Since 2006

ZAM Information Department

Volume 6, Issue 21 October 30, 2011
Estd. 2006

Informing People, Transforming Lives

“Na hihzawh zahzah-un, mite tawh na kilem un.” Rome 12: 18
Khuado Pawi Ki Mangngilhlo
2007 Khuado Pawi pen Chinese Assembly Hall a tungnung ah kibawl in, Zomi te Khuado Pawi bawlkhawm ding ci-in ih Kipawlna lutangpipa ngiatin hanthotna nei kawikawi masa hi. Tua hun lai-in, a mi zong kitam nai samlo cihnop dinghang Zomi te ngeina pawipi khat bawlkhop ding pen haksa kisa tek lai hi. A vaihawmna lampan in zong abei a tammah bangin, eiteng mah ii bawlkhop a hiding ngimna tawh lutmanh kila hi. Zomi te ih ngeina pawipi khat bawlkhop ding pen Zomi tampi mah ki lunglut man khollo hunlai ki cithei hi. Zomi min tawh vaihawmna pen ei leh ei kihel sawm taktak nailo zong ki cithei hi. A khiatna tuamtuam in zong kigen lai maithei hi. Hun hong bei toto-in, gam tuamtuam aa om Zomi tampite danin suakta tak aa pawi khawng bawltheih zihziahna gam ahih loh hang, ma pan’khop ih siam manin kum simin Khuado pawi a bawl toto zo ihi aa, tuasung pan 2009 Khuado Pawi bang pen ih gam pan Zomi lasiamte kisam ngiatin a nopci penpen khatin ih vaihawm zo hi. Den aa ih gen 2007 lai aa Zomi te Khuado Pawi ci aa ih kampan ih gendan leh 2009 khawng teh ih gendan a khumna leh a hihna kikhai mahmahta hi. Ih tupna zong tuamah ahi hi! Nungkum 2010 leuleu ciang, FGA ah October 29 ni-in etlawm takin ki bawlzo hi. 2011 Khuado Pawi cikciang ci-in dotna tampi omte hih lai tungpan Kipawlna tangin ong dawng hita ingh. Abeisa kumte danin tukum pen Khuado Pawi ki bawlkhawm zolo ahi hi. A phawklo leh a thupi simlo ki hilo-in, nisim aa vai om khempeuh banah ih pawi vaihawmna ding pen, mihing tha leh a hun mahmah kicing zolo hiphot hi. Ih Kipawlna panin Khuado Pawi pen aki mangngilh hilo hi, cih theikhawm ni. iNFO
Khuado khit ciangin kicidam tek ding cih upna zong nei uhhi. Khuado maa bangin khuado ciang a ding ci-in kiging kholin phit bang kilemh baih kha leh dawite in “ Khuado maa-in a ci nasak mengmeng ni” ci-uh hi ci-in upna nei uhhi. Tua ahih manin Khuado ma a lawplua a phitlep baih zong dik kisa lo hi. A tawpna-ah Anlaak Pawi, Kumkhen Pawi, Khua Siansuah Pawi, tua teng kigawm “Khuado Pawi” ahihi. Khuado pawi bawl dan zong a mun a mual zui in kibang kim lo hi. Khua pawl khatte munah a khua “Tual” uh bulphuh in nungak tangval zaanhak in laam uh hi. Mun khatte leuleu ah tangval, tangvalnote khaam lup khopna ‘Sawmm’ bulphuh in kibawl hi. Inn tawm mahmah khuate-ah a khuabup in mun khatah a diakdiakin “Tual” ah lam khawmin bawl thei uhhi. Atung a ih gensa bangmah in khua khat leh khua khat ani kibang lo hi. Akhua atui khualzin gamvakte hong tunkik khit mikim hun ahih theih liai leh khua phat khaliik hun khawng kideih pen hi. Khat veivei teh thusia lasia hong om kha leh ci-in hausa upa kikum diamdiamin hun lo phaat lopi a, ahih avaihawm cingtung zong om thei hi. Khuado ma-in nipi khat halin nithum sung taangko pa kiko sakin kitheisak khol hi. Tu hun ciangin Zogamah Khuado Pawi vaai in nithum sung zum kikhak hi. Kawlte’ Tasaungdaing Mi Htun Pwe - Tadinkyut khalik ni a ma leh akhit zumkhak nithum sungmah kigeel in khua sim in khua kido ta hi. Tu dong ih Zogam ah ih Kumpite in Khuado zumkhak ni thum tak hong pia hi napi in, lo an laak baihna khuate ah anlaak khitteh Khua na do ziauziau thei uh a, tua zong Zomi khem peuh in a ni kibang sak kim leng hoih kasa hi. Tua hi leh kilung tuakna kilom khatna zong hi pah hi. Tua banah Zomite in Kumthak a nei gige ih hi a, tua kumthak pen October (Phalkha) sung hi pah ding a, ih Kum Thak pen zong tua kha sung mah ahih kei leh Phalkha khitciang a, a zom November(Nou kha) kha ni 1, ni cih bang hi thei pah hi. Tua tawh kisai Zo ulian thu neite in a khensat ding ahihi. Khuado Ding Kigin Kholhna Khanglui lai in a veeng a veeng in Sawmm kinei hi. Gentehna in; Saizang khuapi ah a veeng a veeng in a nuai a bangin sawmm kinei ngei hi. (01) Luisuk sawmm - Pu Kham Kho Zam - Gualnam (02) Innpi sawmm - Pu Thawng Za Khup - Sukte (03) Liappi sawmm(A) - Pu Thawng Khaw Kam - Gualnam (04) Liappi sawmm(B) - Pu Son Pum - Gualnam (05) Cianlai sawmm - Pu Pum Zen - Gualnam Malneu (06) Singzang sawmm - Pu Vial Pum - Gualnam (07) Dawhdeuh sawmm - Pu Kham Za Nang - Songput (08) Teizang sawmm - Pu Gen Suang - Hatlang (09) Mualtung sawmm - Pu Neek Thuam - Tawmging (10) Kongzang sawmm - Pu Luai Cin - Gualnam Munsuang (11) Khuaphei sawmm - Pu Khun Pau - Gualnam Kikkai Meilah laak Ni Khuado tanggsuak ciang a det ding meilah a tawm pen nipi khat ma-in sawmm tangval te’n la khol uhhi. Meilah kipho keu in khuado kuan ciangin “tanggsuak” kipatna pan Sawmm dong a khomh ding in meilah lom hen in bawlsa in kikoih phitphet hi. Khuado madeuh in sawm tangvalte’n khuaibu zong uh a, a muh zahzah uh Khuado ciang aa tanggsuak meidet kipatna mun khuanawl ah phual koih phot uhhi. Khuado zu ding pen antang in kidongin sawmm innteekte ahi zong, sawmm sungpan zusak siamte khat peuhpeuh ahi zongin kisawl hi. Khuado ma kha khat sap sungteng sawmm ah nitak sialin phit kilemh in kisin khol hi. Phitbu khatah anuai a te kihel hi;

KHUADO THU
(Amicih Pau ii gelh ZomiDaily pan ki teikhia hi) Khuado pawi ih cih pen ih khua tek ah kumsial in anlaak khit ciang a kibawl ahihi. Pawi ih cih mahmah zong ei Zopau ciik hi lo a, Kawlpau pan ih ngah ahihi. Pawi ih zat nop kei leh zong “Khuado Bawl” zong kici thei ding hi. Ih Khuado bawl hun zong khua khat leh khua khat a hun ani kituak lo in, sim lam a tenggte pal deuh a zo lam a tengg te zekai deuh hi. Bang hang hiam cih leh ankung zong sim lamah pal zaw in zo lamah geei zaw a, an laak hun a kibat loh man ahihi. Anlaak kim khit lohin khua kido lo hi. Zomite in mikang kha mah bang Zo kha simna a kimtak in ih neih hangin ih kum thak ni ih kum thak kha bang kha cih kigen cianna ciaptehna om nai lo hi. Tua ahih manin Khuado Pawi pen kumcin pawi in a sehna zong hi kha ding hi. Tua hi a kum thak kha pen Khuado bawl kha khitteh kha masa hi ding in kilawm hi. Khuado ih cih pen anlaak khit ciang a, kibawl pan ahih manin Anlaak Pawi zong kici thei hi. Tua mah bangin khanglui lai-in kum khat leh kum khat pen Khuado mah tawh na ciamteh uh a, Kumkhen Pawi ahih kei leh Kumthak pawi kici thei kawikawi hi. Khuado ih cih kammal zong bulkan leng Khua cih pen ih khua tek mah a genna ahihi. Do cih kammal in a khiatna nih nei a, lengla do zin do cih kammal leh gal do ci-in hong bawlsia ding a hong pai hong simte do cih ahihi. Gal ih sim pen ei mau mahmah va pai a, va sim hi a, do pen galsim tawh kibang lo hi. Tua hi a Khuado a khiatna in zong anlaak pawi muak in ih khuabup in ‘khua a do’ ih hi a, khat lam pangpan leuleu ciangin hong bawlsia ding dawi leh kaute gal dona leh a omsa innsung bangkua a dawi leh kaute hawlkhiatna ahihi. Tua hih manin Khua Siansuah Pawi cih ding zong hi thei kawikawi zel hi.

ZAM THUPUAK
Phit Bu khat; (1) A pan a un —— nih (2) A pan a eu —— nih (3) A dawng a un —— nih (4) A dawng a eu —— nih (5) A hual —— li (6) A telek —— nih (kop khat)

October 30, 2011 UNHCR tawn aa galtaite thu a lunglut thak leh a huhnuam ki behlap toto pah cih thu, kipak takin genkhia uh hi. Tulaitak in, hih thu pen Malaysia ah a kilawm zah khatin thang mahmah aa, ko kiang zong na thu uh hong gen un a cipen kizom toto ding, ci uh hi. Oct. 31 ni aa ding omkhin hi.
(Zoplai ding)

2012 Kumsung Refugee 76,000 Lading
U.S. President Barack Obama in maikum 2012 sungin USA gamsungah Refugee gambelmi alakzahding uh W hite House panin pulakna Presidential Memoranda neikhia khinta hi. Hihpen Congress tetawh nakpitak kikupna aneihkhit uhciang in ki thukimna tawh a khensat uh ahihi. [Fiscal Year 2012 Refugee Admissions Numbers and Authorizations of In-Country Refugee Status Pursuant to Sections 207 and 101(a)(42), Respectively, of the Immigration and Nationality Act, and Determination Pursuant to Section 2(b)(2) of the Migration and Refugee Assistance Act] Fiscal Year 2012 kumsung limlim in Refugee mi alakding uhpen mimal in 76,000 ci a, tuate pen agam agam in hih anuai abangin ki khensawn lai hi. Africa . . . . . . . . . . . . . . . . . . . 12,000 East Asia . . . . . . . . . . . . . . . . 18,000 Europe and Central Asia . . . . . 2,000 Latin America/Caribbean. . . . . . 5,500 Near East/South Asia . . . . . . . 35,500 Unallocated Reserve . . . . . . . . 3,000 Asia gamhuamsung limlim panin President Barack Obama in akigawm mimal 555,00 bang onglak sawmlai ahih manin lungdam kohkoh huailai cihding ahihi. Tuaban ah “Unallocated Reserve” ci’n mimal 3000 akoih zongpen akisap mahmahna gamte panin USA gamsungah Refugee saptheihding in Reserve akoih uh ahihi. Gentehna in Asia gamsung bangpan Refugee te sapmengmeng loh phamawh cih thukhat omleh hih Unallocated Reserve sungpan mi 3000 bang azangthei uh ahihi. Tuaban ah Africa, Asia, Europe, Latin America, Caribbean cihbangin agam tuamtuampan mi tuazah lading cih gelna aomhang in Africa gampan Refugee mi 12,000 acinzawh keileh acianlaitang pen adang gamkhatpeuh panzong akisapna zui-in lakbehthei uhhi. Tua hi’n 2012 Fiscal Year sung peuhmah in USA gamsungah Refugee mimal 76,000 lutlai hamtangding cihna ahihi. ZomiDaily

Life Sdn Bhd 7: Galtaite Awging (Zomi kihel)
Hih a thulu aa kipan anuai aa thu khempeuh UNHCRMalaysia official website tung aa October 12 ni aa kipan a suahsak teng uh ei lai tawh a naithei pen leh a tomkim takin ki tengkhia kik ahi hi. Life Sdn Bhd in, Lot 10 Dawl giatna aa om Actor Studio acihna-ah, amau series sagihna dingin galtai-gambelte ii tuahkhak thute leh nuntak ziate, galtaite ngiat ii mipi mai-ah a genna hun ding vaihawm sak uh hi. Life Sdn Bhd series 1 pan 6 mankhin hi. Hih pen, UNHCR uliante-in Life Sdn Bnd te kiang a nget masak uh ahi hi. Kawlgam, Somali leh Sri Lanka gam 3 pan galtai 7 (Ahmed, Khampi, Ngun Siang, Raine, Sharifah, Theepika, Trasia) leh Miss Universe Malaysia 2011 (2011 Malaysia Nungaknu) in experience (tuahna hang aa theihna) te genkhiatna nitak 5 sung bawl hi. Malaysia la sa/phuak Ariff leh Ian te-in galtaite aa ding a phuah la dawng 2 tawh kihel den uh hi. October 26 pan October 30 teng hi-in, October 26-29 pen 8:30pm kipan in, October 30 pen 3pm kipan sak hi. Hih vaihawmna pen, Malaysia gammite-in galtai dinmun hong telpih semsem ding ngimna zong hi-in, hih vaihawmna pan a kingah sum khempeuh galtaite kisapna vai tuamtuamteah UNHCR in a zekding ahi hi. Lutmanh pen uhamte RM33 hiaa, sang naupang leh galtaite ahih leh RM23 la uh hi. Hih vai khempeuh ah UNHCR Siavuannu leh Thu Pulaknu tegel in makaih tawntung hi. Hih Life Sdn Bhd ii Director nu pen Dato’ Faridah hi aa, galtaite ii thu gendingte bawlphat sak, puahsak cihbang zangloin, a genzia ding deihtak makaih bek hi. Life Snd Bhd in kineih khemna aa thugen cihdan zanglo-in, a mi taktak mah, a tuahkhak taktak thute mah uh hun a pia uh ahi hi. Media tampiin tangko khia zihziah hi. Hih vai-ah, UNHCR makaipipa-in, “Hih tul sawm kua val apha galtaite pen, mite-in nuntakna hoihzaw zong aa hong taiikhiate sa kha zelzel uh hi. A taktakin amaute pen, a gampan un ahang tuam tek tawh aki hawlkhiate ahi hi.” cih thu pulak phapha hi. Mi hong ciaptehna dan khat hong phawksak hi. Bangci bangin 7 tengkhia UNHCR in, Malaysia aa galtai mi phazah leh amau ii taiikhiatna gam omzia a et uh ciang Myanmar, Somali, Sri Lanka gam 3 pan teng uh aa, hih gam 3 sungpan, amau tawh nasem khawm mun leh amuan zawkdeuh uh 7 a tengkhia uh ki cithei hi. Kawlgam pan 5 pha aa, Somali 1 leh Sri Lanka 1 ahi hi. Tuma kha nih lai aa kipan hong theihsakna sa uh leh hong makaihna uh om bangin ZAM palai khat kihel thei ahi hi. Banghang Zomi hong tel A mimal thu aa a teel uh hilo hi. Mangpau leh thugen siam manin zong tel masalo ding uh hi. Kipawlna tawh nasem, mipi tawh nasem khat leh tangmi septheihna mun om ngeizia zuiin a tel uh hizaw hi. ZAM palai kihel cihmah bangin, Zomi sungpan bangteng kituak kha pen hiam cih thu leh Kipawlna nasep zia pulakna a tomin kihel thei hi. UNHCR te sehna om bangin, Malaysia aa galtai khempeuh tangin pulak huai pawlkhat zong Zomi mahin a pulak theihna kinei hi. UNHCR in tampi lamen, tampi kiza pah Hih vaihawmna pen UNHCR ngiatin hun tampi leh thatang tampi pia-in, galtaite aa ding hamphatna leh lampi tuamtuam hong kihong ding a lamet mah bangun, ni khat khit ni khat

CDU Tungtawn Aa Training Pawlkhat
UNHCR-CDU te zaksakna tungtawn in anuai aa training kah theihna ding, siamna sintheihna ding hamphatna pawlkhat kihong hi; Athu dawptheihna: 014 643 0953  Cimek (massage) Training - Kha 3 sung; Innpan kuanding; Nitak anvak; Training hun: Monday to Saturday; 11:00am-8:00pm; Amun: Puchong  Job Training (Numei bek) - Kha 1 sung; Omna pia; Anvak; Training hun: Mon to Sat; 9:30am-8:30pm; Amun: Shalam  Mechanic Repair (Pasal bek kideih) - Kha 3 sung; Inn pan ei leh ei a kuan ding; Training hun: Monday to Saturday; 8:30am-5:30pm; Amun: Loke Yew

DAHPIHNA Pa Neng Hau (Heilei Khua, Kaimang Beh) leh Nu
Dai Vung te tapa Tg. Cin Khan Khual (Kum 31) in October 23, 2011 ni-in a innsapna inndei sung pan leitung nuntakna nusiata hi. A cianlai innkuanpih tawh kikim in Zomi bup ih dahkhawm hi. October 29, 2011 ni-in Batu Arang hanmual ah luanghawm lei-ah kituh kik thei hi. ZSM member lut nailo khat hi-in, a thu leh a vai panpihna leh hanmual hunzeknate ki vaihawm pih thei aa, a bei khempeuh inntek bangkua-in sii uh hi. ZSM UN Tawi Kisamlo Nasep UNHCR-EST pan hong zaksakna uh om bangin, buangnai set-zung (Sg Buloh) aa semding, a citak Zomi (10) kideih, ci uh hi. Khasum khemna, netniamna cihbang omlo ding, ci uh hi. Nasep ngeina tawh kibanglo-in, tutung aa pen UNHCR ciaptehna tawi nailote kideih masa zaw hi. Athu kicianin ki dawpthei hi: 014 643 0953 Manglai Sinna Kipankikta UNHCR-CDU pan hong vaihawmsak uh manglai-mangkam sinna pen, Tuesday leh Thursday nisim, 3:30pm-5:30pm ZEC-Maharajalela (ZAM zumnuai) ah kipankikta hi. Pausiamna a lunggulhte kisang lai hi. Bank Card Kibawlsakthei Kiho masakna ding: 012 367 4665

Sign up to vote on this title
UsefulNot useful