P. 1
BMA AW 27.09.09

BMA AW 27.09.09

|Views: 13|Likes:

More info:

Published by: Samuel Lalrozâma Hmar on May 16, 2012
Copyright:Attribution Non-commercial

Availability:

Read on Scribd mobile: iPhone, iPad and Android.
download as PDF, TXT or read online from Scribd
See more
See less

05/16/2012

pdf

text

original

BMA AW

An Official Organ of The Bangalore Mizo Association
Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 26

Bangalore Mizo Association Pathianni Tin Chhuak Chanchinbu

Date: Sept 27, 2009

KEIMAHNI:  BMA League’09 chu Nandan Ground, Austin Town-ah nimin khan tluang taka zawh a ni ta. Report kimchang a chhûngah.  Silver Jubilee Celebration Closing Function-a kan khuallian tur, Mizoram Chief Minister zahawm tak Pu Lal Thanhawla pawh midangte nen, 1st October tlai dar ruk velah a lo thleng dâwn. BMA OB ten BIAL Airport ah an lo hmuak dâwn a ni.  Hnatlang Ropui tak koh a ni. Kan Programme inbuatsaih nan hian October ni 1 ah hnatlang koh a ni a (leaders – Rev.R. Lalthanmawia, Rev.Vanlaldika, leh Rev.K.Sâpthanga), mi zawng zawng kal turin kan in ngen e. BMA Executive Committee member te chu kim taka kal tur a ni. Chhun chaw ei zawhah UTC kan pan khawm dawn nia.  Jubilee closing programme hmang tur hian 2nd Oct zîng dar 11am thlen kim theuh tur a ni a intur tui tak tak sem a ni ang. Hun hi kan VC in min kaihruai anga, chumi hnuah chhun chaw, lei ngai loin, tui tak buatsaih a ni dawn a, ei zawh chawhnu dar 2:00-ah programme \an leh a ni ang.  Thla thar a\anga BMA AW enkawlturte: Editor: Lalhruaitluanga, UVCE, Jt.Editors: Sawmtei Khawlhring & Samuel Lalrozama Hmar. Contributors: Hminga Pachuau leh Zairemsiama, Dr.AIT. Circulating Managers: Thaarie Hnamte & Blessy Sailo.

HRINGNUN HLIMTHLÂ Hringnun kalsiam hi dâwn ve teh, Tah leh nuih insûlpelna hmun; Lungawina kim rêng awm lohna hmun hi, ‘A chak chak dinchhuahna,’ an ti! Hringnun kal i her rem theih nân Harha thoin hmalam pan ding la; Chatuana nun tuihnâng neihna turin, Tunah i nunkhua sial rawh le. Hringnun sana herlai a la tâwp ang, Hringnun luipui luang lai a la châwl ang; Engkim mai hi puan anga chul tur, A kumhlun tur erawh - Hremhmun leh Vân.

-K.Remruatfela

Thiamna sâng zawk nei tur leh mite ruala hmasâwnna rahbi rahkai phâk ve beisei chungin Zoram khawvel a\ang pawha a hming kan hriat lâr em em, zirna hmunpui ti hiala kan lo sawi \hin, ‘Bangalore’ khawpui chu kan rawn chuângkai ve ta a. Thla khat êrawrh chauh la awm mah ila, zirlai tam tak min zirchhuah tir hmanin, kan pastor duhawm tak takte hnen a\angin Pathian thuchah ropui tak takte kan ngâithla \hin a. A bik takin chawlhni liam ta(13.09.09)-a sermon kan ngaihthlâk kha a ropui ka tiin ka rilru pawh a hneh viau a, a belhchhahna angrengin tlem kan thailang ve lawk ang e. Thu leh hla khawvela hming dai tawh ngai lo tur, Longfellow chuan hringnun khawvelah hlimna tluantling a awm lohzia leh, he khawvel, a chak chak dinchhuahna khawvela damkhawchhuak ve tur chuan tumruhna neih a ngaihzia thu chu uar takin ‘The Pslam of life’ tiin hringnun chona lian tak a siam a. Chutiang ang deuh bawk chuan hla phuahtu Thangluaia chuan ‘Khawvel nunna hi engnge ni?’ tiin hringnun zawhna khirhkhân tak chu a rawn chhawpchhuak a. Amah vêkin chû zawhna khirhkhân tak mai chu ‘Natna leh lungngaihna chauh, hlim leh lâwmna zawngte hi hlobet pangpar ang mai an ni,’ tiin min rawn chhânsak leh a. A ni lah taka, he hringnun khawvel han chhuikir tak tak hi chuan hlimna leh lungawina kim rêng hi a lo awm hauh lo mai a. Hlimna leh lungngaihna zawng zawngte hi a lo inbanlet tawn mai a lo ni. Kan mi ngaihsan leh an nun kan awh ngawih ngawih te pawh hi an lo hlim fâl bîk hauh loa. Mitin hian kan hlimna leh lungngaihna te hi kan inhriatpui tawn lo mai a lo ni. Mi tam takin an âtchilh leh khawvela drummer thiam ber nihna (title) an lo pek hial ‘THE WHO’ drummer Keith Moon te kha a nun chhûngril tak chu a lo awhawm bîk hauh loa, ruihhlo bâwihah nasa takin a lo tâlbuai a ni. Chutiang bawkin Nirvana frontman Kurt Cobain te kha amah leh amah a lo inkâphlum a nih kha! Han sawi zâu leh zêl ila, hmeichhe rocker ropui lutuk (kei phei chuan a ber ka tih hial) Janis Joplin hringnun te kha a lo khawngaihthlâkin a lo uiawm ka ti.... Ruihhlo bâwihah tâng ta lo se la chuan engtiang takin khawvel dêngchhuak ang maw...? (phêk lehlamah chhunzawm a ni…)

Vol. XV Issue No. 26

Bangalore Mizo Association Pathianni Tin Chhuak Chanchinbu

Date: Sept 27, 2009

Editor: Samuel Lalrozâma Hmar -(Mb) 9886447684 Jt.Editors: Josiah L. Râlte - (Mb) 9845020992 Thaarie Hnamte - (Mb) 9886145877 Cir.Managers: C Lalnipuii, Laldinmâwia Hnamte & Lalhruaitluanga Contributors: Paul Chhanhima & Rev. James Chuaukailiana. Email: bmanews@gmail.com Web.: www.bangaloremizo.info

EDITOR KAM CHHUAK Editor hna tlinglo tak maia kan chelh hun chhûng chu a lo zo ve ta hram e. Chhiartu mipui te’n kan tlinlohna te min hmuh tleuh saka duhsak takin thuziak \ha tak tak tein min rawn vûr \hin bawk avangin lawmthu ka sawi duh a ni. A chângin office-ah âwl laia BMA AW khawih \ul chang te a awm, bawhâr zai hriat ruala mut mû tuah châng te pawh a tam, chuvangin tihsual te pawh a awm nual \hin; he issue-ah ngei pawh hian ngaihdamna te kan rawn telh hi. A hmingin, dânin a phût angin, jt.editor te chu la ni dawn mah ila, kan khawih ve meuh tawh dawn loa, he chanchinphêk khalh kaltu thar hnenah duhsakna sâng ber ka hlân duh a ni. Bangalore mipui te hian, kan silver jubilee theme-in a kawh angin, hmasawnna kan ngah a, kan changkang tawh ka ti. Kan function neihah te pawh a lang, hetiang hian kal thei zel ila a duhawm hle… Chung Pathian hre zelin hmasâwn dân \ha takin hma i sawn zel ang u khai… (phêk hmaa mi chhunzawmna….) A nih leh khawvel hi chu kan vahvaihna leh kan khualzinna ram mai mai a ni tiin kan indawmkûn ringawt mai dâwn em ni? Hnai lo e. Mi tam tak chuan he hringnun chona huphurhawm tak hi an lo sual chhuak tawh a. Deff Leppard drummer Rick Allen te kha kut khinglam bul a ni asin! A vanduaina tawh avang khân beidawngin hnual mai se zawng tu khaw kha in kan hre lo ngei ang le... A vawkhatna atâna African mihâng zînga World Footballer of the Year tâna an thlan, George Weah te pawh hi harsatna leh vânduaina tinreng, keini phei chu beidawnga kun ngawih ngawihna tham tur harsatna tinrengte, pawhin an ûmzui tawh hnu pawh a, beidawng hauh loa huaisenna leh tumruhna nasa tak nen he hlawlhtlinna

kawng rawn zawh chho thei a nih hi! English footballer ropui Gary Linekar hringnun pawh hi a lo mâm bîk lo kher mai... Chutiang bawkin khawvela talk show lar ber pawl ‘ Oprah Winfrey talk show’ huaihawttu Oprah Winfrey hringnun hi kan tân chuan chona lian tak a tling. A sên têt a\angin a nu leh a pa an in\hen a, a pî bulah a khawsa chho naw naw a. Chu achhapah a cousin ngeiin vawi duai lo a pâwngsual zui bawk. Chutianga nasa chuan hringnun kawng bumboh a rawn zawh chho a ni. Mahse a zâm lo, harsatna ruam a\anga chawlhna tuikama a chawlh dân hi tuma’n kan hai lo. He khawvel hi a thim zâwng ringawta thlîr loin beiseina nung nen hmalam kan pan \hin tur a ni. Chutiang han sawikai tâkah chuan Louis Armstrong-a hla chuai thei lo - ‘What a wonderful world’ hi a ropui ka ti. Ani chuan ruahsur zawha chhimbâl rawng inchawih mawi tak taka rawn zâm chiai ang hian mihring hmêl hi a tehkhin a...! “The colours of the rainbow, So pretty in the sky, Are also on the face of people going by...!” a ti nia!! Ka sa nawn leh ang “ Are also on the face of people going by...” Hei hi chu Siamtu hla phuah ni awm tak a ni. Han inenchiang teh ang aw, mipui zi nuai nuai kâra kan kal leh kan tei vêl laia kan hmêlte hian vân boruak zaua mihring siamchhuah zawh loh rawng inchawih mawi taka êng \hin Chhimbâlte nen tehkhin tlâk kan ni meuh em le...? Chutiang bawkin a êng zawnga thlîr \hin mi tân chuan naupang lungchhe taka an \ap \hin te hi ngaihnawm a tling a. ‘White Lion’ khân engtinnge an tih kha? “ When the chlidren cry, then the new world begins...” an lo ti ve mêk bawk a nih kha! Ni e, Siamtu`n duh taka a siamte chu an hlu asin. He lei anchhedawnga kan awm chhûnga kan hriat reng \hin tur chu - he lei chhe theia ro khâwlkhâwm tur ni loin, sulrul leh tuiêkin a eichhiat theih lohna, rûkru te paw`n an rehpawh theih lohna hmuna ro khâwl khâwm tur kan ni tih hi. He khawvelah hian tumah kumhlun tur rêng kan awm loa, he khawvel ropuina zawng zawngte hian chuaini a la nei vek anga, he khawvelah hian saruak maiin kan lo pianga, saruak vêkin kan kir leh dâwn a ni. Chuvangin, a pawimawh ber chu chatuana kan kumhlun tawhna tur, khawvel dang lo la awm zêl tur atâna min chhandamtu, kan Lapa Isua Krista hmêl duhawm tak hmu thei tura inbuatsaih hi a ni. “Engkim mai hi puan anga chul tur; A kumhlun tur erawh - Hremhmun leh Vân” -------------------------- xox ----------------------(Mi lâr leh hmingthang \ha tak tak te a rawn târlang a, chutih rualin tuma hriat loha chêng ve reng pawh hi kan tam; hlawhtlinna kawng eng eng emaw kan nei \euh, harsatna te pawh kan tâwk nasa. Chuvangin he thu ziak \ha tak maia kan hmuh ang hian kan Lapa Isua Krista hmêl duhawm tak hmu thei turin inbuatsaih ila, beidawng loin hmala i pan zel ang u. He article ziaktu K.Remruatfela hi KLE Law College ah 1st. sem. LLb. 5th yrs courses a zir mek a ni.)
THUPHA CHAWINA LEH NGENNA – Editor. Issue hmasa (No.24),20.09.09, a kan article (Zonunmawi) chhuah kha thuziak danga mi thu \henkhat nen a lo inpawlh a, hei hi technical fault vang liau liau a ni a, kan thiamlohna leh (duh anga hun neih loh vanga) proof reading \hatlohna te avangin mipui leh a bik takin a ziaktu hnenah ngaihdam kan dil a, in mi hriatthiam ngei kan ngenin kan inbeisei e. Phek hnihnaa second para tlar lina a\ang khan phêk khatna kha a inzawm chiah tur a ni, a hma dang zawng kha chu khâ thuziaka tel lo a ni e; thuziak hran a mi a ni,

Vol. XV Issue No. 26

Bangalore Mizo Association Pathianni Tin Chhuak Chanchinbu

Date: Sept 27, 2009

BMA SILVER JUBILEE REPORT TAWI –Lalrinpuii, Secretary Sjcc BMA hi April ni 8, 1984 khan Bangalore a mizo tlem te awm te’n an lo din a ni, Kum 25 lai a lo liam ve reng mai a, BMA Executive Committee chuan Silver Jubilee hi ropui taka lawm a tum avangin Silver Jubilee celebration Organizing Committee hi kum 2007 a\ang daih khan a lo siam tawh a, chuta a khaipa ber chu Pu RL Rinawma, Chairman niin Pi Lalrinpuii, Secretary leh Pu Levis Siamliana, Treasurer te a lu lawk tak an ni bawk. Committee member engemaw zât an awm bawk a, a hunchhûng a rei deuh tawh avangin committee member te pawh kan inthlak deuh nual a. Tin treasurer atana ruat Pu Levis Siamlina chuchhungkaw lam remchan lohna avangin a aiah Tv Amos Lalremtluanga ruat a lo nitaa, a ni hian tun thlengin he hna hi a chelh chhunzawm. Pu RL Rinawma kaihhruaina hnuaiah he committee hian chak takin hma a la chho zar zar a, Budget atân Rs 2,50,000/- kan siam a, hemi thawkchhuak tur hian \an kan la nasa hle mai a, member tin te kan \angrual hlein kan hria; chhungkua, mimal hnathawka awm bakah zirlaite pawhin thawh tur kan ruat zat chu tlânchhe hauh loin an thawh ve a, thawh ve lo te tân pawh a la thawh theih reng a ni tih hre nghal bawk ila. Jubilee denchhen hian Programme tam tak kan hmang chho tawh a, kan hmachhawn la awm Jubilee closing prog. chu hetianga hman tura ruahman hi a ni:

BMA (1984 - 2009) Silver Jubilee Celebration Closing Ceremony
October 2, 2009 (Inrinni) Chawhnu dar 12. RANSON HALL, UTC, 63, MILLERS ROAD, BANGALORE

BMA Silver Jubilee Theme: ZOFÂTE HMASÂWNNA LEH (AN) HMABÂK
Hruaitu: Pi Lalrinpuii, President, BMA Chief Guest : Pu Lal Thanhawla, Hon’ble Chief Minister, Mizoram Guests of Honour: Pu Rin Sanga, Pu Lalrokhuma Pachuau, 1.HUNSERH: Rev. Dr. F. Hrangkhuma 2.SPECIAL ITEM : BMA Zaipawl 3.KHUALLIAN TE CHAWIMAWINA LEH THILPÊK HLANNA 4.RELEASE FUNCTION: Chhinlung Vol. XX– BMA Silver Jubilee Speical Edition, 2009. Release-tu: Pu Lal Thanhawla, Chief Minister, Mizoram 5.SPEECH: Chief Guest 6.SPECIAL ITEM : Vangpui Kut minu solo-a pakhatna 7.BMA Directory Release: Pi Ri-i Thanhawla 8.SPEECH: Pi Ri-i Thanhawla 9.SPECIAL ITEM: BMA Zaipawl 11.SPECIAL ITEM: Vangpui Kut Chheihlam lawmman pakhatna latu 12.SPEECH: R.L.Rinawma, Chairman, SJCC. 13.VANGPUI KUT HOUSE CHAMPIONSHIP PUANNA: Pi Ri-i Thanhawla. 14.SPECIAL ITEM: Vangpui Kut Mipa solo-a pakhatna 15.SPEECH: Pu H. T Sangliana (IPS retd)

16.ESSAY RESULT PUANNA LEH LÂWMMAN SEMNA: Pu Shivshankar (donor) 17.SPEECH: Pu Rin Sanga (IAS rtd) 18.HLA INPHUAHSIAK RESULT PUANNA LEH LAWMMAN HLANNA : Rev.K.Sâpthanga (donor) 19. SPEECH: Pu Lalrokhuma Pachuau IPS 20.VOTE OF THANKS: Tv. Madawnga Hauhnar, 10.FELICITATION: Pu H.T.Sangliana, Pu Rin Gen. Secy., BMA. Sanga, Pu Lalrokhuma Pachuau, Pu R.L. 21.BANNA =AWNGTAI: Rev. C. Lalmuankima Rinawma. Hlântu: Chief Guest ARKAI DEN ZAN…..VARIETY PROG. (Tlai 6– 9 p.m.) Music, martial arts, dance, fiamthu, rock concert etc. etc. He hunah hian YWAM Ministry lam a\angin ei tur tuihnai tak tak, thingpui, coffee, noodles, rice, momo etc. an rawn thur chhuak dawn. Tin, Security lam min vawn sak turin Leader:Rev.Vanlaldika. Members :Rev.C.Lalrochama. Rev H Lalhmingmawia, Rev LH Rawse, Rev A. Vanlaldinpuiia

Vol. XV Issue No. 26
th

Bangalore Mizo Association Pathianni Tin Chhuak Chanchinbu

Date: Sept 27, 2009

April 4 2009 khan Jubilee lawm \anna inaugural function hlawhtling takin kan nei thei a, tah chuan BMA President hmasa ber Dr John M Ralte chu khuallian at^n kan sâwm a, tin Secretaty hmasa ber Pu Lalrochuanga Pahuau chu khual zahawm atân kan sâwm bawk a, hun min rawn hmanpui thei ve ve a, kan prog. an ti phuisui hle a, an chungah kan lâwm hle a ni. Tin he hunah hian BMA hruaitu lo ni tawh te chawimawina felicitation leh Sovenir mi 167 hnen ah pêk an ni a, hei hian min tihlim in kan hruaitu hlui te pawhin an hlutin an lâwm hle tih kan hria a, kan lâwm takzet a ni. Inaugural function kan neih ni hian BMA din tirh a\anga tun thlenga Bangalore-a la awm te leh BMA member Senior te chawimawi nan Memento mawi tak kan hlân bawk. Inaugural ni kha hlâwk taka hman kan duh avangin chawhnu lamah Seminar ZOFATE HMASAWNNA LEH HMABAK tih hmangin kan nei a, resource person atan Pu Zohmingliana Hualngo, Head Human (Seminar) resource Air Bus & AEDS India te, Tv. H Vanlalhruaia, research Scholar leh Tv.Malsawmdawngliana, research Scholar, Hyderabad University te kan sâwm a, kan hlawkpuiin hun tha tak kan hmang thei a ni.. Tin Silver Jubilee lawm nan leh hriat reng nan Goodwill Girls HS leh Wesley EnglishChurch Old age Home ah thing kan phun bawk a ni. Vângpui Kût, 19.09.09, kan hmannaa kan debate thupui pawh kan jubilee theme based a siam a ni. Chubakah hla inphuahsiak leh essay inziah siak, Zofate, khawvel hmun tina awm te tana buatsaih, pawh kan theme based tho a ni a, a result hi Closing day a puan tur a ni. Tuna Silver Jubillee lawm nan hmachhawp kan neih te chu 2nd oct, 2009-ah hian a lawmna kharna closing function kan nei dawn a, hetah hian Mizoram Chief Minister Pu Lal Thanhawla chu khuallian atan kan sawm ang in, a ni’n min rawn hmanpui thei dawn a,.Tin, zân lamah Bangalore Mizo te hlim taka kan hun kan hman theih nan (Thingphun prog) ARKAIDEN ZAN hun kan hmang dawn bawk a, he hun hi mi tam takin an nghakhlel hle mai a, programe siam tute’n an uluk bawk a, hit hle turah ngaih a ni.participants te an in puahchah nasa hle tawh hle a Bangalore Mizo te he hunah hian lo tel \heuh turin kan in sâwm a ni. HRIATTÎRNA: Closing day (2nd Oct)-a mawhphurtu dangte: Video Camera: Tv Hminga Pachuau, Rev James Chuaukailiana Steel Camera: Pu Rinchamliana, Tv Alan Lalhriatpuia, Pu Paul Lalchhanhima. Decoration: Nl. Rebecca kaihhruaina hnuaiah Arkaiden Zan comt hoin an lo ti bawk ang. Ushers: Amos Lalremtluanga (Leader) Issac BT, Andrew Lalruatfela, Chris kane, Lalnundika, K Vanlalruata, Sawmteii Khawlhring, mami Khawlhring, Phillia L. Khiangte, Lalhmangaihi Tlau, Lalpanliani, Dingdingi, Mary Khozawl (Jubilee Zaipawl)

Vol. XV Issue No. 26

Bangalore Mizo Association Pathianni Tin Chhuak Chanchinbu

Date: Sept 27, 2009

BMA League’09 (H.V.L.T. MAWIA MEMORIAL TROPHY) special report – Sport secy.
BMA League 2009 chu Pathian zarah tluang takin kan zo fel ta!A nuamin mipui te min va chawk hlim hle! Teams leh players leh members te’n he tournament hi in tih hlawhtlin avangin, in zavaia chungah lawmthu BMA hruaitute leh BMA League Sub-Committee te aiawhin lawmthu ka rawn sawi e. BMA League 2009 chu 14th Aug 09 ah ropui taka kan au thawm pawh a ringa, an Teams \euh an fuih nasa \an hnuin, niminah Bangalore-a team \ha ber te thiam a, BMA League an ngaihhlut zia chu an rawn pahnihin Final khelin, a kharna ropui tak an rawn nei tilang chiang hle a ni. Game boruak pawh a sang a, thei hi Bangalore Mizo mipui te kan vannei hle a ni. Referee leh linesman tân te pawn ham thiam a har a, Final khelh hma hian 3rd place match khelh a ni tih dikloh kan lo nei a nih paw’n ngaihdam kan rawn a,Chukchuz leh Papa’s FC te an inkhel a, a tâwpah dil nghal ni se. He Final hmuhnawm takah hian chuan Chukchuz hi 2-0 a chakin 3-na an lo ni ta a. Sinlung FC te an fei hret zawk a, a tawpah chuan 2-1 Final hi Kolodyne FC leh Sinlung FC te’n an theih in Kolodyne FC te chu an hneh thei hram a ni. tawp chhuahin an rawn in khela, a hmuhnawm zia chu Hetianga inunauna ti \ha thei tu, ‘Event (BMA mipui te’n kan hre vek ang chu. Game a \ang em em a, League)’ kan nei thei hi Bangalore Mizo mipui te kan lâwm hle a ni .BMA League hi dam reng rawh se!! an inhnehtawk viau a, Final dik tak kan en a ni. Mipui Match Report: 3rd Place Match: Final: Chukchu’z 2 – 1 Papa’s FC Kolodyne FC 1-2 Sinlung FC Scorers:Lalchhandama 12,(7’),David Laldanfela Scorers:Beirathie 9(65’)-{Kolodyne FC}; Mangson 6,(48’)-{Chukchuz} ; Guiteson 21,(71’)-{Papa’s FC} 13(15’),Ngurneilal 15(50’)-{Sinlung FC) Cards: Lalfakzuala 21(YC)-{Chukchuz} ; Khuala 4 Cards: Beirapachha 10(YC)-{Kolodyne FC}; William (YC)- {Papa’sFC} Pudaite 11(YC),Muon Gangte 8(YC)-{Sinlung FC} MoM: Daniel,Chukchuz MoM: Ngurneilal,Sinlung FC 1st Prize: SINLUNG FC. HLVT Mawia Trophy+Rs 3000/(sponsored by Dr.Lalrinawmi Ralte) + Certificates Fair Play Award: Dr.A.I.T. FC. Trophy (Sponsored by Blessy & Angel Sailo) + Rs.500/(Sponsored by Pu Lalthangliana Murray) Statistics: 2nd Prize: KOLODYNE FC. Lalhluna Sailo Memorial trophy + Rs 1500(sponsored by Blessy Sailo & Angel Sailo) +certificates Best Player: JOSEPH REMLALRUATA, Kolodyne FC. Trophy (Sponsored by Blessy & Angel Sailo) + Rs.500/- (Sponsored by Pu Lalthangliana Murray) 3rd Prize: CHUKCHUZ FC. Rs.1000/- (sponsored by Mary Jones Hostel)

Best Goalkeeper: L.H.THATHA, Kolodyne FC. Trophy (Sponsored by Blessy & Angel Sailo) + Rs.500/(Sponsored Tv.Hmingthantluanga)

Top Scorers: ZOREMA (Genesis FC) BEIRATHIE (Kolodyne FC) LALCHHANDAMA (Chukchuz FC). Trophy (Sponsored by Blessy & Angel Sailo) + Rs.500/- (Sponsored by Tv. Amos Lalremtluanga) Others: Total number of Teams : 12 Total number of cards: 15 (Yellow) Total number of Matches: 21 (including play-off & Least Goals Conceded: Sinlung FC & Kolodyne FC (3) Friendly) Total number of Goals Scored: 71 Most Goals Conceded: UTC FC (13)

Vol. XV Issue No. 26

Bangalore Mizo Association Pathianni Tin Chhuak Chanchinbu

Date: Sept 27, 2009

BMA LEAGUE CHHUI LÊTNA TAWI - Editor Kum 2005-a BMA Executive committee meeting vawi li-na, June ni 18-a Pu PS Chhuasa Ina neih chuan hetiang hian a rel a:“BMA Senior Adviser Dr. Lalrinawmi Ralte in a pasal boralta Pu HVLT Mawia hriatrengna atân BMAah trophy thawh a duhthu kan dawng a. BMA Executive committee chuan lawmawm a tiin he duhsakna thilpek, hriatrengna atâna a rawn thawh hi lâwm takin kan dawng. He trophy hi Bangalore-a Mizo Football tournament neih tura kan ruahman mek lawmman atân hman nise kan ti a, trophy hmingah chuan ‘HVLT Mawia Memorial Trophy’ tih nise kan ti; a tournament hmingah ‘BMA League 2005’ tih nise. Dr. Lalrinawmi Ralte hian trophy lei nan hian Rs.2000 a rawn thawh a ni.” Grace Home FC te chu champion hmasa ber an ni. Championship leh Runner up medal bâkah best player, fair play, top scorer leh best keeper te tân trophy mawi Nl. Blessy te unau chuan an pa, Pu Lalhluna Sailo, 15th August 2005 a boral ta hriatreng nân, an hlân bawk a ni. A kum leh atan an ni unau vêk hian Runner up Trophy, an pa, Lalhluna Sailo hriat reng nan an rawn hlan tel ta a ni. Tun kum phei chu Silver jubilee kum a nih angin cash prize te a awm a, trophy leh certificates, neih hlen tur, kan tarlan tawh angin mi \hahnem ngai tak tak te’n an thawh a, a lawmawm tak zet a, Pathianin malsawm zel rawh se. He hun hlimawm leh lâwmawm tak hi Bangalore a chêng Zofate inlungrualna leh inpumkhatna ti langa ti thar zel tu pawh a ni. A trophy hming chawi chhan Pu Mawia pawh kan thinlungah a lo thar leh a, keini Martial arts khawvela lo dai zau ve deuh phei tân hi chuan nghilh theih reng a ni lo, he memorial trophy hi infiammi te chawkphurtu ni zel se kan ti…

TB (Tuberculosis) hi
Khawvela mihringte nunna suattu lian ber pakhat a ni.
MIZORAMAH kum tin TB vei thar 2000 vel an awm a, Nitin TB vei thar mi 5 zel an awm tihna a ni. TB vei enkawl loh chuan a KHÂKAH leh a KHUH leh HAHCHHIAU zâwngin TB hrik tam tak a thehdarh \hin. Chuap TB vei enkawl loh chuan kum khat chhûngin Midang 10-15 a kaichhawng thei a, Inenkawl ziktluak loh hi dam theih lohna bul a ni. Chuap TB vei finfiahna awlsam leh tha ber chu KHÂK EKZAM a ni. TB damdawi hi damdawi petu DOT Provider mithmuh lai ngeiin eitur a ni a, hei hi DOT – Directly Observed Treatment tih a ni. Hriatbelh duh i neih chuan – State TB Control Society, Directorate of Health Services Ph. : 0389 - 2314326/2316563 ah office hun chhûngin zawhfiah theih a ni e.

Vol. XV Issue No. 26

Bangalore Mizo Association Pathianni Tin Chhuak Chanchinbu

Date: Sept 27, 2009

VÂNGPUI KÛT: A TLÂNGPUI THLÎRLÊTNA – Rev.C.Vânlaldika Mizo pi leh pute hman \hin leh hman dân ni lo mahse, kan tunlai remchanna anga, BMA-in Vangpui KUT thinlung tak leh rilru inhmu tlang taka kan han hmang chu, Pastor nihna pawh kan theihnghilh \ep mai zawng a ni e. Zêp rual lohin a nuam thlâwt a ni. Kan thâwm hre phak ka hnam dang \hiante pawhin “a nawm hmel hle mai” tih min hrilh a, ka inchhuang viau mai. Mawhphurtu (Organizer) te’n min huaihawt thiam bawk a. Khami Nî khan kan hlim mai a ni lo a, kan lâwm tlâng bawkin ka hria. A chhampual ti sei vak loin i thlir let nghal mai teh ang: A. A \ha zâwnga thlîrna: 1. Ruahsûrin min ti buai lo hlauh mai kha a ropuiin a bawk. Education lam phei kha chu(h), kei a lâwmawm ngawt mai. A hmâ nî (Zirtawp Ni) khan khua ngiang pawhin sawi tur ka ngah ve hle mai. a chhe viau a, Kût Nî khân ruah a sûr anga min tibuai Remchang dang a awm leh kan la rawn ziak ang viau ang tih ka hlau a; ruah sûr loh nana \awngtai hial chu. kha ka tum a, mahse Kan President leh kan General Secretary-te tih turah ka dah ta zawk a nih kha. Khua a 6. A ninawm lo zawnga Programme siam dân in \ha tlat mai kha Pathian hnenah lawmthu sawi tur kan nei thiam ka ti lutuk. =ang zel rawh u. a ni. 7. Section Uniform (T-Shirt) khân min ti nalh 2. Kût NU leh Kût PA kha, Bangalore-a kan Nu leh Pate an (Smart) tlat bawk. Khatiang tih nachang in hria nih sa rêng vâng nge, Kût Nu leh Pa nih kha an inhmeh kha a \ha thlâwt a ni. Hnam dang pawhin, “In ka ti kher mai. Kût Nu phei kha chu – thei leh thei loa, dress kha a va \ha ve” min ti, ka chhuang lutuk. Jacoba ang maia “a tiang rinchhana” Kût NU min rawn nihsak kha a va fakawm em! BMA hruaitute hian an ruat 8. Nula leh tlangvâl Hall chhûnga lut \ha duh lo an thiam ka ti hle mai bawk. awm loin ka hria, chhunzawm zel teh u. Ka \an tlat che u a nia. 3. Kan President, Pi Lalrinpuii kha a phûr mai a ni lo, an Pa-in lo hrethiam sela, a zei ve hranpa hrim hrim ka ti (a 9. Hall bul velah Meizial zu an awm lo kha, a va star chu ka star em lo a nia). Idol thlante, Miss thlan vel ropui em! Kan tlangvâlte khân chhunzawm zel teh \uma a Host-tu pawh a ang a. Item tin mai kha u khai. A smart tlat! participant-te tana tih hlawhtlin châkawm takin a rawn present thiam kha, thlarau hnahnawh êm chu a ni bîk lo 10. Chheihlâm mawlh mai kha! A chheihlâm lai tak ang a, a Quality ang reng khawp mai. A ropui e! kha ka ti lo, a Mizo ze rawn lanna lai tak zawk mai kha maw, a va ropui ve! Kei, Pathian meuh 4. O.B. dangte pawhin kan President kha an thlâwp hneh fak tur pawha lam harsat mi tak hi min cho phur hlein a lang a, BMA hi kan la nung viau a ni tih an tilang. lutuk. Mahse maw, ka lam ngam thlâwt si lo. Ka A ropui hle mai bawk. va chân nasa em! 5. Kan Debate Thupui mawlh kha in thlang thiam lutuk, 11. Sound system a \ha thawkhat a, kan hmanraw neihin a zir lo deuh mai a ni. kan ram leh hnam tân a relevant thlâwt a ni. Idea zawng in lo nei tha na rawh e! A ropuiin a \ha leh khawp mai Sawi tur a tam lutuk, a lehlam zawngin i thlir ve thung tawh mai ang. B. A \hat tawk chiah lohna lam: 1. A hun takah kan \an thei \hin lo hi chu, kan awmnate a Kût Nu leh Kût Pa kha (kan Khualliante an ni ve mai hlat deuh hlawm vâng nge ni âw? a, lo \hutpui ve ta zawk sela, President nihna nen a inhmeh zâwk ang em? A tâwpah Lâwmthu sawina leh 2. Compere (an ti emaw ni?) atana President meuh kan \awngtaina hmangtu tur ko turin lo ding chhuak leh ta sela, a mawi zawk ang êm? Chutichuan, Pâwl hmang tlat mai kha chu, President nihna kha kan ti kalphung pawh a nih zâwk hmel. pamhmai deuh lo maw? Organizer a nihna (Chief Organizer a ni mah zawk nghe nghe) aiin kha function-a ‘Thupuangtu’ a ang zawk ta mah mai a, ka 3. Debate thupui kha a \hat viau laiin, Debator-te kha an \anna lam tur (an sawi tur lam) hrilh lâwk sa ni sela, lainat deuh. Uluk taka ngaihtuah chuan Pâwl pawh a \ha takin an lo inbuatsaih anga, mipui lam tân a hlâwk tizahawm lo deuhin ka hre tlat. President chuan, hun thlâk hle ang. Debate thiam tak takte an ni lehnghal a. \annaah min kaihruai sela. Hunserh leh Khatiang ringawt kha chuan debate thiam ang pawhin Announcement-te tih zawh a nih hnuah lo châwl an lang hlei nem maw. hahdam ve ta sela. Item chi hrang hrang tih lai chuan I lo bengvar lehzual nan, sms in , JOIN BloreMizo type la, 567678 ah thawn rawh le.

Vol. XV Issue No. 26

Bangalore Mizo Association Pathianni Tin Chhuak Chanchinbu

Date: Sept 27, 2009

4. Hall chhûngah khân Biakina kan \hutdan (in 8. Bangalore-ah Vângpui Kût hi kan hman chhan ka hnungchhawn zawng) a \hu pût lo khan a kualin \hu hre chiah lo na a, Mizo nunphung leh hnamze ta ila/ a in ep tawn zâwng khan, thupuangtu kha a humhalhna a ni deuh turah ka ngai a. Chutiang a nih laiah emaw ding sela, a tikut leh zualin, kha ai khan chuan, kan thu puan leh thusawi dangah Sâp\awng boruak a nuam zawk ngei ang. kan zep tam mah mah chuan ka hre deuh. Mizo \awnga sawi rem ngang lo a awm chuan thu hran ni 5. Chaw kha, man nei tur a nih kha puan lawk a ni lo sela. A nih loh vêk chuan, hnamdang tel ve te, entir nge? Mi tam takin a thlâwna ei tur emaw tiin Pawisa nân, Pi Claudia-te leh midangte hriatthiam tur angte hian eng emaw kan hnam zia leh phungchang lo in ring chiah lote pawh an awm âwm a sin. Bank a Sâp\awnga sawifiahte ni tal ta sela, an tan pawh a lo hnai hlauh a, ATM pan ta pawh an awm. nuam deuh ngei ang. 6. Naupang programme a tlem lutuk deuh. A hranpa hialin naupangte kha programme hmanpui ni ve ta 9. Member kal inchhiar hun kha a tlâi lutuk. Kha khân hun hman dik kan ngaih pawimawh tâwk loh zia a ti sela, Artuite emaw an lawm zawng tur sem ni sela, a lang. Punctuality aiin member kal tam lama Mark tikut deuh bawkin ka ring. Khati mai kha chuan hmuh \hat kha kan ngai pawimawh zawk a ang rih. naupangho kha hmuhnawm atâna siam/târ chhuak lek Function \an phat khan member inchhiarna kha neih kan ang deuh. ni zawk ta sela hmasâwnna kawng kan zawh a ti ang deuh tur. 7. Kan Nula fel leh kan Tlangvâl felte kha, an awmlai a nih chuan heitiang kût-ni-vâng thlaah hian chawimawi dân kawng awm sela chu a tikut deuhin 10. Arm Wrestling a awm lo kha chu Pu Levis K. ka ring (Nopui dawm kha ni ve mai ang a). Lalsiamliana khua a har deuh lo maw? Pu Editor. A tâwp berah chuan, Vangpui Kût min buatsaihsaktu BMA chungah lâwmthu ka sawi e. KA THLÎRLÊTPUI VE NA - Editor Hetiang miril tak maiin thlirlêtna min rawn neih sak thei hi a lâwmawm khawp mai, a rawtna rawn thawh zawng zawng te hi belhchian a dâwl a, hruaitute’n an vawn \hat ngei a rinawmin kan beisei bawk. Mahse zawhna angreng a rawn tel nual mai a, a tawp berah phei khi chuan min rawn k^wk deuh leh nghal a, chhiartu mipui te pawhin a chhânna in hriat ch^k kan ring a, keima thu thuin, ka hriat dan dik nia ka hriat, official thuchhuak niloin ka han sawi zui ve ange. 1.A hun taka kan \an theih lohna hi chu kan jubilee theme in a ken ang khan Zofate hma kan sâwn dan hi a la \hat tawk loh avang a ni ang. Mawhphurtu bik pawh kan awm chuang lo. Mitinin hmasâwn tum \heuh ila \ha ang. 2. President ber kha compere a ni tlat mai lo a, khami nî khân, min huikhawm zawk a ni; tin, hun dangah chuan khatiang khan kan hmuh pawh ka ring chiah lo. Kût pui ni ber a ni a, Zo takin kan che a, chhungril nun pawh hlim leh lawmin kan zinga mi pawimawh ber chuan min han chawk phûr ta zawk a ni. Heihi tihd^na tûn hma \ang pawha kan lo neih \hin a ni a, special items te leh stage performance \henkhat te awm dawn chuan compere tur te pawh inruat ch^ng a awm, mahse tun ang hun, mipui zawng zawng telna hun hman ang chîah kha chuan kan zinga lal berin min kaihhruai kha a mawi a, a âwm bawk a ni. Chu chu kan pâwl kalphung pawh a ni. Tin, kan President hi a zeiin (keipawhin ka star tihna nichuang loin) a pâwlte kaihhruai leh tihhlim a hnehin a tling tawk a ni tih târlanna chikhat te pawh a ni ve ta ang. 3. Debators te khân an sawi tur lam kha an hre lâwk a, mahse inpuahchahna hun neih \hat loh vang te leh Speaker in a duh anga inhmuhkhawmna hun pawh a amwtheih loh vang te leh tel tura te kha an rawn remchan leh loh vanga a tâwpa inpawhchawp leh te a awm nuk vângin duh angin an rawn ti\ha theilo a, pawi khawp mai. 4.Nia 5. Chu chu thil zialo tak a nih chu mawle, BMA AW-ah êm chuan kan chhuah lo na a, awmkim hun ber chângin, inkhawm bânah te pawh kan GS in a puang dum dum a nih kha. Mahse chu’ng mite chu kan hrethiam ang tûn \um chu, buai tlâng vek kan ni a, lo ngaithla ve hman lo te pawh an ni ta ang, an \hiante pawhin an lo hrilh theihnghilh te pawh a ni ta ang. Tin, hetiang ruai kan hotu te’n min buatsaih sak re re hian, kan pâwla sechhun tur mai leh vawkpa sûtnghâk han vawthlu tur mai kan vân avangin duhsak takin, hlêp awm miah loin, a man pangngai aia tlem deuh hret zawkin kan hmaah hian dawhkan min buatsaih sak \hin a, kan thlengte chu a luang liam reng ziah ta a lo ni. Ngai teh ka pu, jubilee closing erawh zawng chaw free a awm dawn alawm, hei hi chu ka rawn puang chhuak a BMA AW-ah meuh pawh; ei man awmlo tih hreloa sum tam tak rawn keng leh \un si in awma tu tu emaw chhhuahchhâl leh in tum chuan kan hrethiam tawh miah lo ang che u, a mimal tak pawhin ka sik sawk duh ang che u.  6. Tun kum chu programme a tam deuh vangin kan Kût prog. pawh tlem thei ang bera tih a ni a, chuvang chu a ni, naupang te kha an khawngaihthlak khawp mai, theih phei chu nise a mal te tea Kût chibai han bûk kual vek te pawh kha a duha, han piai \heuh te pawh ka châk, mahse chumi tur pawh chuan hun a awm ta lo a nih kha; kan naupan lai phei chu nise, ‘ka va ning e,’ ka ti hial ang.

Vol. XV Issue No. 26

Bangalore Mizo Association Pathianni Tin Chhuak Chanchinbu

Date: Sept 27, 2009

7. Ni e. 8. Yes, English a kan in communicate nasat over lutuk te pawh hian Mizo language kan forget mai dawn a, possibilities a awm apiang chuan Mizo language hi use thei hram ila a favorable khawp mai. Mahse chutianga han hriat hnem em em pawh ka nei lem lo kei tak phei chuan khami ni khan, ka rilru a chaka mizo \awngin ka lo let zung zung tâk vâng nge pawh ka hre bik chiah lo. Tin, Zo \awng hrethiam lo te tâna han sawi fiah vel kha chu a \hat rual rualin hunin min phuar beh tlat \hin vangin kawppui leh ‘hian \ha tak tak an nei thoa, an kawppui te’n an lo hrilhfiah mai turah dah deuh a ni. Tin, an kawppui te leh \hiante hian an zir em a an lo tlângnel ve sa hrim hrimin ka hria. 9.Ni e, member inchhiar kha kum dangah chuan a tir berah kan ti \hin a, mahse tun kum kha chu mark hmuh hnem duh vang pawh ni lem loin, kan dawhtheihna kan enchhinna veah te kan hmang deuh a, ‘a tawp thlenga awm peih peih section i ti ang aw!!’ tih ang deuh a ni, kan ngaihpawiawh ber – ‘chaw’ ei khama haw mai loin. Hei hi ‘hmasâwnna kawng kan zawh a ni’, tih theihna kawng zawk a lo ni. 10.Nia, kha Arm wrestling a awm lo kha chu khuâng loa châi te pawh kan ang \ep mai a, Pu Levis-a pawh a sek (a sek tel nge sek loin a chak \ung ringawt pawh ka hre lem loa) thlâwn ringawt mai a nih kha maw. Mahse sawi tawh ang khân minimum prog. a duan a nih tlat si vangin a tih vek theih ta lo a ni. Jubilee closing day a la awm lawm le. A tâwp ber atan chuan keipawh ka lâwm a, hetianga mi thil chhut peih kan awm te, kan section leaders te leh members \hahnem ngai tak tak te zârah hlawhtling takin hunpui kan hmang ral thei ta a nih kha.

BOOK CLUB By Rev. F. Hrângkhûma, Ph.D.

Book Club hi in zawm ve ngai tawh em? Bangalore Mizo zingah hian a din ve chi ang em? I han ngaihtuah tlang dâwn teh ang. Nikum khân Pasadena First Baptist Church chuan a duh apiang tân Book Club a din a. A tirah chuan sâwm vel chauh kan niin ka hria..Tunah chuan an tam ve fe ta mai. Sawmhnih aiin an tam tawhin ka hria. Kan tih dan chu – member te’n lehkhabu sawiho atân kan duh kan thlang a. A bu chanchin tawifel taka ziak Convener-in a thawn kual vek a. Chuta \ang chuan vote kan la a. Vote hmu tam ber kha sawiho atân kan thlang a. Hun emaw chen chhiarna hun kan rauta . Hun remchang hmasa berah kan kal khawm a, kan sawi ho \hin a ni. An \ul buai \hin em avangin tih zin chu a harsa khawp mai a. =um khat chiah ka tel ve thei a. Kan accident khân a nang ta a. Tun thleng hian min la hriattir ve fo. Ka tel pha tawh hlei lo a. Ka zawngchhang khawp mai. Nuam ka tiriau mai a. Kan hriatthiam dân te kan han thawh khawm liam liam a. Hriatthiam dân in ang lo te pawh kan han inhnial deuh hlek hlek bawk a. Hlim takin inpâwlhona hlawk tak kan nei a ni. A bengvâr thlâkin, rilru leh hriatthiamna lamah hmasâwnna ni ngei maiin ka hria. Mizote zingah a tih chi ve ang em? Mizote hi lehkha chhiar peih vak lo hnamah kan inngaiin ka hria. A dik mai thei. Mahse peih fe fe chu kan tam ve maw le. Bangaloreah pawh hian an tam awmin ka hre ru tlat. I din ve teh ang u ka ti tawp mai a ni. Sâwm vel chuan a \an theih mai ang. Convener kan thlang ang a. A harsa lo. E-Mailin engkim a tih theih vek a. Kan lehkhabu duhzawng, Religious or 'gious lêm lo pawh, lehkhabu \ha, thlang ila, Indian, Mizo, Western ziak pawh nise, chhiar tlak tak tak, ngaihnawm, finthlak bawk si. He’ng ‘The Monk Who Sold His Ferrari’ tih em ni kha? ‘The Shack’ tih te, Nai Paula ziak tih ang reng te, Classic lam, history, science Fiction lam. Hlimawm tak, hlawk thei deuh tur a nia. Alvin Tofler ziak, the Third Wave te, Power Shift te hi kan thlan vaih chuan ka chhiar chhuah phah ve dawn a. Thlahnih danah bu khat emaw, thlathum danah emaw kan rem chan dan ang zelin chhiar ta ila. Tihian ka'n rawt teh ang. Bangalore Mizo Book Club din duh chuan min SMS ngawt mai ula. S^wm vel kan nih chuan kan din thei mai ang. Once in two or three months? With Sunday evening meal? Phone# 9620958849.

Vol. XV Issue No. 26

Bangalore Mizo Association Pathianni Tin Chhuak Chanchinbu

Date: Sept 27, 2009

ZOFÂTE KHAWVÊL  Ningâni khân Mizo Zirlai Pawl chuan pawl 9 english zirlai a chapter pakhat ziak dik tawk loh nia an ngaih chu an pisa chung-ah an hal. Hetah hian Tripura chu khawchhak lama awm anga ziah niin Bangladesh chu chhim lama awm anga ziah a ni thung. Lushai hoin Lal an neih \anna chu pawiho an hlauh vang a ni a, Mizo puan chi hrang hrang zingah Kawrchei telh a ni, tih te a awm. He’ng bak pawh hi thil dik tawk lo nia ngaih tur engemaw zat a awm bawk a.  Tun Pathianni khan Silchar-ah Mizo pahnih chu ralthuam (bomb te pawh) engemaw zat an ken avangin Government Railway Police (GRP) te chuan an man.  Mizoram chanchina thil thleng lawmawmte zinga pakhat, mit \ha lote hnena mit thar pek (Corneal Transplant) chu nimin piah khan Aizawl Civil Hopitalah phai-lam doctor thiam hmangin hlawh-tling taka zai a ni  Sorkar laipuia Ministry of Mines hnuaia Geological Survey of India (GSI) chuan Aizawl, Mizoram chu India ram leilung lam thiamna tura mihring an chherchhuahna ber thin hmun 6 awm tawh bakah a hmun 7-na Field Training Centre (FTC) atan an rawn thlang fel ta.  Chief Minister Pu Lal Thanhawla hmalâknain India leh Bangladesh sawrkar chuan kawng hrang hranga ram pahnih inlaichinna thuah thuchhuah in\awm an siam tih Mizoram sawrkar thuchhuah chuan a târlang. HRIATTÎRNA:  Jubilee denchhena siam Pen (Rs.10/-), Jubilee mug (Rs.150/-) leh lucky ticket (Rs.20/-), Oct 2-a vâwr tur, te a la awm a; kan treasurer Blessy (9844467685) hnenah a ngaihven theih e.  Jubilee closing (02.10.09) hi hun pawimawh tak nuam tur a nih angin tuma’n hmaih lo turin tun a\angin kan hunte lo siam rem ang u LÂWMTHU SAWINA: Vangpui Kut kan hman naah member zawng zawng te, chanvo chang zawng zawng leh mawhphurhna nei tura kan ruat zawng zawngte, hun hlu tak senga chanvo kan pekte min tih hlawhtlinsak avangin in chungah lawmthu kan sawi tak meuh meuh a ni. – BMA hruaitute.
“Hun (Football league) hlimawm tak, inlungrual taka hlawhtlinga kan hman zawh theih avangin engkim siamtu chung Pathian chu fakin awm rawh se.”
BMCF INKHAWM PROGRAMME DATE: 04.10.2009 Hruaitu : Dr.H.T.Sângliana. Tantu : Paul Lalchhanhima. Thawhlawm hlântu : Tawngtai rual. Thusawitu : Rinchâmliana. Special Number : Michael Lalchhuanliana.

CULTURAL ITEMS – Editor/Cultural Secy. Tûn \um chu thu leh hla lam han thlîr ila: Hriat Zâuna: Chanchinbu chhuak hmasa ber – Mizo chanchin Laisuih, 1898. Chanchibu nitin chhuak copy tam ber – Vanglaini. Lehkhabu chhut hmasak ber – Luka ziak, 1899. Hla thu \henkhatte: A khalhtu – A siamtu, a enkawltu. Awksaral pa – Pasal\ha, sa kâp thei. Changram – ram upa. Fiahfar - farnu.

ADVERTISEMENT: 3 Bedroom Flat \ha deuh mai, bathroom attached \heuh, kan nei. A duh chuan min han contact dawn nia. Phone#: 9620958849; 9535108983
Picture of the week

You're Reading a Free Preview

Download
scribd
/*********** DO NOT ALTER ANYTHING BELOW THIS LINE ! ************/ var s_code=s.t();if(s_code)document.write(s_code)//-->