Vol.XIII IssueNo.

30
Luangmual Branch YMA OB te leh an Biakpawhna te: President Zoramthanga Sailo (9436154610/9615334247) Vice President Lalrinmawia (9436154122/03892330335) Secretary Lallungpuia (9436191762) Asst. Secretary P.C.Liantluanga (9862819040) Treasurer Dr. Lalnghinglova (9436150939/03892332225) Fin. Secretary K.Lalduhawma (9862559348)

Kumpuan Chairman leh Secretary

Chairman
Lalrinmawia (9436154122/03892330335)

Secretary Saidingliana Sailo 9862016157 Y Section Leader Zothansanga (9862362178) Secretary K.Lalrinsanga (9774375517) M Section Leader C.Lalremsanga (9862303566) Secretary Zonunsanga (9612324799) A Section Leader P.C.Rinhmingthanga (9862913852) Secretary M.S.Dawngkima Kawlni (9615280596) Luangmual Local Council Chairman Hmingthanmawia (9862614606) Secretary Zoramdinthanga (9862363970) KEI MAHNI LAM News hi kan News Editorte kha han tang leh zual sauh sauh turin kan inngen a, a kimchang thei angber a kan lawrkhawm a tha hle awm e S/d - Editor

Date:24th July 2011 KARTIN CHHUAK CHANCHINBU LUANGMUAL BRANCH EXECUTIVE COMMITTEE VAWI-5 NA NEIH A NI Dated Luangmual, the 24th July,2011 : July ni 22, 2011, zan dar 7:00 khan Luangmual Branch YMA Executive Committee vawi-5 na Branch Committee Roomah neih a ni a, an thurel tlangpuite chu: 1. LEHKHA HMUH : i) Gen. Secy., Central YMA atangin hnamdang mistiri leh helper rate tihdanglam chungchang chu chhiar chhuah a ni a, lehkha a tarlan anih angin Mizoram Sorkar Labour & Employment Deptt. in Labour Minimum Wages thar a tihchhuah zul zuiin nikhatah Mistiri hlawh ` 300/- leh helper hlawh ` 170/- nise tih chu kan vengah pawh hman ni rawh se tih a ni. ii) Gen. Secy., Central YMA hnen atanga lehkha hmuh, General Conference 2010 thurel bawhzui ngaite chu hetiang hian bawhzui nise tih a ni-a) Hnamdang, vengchhunga awmte Branch YMA Committee in kumkhatah vawihnih tal kohkhawm a, an Permit te endik thin leh vengchhung inkaihhruaina te hriattir tura tih chu kan Branch pawhin Aug ni 19, 2011 ah Luangmual P/S-I ah kohkhawm nise tih a ni a, hnamdang-dar 7:00 PM leh Foreigner-dar 8:30 PM ah tih a ni. b) YMA General Conference 2010 thurel angin hnamdang leh ramdang mite sumdawnna leh a kaihhnawih thil siam lo se a tih pawh hi Central YMA in min ngen angin ti tawp tura hmalak nise tih a ni. iii) YMA General Conference 2010 in a rel anga kuang atana thingphel hman tlem leh remchang dang hmang zawk tura min ngenna chu O.B ten atul angin lo bawhzui se tih a ni. iv) Gen. Secy., Central YMA hnen atanga lehkha hmuh, kum 2011 YMA General Conference vawi - 66 na atana Agenda leh kumpuan thupui rawtna August, 2011 chhunga thehlut tura min hriattirna chu Branch member rawtna neite chuan Aug ni 15, 2011 thleng Branch hruaitute hnenah thehluhna hun hawn nise tih a ni. Bawhzui ngaite chu Secretary in hma lo lase tih a ni. v) Gen. Secy., Central YMA hnen atanga lehkha hmuh, Marathon Race leh Table Tennis intihsiakna September ni 23 ,2011 (zirtawpni) zing dar 5:00 a Central YMA leh Athletic Association buatsaih a kan branch atanga tel tum te chuan September ni 14 , 2011 thlengin Sport Sub-Committee Chairman, Pu K.Lalduhawma leh Secretary, Pu H.Lalrammawia te hnenah hming pekluh nise, atul anga hma lo la turin Sport-Sub Committee te ruat an ni. vi) M-Section Secretary hnen atanga lehkha hmuh, M-Section huamchhunga venglai tuikhur ram hung chungchang chu an rawn thlen ang hian hung nise, M-Section in hma lo la se tih a ni. vii) M-Section Secretary hnen atanga lehkha hmuh, Ui khuahkhirh chungchang chu ngun taka ngaihtuah a ni a, hemi chungchang hi Local Council leh NGOs ten hmalak tura anlo rel tawh a ni a, he thurel te chak lehzual tur hian Branch YMA in Local Council te thurawn pek a hmalak nise tih a ni. viii) Y-Section Secretary hnen atanga lehkha hmuh, Y-Section huamchhunga Pu C.Sangthanga kawmthlang tuikhur bula YMA Signboard tar chu Pu Laldinglianan YMA hruaitute rawn lova a lo phunsawn bakah Motor sil phalloh a ni chunga motor a sil luih thin avangin, Pu Laldingliana hi lehkha peka Signboard alo phunsawn pawh a hmun ngaia phun leh tur leh motor pawh sil tawhlo tura hriattir nise tih a ni. ix) Assistant Director, Land Revenue and Settlement Deptt. hnen atangin YMA Land Lease Pass chu November 2011 hma ngeia ` 99,076/- a khul tura hriattirna dawn chu pawisa senso turte a tam tham deuh avangin chhungkaw tinah ` 100/- aia Phek 2-na ah zawm a ni

An Official Organ of Young Mizo Association : Luangmual Branch

Phek 2na - 9436154610 9615334247 Editor : L.K.Guite - 9612392906 - 9863151238 Joint Editor : K.Lalrinsanga - 9774375517 Zonunsanga - 9612324799 H.T.Hnamtinkhuma - 9862389933 Eric Lalthlamuana - 9862713749 News Edior : Section tin Secretary te Y - Section - 9774375517 M - Section - 9612324799 A - Section - 9615820596 www.luangmualyma.blogspot.com Editor-In-Chief : Zoramthanga Sailo
: Francis Lalrinkima - 9612837554 Jonathan - 9774634324 Isaac Laltharzela - 9862368122 Publication Assistant : Kennedy - 9774307902 ke.DD.y - 9774610822 Supporting staff : Melody, Rempuii,Amuani, Apeki,Lynn,Chhuani, AGENT Y-Section : Rinfela, Rinfela Ralte, Chunglura, Joseph M-Section : Adama, Ruattluanga, Bembem-a, Apeka, Mamuante-a, Ruatfela A-Section : Ramnghaka, Thompson-a, Nghinglova Cir. Manager

e-mail address : lm_yma_ccb@yahoo.com Phek 1-na zawm tlem lo a khawn mai nise tih a ni. x) Luangmual Badminton Club hnen atangin YMA Hall chu Volleyball leh Badminton khelhna tura changtlung zawka thuamthat dilna chu ngun taka sawiho a ni a, YMA hmingin Project siama thehluh nise, a tul anga bawhzui zel nise tih a ni. 2. Branch Executive Meeting vawi - 2 na in alo rel tawh angin Central YMA buatsaih Mizo Traditional Games hman zawh tak chu thlirletna hun hman a ni a, Sport SubCommittee hruaitute leh Members te thahnem ngaihna ah Committee chuan lawmawm a ti hle a, kan member thahnem takin lawmman an dawng bawk a, chungte chu : Lawmman 1 na: Kalchhet Relay Race - Tv C.Lalhmingsanga c/o Pu Sanglawma (M Section), Tv Lalruatfela c/o Dr. Lalnghinglova (M Section), Tv Joseph Vanlalhmangaiha c/o Pu Sanglawma (M Section) leh Tv Lalherliana s/o Pu Lalhuapliana (M Section) Lawmman 2 na: Insaihruaipawh - Tv C.Lalhmingsanga c/o Pu Sanglawma (M Section), In Arpathai - Tv R.Rohmingliana s/o Pu R.Zoliana (M Section). Lawmman 3 na: Inbuan (palian) - Pu. H. Lalrammawia (Sentea) (Y Section) 3. May ni 9 - June ni 12, 2011chhunga kan veng Field-a Mela neih zawh tak chu thlirlet a ni a, Field bulhnai a mite kan tibuai viau chung pawha sawiselna kan dawnglo chu Committee chuan lawmawm a ti hle a, tin, Kumpuan Sub- Committee ten Security lamah thahnemngai taka an duty avangin lawmawm a ti hle bawk. He mela atang hian pawisa fai ` 53,000/- hmuh a ni bawk. LAWMTHU/HRIATTIRNA Y Section House bula motor park/riah phal loh pawh kan zawm tha tan tlang niin a hriat a, a lawmawm hle a ni.Tin, helai hmun velah hian remchang hmasa berah thingphun tum a ni a, thing phun tur tha leh nalh, vengchhung timawi theitu tur nei chuan Section hruaitute hnenah hraittir nise a lawmawm hle ang. Sd/Secretary, Y Section

VANTLANG RAM HUMHALH Tunlai hian kan vengah leh hmun hrang hranga kan buaipui leh mite sawihlawh tak mai pakhat chu Vantlang ram humhalhna chang kan hre ta lo lutuk leh vantlang ram kan nek ta lutuk hian thangtharte dem kan hlawh mai ang tih a hlauhawm thu hian sawi a hlawh khawp mai. Vantlang ram humhalh kawngah hian kan thangharh a hun tawh hle mai a, tu te emaw thil tithei apiangin vantlangram mahni hminga lo patta ngawt mai te hi a tih chi loh a, vantlang zah lohna lian tak a tling a ni. Tin, vantlang ram nek lutuk a in leh lo neih te, kawngpui tichep zawnga ram hungte hi ringtu Kristian inti te tan chuan tih loh tawp tur a ni. Kan kalkawngte leh kansawitak ang khan vantlang ram kan humhalh that hian keimahni leh kan thlah kal zel te tan rohlu tak kan hnutchhiah tihna a ni tih i hre thar leh ang u. Khawtlang nun siamthatna kawngah vantlangram humhalh hi i inzirtirthar leh ang u.

BRANCH NEWS

Luangmual Branch YMA chuan Khawtlang tana hnawksak leh vantlangram nek zawnga ram hungte chu YMA inrawlh ngai lova anmahni ram diktak chin chiah a hung turin a ngen a, hemi ngaipawimawh lote chu an ram chin chiaha hung turin hma a la zel dawn a ni. House No la nei lo zawng zawngte President hnenah in report tur a ni, kan in report dawnin mahni in bula House No hriat tel tur a ni. YMA thutthleng kha ala Donate theih reng a, Mitinte tlawmngai taka khawtlang mamawh leh mitinte tana tangkai a nih hre reng chunga Donate turin kan in ngen nawn leh a ni. YMA hminga khawtlang tana thatur a thawk chhuak thinte, Mimal taka tawngkam mawilo leh dawt hmanga sawichhiat ching kan awm a, sim turin kan inngen a ni. Khawtlang hruaitute bei leh sawisel chiam thin chuan khawtlang a bei in a sawisel tihna a ni a, hemi kawngah hian mitinte i fimkhur ang u. Tin, khawtlang hruaitute hi Mihring ve bawk an nih avangin tih dikloh leh thihsual pawh annei thei a, sawisel mai lova an tih dikloh leh tihsualah finchhuah i tum hram hram ang u.

An Official Organ of Young Mizo Association : Luangmual Branch

Phek 3na Sual punlunna chhan chu Mitha te an ngawih reng vang a ni sMs to Editor TUALCHHUNG
ZIN Nl Z.D.Lalengmawii d/o Z.D.Lalthianghlima, M-Section chu July ni 21 khan Shillong ah in check-up turin a nu nen an kal. Tha taka anlo haw leh thuai kan duhsak e. INSAWN Pu Lalzidinga te chhungkua, Pu Albina in A-Section a awm thin chu Pu Rosailova in, M-Section-ah an insawn. HAW Pi R.Lalmalsawmi w/o K.Lalremruata, AMRI Kolkata a damlohna avanga a hnungzang zai chu zirtawpni khan an rawn haw. NLUP SEM July ni 12, 2011 khan Luangmual YMA Hall-ah Aizawl West-I huamchhung a mite tana Vety Deptt. lama Trade thlangte hnenah NLUP Vety Deptt. Sector ten 1st Installment an sem chhuak tan a, kan veng atang pawhin mi 35 in an dawng a, kan lawmpui hle mai. Heng NLUP an dawnte hi a nihna tur taka hmang a, hlawhtlinpui ngei turin duhsakna kan hlan e. Hei hi Issue hmasa a chhuahtur a ni a, kan lo tih hmaih hlauh mai a, chhiartute hriatthiamna kan ngen e. CHHIATTAWK July ni 18, 2011 zing 2:00 khan Pu Lalbiakmawia (Kum 54) h/o Lalchawimawii Y-Section chu Cancer avangin a thi a, he mi ni vek hian Luangmual thlanmualah vuiliam a ni. A kalsan tak a nupui leh fate kan tuarpui tak zet zet a, Pathianin vengin awmpui zel rawh se. SA SAHNA SIAM July ni 23 (Inrinni) khan Y Section Committee Memberte chuan Chhangurhkawn-ah a duh apiang hman turin sa sahna dawhkan siam hnatlang an nei a, dawhkan hman man erawh a awm dawn a ni. A hmang duhte chuan Section hruaitute dawr mai tur a ni e.

** Remnarun kawna Gas semna point a Gas sem hi Information hmanga au chi a nilo maw? Kan hreve ngailo a Gas semte hi a khat angreng bawk si a, an rawn sem hian tlangbawk bawr vela mite lo hi chuan kan chang ngailo tlat mai. A tihdan min han ngaihtuah pui teh u. - Rualkhai taka Gas sem duh a. @@ A dik khawp mai, mi vengah chuan Gas ansem dawn hian anlo thlen dawnah Information hmangin an au mai thin a, lo intlar put pawh a tul hran lo a, tin, nghah sual palh pawh a awmlo a, a ti theituten lo hriat a tha khawp mai. Rualkhai taka mitinten kan chan theihna tura tihdan ngaihtuah a tul a nih chu. He lama mawhphur tu ten tihdan han ngaihtuah teh u le. - Editor ** Mithi neih ni/zan a Branch hruaitu OB/EC te khawhar in a lut lova a langsar tura pawna lo inlar, hla pakhat pawh sachhuak si lo hi YMA nihphung a niang em? Enge i ngaih ve dan. Pu Editor? No thup..... @@ Chutiang mi kan lo awm a nih chuan kan tih loh tawp tur a nih chu. Hruaitu kan nih chuan hotu kan nilo a, mite hmaa kal tur kan nihna hi kan chian a tha khawp mai. Tin, hruaitute i chik tih a hriata a lawmawm e. Chutih rual chuan hruaitu pawna awm an awm chuan a tulna riau a awmte pawh a ni thei tho mai. Thutna han rem te leh mi lo chiau au te pawh a ni mahna.... - Editor ** Tunlai hi furlai a ni a, inchung tui, kawng a paih leh midang dik lohna ngaithei si lo a, mahni in enfiah tum maihlo mi nih hi a YMA zialo i ti ve em? No thup......... @@ Inchung tui kawngpuia paih chung chang khi chu kan tarlang zing ta malh malh khawp mai tiraw. Mi chapo leh khawtlang zahna nei miahlo te tihdan turah ka ngai a, mi dik loh na hmuthei riau, mahni dik lohna hmuthei miahlo mi hi chu a rilru a that vak a rinawm loh. - Editor

YMA IN LUNGREM THIAT A hnuaia thlalak rawn tarlan hi Y-Section huamchhunga kawngpui hnaih lutuk a lungrem, Branch YMA leh Local Council lam hruaitu tena rem chhunzawm lo tura an ngen hnu pawha an rem luih avanga YMA in an thiah sak lai a ni a, hetianga tih ngai hian tumah awm tawh loh hram i tum ang u. Kawngpui hi keimahni tan vek a nih avangin pek belh zel lam hi kan chin a tha khawp mai. Mimal mahni ram china lungrem kawngpui atana ram pe kan awm nual a, remchangah thlalak nena rawn tarlan kan tum dawn nia.

(Sports zawmna)
pean Golden Boot lawman an in tawm nghe nghe ani.2006,2007 ah kha chuan han sawi em em tur in a che tha lo. 2007-2008 season atang in Atletico Madrid ah a insuan leh a, he mi kum hian kum sawm hnu ah Atletico Madrid club hi Champion League khel pha tur in a hlang kai a, Argentina mi Sergio Aguero nen an inkawp a goal 23 a thun. 2008-2009 hian Atletico Madrid Champion League khel pha tur in a hruai thleng leh a, a gole thun pakhat phei chu Goal Of The Season a tan a chhawp chhuah a ni nghe nge a ni.He Season hian game 33 ah goal 32 a thun a Pichichi Trophy a leh European Golden Boot a vawi hnih na a tan a dawng leh ani. 20092010 hian an Club Europa League ah a champion pui a, Final ah Man of the Match a dawng nghe nghe a ni. 2010-2011 season hian UEFA Super Cup ah Internazionale final ah hnen in an champion leh bawk. An ram Uraguay tan hian game 81 a khel tawh a, an ram tan a khel hmem ber a ni a goal 29 a thun bawk a hei hi an ram tan a thun tam ber pahnihna a ni. A tun tam ber in goal 31 a thun. He record hi a pelh mai an ring tlang hle. 2010 World Cup khan goal thun hnem ber goal 5 thun kha amah nen pali an awm a, chuan Goal thun hnem ber lawman chu an pali zing a thian te siam sak hnem ber (assists) atang in an thlang leh a Thomas Muller (Ger) in Golden Boot a dawng a, mahse Forlan hian a ai a ropui Golden Ball, player tha ber lawmman a dawng ta tho a ni. He World Cup ah hian a pet goal pakhat phei kha chu Goal of The Tournament ah thlan ani. Zan in Dar 12 hian Copa America Final ah Paraguay nen a an in khel ah a thiam tak tak leh tak tak loh chu lo en mai rawh.

Pic. Guite

An Official Organ of Young Mizo Association : Luangmual Branch

Phek 4na www.luangmualyma.blogspot.com e-mail address : lm_yma_ccb@yahoo.com

COMPUTER HRIATZAU NAN Zonuna Kan sawi uar viau a, enge RAM leh Processor chu? A awlsam leh hriatthiam theih dan berin sawi han tum ila. RAM chu enge? RAM kan tih hi a lampum chu Random Access Memory tih a ni a. Computer memory tia sawi chuan a tlangpuiin RAM sawina a ni thin. RAM hian computer tan space a siam a, chumi chu CPU (Central Processing Unit)/Processor ten data an read a an write theihna tur a ni. RAM hi Computer CPU/Processor ten an hman tur data store na a ni a, data te chu system software ten anlo process atan processor-ah a thawn thin a ni. A awlsam zawngin sawi ta ila, hard disk a data thlan bikte chu RAM ah dah a ni a, processor chuan RAM a mi chu a duh lai ami information te lain alo process thin a ni. RAM a data store reng reng hi computer off chuan a bo thin a, chumi awmzia chu computer nun lai chiahin data te chu alo store thin a ni. Computer i on leh chiah khan BIOS (Computers boot firmware) chuan ROM a instruction lo in store chu disk atanga Operating System leh file dang read nan a hmang a, chuan RAM ah khan a load leh thin a ni. Processor chu enge? Sawi dan awlsam berah chuan, Computer thluak bur ber a ni. Processor chuan computer chu enge tih tur tih leh eng huna tih tur nge tih a hrilh a, eng hna (task) nge pawimawh bera, i computer khan a mamawh ber tih a lo thliar thin a ni. Processor/CPU ah hian a hna thawh tur zang zawng chu a thawk vek a ni. Processor hi speed hrang hrang hmuh tur a awm a, speed tehna chu Megahertz (MHz) a ni. Processor chu 2000 MHz a chak anih chuan, computer chu second khata 2000,000,000 cycles a chakin hna a thawk tihna ang a ni. A dang tehna chu, GHz a ni a, 1 GHz leh 1000 MHz hi a intluk a ni. Processor hi a speed a san poh leh hna a thawk chak a ni. Processor te hi a core a tam poh leh a speed a sang anga, a tha zawk bawk anga, a chak zawk bawk ang. Standard processor chuan core hi pakhat (1) chiah (single core) a nei a. Single Core processor te hian vawi khatah instruction pakhat (1) chauh an process a ni. Multi Core Processor chu core pahnih (2) emaw a aia tamin emaw a siam a ni a, henga core te hian anmahniin instruction hrang a theuh rualin an process thei a ni. CPU/Processor reng reng hian ahnuaia kan tarlan ang hi an nei vek a ni: 1. Arithmetic Logic Unit (ALU): Logical leh Arithmetic thil zawng zawng alo khawih thin. 2. Control Unit: Memory a instruction te chu lachhuakin alo execute thin. Techincally a sawi chuan, RAM memory hian processor hnathawh hi a tichakin a ti tha lemlo a, a awmzia chu RAM memory hian processor emaw computer emaw hnathawh danah hian engmah awmzia a nei lemlo a ni. Mahse RAM memory leh processor hnathawh hian inlaichinna a nei tlat bawk si. Enge a chhan niang le??? Computer processor te hian RAM memory a instruction awmte chu execute turin an zawng a, instruction te chu RAM memory a alo awm si loh chuan, hard disk emaw storage system dang ami emaw te chu RAM a transfer angai a ni. Chuvangchuan, RAM memory a len chuan RAM memory ah chuan instruction chu a leng tam anga, vawikhatah program lian deuh deuhte pawh a load theih dawn a ni. RAM memory azirin program te chu a load tamin a load tlem theih dawn a ni. Computer a RAM a len chuan a hnathawh a tichak thin a ni. Processor/CPU in a mamawhte chu RAM a a len loh chuan computer chuan Virtual Memory File a siam thin a ni. Chuvang chuan Processor/CPU hian additional RAM siam nan hard disk ah hian space a dah awl thin a, chu chu swapping a ni a, mahse hei hian system chu a timuang thin a ni. Computer a RAM memory a len chuan, RAM memory fullna chance kha a tlem anga, swapping na chance a tlem bawk anga, tichuan computer chu a hma aiin a chak zawk bawk ang. Computer pangngaiah chuan CPU/Processor te hian RAM access nan hian 200ns an hmang thin a, hard drive access nan erawh chuan 12,000,000ns an hmang thung a ni. Han ngaihtuah chuan, minute 31/2 a hnathawh tur kha thla 41/ vela zo ang a ni!!! 2 Entirnan, i computer chuan 64 MB RAM lo hmang ta se, chuan vawikhata i program hman zawng zawng khan 100 MB hmang ta si se, system chuan Virtual Memory File a hmang anga, chuan hard disk nen a inthleng (swapping) dawn ta chiah a ni. A dang lehah chuan, i computer chuan 128 MB RAM hmang ta se, a hmaa kan sawi angzat chiah khi program load ta se, hard disk nena in thleng (swapping) angai dawn ta lo tihna a ni a, chu chuan i computer chu a tichak zawk dawn a ni. Computer-a thil i vuah tam emaw application changkang deuh deuh tih i duh a, computer chu tha taka hnathawh tir i duh chuan RAM i mamawh sang tihna a ni. I computer a RAM chu i tihsan chuan CPU/Processor in hard disk atanga data a read hun kha i ti tlem tihna a ni. Hei hian i computer chu chak zawkin hna a thawh tir thei dawn a ni, a chhan chu Hard Disk ai hian RAM hi a chak fe zawk a ni. A khaikhawmna-ah chuan, Computer chak tur chuan a CPU/Processor a chak angai a, Processor chak taka hna thawk thei tur chuan a memory (RAM) a len angai bawk tihna a ni. Processor chak vaka, RAM a len lehsi loh emaw Processor chak vaklo a, RAM a len viau si emaw chuan awmzia a awm lemlo tihna a ni a, a inbuk tawk a pawimawh tihna a ni. Sport:- DIEGO FORLAN CORAZO Diego Forlan hi football khel thiam chhungkua atang in Montevideo, Uraguay khawpui ber ah 19th May 1979 (kum 32) khan a piang a, a pa hian an ram tan 66 leh 74 World Cup khan a lo khel tawh a, a pu hi independiente, Argentina Club lar tak a khel thin a ni. A ni pawh hi Independiente Club atang a in zir chho a mi hriat hlawh chho ani. Independiente tan hian kum li a khel chhung in goal tam tak a tun a, goal thun thei tak a hriat ani cho a, Manchester United in 2002 khan an lei phah ta nghe nghe a ni. Manchester United a a khel lai hian beisei ang em em in a che tha lo a, a kawppui pa Nistelrooy an game 210 ah goal 150 (Game 1.4 ah goal khat zel) athun lai in a ni hian game 95 ah goal 17 (game 5.5 ah goal khat zel) choh a thun a Rooney an a rawn thlak ta nghe nghe a nih kha. Man U a a awm lai a a lar na pakhat chua, a pet goal a piang a a kawr phelh thin kha a ni. Vawi khat phei kha chu a ha leh hman silo a, a kawr keng chung in loh theih loh a vangin ball kha rei deuh a keng hman a, a nuizathlak duh khawp mai. Hei vang hian aniang tun ah chuan kawr phelh an phal tak loh ni. 2004 khan Villareal ah a in sawn a 2004-2005 season khan La Liga a pet goal hnem ber lawman Pichichi Trophy a dawng nghal a game 38 ah goal 25 a thun a, Therry Henry nen Euro-

(Phek 3na-ah zawm a ni)

An Official Organ of Young Mizo Association : Luangmual Branch 570 C.