You are on page 1of 2

魔術 私日記 ~可怕 的預言 @ 2007_0506

黎緊禮拜六同禮拜日,陶才子將會參演地獄行,而金掌櫃已經事先
張揚會「孖」柔力大師,星期六晚上去捧場。而今日,很湊巧,睇
完「城市論壇」之後,正準備熄電視之際,竟然見倒有介紹「地獄
行」的節目,於是就拿拿聲楂機影下幾個片段,而最精采的,莫過
於見倒陶才子一個好似笑緊的表情…噢,我又唔係峰嫂,當然絕不
介意陶才子笑足七日七夜啦。

陶才子叫我睇完俾D意見,但我覺得都係不講為妙,之不過響呢度
同大家分享下又唔同喎。點唔同呢,等您有緣結識陶才子的話,您
就明白我講乜野了。

首先又話說,話說金掌櫃話希望陶才子有第二次做男主角的機會之
類,實際 wording 就唔記得了。男主角,噢,好勁呀可?咁又係。
回想4月15日,我無啦啦心血來潮,望下陶才子演出果個劇的劇
團成員名單,竟不見陶才子高姓大名,意思係佢唔係核心或一般成
員,難得劇團俾個角色佢做,真係好好彩架!於是我就打隻E貓問
佢做乜野角色,先知原來佢被編配做男主角老豆,點知原先飾演男
主角的演員心臟有事,而套劇又就黎上演,於是就由陶才子頂上。
最精釆的,仲係個男主角的名字同金掌櫃的暱稱係一樣,勁!

題外話:近排都算膽大包天,竟敢連金掌櫃都捉弄一番,繼上次可
愛的 Andy Ko 事件後,今次睇見金掌櫃一本正經地對陶才子作出
「最誠心的祝願」,我對眼仔又試忍唔住閃下閃下…

「唔止咁少!起碼做三次!」金掌櫃聽見我咁講,當堂笑左出黎。
如果您覺得原來我同陶才子咁好朋友咁支持佢的話,我提議您不如
搵張「地獄行」leaflet 超超,您就知我點解咁講了。

笑飽了,講返陶才子的表現吧!話說無記播果段片唔夠一分鐘,但
都夠大話西遊:套戲個男主角位似乎真係為陶才子度身訂造咁,戲
中所有人都好有戲味,偏偏陶才子就係最無戲味果個!戲味,響我
呢篇日記內,係指「演戲的味道」。我話緊陶才子最無戲味,意思
係佢完全唔似演戲,真係好似一個戇居居的中年人,無啦啦俾老師
拉去地獄行一轉咁。一個咁樣的角色設定,應該係戇戇居居、慌慌
失失的樣子,而此亦正好係陶才子目前的真實寫照:無啦啦做左男
主角的心理狀況。
如果陶才子響餘下果五日半之內,可以減去笑容,兼且唔好咁清醒,
清楚知道自己「做緊戲」、有觀眾望住佢,能夠全情投入舞台的地
獄世界的話,我可以做一個最可怕的預言:今年的舞台新人獎絕對
係陶才子的囊中物!

信不信由您。但我又要補充返句:如果佢貪靚仔,化哂妝除眼鏡的
話,我立刻收回呢個預言。

話自己的太太瓜左老襯…呢D咁大吉利的東西…唉,佩服佩服!

我唔記得台詞呀!快D俾返份稿過我!

老師您米扯我走啦,俾我裝下份稿先呀!  唉,無得出貓,唔記得講乜添,點算?