18th November, 2010

Synfocity=3 19
www.mizoramsynod.org

Family Guidance & Counselling Centre November 17 (nilaini) zan khan Synod Moderator Rev. C. Chawnglianan Family Guidance & Counselling Centre (FG&CC) buatsaih Pastor-te puala Intensive Residential Pastoral Care & Counselling Training vawi 20-na, Synod Multipurpose Training Centre (SMTC), Mission Vengthlanga neih chu a hawng a, trainning hian December 1 (Nilaini) thleng a awh ang. Training hawnna inkhawm hi Rev. Vanlalzuatsa, Senior Executive Secretary in a kaihruai a, Training Director Rev. Zothansangan inlawmna thu sawiin FG&CC hmalakna report a pe a, SMTC Hosteller Zaipawl an zai bawk. Training hawngtu Rev. C. Chawngliana chuan, Pastor-te chu Kohhran mi thlarau saltangte chhanchhuaktu tur an nih avangin kawng tinrengah inbuatsaih a pawimawh thu a sawi a. Kohhran mite an enkawlnaah ngawih hun leh tawng hunte thliar thiam a tul thu sawiin, Pathian tana huaisen tak leh thahnemngai taka rawngbawl thin turin trainee-te a fuih a ni. Tun tumah hian Pastor 19 an tel thei a, Resource person-te chu Rev. Zothansanga, Rev. C. Sangliana, Rev. Lalrinmawia, Rev. J. Vanlalhuna leh Dr. C. Lalhrekima te an ni. Synod hian 1991 atang khan Pastor-te pualin Counselling Training hi a buatsaih thin a, Pastor 325 training pek tawh an ni. Kum 2002 atang khan Lay Leader-te pualin Pastoral Care & Counselling Training hi buatsaih thin a ni bawk a, tum 13 buatsaih tawhah Lay Leader 249 hnenah Training Certificate pek an ni tawh bawk. Synod Literature & Publication Board (SL&PB) November 19 - 21 chhung hian Zokhawthar Kohhranah Literature Seminar neih a ni dawn a, seminar neihpui tur hian Rev. Thangzauva, Editor; SL&PB, Upa C. Lalbiaktluanga, Business Manager; Pi Rinsailovi, Asst. Editor; Pi Rallianthangi, Office Assistant leh Tv. Lalfakawma te an kal. Social Front November 19 (Zirtawpni) hian Kolasib khaw pum huapin Land Reforms Seminar neih a ni dawn a, seminar neihpui tur hian Rev. Lalzuithanga, Executive Secretary; Dr. Robert S. Halliday, Social Front Coordinator; Pu J. Malsawma, Office Assistant; Upa Zaneihtluanga leh Upa R.K. Thanga (Campaigners) te an kal ang. Kohhran Hmeichhia November 16 - 21 chhung hian Presbyterian Church of Taiwan-te rawtna angin Presbyterian Church of Taiwan, Paiwan Presbyterian Womens’ Department leh Mizoram Presbyterian Kohhran Hmeichhiaten rawngbawlna kawnga intlawh tawn leh inzir tawn (Exchange programme) an hmang mek a, Taiwan-a kan missionary thawk lai Rev. Zaidarhzauva nupui Pi Sapvengi hovin mi 7 - (Rev. Tsai/Ailien, Rev. Tjuku.Kasupeljan, Rev. Kao/Tienhui, Rev. Tjuwu.Vatjesan, Pro. Pastor Remeran.Tjausunuk, Pro. Pastor Chen/Enhui, Hsu/Hsiuying, B.D. (Coordinator) te an lo kal thei a ni. Taiwan mikhualte hi Tourist Lodge, Chaltlangah thlen tir an ni a, Central Kohhran Hmeichhe Committee ten an lo buaipui a ni. Taiwan mikhualte hian November 16 khan Aizawl an lo thleng a, hemi zan hian Chaltlang Kohhranah hun hmanpui an ni. November 17 chhun lamah Synod hmun pawimawhte tlawhpui an ni a a, zanah Bawngkawn Kohhranah inkhawm pui leh an ni. November 18 hian Central Kohhran Hmeichhe Committee-te nen inkawmhona hun hmangin Davids’ Kitchen, Chanmari-ah Moderator’s Dinner an kilho nghal ang. November 19 hian nilengin Shopping & Sightseeing neihpui leh an ni ang a, November 20 (Zirtawpni) chawhma dar 10:00 atangin One Day Meeting programme, Pi Zaii Hall-ah an hmang dawn a, heta tel tur hian Aizawl khawpui chhunga Kohhran tin atangin Kohhran Hmeichhe member 1 theuh sawm an ni. Programme hi Pi Zomuani, Inkhawmpui Lian Chairman-in programme a kaihruai ang a, Mizoram Synod Presbyterian Women Fellowship leh Paiwan Presbyterian Women’s Department atanginI nhmelhriatirna hun hman a ni ang a, Paiwan Presbyterian Women’s Department ten Reports an pe bawk ang. Chawhnu programme-ah Rev. Zosangliana Colney, Executive Secretary i/c Women leh Pi Lalrinkimi, General Secretary te hnen atangin Reports ngaihthlak leh a ni ang a, Discussion hun hman a ni bawk ang. Dar 3:00 p.m. atangin Cultural Programme hman a ni ang a, Art & Cultural Department leh Paiwan PWF ten hun an hmang ang a, Pi Lalneihkimi, Vice Chairman, Inkhawmpui Lian-in Lawmthu sawina hun hmangin programme a khar ang. Zan lamah Ramhlun Vengthar Kohhran inkhawmah an tel ang a, November 21 (Pathianni) chawmhmaah Zarkawt Kohhranah inkhawmin Naupang Sunday School-te tlawhpui an ni ang. 1

Synfocity=319

Chawhnuah Mission Vengthlang Kohhranah hun hmanpui leh an ni ang a, zanah Bungkawn Kohhranah hun hmanpui leh an ni ang. November 22 (Thawhtanni) hian Aizawl an chhuahsan leh dawn a ni.  Synod Mission Board  November 14 khan Moregaon, Assam Mission Field-ah ringthar 7 (puitling 6 leh naupang 1) leh ringtu fa 1 in baptisma an chang thar.  Vawiin (Nov. 18) hian Upa R. Lalmalsawma, Synod Mission Board Coordinator chuan lehlangin Home Mission North hnuaia Saihapui ‘K’, Chhimluang leh Meidum te tlawh kual ang.  Ramthar Board Executive Committee (BEC) chuan kum 2008-a Missionary Pre-Service Training zo, mi 22 te chu interview a neihpui hnuah January 15, 2011 atangin Synod Mission Board hnuaia thawktu nghet atan an la thar a, January 15, 2011 hmain an awmna theuh Field kaltlangin Synod Mission Board Headquarters.-ah joining report pe tura hriattir an ni.  November 24 & 25 hian Central India Mission Field Consultation, New Delhi-ah neih a ni dawn a, Synod Mission Board Secretary Rev. Lalchhuanmawia leh Rev. Z.D. Lalhmachhuana, BEC Member te an kal ang. Consultation-ah hian Siliguri, Kolkata, Patna, Jharkhand, Lucknow, Delhi leh Nepal Mission Filed atangin Filed Secretary, Pastor zawng zawng leh Mission Filed tin aiawh missionary 3 zel tel tura tih an ni. November 24 (Nilaini) hian Inlawmna leh Inhmelhriattirna inkhawmah Rev. Lalchhuanmawian Keynote Address a pe ang a, zan inkhawmah Rev. Z.D. Lalhmachhuanan ‘Missionary-te enkawl dan tur leh an thawh dan tura SMB beiseina’ tih thupui hmangin thuchah a sawi ang. November 25 (Ningani) zan inkhawmah Rev. Lalchhuanmawian Consultation khaikhawmna leh thuchah hnuhnung a sawi bawk ang. MSSU November 15 - 17 chhung hian 4/14 Windows Pre-Summit Consultation, Patna-ah neih a ni a, consultation-ah hian Pu Lalthahluna Ralte, MSSU Asst. Coordinator leh Upa K. Zoremsanga, MSSU Trainer te an kal. Pu Lalthahluna Ralte leh Upa K. Zoremsanga te hian Nov. 18 - 21 chhungin Patna Mission Field-ah hian Sunday School Training an neihpui nghal ang a, Nov. 24 - 28 chhung hian Dimapur, Kohimaah Sunday School Training an rawn neihpui leh nghal ang. Susamachar Prasaran Programme November 21 (Pathianni) tlai dar 4:30 - 5:00 velah Hindi Programme (Susamachar Prasaran) LPS & Zonet Cable atangin hetiang hian tihchhuah a ni ang : Group/Choir/Solo - College Veng Masihi Sangati Zaipawl - ‘Ao Bum Yebova Ka Dhunyawad Kare’, Sermon - Shree Lalramzauva - ‘Apne Margong Ka Dhyan karo’, Group/Choir/Solo Kawngkharmawii - 'Tu Hai Mahan', Group/Choir/Solo - Masihi Sangati - "Ramhlun Kohhran", Stuti Geet - Sare Srishti Ke Malik Moderator Programme Synod Moderator Rev. C. Chawngliana chuan tun kar tawpah hetiang hian hun a hmang ang :  November 19 (Zirtawpni) - ATC College Day Function  November 20 (Pathianni) Chawhma - Mualkhang Kohhran (Sairang Bial) Chawhnu - Nazareth Kohhran (Kawnpui Bial)

AIZAWL THEOLOGICAL COLLEGE AIZAWL : MIZORAM COLLEGE DAY CELEBRATION PROGRAMME Friday, November 19, 2010
Public Reception : 12:00 noon - 1:00 p.m. at A.T.C. Canteen Square
Formal Function : 1:00 p.m. - 3:00 p.m. Venue : Centenary Building Quadrangle Chairman : Rev. C. Chawngliana, Synod Moderator 1. Opening Devotion 2. Congregational Hymn 3. Welcome & Report 4. Anthem 5. Presentation of Prizes 6. Anthem 7. College Day Speaker : : : : : : : Chairman KHB No. 585 : Aw Nang, Kan Lal, Kan Pathian Rev. Prof. Roger Gaikwad, Principal Synod Choir Rev. Vanlalzuata, Senior Executive Secretary (to be assisted by Rev. Dr. C. Lalhlira, Registrar) Synod Choir Rev. Dr. William C. Browne, Executive Director, Medical Benevolence Foundation, P.C. - U.S.A. Title of College Day Address Synfocity=319 : Medicine, Mission and the Church : Provisional 2

Demonstrations of the Kingdom of Heaven 8. Special Song 9. Vote of Thanks 11. Congregational Hymn 12. Benediction : : : : College Choir Rev. Prof. Vanlalchhuanawma, Vice Principal KHB No. 399 : Lalpa, I rawngbawla min koh hi Rev. C. Biakmawia, Member, T.E.B.

Light Refreshment Note : Bus kal dan tur hetiang hian ruahman a ni. Kal lam (Synod Bookroom atangin) 8:45 a.m. (via Ramhlun Road) 10:30 a.m. (via Ramhlun Road) 11:00 a.m. (via Chaltlang Road)

Kawng laka lo chuang turte tan Bus dinna remchang awm deuh laiah lo phar din mai theih a ni. Haw lam : Function zawhah ATC atangin Kulikawn thleng a kal leh ang.

MUSIC HRIATTIRNA
Synod Music Department-in a buatsaih Kristian Chhungkaw Hla & Inneih Hla Inphuahsiak-a Participation Prize chu December 15, 2010 (Nilaini) thleng hian sem a ni dawn a, hun tiam chhunga lam lote chu pek theih an ni tawh lovang. Rev. Zosangliana Colney Executive Secretary i/c Music ………………………………………………….............................................................................................................................

18th November, 2010 Mail us at synfo@sancharnet.in; synfo@yahoo.com Synod Information & Publicity; Aizawl, Mizoram. India Phone: 0389 2314648 Fax : 2316598 Website – www.mizoramsynod.org

Synfocity=319

3