Purok 1, Blk. 86, Lot 73, Balaybay Resettelement, Castillejos, Zamables October 13, 2010 KAPATID EDUARDO V.

MANALO Tagapamahalang Pangkalahatan, IGLESIA NI CRISTO # 1 Central Avenue, Diliman, Quezon City

THRU: KAPATID ELISEO D. VALLE, JR. Tagapamahala ng Distrito IGLESIA NI CRISTO Distrito ng Zambales South

MAHAL NA TAGAPAMAHALA: Ako po si G. Danilo V. Rogayan Jr. ng Barangay Balaybay, kasalukuyan po akong naglilingkod bilang Sangguniang Kabataan (SK) Chairman sa aming barangay at sa darating pong eleksyon ay lalahok bilang isa sa mga tatakbong Barangay Kagawad ng aming barangay, sa ilalim po ng partido ni Kapitan Ferdinand S. Pona. Ako po ay sumulat upang malugod na hilingin na mapabilang sa susuportahan ng kaisahan ng Banal na Iglesia. Sa akin pong panunungkulan bilang SK Chairman sa loob ng humigit-kumulang tatlong taon, masasabi ko po na naging mabunga at makahulugan ang aking paglilingkod lalung-lalo na para sa mga kapwa ko kabataan sa aming barangay. Kabilang po sa ating mga nagawa ay ang mga sumusunod: 1. Pagbibigay ng mga libreng gamit sa paaralan para sa mga indigent pupils ng barangay upang mabigyan sila ng pagkakataon na makapag-aral sa kabila ng kahirapan ng kani-kanilang mga magulang; 2. Pagsasagawa ng mga supplemental feeding programs para sa mga malnourished children sa barangay upang matulungan sila sa pagpapanatili ng malusog na pangangatawan at isipan; 3. Pagsusulong ng kampanya laban sa paggamit ng ipinagbabawal na droga sa pamamagitan ng paglalagay ng mga babala (slogans) hinggil sa masamang dulot nito; 4. Pangangalaga ng ating kalikasan at pananatili ng kalinisan ng kapaligiran sa mga isinagawang tree-planting activities at regular na community clean-up drive.

5. Pagsasagawa ng mga sports activity gaya ng Palarong Pambarangay na nagbibigay ng pagkakataon sa mga kabataan na makaiwas sa paggamit ng droga at upang mapaunlad nila ang kanilang aspetong pisikal; 6. Pag-sasagawa ng mga pagtitipon na siyang nagbibigay sa mga kabataan ng pagkakataon na makadaupang-palad ang iba pang kabataan sa barangay gaya ng Paskuhang Kabataan na siyang nagpapatibay sa samahan ng mga kabataan sa aming barangay; 7. Pagbibigay ng pagkakataon sa mga kabataan na maipamalas ang kanilang talento sa pamamagitan ng mga patimpalak gaya ng Gabi ng Galing at Talento, paligsahan sa pag-awit at pag-sayaw tuwing kapistahan ng barangay. 8. Pagpapaunlad ng kulturang Filipino sa aming barangay sa pamamagitan ng pagpapamalas ng mga kabataan ng kanilang husay sa pagsasayaw ng mga folk dances at pag-awit ng mga folk songs tuwing Gabi ng Kultura, bilang isa sa mga gawain tuwing pista ng barangay; 9. Pagbibigay ng pagsasanay sa mga kabataan hinggil sa epektibong pamumuno na siyang mahalagang paghahanda sapagkat ang mga kabataan ang siyang mga susunod na hahalili sa mga kasalukuyang pinuno ngayon ng komunidad maging ng ating bansa; at 10. Pagbibigay ng tulong sa mga kabataang may mga kaso ng pang-aabuso sa tulong na rin ng PREDA Foundation, Inc. na kung saan ang inyong lingkod ay isang aktibong kasapi ng organisasyong pangkabataan nito.

Iyan po ang ilan sa aking mga mahahalagang mga nagawa para sa aming barangay at kapag ako po ay palaring mahalal bilang Barangay Kagawad ay gagampanan kong muli nang walang pag-iimbot ang mga pananagutang kaakibat po ng aking posisyon sa gabay at patnubay ng Panginoong Diyos. Hindi rin po ako gagawa ng anumang bagay na ikasisira ng reputasyon ko bilang isang indibidwal at hindi gagawa ng mga bagay na lalabag sa doktrina at tuntunin ng Iglesia ni Cristo. Umaasa po ako sa inyong positibong pagtugon sa liham na ito at sa inyong mahalagang suporta. Marami pong salamat! Mabuhay po ang Iglesia ni Cristo!

Lubos na gumagalang,

DANILO V. ROGAYAN JR. Kandidato, Barangay Kagawad

Sign up to vote on this title
UsefulNot useful