင်္ဂါနေ့၊ မေလ ၁၁ ရက် ၂၀၁၀ ခုနှစ် ၁၂ နာရီ ၁၅ မိနစ်

စစ်ဆေးပြီးသည့်အကြောင်း လက်မှတ်ရေးထိုးပါဟု ဆိုပြီး လက်မှတ်ထိုးခိုင်း၏။


လက်မှတ်ရေးထိုးပေးလိုက်သည့် အိမ်ထောင်ဦးစီးက သူထိုးပေးလိုက်သည့် စာရွက်သည် မိမိတို့မဲဆန္ဒနယ်မြေမှ
အဖွဲ့ချုပ် ပြည်သူ့လွှတ်တော် ကိုယ်စားလှယ်အား ‘အယုံအကြည်မရှိ၊ မထောက်ခံကြောင်း’ ပုံစံစာရွက်ဟူ၍ပင်
မသိလိုက်။ ကြံ/ဖွတ်များနှင့် ရပ်ကွက်အာဏာပိုင်များက သူတို့၏ ပုံစံစာရွက်၌ လက်မှတ်များရပြီဖြစ်၍
နောက်တအိမ်သို့ ကူးပြန်၏။

အချို့နေရာများတွင်က … ‘နိုင်ငံရေးနှင့်ပတ်သက်မှု မရှိကြောင်းနှင့် အေးချမ်းစွာ လုပ်ကိုင်စားသောက်သူ


တဦးဖြစ်ကြောင်း’ လက်မှတ်ရေးထိုးပါဆို၍ … အချို့က လက်မှတ်ရေးထိုးပေးခဲ့ကြ၏။ အချို့နေရာများတွင်က
… လက်မှတ်မထိုးပါက ….. ၃ ရက် လုပ်အားပေးလိုက်ရမည်ဟု ဆို၏။ ပေါ်တာလိုက်ရမည်ဟု ခြိမ်းခြောက်၏။

(၂၁၈)
အမှတ် (၉၇/ခ) ၊ အနောက်ရွှေဂုံတိုင်လမ်း။
စစ်အုပ်စုမှ .. အဓမ္မလိုက်လံ၍ ပြုလုပ်နေသည့် အဖွဲ့ချုပ် ပြည်သူ့လွှတ်တော် ကိုယ်စားလှယ်များအား မဲဆန္ဒရှင်
ပြည်သူများမှ အယုံအကြည်မရှိ၊ အဆိုတင်သွင်းရေး စီမံချက်နှင့်ပတ်သက်၍ မဲဆန္ဒရှင် ပြည်သူများ၏
တိုင်ကြားစာများက အဖွဲ့ချုပ်ဗဟိုသို့ နေ့စဉ်ပင် ရောက်ရှိ၍ နေသည်။

ဒေါ်အောင်ဆန်းစုကြည်သည် မဲဆန္ဒရှင်ပြည်သူများထံမှ ပေးပို့လာသည့် တိုင်ကြားစာများအား အချိန်ပေး၍


သေသေချာချာ ဖတ်၏။

“လူကြီးမင်းသိစေရန် အကြောင်းကြားအပ်ပါသည်။ ကျနော်သည် မန္တလေးတိုင်း၊ ကျောက်ပန်းတောင်းမြို့နယ်၊


မြောက်တောကျေးရွာမှ ဖြစ်ပါသည်။ ကျနော်တို့ရွာတွင် ၁၅၊ ၂၊ ၉၉ ရက်က အဖြစ်အပျက်များကို
တင်ပြလိုပါသည်။

၁၅၊ ၂၊ ၉၉ ရက်နေ့ နေ့လည် ၁၂ နာရီခန့်တွင် ကျနော်တို့ရွာ၏ ရွာသူကြီးဖြစ်သူ ဦးအောင်မြင့်သည် ကျေးရွာနေ


ပြည်သူလူထုအပေါင်းအား ၁၆၊ ၂၊ ၉၉ ရက်နေ့တွင် ပြည်သူ့ဆန္ဒဖော်ထုတ်ပွဲသို့ အသက် ၁၈ နှစ်ပြည့်သူတိုင်း
မပျက်မကွက် တက်ရောက်ကြရန်နှင့် ဆန္ဒဖော်ထုတ်ပွဲသို့ မတတ်ရောက်ပါက… မိမိ၏တာဝန်၊ မိမိ၏
အပြစ်သာဖြစ်ကြောင်း အသံချဲ့စက်ဖြင့် ပြောဆိုအသိပေးခဲ့ပါသည်။ ၎င်းနောက် ညနေ ၆ နာရီခန့်တွင် ကြံ/ဖွတ်
စည်းရုံးရေးမှူးဖြစ်သူ ခင်မောင်ဋ္ဌေးကလည်း အသံချဲ့စက်ဖြင့် ကြေညာအသိပေးပြန်ပါသည်။ ၁၆၊ ၂၊ ၉၉ ရက်နေ့
နံနက် ၆ နာရီခန့်တွင် ကြံ/ဖွတ်အမှုဆောင် ရွှေသိန်းကလည်း ယနေ့နံနက် ၈ နာရီတွင် အသက် ၁၈
နှစ်ပြည့်သူတိုင်း အန်အယ်လ်ဒီ ရှုတ်ချပွဲသို့ အားလုံး တက်ရောက်ကြပါရန်နှင့် မတတ်ရောက်ပါက မိမိ၏
အပြစ်သာဖြစ်ကြောင်း ထပ်မံ၍ အသံချဲ့စက်ဖြင့် ကြေညာပြန်ပါသည်။

အန်အယ်လ်ဒီ ရှုတ်ချပွဲသို့ မတက်ရောက်ပါက တဦးလျှင် ဒဏ်ငွေ ၅ဝ ကျပ် ပေးဆောင်ရမည်ဟုလည်း


ကြေညာပါသည်။ ဒဏ်ငွေအား ချက်ချင်း လာရောက်ပေးဆောင်ရမည်ဟုလည်း ကျေးရွာဥက္ကဋ္ဌဖြစ်သူ
ဦးအောင်မြင့်က အသံချဲ့စက်ဖြင့် ကြေညာပါသည်။ ဤသို့ ၃ ကြိမ်တိုင်တိုင် အသံချဲ့စက်ဖြင့် ကြေညာပါသည်။
ငွေကြေးအဆင်ပြေ၍ ဒဏ်ငွေဆောင်နိုင်သူ ၁၁၅ ဦး ရှိပြီး၊ ချက်ချင်း ဒဏ်ငွေမဆောင်နိုင်သူ ၃၅ ဦး ရှိပါသည်။
ဤသို့ ရှုတ်ချပွဲ မတက်ရောက်၍ ဒဏ်ငွေဆောင် နောက်ကျနေသူ ၃၅ ဦးအား ပုပ္ပားရဲစခန်းသို့ နယ်ထိန်း
ရာညွှန့်နှင့် ရဲသားများက ခေါ်ယူဖမ်းဆီးသွားကြပါသည်”

ဒေါ်အောင်ဆန်းစုကြည်က နောက်ထပ် မဲဆန္ဒရှင်တဦးထံမှ ပေးပို့သည့်တိုင်ကြားစာ တစောင်အား ထပ်၍


ဖတ်ပြန်သည်။

“မွန်ပြည်နယ်၊ မော်လမြိုင်မြို့နယ်၊ မဲဆန္ဒနယ်အမှတ် ၁ မှ အမျိုးသားဒီမိုကရေစီအဖွဲ့ချုပ်၏ ပြည်သူ့လွှတ်တော်


ကိုယ်စားလှယ် ဦးလွန်းတင်အပေါ် ၇၊ ၂၊ ၉၉ ရက်နေ့တွင် အာဏာပိုင်များက ပြည်သူ့လူထုအချို့အား မတရား
စုဝေးစေ၍ ဆောင်ရွက်ခဲ့သည်များနှင့် ပတ်သက်၍ အစီရင်ခံအပ်ပါသည်။

4/5
ဒေါ်အောင်ဆန်းစုကြည် (သို့မဟုတ်) သဇင်နီ အပိုင်း - ၆၂

သတင်းရင်းမြစ် > မင်းဟန်


အင်္ဂါနေ့၊ မေလ ၁၁ ရက် ၂၀၁၀ ခုနှစ် ၁၂ နာရီ ၁၅ မိနစ်

(၁) ပြည်သူ့အခြေအနေမှာ အတင်းအဓမ္မ တက်ရောက်ခိုင်း၍ တက်ရောက်ကြခြင်း ဖြစ်၏။ စိတ်ဓာတ်


လုံးဝမပါရှိသည်ကို တွေ့ရသည်။ အများအားဖြင့် မြို့နေလူထုသည် တက်ရောက်ခြင်း မရှိ။ ကျေးရွာလူထုအား
ခြိမ်းခြောက်၍ တတ်ရောက်လာကြခြင်း ဖြစ်၏။

(၂) ကျောင်းဆရာ၊ ဆရာမများ၊ ကျောင်းသား၊ ကျောင်းသူများအား ကျောင်းဝတ်စုံ မဝတ်ဆင်စေဘဲ


တက်ရောက်စေသည်။ ကျောင်းဆရာ၊ ဆရာမများအား မတက်ရောက်လျှင် အလုပ်က ဖြုတ်ပစ်မည်ဟု
ဆိုသည်။

(၃) ဦးလွန်းတင်အား မဲပေးခဲ့စဉ်က အနှောင်အဖွဲ့ကင်းပြီး လွတ်လွတ်လပ်လပ် မိမိဆန္ဒသဘောထားအရ


မဲပေးခဲ့ကြခြင်း ဖြစ်၏။ ၇၊ ၂၊ ၉၉ ရက်နေ့က ဖြစ်ပျက်ပုံမှာ လုပ်ကြံမှုတရပ်သာ ဖြစ်ပါသည်”

ဒေါ်အောင်ဆန်းစုကြည်က တိုင်ကြားစာများအား ဖတ်ပြီး သက်ပြင်းချမိ၏။ ပြီးလျှင် … တပ်မတော်


ခေါင်းဆောင်ကြီးများက … အရှက်သိက္ခာကင်းမဲ့စွာနှင့် လိမ်ညာမှုကြီးအား လူထုအတွင်း၌ ပြုလုပ်၍
နေကြလေခြင်း ဟူ၍လည်း တပ်မတော်အပေါ် ယူကြုံးမရ ဖြစ်မိ၏။

ကိုးကား ……

- ရွှေခမောက် မှတ်တမ်းလွှာ
- အာဏာရှင်သို့ပေးစာ အတွဲ - ၂
- ဦးခင်ကျော်ဟန်၏ ပါတီစုံဒီမိုကရေစီ အထွေထွေရွေးကောက်ပွဲ မှတ်တမ်း
- ဝါရင့်နိုင်ငံရေးသမားဟောင်းကြီးများ၏ အကြံပြုစာတမ်း
- ဒေါ်အောင်ဆန်းစုကြည်၏ မိန့်ခွန်းများ
- ပြည်သူ့လွှတ်တော် ကိုယ်စားပြု ကော်မတီ၏ ကြေညာချက် ၆ (၂-၉၉)၊ ၈ (၂-၉၉)၊ ၁ဝ (၂-၉၉)
- မြန်မာ့အလင်းသတင်းစာ (၁၉၉၉ ခုနှစ်၊ ဖေဖော်ဝါရီလ)

5/5