Motto

:
* Hun awl hmanthat * Kristian nundan tha n g a ih s a n * Zofate hmasawnna ngaihtuah

‘Nang Malsawmna ni ang che’

Thupui : ‘Ram leh Hnam Humhalh’
Estd. : 24. 10. 1994 Pro. Permit No - 25 of 2004 Chanchinbu, Branch YMA, Serkawn : Kartin

Thuvawn ‘YMA chu tanpui ngaite tanpuitu a ni’ Chhuak Phek 1- na

Vol - XVII Issue No. 131 the 4th March 2012 (Inrinni) : Darthlalang

YMA Thu Hla
Damlo
Chanchin kan lakkhawm laiin kan vengchhung mi hengte hi Christian Hospital Serkawnah an awm: 1. H Lalramnghaki Sec-V 3. Lalramngaii Sec-II 4. Rinkima Sec-VI CHS Blood Bank dinhmun
A 1 B 6 AB Nil O 10

1.

Khawhar Inriak: Pi R Rohmingthangi Section-II thihna avanga Upa F Aihranga te ina khawhar inriak te:1. R Zothansanga 2. R Lalengkima 3. C Hmingthansanga 4. Freddie Lalduhawma 5. C Lalrammuana 6. Peter Lalbiaksanga 7. T Laldingpuia 8. R Lalmalsawma 9. C Vanlalhruaia 2. Drama Competition: Dt 8.3.2012 a neih tur Sub Headquarters YMA huaihawt Drama Competition-ah kan branch hmingin tel ve tum a ni a. Inpuahchahna a kal mek a, pakhatna nih ngei kan tum. Drama buaipui tura kan sawm te tlawmngaih chhuahin an rawn tel thei a, ngawrh takin tunah an zir chho mek a ni. Kan drama chan tur hi Pu C Lalengkima Sec-III ziah a ni. 3. Relief Thu Thar: YMA thutphah siamna tur leh kuang siam nana hman tur thingphek 50 chah thlen a ni a. Tlawmngaih chhuaha min buaipui saktu Pu R Vanlalthiana Sec-II chungah lawmthu kan sawi a ni. 4. Ramdangmi Chungchang: Ramdangmi (foreigner) inluah tir lo turin kan inngen thar leh a. Tin, India ram hmundang atanga lokal, ILP fel tak nei lote chu in luahtir lo turin kan inhriattir leh bawk a ni. Tin, kan inluahtu turte’n pem lehkha an neih leh neih loh finfiah hmasa zel turin kan inngen a. Pem lehkha neilote chu inluah tir lo turin kan inngen nawn leh a ni. Kan zavaia kan himna atan kan inluahtute hi SYMA hnena report zel turin kan inngen a. He ngenna hi mi thenkhatin an zawm that viau rualin la zawm tha tawk lote pawh kan awm a. Buaina leh Harsatna liantham kan tawh loh nan kan inluahte YMA-ah i report zel ang u 5. Blanket Suk Hnatlang Thulh A Ni: SYMA Section II te’n Dt 3.3.2012 a blanket suk hnatlang neih tura lo tarlan tawh chu thulh rih a ni. Mipuite kan han inhriattir a ni e.

# Pu Samuel Lalronunga Sec-III (s/o Pi R Zothansangi Sec-I) chu Aizawl lamah in enkawl turin Dt 28.2.2012 khan phurh phei a ni a. Dt 29.2.2012 khan Damdawiin ah admit a ni. Np Lalmuanzuala s/o Pu Joseph H Rorelliana Sec-IV chu Civil Hospital Lungleiah enkawl mek a ni bawk. Tv C Lalhmachhuana Sec-III chu a u, Pu C Lalbiakmawia damlo kalpuiin Bombay lamah an kal mek tih kan lo hria. Dam lohna vanga hmundanga kal te dam taka lo haw leh thuai turin kan duhsak e. # Kan Jt Editor Tv ZD Lalremruata pawh Dt 28.2.2012 khan Pu Samuel Lalronunga kalpuiin Aizawl lamah a va kal. # Dt 7 - 11 March 2012 hian BCM Assembly chu BCM Electirc Veng Biak Inah neih a ni dawn a. Kan veng atangin BCM puipate leh Kohhran hruaitu mi pawimawh engngemawzat leh zaipawlte an tel dawn niin kan lo hria. Assembly 2012 thupuiah hian “Thianghlimn” tih a ni ang a. Rev H Sangchema Sec-II chu Pathianni chawhnua Lalpa Zanriah buatsaihtu niin Upa LT Muana Sec-III chu a sempuitu atan ruat a ni bawk.

Central YMA President -in YMA Kumpuan A Hawng
Kum 2012 atana YMA Kumpuan “Ram Leh Hnam Humhalh” tih chu Dt 28.2.2012 khan Chanmari YMA Hall, Aizawlah CYMA President Pu T Sangkunga’n a hawng. Hawnna inkhawm hi Pu Lalbiakzuala CYMA Vice President-in kaihruaiin Seminar leh Leadership Training atan hman nghal bawk a ni. CYMA President chuan YMA - in kumpuan a lo hman tawhte avangin kan khatwlang nunah hmasawnna tam tak a thlen tawh thu sawiin “Sawichhiatna leh do letna tam tak karah YMA Kumpuan hian Mizoram leh thalai te tan hlawkna tam tak a thlen a ni” a ti. “Ram Leh Hnam Humhalh” thupui hmanga seminar paper buatsaihtu Pu JH Zoremthanga (Ex CYMA Pre) chuan “Kan rama hnamdang mi awm, vai leh khawchhak lam mi ho hnen atangin zir tur tam tak kan nei, hnathawh hreh an nei lova, sorkar atanga engmah hmuh beisei lovin thawh tur an hmuh a piang an thawk zak lova, indona thianghlim an puang a, an ralthuam chu taihmakna, dawhtheihna chhelna leh inngaihtlawmnate a ni...” a ti bawk. Leadership Training paper buatsaihtu K Sapdanga CEC member chuan “Hnatlanga kan thawh theih chi ah pawh sorkar atanga tanpuina kan beisei thin te, YMA Programme-a khuallian atan thu tha min hrilh thei aia hmathatna engngemaw min pe thei sawm kan ching te, YMA hruaitute zinga YMA Dan hre peih lo kan tam ta lutuk te hi inenfiah a tul ta hle a ni” a ti.
Kumpuan: “Ram Leh Hnam Humhalh” Ph - 8974362101

Conference Kal Theuh Tum Ang Aw... Buarpuiah
Ph - 8014773591

Vol - XVII Issue No. 131 the 4th March 2012 (Inrinni) : Darthlalang

Chanchinbu,

Branch YMA,

Serkawn :

Kartin

Chhuak

Phek 2- na

YMA Chhang Pual
Kan VC Thlan Thar Hi.....
Tuna Serkawn VC kan thlanchhuah thar te hi.... a engamah hmain han sawisel nghal chiam mai ila, a HIT duh reuh viau maithei.... Mahse, tun tumah chuan, Serkawn mipuite’n kan aiawha kan khawtlang roreltu tura kan thlanchhuahte an ni tih hre ta zawk ila. Keima mimal leh DEB member te aiawhin kan VC thar panga te hi lawmpuina leh duhsakna ka hlan nawn leh e. SERKAWN VC - SERKAWN MIPUITE TA.... Mipui thlan tlin an ni a, anmahni zahlohna an thuawih lohna hi mipui zah lohna a ni a, dan bawhchhiatna a ni. Chutih laiin VC te pawhin anmahni thlangtu mipuite hmaah langtlangin an awm tur a ni a, an VC nih chhan leh VC-a anmahni siamtu mipuite an hrereng tur a ni bawk ang. Mipuite lakah an inhawng tur a ni a, mi chhe ber leh daikilkara mi pawh thliar lovin hna an thawk tur a ni. Congress VC emaw MNF VC emaw an ni tawh lova, Serkawn VC an ni tih anmahni leh mipuite’n i hria ang u.... Party unit lam pawhin hei hi an hriat a ngai a. VC te tlin theih nana sulsutu chu party an nih rualin VC neitu chu mipui an ni. KAN PHU TAWK VC: “Utawk pawh ni se ka vote ang...” tih lam chu sawi ta lo ila. Serkawnah hian ‘Utawk pawh VCP/VC ni se VC tha tak nih theih dan a awm - Serkawn mipui changkang, Zosapte din khua leh tui, mi fel tak tak, ‘A Ngaihna Hria’ tam tak awmna khuaah hian, mipui lamin thurawn tha kan pek a, kan tawiawm thiam phawt chuan tu tan mah VC hna tha taka thawh hi a huphurhawm loh, VC tha tak chu kan nei thei ngei ang. A lehlamah hetiang mi zahawm ve fu fu, ropui leh fel fu fu awmkhawm te hian, kan kher neuh neuh a, kan sawisel a, kan zar buai vaih chuan - Hetiang Khaw Changkangah hian eng anga mi tha leh ropui tan pawh VC/ hruaitu tha a neih theih loh hialin a rinawm. Chuvangin Serkawn mipuite hian kan dawm kan a, kan thawhpui a, kan puihbawm dan mil zelin VC tha/ tha lo kan nei ang. Kan thlanchhuah te hi chu a symbol kengtu mai an ni, khawtlang tana an thawhna kawngah puitu an ngai. Tuna tlingte hi kan thlante an ni emaw ni lo emaw, kan party an ni emaw ni lo emaw, rilru thianghlim takin i thawhpui ang u..... Pu C Valbuanga (RIP) Ex VCM Serkawn hian ‘Serkawna VC te thil tha tih tam tak hi kan lehkhathiam leh thil hrezaute min puih thinna vang a ni’ tiin a sawi thin an ti a. Khawtlang mipuite’n kan thiamna leh theihna zawn theuh vah kan tawiawm a kan thawhpui thiam chuan VC/VCP te chu Hitler-a, Churchill-a, Rosilaia emaw Rotuibura pawh ni se, buaina tur a awm lo. A TAWP NAN THURAWN CHHE TE: VC te hi khawtlanga hmasawnna hna thawktu (development agency) pawimawh tak an ni tih chu kan hre theuh va. NREGS, Mual laih, Step siam, footpath etc hi an hna chu a ni teh meuh mai. Hetih lai hian Zoram pumah pawh VC te hi khawtlanga thubuai/ hlabuai rem leh hremna lekkawh tur thlenga thuneihna (Magisterial Power) neitu an nihna hi kan la hre tawk lo hle. Helam kawnga an thuneihna hi VC te hian a tul hunah chuan khawng zawk leh chak zawkin kalpui thei thin se a lawmawm hle ang. Laklawh deuh vin tawp daih teh ang. VC thar te duhsakna ka hlan nawn leh a che u....

March Ni Pawimawh Te
March Thla hi Mizo Tawng chuan Vau Thla tih a ni a. Mizorama kan thing par neih lar leh mawi em em Fartuah leh Vaube te an vul thla a ni leh ta reng mai. Mizoramah chuan nipui intan chhoh hun a ni. Kumin March Thla hian Ni 8 zanah thla a bial (Full Moon) ang a, Ni 18 zanah a mang ang. March Thla a ni pawimawh langsar deuh deuh te:8th March: International Womens Day:Khawvel pumah hmeichhiate ni atan hman thin a ni. Hmeichhiate hi Pathianin min siamdan phungah mipate aia chak lo zawk an ni a, mipate tana hlauhawm loh hmeichhe harsatna bik hrang hrang a awm. Hengte avang hian hmeichhiate hian a bika chhawmdawlna an ngai a, helam pang inzirtirna hun atan hman a ni thin. Pasalte ngamna ni tihna lam a ni lo.... March Ni 8 hi Hindu sakhaw betute ni pawimawh Holi an tih mai kha a ni bawk a, India ramah chuan National Holiday a ni ang. ‘Festival of Colour’ an vuah a, rawng leh perfume te nen an inhnawih/ in theh chiam thin a ni. 15th March: World Disabled Day:- UN chuan kum tin hemi ni hi khawvel pumah Rualbanlote Ni atan a hmang thin. 21st March: World Forest Day:- Khawvel puma ramngaw cherau zel tur venna ni. United Nations Environment Programme huaihawta hman a ni thin.

Happy Leap Year Birthday....
Naupang Lalnunpuia Punte s/o Pu P Lalvenpuia Sec-II hi Feb 29, 2008 a piang kha a ni a, Dt 29.2.2012 khan a birthday vawikhatna chhungkhat lainate nen chawhlui kilhovin an lawm.... Kan lawmpui e.... Leap Year Ni, 29th February-a piang kan hriat theih dang chu DT agent tangkai tak lo ni tawh thin, Nancy Lalbiakmawii Khiangte d/o Dr Lawmtea Sec-III leh Pi Lianthangi Sec-I te an ni Happy Birthday, in zavaiin....

YMA member 3,70,544
Central YMA General Secretary, Pu Vanlalruata chuan, Chanmary YMA Hall a Feb 28, 2012 a YMA Kumpuan hawnna inkhawmah tuna YMA dinhmun tharlam ber hetiang hian a puang:1 2 3 4 YMA Member Zawng Zawng Sub Headquarters Group Branch 370544 5 46 787

Phek thumna ami chhunzawmna....
avangin thirfian a hmang kher lo a, kutin a bar maia, a nalh leh em em tho a, a nu em em tho a, a changkang tel tho bawk mawle! zing dar 7:00 a.m ah Veng chhak nula Kawl-i te an la zan lai tluk tluk laiin Zonunmawii erawh hi chuan kan hneha tho leh Nazareth Tlangval hniakhnung zuiin hma takah a tho chhuak daih tawh thin. Zonunmawii, ka duhna tizualtu ber chu Pathian tih mi a nihna hi a ni. Tuk tin fianrial hmang mi a nihnate, a rin Pathiana innghat mi a nihnate hian min hneh takzet a, hei hi amah star lo thei lova min siamtu leh, inthlahrung tak leh hreh tak chunga he thu min ziah tir tu hi a ni!

E Mail: Darthlalang@gmail.com/ WWW.Facebook.com/Darthlalang

Vol - XVII Issue No. 131 the 4th March 2012 (Inrinni) : Darthlalang

Chanchinbu,

Branch YMA,

Serkawn :

Kartin

Chhuak

Phek 3- na

Rev Dr HS Luaia (1908 - ....)
-R Thangzuala Sec-II BCM hruaitu hmasate kha han chhunzawm leh lawk teh ang. An chanchin tawi kan ziakte kha, kum zabi 19-a piang hlir an la ni a. Kum 1900 hmaa piang pastor pali lai Rev Dokunga, Rev Thanzinga, Rev L Thangmurha leh Rev Padeha te ho hi kan kal kan rih dawn a ni. Rev Dr HS Luaia hi kum 1908 ah Tawipui South a piang a ni a. A pa hi Suakkunga Hrahsel hnam a ni. A nu in kum 1915 kum velah Kristianah a hming a lo dah sak a. Kum 1919 ah Lungrang (Thiltlang) ah Rev Haudala’n baptisma a chantir. Tin, school a zirna lamah 1923 ah Upper primary School a pass a. Kum 1925 ah Middle English a pass leh a ni. Tichuan, kum 1926 ah zirtirtu hna a thawk nghal a. Khuanghlumah kum hnih a thawk a, kum 1928 ah Darzo ah a thawk leh a, kum 1929 ah nupui a neih hmain Kohhran Upa ah thlan a ni ta bawk a. Zirtirtu ah hian kum kua lai a thawk a, nupui a nei a, fa pahnih a neih hnuin Cherra Theological College-ah Pathian Thu kum thum a zir a, heta a zir zawh hnu hian kum 1938 ah Tirhkoh hna a thawk phawt a, kum 1939-ah Thiltlang khuaah Rev Challiana Murray-in pastor atan a nemnghet a. Pastor-a nemngheh a nih atang hian bial neia thawkin Lunglei Rahsiveng atanga Bualpui H thleng a enkawl a. Kum 1946 ah Church Secretary hna Kohhranin an siam thar a. He hna thawk tur hian Rev Dr HS Luaia hi thlan a ni a, kum nga lai thlan nawn a nih avangin kum 1971 thleng a thawk a ni. Bial neia a thawh lai khan Rs 11/- PM hlawhin a thawk a. Church Secy a nih takah chuan a tanna ah pawh Rs 45/- lai a hlawh ta a ni. A hna avang hian chhungkuain Serkawnah an awm a ngai ta a. United Missionary Training College, England-a training turin Mission-in an tir a. A lo haw leh hnu chuan a hna ngai thawk leh turin tih a ni a, tun tumah hi chuan General secretary tih a ni ta a. term nga lai a thawk ta a ni. GS hna a thawh loh hnu hian 1971 - 77 thlengin Zoram Baptist Mission (ZBM) hna a la thawk ta cheu a ni. Kum 60 a lo tlin a, a chawlh (retire) hnuah pawh kum hnih zet reemploy-in kum 10 chhung lai Bazar Bialah te, Bible School Zirtirtuah te Hospital Chaplain-ah te rawih a ni zel a. Kum 1984 ah a retire tak tak thei ta chauh a ni. A lo retire tak hnu pawh hian Bazar Pastor Bial chairman a la ni ta zak zak a. Lunglei Branch Bible Society chairman-ah te pawh an la hmang ta fo bawk. Lehkhabu te pawh 10 emaw lai chu a la ziak ta fo va. Chungte chu:i) Paul-a Chanchin ii) Exodus Hrilhfiahna iii) Sunday School Hruaina iv Thlarau Thianghlim Thu v)Inkhawm Kaihhruai Dan vi) Pathian Thu Sawi Dan vii) Fuihna Lehkhathawn viii) Tawngtaina Bu ix) Chhimbial Kohhran Chanchin (revised) x) Kristian Vanram Kawngzawh Thu Kaihtawi) Secretary a nih lai hian Mizo Union hlimsang leh Mizoram Buai te a lo chhuak a. heng thilah te hian Kohhran leh khawtlang humhalhtu berah a tang thei zel a ni. Kohhrana a rawngbawlna avang hian Burma - Chin Hills, Bhutan, Darjeling, Tripura, W Bengal te, England, Scotland leh Wales ram te atlawh a, Pathianin a hman dan hi a makin a ropui takmeuh a ni. A rawngbawl thin a Lalpa avang hian tisa leh thlarauvah ‘Mihrâng’ tih ngam a ni. Tin, Pathian Thu sawi hi a thiam danglam hlein ka hria. A Bible chang thlan atang hian ngaithlatu mipuite suangtuahpui phak loh ngaihnawm leh tha em em hian a sawi thei ziah. Amah ngei pawhin “Pathian leh Kohhran ho hnenah heng avang hian lawmthu ka sawi a ni” a ti. Tunah hian kum 104 na a hmang mek a ni, Lalpa’n awmpui zel rawh se.... contd....

ZONUNMAWII (AN IDEAL MIZO LADY)
-Ruata 4 Cabin Tunlai tawngkam takin Zonunmawii hi ka star a ni! ani chuan ka star tih pawh a hre kher lo ang, keimah ang tho a ngaizawngtu leh star tu pawh an tam. Khawtlang hriat meuha starte hming han sawi chu mi a ni leng tan lo chuan a tih hian a tih chi loh hrim hrim, mahse a ni hi zawng at pui tham a tling reng a tin ni! Mi tam tak chu mahni hming pu zo lem lo tak hi kan tama, Lalfela tih hming pu fel hauh si lo te, Lalngaihsaka tih hmingpu Pathian ngaihsak reng reng lo te kan tam mai, Zonunmawii erawh hi chuan a hming hi pu zo ah ah tak a ni. A hming hi thumal pathum in a siam a ni a, thumal pahnih angah pawh a ngaih theih e, kei chuan pahnihah ka then sak, ZONUN tih leh MAWI tihin, a hran ve ve a thlur bing dawn pawhin he thumal pahnihin a ken leh a kawh hi chu a hlen chhuak vah vah hle a..ti hian ka han sawi ve na a, dik tak chuan ka tawngkam thiamin a hril chhuak zo mawlh lo ve. A inti sap miah lova, a inla Korean hek lo. A rualpuiten korean fashion an uar laite, Lady Gaga an entawn sup sup lai pawhin a ni erawh a principle-ah a chiang, Mizo ni na na korean ang nih a tulin a hre lo a, Mizo nula ni na na, sap nula anga awm a tulna lah a hre hek lo. Mizo nula takin a awma, a inti Mizo hle a ni. Suk leh sum inlaichinna hi a tul hunah chuan thiltihin a lan tir thei mai zela. Tui a chawi thiama, masi chhang ban tur leh hunpuia ei tur chhangban den pawh thiam tak a ni. A chhangban den chu a tui bik thin riau lehnghal. Buh thlei a thiam nala, chhemthei mawina a pawh pha tlat bawk. Ar a lawi thiama, mite ngaiha tul lemlo puan tah pawh zu han thiam lehzel a mawle. Ka ngaihsan em em na chhan pakhat chu mizo lam hrang hrang nal taka a thiam kim vek hi a ni. Hip-hop beat leh r&b rimawi ruala kan tunlai thangthar nulate an insawi thiam em em laia kan zozia, zonunmawiin a ken tel, lam mawi tak takte an thiam leh si loh lai hian, Zonunmawii hi chuan nal takin a thiam vek a ni. A lam han intheh vel an hmuh hi chuan kawmthlang Pu Hrawm-a te pawh an khi vun vun zel mawle. A hawihhawma, a zawm thaw lova, a duh apiang ngam bawrh bawrh chi a ni hek lo. Naupangte hi an nih angin a chhawn chhaih thiama, puitling, nu leh pate biangbiak a thiamin, pitar leh putar tante hian a ngainatawm thin em em a ni. Tlangvalte star rawn a ni a, fapa nei nu leh pa apiangin mo atana an awh rawn a ni a. A nula puite entawn ber a ni bawk. Thawmhnaw brand leh, tunlai tawngkam taka Ori takin a inchei hi ka hmu mang lo, thawmhnaw mawl te te hi a ha tlangpuia, mahse a nalh em em reng tho mai. A vawk chaw chhum lai pawh hi, veng chhak nula lepler ve tak Pian-i te inchei ai pawhin nalh ka tiin mawi ka la ti zawk. Hetiang a engtik lai pawha a nalh reng thei hi eng dang vang a ni lo, a nungchang hian a zir em vang a ni. A nungchang mawi tak hian thawmhnaw man tam leh tha aiin a nun leh a lan dan hi a cheimawi em em a ni. Ruaithehnaah in tih no kual vel tum

Phekhnihnaah chhunzawm a ni....

Thuvawn: “YMA chu tanpui ngaite tanpuitu a ni”

Vol - XVII Issue No. 131 the 4th March 2012 (Inrinni) : Darthlalang Chanchinbu,

Branch YMA,

Serkawn :

Kartin

Chhuak

Phek 4- na

Lawmthu Sawina
Serkawn Village Council Election chu Dt 23.2.2012 (Ningani) khan tluang taka neih a ni ta a. Hemi chungchangah hian lawmthu sawina tur tam tak a awm a, chungte chu:1. YMA Serkawn Branch ten PA System hmanga a tul apiang min puanzar sak a, inthlan ni ah Voter’s Slip lo pe chhuakin nilengin an lo duty a. An thawhrimna avangin hun bituk chhungin inthlanna tluang taka neih zawh hman a ni. 2. Vice Principal leh Staff, BHSS Junior Section te inpekna leh thawhpuina nasa tak kan dawng a. Kan mamawh kan sawi ang apianbg min tihsak a, chet a awlsam phah hle a ni. 3. Serkawn Unit Congress ten Polling Official te tan tukthuan tui tak min buatsaih sak a, kan lawm hle a ni. 4. Serkawn Village Council te’n Polling Official te leh Counting Official te tan zanriah tui tak min buatsaih sak bawk a, kan lawm takzet a ni. 5. Serkawn khawtlang mipuite tawiawmna nasa tak kan hmu a, kan thupuan te ngai pawimawh a, hun bituk chhunga harsatna leh buaina awm lova vote kan thlak zo vek thei kha a lawmawm a. Tin, boruak tha leh muanawm tak hnuaia vote chhiar a ni te kha a lawmawm takzet a ni. Tin, a hnuai amite hi Village Council Serkawn member atana thlan tlin te an ni a. Dt 28.2.2012 (Thawhlehni) khan Executive Body hetiang hian an insiam fel a ni:-

Sumo Ticket A Awm....
Eric-a Dawr, Bazar Shed Opposite-ah hengte hi a awm e:Lunglei, Tlabung, Silchar, Chawngte (Day & Night & Hire System) a awm reng e. TOP-UP Connection kim leh Flight Ticket (Domestic & International) a awm bawk. Tin, nitin mamawh hrang hrang tlawm takin kan zuar a, min rawn pan ve teh. -Manager

Tuarpuina
Pi R Rohmingthangi (Kum 61) w/o Upa F Aihranga Section-II chuan Dt 27.2.2012 Zan Dar 7:00 khan Chatuan Ram min pansan a. Dt 28.2.2012 khan Serkawn Thlanmualah vuiliam a ni. Pawi kan tiin kan tuarpui takzet a. A kalsan tak a pasal leh a tu leh fate zawng zawng Pathianin vengin thlamuan zel se kan duhsak takzet a ni.

Chhungtinte Hnena Lawmthu Sawina
Serkawn Village Council Inthlannah chhungtin te’n in vote hlu tak in thlak avangin a hmasain lawmthu kan hrilh a che u. In vote hlu tak avangin MNF leh MPC atangin member pahnih Pu C Lalnghinga leh Pu C Zonunsiama an lo tling ve ta hi kan lawm takzet a. Vote hlu tak min petu zawng zawng chungah lawmthu MNF leh MPC te chuan kan sawi a ni - Isuued by MNF & MPC Serkawn

Sl No 1 2 3 4 5

Hming K Hrangkima Lalrammuana K Zodinsanga C Lalnghinga C Zonunsiama

Party INC INC INC MNF MNF

Desicnation President Vice President Treasurer Member Member

Darthlalang ti ti

ZU LEH RUIHHLO HI..... MIMAWL APIANGAH AN THAWK NA
@ Issue hmasa lamah kan tarlan hmaih palh - VC Election Ni a luck ber - Nl Helen Sec-II Asst Secretary..... Inthlan ni a CK ber - Tv U Dina SecIV.... Mahni Voter Number theihnghilh zing ber Tv U Ramthara Sec-V....VC inthlan nuam ti ber Tv Lawma Sec III @ Pu Muanzova Section-III pawh VC atangin RC ah dam takin a lo let leh ta e (RC = Relief Committee....) @ U Remsiama (TUV) Sec-II leh Freddy- a Sec-II te hian scooter awmna hriat loh hian scooter number hi dial a har hle tih an hre chhuak ta.... @ Serkawna nauawi ring thei ber - Pu Biaka Sec-I hi a ni an ti..... A thlalak rawn dah tel kan tum a, space a awm tlat lo.... @ Kan member Tv Sawmtea te ho nen hian team din ila Tv Muana Pachuau Sec III pawh hi telh ve ila.A hmingah ‘Heiraw Evangilistic Team’ ti ila.A lam tawi ah ‘HET’ ti ila a tha angem???? @ Facebook atanga campaign peih nazawngin facebook atangin lawmthu an sawi kher lo...Zirlai facebook peih nazawngin an zirlaibu an face peih kher lo..Nu leh Pa te u, CHECK...... @ Pi Hma-i w/o Pu PT Thana Sec-II hian an pa a phone a, a la thei si lova, ‘I phone Silencerah i dah emi?” te a ti vel.....

sd/SAICHAMA KHIANGTE Returning Officer Election to Village Council Serkawn

VC Hriattirna
Khua a lo thalin hmun tinah kangmei chhuak vanga chhiatna thleng thawm hriattur a awm leh ta. Serkawn Mipuite kangmei laka fimkhur turin kan inngenin kan inhriattir a. A hnuai amite hi Serkawn mipuite’n kan zawm theuh dawn nia. i) Lo/Huan hal tur vat zawng zawngin February Thla chhungin VC hnenah hriattir tur a ni a. March Ni 15 hma ngeiin hal vek tur a ni. Hei hi huan/loneitute’n kan zawm theuh dawn nia. Tin, kan lo/huan hal turin ram dang a kn kai loh nan mei kawng tha tak sial vek turin kan inhriattir a, hemi zawm lova ram tikangtute manchhuah an nih chuan dan anga hrem an ni ang. ii) Kangmei chhuak a awm a nih chuan rang takin Fire Dept emaw khawtlang hruaitute emaw kan hriattir thin dawn nia. sd/H THANCHIANGA Secretary Village Council Serkwn

Published and Edited by Lalbeiseia Pachuau for and on behalf of Branch YMA, Serkawn : Printed at Dengro Print Lunglei, 430 Copies

Sign up to vote on this title
UsefulNot useful