You are on page 1of 1

一個標題,三個故事,就係今次日記的重點。

第一個故事,發生響11月17日星期六,主角係魔術先生。

當日魔術先生繼今年五月之後,再一次響文化中心做騷。我以為佢只係表演半小時,所以搞到最後三十分鐘至現

身,結果睇唔倒佢一開場表演的部分舞台騷,非常谷氣…唉,下次真係要早D擔凳仔 ar 頭位至得。

魔術先生表演飄浮檯時,邀請左一位女觀眾上台,呢位女觀眾猛咁搞魔術先生D道具,又掀開塊布裝來裝去…不

過,魔術先生繼續俾佢參與埋「逃脫魔術」綁衫環節,結果就出事了…女觀眾竟然響眾目睽睽之下,伸隻手去魔術

先生褲襠下面拎條皮帶過後面扣住佢!嘩!!!可憐的魔術先生,就係咁樣蝕底俾人了,唉。

節目完左,我去後台同魔術先生話影左果D相會燒返隻碟送俾佢,因為斷估D人影完相實唔會俾返佢,咁就不如

由我俾啦…當然,相片質素就唔敢包,因為我都未摸熟架相機呢句說話呢,我就無講。魔術先生點頭稱是,但佢妹

妹就搭口問點解我會知,第一次我扮聽唔倒,但佢好快又問第二次,結果我被逼講左呢句我唔想講的說話:

「點解我會知?因為我係魔術師囉…講下笑 o 者,唔好意思。」

響魔術先生面前,我邊有資格自認魔術師?但呢個答案一早就已經成為我的口頭禪,正所謂「咁 o 既問題就有咁 o

既答案」,第一次詐聽唔倒係唔想失禮人,第二次再問,我實在忍唔住咁答…唉,真係失禮哂。

魔術先生俾左個貼士我,話出年二、三月會有好消息,我熱切期待!

第二個故事,發生響11月30日星期五,主角係馬前輩。

提到鐵漢柔情,總會有馬前輩的份兒吧!尋晚去上環睇騷,馬前輩一出台就打個筋斗,這正是家父非常讚嘆,而

我又從未有緣得見的一個經典動作,尋晚終於大開眼界…嘩!!!

都係果句,「咁 o 既問題就有咁 o 既答案」,馬前輩表演中途,問大家鍾意睇簡單的啤牌魔術定係緊張刺激的魔

術…有追開小妹日記的都知,想當日小妹與家父響文化中心舉到隻手鬼米咁高,就係揀睇「簡單的啤牌魔術」,咁

阿馬前輩易地而問,我至多奉陪易地而答,但我點都係想睇下馬前輩會點樣演繹一個「簡單的啤牌魔術」架喇。

聽台上的馬前輩所言,好似全場只係得我一個舉手,於是馬前輩講左句「多謝支持」,然後…自然係滿足大多數觀

眾要求,表演左一套緊張刺激的「啤牌」魔術…飛牌!不過我執唔倒啊!

第三個故事,同樣發生響11月30日星期五,睇騷果晚的會場之內。

我撞破左一件好事…

不過,佢咁大模斯樣帶出黎睇騷,我諗佢都係想公開介紹佢伴侶俾班兄弟認識吧。

相比起佢太太,尋晚見倒果位女士又真係靚好多喎。老婆年紀大左,加上佢又咁恨做老豆…唉,我無話可說,只有

暗地裡祝佢XX成功,有仔XX吧。不過,我始終唔係咁接受佢做D對佢太太唔住的事,所以我以後會疏遠佢,

盡量同佢保持距離,唔會再同佢講笑了。