Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

“YMA chu \anpui ngaite \anpuitu a ni”
Vol : XXI Issue No 48 Dawrpui News Kartin Chhuak Pathianni Nov 27, 2011

TUALCHHUNG
 THIL PEK : Pu Lalsawta, Bialtu MLA chuan Dawrpui Branch YMA Dawr thawm thatna atan Rs. 50,000/- min pe a, a chungah Branch YMA chuan lawmthu a sawi tak meuh meuh a ni.  AMLO : Pu Lalhmingliana Lalhmingliana, D Branch Senior Advisor pawh ni 24 November 2011 (Ningani) khan Guwahati-a in check-up a kal chu tluang takin a lo hawng.   R U A N G C H H U A K : Pi Vanlalngovi, kum - 60 Hmawngchuan, Zampui, Tripura ami chu Nov. 21, 2011 khan Aizawl Civil Hospital-ah a boral a, A ruang hi Dawrpui Multipurpose Centre-ah lak niin, heta tang hian thawn chhuah a ni.  Z IN DAWN : Pu Lianzama Pachuau, Vanapa Section Leader, Cultural Sub-Committee Chairman ni bawk chu Hornbill Festival Dec. 1 - 7, 2011 chhunga Kohima-a neih turah Mizo hnam lam entir turin a kal dawn. He kut hman tur hi North East a kut pui bera ngaih a ni.   D UTY : Nov. 19, 2011 (Inrinni) khan kan Branch YMA hruaitute mi engemawzat te chuan Veng chhung thenfai (Ruihhlo) hnatlang an nei a, hruaitute an kal tha thawkhat hle.  JOINT MEETING : Naktuk thawhtanni zan hian Dawrpui Local Council te leh veng chhunga NGO pawl hrang hrang hruaitute chuan Joint Meeting an nei dawn.  YMA B UNGRUA : YMA bungrua/bungbel te hi manchawia hawh theih a ni a, dilna siam thin tur a ni. Dilna siam lem lova mahni thua lo la chhuak mai thin kan awm a, hetiang ti leh hriat chhuah kan awm chuan Dawrpui News ah hian tarlan an ni tawh ang. A hawh duhte chuan an hawh duh zat ziakin Chairman, Property SubCommitee hnenah dilna an thehlut tur a ni.

CENTRAL CO-ORDINATION COMMITTEE VAWI 67-NA
Central Co-ordination Committee vawi 67-na chu Nov. 16, 2011 (Nilaini) chawhma dar 10:30 khan Central YMA Hall, Tuikhuahtlangah neih a ni a, member 178 lai tel theiin, kan Branch aiawhin Pu Vanlalbika, Secretary chu a tel. He Meeting hi Pu T. Sangkunga, President CYMA in kaihruaiin Pu Zothanga, Manipur Group YMA atanga lo kal chuan Meeting Pathian hnenah a hlan a, Chairman-in member lo kal te inhmelhriat tirna hun a hmang bawk. General Secretary Pu Vanlalruata hnen atangin Committee hmasa leh tun hun inkara hmalakna hrang hrang ngaihthlak a ni bawk. Thu rel hrang hrangte lo tarlang ila. I. Kumpuan chungchang: General Conference Kolasib-a neih zawh takin a pawm kan kumpuan “Ram leh Hnam Humhalh” kaihhruaina siam turah CCC member-ten an ngaihpawimawh zawng leh kaihhruaina a telh a duh ngei te sawihona an nei a, heng an sawihote hi Kumpuan kaihhruaina siam anih hunah hriattir ni se an ti. II. 66th YMA General Conference thlirletna: Chairman-in a sawm angin Pu Vanlalruata, General Secretary chuan Nov. 7, 2011 a CEC Meeting-in 66th YMA General Conference thlirletna an lo neih tawh dan chhiar chhuakin sawifiah ngaite a sawifiah nghal a, Conference neih zawh tak chu hetiang hian an thlirlet. 1. Programme a rei lutuk deuh niin a lang a, mipui lam chanvo tam zawk awm thei se an ti. 2. Sound System-in sawi a hlawh a, duh thu a sam lo deuh tih thu an sawi. 3. A thlengtu lam inbuatsaihna a tha tawk hle a, mikhual kan kal thalo deuh leh Palai in report lo an tam lutuk niin a lang. 4. Hruaitu hlun chawimawina neih thin hi tun aia hun thawl zawk inpek dan awm thei se tih thu an sawi ho bawk. III. General Conference thurel bawhzui dan tur chungchang: YMA KHAWIH : 1. Mizoram khawpui hrang hrangah Thlanmual intawm (Common Cemetery) kan neih theih nan Central YMA in hma la rawh se. 2. Mizorama Project/Industry-ah leh leilung hausakna haichhuah kawngah ram leilung faten a tam thei ang ber hamthatna an dawn theih nan Central YMA-in hma la rawh se 3. Mizorama hnamdang dan lova sumdawngte hi YMA hian dapchhuah hna hi tun aia chak zawkin hma la rawh se. 4. Kan ram tuihna humhalh leh a awmsa tihpun zel a nih theih nan Central YMA-in hma la rawh se. SORKAR KHAWIH: 1. Mizoramah zirna a lo that zawk theih nan thingtlang leh khawpuiah rualkhai thei ang berin zirtirtu, Sorkar-in siksawi rawh se. 2. Tribal hmaichhia Non Tribal pasal neite, an pasalte hnam vuan tura Dan (Supreme Court Ruling) awmsa hi Mizoramah khauh zawka kalpui nise, hnamdang Mizo hminga an hming thlak thinte hi ram leilungfate chanvo humhalh nan Sorkarin khapna khauh takin siam rawh se. 3. School Academic Session tuna kan hman mek hi India State dangte tih dan milin April-March-ah thlak turin Sorkar ngen ni rawh se. 4. Labour Law kan neih ang angte kenkawh kawngah Sorkarin chak zawka hma la turin Central YMA-in ngen rawh se. 5. Mizoramah hmun remchang chuha Bawk khawha khawper din thin hi a awm tawh lohna turin hmalak ni rawh se. Heng thurel YMA khawih leh Sorkar khawih zawng zawngte hi bawhzui dan tur ngun taka sawiho a nih hnuin Central Executive Committee ten a tul anga an lo bawhzui vek tura dah a ni.

2

Dawrpui

News

Kartin chhuak

Pathianni

Nov 27, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Cir. Manager : Vanlalhuma Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

CENTRAL YMA THUCHHUAK
Assam Police ten an duh, an nawm an maka an tih theih loh avanga, Mizo tlangval pawisawi lo pathumLalhmingmawia (24), Zemabawk, 42nd Rashtrya Rifles (Srinagar-a awm), Lalawmpuia (22), Dilkawn, 7th Assam Regiment (Punjab-a awm) Zoremthara (21), East Lungdar, 7th Assam Regiment (Punjab-a awm) te Gharmura hmuna Assam Police ten ni 11.11.2011-a an chuanna Maxi Cab ti dinga an sawisa hi Central YMA chuan pawi a ti takzet a. Hetianga mi pawisawi lo chunga kutthlak tute hi Central YMA chuan a dem takzet a, thil tisualtute hi an phu tawka hremna pek ngei a phut tlat a ni. Bairabi-a kan Branch YMA leh khawtlang mipuiin kut tuarte thlavang hauh nana an hmalakna hi Central YMA chuan a ngaihluin a thlawp tlat a, Mizo mipui ten a hun taka kan tanrualna kan lantir thin hi Central YMA chuan lawmawm a ti tak meuh a ni. Mizoram Sorkar chuan kum 2011 Krismas leh Kumthar 2012 vuakvetah Halpuah leh Halmawi zawrh leh hal a khap a. Halpuah leh Halmawite hi mihringte tana tangkaina nei lo, hriselna tichhe thei, a lo thlawna sum tam tak sen ralna a nih bawk avangin, Central YMA chuan mitinte Halpuah leh Halmawi zuar lo tur leh hal lo turin a ngen a, Sub-Hqrs./Group leh Branch zawng zawngte mahni huamchhung theuhva hma lo la turin kan inngen bawk a ni. Tin, Silai lem a mu kahchhuah theih naupangin an hmang thin hi Central YMA chuan tha lo a ti bawk a, heng silai lem hi mi tam takin chhiat phah nan an hman tawh avangin, an fate lei sak lo turin nu leh pate kan ngen bawk a ni. Sd/- Vanlalruata General Secretary, Central YMA

Krismas Atan
Kristiante tana hunpui pawimawh leh hlu tak, Kristian lem lote tan pawh a, hun pawimawh ni ve tho Krismas a lo hnai ta hle mai. He hun lo thleng tur atan hian Dawrpui khatlang hi vengdang zawng aiin kan \an a ngai bik \hin a. Ruihhlo a lo hluar a, kawngkam (Mipui chanvo) ah inzuar an tam a, mipui an tam a, heng zawng zawng felfai zawka kalpui leh khawtlang mipuite thlamuanna leh himna hi kan zavaia mawhphurhna a ni. Kan khawtlang hruaituten theihtawp chhuah mahse, a harsatna chin a awm lotheilo a, mipui ten kan puihbawm leh kan \awiawm hi a ngai khawp mai. Kan hruaitute han \ang leh deuh se, “Khawtlang Duty” te pawh han tharthawh lehzual se. Mipui ten \awiawm \ha ila, kan tu kan fate an lo him ang a, Mas nuam tak kan hmang tlang thei ang. Krismas hi Lal Isua, khawvel mihringte tana a inpekna bul \anna a ni a. Krismas tak tak kan hman dawn chuan chumi nun zulzuia kan inpek ve a ngai a ni. Khawtlang tan thilpek pe ila, midang a neilo zawkte tan thilpek pe ila, kan nun a hlim ang a, khawtlang a lo nuam em em dawn a ni. Mahni seh seh mual hrangah tiin kan theihna mual mual Krismas atan i inbuatsaih ang u.

CYMA News
CADS chuan Nov 22, 2011 (Thawhlehni) khan Durtlangah Sumo pakhat a\angin Parvon Spas mum 2450 an man a. Vanlalruati d/o Ralkunga, Vairengte inti leh Lalramchhuanga s/o Darlianchhunga (L) Armed Veng inti hnen a\angin Proxyvon mum 855 an man bawk. CADS Duty-te vek hian Nov. 24, 2011 (Ningani) tlai khan Lalrozama (Mena tia koh) Lausau, Falam, Myanmar chu an man a. Lalrozama hian hmeichhe pakhat a zuar kual \hin a, vai hnenah te Rs. 300/- te in a hralh \hin a ni. Tunhma deuh khan Lalrozama hi CADS-te hian Kristia Hnung Zuitute |awng\ai Bethel Camping Centre-ah an dah a, a tlan chhuak leh nia sawi a ni.

KUM 2012 YMA DAWRPUI BRANCH HRUAITU INTHLAN HRIATTIRNA December ni 6, 2011 (Thawhlehni), zan dar 7-ah, Dawrpui sikul tualah kum 2012 hruaitu thar thlanna neih tur a ni a, he hunah hian Dawrpui YMA member zawng zawngte kal vek tura ngen leh hriattir kan ni e.

SAWMNA
Kan fanu Jennifer Lalthanzuali (Mami) Leh Henry Lalhmachhuana (Valtea) December 9, 2011 (Zirtawpni) chhun dar 12:00 a Lamphel Pat (Imphal) Presbyterian Biak In-a an Inneihna min hriatpui tur leh, December 1, 2011 (Ningani) chawhnu dar 2:00 a kan In lama a thlahna hun min hmanpui turin Dawrpui veng mipuite kan sawm a che u. Lalthanpara te nupa Roselin Villa Zion Street, Dawrpui.

Sd/Secretary, DYMA

3

Dawrpui

News

Kartin chhuak

Pathianni

Nov 27, 2011

KRISTIANTE LEH KRISMAS
- Vanhmingliana Krismas leh History : Kan hriat chian em em ‘Krismas’ tih hi Old English atanga lak chhuah ‘Christmesse’ chumi awmzia chu “Christo’Mass” tihna a ni. Mass tih hi Catholic Kohhrana Lalpa zanriah buatsaiha rawngbawlna tihna a ni. He thil hi kum zabi laihawl vel atanga Isua Krista piancham lawm nana Zanlai-Mass-December ni 25 tlai atanga an lo neih thin atanga lo chhuak a ni. Tawng dang chuan ‘Nativity’ (Latin = Natalis - Isua pian ni) emaw zan thianghlim (Holy Nights) tiin an lo vuah a ni. He Kristiante kut ni chanchin dik tak hi a chiang em em lo. Chanchin ziak mite chuan Isua Krista pian ni hman tanna hi kum zabi 4-na vel atanga intan niin an sawi. Kristian thenkhat thung erawh chuan Isua Krista thihna kha March ni 25 ah an chhut a, ngaihruatnain December ni 25 atanga chhut letin a hma thla kua ah chuan a lo piang ngei turah ngaih a ni ta a, tichuan Isua Krista chu March ni 25 ah an pian tir ta a nih chu. Hrilhfiahna tam ber erawh chu, Krismas tih hian Rom ho sakhaw biak dan leh rin danin, Ni hi hneh theih loh ni a an dahna - Roman Cult of the invincible sun - Latin, Sol Invictus - nen inzawmna neiin, Ni lo pian nawn lehna December ni 25 chu an lawm ta a ni an ti. Hei hian Isua Krista lo pianna atana eng a pawimawhzia lantirin, Luka 1:78,79 in a lo sawi angin ‘Eng’ hian pawimawhna nasa tak a nei reng a ni. Kristiante hi Pathian thu awihlo, ramhuai biate (Pagan) kut lachhawng leh chhawma min puhna pawh tlanglawn taka hriat a ni ta reng a ni. Thil ni thei chu ni mahse, dik taka zuk chhuichhuah kelh chu thil harsa tak a ni. Krismas leh Ringtute : Thil pahnih pawimawh tak tak Kristiante hian kan pawm phawt tur a awm. 1. Isua Krista pianna ni hi engvangin nge Pathianin a lehkhabu thianghlim-ah emaw record dang reng rengah emaw hriattirna min pek loh, a chhan kan hre lo a ni. Chuvangin kan chhut buai vak pawh ngaiin a lang lo. 2. Khawvela Kristian ten December ni 25 hi Isua Krista pianna ni atan an hmang vek a, he ni hi kan thlak a tulna chhan pawh a awm hek lo. Hei hi chu mimal chhia leh tha hriatna a dahthat mai hi a finthlak ber mai awm e. Kan chhandamtu min chhandam tura hringmi alo channa hi a pawimawh ber chu a ni a. Krismas alo thlen changte hian mihringa alo pian nawnna thuruk te chu kan thinlungah dahin, Pathian fapa tisa-a lo chang (Johana 1:14) tih a sawite hi ngaihtuah ila. Siamtu chu thil siamah, sual thiltihtheihna leh thihna lak ata min chhanchhuak tura a lo chang ta maite hi lawm ila. Isua pianni (The Nativity) hi mihringte tana thilthlawnpek, Pathianin thilpek hlu ber min pe a ni tih pawm ila. Van atanga chhang nung kan tan liau liau Pa Pathianin min pek a ni. Chanchintha chu Krismas hunah hian puang ila. Kha zan thianghlimah khan Van Angelte pawhin Berampute hnena chanchintha an puang ang khan, “Hlau suh ula ngai rawh u, mitin tana chanchintha lawmawm em em ka rawn thlen che u a ni” (Luka 2:10,11). Van Angelte zai rimawi chu chhawn ve in, khawvel pumpuiah remna leh muanna, hlauhna laka kan lo neih theih nan kan Lal Isua Krista chu i fak ang u. Krismas hian Bethlehem nau piang ngei chu a mite lam turin mihringte zingah alo kal leh ngei dawn a ni tih min hriatnawn tir theuh rawh se. Amen.

HRISELNA

Kuhva Ei
- Dr. Thangchungnunga, MS (Ortho)
Kuhva ei kan tih hian a tlangpuiin Panhnah Kuhva rah leh Chinai hi a ni deuh ber a. Panhnah pawh hi chi hnih ah \hen leh theih a ni a, a pangngai leh a thlum chi. Allergy nei te phei chuan a thlum chi hi an ei hlei theilo a ni, kan panhnah pawh hi Zo-pan leh Phai-pan a awm leh a, a content pawh a inang chiah veklo. Kan sawi tum ber chu kan taksaa a thawhdan a ni. Panhnah leh Kuhva ah hian Chemical chikhat Histamin an tih ang hi a awm a, hei hi thisen dawt ti te thei (Blood Vessels Spasm) a ni. Hei hian thisen kal a ti tlem a, lu a na duh a, B.P sang neisa phei chuan eiloh a \ha. Tin, a kuhva hrim hrim hi pumpui Acid hian a chiah zawp hneh lova. |hial sawmin kan lem na a, a kuhva hi chu a ngai ang angin a chhuak leh \hin. Biate- a kan awmlaia ka thingzaitute pahnih, kuhva heh em em mai an awm a, thing tuluang ekna bik an nei a, thla hnih an ek chhung khan thildang chu a ral vek a, a kumleha ka va kal chuan kuhva dip Kg. 2 vel tur hi a lo awm \euh mai a, ei hian pumin a digest lo tih a tichiang hle. Tin, chinai kan hman hi tihdanglam loh (Raw) a ni a, Calcium Carbonate a ni a, hei hian kan taksa tana pawimawh tur Iron, Chromium bakah Chemical chi hrang hrang pumpuiin a hip tur hi a dangchar tlat a, kuhva ei nasa chuan Iron an tlachham deuh zel \hin. Hb (Haemoglobin) test pawhin an sang vak ngai lo. A \hatna awmchhun ni awm bera lang chu, ka rimtuilo tihreh nan leh ka chhung awl mai mai tur hnawhkhahna a ni ber. Pumpui Ulcer kaichhuaktu atan a \ha hle bawk a, pumpui ulcer rei lutuk hi cancer ah a chang duh bawk. Ei zel nge ei tlem tih chu i thu thu a ni mai.

THLANMUAL HMINGTHLAK FEL TA
Mizorama thlanmual upa ber ni a hriat, Dawrpui Thlanmual Chhinga veng/Armed veng a awm, mi hmingtha leh mi ropui tak tak te lo phumna hmun leh Zoram a thlanmual hmingthang ber Dawrpui thlanmual kum 100-na hmel hmu mek chu, hun rei tak sawrkar Department LAD kuta a hming awm chu, a neitu veng Dawrpui YMA hminga hmingthlak fel a ni ta, he thlanmual hlu takah hian veng paruk ten tunah hian in phum mekin, a pass No. chu 62 of 1990 a ni a, a zauzawng chu 70000 sqm, 753253 Sqft, 51.33 Bigha a zau a ni. Dawrpui thlanmual hi Dawrpui Branch YMA kaihhruaina in, Dawrpui thlanmual Committee din in an enkawl mek a, hetah hian vengdang YMA-te nen Committee member 34 awmin, nimin pawh khan thlanmual Committee hi Dawrpui Sikulah kumtawp Committee an nei a ni

HOME MISSION SCHOOL ADMISSION
Admission Reservation Forms open for Class IX (Nine) will be issued from December 1, 2011 (Thursday). ONLY Few seats available. Please contact the School Office during working hours or Call 2306009/2340924. Sd/- Principal Home Mission School McDonald Hill, Aizawl.

4

Dawrpui

News

Kartin chhuak

Pathianni

Nov 27, 2011

ADMISSION
Central YMA hnuaia IGNOU Special Study Centreah, Bachelor Preparatory Programme (BPP) BA zirna kailawn leh Certificate in Disaster Mamagement (CDM) te December 15, 2011 thleng Admission a tih theih a, zir duh tan a rang lama ngaihven chi a ni e. 1. Course - Bachelor Preparatory Programme (BPP) Duration - 6 Months Admis. Fee - Rs. 1,100/Zir thei chin - India khua leh tui kum 18 tling chin. Passport Size 3 copies, Asstested copy of Tribal Certificate, Asstested copy of Residential Certificate, Age Proff Certificate (Birth/Baptisma/Educational Certificate) 2. Course - Certificate in Disaster Mamagement (CDM) Duration - 6 Months Admis. Fee - Rs. 1,850/Zir thei chin - 10+2 emaw a tlukpui pass tan Pasport size 3 copies, Asstested of Tribal Certificate, Asstested copy of Residential Certificate, Marksheet & Certificate (Cl-X-XII) 3. Course - Diploma in Early Childhood Care & Education (DECE) Duration - 1 Year Admis. Fee - Rs. 1,950/Zir thei chin - 10+2 emaw a tlukpui pass tan

PRESBYTERIAN
Nov. 27, 2011 (Pathianni)

Sunday School
|antu : Pu Lalthansanga, Bial VI

Chawhnu Inkhawm
Pre - Christmas Musical Meet, 2011 Hruaitu : Upa F. Lalfakzuala Zaipawl : Upa Bial - IV, VIII, I Kawl Kristian Fellowship Children For Christ Solo : Nl. Lalrinchhani Nl. Lalhruathlui Thuchah tawi : Upa Lalbiakltuanga Item dang dang a awm bawk ang.

Zan Inkhawm
Hruaitu Zaipawl : Upa Dr. R. Lalzauva : Kohhran Zaipawl Upa Bial - II & VII Bial Masihi Sangati Dawrpui Bial Zaipawl Solo : Pu P.C. Lianhmingthanga Nl. Sarah Lalngaihawmi Thuchah tawi : Upa R. Zodingliana Item dang dang a awm bawk ang.

Pasport size 3 copies, Asstested of Tribal Certificate, Asstested copy of Residential Certificate, Marksheet & Certificate (Cl-X-XII). Admission Fee hi hmuh let leh vek theih a ni a, Lehkhabu a thlawna dawn a ni bawk a, a thlawn liau liau a zirna a ni. Hre chiang duh tan Central YMA Office-ah emaw, Coordinator Dr. C. Lalthlengliana, Mobie - 9612163379 ah zawhfiah theih a ni e.

K.|.P.
Nov 27, 2011
A hmun Hruaitu |antu

|awng\ai Inkhawm

: Fellowship Hall : Nl. Lalhmangaihsangi. Khawngaihna Gr. : Tv. H. Laldinpuia, Chhandamna Gr.

Ngaihdan
 Gas-O-Gas : Ni 22, 2011 (Thawhlehni), khan Kanteen Kualah Gas an sem khan Gas bur 14 lai thuhruka awm chu hmuhchhuah a ni a. Thudawnna in a sawi dan chuan heng gas bur 14 te hi, Gas bur ruak karah zeh ruk a ni a, Gas la tura kal changloten an hmu chhuaka, heng Gas bur 14 thuhruk te hi sem zawh leh vek a ni. Gas la tu pakhat chuan Gas phurtu hian Gas bur 10 lai a rawn phurtling lo a tiin a sawi. Tun hnai maia Jail Venga sem a nih tum pawh khan Gas bur 90 rawn keng anga in sawi si khan, consumer 87 chauhin an changa, Gas bur 90 tlinlohna bur 3 hi a phurtu ten an rawn phur thlengin a ruak sa a ni tiin thudawnna chuan a sawi bawk. Hetiang anga Gas bur khawih chingpen hi sawi tur a awm leh zauh thin. Dawrpui vengte chan tur liau liau a changtu tur ten an chang lo fo mai hi a pawi a, thuneitu ten enfiah vat se a tha hle ang. TV.Ch-a  vengah hian Bawlhhlawh paih man hi veng chhung Kan dawrah khawn thin a ni a, a paih man pe ve lo In tinah hian khawn ve ni se ava tha awm em. An paih ve duh tho si a, an thawh hreh bikin ka ring lo. - Dawr nei-a

Nov 28, 2011

Thawh\anni Zan

Inkhawm
Hruaitu |antu Thilpek : Tv. Lalremruata, c/m : Nl.Nancy Zonunthari, ChhandamnaGr. : 1. Tv. Joshua Zoremkima, KhawngaihnGr. 2. Tv. Rempuia, Khawngaihna Gr.

Kumpuan thupui sawitu : Nl. Lalthlangliani Faith Promise : Tv. Hmingthanzuala, Hmangaihna Gr. hlantu (Damlo Pual Thipek bawm hun a ni ang) (Sports kharna leh lawmman sem a hun hman a ni ang)

NAUPANGTE TAN
School chawlh chhungin Spoken English leh Basic Computer Course zirna hawn a ni dawn ta e. Seat a tam loh avangin kal hmasa apiang duhsak an ni ang. M.F. Institute Dawrpui, Aizawl Ph: 9436141752, 9615232309

Published by Y.M.A., Dawrpui Branch, Printed at G.S. Offset Printers, Treasury Square

Sign up to vote on this title
UsefulNot useful