Shandor Pass se Shandor Pass Tak

³Oye oye Gari peechay ja rhe hy, oye dekho´ Fakhar bhai ne nend main jhonka khaya or dar k maray tez awaz main bolnay lagay««««.inki awaz suntay hi maine jaldi se khirki k bahar dekha or apne nishan ko apni jaga pa kar phir sakon se seat pay tangain rakh li. Fakhar bhai ne subkay rongtay kharay to kar dya thy par phir khud hi kharatay mar k sonay lagay ³Fakhar bhai kuch ne hy, gari khari hy, aramse sojain, mujhe lighter dijyay ga´ . cig jala k is sard khamosh or tanha raat ka phir se jag k muqabla karnay laga.......extra jacket utha k tango pay rakhli«.par jurabain or jacket is sardi ko ne rok pa rhe the««.is waqt hamarai gari shandor pass ki charhai 13700 feet, -4 se -5 degrees centgrde or rat k 2bjay gear, handbreak or patharon k zor pay khari the. Har kisi ne apna nishan rakha hua tha k agar ye nishan hila to matlb gari nechay ki taraf khisak rhe hy or hamari khair ne. ³Rehanay kia hua, tu theek hy´ ««´ yar ahsan sans ne arha, kia karon,´«««.. rehan mushkil se sans le rha tha or iski ukhri sanso ne hamai or paraishan kardya. iski halat dekh k hum agay ka sochnay lagay k ab wapas jaya jay ya idher hi rat guzari jay ya agar ise kuch hogya to «««.hum to gay kam se ³malko wapas chaplain?chal na yar abi kia karna hy idher, sans b ne arha, bakyon ko utha k dekh ye na ho koi behosh para ho´««««.rehan ukhri sans k sath kisi tarha fawad bhai ko mananay ki koshish kar rha tha k wapas chalain««.kyo k is height, sardi or oxygen ki kami ne uski halat bigar di the««.har 2-3 min bad wo darwaza kholta sans lenay k lya or sardi usko darwza band karnay par majbor kardeti«««kabhi sardi se larta kabhi apni sans se««««´yar ahsan ise khubani khila wo dry wali, sans ka masla theek hojay ga.´ ««««haroon ne ye totka aik din pehlay hi hunza main kisi se suna tha or usne koi logic day k rehan ko ghubani khila di«..««..shukria asad ka usne ye dry fruit hunza se khareed lyay thy««..par hamari soch k bar aks is totkay ne rehan ka masla halkar dya««.rehan ki sans bahal hogai par hamary lya rehan ne aik masla paida kardya««.ab wo sonay ki koshish kar rha tha gari ki agli wali seat pay beth k or jub wo zara sa hilta pechay puri gari hilti or yehi lagta k abi gari gai k abi gai««.par nadeem bhai sakon se kharatay marnay main masroof thay or sath hi asad b kharaton k muqablay main utar ata tha««««.peechay driver apni puri cassette chala k so chukka tha apni is khoobsoorat or powerfull gari k baray main jisko hum dhakay laga k is charhai par lay thay«««««.khirki se aik sitara mera nishan tha«..meri nazar kuch dair bad us taraf khud uth jati«««.cigrt ka dhuan is thandi rat ka kuch bigar to ne rha tha par is khamoshi or tanhai k ehsas main sath zaror day rha tha««.yaha agar hamari gari khai main gir jati to dino tak pata na chalta k hum

kahan gayab huay««.or lashain kidr pari hain«««naltar se phandar or phandar se mastooj k darmian shandor pass««shandoor polo ground se thora pehlay hamari gari charhai pay charhnay se inkar kar gai««.dhakay laga k charhanay ki koshish ki par 10 kadam pay phir ruk jati«««.saro ne faisla kia k subha dekhaingay«..sari rat sirf aik gari guzri or wo b 1 bjay k kareeb or subha 7 bjay tak na gari na gari ki zaat nazar ai«..gari ko band kia or seats par sonay ki koshish, sardi ka muqabla or gumnaam maut k baray main soch soch k ye rat guzarti gai««««.´yar hilo mat or sakon se so jao ³ nadeem bhai dartay huay rehan se bol rhy thay«««««.driver jisne 23 ghanto main se sirf 11 ghantay gari chalai the or baki ahsan or kuch rasta fawad bhai ne chalai the apni cassette chala rha tha«..´ sojao mara kuch ne hota, gari neechay ne jata, break b laga hy or bara pathar b tyre k peechay para hy´««.mera dil kia is ki izzat afzai karnay ka par uski umer dekhtay huay chup kar gya««««.baba g umer main kuch 60-70 ky hongay or jis khushi se unho ne salajeet khareedi hunza se lagta tha abi jawan huay hain«««««..´chacha is gari ka engine khtm hy, clutch plate kam ne karta, gari uthti hi ne hy pehlay gear main, charhay gi kahan se, pehlay btana tha na k gari bekar hy´ «««fawad bhai or haroon apne ghusay pay kabo patay huay baba g ko tameez k dairay main reh k suna rhy thay««««.sardi jurabo, jacket or chadron se ho k andar ghusii jar he the«««..gari k sheesho pay bhaap baraf ban chuki the««kuch log so rhy thy par meri ankho se neend cho k b ne guzri«««kisi ne kuch kaha to ne par dil hi dil main har koi maut k khauf se Allah ko yad kar rha tha«««or shayad ye rat hamari zindagi ki subse anhoni rat the««jis main maza b tha or dar b««likn kehtay haina k umeed pay dunya qaim hy«...wohi umeed ki Kiran aik bar phir subkay k chehray pay muskurahat lay ai«««.halki halki suraj ki roshni nazar anay lagi««.maine subko mana kia tha k puray trip pay mujhe jaldi ne uthana maine koi sunrise ne dekhna par aaj kismet ne mujhe sunrise dekhaya or uski qadar b btai««.madham se muskurahat har kisi k chehray pay ye saaf zahir kar rhe the k unka dar khtm hochuka hy«..wo gumnaan maut ka khauf dmgh se nikal chukay hain«««««««.:´ay han, ay han««.zor lagao shaba shayad thori se jaga ho gari yahan se nikal gai to shayad hum mastooj rawana hoskain´««««fawad bhai subse mukhatib thay or ab b isi gari ko agay lejanay ki koshish karwa rhy thy««««.´yar malko ap agay dekh ai k yehi mor hy ya is se agay b rastay ki yehi suratehal hy´««««fawad bhai ko unke nik nam se bulatay huay maine kaha«««««««.meri bat se itifaq kartay huay Fakhar bhai or malko dono agay ka rasta dekhnay chalay gay««««..or hamai gari ko wapas morna para kyon k agay rasta ijazat ne day rha tha is gari ko lejanay«««.:´yar meri sari rat ki driving bekar gai´««««ahsan afsos kartay huay kyon k usne yaha tak gari phnchai the 6-7ghantay drive kar k«««..hum wohi rasta napnay lagay jis par hum ay thay«««2-3 ghantay k safr k bad aik gaon main hamari mushkil ka hal nazar aya«««gari se utray to tango ki exercise ne jami hui tango ka kuch afaqa kia«««..´yara 8 chai lana, or ye btao jeep yaha se mastooj tak kitna lay gi´«««.malko waha aik dukan jo k aik hi us waqt nazar

arhe the door door tak k dukan dar se poch rha tha, kuc dair behas k bad gari waray main nazar aye «««humne chai p or babay ki gari ko dil main galyan detay huay saman jeep pay lada«.or aike bar phir shandor pass ki taraf nikal paray««««««««

Shandor Pass jahan hamari gari ruk gai the«sath he ye nadi the

Nadi main jami baraf

Gari Main Rat guzarnay k bad

Agay ka safar is jeep par«.Jeep Zindabad

Akhir Kar Shandor Phnch hi gay

The Journey Continues««.

Sign up to vote on this title
UsefulNot useful