den ròndu

yanüari 2011 – promé edishon

den e edishon aki
artíkulo deskolonisashon di kurpa: sanashon, poder i polítika .......p.1 kòrsou grandi ........p.3 rúbrika konosementu i salú ..........................p.4 na palabra ...............p.6 naturalesa ...............p.7 arte e seru di para .........p.3 teku .........................p.7
Teku di suela - Richenel Ansano

deskolonisashon di kurpa sanashon, poder i polítika
Desaroyonan riba tereno di konstitushon i relashonnan den reino hulandes a trese hopi diskushon tokante relashon sosial, kolonialidat, independensia i otro aspekto di identidat kolektivo di nos pueblo. Parti di e diskushon ta trata e asuntu di deskolonisashon mental. Ku e konsepto aki ta purba indiká e echo ku vários siglo di kolonisashon a pone ku nos no ta tuma desishonnan ku ta bon pa nos mes integridat i kresementu.

den ròndu ta un publikashon elektróniko di alimá ku ta kubri temanan di salú i malesa relashoná ku naturalesa, kultura, relashonnan personal, spiritualidat i akshon sosial.

Kòrda bai e konferensia anual di e Asosiashon di Estudio di Karibe, 30 di mei pa 3 di yüni na WTC

pa kontakto ku alimá: tel: 001-919-824-8153 faks: 001-815-642-1374 muz@alimatransformations.com www.alimatransformations.com skyp:ransano1 twitter: AlimaTweets

den ròndu

un publikashon di alimá página 1

aña 1 • edishon 1

Mente ta funshoná pa gran parti huntu ku kurpa. Ora e kurpa no t'ei mas e mente no tin logá pa eksistí na mundu i ekspresá su mes na un manera fásil. Meskos ku e mente, nos kurpa tambe ta influenshá pa mil i un relashon, interakshon i historia ku nos ta enbolbí den dje. Historia ta drenta nos kurpa na diferente manera: nos manera di kana por ta un imitashon sutil di un hende den famia; e manera ku nos uza nos bos i e aksènt ku nos tin ta mustra di unda nos a bini. Aksidentenan ku nos tabata den dje por keda visibel na nos kurpa pa hopi aña. Siguridat kreá durante un hubentut kontentu por manifestá den un kurpa ku ta move liber i sin tenshon.

síndrome úniko. Deskolonisashon di nos kurpa komo parti di sanashon ta ora nos liberá e kurpa for di kuentanan ku ta okup'é i ku ta pon’é aktua na un manera defensivo, reaktivo òf repititivo na logá di por interaktuá na un manera outéntiko ku su ambiente interno i eksterno.

Pero si nos keda konsentrá riba e nivel individual aki so nos no ta mira e relashonnan sosial di nos kuentanan di trouma i e energia ku nos ta pèrdè. Kada kuenta individual ta funshoná den un tereno sosial ku su mes relashonnan di poder. Kada kaso di violensha ku nos topa na kas, na skol, na trabou, riba kaya Piedra na monton, kaminda luangunan a montoná ta un pida kuenta mas piedra i bula bai segun leyenda. Esaki ta loke a keda atras, un kuenta di forsa pa esnan ku no a den e diskurso nashonal Trouma, kousá entre otro bula bai. di poder i trouma. No ta pa aksidente i pa violensha potrèt: Richenel Ansano pòrnada asina tantu físiko òf mental ta yuda hende ta keda kòrda trato sea bon òf malu na mara e entrada di historia aki, ten'é den kurpa na skol i tempu nan a lanta na kas. E maneranan fèrfelu, kita energia for di sobrá di nos eksperenshanan aki ta yuda forma e kuentanan ser pa por sostené algu ku originalmente ya a ku nos ta keda konta nos mes i otronan den nos eksihí energia kaba. Ora nos haña chèns di komunidat. Alolargu nos ta kana ku algun konfrontá e historia di nos trouma nos ta haña kuenta i algun manera di mira kos ku a bira chèns di lagu’é bai. Pero e ritmo, e malchi, e komun, sin ku nos ke. Keñamentu, pustamentu energia kapturá ta persistente. Hopi bia e simpel di boka, i tapamentu di kara ta algun di esnan rekonosementu di e kuenta ta sufisiente pa mas bisto, miéntras ku sentido di forsa, sentido kuminsá liberá e energia. Pero pa mantené e di grandesa i abilidat di observá por tin nan situashon di balansa ku nos haña, lo mester hasi puntonan sumamente fuerte i positivo o por ta ahustenan sekundario pasobra e kuenta primario negativo, dependé di sirkunstansha. semper ta yama akshonnan sekundario pa sostené e sirkuito energétiko troumátiko. Un memoria di violensha doméstiko na chikí, por ehèmpel por keda sostené pa un imáhen di debidlidat ku a krese den adolesensia i un noshon ku a nanse na grandi di ku tur hende ta trapa riba bo. Kaminda e rekonosementu di e kuenta yega su límite un trabou físiko, energétiko, shamániko, semi-hipnótiko o di otro tipo ta kuminsá pasobra kuenta, kurpa, energia, trouma, malchi repetitivo, tur huntu ta krea un blokeo i rekonfigurashon energétiko potente ku ta bira un Sanashon no por para ketu na e kuenta individual so, pasobra e kuenta ei ta parti integral di e kuentanan komunal, tantu pa loke ta doló komo rekurso. Ora nos drenta den e diskurso ku nos ta konta di nos mes. Loke nos ta topa (si nos en bèrdat para ketu i observá) ta e donnan, rekursonan i bindishonnan ku nos ta karga komo komunidat i komo individuo. Komo tal sanashon nunka no ta algu ku un supuesto sanadó ta hasi, sino mas bien e ta un biahe ku nos mes ta hasi (kisas ku yudansa di un guia) den e spenrá di memoria, energia i storianan ku nos kurpa a kolektá aña’den, aña’fó. Adaptá for di e
blòg Sanashon Alimá, 29 di sèptèmber, 2010.

den ròndu

un publikashon di alimá página 2

aña 1 • edishon 1

e seru di para
Den tafelberg ta derá historia di un para. Na pia’i seru su taút i n’e kabes, su nòmber i virtút. Un seru di wama a yam’e ku hopi para huntu a trah’, na bòshi a bini, hasi e isla aki nan lugá. Te riba e dia un ingles a nabegá un brík yeg’ aki, disidí eksplotá e seru di wama, komo bono. Promé a propietá di dje después a bula su kabes a spát su forma struktural i dinamít a rementá su fundament. Lapi su nòmber di baster, garná, kambiá na pida pida su identidat, su balor ku prueba di a eksistí. Den kreiwá a saka su restu stiwa den barku krusa awa hiba leu, pa sirbi komo gòrdadó pa otro tera. Atras manká, morchá di kibra wama ku man, kokoti, ku rudia desbaratá di koba mina, labra baranka. Na herida, tur na yaga, un imagen, pará mèimèi di loke a resta di e seru di mesa, e ser’i wama, ku pena ta drei su kabes mira rònt. Segun su bista ta penetrá e ta sinti Pasát supla, ranka, den blach’i indju ronka na su lèlè’i orea, ku insistensha di sonido’i bientu susurá : ’ooaahhh,.. a saka bo tumba, sakeá bo herensia, ma bo spiritu, no por kita nunka.. ooaahhh’. For di su wowo robes un bola di awa man’e bòl’i mundu a sali lora kai riba e greis. E ta kana, sprént, habri ala, lanta kòrta bai te den laira ayá segun ku e ta mira abou, su garaganta ta fleit: “ABO ta yamá na ami i bo tin mi aparensia, : “Curassow”. “Hamás por kambia bo nòmber maske kuantu ta konfundí Bo ku: Curazon, Curaçao, Curakao, Curazao, òf Kòr’sou”. Nort Ost Pasat kuné a brasa otro. Su alanan a keda habri sera segun el a sigui bula, . . bai.
Ced Ride 11 Nov. 1994 sintá riba ser’i Dòmi, mirando óstpen

kòrsou grandi
“Bista penetrante”. Esei ta loke semper mi ta pensa ora mi mira un Kòrsou Grandi, para ku a duna nos isla su nòmber. Di mes e ta mustra eksótiko tambe i kisas intrigante i misterioso. Tur eseinan ta kalidat di nos logá tambe. Pero pa mi e bista penetrante ta keda semper bai ku mi. Nos isla ta wak bo te den bo alma, basta bo lagu’é. Pa kuantu ku nos ke kore aki aya, hasi kenshi, ninga su presensia, finalmente e ta changa tur su yunan Kòrsou grandi mustranan ku nan mester fotógrafo anónimo para ketu drenta den e misterio di su plumanan birá, su koló skèrpi, su elegansia. Trabou di transformashon i sanashon ta algu ku nos kada un, sin niun ekspeshon, por hasi. Ta dependé si di kuantu bo ta para ketu na bo mes, siña di bo mes i skucha profundo paden. Anto na Kòrsou esei lo mester ta fásil ku e bista penetrante ei ku nos ta kana kun'é komo Yu di Kòrsou Grandi. Pero na mes momentu tambe nos tin un historia ku ta ninga e bista ei. Un historia kaminda nos a siña buta kultura, historia, forsa interno i forsa di komunidat un banda. Komo kiera e bista t’ei ketu bai. No na un manera di spioná sino mas bien komo guia i komo manera di tin un bista speshal, un vishon úniko riba bida i riba realidat. E ta bula sali den nos papiá, nos andá, nos soñonan tur anochi, den aspirashonnan di nos hóbennan i konosemetnu di nos grandinan. Por parse difísil pa ehersé e bista ei tur ora, pero e t’ei persistente. Den trabou di sanashon e ta sali hopi bia komo memoria di nos grandinan, kaminda e persona ta kòrda loke a pasa den famia i loke su grandinan a siñ’é na chikí. Otro bia un hende ta haña diripiente un idea ku lo ta bon pa bebe te di tal i tal yerba (ounke nunka e no tabata interesá den yerba) o pa bishitá siertu logá. Tin bia idioma mes ta duna nos e balansa nesesario. Ora nos pone atenshon na kiko nos ta bisa en realidat nos por bula sali for di un limitashon yega na un harmonia personal i • aña 1 • edishon 1

den ròndu

un publikashon di alimá página 3

komunitario sin masha sansaña. Na Papiamentu tin un mina di palabra i ekspreshon ku nos ta uza tur dia ku ta bisa nos “bo ta fuerte, bo ta grandi”, manera Kòrsou Grandi. Awor, tur e prosesonan aki ta eksistí na otro manera den otro kultura tambe. Pero semper nan tin nan pekuliaridat i nan manera spesífiko di ekspresá den kada pueblo i kultura. Pa nos ta bin aserka ku den e komunidat chikí i tòg kosmopolita ku nos ta biba aden kos por parse pisá i sofokante pasobra tur kos ta serka di bo i tur proseso personal i sosial tin un impakto grandi i hopi bia inmediato. Nos ekologia bunita, fuerte pero tambe frágil ta un kaminda por mira esaki hopi kla. Ta fásil pa lubidá e bista penetrante, e kolónan skèrpi, e para ku a bula drenta historia, bai for di nos suela. Pero, e t’ei, basta nos skucha, mira, sinti biba manera e ta aworaki. No aworó, no manera e tabata. Sino aworaki, kaminda energia di e bestia bunita ei ta pulsa den tera i den airu asta ora nos ta leu foi kas.
Adaptá for di e blòg Sanashon Alimá, 2 di mart 2010.

informashon. Den otro kaso tin muchu informashon i poko manera pa surti e informashon aki pa yega na un konklushon efektivo. E manera ku nos ta definí konosementu rondó di malesa por yuda nos mantené òf re-establesé salú pero e por hasi nos malu tambe i mantené nos den un estado di desbalansa. Tin diferente manera pa traha ku un base di konosementu fuerte ku ta mantené salú i prevení desbalansa. Na nivel personal tin hopi rekurso ku nos a siña neglishá. Ròndu ta hasi uzo di algun di e maneranan aki di anda ku nos konosementu. E ta basá riba e echo ku nos kada un tin un sabiduria den nos kurpa, mente i alma ku ta guia nos basta nos skuché. Ròndu ta simplemente e akto di konta i skucha e kuenta tras di bo salú òf malesa. Den nos andá diario nos ta tende hopi kuenta i hopi asuntu sin duna nan masha atenshon òf nos ta pone nan un banda asina nos tende nan. Balansa personal ta eksigí pa nos ta muchu mas atento na e kuentanan ku nos ta karga i interkambiá ku otro. Salú i malesa ta mará na e konseptonan ku nos tin di nos mes, na kon atento nos ta na e mensahenan ku nos ser ta manda, ki relashon nos tin ku naturalesa, ku mundu rondó di nos, ku mundu spiritual. Medisina oksidental, lastu añanan a bolbe kuminsá pone énfasis riba kuenta meskos e tabata hasi den pasado i meskos ku otro partinan di mundu ta hasi den nan medisina. Na logá di e konsulta di dòkter di dos minüt e idea di medisina narativo ta birando mas i mas importante ounke e no ta sentral ainda den medisina konvenshonal i sigur no na Kòrsou. Henter e historia familiar i komunal ku e dòkter di kas tabata konosé ántes ta bira importante atrobe. Pero kuenta i salú ta importante den tur sorto di medisina rònt mundu. E ta parti di seremonia i ritual, kontamentu di soño, rekuento di loke pasa den famia o den bario, kontamentu di mito i leyenda i e proseso di skucha kiko kurpa i alma ta bisa via orákulo, diagnósis, intuishon i análisis di posibel kousanan di strès, bahamentu di kapasidat di imunidat, etc. Ròndu ta un sistema pa skucha e kuenta kompletu, tantu den sentido di e historia konvenshonal di kon bo salú ta, ki • aña 1 • edishon 1

konosementu i salú

ròndu: un método potente di sanashon i transformashon
Meskos ku mayoria komunidat nos tin un sistema di salubridat ku ta dependé di diferente subsistema. Nos ta uza e sistema médiko oksidental, tantu esun konvenshonal, komo otro (manera homeopatia i naturopatia), medisina oriental (manera medisina chines i ayurveda), un kantidat di sistema di medisina nobo (manera medisina bioteknológiko) i finalmente medisina popular tantu na kas komo serka kurioso, miradó i sanadó. Banda di nan tin tambe vários sistema di ehersisio, meditashon, nutrishon, i otro aktividat pa promové un bida salú. Den e kantidat di sistemanan aki kada ken ta hañ'é ta manehá su malesa i su sanashon basá riba konosementu ku e ta akumulá atrabes di tempu. Tin bia e konosementu aki ta kla i fuerte. Otro bia e por ta kontradiktorio. Tin bia e ta basá riba tiki den ròndu •

un publikashon di alimá página 4

tempu bo a bira malu i kon e síntomanan a desaroyá komo tambe kiko nos ta bisa den nos uzo di idioma sin ku nos mes ta para ketu n'e. Ròndu ta un sistema basá na promé logá riba sabiduria di pueblo na Kòrsou i riba atenshon na kurpa i spiritualidat. Ademas e ta basá riba konosementu di antropologia (speshal e asina yamá antropologia di konsiensia), riba teoria krítiko i riba prinsipionan di sanashon kolektivo di Credo Mutwa (sanusi òf alto saserdote i sanadó di pueblo Zulu), Deena Metzger (sanadó merikano i lider den movementu ekologista, di medisina i literatura), Mandaza Kandemwa (sanadó i lider spiritual di Zimbabwe). Trabou di diferente kulturista na Kòrsou, Karibe i Merka tambe a yuda forma e idea aki. Finalmente: e aserkamentu di ròndu a keda solidifiká den trabou ku hopi dòkter, sanadó i pashènt . E punto di salida di ròndu ta ku kada ken i kada grupo ta karga nan mes rekursonan pa kura di kualke malesa i ku e malesa mes tambe tin un lès pa siña bo den bida. Komo tal e ta uza entre otro • intuishon i guia di ansestronan • skucha i klara historia di un malesa • trabou ku kamponan energétiko di e kurpa • kontakto ku naturalesa • traha ku e konsiensia bibu di un lugá • skucha ki lès un malesa ta trese • traha direktamente ku e forsanan sanadó di e persona òf grupo mes • uza e rekursonan médiko i di sanashon ku tin den e komunidat Un seshon di sanashon típiko ta pone e persona den un estado di konsiensia mas ámplio di lo normal, kaminda (dependé di sensitividat di kada ken) e por sinti e energianan rondó i den su kurpa, mira imágennan di den su kurpa, establesé kontakto ku su ansestronan, uza su mes mannan òf mente pa efektuá su sanashon, mira importansha di rekursoanan ku el a neglishá òf rechasá. E konosementu ku e persona ta desaroyá den e seshon di ròndu por tin diferente punto klave pa su sanashon. E por: • mira kon su ser ta mustr'é su rekursonan pa biba salú na tur momentu •

• •

bira konsiente di kiko tabata pasa na e momentu ku el a bira malu i realisá ki efekto esaki por tabatin riba su salú komprondé kon e konseptonan ku e ta karga ta promové òf limitá su salú mira kuantu mensahe e ta duna su mes via su uzo di idioma tokante kon mantené salú, pero ku kisas e ta neglishá

E skuchamentu aki ta solamente un parti di e proseso. E persona mester por krea un práktika di sanashon propio, basá riba su partikularidatnan personal, familiar i di otro índole. Al fin i al kabo henter e proseso ta basá riba observashon i akshon. Despues di tende loke e kurpa, mente i alma tin di bisa ta importante pa laga nan sa ku bo a tende, ku bo ta serio tokante harmonia i balansa den bo bida. Sino e desbalansa ta sigui eksistí. Si e kurpa haña e mensahe "mi sa kiko ta falta, pero mi no tin e gaña òf e kurashi pa kambié" e ta stòp di buska balansa. P'esei kada trabou di ròndu ta konsentrá riba e maneranan mas apropiá pa honra e loke bo ser ta komuniká na bo. Semper nos ta traha ku e "radar" di bo ser: loke bo ser sa ku mester sosodé pa e ta den balansa. Den e seshonnan ta laga e ser guia e buskamentu di konosementu. Teoria, konosementu di perito, loke otro hende sa, loke ta skirbí den buki, tur esakinan por bini despues. Na promé logá ta bai tende e historia ku e ser ta konta aki via e malesa. Malesa komo maestro na promé logá. No komo enemigu. Obviamente, ròndu no ta primariamente pa situashonnan di emergensia agudo, kasonan individual durante epidemia, i sierto otro situashonnan manera dirèkt despues di un desater natural. E ta prinsipal mente pa situashonnan kaminda por tuma tempu ku un malesa. Si e malesa a tuma su tempu pa e bira loke e ta awe, tur e tempu ei el a interaktuá ku alma, kurpa i mente di e persona en kestion i a afektá e persona riba tur e nivelnan ei. Eliminando e síntomanan no ta kita e efektonan ei. E no ta yuda e persona tampoko pa e siña ken el a bira den e proseso di malesa, ki abilidat, pregunta, deseo, interes el a haña den e proseso òf kiko e malesa a pon'é rekonosé tokante su mes, tokante bida, tokante universo.

den ròndu

un publikashon di alimá página 5

aña 1 • edishon 1

Den un proseso di sanashon profundo, si pone atenshon na e puntonan aki, hopi bia e persona ta desaroyá un intuishon natural, un konosementu propio mas profundo i abilidatnan físiko, mental i spiritual nobo i un rekonosementu i fortalesementu di su donnan personal. Si e ta riba e kaminda aki kaba e ta profundisá e abilidatnan i konosementunan aki.

na palabra

un espasio di sabiduria
Esaki ta un espasio den kua lo presentá punto di bista i informashon di personanan den e area di sanashon. E idea ta pa trese informashon di tur aspekto di sanashon for di punto di bista di praktikante i di hende ku ta buska pa drenta bèk den balansa. E kantidat di sistema médiko, sistema di sanashon, manera di mantené salú, prevení malesa i rekobrá harmonia ta hopi. Nos ta spera di tira bista tantu riba e manera ku ta aserká esakinan aktualmente i ki pregunta òf interes ta eksistí aktualmente ku lo por enfoká via práktikanan ku nos tin kaba. E rúbrika lo desaroyá a base di loke abo, lesadó, ke mira pero tambe ku yudansa di e sabiduria profundo ku nos tin kaba den sanashon, tantu konvenshonal komo popular, tradishonal i lokal. Nos por aserká salú simplemente komo un echo natural. Pero e ora ei nos ta pèrdè for di bista kon nos mente, akshon, aktitut, interes- i miedunan ta afektá e manera ku nos ta anda ku nos mes. E ròl di dòkter komo eksperto di salú, e funshon di yerba den nos tradishonnan, nòmbernan ku nos tin pa diferente malesa, tur ta influenshá kon nos ta anda ku nos mes: kon nos ta sinti salú, bira malu, sufri i kura. Nos ta keda afektá entre otro pa nòmber na latin ku nos no ta komprondé, pa nòmbernan general manera mal'i stoma, pa diagnósis di dòkternan ku tin tiki òf hopi eksperensha ku malesa lokal, pa deskripshon di síntomanan segun terminologia popular (manera friu òf djimpi) òf kisas un deskripshon di malu spiritual òf emoshonal, manera desesperashon.

E áreanan di salú, malesa i sanashon ta amplio i meresé nos atenshon pa yega na un sistema di salú ku ta den balansa ku naturalesa i ku ta karga un di e prinsipionan di sanashon ku mayoria sosiedat tin i ku a keda popularisá den medisina oksidental konvenshonal komo parti di e formulashon di Hipókrates: na promé logá: evitá kousa daño. Den hopi komunidat esaki ta inkluí evitá hasi daño no solamente na e kurpa di e pashènt, sino tambe na mente i alma di e pashènt, di otro hende i sobrá di kreashon. Lástimamente e perspektiva amplio aki no ta nesesariamente e interpretashon ku e tin mayoria bia den medisina konvenshonal. Den estudio di salú, pues, ta importante pa wak e manera ku nos ta duna nifikashon na bida tantu pa su efekto riba nos sentido di identidat, e realidat ku nos ta aseptá komo bèrdat i e opshonnan ku nos ta skohe. Nos sistema di nifikashon ta afektá tambe nos akseso na salú i sanashon den nos komunidat. Diferente komunidat a skohe pa diferente manera di aserká salú, malesa i sanashon den e kuadro aki. Nos maneranan úniko ainda no ta bon studiá ounke tin diferente hende a aportá na esaki sea ku nan práktika di sanashon òf atrabes di estudio, edukashon popular i publikashon. Den nos bida diario tin un kantidat di forma di papia, di konta e kuentanan ku nos ta uza pa krea nos realidat i pa interaktuá ku otro. Salú, malesa i kuramentu tambe tin e propiedat aki. E kuentanan aki por ta algun ku nos ta konsiderá indiskutibel. Por ehèmpel: ku mester di remedi pa kura mayoria malesa òf mayoria malesa mester di eksperto pa trata nan. Una bes nos tin e kuentanan ei den nos kabes nos por yena nan ku diferente kontenido (uzando remedi di botika òf di mondi, òf bai sea dòkter konvenshonal, bai serka un kurioso òf uza homeopatia). Hopi bia e kuenta ta yuda nos funshoná den komunidat, pero tin vários bia tambe ku e esaki ta kosta nos mas energia di loke nos ta realisá i ta limitá nos den un bida abundante. Mi ta spera ku den e kolumna aki nos por selebrá e kuentanan ku ta yuda nos i, di otro banda, mustra kaminda nos tin kuentanan ku ta limitá nos den nos manera di anda ku nos mes, nos salú i e momentunan ku nos ta definí komo malesa. • aña 1 • edishon 1

den ròndu

un publikashon di alimá página 6

n a t u r a l e s a

teku òf teku di suela.
Un ser importante pa siña for di dje kon biba den nos realidat lokal na tur nivel.
Un mata ku ta endémiko na Venesuela i nos islanan. Bunita sin fin, ku un koló masha yamativo promé i durante su periodo di flor, e ta flora bunita den nos solo kayente i e ta adaptá na sekura. Su sumpiñanan ta dun'é protekshon kontra bestia i hende, miéntras su blachinan ta habrí di manera ku e por kolektá awa asina esaki presentá su mes. Den tur e realidat fuerte di solo, sekura i tera e ta presta di no solamente sobrebibí sino kompartí beyesa indomabel. Pa kolmo el a disidí di lebumai manda rais den tera i haña su nutrishon i sosten asta kaminda tin baranka na logá di tera boná. Si nos tuma tempu, mengua nos kareda i dediká nos mes na siña e idioma di nos rumannan den e mundu aki ku nos ta pasa un tempu kòrtiku den dje nos por haña sabiduria potente pa nos desaroyo i harmonia personal i komunal.

den ròndu

un publikashon di alimá página 7

aña 1 • edishon 1

Sign up to vote on this title
UsefulNot useful