Zo Phualva
Vo l u m e 1 , I s s u e 2 Thupuak
Thahatna hi lo, vangliatna zong hi loin keima Kha hang ahi hi. Zech 4:6
IH NU LE PA-TE ADAM LAI-IN PAHTAWI NI
Mi in ih piankhiat a kipan ih nuntakna ding, ihnek
ihdawn ding kisam hang aa, silh-le-ten omna khawlna
ding zong kisam pah hi hang. Hihte ih kitangsap hun
tawh kizui in Topa mahin ih Nu ih Pa tungtawnin
hong vaihawm sak hi. Hici bang ciang ih nuntak thei-
hna dingin Nu-le-Pate in apil asiam ahatnate siit lo in
hong zang khia aa, nisa guahzu nuai-ah gimpi
tawlpipi nasep hong hahkat mahmah uh hi. Tua hi aa
ih pianna Nu-le-Pate’ itna bangzah ta-in lian in itthuh
huai hiam cih akua maciat in athak in ih phawk phat
kik ding thupi kasa hi.
Tuhun ciangin mi tampite in Nu-le-Pa’ itna olmawh
lo, phawkkha lo in om mah taleh ei tapidaw-te in
phawk kha in Nu-le-Pa ih itsiam tek hi. Ahi zong
nulepa it ing aci eite in ih itna bangci lahkhiat theih
ding ie hiam? Ephe 6:1-3 ah “Tate aw na nu na pate
uh thu naman dinguh tapidaw ngeina hi . . . „na Nu
na Pa zahtak in „ zahtak le cin nanga dingin thuhoih
in na khan asau ding hi.” Paikhiatna 20:12 “Leitung
ah nakhan asau theihna dingin na Nu na Pa zahtak
in.”
Zahtak piakna tawh itna lak ni:
Nu-le-Pa’ itna ih lahna dingin zahtak piak ding ki-
lawm aa ahi zongin bangci lah ding cih ihtheih ding
kisam hi. Kawlte dawibia ihcih hangin Nu-le-Pa
zahtak dan siam uh hi. Kawlte zahtak bangin Nu-le-
Pelh Ding
 Kham/guih theih a zang te. (Isa. 5:11)
 Sumtah kimawl uukte (Pau. 28:20,22)
 A paang tatte (Jacob 4:4)
 Mi a lunggulh theite. (Job. 31:1)
 A thadah te (Pau, 26:13-16)
 Mi azo thei nate a lelte. (IIPet. 2:19)
 An ahilo nate a zangte. (Isa. 55:42)
March 26, 2011
Pa mai-ah ih bia thei kei zongin zahtak piakna pen
nam tampi tak kizang thei lua hi.
1) “Pau. 10:1 “Tapil in a pa lungdam sak a
tahai in a Nu dah sak hi.” Ih nu le ih pa lungdam sak
ni. (Athu mangin sawlmang ni)
2) Pau. 23:22 “Na Nu a tek ciangin simmawh
kei in.” Ih nu ih pate ong itna phat ni. ( a thungai in,
zui ni)
3) Pau. 20: 20 “Na nu le na Pa na samsiat leh
khuamial sung a meivak sukmit na bang ding hi” Na
Nu na Pate thuhilhna dawngkik ken la ong gen bang
in sem in. (itna tawh hong thuhilhnate zahtakna tawh
mangin, dawngkik selkik ngei ken aw.)
Ih nu le ih pate bangzah ta-in hai-in gina kei mah
taleh Nu-le-Pa dang omlo, ki zong theilo ahih manin
nang na it kei leh kuaman ong it sak tuan hetlo dinghi.
Nang itna lo buang it thuhkikna a ngahna ding dang
omlo hi. Tua hi aa, leitung ah ih pianna ih Nu-le-Pate
tungah ih itthuh kikna dingin athu nial lo in athu
manna tawh ih zahtakna lak ni. A damloh laitak in
hoihtak aa keem (khoi)-na tawh zahtakna lak ni. A
lungdam laitak lungdam pih in a dah a khasiat ciang
khasiat pihna tawh zahtakna lak ni. Ih nuntak sung
daupai, nuamsa in ih khansau theih nangin ih Nu ih
Pa huhin panpih ciat ni. Silh-le-ten, nek-le-dawn,
omna khawlna cihte a kisam bangin vaihawm sak ni.
Tua hi leh deihloh pen na Nu-le-Pa in hong sih san
ciang kisik omlo, lungkim takin hanmual ah na kha
thei ding hi.
SB Ngaih Cin, Church Pastor
Belh ding
Khuavak suangah a omte (I John. 1:7)
Nuntak na thak lampi zuite (Rom 6:4)
Gamtat pha a gamtate (Eph. 2:10)
Itna tawh a gamtate (Eph. 5:2)
Ze-etna athuak zote. (Heb. 2:18)
Thuman thutak lam azuite. (IIIJohn 4)
Topa sungah a gamtate. (Col. 2:7)
(New live magazine, Hawm 42 pan kila hi)
 PAWLPI HUNZATDAN ZAKSAKNA
 Abeisa Sabbath (March 12, 2011) ni in Sia Mung-
san, Church Elder, in Rev 14: 6, 7 tungtawn in thapi-
akna kammal hong nei in tha kingah mahmah tek hi.
Pawlpi aading le mipih tading itna le veina tak tawh
hong hong sepkhiat nate thupi kisa aa ki angtang
tuam mahmah hi. Hunpi man ciang KhaiKhai's 16th
Birthday ahih manin birthday hun Dr Cin Sian Pau in
hong makaih aa sun annekkhopna tawh kizom suak
hi. AY hun leuleu ciangin Ps Isaac Chee, Church Pas-
tor of Over Community Center, in Upna cih thulu
tawh hanthotna hong pia leuleu aa mipi in kha an kitai
mahmah hi.
 March 19, 2011 Sabbath ni pen Dr Cin Sian Pau in
hanthotna limci mahmah hong nei aa AY hun pen
DORCAS Nu Zen le Sianu Aye Cing te'n hong
makaih in tha kingah mahmah hi. Sun-an nekna
dawnna pen Pa Pum Khan Kham (USA) te’ innkuan
in itna tawh hong piakkhiat manin lungdamna lianpi
ih ciamteh hi. Topa’n azah tampi in hong thuhsak ta
hen.
 AY man ciang Sia Ngaih Cin, Sia Mungno, Nu Zen
le Pa Dal te in Ampang zato ah Mawino vaveh in
thungetna va nei thei uh hi. Tua nitak mah in khangno
makai Tg Dal Mang Suan Thang (Thanglex) tawh
khangno ahi thei tengin holim khopna le annek kho-
pna kinei aa abei teng Sia Ngaih Cin te innkuan in
hong sik manin lungdamna ih ciamteh hi.
 Nu Niang Sian Cing ii tanu (Lia Cing Sian Hoih)
cina noptuam theilo ahih manin March 21, 2011 ni
in GHKL ah ki puak aa cisa, sung pai, lua a om kim
lai ih thunget na te Topan hongdawng ahih man in
March 23, 2011 ni in cidam in innlam zuan thei ta
ahih man in Topa tung ah lungdam na lianpi ihko hi.
 March 22, 2011 ni-in Tg. Thanglex le Nu Kimnu te
nuta Buffalo, New York, USA lam zuan theita ahih
manin pawlpi mite in lungdam pih mahmah hang. Tg
Thanglex pen pawlpi sungah music tum siam in
alawp mahmah khangno makai khat hi.
 March 23, 2011 ni-in Sia Mungsan le Sm Vungpi te
nupa zong San. Antonio, Taxas, USA lam zuan thei
ahih manin ih lungdampih mahmah hi. Sia Mungsan
pen pawlpi upa, lutangpi hi’n Zohun ih neih zawh
nangin nisa guahzu nuai-ah haksatna tampi phu khia
in ma hong pang khiapa hi. Pawlpi ading bek hilo,
ZIM (Zomi Innkuan Malaysia) le ZSM (Zomi Social-
welfare Malaysia) ah zong aleen ni dong mah citak
takin lutangpi in ma hongpang lai hi. Sm Vungpi pen
pawlpi sumkeempi hi’n pawlpi tawh kisai asep theih
khempeuh lungduai takin hong semkhia Pasian’ a
zahtak mahmah numei khat hi. Tua ban-ah Mikanglai,
Mikangpau siam in OPE le DHS ah na hong sep
manin Zomipih tampite in hamphatna lianpi ih ngah
lawh hi. I lungleen mahmah hangin asep khiat uh na
lianpi te hangin angtang kipaak mahmah hang!
Pasian Updan tuamtuam te
Agnositicism: Pasian om, omlo cilo, awlmawh neilote’
upna.
Atheism: Pasian omlo cih upna.
Deism: Pasian uma, a kilahkhiatna a umlote’ upna.
Ditheism: Pasian le Tapa nih om cih upna.
Infidelism: Christian biakna um theilote’ upna.
Pantheism: Pasian mi bangin hong piang cih a umlote’
upna.
Polytheism: Lawki upna, Pasian tampi om cih a umte’ upna.
Skepticism: Biakna kanden, lah umlo.
Trinitarianism: Pa, Ta, Khasiangtho, thumgawm upna.
Unitarianism: Pa, Ta, sawltak dan a upna.
By, Dr. CS Pau
THU ZAKSAKNA
 Tu Sabbath (March 26, 2011) ni-in 13th Sabbath ahi
mah bangin January, February, March kha sungaa
suakte le Topa’ tung lungdamko nuamte ading LUNG-
DAMKOHNA hun limtak kibawl ding aa Sia Ngaih
Cin in hong makaih ding hi. Hunpi ah Sia Thang Khan
Dal in hanthotna hong nei ding aa AY hun ah LST lem
kidemna zong om ding ahih manin kiging khol ciat ni.
 Quarter Nihna Sabbath School lesson (Manglai) kin-
gahta hi. Zolai zong asawtlo in kingah thei ding hi.
IZCC Calendar RM 10 in kingah thei lai hi.
 Tuni (March 26, 2011) sun-an nekna le dawnna pen
Siama Don Nuam in itna tawh hong pia khia ahih
manin lungdamna lianpi ih ciamteh hi. Topa’n azah
tampi in ong thuhsak kik ta hen!
 Sabbath sun sialin nekna dawnna kibawl den hi. Piak-
khiatna lampang pan thupha dawh nuam a om leh
suakta takin makai khat peuh tawh ki zasak thei hi.
 March 26 & 27, 2011 ni te in Adventist Community
Health Centre (local pawlpi) pan, Hasiavuan 2, Natna
tuamtuam en ding siavuan1, le volunteer te in habot,
haphop le natna tuamtuam etna a nuai a hungelna
bangin CSO (Chin Students Organization office) zum
ah hong neihding ahih manun pawlpi mi le Zomi a
kuama ciat hilh sawn tek ni. (March 26 ni nitak 4pm
kipan ding; March 27 ni zingsang 9am in kipan ding;
An hong kivaak ding hi.)
 Abeisa kum 2010 sungaa AY lampang pan hong
zasak sa aom mah bangin LST khatvei apat pan atawp
dong asim zo ih om zenzen leh kumbei December 31,
2011 ciangin letsong piakna nasia takin kibawl ding hi.
 Ih sanggamnu Go Lun Mawi in March 24, 2011 zing-
sang 5am pawlin Ampang zatopi pan hong nusia ahih
manin a pasal Pa Moe Myint Oo le acianlai innkuanpih
te tawh kibangin ih dah khawm hi. March 29, 2011 ni
sun 1pm in kivui ding hi, amun le pai dan dingte ahun
zui-in hong ki zasak lai ding hi.
———————OOO———————OOO——————————
Produced & Distributed by ZAC Family (2011)