Editorial Board

:
Editor Jt. Ed : Benjamin Lalsangliana : Lalmalsawma Lalhruaizeli Manager: Z.D. Lalbiakpuii

Issue -4

Weekly newspaper

11th Sept. 2011

FAVANG NI ENG ## Nimin inrinni khan CMU leh Bhutanese ten Basketball PU Groundah an khel a, tah hian CMU chuan chakna a chang a ni. Tlawmngaia inkhel en tura rawn kal zawng zawngte CMU chuan inchungah lawmthu a sawi takzet a ni. ## Membership fee la pe lo kan awm a nih chuan khawngaiha a rang lama hruaitute hnena kan pek theih chuan a lawmawm khawp ang. ## September exam kan hnai chho tial tial a, memberte result tha tak kan neih theuh theih nan kan zirlai tha deuhin kan zir vek dawn nia. ## Article rawn lut a awm ngailoh avangin nikum lama kan tih dan in karleh atang chuan article ziak tur kan inruat tawh dawn a. Karleh article min ziah sak turin CMU President Tv. Vanlaltluanga kha lo inring se. ## FAVANG NI ENG tih hi Misual.com atanga lak chhawn a ni e. Favang hun hi mi tam zawkte lunglen hun a ni, tiin bul han tan phawt mai ila, thiante pawi kan sawi em lo’ng chu maw? Kan pipute hun lai pawh khan favang awllen hun hi ramchhuah hun atan an hmang thin reng a. An lung tilengtu ber pawh ramchhuaka sapel te kha a ni rêng bawk a. Chuvangin sapel mi tan pawh he hun hi ‘lunglen hun’ a tih theih awm e. Favang lai chuan boruak a nuam êm êm a, buh hmun zau tak hmuh theihna hmun Champhai leh a chhehvel, keini khua Zote-ah ngei pawh he hun hi a mawiin a nuam zual bik emaw’n chu aw ka ti thin. Ni chhuah atanga a tlak thleng hian a mawi tluan vek mai. Zingah ni a lo chhuak a, hnim hringa dai tla te chuan lunghlu an pai emaw tih tur khawpa mawiin a chhun tle siar siar a, thing leh mau ,thlai hring leh phaitual hnim thlengin chu ni mawi tak chuan a chhun hring no nghulh mai a. Hawi vel a nuamin zing tho hma mi tan chuan dam man a awm hliah hliah niin a hriat thin. Chutia leilungin a hmel mawi tak mai a’n lantir meuh chuan awm mai mai a harsa thin hle. Eng nge tih tur ber pawh hre lo a phiruai mai awl tak a ni. He “Favang ni eng” in nunphung a her danglam theih dan hi thil mak tak zawng a tling ngei mai. Tichuan, ni a lo tlang sang zel a, mahni hna theuh thawkin feh tur an kal sang sang a, an hlim hle thin. Nilengin hna an thawk char char a, tlaiah hlim tak bawkin an haw leh thin. Tlai lam ni hi a mawi leh hle mai bawk a; he ni hi a ni, mawlhtu nei ang a min awmtir thintu chu! Khaw thiang kûk maiah tlai ni a èn siar siar hi chuan tih danglamin ka awm ve tlat thin. Sawi vak pawhin awmzia a nei lem lo. Tu tan pawh hai rual a awm lo. Pathian thil siam, keini mihring aia hnuaihnung zawkte pawhin A hmel mawi zia leh a ropui zia an tarlan nasat thehlul nen, keini thil siam zinga ropui ber mihringte hian Pathian ropuina hi kan va hliah zawk si em!’ tiin ka ngaihtuah ve mai mai thin. Pathian thilsiam ten mawina an lan chhuahtir dan hi hriatthiam a harin a ril em em a. Engamaw zat chu mihringte hian hmuin hre ve bawk thin mah ila, a zavai chuan kan hre zo thei ngai lovang. Hriat vek sen pawh a ni hek lo. Pathian thil siam mawi tak tak hmutu mihringte zingah ngei pawh hian a them thiam zia pho lang mektu an lo awm ve zel zawng a nih hi! Awle, thian duh tak, he favang hun thengthaw nuam tak, zalen leh boruak thiang bawk si, rilru hah ruk riauna nei tan pawha dam sawng sawngna tham hun nuam hi, hunbi kan tawn thin a nih ang leh eng ngaihtuahna mah nei lo chunga I lo bye bye liam thin a nih chuan eng nge a danglam bikna leh engtin nge I nunah nghawng a neih ve dan chhutin han chik ve chhin ta che.

THINK AGAIN “Life is a dream for the wise, a game for the fool, a comedy for the rich, a tragedy for the poor” Sholom Aleichem

TUNKAR CHANGVAWN “Nimahsela kan Lalpa Isua Krista zara hnehna min petu Pathian hnenah chuan lawmthu awm rawh se” I Korinth 15: 57

Published by Benjamin Lalsangliana(Editor of SAUMBUR) on behalf of Chandigarh Mizo Union

CMU OFFICE BEARERS 2011-2012 PRESIDENT: Vanlaltluanga VICE PRESIDENT: Dr Zoramthara SECRETARY: Benjamin Lalsangliana ASST. SECRETARY: K. Sangkhumi TREASURER: Z.D. Lalbiakpuii EDITORIAL Tunlai boruak chu a nuam thei hlei mai. Ruah an sur teuh hnu a ni a rawn lan leh deuh sar sar hi chuan Mizoram lam ngaia tah vawng vawngte hi a chakawm thin. Mahse han tap ringawt ila a sawt dawn chuang bawk silo a. Chutah lunglen laiin Landlord ten min rawn la hauh zui phei hi chuan, lunglen chu khawilam a ni ringawt tawh. Thinrimna in min rawn bawm khat nghal vek tawh mai a ni. A lehlamah chuan lunglen a tih reh phaha a zia phian. Thildang daih kan sawi teh ang. Nimina CMU basketball team leh Bhutanese teamte inkhel en tura rawn kalte kha in fakawm khawp mai. Nangmahni thil tul kalsana ni sen sa hnuaia inkhel in rawn en kha a mizo ang zawnga thlir pawn a mawi in a hlu a ni. Hetiang thil hote te a kan tanruala kan inlungrual hian rah tha a chhuah thin tih hi hre nawn leh theuh ila. Hnamdangten kan u te, helai hmun lo luah lum ve tawhte an sawi thin dan, ‘Mizo chu an tangruala an inlungrual bawk’, an tih thin ang khan minla hria se kan duh nge hnam inlungruallo leh tangruallo tiin? A hnuhnung zawk khi chu tuman kan duh ka ringlo. CMU hi bel tlat ila. Chhiat i tawk ka tawk thei. Chumi hunah chuan min buaipuitu tur chu CMU tho hi a ni. Chuvang chuan kan zirlai tibuailo a CMU in activities a siam ang angah hi chuan a tu a te pawh hi inthlahrunglo leh inti neitu takin tel i tum hram hram ang u. Tin CMI lam pawh hi ngaithah lo ila. Karkhat ah vawi khat chiah Pathian tan inkhawmna hun kan nei a, chumi ah pawh chuan kan inkhawm peilo a Pathian tan darkar tlemte pawh kan pe phal lo a nih chuan Pathian kan ti thinur ang tih a hlauhawm. A hma te chuan Sundaya inkhawmlo nih hi zahthlak ah an ngai thin a,kan u te khan. Tunah chuan inkhawm tura insawm hi a sawmtu tan a zahthlak tawh zawk a ni. Malsawmna chhiar sen lo in min vur a. Ei turte in tur te,silh leh fen, sum leh pai tin reng min petu tan karkhat ah vawi khat, chu pawh darkar hnih vel lek kan seng phal lo nih chuan, nang leh keia chan tur hi a rapthlak khawp ang le!!!

CMU THLAVANG HAUHNA R. Lallawmkima Mi thenkhatten duhthawh luat vanga Chandigarh Mizo Zirlaite engmah lo ang maia min chhuah thin hi ka hre ta fo mai; mahse thutak a bawlin kan thlavang hauh nan tlem azawng kan thai ve teh ang. Chandigarh a zirlai te chu mahni Mizo na hlauh thak leh nulat tlangval kawnga zalen taka in hmang ral ang te, zirna lam tlansana mahni nuam tih ringawt uma nun thlahdah ti a an sawi ka hriat hian ka rilru a khawih em em a. Hetiang zawng hian tawi tein sawifiah in tum dawn teh ang. Nu leh paten an fate thiamna leh finna puakchhuah tir tumin mahni in lum tlansan turin an fate phai ramah an kap chhuak chur chur a; chutih lai chuan keini unau tlemte; mahse inlungrual em em te chu mi hriat pawh em em ni lovah, India rama khawpui nuam ber ti a chhal ngamna hmun, “The City Beautiful” a hming an lo vuah hial, he Chandigarh ah ngei mai hian tu dang ngai bik chuang lovin kan hlimni tawite chu duham takin kan hmang hlawm a. “Mangan ni chuan mi ko la, tichuan ka chhang ang che”, tih ang deuh khan han mangan buai chang pawh nei thin mahila, engtik lai pawha min tanpui chak em em tu leh nu leh pa kei chuan ka ti lo thei lo, hengAunty Jessie te, Umapuia te, leh kan sawi theihnghilh hauh loh tur Dr.Mathara te chhung kan nei reng bawk a. State dang angin kan pawl lian ve lo mahse, “Ui hum” lek pawh inti mahila Pathian zarah kei zawng ka thla hi a muang diai diai reng mai zawng a nih hi. Enge kan lungngaih vak bik ang le…..!! Zu ringawt an ngaihtuah…?? A dik reng em hei hi? State danga zirlaite leh ram dang ang thovin Zu in leh ruih bawk bawk chang chu awm mahse, hei hi thil mak leh dang dai ani hran lo, keini ngaih ah chuan in tih hlim nan leh thian kawm nan te kan hmang zawk asin. Ruih sual vangin han inhmuh thiam loh chang te awm ve thin mahse puitling taka indawr tawnin, kan harsatna te kan inhmuh sak tawn thin. Thian duhtak ka member pui te, zu hi ka sawi zalen ni lovin in ruih dan hian tu pawi a sawi tamlo anih chuan I hnawk reng reng lo ania awwwwww…..Mizo hming a bal ang tih hlauvin hruaituten han in zilh chang nei ve bawk mahse tuman huat turah an ngai lova, hmangaihna thu chu tuman kan hnar phallo anih hi. Ka hmuh dan phei chuan rui buai leh buaipui ngaia awm bik nih hi zahthlak ah an ngai vek tawh niin ka hria. Chhass leh flirt…..?? Tin, mi thenkhat ti ti ka lo hriat danin Mizo inngaizawngte chu zalen taka nu leh pa te hriatpui lova khawsa ah te an sawi ka hre ta fo mai. ‘A ni lo’, ka tih chuan dawt sawi ka ni ang chu; mahse mawww… chutiang ngawt chu kan ni bik hauh lo. “Tun hma thil

Published by Benjamin Lalsangliana(Editor of SAUMBUR) on behalf of Chandigarh Mizo Union

tuman an hre reng lo”, kan Bible ngeiin alo tih kha Zirna lamah…… kan hria ang chu maw? Tuna Chandigarh Mizo te Miten Chandigarh Mizote chu zirna Grade Level News Page 3 of 4 School thar mekna rilru harh Newsletter chu Pathian hriatpuina in thlahthlamah min ngai mawww…..?? A VAN DIK chhas neih theuh a, tu hmeichhia mah mipa bulah TEHRENG EM!.... I rilru a tina lo anih ngai chuan kei ruih an duh tawh lo. Chhas te laka rinawm lohna chuan ka dem ngawih ngawih ang che, a diklo ka tih pawh hi CORRUPTION (EIRUKNA) lian tak chuan mahni inbum ang chauh ka ni ang, he thil ka pakhat a ni tih kan pawm tlang hle dawn in alang. ngaihtuah chang hi chuan rim taka kan neih loh hlauva Hmalam thlirin hnungtawlh leh pawla mi nih kan a sur a sa hnuaia min thawhsak tu, nu leh pa te hmel tum tawhlo reng reng. hmuh erawh harsa ka ti thin. Tuna kan lehkha zir dan Sawi neuh neuh a tam…….. leh kan class kal dan hi chhungten pawisa min thawn “In tehna ngai bawkah an teh ang che u”, nen hian a in mawi angem awww…?? I lo ngaihtuah ve keini zawng mi rel leh in sawichhiat tih vel hi ngai emaw chu ka hre hauh lo. hlawkna awm loh zia kan hre tawh a. Chumai bakah Engpawhnise ala tlai lo a nia, hawh u, CMU kan tlemin in sawichhe tham kan awm lo tih kan kumpuanah pawh “Zirna Uar Kum” a nih kha, thian te chiang a, kehdarh lek lek tur ang paw’n miin lo ban phak lo bik a tang lovin, zirna lamah ke i pen thar sawi ve thin mahse kan inlungrual khawp mai. teh ang u. Tumah tling kan awm lo tih hi kan in hria a, chuvang chuan a tu a te mah hi in sawi tur kan Member te hnena thurawn….. awmloh zia kan hre tawh a. kan in tawngtaipui tawn Awle! Sawi chhiata kan awm tawh lohna tur chuan thil daih zel. Rilru na anlo awm a nih pawhin thinrim harsa leh thil tih theih loh ti tur pawhin ka beisei hauhlo nan tuman hman an tum lova, insiamthat nan an che a. I kut maia I tih theih, tih nachang i lo hriat ngai hmang hlauh thung. loh kha ti zawk turin ka sawm mai che a ni. Chandigarh Thlarau lamah….. zirna tluchhe mek tungding tur te, in pumkhatna atana Hei erawh ka chhuang hran lo, “A ram leh a mawhphurtu chu tu dang mah ni lovin nangmah kha i felna chu zawng hmasa zawk rawh u” tih thu hian ni asin..Ekhai! harh a hun e, khua a tlai hma hian. min nei theuh ang tih ka beisei tlat. Kan mamawh Kei zawng CMU tan ka bei zel ang, Chandigarh chhanna a ni miau si a. Mizo Union KA HMANGAIH CHE, vul zel ang che. CMU dam reng rawh se! Tu maw kan Idol an tih chu….?? Ka hau lawk dawn che u nia aw (Kan ngenna te ngaipawimawh a article tha tak min Midang ang bawkin ngaihsan zawng te kan rawn ziah saktu R. Lallawmkima chunga Saumbur nei ve tho, kan ngaihsan zawng te lah chu Editorial Board chuan lawmthu a sawi tak meuh e. A hnamdang Pathian pawh be ngai lo leh Sap zaithiam dang pawh rawn la ziak lehzel turin a sawm nghal nun pawlawh taka hmangte nun kan entawn a. A bawk a che.) neih ka ei hleinem tiin “Its my life” kan han ti ve rawk a, cheng khat pawh thawk chhuak si lo khan, FIAMTHU a Sap tawng takin ‘Millionaire’ ho neih ang neih  A nghal ve tiah tiah asin, kawngsirah STICK NO kan han tum ve ngawt thin erawh min ti zak tu an ni BILL tih a lo intar a, lian tawkin OK tih a la tar hram leh thin. Mahse keipawh ka bang chuang lo ania mawle! hehehe…. Rual pawl nan tiin Social Networking lamah  Damchhung lungin tang tura a chungthu relsak a ni te hma kan han sawn ve a, zirna lamah erawh rual a, a appeal ve khanglang a; a vanduai mai mai – court kan pawl meuh lo, a chang hi chuan kan than dan decision a lo chhuak a, an khaihlum daih. leh kan changkanna tehfung pawh hi a diklo em aw ka ti rum rum thin. Mahni zirlaia hriatna nei chau hle khan mi lar(celebrities) chanchin erawh kan hre hle thung, chu a chhapah zahna chang kan hre hauh lo nia KARLEH INKHAWM PROGRAMME mawle…. CHAIRMAN: Lalhruaizeli TANTU: V. Thuhrilsanga THAWHLAWM KHAWNTU: VL Hmangaihsangi BIBLE STUDY: Vanlaltluanga

Published by Benjamin Lalsangliana(Editor of SAUMBUR) on behalf of Chandigarh Mizo Union

CHANCHINTHAR LAWRKHAWM ## Sihphir tlangval Lalenkawla, 24 s/o G.Liana chu Sihphir atanga kilometre 2 vela thui Tuilut rama an Lo-ah nimin (Sept. 5. 2011) zing dar 8:30 vel khan a kal a, thlama a thlen hmain an Lo chhaka tui an lakna tuihna chu siamthat tumin a pan a, a panna lamah savawm no hruai sum ruk vela lianin a lo bei. Lalenkawla hian a chempui ah lai a phawrh a, savawm chu a hnungchhawn avangin savawm chuan a tukhumah hmun riat velah a seh a, a malpuiah a beng bawk a, a hnu rei vak loah savawm hian a kalsan a ni. Lalenkawla hi a hliam nual avangin amahin an in lam a pan a thui vak lo a kal hnu-ah mi dangten lo hmuin mi tlawmngaiten an zawn haw a ni. Lalenkawla hi Durtlang Hospital-ah dah a ni a, ngaihtuahawm lutuk a ni lo nia thu dawn a ni. Source: Buannel.com ## New Life Charity Society (Ne LiCS) in a chhinchhiah danin, hriat theih chinah kumin Setember ni 9 thleng khan Mizoram-ah mahni intihlum mi 45 an awm tawh a. Hengte hi thalai 40 leh kum upa lam mi panga an ni. Nimin kha mahni intihhlum tumte venna hi (World Suicide Prevention Day) a ni a. He ni puala New Life Charity Society (NeLiCS) in mipuite hnena thuchah a siamah chuan, thalaite nun dan thlirin mahni intihhlum hian tlem lam aiin la pun lam a pan zel turah ngaih theih a ni, an ti a. Hei vang hian, Zoram mipuite chu mahni intihhlum venna kawnga harhthar turin an sawm. Source: thezozamtimes.org ## Nimin zing dar 4:40 vel khan Darlawn Veghlun-a Lalhmasaa In, Assam Type chu an thawh hma in a chim thut a, thi an awm lova, In neitupa leh a nupui Rintluangi te an hliam. He In-ah hian chhungkaw member 4 chengin, In chim chhan hi In hnuai lungrem chimin a nghawng a ni a; lungrem hi a ri thet thet reng a, In hnuai luahtute chu awm ngam lovin an chhuak a, kawngpui pawh an thlen hmain In hi a chim zui ta mai niin an sawi. In neitu Lalhmasaa hi a mitko leh a beng chungah In chim hian a chilh a, damdawi ina admit lovin in lama enkawl turin chhuah a ni a; a nupui Rintluangi chu a hnungzang na a tih avangin damdawi In-ah admit a ni thung. In hi a chhe hneh hle a, nimin vek khan mi tlawmngaiten bungrua senghawiin an buaipui nghal a, chhiat tawkte tanpui leh tuamhlawmin an hnatlang nghal a ni. Source: thezozamtimes.org ## Eastern Air Command, Shillong-a Air Marshall, Mathe Swaran chuan, hun remchang hmasa berah Lengpui Airport-ah Sukoi 30 Jet Fighter-te trial

landing neihtir a ni dawn tih a sawi. Air Marshall hian zirtawp khan Lengpui Airport tlawhin, jet fighter pali dah theihna tur Blastpen siamna hmun tur a enfiah a; Lengpui Airport-ah hian Sukoi-te trial landing neihtir a nih tur thu hi a sawi a ni. Mathe Swaran hian zirtawpni vek khan Lunglei Zopui tlanga Indian Air Force radar station bunna tur a enfiah bawk Source: Vanglaini.org ## Mizoramah tun thlengin ziak leh chhiar thiam lo mi 77,886 an la awm. Education Deptt thuchhuah tarlan dan chuan ziak leh chhiar thiam lo zingah hian mipa sing 2 sang 9, za 425 leh hmeichhia sing 4 sang 8 leh 461 an awm a ni. Chhiarpui hmasa kum 2001 khan Mizorama ziak leh chhiar thiam zat hi za zela 88.80 a ni a, ram pumah ziak leh chhiar thiam tamah 2-na kan hauh phak a, tun tum chhiarpui neih zawh tak, kumin 2011-ah chuan Mizorama ziak leh chhiar thiam awm zat hi zaa 91.58 a ni a, hmasawn hret mah ila ram pum hmundangin hma an lo sawn nasat avangin Kerala leh Lakshadweep-te pha lo vin ram pumah 3 na kan hauh ta a ni. Source: Vulmawi.com ## Thawhlehni zing khan Zarkawt Traffic Point chhak, High Field panna Mohammed-a thingpui dawra thawk, Lalengliana (35) s/o L. Zama, Khamrang chu a thawhna thingpui dawrah thia chhar a ni a, thla 1 vel vel chauh a la thawk hman niin thudawnna chuan a sawi a, he thingpui dawrah hian a thawhpui, Vaiho nen an riakho mai thin a ni. Thawhlehni zing vek khan, Kolasib Diakkawnah Lalhlira Shopping Complex kawmthlang Ek In panna step-ah Lalthanchhunga s/o Tlanglawma, Chawnpui Veng, Aizawl ruang chu chhar a ni bawk. He shopping complex hnuai hi Serlui 'B' Hydel project a thawk SDO in a luah a, Lalthanchhunga hi SDO Driver niin, khawvar hnuah Lalthanchhunga ruang hi step ah hian zangthal zawnga mu in hmuh a ni. Source: Vulmawi.com Nizan EPL inkhel result thenkhat: Bolton 0-5 Man Utd Arsenal 1-0 Swansea Sunderland 1-2 Chelsea Stoke City 1-0 Liverpool Man City 3-0 Wigan Wolverhampton 0-2 Tottenham

Published by Benjamin Lalsangliana(Editor of SAUMBUR) on behalf of Chandigarh Mizo Union

Sign up to vote on this title
UsefulNot useful